مشاهدة النسخة كاملة : انت دلوقتي الرئيس (الريس)
midoragab 23-07-2006, 11:13 PM بصوا يا جماعة الموضوع دة جرئ و للكبار فقط
مش بيتكلم عن ال*** لا انا قصدي ان اللي هيكتب حاجة يتحمل مسؤليتها
لو انت اللي قاعد على الكرسي هتعمل ايه في الاوضاع المهببة و المنيلة بستين نيله اللي احنا فيها
هتعمل ايه بشأن اسرائيل المعتدية و لبنان المعتدي عليها
بما انك ماسك اكبر حته في العالم العربي ( حته !!!)
بس بسرعة عشان شكلي هاتأفش و البكس جي عليا و سامع صوته
أما فيه ناس جبانات بشكل ( على رأي عادل امام في المشاغبين
mohamed_oweis 23-07-2006, 11:31 PM الموضوع هايل فعلا
بس قبل ما أقولك رأيى دة هيكون رأى حماسى منبعث من مشاهدتى للاوضاع الحالية
لإنى معرفش الدخائل السياسية و الأبعاد العسكرية للموضوع
انما بلا شك كنت هرضح لإرادة الشعب و هسمح للمتطوعين بالإنضمام لحزب الله
ثانيا أعلن التضامن مع حزب الله و سوريا و إيران عسكريا و ماديا
ثالثا هدعو للوحدة العريبة و عدم التدخل الأميريكى فى شئون المنطقة إطلاقا
و خصوصا كونداليزا رايس
و بس
midoragab 23-07-2006, 11:32 PM <_< ايه يا جدعان انتم خايفين أوي كدة :huh:
فين ردودكم النارية الملهلبة المولعة ;)
midoragab 23-07-2006, 11:49 PM انتوا بتكتفوا بالقرايه بس !!!!!!
يا بنيأدمين ردوا و خلكوا عندكم حبه من الاحمر
:lol:
انا بهزر هاها :D
mohamed_oweis 24-07-2006, 12:02 AM اية يعم ميدو اومال الرد الأولانى دة شفاف و لا اية
midoragab 24-07-2006, 12:05 AM لأ يا باشا كله تمام و الامن (بكسر الميم) تشكر يا باشا بس حاسب على نفسك الايام دي
TAKE CARE :D B)
المجاهد فى سبيل الله 24-07-2006, 12:06 AM السلام عليكم ورحمة الله وبركاته
اخى فى الله جزاك الله كل خير على طرح مثل هذا الموضوع بس انا لو رئيس جمهورية مصر العربيه حعمل حاجات كتير جدا
اولها طبعا الرجوع الى شرع الله وتطبيقه فى الارض او بمعنى اصح على هذا الشعب لكى ارد لهم اعتبارهم من بعد ما اخذوها منهم و بعد ما رايت هذه الاوضاع الكثيره المحزنه امامى يوميا وبعد كل هذه الصرخات المداويه من قلوب الامهات وكذالك من كل طفل رائى الموت بام عينه اكيد الحرب ثم الحرب ثم الحرب وثانيا بعد ما احرر هذه الارض المحتله طبعا امريكا واشرائيل مش حتسبنى طبعا بس حتكون الكثير من الدول العربيه قد افاقت من الغيبه والنوم الكثير الهما فيه لان العرب محتاجين واحد يحركهم من الاخر ثم لخلافه ثم حاجات كتير اوى وانا اقولها كلمة
بحلم لو عاد الاسلام يحكم من تانى ويخلى صحارى الاوطان خضره وامانى وبحلم ان العدل يزول ويرجع عدل عمرو وجنوده الاسود ما يخاف الاجانى ولا يهرب
midoragab 24-07-2006, 12:10 AM أه صحيح نسيت الامن (بكسر الميم تاني) مستتبب :lol:
مشكورين علي الردود بس فين الاعضاء التانين و الزوار :(
midoragab 24-07-2006, 12:29 AM انتو شكلكم خايفين انا عن نفسي
هعمل عمايل احب اخليها في سري لا إلا هروح في 600000 داهية :P
a0000al 24-07-2006, 01:29 AM [center]<div align="center">لا تعلــــــــــــــــــيق
http://3arabstar.info/upload/uploads/96dc9b849f.gif (http://%5burl=http://3arabstar.info/upload)]http://3arabstar.info/upload/uploads/96dc9b849f.gif (http://3arabstar.info/upload)[/url][/cente</div>r]
korkosha 24-07-2006, 02:01 AM انا اصلا لو كنت
هتناااااااازل علطول
بس
لو ممكن نتخيل يعني يبأى اول حاجة في الوقت ده
مش هأول ان حزب الله ارهااااااااب دي خالص
وهنقض عهدي مع اسرائيل واروح احاربهم
كمان
هروح اتحايل على بقية العرب واقولهم خلو عندكوا دم
وكفاية ناس راحت
وكفاية كمان مؤتمرات وقمم فاااااااااشلة
ييييييي
وبعدين
هغير مصر دي اصلا 180 درجة ولو في اكتر كمان
بس انا اصلا
مش بحب السياسة وهتنازل بردوا عنها
badrragab 24-07-2006, 02:19 AM انااا خايف ياعم ميدو ما الطيب احسن صح ابوس ايدك انا ورايا اب واخوات :unsure:
badrragab 24-07-2006, 02:30 AM بس يا عم الحج ميدو واتعلم
1. الحكومه ملها مملهاش خليها ياعم .......[size=1]قلها.....
2.حزب الله اتعاون معاه بس في الخفي كويس انا مش عايز حرب يا اخونا
3.اتعاون مع ايران واعمل برنامج انما ايه اللي هوه بعد كده اولع فيهم ....في حد ايراني هنا يا جماعة....
4.انا الان معايا الورقة الرابحة...النووي.. اهدد اسرائيل لما تضرب لبنان او فلسطين مجلرد تهديد لحد مجهز جيش صح
واشن حرب شاملة عليها....يا مصبتي يا رب تموت يا ميدو انت فتحتني.....
5.استصلح وابني ...[size=1]بجد..
6.احد من سلطات المسئولين زالطحينة اكتر منها اكيد هتكون ارخص ..يعني انا هبقي الريس...
7. اطبق شرع الله وانفز حدوده ... اللي يسرق يحصله ايه0000ايديه صح شطار
الله ينتأم منك اذا اعتقلت البوكس جاي يا لهوي :unsure:
Blacksonic 24-07-2006, 02:41 AM اولا اهنيك على الموضوع اللى فى الجون دا
بص يا عم الكرسى دا مش حاجه سهله يعنى قبل متمسكه لازم تفكر الف مره ازاى ترضى 70 مليون الاول وبعدين ترضى العالم اكيد انت فاهم كلامى
انا عن نفسى لو ماسك الكرسى اول حاجه لازم اجمع الشعب حواليا دا 70 مليون يا حج يعنى مش لعبه وبعدين طبعا لازم يكون الحكم بالشرع بتاع ربنا بس لازم تعرف مقدار قوتك وتتكلم على اساسها
كفايه كدا يادوب الحق اجرى لحسن امن الدوله جايين
badrragab 24-07-2006, 02:53 AM العمر واحد والرب واحد انت هيعتقيلوك فين انا شكلي جي معاك :ph34r:
مسيو محمد عياد 24-07-2006, 03:12 AM بمناسبة البتاع اللى انتو بتتكلموا عليه ده حقول لكو نكته
بيسألوا الريس (بدون ذكر أسماء علشان بيزعلوا) :
مش حتعمل خطاب تودع فيه الشعب (أحلى شعب ، مية مية ، قشطة عليه)
قال لهم : ليه يا جماعة ؟ هو الشعب رايح فين ؟
(خلصت)
اللى ما فهمش يبقى يقراها بكرة تاني
تعليقي : العودة لدين الله ستجعلنا أقوى دولة في العالم (والله العظيم)
- يعني احنا يعني يابا الشيخ بعيد عن ربنا ؟
- يا عم أنا ما بقولش عليك انت ! شوف سياسة البلد عاملة اذاي . . شوف القناة الأولى والثانية ( الفاشلتين )
شوف الأهرام أخبار جمهورية (الهمبكة الكبرى) . . شوف فين رجال الدين وفين رجال الفن . . مين اللى واخد حريته وليه
أوعى تشتم إسرائيل ولا أمريكا ( قال : يا يهودى ايش صهينك ، قال : مالقيتش مسلم يلمني )
مش كدة ولا اييييييييييييييييييييييييييييييييييه ؟
ثواني أشوف مين اللى بيرزع عالباب
midoragab 24-07-2006, 05:01 AM شكرا على ردودكم الجميلة
انا لسه صاحي :lol:
Assmaa 24-07-2006, 12:57 PM والله كله بيقول كده وبعد اما بيبقي الريس
انسي كل ده بيتنسي وبيسود علينا عيشتنا
بس الكلام سهل
اسلام رشوان 24-07-2006, 02:01 PM ههههههههههههههههههههههه
انا لو بقيت الريس ، اول حاجة حعمها حاصلح البلد من جوه و بعدين نشوف موضوع اسرائيل ده
حدي للقضاه استقلالهم ، و ادي للصحفيين حريتهم ـ واعدل الدستور بس تعديل صح من الشعب و مش من ترزية الحكومة
اما موضوع اسرائيل حنفذ اتفاقية الدفاعالعربي المشتركة و اجهز الجيش و اهدد اسرائيل بالهجوم عليها لو منسحبتش من لبنان و ادت فلسطين حقها
و لو منفتش حضربهم في عقر دارهم (بيتهم )
بس ،
كل ده كلام ابقة اسألو عليا عشان انا حتقفش سلاااام
|