بسم الله الرحمن الرحيم
السلام عليكم ورحة الله وبركاته
بدون مقدمات كالعاده
اللي حصل الفترة اللي فاتت من مشاكل ومالى ذلك مفيش نقاش طبعا ف انه اثر ع المنتدى بكل من وما فيه
في ناس كتير مشيت من زمان وناس بتمشي وناس لسه هاتفكر تمشي وناس مكتوب لها المشيان بعد فترة وحجات جميلة جدا
طبعا المنتدى خسر حجات كتير
اعتقد من اهم الاسباب اللي كانت بتخلي الناس تمشي اما ان حد بيعمل كتير عشان المنتدى ويتعب ويجتهد وده اتقابل بعدم تقدير او باستهتار
او انه في حد اهانه واغفل كل الجهود اللي بيقوم بيها
او انه تعرض لاعتداء او هجوم من اطراف اخرى ع المنتدى ايا كانت الاطراف وايا كان نوع الهجوم
او انه مش عارف يتعايش مع الاضطرابات الفظيعة وعدم الاستقرارده
وطبعا اكيد في اسباب تانية انا جاهلة بها
ولنفترض
ايا كانت الاسباب
امال فين بقى الاصلاح والصبر والثبات على الحق والاصرار عليه والتفاؤل ومواجهه الواقع بواقع ومواجهه القدر بقدر والكلام العظيم اللي بنكتبه ف مواضيعنا وندخل نقول موضوع جميل وعندك حق ف كل كلمة جزيت خيرا وما الى ذلك بقىسبحان الله كله راح كده
ممممممم ممكن
طيب حاجة تانية كمان مهمة جدا للناس اللي بتقول انها سابت المنتدى عشان عزلهم عن العالم الخارجي
بمعنى الاسرة والاصحاب والدراسة والعمل والذي منه
سبحان الله
امال فين التوازن
معلش اسمحولي
حد يقولي بدل ماكنت اقعد سهران بالساعات ع المنتدى ومشاكله وحكاياته كنت اقيم ليلي افضل ده المنتدى كده بعدني عن ربي
برده فين التوازن
معاك حق
لكن الغلط مش ع المنتدى
الغلط عندك
انت اللي اخليت توازنك ولخبطت اسلوب حياتك
امال فين اعط كل ذي حق حقه
ماشي بتحب المنتدى وخايف عليه ونفسك تصلح فيه
جميل
لكن مش تصلح من ناحية وتخربها من ناحية تانية
اعط كل ذي حق حقه
صحيح كلنا نفسيتنا تعبت لكن كان يجي دورنا نقعد مع نفسنا ونفهمها ونوعيها كل حاجة لها وقتها ما اقعدش 15 ساعة ع المنتدى واروح لوظيفتي متاخر او انسى اسلم على ولادي
امال فين المثالية وفين المسلم المثالي
.ممكن ماحدش يوصل للمثالية عشان شوية صعبة
بس ممكن نقرب منها
ممكن حد يقوللي انا بدافع عن المنتدى باستماته كده ليه
لا مش بدافع
بس لاحظت ان في حاجة من مجرد وجهه نظري انها اتحسبت غلط وحبيت اوضحها
اعتذر عن الاطالة

انا كمان احب اوضح حاجة لما تتخنقي من مكان و مش قادرة تستني فيه هتعملي ايه غير انك هتمشي ؟؟؟
ولما اكون بحب المكان وقادرة ادي فيه واصلح فيه ومطلوبه فيه اسيبه
؟؟؟؟؟
هي دي المواجهه

هههههههههههههه المنتدي بقي مجنون ياجدعان
رد شريف المقتبس في رد هند قبل رد شريف يعني هند قريت أفكار شريف وردت عليها
عبال ما هوا كتب الرد
الموضوع كبير كبير
:d
انا صراحة ً عمر ما المنتدي أثر عليا غير لما أشرف كان موجود
أشرف طار
مفيش تأثير تاتاتاتا
:d
صحيح يا شريف مفروض يبقي فيه سؤال بعد سؤالك
يتخنق من ايه ؟
لو يتخنق ان المنتدي فصله عن حياته
فهيبقي الغلط منه بردو
لو هيتخنق ان المنتدي أثر علي تفكيره
فهيبقي الغلط منه بردو
زي اللي بيشرب سجاير ويقولك دي دمرتلي صحتي
مهو الغلط منك من الأول
:d
انا عارف كل اللي هيتدخل يرد
ومخصوص بالكلام هيتدخل يرد بالإيموشن " :) "
أو هينسخ كلامي كوبي ويروح يفرجه ويقوله شوف ياعم احمد اللي كان بيقول للناس أمشوا
مع إني كنت بقول أمشوا عشان أشرف يبقي لوحده
:D
وهتلاقيه بردو يقوله شوف ياعم احمد اللي كان بيقول للناس نفضوا
اها فعلا ومازلت بردو بقول نفضوا " لو المنتدي بيأثر علي حياتكم يبقي لازم يتعمل توازن مش قادرين ع التوازن أسلم حل هو انك تسيبه "
يلا عالبركة
:D

أهلا وسهلا بكل نقاش هادف ونشجعه
تكلم من الان بكل حرية فلا يوجد موضوع مغلق او منقول الى المكرر او وقف
عضو عبر عن رائيه
انتقد صوت الحق لكى تنير له الطريق
ولا تخشى فى الحق لومة لائم

هههههههههههههه المنتدي بقي مجنون ياجدعان
رد شريف المقتبس في رد هند قبل رد شريف يعني هند قريت أفكار شريف وردت عليها
عبال ما هوا كتب الرد
الموضوع كبير كبير
:d
انا صراحة ً عمر ما المنتدي أثر عليا غير لما أشرف كان موجود
أشرف طار
مفيش تأثير تاتاتاتا
:d
صحيح يا شريف مفروض يبقي فيه سؤال بعد سؤالك
يتخنق من ايه ؟
لو يتخنق ان المنتدي فصله عن حياته
فهيبقي الغلط منه بردو
لو هيتخنق ان المنتدي أثر علي تفكيره
فهيبقي الغلط منه بردو
زي اللي بيشرب سجاير ويقولك دي دمرتلي صحتي
مهو الغلط منك من الأول
:d
انا عارف كل اللي هيتدخل يرد
ومخصوص بالكلام هيتدخل يرد بالإيموشن " :) "
أو هينسخ كلامي كوبي ويروح يفرجه ويقوله شوف ياعم احمد اللي كان بيقول للناس أمشوا
مع إني كنت بقول أمشوا عشان أشرف يبقي لوحده
:d
وهتلاقيه بردو يقوله شوف ياعم احمد اللي كان بيقول للناس نفضوا
اها فعلا ومازلت بردو بقول نفضوا " لو المنتدي بيأثر علي حياتكم يبقي لازم يتعمل توازن مش قادرين ع التوازن أسلم حل هو انك تسيبه "
يلا عالبركة
:d
اهلا وسهلا بفنان المنتدى

اسف تكررت المشاركة بدون قصد

اعتقد من اهم الاسباب اللي كانت بتخلي الناس تمشي اما ان حد بيعمل كتير عشان المنتدى ويتعب ويجتهد وده اتقابل بعدم تقدير او باستهتار
او انه في حد اهانه واغفل كل الجهود اللي بيقوم بيها


والله دى خلاصة سبب مغادرتى المنتدى
فى الفترة الاخيرة كان اهم واجبات المشرفين هو حذف ونقل وغلق الموضوعات
وقد نبهت على ان هذه التصرفات سوف تسيئ للمنتدى وعلى قوامة وحذرت معظم المشرفين على انه ليسة واجبات المشرف فقط هى الحذف والنقل والغلق !!!!
وذكرت لهم انها صلاحيات ذو حدين ولكنهم لم يبالوا ولم يفطنوا
وذكرت لهم ايضا بعض الواجبات وبعض التصرفات الذى يقوم بها المشرف وهى على سبيل المثال
1- تشجيع الاعضاء الجدد والمشاركة فى موضوعاتهم
2- لفت نظر الاعضاء الجدد للأخطاء الذى يقعون فيها فى رسائل خاصة وليس على الملأ احتراما لمشاعرهم وعدم احراجهم امام الجميع
3- عدم تثبيت الموضوعات للمشرفين فقط ويجب مراعاة نصيب الاعضاء الجدد من هذه الميزة المحفذه على الانتاج والتواصل
4- الحد من كثرة القوانين المتصدرة لكل صفحة وكل ركن من اركان المنتدى
ولكن للأسف المشرفين لم يبالوا ولم يفطنوا الى هذه التصرفات واقتصر نشاطهم فقط على الحذف والنقل والغلق
كلامى ليس قاصرا على كل المشرفين ومنهم ناس كتير جدا محترمين وعلى قدر كبير من المسئولية
موضوع كبير ومهم جدا
تخيلوا معى لما عضو جديد يتشجع ويتفاعل مع المنتدى ويقوم بوضع موضوع جديد
ثم يدخل المشرف ويحذف الموضوع لانه مكرر
ياجماعة هذا العضو جديد وليس من الممكن ابدا ان يقوم فقرائة كل الموضوعات السابقة حتى يحدد ان كان هذا الموضوع مكرر والا اول مرة ينزل
واحد طبعا هايقولى ممكن يعمل بحث على الموضوع قبل ما ينزلة
اقول له طيب بنقول لك لسة عضو جديد وفى الغالب مايعرف حكاية البحث دى او هو قرأ الموضوع وعجبة وحب يطبعة عندنا ..... ايه المشكلة ..... نشنقة والا نقتله ؟؟؟
انا باقول نشجعة احسن واحسن ............. مش كده والا ايه !!!

شكرا لك

انا كمان احب اوضح حاجة لما تتخنقي من مكان و مش قادرة تستني فيه هتعملي ايه غير انك هتمشي ؟؟؟

انا كمان احب اوضح حاجة لما تتخنقي من مكان و مش قادرة تستني فيه هتعملي ايه غير انك هتمشي ؟؟؟



ممكن أقولك لما تتخنق من مكان تمشي وتسيبه إنما لما تلاقي اللي ممكن يسمعلك ويحل مشكلتك ويخاف على مصلحتك والقرارات مش عشوائية يبقى ليه متحلش مشكلتل بدل ما تمشي وتسيب مكانك اللي بنيته

عندك حق ياهند
لازم يكون في توازن
بس التوازن ده يكون بين بيتك واهلك واصحابك اللي بحبيهم
والمنتدى اللي المفروض بردو انك بتحبيه
لكن اللي مشيو من المنتدى دول
معظمهم يعني مشيو عشان مكان كانو بيحبوه واتخنقو منه
بقى كله خناقات ومشاكل
وناس كلمتها مش واحدة وكل ربع ساعة تغير ف كلامها
وناس منافقين كتير
وناس كانو بيحترموهم وكل لحظة احترامهم ليهم بيقل
عشان كده سابو المنتدى
مش لمجرد انه مأثر جامد شوية عليهم
طيب ماممكن مكان تكوني بتحبيه ومأثر عليكي
بس مدام شايفه راحتك فيه وانتي مبسوطة
يبقي يأثر براحته مدام مش هيضر
فأكيد عندهم حق لما يسيبوه

المواجهة .............. فعلا هو ده الكلام

من رأى منكم منكرا فليغيره بيده فمن لم يستطع بلسانه فمن لم يستطع فبقلبه و هذا أضعف الإيمان

و المقصود بالمنكر ليس الخطيئة أو الذنب

و لكن الخطأ

قوم فرعون اهلكوا جميعا لأنهم سكتوا

برده التشبيه مش مقصود منه شئ إلا الشاهد

و الشاهد هو المواجهة و عدم الهروب

أنا مع هنا فى كل كلمة قالتها

و أنا واحد من البشر اللى كانت بتغنى إنها هتمشى

و عملت مجموعة الراحلون

بس أنا و ناس كتير فاهمة كنا محددين هدف قدامنا

مش فلان يمشى و علان يمسك

الهدف كان ان الحال يتصلح

و قد كان

ما حدث من بلبلة دى بقى عادى جدا توابع الزلازال

المهم ان الامور حاليا مستقرة

و بيتهيألى اللى هيمشى بجد هنخسره و لا نملك إلا أن نقول له أنت صاحب القرار و كل ما يسعدك يسعدنا

و اللى هيقعد هنقوله ان ده بيتنا و كلنا هنا عشان نفيد بعض و نرتفع بالمنتدى اللى بيخدم 200 ألف طالب لوجه الله

اسف طولت

ردي كان اول رد في الموضوع علي فكرة يالا مش مهم بصي يا اخت هنا انا هتكلم عامة محدش يفكر اني بتكلم علي المنتدي ده انتي بتقولي لما تكوني بتحبي المكان هتحبيه ازاي و كل اللي بيحبوكي مش فيه ازاي و انتي مش عارفة تتعاملي معاه اصلا و انتي مش عارفة اعضائه اللي بقوا ......... و انتي تعبتي فيه و ناس تانية هي اللي تتحكم فيكي متعبتش نص تعبك بقول تاني ياريت محدش ياخد الكلام علي نفسه في امان الله

أهلا وسهلا بكل نقاش هادف ونشجعه
تكلم من الان بكل حرية فلا يوجد موضوع مغلق او منقول الى المكرر او وقف
عضو عبر عن رائيه
انتقد صوت الحق لكى تنير له الطريق
ولا تخشى فى الحق لومة لائم


أخيرا
الاستبداد والظلم زال
جت متأخرة أوى
بس الحمد لله

اللهم اصلح الجميع

بصى يا هنا

زمان كنت بقول خسارة كل عضو من اللى مشيوا دول إنهم يسيبوا المنتدى

بس دلوقتى بشجعهم على كده

أولاً : المنتدى اخد حجم أكبر من حجمه فى حياة الأعضاء .. بقى شىء رئيسى وضرورى ومفيش توازن بين الحياة الفعلية وبين المنتدى .. أصبح المنتدى واقع بالنسبة لأعضاء كتير بيعيشوا فيه أكتر من واقعهم الحقيقى .. و بالتالى هيأثر عليهم تأثير سلبى .. ويمكن أنا واحدة من الأعضاء دى وبحاول دلوقتى أبعد المنتدى عنى واحدة واحدة وربنا يسهل وأبقى منسية زى الأعضاء المنسيين أو بمعنى تانى اللى سابوا المنتدى وفضلنا نفتكرهم شهر مثلاً وبقوا فى الأرشيف دلوقتى :bosyht9:

ثانياً : هما سابوا المنتدى برغبتهم ولمصلحتهم ولازم نشجعهم على كده .. لأنهم بدأوا يبصوا لمصلحتهم أكتر وده مش غلط ولا عيب :bosyht9:

ثالثاً : كل شىء وله نهاية .. يستحيل المنتدى هيفضل عايش مدى الحياة كل شىء بيموت ودى سُنة الحياة .. يعنى مسير كل عضو يسيب المنتدى فى أى حال من الأحوال :bosyht9:

تقريباً خلصت كل اللى عندى

و ربنا يهدينا جميعاً

السلام عليكم
بداية اشكركم على اباء اراءكم وبشكر ادارة المنتدى على انها حافظت على وجود الموضوع ده هنا
جزيتم خيرا جميعا

اولا : محدش بيستمر ف المنتدى ده ولو لاسبوع الا اذا كان فيه حد بيحبه فيه او شهد حالة التاحب والتالف اللي كانت موجوده ونتمنى انه يكون مازال للتحاب والتاخي بقية

ثانيا : كان في كمية تفاهم اكثر من رائعة سائده ف المنتدى ونتمنى كمان انها تكون بدأت ترجع تاني بمشيئة الله

ثالثا : بالنسبة للناس اللي مشيت وبدات توازن حياتها بعد ما مشيت ربنا يارب يكرمهم ويوفقهم ويستخدمهم في طاعته وإيانا يارب
لكن المنتدى ماكنش السبب في وجود عدم او شبه عدم توازن في حياتهم

رابعا:فعلا المنتدى مش هايدوم مدى الحياة ولازم ينتهي في يوم من الايام ومش كلنا برده هانفضل فيه مدى الحياه
لكن في فرق احنا بنسيبه امتى وليه
بس اعتقد ده الفيصل يعني ....