بسم الله الرحمن الرحيم ..

ندخل في الموضوع على طول ..

الاستاذ مصطفى - مع احترامي له - بيقول ان برا في تعليم الساعة بكذا دولار ..

يااستاذي الفاضل لماذا تنظر للعالم الخارجي بهذه النظرة ..

احنا عندنا هنا اللي عاوز يتعلم لازم يكون معاه فلوس يصرفها على الدراسة .. ليه ؟؟

يعني اللي معهوش فلوس ميلزمهوش ليه؟؟ ملهوش حق يتعلمـ ؟؟ يعني لو اب عنده 3 اولاد غير متعلم

وبيشتغل في مهنه حرفية ويتقاضى مرتب 450 في الشهر وعايز عياله يخدوا حقهم من التعليم اللي اتحرم

منه هو يعمل ايه ( ينتحر ) ..

والله انا قابلت شاب في عز شبابه شغال سائق ميكروباص فسالته انت معاك ايه من الشهادات قالي انا ممعيش

ولا شهادة حتى الابتدائيه مخدتهاش قلتله ليه؟؟ قالي اعمل ايه ابوي عنده 6 اولاد وبياخد 20 جنيه في اليوم

هيصرف علي ولا على اخواتي ولا على البيت ولا على التعليم ..

وبدا في البكاء _ شاب يبكي وهو عنده 21 سنة لييييييييييييييييييييه ؟؟؟؟

سالته انت بتبكي ليه ؟؟

قالي ابكي على حرماني من التعليم ... كان نفسي في يوم من الايام ان اكون محاميا او مهندس ولكن ..!!

_ _ _ _


هذا واحد من بين الاف متعلموش ..

وياريتهم سيبنهم في حالهم على كلامه مفيش ولا يوم بيعدي الا ويتسحب منه الرخص وغرامات بدون اسباب

مقنعه ..

________


لا اريد الاطاله عليكمـ ..؛

واكرر مع احترامي الشديد للاستاذ الفاضل مصطفى ..

تقبلوا تحياتي ..؛

I agree totally with you

ياريت الرد علي الموضوع دة يتثبت شكل الموضوع التاني اتثبت

أستاذى الفاضل

لتسمح لى بإيجاز ايضاح وجهة نظرى فى الموضوع

أنا شايف بصراحة و بموضوعية ان الحال و هو كدة منيل بنيلة

مجانية التعليم دى دلوقتى استفدنا منها بإيه .؟؟

هتقولى الشباب اتعلم

كويس

ميل على ودن مهندس كدة و قوله عمارة 10 أدوار

فيها 12 عمود نحط فى كل عمود كدة حديد ايه ؟

شوف كام فى المية من المهندسين هيجاوبك على أهيف سؤال

بلاش

واحد يحمل ليسانس آداب انجلش - زى اللى انا نفسى اخده ده -

و تعالى إسأله قوله آداة الشرط if تحتمل كام حالة

هيقولك الزيرو و الأولى و الثانية و الثالثة

زيه زى طالب ثانوى بالظبط

هو ده التعليم اللى انت عاوز الناس يبقى ليها حق فيه

و الدولة - على كلامها طبعا اللى ما يدخلش ذمتى بربع جنية ( بس ده الواقع ) -

بتقول انها مش قادرة تصرف على التعليم

لأن التعليم بجد عشان يبقى تعليم صح زى مخاليق ربنا

محتاج ميزانية هلامية لتحقيق ده

فالحل ان التعليم يبقى بمبلغ رمزى

بس مش ربع جنية فى السنة

بيتهيألى مثلا لو أصبح الطالب الجامعى على سبيل المثال

يدفع 1000 جنية فى السنة

هنقدر نطور الجامعات و نبنى مدرجات و نجيب ناس من بره تدى كورسات مدعمة

و نقدر اننا نعمل معامل محترمة و نتطور

هتقولى طب فيه ناس مش معاها 1000 فى السنة

أقولك لا .... أى واحد بيتعلم النهاردة بياخد دروس و بيجيب مذكرات بأكتر من 3000 جنية فى السنة

و لو دفعهم للمدرسة و المدرسة طورت الوسائل و تحسن أداءها مش هيحتاج الدروس

و لو يا سيدى فعلا مش قادر وزارة التضامن موجودة و فعالة فى الابحاث الاجتماعية و كدة

و الجمعيات الأهلية موجودة برده مفيش مشكلة و تشكل هيئة رجال أعمال لكل محافظة و يتعمل صندوق للتعليم

مفيش مشكلة


طولت عليك انا عارف و انا بحترم وجهة نظرك جدا بس بختلف معاها و دى وجهة نظرى

و ما تزعلش منى لما اقولك

خلينا واقعيين

نص مليون طالب يتخرجوا من التعليم بالنظام اللى انا بقول عليه ده و فاهمين و على مستوى

أحسن بمراااااااااااااااحل من إن يكون عندى

مليون طالب خريج من التعليم المجانى مش فاهمين أى حاجة فى الزلابيا