مشاهدة النسخة كاملة : رهان على نمرة تليفون
marwa.m 11-03-2009, 11:03 AM السلام عليكم ورحمه الله وبركاتة
هو موضوع انا عارفة ان ممكن تكونوا اتكلمتوا فية قبل كدة
بس اغلبية الموضوعات الى كانت بتتعمل ان الشباب
بيعاكسوا البنات والاسباب بتكون احيانا من البنات الى لبسهم بيكون مش كويس
ومفيش اعتراض على كدة:romarioxp6:
المهم
امبارح كنت بتكلم مع اخويا عن الجامعة ونظامها والعالم التانى دة بحكم انى هدخلة السنة الجاية يعنى فقلت اخد نصيحة:romarioxp6:
وبعدين قالى ان البنات فى الجامعة فى منهم الى عادى مع الاولاد وممكن يكلموة
وفية الى معتدل وفية الى مبيتكلمش خالص
حتى لو حاجة فى امور الدراسة لحد كدة عادى:stickjo4:
لحد ماحكالى ان البنات الى من النوع الثالث الى مبكلموش شباب خالص الشباب عاملين رهان على الى هيقدر يجيب تليفون واحدة منهم
بجد ساعتها خدت صدمة كبيرة قوى
يعنى
اية طالب يخرج من بيتة رايح الكلية عشان رهان على نمرة تليفون بنت
حتى البنات المحترمة الكويسة محدش سايبهم فى حالهم
بدل ميكون ليها اخ يدافع عنها عامل رهان على رقم تليفونها
المهم قلتلة طيب متحاول تنصحهم وتعقلهم قالى مفيش فايدة كلهم داخلين الرهان دة وكمان مبلغ الفلوس كبير قلتلة كام يعنى قالى 100جنية من كل واحد داخل فى الرهان
الطريف فى الموضوع ان ولد من الشباب دول راح لبنت وقالها ان تليفونة ضاع وانة عايز تلفونها عشان يرن علية يشوفة راحت البنت مردتش علية فضل يتوسل ليها
راحت مديالة 2 جنية وقالتلة روح اتصل بية من الكافتريا
القاعدة طبعا مش عامة وزى مافية بنات محترمة فى شباب محترمة
انا قلت اكتب الموضوع عشان اى ولد بجد يتق ربنا
فى تصرفاتة وكمان اى بنت تاخد بالها من نفسها كويس
سورى لو كان الموضوع مش مترتب
Mr.Hani 11-03-2009, 11:20 AM للاسف الشديد الشباب انشغلوا بالغث وتركوا الثمين
انشغلوا بالتليفونات او غيرها وتركوا العلم
marwa.m 11-03-2009, 11:31 AM للاسف الشديد الشباب انشغلوا بالغث وتركوا الثمين
انشغلوا بالتليفونات او غيرها وتركوا العلم
شكرا لحضرتك بس انا مش قصدى ان التليفون هو السبب
انا بتكلم على ان سقف طموح الشباب دول هو نمرة تليفون
كــارمن 11-03-2009, 11:45 AM بجد فعلا حاجة غريبة
محدش بقى يسيب حد فى حالة
والناس دمغاها بقت فاضية شكرا على الموضوع
mena1990 11-03-2009, 02:27 PM حسبى الله ونعم الوكيل فعلا الشباب والبنات بقوا حاجه صعبه جداااااا
ربنا يرحمنا ويسترنا يارب وشكرا حبيبتى ع الموضوع
marwa.m 11-03-2009, 02:55 PM بجد فعلا حاجة غريبة
محدش بقى يسيب حد فى حالة
والناس دمغاها بقت فاضية شكرا على الموضوع
الشكر لله
اسعدنى مرورك ياقمر
:: [ K A B B O W ] :: 11-03-2009, 03:25 PM بجد قمة التفاهة
وبعد كده نقول احنا ليه اخر بلاد العالم
وليه احنا مظلومين من حكامنا
لاننا لا نتقى الله
شكرا جزيلا على الموضوع الرائع
marwa.m 11-03-2009, 03:30 PM حسبى الله ونعم الوكيل فعلا الشباب والبنات بقوا حاجه صعبه جداااااا
ربنا يرحمنا ويسترنا يارب وشكرا حبيبتى ع الموضوع
ربنا يهدى الجميع يارب
EL-leader 11-03-2009, 11:15 PM ربنا يهديهم ويهدينا
بصراحة عجبنى اوى موقف البنت كان كفاية جنية لانى هيرن بس مش هيتكلم
شكرا ليكى
BaNZeR 11-03-2009, 11:25 PM 100 عشان نمرة تليفون !!!
اجيب بيهم 10 خطوط جديدة !
والله الناس ده تافهة
الرهان مش على نمرة التليفون لكن على اساس التحدي فقط
igita 11-03-2009, 11:33 PM هههههههههههههههههههههههههههههههههههههههههههههههههه هههههههههه 100 جنيه علي رقم تليفون جديدة ديه
والله ده شغل عيال و عالم فاضيةر بنا يهديهم
شكرا علي الموضوع
بورسعيدى 12-03-2009, 01:33 AM طبعا شباب تافه وهايف
واكيد فى كمان شباب محترم وملتزم
وكذلك البنات منهن المحترمات ومنهن المستهترات
يعنى هى مش قاعدة عامة
شكرا لك
mR . mOstafa Fathi 12-03-2009, 01:36 AM فى مثل حلو اوى بيوصفهم بس بلاش اقولو
ربنا يهدى الجميع
abdooo_450 12-03-2009, 10:24 AM هههههههههههههههههه
لو واحد فيهم ذكى يشترى خط جديد
و يديه لاى واحدة عارفها - مش هيغلب -
و يتفق معاها ان اى حد يتصل بيها تقوله ان اسمها كذا - اسم البنت -
وبعد كده ينصص معاها
ههههههههههههههههههههههه
بهزر طبعا
اللهم اصلح شباب المسلمين
rona99 12-03-2009, 04:11 PM أنا من رأيى إن ده قمة التفاهة بالنسبة للشباب اللى طبعأ بيعلموا رهانات من النوع ده
وإنهم بيشغلوا أنفسهم بمواضيع تافهة بدلأ من الدراسة
ربنا يهديهم ويهدى الجميع
وشكرأ على الموضوع
http://img337.imageshack.us/img337/7061/rdd30pv4.gif
راحت مديالة 2 جنية وقالتلة روح اتصل بية من الكافتريا
والله جدعة
يلا ربنا يشفى
:d
KHALOOOD 13-03-2009, 07:48 AM اممممممممم
الواحد ب 100 وهما ممكن يكونوا خمسه
يعنى 500
وانا يبقى 600
ادينى ارقام العيال دى
دا الواحد يبطل كليه ويشتغل فى موضوع الرهان دا
والله عالم فاضيه
بس على فكره العيال دى قديمه
افكارهم تعبانه
ممكن انا اظبطهم ههههههههههههه
انا بقالى كام يوم كدا بتقابلنى مواضيع
مش عارف فيها ابكى ولا اضحك
بس يالا كله على اللهتقبلى مرورى
marwa.m 14-03-2009, 06:53 AM ربنا يهديهم ويهدينا
بصراحة عجبنى اوى موقف البنت كان كفاية جنية لانى هيرن بس مش هيتكلم
شكرا ليكى
دة حتى الشلن خسارة فيهم
marwa.m 14-03-2009, 06:54 AM 100 عشان نمرة تليفون !!!
اجيب بيهم 10 خطوط جديدة !
والله الناس ده تافهة
الرهان مش على نمرة التليفون لكن على اساس التحدي فقط
ممكن يكون على اساس التحدى بس فى مليون حاجة وحاجة ممكن يتحدوا بعض فيها
مش نمرة تليفون
marwa.m 14-03-2009, 06:57 AM طبعا شباب تافه وهايف
واكيد فى كمان شباب محترم وملتزم
وكذلك البنات منهن المحترمات ومنهن المستهترات
يعنى هى مش قاعدة عامة
شكرا لك
اكيد طبعا زى مافى الوحش فية الكويس
بس بجد الهيافة المرادى زادت عن الحد قوى
master666666 21-03-2009, 10:10 AM هههههههههههههههه
طبعا شكرا علي الموضوع
بس انا شايف ان الموضوع ده عادي جدا ومش
بيحصل في الجامعه بس , ده في كل حته , اهم
حاجة ان الواحد يعرف يختار اصحابه صح ويركز في مذاكرته
و ينفض لأي تفاهات ملهاش لزمة زي البنات والحب وارقام التليفونات ....
علشان غلط نضيع الوقت في اشياء فارغه زي كده
وبعدين لو الشخص عنده مبدأ قوي فلايمكن ان يتنازل عنه
وهو ( ان العلاقه بين الولد والبنت تستحق هذا العناء )
لانه ببساطه لو كان في صداقه بين الولد والبنت ف انا شايف انها تكون احسن مع نفس الجنس ,
يعني الشاب مع الشاب والفتاه مع الفتاه ,
وان العلاقه الاخري - ان وجدت - فتكون محدوده جدا ( اي في نطاق العمل فقط )
MOUMEN 21-03-2009, 10:22 AM والله حاجة غريبة والناس دول بيشتغلوا نفسهم وبقى مفيش دم خالص يعني ايه رهان على نمرة بنت والله احنا بجد شعب التفاهه الاول في العالم
حسبي الله ونعم الوكيل في الي دمر شبابنا
السلام عليكم
الرهان ده بقى مش في الجامعه بس ده في كل مكان واقرب حاجه للجامعه النادي بيحصل في النادي اكتر
بس بجد اللي بيعمل كده الناس الفاضية والتافه ومش لاقية وقت تضيعه.
Hamset_Etab 23-03-2009, 12:35 PM التوبيك حلو اوى يا ميرو
بجد بخاف اوى بس من الشباب دى لا شباب مين دول
ده لو عمل البدع لو البت مش عوزه ده يحصل والله مش هيحصل يعنى تخيلى معايا كده عرف يجيب النمره وبعديها هيعمل ايه بقى هيكلمه غصب عنها مثلا ولا هيقول هى ادتنى نمرتها مهى ببساطه خالص ترمى الخط وفى ساعتها تشترى واحد جديد مش دى المشكله
المشكله بقى والى بتخوفنى اننا بنفكر كل الولاد كده وبناخدها قاعده عامه عشان كده بنجرح ناس بيحبونه اوى لاننا خايفين يكونوا من النوع الخاين وفى الاخر بنكتشف صدقهم بعد اما يضيعوا من ايدينا
بصى يا مروه حرصى اه خدى بالك ايوه بس متبقاش عندك قاعده عامه ان الكل خاين
بس برده منبقاش هبل واحد قاعد على النت ولا شافك ولا شوفتيه وبيقولك بحبك نصدق لا طبعا
حاسه ان كلامى ملخبط بس انا عوزه اوصلك حاجه واحده بس من خلال تجربه مريت بها من كتر الكلام على المواقف السيئه دى بنخاف من كل الناس حتى الى ممكن يكونوا بيحبونا بجد وساعتها بنجرحهم اوى
marwa.m 23-03-2009, 02:34 PM 100 عشان نمرة تليفون !!!
اجيب بيهم 10 خطوط جديدة !
والله الناس ده تافهة
الرهان مش على نمرة التليفون لكن على اساس التحدي فقط
مهو اكيد كدة كل واحد عايز يثبت انة مقطع السمكة وديلها
marwa.m 23-03-2009, 02:36 PM اممممممممم
الواحد ب 100 وهما ممكن يكونوا خمسه
يعنى 500
وانا يبقى 600
ادينى ارقام العيال دى
دا الواحد يبطل كليه ويشتغل فى موضوع الرهان دا
والله عالم فاضيه
بس على فكره العيال دى قديمه
افكارهم تعبانه
ممكن انا اظبطهم ههههههههههههه
انا بقالى كام يوم كدا بتقابلنى مواضيع
مش عارف فيها ابكى ولا اضحك
بس يالا كله على اللهتقبلى مرورى
هههههههههه
هم يضحك وهم يبكى
محمود حسن عبدالعال 24-03-2009, 09:15 PM انا شفت شباب بيراهنوا بعض علشان رقم بنت
ربنا يهدى الجميع
marwa.m 25-03-2009, 05:29 PM انا شفت شباب بيراهنوا بعض علشان رقم بنت
ربنا يهدى الجميع
يارب شكرا ليك
la rouse 26-03-2009, 08:50 PM الموضوع بجد هايل شكرا
الشفق الباكي 26-03-2009, 09:43 PM هههههههههههههههههههههههههه
هم يبكى وهم يضحك
الموضوع ولا مستاهل رهان
يعنى لو كليه الشباب دول 1000 يعنى مثلا 650 بنت او 700 يلاقى 50 صعب يجيب نمرتهم ويكلمهم
هههههههههههههههههههه
هيلاقى النمرهمع واحده من 600 الباقيين ما يتعبوش نفسهم ويراهنوا والله ربنا يصلح حالهم
bosy .. mostafa 26-03-2009, 10:44 PM الاضمن ان الواحده مش تدي رقم تليفونها لاي بنت معاها غير لما تثق فيها اوي
مين عارف يمكن يكون ولد من دول سلطها انها تتقرب منها و تاخد رقمها
حسبي الله و نعم الوكيل
|