مشاهدة النسخة كاملة : آدم أشرف السيد ادخله لغات ولا حكومي ولا ازهر (افيدوني)
عبقرينومان 22-02-2009, 08:46 PM السلام عليكم
انا محتار
آدم عنده 3 سنوات ونصف ومع بداية العام الدراسي الجديد بأذن الله يتم اربعة سنوات وهو سنة الحضانة (كي جي 1)
فانا محتار
قلت ادخله مدارس لغات خاصة أو مدارس تجريبي لغات
او ادخله مدارس لغات عربي او معاهد ازهرية او يعقد في البيت وبلاش تعليم
بس بجد انا فعلا محتار
لان في ناس بتقولي بلاش لغات علشان مش هيكون كويس في العربي والعربي هيكون عنده وحش وكلامه كله هيكون انجليزي
وناس تقولي لا خليه لغات لانه هيتعلم اكثر
وناس تقول الازهر احسن
وانتم اكيد ليكم اخوات وليكم ابناء خاضوا التجارب فانصحوني وانصحوا كل المقبلين على هذه المرحلة يعملوا ايه
وانت كطالب رايك ايه طالب لغات او عربي او ازهري
رب يستفيد الجميع من ارائكم
والله انا هقول رايي لحضرتك مش فارقة بجد في الكليات كله بيستوي
وفي ناس بتقول دخلوه لغات عشان مشكلة الانجليزي في الكلية لو دخل كلية قمة ان شاء الله ربنا يوفقه
بس انا رايي دخله عربي احسن
بجد مش فارقة
كله بستوي بعد كدا في الكلية
دا رايي المتواضع :)
بس ياريت تدخله مدرسة نضيفة كدا واسلامية
خاصة يعني لان صراحة المدارس الحكومي بقت وحشة جداااااااا
جمال سراج 22-02-2009, 09:36 PM السلام عليكم ورحمة الله
يا عم اشرف يا ابو ادهم اكيد انتا هتنفعنى وتدخله تجريبى لغات!!!!!
شوف اخى الكريم
تربويا كما تعلمت فى السيكولوجى انه من الخطا ان يتعلم الطفل لغة ثانية قبل ان يتقن اللغة الام (العربى)
ولكن للاسف الشديد اصبح الطفل مشتتا بين
اك
ثر من لغة ربما عربى وانجليزى وربما فرنساوى كمان او حتى ايطالى احيانا
انا بجد مش عارف هو احنا ولادنا خلاص الظاهر انهم مولودن عباقرة اليومين دول
المهم بالنسبة للمتاح حاليا
المدارس التجريبية لغات من افضل المدارس بس بشرط اخى الكريم
الاهتمام
باللغةالعربية اهتمام خاص وايضا التربية الاسلامية اهتمام خاص حتى عشان ربنا ميحسبناش على التقصير لان احنا كلنا لله فيجب ان يكون التعليم هدفه هو التعرف على الله وانا نفسى ايضا يعلموا دين بالانجلش فى مدارس اللغات زى ما بيحصل بره شفت كدا فى السعودية مثلا
واعتقد ان علم الدين من العلوم اللى المفروض الانسان يتعلمها حتى للعبادة وهو دا المقصود من حديث رسول الله صلى الله عليه وسلم(طلب العلم فريضة على كل مسلم ومسلمة)- يعنى مش شرط نكون فى الازهر عشان نتعلم دين
فى النهاية دى وجهة نظرى المتواضعة باختصار
بارك الله لك فى ادهم واقر به عينك
وبارك الله للجميع فى اولادهم
وتقبل مرورى وايضا تحياتى
جمال سراج 22-02-2009, 09:42 PM اتمنى تكون وصلت الفكرة ان شاء الله
M.Sherif 22-02-2009, 09:55 PM عليك بالمكان الذي سيتعلم فيه دين ربه و قرانه و سنة نبيه
{ والباقيات الصالحات خير عند ربك ثوابا وخير مردا }
تبقا كسبت فيه ثواب
جانب هام و اساسي
ثم بعد ذلك تفكر في اي علم اخر
**تسابيح** 22-02-2009, 10:01 PM أنا رأي الأول توديه الكتاب (اللي بيحفظ فيه القرآن مالعربي بتشكيل)صدقني كدا هيتأسس صح في اللغة العربية
وهيبقي متميز فيه بإذن الله وكمان هيكون حافظ كتاب ربنا
وبعد كدا مسألة المدرسة دي مش مشكلة لان لما هتدخله اش شيء هيستفيد منه بس الأزهري احسن وبعدين بيهتموا بالدين وكمان العلوم اللي في المدارس العادية اما المدارس اللغات ممكن الولد يتأثر بالتفكير الاجبني واحنا عايزين حد يدافع عن الاسلام بجد
بجد بجد اسمه تحفه ربنا يخليهولك يارب
دا رأي ان شاء الله يفيد البلد ودينه
the black rose 22-02-2009, 10:06 PM انا بقى اللى احترت ارد ولا لاء
المهم اولا المدارس العربى مشكلتها ان العدد كبير فى الفصول
ثانيا المدارس التجريبى ( انا بتكلم عن تجربتى ) عدد الفصول قليل
و العربى عندى كويس والله مش ماثرة
شوف انت المدارس اللى عندكوا نظامها ايه
عبقرينومان 22-02-2009, 10:11 PM بجد بشكر كل الآراء
ومحتاج المزيد من الآراء تنفعني انا وغير من أولياء الأمور
new heart 22-02-2009, 10:15 PM اقول لحضرتك
لو فيه مدرسه أزهر لغات عندكوا تبقى حلوة اوى
عندنا مدراس كده وبكده بتجمع بين الاتنين
لو مفيش بقى
يبقى دخله تجريبى وبجد اللغه هتنفعه جامد
ده عن تجربة انا وأخى لحد ثانوى كملنا لغات
والعربى بتاعنا عادى مش وحش ولا حاجه
واللغه بتنفع جامد فى الكليه او فى اى مكان
اوركيديا 22-02-2009, 10:29 PM انا رايي يعنى حضرتك دخله لغات
حتبقى لغته كويسه فعلا و انا حاسه بالفرق ده
بس ياريت تبقى المدرسه مسلمه يعنى مش مسيحيه
عشان الاهتمام شويه بالجانب الدينى
اما لو فيه ازهر لغات حيبقى كويس جداااا
:)
ده رايي يعنى عن اللى حصلى
:romarioxp6:
فى رعايه الله
thechampion 22-02-2009, 10:43 PM انارايى يدخل مدرسة خاصة عربى مش لغات
dream2 22-02-2009, 10:52 PM عربى خاص
ويدرس اللغات كمستوى رفيع
ويحبذا لو مدرسه اسلاميه تحفظ القرآن الكريم
وبشهادة الجميع فى كليات القمة
التى تدرس بالانجليزيه
لا يفرق خريجى اللغات من خريجى العربى
المواد باللغات بقيت عبئ على الطالب والاسرة
مثل العلوم والرياضيات
وربنا يخلى لك آدم
ده على اسمى ابنى:)
المدارس الخاصة الاسلامية الاعداد فيها مش كتير ولا حاجة
المدارس التجريبية واللغات وكدا بيكون في انفتاح فيها شوية وموسيقى ومش عارف ايه
انا رايي مدرسة خاصة اسلامية عربي :)
الاسلامية الخاصة بيهتموا بالدين وبالصلوات وبيعلموا الطفل انك لازم تصلي وفي فسحة اسمها فسحة الصلاة
والصبيان بيشددوا عليهم جامد
الكلام دا كان في مدرستي
وكمان كانوا بشددوا على البنات
بس طبعا الصبيان اكتر عشان صلاة الجماعة فرض عليهم
ومش في موسقى طبعا
ربنا يوفقك للخير يا استاذ اشرف ويوفق ابنك
عبقرينومان 23-02-2009, 05:14 AM تعرفوا بعد كل الاراء دي انا احترت اكثر
ولكننا نريد المزيد من هذه الاراء اللي انا استفدت منها
وبكدا هحاول جاهدا البحث عن مدرسة اسلامية لغات
ونريد المزيد من الاراء لعلى الله ينفع الجميع بآرائكم
وشكرا للجميع بجد على الاراء الطيبة الفعالة
mR . mOstafa Fathi 23-02-2009, 05:25 AM ممكن تدخله مدرسة تجريبة
وفىى نفس الوقت تحفظ قرران
M.Sherif 23-02-2009, 05:34 AM الاسلامية الخاصة بيهتموا بالدين وبالصلوات وبيعلموا الطفل انك لازم تصلي وفي فسحة اسمها فسحة الصلاة
رائعة جدا المدرسة دي
ان شاء الله لما اتجوز و اجيب عتريس مش هفكر غير فيها ان شاء الله
ايه رأيك يا ادم؟
جمال سراج 23-02-2009, 07:40 AM رائعة جدا المدرسة دي
ان شاء الله لما اتجوز و اجيب عتريس مش هفكر غير فيها ان شاء الله
ايه رأيك يا ادم؟
خلص بقا يا شريف واتجوز
وجيب عتريس ومتحملش هم بعد كدا ان شاء الله
عبقرينومان 23-02-2009, 10:56 AM رائعة جدا المدرسة دي
ان شاء الله لما اتجوز و اجيب عتريس مش هفكر غير فيها ان شاء الله
ايه رأيك يا ادم؟
والله الفكرة مش وحشة وهي في الدماغ فعلا
وربنا ييسر وتجيب عتريس شريف
احمد رضا 23-02-2009, 12:12 PM السلام عليكم ورحمة الله وبركاته
هههههههههههههههه لاء ياعبقر يقعد ف البيت ايه
مش دايما كل واحد دخل أزهر طلع كويس يعني
ولا كل واحد دخل مدرسة لغات بقي أفاق
انا من رأيي تدخله مدرسة لغات وتبقي معاه بصفه مستمرة
انك تحفظه القرآن الكريم وتعلمه أصول دينه
لان ده واجب عليك مش واجب علي المدرسة
ويبقي كدا الولد جامع بين الاتنين الثقافة واللغة
والدين والاخلاق
وعلي فكرة اللي بيجمع بين دول بيبقي إنسان عبقري
صدقني والله
ربنا يخليهولك ويوفق الجميع
CoMMaNdo 23-02-2009, 12:20 PM ممكن ازهر بس لغات
ونشوفه وزير اد الدنيا ان شاء الله
ربنا يخليه لحضرتك
ممدوح مصطفى الانصارى 23-02-2009, 12:32 PM انا لى ابناء فى النوعيات الثلاثة
(الازهر الشريف /مدارس الحكومة/مدارس اللغات)
وعن تجربة خاصة وبناء على النتائج
اقـــــــــــــــول ترشيحاتى للاولويات .
1- الكتاب (مكتب تحفيظ القران الكريم) من عمر 3سنوات .
ثـــــــــم
2- الازهر لغات .
3- الازهر عادى .
4- مدارس لغات .
5- مدارس حكومة .
وربنا يبارك لحضرتك فى اولادك
السلام عليكم ورحمة الله وبركاته
هههههههههههههههه لاء ياعبقر يقعد ف البيت ايه
مش دايما كل واحد دخل أزهر طلع كويس يعني
ولا كل واحد دخل مدرسة لغات بقي أفاق
انا من رأيي تدخله مدرسة لغات وتبقي معاه بصفه مستمرة
انك تحفظه القرآن الكريم وتعلمه أصول دينه
لان ده واجب عليك مش واجب علي المدرسة
ويبقي كدا الولد جامع بين الاتنين الثقافة واللغة
والدين والاخلاق
وعلي فكرة اللي بيجمع بين دول بيبقي إنسان عبقري
صدقني والله
ربنا يخليهولك ويوفق الجميع
صح يا احمد هو دور البيت
بس خلي بالك الطفل او الواحد يعني لما بيدخل المدرسة نص يومه تقريبا او اكتر بيكون فيها
يعني بيتأثر بالجو المحيط والمدارس اللغات فيها اختلاط وكدا
يبقى لازم يكون حواليه صحبة طيبة برده تشجعه
او جو مليان التزام ودين فاهم قصدي ؟؟
عموما ربنا يوفقه
يعني لو مش لاقيت مدارس لغات اسلامية يا استاذ اشرف
يبقى مدرسة خااااصة اسلامية عربي
دا رأيي المتواضع
لكن مدرسة خاصة لغات مش اسلامية مش انصحك ابدااا
وزي ما قلت لحضرتك في الكلية كله بيستوي اللغات وغير اللغات ومش بيفرق في المستوى ابداااااا
Not Allowed 23-02-2009, 12:43 PM انا من رأيى مدرسة لغات بس تكون مش مسيحية يعنى
علشان مدرسة اللغات بتخلى الاطفال ميحملوش هم اى لغة لما يكبروا
تبقى من صغرة احسن
بس برضوا متكونش مدرسة بتهمل اللغة العربية علشان ميطلعش متكبر علينا وكل كلامة انجليزى مثلآ لا النبى عربى
دة الحل الاول اما الحل الثانى مدرسة خاصة اسلامية مش لغات المهم ولا ازهر ولا مدرسة حكومية لو خايف علية علشان لما يكبر ميدعيش علينا هههههههه فنبعدوا عن المشاكل احسن
عمومآ دة رأيى وربنا يوفقك فأختيار الاحسن والانسب له
وفى الاخر ياريت تتقبل مرورى
لمى 2016 23-02-2009, 02:01 PM انا هقول لحضرتك على حاجة
هو طبعا زى ما هند قالت
ان فى الكليات كله بيتساوى
بس لو حضرتك عايز تدخله مدرسة و تكون كويسة
فيه مدارس ازهرية
بس لغات بردو
انا ابن خالى فى مدرسة من المدارس دى
و هو ما شاء الله
بيصلى و بيصوم
و بيحفظ قرآن ما شاء الله عليه بجد
المدارس دى رهيبة
انما احنا عندنا
انا فى مدرسة انترناشيونال
هى احسن كتييييييير من اللغات العادية
بس فلوسها كتير شويتين تلاتة
و انا لو من حضرتك
هدخل ابنى المدارس الازهرية اللى هيا بتاعة اللغات دى
و هاحفظه انا قرآن
رغم انهما بيحفظوهم فى المدرسة
ربنا يوفقه يا رب
مستر احمد يحيى 23-02-2009, 05:51 PM استاذى الفاضل
انا بنتى هدير ستدخل المدرسه العام القادم
واستقر راىعلى احد المدراس الخاصه
حيث التعليم الجيد
والاهتمام بتحفيظ كتاب الله
وتعليم الصلاه فى اوقاتها
اظن كده انا اعطيت راى
لو فيه مدرسه فى الفيوم بها نفس المواصفات
يبقى على بركه الله
وعلى الله قصد السبيل
زهرة الياسمين 03-03-2009, 12:24 AM يا استاذ اشرف انصحك بمدارس الأزهر الخاصه
لانه بيكون فيها اهتمام اكتر بالطالب وكمان مدرسه
اسلاميه هايدرس فيها المواد لشرعيه كلها
وهايحفظ القران وكمان هايتعلم الاخلاق الجميله فيها
ده رايى المتواضع وربنا يحفظهولك ويبارك فيه ويجعله قرة عينك
محمد على ابوزياد 13-06-2009, 06:18 PM جزاكم الله خيرا وجعلة الله فى ميزان حسناتكم
anwr6 13-06-2009, 10:03 PM انا عندى نفس المشكلة وياريت تقول على عناوين المدارس الازهرية لغات ومواعيد التقديم والشروط للقبول افادكم الله مع العلم ابنى عندة 5 سنين
Amethyst 13-06-2009, 10:14 PM حرام عليكم
دفنتوا المواضيع الجديدة
و طلعتو القديمة
|