السلام عليكم جميعاً
طبعا الموضوع باين من عنوانه
لاء مش باين
طيب هاوضحه اهوه
بصوا يا جماعة انا كنت امبارح فى المطار بستقبل والدتى
فلاقيت شاب كده واقف مع واحد صحبه
و بيقوله طيب و ابويا ده انا هاعرفه ازاى؟:o
قاله انت مش شفته قبل كده
قاله لاء يالا اخر مره شوفته كانت من تلات سنين فى المنام
قال يا خبر ابيض من تلات سنين و فى المنام كامان
خلاص خلاص هو اللى هيعرفك
قاله هيعرفنى ازاى يا فالح اذا كان اخر مرة شافنى فيها
كانت و انا فى ابتدائى
قاله خلاص نروح نجيب ساين و نكتب عليها اسمه و هو لما يشوفها هيعرفنا
و مشوا كل ده و انا فى قمة الذهول :bosyht9:
بعد شوية جت بنت كده بتتكلم فى االموب مع واحدة صاحبتها و بتقولها و انا مامى دى مش فاكرة شكلها اصلا
ايوة يا بنتى انا كل اللى يربطنى بيها لارجون (الفلوس يعنى)
طيب سلام الطيارة وصلت
المهم انا قابلت والدتى بوس و دموع و شحتفة رغم انها لسه مسافرة من اسبوعين
بس وحشتنى بردو
المهم روحنا الكافيه اللى فى المطار
و انا الولد و البنت دول معلقين فى دماغى
طيب و بعدين هيعملوا ايه
لقيتهم عرفوا اهلهم بعد عناء يعنى
و كانت مقابلتهم بارده جداً
طبعا فهمتوا كده انا بتكلم عن ايه
انا بتكلم عن سفر الاهالى و سيابانهم ولادهم هنا فى مصر
بحجة انهم بيجيبوا فلوس يأمنوا بيها مستقبلهم
رغم انهم فى الحقيقة بيدمروا مستقبلهم بكل المقاييس
لان الابناء دول
بيطلعوا بيكرهوا اهاليهم لانهم اصلا مش يعرفوهم
لكن فى نفس الوقت بيحبوا جدا الفلوس اللى بيبعتوهالهم
طبعا الشباب دول بيطلعوا فشلة فى دراستهم
و بيتعرفوا لهم على شوية عيال بايظين
و الحدوتة بتبوظ خالص(زى موبايلى اللى كل يومين يخرب ده:d)
لاء و مش كده و بس
فيه ناس بيبقوا عايشين مع اولادهم فى نفس البلد
لكنهم للاسف مش يعرفوا عن اولادهم حاجة
يعنى مثلا
تلااقى الاب على طول فى شركاته و مشاريعه
و الام على طول فى نوادى الروتارى و الجمعيات الخيرية
و الحفلات و السهرات مع سيدات المجتمع:friendsxs3:
او حتى لو كان الاسرة دى من الطبقة المتوسطة
تلاقى الاب طول النهار فى شغله سواء بقى كان مدرس او دكتور او حتى صاحب محل
و الام طول الوقت لو كانت بتشتغل فهى بتبقى فى الشغل الصبح
و فيه ناس كمان
بياخدوا الشغل يكملوه فى البيت:(
و يا اما تبقى طول النهار مع الثوم و البصل (فى المطبخ يعنى:blush:)
او حتى يبقى الاب و الام منفصلين و طبعا اللى بيضيع فى النص هما الاولاد
بجد حال بيبقى مؤسف
تلاقى الاب فى وادى و الام فى وادى
و البننت تقوله باااااااااااااى داد
يقولها باى بيبى خدى بالك من نفسك
طبعا هو لاخد باله هى لابسة ايه:bosyht9:
و لا رايحة فين
و لا هتقابل مين(هتقابل صحباتها اكيد يعنىB))
و لا هتعمل ايه
و لا هترجع امتى
و هى كمان مش فكرت تقوله
لانها مش محتاجة حاجة طول ما فيه معاها الفلوس اللى هى عايزاها
طيب و بعدين
انتوا متخيلين الموقف
ولد او بنت يتيم و اهله موجودين بجد صعبة اوى اوى:(
انا بقى عايزاكن انتوا اللى تقولولى و بعدين
عايزاكم تتخيلوا كده
لو انتوا فى اى موقف من المواقف اللى فوق دى
و عايزين تكتبوا رسالة لاهلكم هتقولوا لهم ايه
عشان قلبهم يرق و يحنوا عليكم
و يدوكم جزء من رعايتهم و اهتمامهم
يا ترى هتكتبوا لهم فيها ايه؟
:(:(:(

ده فعلا بيحصل وبعد كده لما تيجي تكلمي الاب والام تقولك هما مش صغيرين او تقولك يعني انا هقطع نفسي

شكرا ليكي كتير علي التوبيك

الموضوع ده كبير اوي اوي

كون إنه الابناء منتظرين ابهاتهم او فلوسهم بمعنى اصح ومش عارفين اشكالهم ده مصيبة

زي اللى بيوصلك طلبية لمكان عام وانت قاعد بتدور عليه مستنيه يوصلك الحاجة بس مش عارف شكله
ده بقى نفس الحال بالظبط

السلام عليكم جميعاً
طبعا الموضوع باين من عنوانه
لاء مش باين
طيب هاوضحه اهوه
بصوا يا جماعة انا كنت امبارح فى المطار بستقبل والدتى
فلاقيت شاب كده واقف مع واحد صحبه
و بيقوله طيب و ابويا ده انا هاعرفه ازاى؟:o
قاله انت مش شفته قبل كده
قاله لاء يالا اخر مره شوفته كانت من تلات سنين فى المنام
هههههههههههههه و هو فاكر لما شاف ابوه في المنام من 3 سنين
قال يا خبر ابيض من تلات سنين و فى المنام كامان
خلاص خلاص هو اللى هيعرفك
قاله هيعرفنى ازاى يا فالح اذا كان اخر مرة شافنى فيها
كانت و انا فى ابتدائى
قاله خلاص نروح نجيب ساين و نكتب عليها اسمه و هو لما يشوفها هيعرفنا
و مشوا كل ده و انا فى قمة الذهول :bosyht9:
بعد شوية جت بنت كده بتتكلم فى االموب مع واحدة صاحبتها و بتقولها و انا مامى دى مش فاكرة شكلها اصلا
ايوة يا بنتى انا كل اللى يربطنى بيها لارجون (الفلوس يعنى)
طيب سلام الطيارة وصلت
المهم انا قابلت والدتى بوس و دموع و شحتفة رغم انها لسه مسافرة من اسبوعين
بس وحشتنى بردو
المهم روحنا الكافيه اللى فى المطار
و انا الولد و البنت دول معلقين فى دماغى
طيب و بعدين هيعملوا ايه
لقيتهم عرفوا اهلهم بعد عناء يعنى
و كانت مقابلتهم بارده جداً
طبعا فهمتوا كده انا بتكلم عن ايه
انا بتكلم عن سفر الاهالى و سيابانهم ولادهم هنا فى مصر
بحجة انهم بيجيبوا فلوس يأمنوا بيها مستقبلهم
رغم انهم فى الحقيقة بيدمروا مستقبلهم بكل المقاييس
لان الابناء دول
بيطلعوا بيكرهوا اهاليهم لانهم اصلا مش يعرفوهم
لكن فى نفس الوقت بيحبوا جدا الفلوس اللى بيبعتوهالهم
طبعا الشباب دول بيطلعوا فشلة فى دراستهم
و بيتعرفوا لهم على شوية عيال بايظين
و الحدوتة بتبوظ خالص(زى موبايلى اللى كل يومين يخرب ده:d)
لاء و مش كده و بس
فيه ناس بيبقوا عايشين مع اولادهم فى نفس البلد
لكنهم للاسف مش يعرفوا عن اولادهم حاجة
يعنى مثلا
تلااقى الاب على طول فى شركاته و مشاريعه
و الام على طول فى نوادى الروتارى و الجمعيات الخيرية
و الحفلات و السهرات مع سيدات المجتمع:friendsxs3:
حرام عليكي احنا في مصر .. مفيش الحاجات دي خالص
اخرنا طابور العيش و المطبخ :d
او حتى لو كان الاسرة دى من الطبقة المتوسطة
تلاقى الاب طول النهار فى شغله سواء بقى كان مدرس او دكتور او حتى صاحب محل
و الام طول الوقت لو كانت بتشتغل فهى بتبقى فى الشغل الصبح
و فيه ناس كمان
بياخدوا الشغل يكملوه فى البيت:(
و يا اما تبقى طول النهار مع الثوم و البصل (فى المطبخ يعنى:blush:)
او حتى يبقى الاب و الام منفصلين و طبعا اللى بيضيع فى النص هما الاولاد
بجد حال بيبقى مؤسف
تلاقى الاب فى وادى و الام فى وادى
و البننت تقوله باااااااااااااى داد
يقولها باى بيبى خدى بالك من نفسك
طبعا هو لاخد باله هى لابسة ايه:bosyht9:
و لا رايحة فين
و لا هتقابل مين(هتقابل صحباتها اكيد يعنىB))
و لا هتعمل ايه
و لا هترجع امتى
و هى كمان مش فكرت تقوله
لانها مش محتاجة حاجة طول ما فيه معاها الفلوس اللى هى عايزاها
طيب و بعدين
انتوا متخيلين الموقف
ولد او بنت يتيم و اهله موجودين بجد صعبة اوى اوى:(
انا بقى عايزاكن انتوا اللى تقولولى و بعدين
عايزاكم تتخيلوا كده
لو انتوا فى اى موقف من المواقف اللى فوق دى
و عايزين تكتبوا رسالة لاهلكم هتقولوا لهم ايه
عشان قلبهم يرق و يحنوا عليكم
و يدوكم جزء من رعايتهم و اهتمامهم
يا ترى هتكتبوا لهم فيها ايه؟
:(:(:(




بصراحة الموضوع ده مهم جدا خصوصا ليا

و بما اني عايش ف السعودية يعني اكبر نسبة مصريين في الخارج و اكيد الموضوع ده شائع جدا

معظم الناس دول ( اللي هما برا و بيسيبوا ولادهم في مصر ) مش بيقعدوا عشان الفلوس

تقدري تقولي انهم مايقدروش يعيشوا في مصر بعد سنين كتير في الغربة

اتعودوا ع الحياة هناك و كمان شغلهم هو حياتهم

بمعني انهم لو رجعوا مش هيشتغلوا لأن بلدنا مش ناقصة ... كفاية اللي فيها

و معظمهم لما يسافر ولادهم . الولاد دول بيضيعوا

يعني تلاقي الواد ماشي في 26 و لسة في رابعة طب :o

و واحد تاني ياخدها من الاخر و ما يروحش خالص.. وراه حصص في تعلم الاجرام :cool:

الكلام ده بجد بيحصل يعني مش هزار و اعرف ناس كتير كدة

عموما ربنا يعيننا

و يهدي الجميع

السلام عليكم ورحمة الله وبركاته بصراحة شيء محزن للغاية مانراه اليوم بسبب سفر الأب أو الأم و الأولاد هم الضحايا وللأسف الشديد أنهم نسوا قول رسولنا الكريم كلكم راع وكلكم مسؤل عن رعيته .................

يااااااااااااااااااااه
عارفة أنا مقدرتش أمنع دموعى لما قريت الموضوع ده
أنا بابا شغال فى النرويج من فترة كبيرة ووحشنى أوى وكل فين وفين لما بشوفه
ومامتى أستاذة فى كلية الطب جامعة الزقازيق وعايشة هناك وكل فين وفين برده لما بشوفها
وانا الوحدة كل يوم بتقتل فيا يوم عايش فى المعادى ويومين فى شقة مدينة نصر وشوية فى المطرية وشوية كمان فى عين شمس
وكل ده وأنا لوحدى ماحدش هيحس بيا غير اللى جرب إحساس الوحدة المميت ده

موضوع بجد جميل قوي

ربنا يحفظهم لينا يارب

أصابني الذهول وأنا بقرأ الموضوع
أولاً الموضوع رائع تسلم إيديكي أختي لمى وماشاء الله طريقة سرد الموضوع رائعة جداً
الموضوع ده مشكلة صعبه جدا جدا إزاي إبن ميعرفش شكل أبوه و أب مشافش إبنه بقاله سنين يااه امر صعب جداً وفي الأخر يقولوا جحود الأبناء وللأسف الأباء هم من علموا أبناءهم الجحود والسعي وراء المال

يااااااااااااااااااااه
عارفة أنا مقدرتش أمنع دموعى لما قريت الموضوع ده
أنا بابا شغال فى النرويج من فترة كبيرة ووحشنى أوى وكل فين وفين لما بشوفه
ومامتى أستاذة فى كلية الطب جامعة الزقازيق وعايشة هناك وكل فين وفين برده لما بشوفها
وانا الوحدة كل يوم بتقتل فيا يوم عايش فى المعادى ويومين فى شقة مدينة نصر وشوية فى المطرية وشوية كمان فى عين شمس
وكل ده وأنا لوحدى ماحدش هيحس بيا غير اللى جرب إحساس الوحدة المميت ده
بجد انا بعتذر لو كنت اذيت حضرتك باى شكل من الاشكال
انا بجد متأسفة

بتعتذرى عن ايه
المشكلة مشكلتى أنا وانتى يا لمى ملكيش دخل فيها
وأنا مش نسيتها لحظة علشان انك تفكرينى بيها
أنا اللى أسف انى وصلتلك الاحساس ده

كلام جميل
ودى فى حد ذاتها مشكلة
يعملوها الكبار ويقعو فيها الصغار
اللمشكلة ان الاباء فاكرين دا تأمين لمستقبل اولادهم
دا بالعكس دا تضييع لمستقبل اولادهم
اينعم السفر والشغل والكسب كويس
بس يكون لفترة قصيرة
مش لدرجة ان الوالد ميعرفش شكل ولاده
هو لو فكر بعقل هيحسبها صح
لما يسافر خمستاشر ينة مثلا يجمع فلوس ويعمل صفقات وكل همه الفلوس وولاده عايشيين بدون رقيب وبيصرفو وخلاص اكيد هيصرفوها غلط لان محدش متابع
والنتيجة فشل فى الدراسة زى ما بنشوف
بوظان وصياعة وفى النهاية ابو زعبل مستنى فى قضية مخدرات زى ما بيحصل ( دا غالب اللى بيحصل )
بصراحة الموضوع كبير
ومحدش بيحسبها صح

.. انتِ أول مرة تشوفيها ..

.. عادي .. عادي ..

.. بشوف من ده كتير في المطار أقسم بالله ..

.. مرة شفت واحدة و أخوها بيستنوا أختهم .. ومش يعرفوا شكلها ..

:(

بجد حاجة توجع اوى
لما يبقى ابن مش عارف شكل باباه عامل ازاى
وبنت كل اللى يربطها باهلها l'argent
بس سيبك من كل ده .. لان دى مش حالات منتشرة اوى
برضو فيه اولاد قاعدين مع اهلهم ف بيت واحد وبيشوفوهم كل يوم
وكل اللى يربطهم ببعض الفلوس
ودى اللى توجع اكتر
مش بيتكلموا مع بعض ف اى حاجة
ودى مش غلطة الاب والام بس عشان مشغولين و و و
تلاقى مثلا بنت لو عندها مشكلة او حاجة مضايقاها .. اياً كانت الحاجة دى
ممكن تتكلم فيها مع صاحبتها لو حاجة خاصة جداا وتاعباها وعايزة تتكلم
ممكن مع مدرس او مدرسة عندها لو مشكلة عالدراسة
ممكن ماتتكلمش اصلا
بس قليل اوى اوى لما تتكلم مع مامتها .. نادرا بمعنى اصح
وحاجة من المستحيلات انها تتكلم مع باباها
ماتعرفيش ليه بس هى بتكون كدة بطبيعتها
وممكن تكون الام دى نِفسها ان بنتها تيجى وتتكلم معاها
وتحاول هى تبدأ ..
بس برضو البنت مابتغيرش تفكيرها
وتلاقى البنت بتستغرب لو واحدة صاحبتها قالتلها انها على طول بتحكى لمامتها على اى حاجة
وان هى ومامتها اصحاب والكلام ده
ممكن عشان هى شايفة ان دماغها غير دماغهم ؟
او شايفة انها تقدر تتصرف صح ؟
او عايزة تجرب بنفسها وتعرف الصح من الغلط ؟
كل دى احتمالات واردة وفيه اسباب تانية كتير
واوقات كتير جدا الشخصية دى بتكون احسن كتيير من ناس تانية مرتبطين باهلهم جدا جدا
وبيحكولهم على كل حاجة وبياخدوا رأيهم ف كل حاجة
الكلام مش مترتب بس عادى مفيش مشاكل
:d
معلش طولت كتير
بس بجد موضوع جميل يا لمى
ولو عديت فيه تانى هارغى اكتر من كدة

بجد الموضوع شدني جدا
لانه من اكتر المواضيع اللي بتتعبني خاصتا اني و للاسف الشديد من ضمن الابناء اللي باباهم بيسبهم و يسافر يشتغل بره برده عشان الفلوس بس انا بابايا عارفة شكله عشان هو كتر خيره بينزل مرة او مرتين في السنة والحوار ده من سبع سنين فاتو لغاية ما بقيت فعلا العلاقة اللي بتربطني بيه الفلوس فقط لاغير
وبجد انا اتعقدت من السفر واللي عايزين يسافرو وانا ان شاء الله لما يكون ليا اسرة مش هوافق ان راب الاسرة ( زوجي يعني ) انو يسافر بره ابداااااااااا
ومرسي يا لمي عالتوبيك اللي بجد لمسني من جوايا و مسبنيش الا لما بكيت اوي من قلبي قبل عيني