هانونا يابا وقال ايه بيهنونا
جابلنا كادر كبير ميت تلاف جنية
زي التلامذة رسونا
على تخته وقعدونا
وورقة مغلوطه مسكونا
وعيال من دور عيلنا بيرقبونا
وقال ايه ممكن ينجحونا
وكمان ممكن يسقطونا
ودا كله ليييييييييه
عشان ميت تلاف جنيه
هههههههههههه هييييييه
دي مكنتش ميت جنية
ذلينا بيها على ايه
طيب دي توازي زيادة ايه ولا ايه
الطماطم ولا الحديد ولا الدهب يا بيه
دا حتى الفول معدناش قادرين عليه
ولا الشاي اللي كوبايته بئه بجنيه
والمواصلة اللي كانت بربع بئه كمان بجنية
طيب الميت جنية هتعمل ايه
وقال ايه بيهنونا
والله الواجب تعزونا
مهانة وهنتونا
وقدر وبخستونا
وهيبة ومرمطونا
وفي نظر التلامذة رخصتونا
فينك يا شعرنا الهمام
ياللي قولت
قم للمعلم وفيه التبجيلا
كاد المعلم أن يكون رسولا
النهاردة اتبدل البيت وبئه
قم للمعلم وفيه التوبيخا
كاد المعلم أن يكون طبيخا

خاطرة موفقة تحمل همومنا كمعلمين
اهلا وسهلا بحضرتك
وننتظر المزيد من المشاركات الجميلة .

فعلا تعبير صادق عن واقع مؤلم

اشكركم لمروركم الكريم

السلام عليكم

اسف ولكني اعترض معاك في كثير من الافكار

العلم والتعليم للمعلم وللطالب

فكرة التطوير في حد ذاتها افضل بكثير من الجمود الذي يودي الي الجهل

ولازم المعلم يعلم تلاميذه ان العلم لايقف بل مستمر باستمار الحياة

وفي النهاية ده راي اوعي تزعل بس انا عجبني موضوع الامتحان

السلام عليكم

اسف ولكني اعترض معاك في كثير من الافكار

العلم والتعليم للمعلم وللطالب

فكرة التطوير في حد ذاتها افضل بكثير من الجمود الذي يودي الي الجهل

ولازم المعلم يعلم تلاميذه ان العلم لايقف بل مستمر باستمار الحياة

وفي النهاية ده راي اوعي تزعل بس انا عجبني موضوع الامتحان


اتفق معاكى لو تم هذا الموضوع بطريقة تحافظ على كرامة المعلم
لكن بهذه المسخرة التى تمت
فلا والف لا

أشكرك على الأبيات الجميلة .......

شكرا جزيلا

كلام معبر عن واقع مؤلم

مشكور اخي الكريم

اختلف تماما
1- هذا لا يسمي شعر و لا نثر و لا يوجد به ايه جماليات و صور ولا ولا ولا.......
2- الزياده الماليه قليله و لكنها ملموسه:040vk0:و لي عوده ال شاء الله

والله جميييييييييييييييييييييييييييييييييييييييييييييييي له