|
مشاهدة النسخة كاملة : أحياء ولا كيمياء فى 2 ثانوى milo.mohamed 01-03-2009, 02:37 PM لو سمحت من كل الطلبة والمدرسين ، عندى سؤال ورجاء محيرنى جدا أختار أحياء ولا كيمياء فى 2 ثانوى ياريت اللى يرد يقول لييه وهل ده كان مريحه فى المذاكرة ولا لأ ؟ وشكراَ ليكم كلكم ............. milo.mohamed 04-03-2009, 09:44 PM يا جماعة مفيش حد عاوز يقول رأيه ولا إيه Mohamed Ezz 05-03-2009, 12:53 PM الكيمباء فى ثانيه والاحيلء فى ثالثه محمد(o) 06-03-2009, 01:46 AM انا اخترت كيمياء milo.mohamed 06-03-2009, 07:02 AM شكرا للمحمدين على الرأى الظاهر إن فى إجماع على الأحياء فى ثالثة و الكيمياء فى تانية حتى فى قسم الأحياء همسة طير 21-03-2009, 07:11 PM انا اخدت كيمياء عشان من رأيي ان الكيمياء والفيزياء مع بعض في تالته تكون صعبه حبتين milo.mohamed 29-05-2009, 08:08 PM يا جماعة ممكن تردوا ممكن كل واحد يقول المادة. من ناحية إيه؟ إيه السبب؟ جدول الإمتحانات ولا سهولة المذاكرة مع الفيزياء ولا المذاكرة لوحدها. ممكن الردود maryam.s 30-05-2009, 05:57 AM اكييييد احياء فى تانية وهتبقى فاضيلها هى وبس لان الباقى عادى وكمان جدولها مريح جدا يعنى انا السنة اللى فاتت كان عندى ادام الاحياء 9ايام بالتمام وكمان صعبة قوى فيزيا واحياء ده الاتنين محتاجين اهتمام ووقت لى نعم انا عندى يوم واحد ادام الكيميا السنة ديه بس عشان انا واخدة علم نفس يعنى صاحبتى عندها زى اللى كانوا فى تانية واخدين كيميا اربع ايام عشان هى واخدة اقتصاد واحصا بس اكيد انا بعترف ان من احسن القرارت اللى خدتها فى حياتى انى استريحت فى تالتة عشان خدت احياء فى تانية على الرغم من ده شال احتمال انى ادخل رياضة اللى بموت فيها بس طبعا ده يرجع للمستوى وتنظيم الوقت فى الاول والاخر الاستاذ/ وائل الدسوقي 30-05-2009, 11:36 AM لو سمحت من كل الطلبة والمدرسين ، عندى سؤال ورجاء محيرنى جدا أختار أحياء ولا كيمياء فى 2 ثانوى ياريت اللى يرد يقول لييه وهل ده كان مريحه فى المذاكرة ولا لأ ؟ وشكراَ ليكم كلكم ............. ahmedxp9 30-05-2009, 12:21 PM الكمياء قسم والاحياء قسم أخر خالص يعنى لو عايز طب وكلام من دة يبقى احياء لكن لو عايز هندسة وكدة يبقى كمياء milo.mohamed 30-05-2009, 06:58 PM الكمياء قسم والاحياء قسم أخر خالص يعنى لو عايز طب وكلام من دة يبقى احياء لكن لو عايز هندسة وكدة يبقى كمياء يا صاحبى الكيمياء ثابتة فى القسمين رياضة وعلمى milo.mohamed 30-05-2009, 07:09 PM اكييييد احياء فى تانية وهتبقى فاضيلها هى وبس لان الباقى عادى وكمان جدولها مريح جدا يعنى انا السنة اللى فاتت كان عندى ادام الاحياء 9ايام بالتمام وكمان صعبة قوى فيزيا واحياء ده الاتنين محتاجين اهتمام ووقت لى نعم انا عندى يوم واحد ادام الكيميا السنة ديه بس عشان انا واخدة علم نفس يعنى صاحبتى عندها زى اللى كانوا فى تانية واخدين كيميا اربع ايام عشان هى واخدة اقتصاد واحصا بس اكيد انا بعترف ان من احسن القرارت اللى خدتها فى حياتى انى استريحت فى تالتة عشان خدت احياء فى تانية على الرغم من ده شال احتمال انى ادخل رياضة اللى بموت فيها بس طبعا ده يرجع للمستوى وتنظيم الوقت فى الاول والاخر عارف أنا شوفت جدول السنة دى أنا موادى: كيمياء أحياء فيزياء إقتصاد وإحصاء milo.mohamed 30-05-2009, 07:10 PM بس كيمياء و فيزياء و إحصاء محتاجين حل فهيبقوا صعبين مع بعض Designer.EnG 30-05-2009, 08:44 PM لو انت عاوز كليات المجموعة الطبية أحياء فى تانية هتريحك جداً فى المذاكرة لو انت عاوز كليات مجموعة الهندسة يبأه طبعا كيمياء فى تانية عشان انت مش هتأخذ أحياء وده بشكل إجبارى mratef 30-05-2009, 10:33 PM أولا انا رايي ان دة واقف علي مستوي الطالب وميوله وبعدين الكيميا في تانية افضل لان كدة يبقي عندك احتمالين في تالتة احياء او رياضة لو ماجبتش المجموع اللي يخليك تكمل في مجموعة الطب BahyTaha 31-05-2009, 11:27 AM اكييييد احياء فى تانية وهتبقى فاضيلها هى وبس لان الباقى عادى وكمان جدولها مريح جدا يعنى انا السنة اللى فاتت كان عندى ادام الاحياء 9ايام بالتمام وكمان صعبة قوى فيزيا واحياء ده الاتنين محتاجين اهتمام ووقت لى نعم انا عندى يوم واحد ادام الكيميا السنة ديه بس عشان انا واخدة علم نفس يعنى صاحبتى عندها زى اللى كانوا فى تانية واخدين كيميا اربع ايام عشان هى واخدة اقتصاد واحصا بس اكيد انا بعترف ان من احسن القرارت اللى خدتها فى حياتى انى استريحت فى تالتة عشان خدت احياء فى تانية على الرغم من ده شال احتمال انى ادخل رياضة اللى بموت فيها بس طبعا ده يرجع للمستوى وتنظيم الوقت فى الاول والاخر صباح الفل عليك يا صاحبى و على الآنسه اللى بتقول كلام زى الفل دى .. بص يا سيدى لو انت ناوى على المجمزعه الطبيه يعنى مش بتفكرفى هندسه أصلا ولا حتى فى ابعد ابعد الاحتماالات انك تدخلها يبقى عليك بالأحياء فى تانيه بس يستحسن انك متخدعش نفسك يعنى تشوف هتقدر عليها ولا لأ ؟ لأن طالب تانيه ثانوى بيبقى عايش الدنيا وردى و جميله فالكيميا للطلبه العاديين بتبقى مريحه إنما الأحياء محتاجه حد عنده أعصاب وتحمل ( و الله ما بهرج ) فأنت أكتر حد يقدر يحدد تستحمل ولا لأ هتقولى طيب و ليه الأحياء متبقاش فى تالته .. هقولك ليها ميزة و ليها عيب .. الميزه انك بتبقى فى الأمان (( لو انت من بتوع و لمجتش طب يبقى هندسه )) انك تبقى فى الأمان و العيب انك بتركن الأحياء لماده بسم الله ما شاء الله اللهم لا حسد حلوة و لذيذ و ظغنونه (( انا مش بعقدك اهو )) اسمها الفزيا اللى هى يا صديقى بعبع الثانوية العامة أو الثانوية العايمة إن صح التعبير ! فى الأول و فى الأخرالقرار قرارك ( إن كنت بتاخد قراراتك مع نفسك ) و أكيد هتشارك أهلك قرارك بس صدقنى يا صاحبى انا خدت الاحياء فى تانيه و توكلت على الله و كنت موقن انى عارف انا بعمل ايه و هشيل مسؤيلة اللى انا عملته لوحدى .. لو قلبك جامد و انت من العيال الراسيه .. خد الأحياء فى تانيه و متترددش لو لأ منصحكش بس صدقنى انا مفتقد الأحياء جدا جدا milo.mohamed 02-06-2009, 06:33 AM آراء الناس كده كلها تقريبا واحدة أحياء فى تانية لو إنت علوم حتى النخاع وواثق من مجموعك(صعبة؟!) علشان تذاكرها كويس و متدخلهاش مع الفيزياء ( بس الكيمياء مع الفيزياء مع الإحصاء مش صعبين شوية علشان كلوا حل؟! هنحل إيه ولا إيه؟!) كيمياء فى تانية لو لسه مش واثق من القسم بتاعك ( لو مش طب يبقى هندسة؟!) علشان تبقى فى الأمان بس سؤالى بس مش مذاكرة الفيزياء مع الكيمياء صعبة حبتين؟! وفى النهاية كلوا توفيق من ربنا واللى ليه نصيب هياخدوا أنا قلت أسألكوا علشان فى المدرسة الطلاب كل واحد ورأيه والمدرسين كل واحد بيقول اللى يفيدوا ( ناخد معاه دروس يعنى) الفيزياء مش هامه معاه ، والكيمياء بيقول فى تانية ( علشان لو أحياء و مجبناش مجموع هيبقى أدبى مفيش كيمياء ، والأحياء بيقول برده فى تانية (علشان لو مجبناش مجموع هنحول رياضة ومفيش أحياء) artistgirl 03-06-2009, 12:23 AM أنا عن نفسى هاخد كيميا ف تانيه ان شاء الله بس هى معروف ان الاسهل انك تاخد الاحياء فى تانيه بس انتا تاخد كيميا على اساس لو الامتحانات جت صعبه او كده تحول علمى رياضه milo.mohamed 05-06-2009, 10:04 AM شكرا ليكى على رأيك شحات شفيق 07-06-2009, 11:32 AM الأختيار حسب ميول كل طالب 1 - فمثلا الطالب الذى له ميول أدبية يختار المواد الأدبية مثل التاريخ وعلم النفس والفلسفة ..... الخ بجانب مادة علمية مثل الكيمياء أو الفيزياء أو الأحياء أو الجيولوجيا وعلوم البيئة ..........الخ 2 - فمثلا الطالب الذى له ميول رياضية يختار المواد العلمية مثل الكيمياء و الفيزياء ورياضة 2 بجانب مادة أدبية مثل علم النفس أو الفلسفة أو التاريخ ..........الخ 3 - فمثلا الطالب الذى له ميول علمية ( علوم ) يختار المواد العلمية مثل الكيمياء و الفيزياء والأحياء بجانب مادة أدبية مثل علم النفس أو الفلسفة أو التاريخ .......... الخ ملاحظة : اختيار الطالب يتوقف على الكلية التى يرغبها إذا كان طالب فاهم هو عايز أية وهدفه أية . كما نلاحظ أن المادة التى أشتركت فى الثلاثة اختيارات هى الكيمياء ومن أجل ذلك نقول لطالب اختار الكيمياء فى الصف الثانى أما فى الصف الثالث فلك حرية تغير أى مادة . لأن من الصعب أخذ الكيمياء والفيزياء والأحياء فى الصف الثالث . ahmedxp9 11-06-2009, 02:46 AM طيب يا جماعة انا كدة إتشقلبت دماغى أنا راجل نفسى فى هنددسة ومش بعرف احفظ اوى وبحب الحمد لله الرياضة ابقى اخذ اية فى ثانية واية فى ثالثة يعنى أخذ كمياء ولا أحياء فى ثانية ارجوا الرد بس اللى انا اعرفة ان الاحياء مليانة حفظ مليانة اية دى كلها حفظ تقريبا سيد عثمان 11-06-2009, 09:31 AM طيب يا جماعة انا كدة إتشقلبت دماغى أنا راجل نفسى فى هنددسة ومش بعرف احفظ اوى وبحب الحمد لله الرياضة ابقى اخذ اية فى ثانية واية فى ثالثة يعنى أخذ كمياء ولا أحياء فى ثانية ارجوا الرد بس اللى انا اعرفة ان الاحياء مليانة حفظ مليانة اية دى كلها حفظ تقريبا طالما أنت عايز هندسة يبقى مفيش أحياء خالص لا سنة تانية لاثالثة وماعليك إلا أن تختار كيمياء في سنة تانية ورياضة 2 في سنة ثالثة عادل ربيع 11-06-2009, 07:03 PM الكمياء فى 2/ث افضل لسببين :- علميا فى 3/ث ح يكون معاك مادتين مختلفتين فيزياء ( فهم ) و أحياء ( حفظ ) دراسيا الكيمياء تصلح لكل الاقسام ( ازاى ؟ ) 1 - اذا حصلت عل 95% فأكثر تكمل علمى علوم فيزياء و أحياء فى 3/ث 2 - اذا حصلت عل 90% - 95% تكمل علمى رياضة فيزياء و رياضة (2) فى 3/ث 3- اذا حصلت عل أقل من 90% تكمل أدبى و تحسب الكمياء مكان الجيولوجيا وللعلم الطالب اللى معاه أحياء فى 2/ث مينفعش يحول أدبى milo.mohamed 11-06-2009, 09:33 PM الكمياء فى 2/ث افضل لسببين :- علميا فى 3/ث ح يكون معاك مادتين مختلفتين فيزياء ( فهم ) و أحياء ( حفظ ) دراسيا الكيمياء تصلح لكل الاقسام ( ازاى ؟ ) 1 - اذا حصلت عل 95% فأكثر تكمل علمى علوم فيزياء و أحياء فى 3/ث 2 - اذا حصلت عل 90% - 95% تكمل علمى رياضة فيزياء و رياضة (2) فى 3/ث 3- اذا حصلت عل أقل من 90% تكمل أدبى و تحسب الكمياء مكان الجيولوجيا وللعلم الطالب اللى معاه أحياء فى 2/ث مينفعش يحول أدبى ينفع يحول أدبى بس مينفعش يحول علمى رياضة milo.mohamed 11-06-2009, 09:34 PM شكرا ليكم جميعا على الآراء عادل ربيع 12-06-2009, 10:57 AM ينفع يحول أدبى بس مينفعش يحول علمى رياضة مينفعش يحول أدبى لأن لطالب الادبى مادة علمية من ( الفيزياء - الكيمياء - الجيولوجيا - الرياضيات 2 ) خد بالك الاحياء مش فيهم milo.mohamed 13-06-2009, 11:52 AM مينفعش يحول أدبى لأن لطالب الادبى مادة علمية من ( الفيزياء - الكيمياء - الجيولوجيا - الرياضيات 2 ) خد بالك الاحياء مش فيهم بس أنا أعرف إنك لو أخدت أحياء وحولت هتصبح علمى متأدب إنما رياضة المواد العلمية اللى فيها كيمياء وفيزياء و رياضة2 ومستحيل أحياء mizotiger 23-06-2009, 08:44 PM اقولك رأيى بصراحة من الافضل لك ان تغير مسارك من الثانوى الى الصنايع mizotiger 23-06-2009, 08:51 PM بهزر معاك و متزعلش منى |