موظفين الحكومة حالة خاصة .. حصرى جداً [الأرشيف] - بوابة الثانوية العامة المصرية

أسيل رزق

11-03-2009, 04:21 PM

السلام عليكم ورحمة الله وبركاته

موضوعنا إنهارده عن موظفين الحكومة العظماء

طبعاً العظماء دى تريقة لإن اللى بيتشاف منهم مش قليل خالص

الموضوع كبير كبير يا جماعة

ندخل فى المفيد

أكيد مش هننكر دور الناس المحترمين
من الموظفين الحكوميين
دول يتشالوا على رموش العين

( طول عمرى شاعرة B))

لكن كلامنا على الجزء التانى من موظفين الحكومة

اللى بنشوفهم فى أى مصلحة حكومية

سجل مدنى ، شئون الطلبة سواء فى المدارس أو الجامعات وهكذا..

الغريبة إنهم بيحاولوا يتعبوا الناس على الفاضى ومش متخيلين إنهم بيتعبوا نفسهم قبل كل شىء

الناس دى حقيقى يعنى لما الواحد يكلمهم لازم يكون واخد فرقة مزين قبل ما يروحلهم :040vk0:

هوريلكم كام حوار واقعيين حصلوا معايا ومع أصحابى ..

فى تمام الساعة التاسعة صباحاً توجهت إلى شئون الطلبة لختم ورق البطاقة .. وأخلص بقى :(

الموظفة (بصوت تعجز الأذن عن سماعه) : انتى يا حلوة منك ليها فى صف ياختى انتى وهى مش ناقصيين قرف على الصبح
( مع العلم إن مفيش غير 3 بنات اللى واقفين بــــــــــس )
الطالبة : لو سمحتى عايزة أختم ورق البطاقة ..
الموظفة : يا حلاوتك ياختى ولسه فاكرة دلوقتى وبعدين مستعجلة على إيه إصبرى لما أخلص الشندوشت بتاعى .. جتكم الهم
الطالبة ( كانت هتطلعلها الماطوة أرن الغزال بس صبرت عليها :stickjo4: ) : طيب حضرتك مش هتخسرى حاجة لما تختميها بالختم
الموظفة : انتى بتبجحى فيا ولا إيه ماقلتلك اصبرى .. دول طلبة دول دا إحنا كنا على أيامهم ملايكة لا بنهش ولا بننش
( على أساس إنها بالمنظر ده كانت فى كلية أصلاً .. آخرها مدرسة مجانص الثانوية بنين )

(طبعاً بعد إكتمال الصفوف التى وصلت إلى سور الكلية .. تكرمت الموظفة بعطفها وحنانها إنها .. تفز من على الكرسى وتكلمنا )

الموظفة( سألتنى بصوت مندمج مع مدغ الخيار ) : انتى قسم إيه يا شاطرة ؟؟
الطالبة : علم نفس
الموظفة : انتى شايفة دا شباك كام ؟؟
الطالبة : مفيش أرقام عليه:unsure:
الموظفة : يعنى مش شباك خمسة :stickjo4:
الطالبة : و أنا أعرف منين خمسة ولا ستة أنا عايزة اختم الزفتة اللى فى إيدى دى :stickjo4:
الموظفة : وهى تنظر للورقة بحقارة .. روحى دورى على شباك خمسة يا أمورة

( مع العلم إن الشباك ده من يوم واحد كان مخصص لعلم النفس )

::::::::::::

فذهبت أبحث عن شباك قسم علم النفس حتى وجدته

وقفت فى صف حتى جاء دورى

الطالبة : لو سمحت عايزة أختم ورق البطاقة
الموظف : أطرش بعيد عنكم .. شغال يحكى مع الست اللى جامبه و كركر ومرمر
الطالبة (بصوت مرتفع ): لو سمحت عايزة أختم ورق البطاقة ده
الموظف( بكل برود :romarioxp6:) : أفندم؟!!!!
الطالبة : عايزة أختم دى :mad:
الموظف : انتى قسم إيه
الطالبة فى دهشة : علم نفس
الموظف : علم النفس حد وأربع
( طبعاً إتحرق دمى يعنى هو مخصص علم نفس يقول حد وأربع بمناسبة إيه .. و الأغرب من كده إن فى بنت دفعتى كانت واقفة جمبى وقالها سبت وتلات !!!! )

::::::::::

بعد مرور إسبوع فى تمام التاسعة والنصف صباحاً

توجهت لنفس الشباك لأختم الورقة اللى حمضت معايا :stickjo4:

الطالبة : لو سمحتى عايزة أختم ورق البطاقة
الموظفة : انتى سنة كام ؟؟
الطالبة : أولى علم نفس و الله العظيم
الموظفة : واقفة فى الصف ده ليه اقفى فى الصف التانى
الطالبة (فى تعجب شديد:huh:) : يعنى هو الصف ده غير ده ؟!!!

( مع العلم إن كل الصفوف كان فيها اولى وتانية وتالتة ورابعة )

بعد الوصول لأول الصف

الموظفة : سنة كام؟؟
الطالبة بعد الملل : أولى
الموظفة : العنوان اللى عندى مش هو اللى انتى كاتباه فى ورق البطاقة ليه ؟؟
الطالبة : حضرتك اللى عندك ده على عنوانى اللى كان فى المدرسة .. لكن البطاقة عايزة أعملها على عنوان والدى
الموظفة : ماينفعش يا ماما لازم الاتنين يكونوا زى بعض
الطالبة : والحل؟؟
الموظفة : جبيلى آخر وصل نور للعنوان اللى عايزاه فى البطاقة وانا أغيرهولك
الطالبة : طيب مفيش وصل نور بقالنا 7 سنين سايبين الشقة مطفية .. أجيبلك وصل النور منين
الموظفة : ماتعطليناش .. اعملى ورقة جديدة

( أه نسيت أقولكم كانت بتكلمنى وهى ماسكة الكوسة بتأورها ومسكت الورقة بإيدها الخضرا دى .. أكنها بتقولى الورقة بايظة بايظة .. اللى محيرنى إشمعنى الكوسة هى اللى بيمسكوها !! عرفتوا ليه لما بنتكلم على عيب فى شىء ما بنقول كوسة )

الموظفة : خدى الورقة دى
الطالبة : أعمل بيها إيه؟!!:huh:
الموظفة : إدفعيها فى الخزنة
الطالبة : يا رب صبرنى

:::::::::

عند الخزنة أمة لا إله إلا الله .. بعد حرب إستمرت طويلاً .. وصلت لشباك الخزنة حتى أدفع ال 10 جنيهات

الموظفة : هاتى الفلوس
الطالبة : إتفضلى
الموظفة : إيه ده دى بطاقة .. روحى شباك 3
الطالبة : اللى هو فين ؟!!
الموظفة : هو انا مطلوب منى أوصفلك الطريق .. بنات آخر مياعة
الطالبة : :blink::blink::stickjo4:

(وصلت للشباك المقصود بعد عناء إستمر طويلاً)

الموظفة : دورى على 3 معاكى علشان أقطع الوصل مرة واحدة

( وسابتنى و فضلت تتساير مع اللى جمبها )

الطالبة : اتفضلى 3 كمان
الموظفة : وانتى مستعجلة على إيه هو القطر هيفوتك يعنى

( كان نفسى أجيب زمارة رقبتها .. بس ماطلتهاش من الحديد .. ساعتها بس عرفت ليه بيكون فى شباك حديد على كل شباك فيه موظفين )

طبعاً اخدت الوصل وروحت وكانت بالظبط الساعة 1 ظهراً

أنا طولت عليكم جداً هكمل بقية كلامى مع ردودكم فى الموضوع

Amethyst

11-03-2009, 04:33 PM

كملي كملي .. هي دي قصص الموظفين .. يا رب توب علينا منهم ..

Messenger of Peace

11-03-2009, 04:44 PM

هو الموضع ده حصل في كام سنة
انا مرة واحدة روحت حاجة حكومية
كنت بسأل على نتيجة فصل فائقين روحت اسئل الادارة قالي تحت نزلت تحت قالي اطلع فوق طلعت فوق قالي روح شئون الطلبة روحت شئون الطلبة قالي فوت علينا بكره مع ان كان لسة ساعة ونص على انتهاء اليوم الاعدي بتاع الادارة كانت الساعة 12.5وهما بيخلصو 2 مساء(اكيد عرفته ده يوم اية )

ربنا يعنيك يا اخت اسيل
ده مقروض يتحط في مواقف وطرائف
او
مصايب وكوارث

دمتم في رعاية الله

لمى 2016

11-03-2009, 04:45 PM

ههههههههههههههههه
ايه الموضوع ده
طيب و المدرسين
يا بنتى انا كان فيه واحدة صاحبتى
رايحة تعمل الاستمارة
فهى فى مدرسة حكومى
طلعت للحاجة 20 جنيه
قالت لها الفلوش مش فاكرة كام كده
اكتر يعنى
قالت لها طيب
و طلعت 50 جنيه
قالت لها هاتى فكة
قالت مش فيه معايا فكة
قالت لها و انا اعمل ايه
قولت لهم حصل خير
خدى الفلوس اهيه
قالت لى و انتى تدفعى لها ليه
ايه يا حاجة صاحبتى و احنا حرين مع بعض
قالت لى دى ممكن تاكولهم عليكى
هاهاهاهاهاهاهاهاها
(خفة يا اختى)
قولت لها ممكن تنجزى يا طنط
قالت لى طنط مين يا اختى
و هنا بقى ظهرت على حقيقتها
اصلها يعنى كانت بيئة شوية
الكلام ده كان قبل النقاب
فقومت مشمرة كده
هى خافت
قومت انا ضحكت و بصيت فى الساعة
يعنى هى بقى لقيتها بتقول
هوووووووووووووف
و بعد كده بتملى البت
فبتمليها غلط
فالبنت كتبت غلط
و الفورم باظت
قعدت تزعق و تقولها خلاص انتى مش هتدخلى الامتحان و كلام اهبل من ده
انا بقى كنت جبت اخرى معاها
فقومت قولتلها انتى بتتكلمى كده على اساس ايه يعنى
كل ده عشان حتة ورقة
خدى يا ستى الفلوس اهيه
و اعملى فورم تانية
قالت لى اعمل ايه يا اختى
انتى قاعدة فى كوافير
و قالت
(اللى معاه قرش محيره لما بت من دور ولادى تدفع لصاحبتها المبلغ ده كله)
حقد بقى محسسانى انى دفعت لها مليون جنيه
المهم خلصنا و روحنا
بعد عناااااااااااااااااء شديد
ثانكس يا موها
توبيك لظيظ

•-{«-•OkOhama•«-}-•

11-03-2009, 06:00 PM

هههههه

كملي كملي

ما دول هما اللي وقفين حال البلد والله

KHALOOOD

11-03-2009, 07:37 PM

ههههههههههههه
والله موضوع دمه خفيف جداااا
بس انتى عارفه الحوار دا كله كان يخلص ازاى
تطلعى خمسه جنيه وتحطيها فى جيبها زى ما بنعمل مع الحلاق بالظبط وب 2 جنيه بقصمات وكبايه شاى
والحياه هتمشى زبادى فى الخلاط
جربى الطريقه دى وابقى قوليلى النتايج
ولو اتعملك قضيه رشوه ! اسمى مايجيش فى الموضوع :)
تصدقى نسيت اسئل عليكى
ازيك يا اسيل ؟

..Just Stop

11-03-2009, 09:16 PM

BaNZeR

11-03-2009, 11:19 PM

ده عادي جداً جداً
وإن مكنش معاك حد واسطة او كوسة زي ما بيقولوا يبقى روح قبل المعاد بتلات ساعات على اقل تقدير
ده إن لقيت حجز ومجتش في يوم تاني يعني عشان تختم ورقة

أسيل رزق

12-03-2009, 04:08 PM

كملي كملي .. هي دي قصص الموظفين .. يا رب توب علينا منهم ..

هو الموضع ده حصل في كام سنة
انا مرة واحدة روحت حاجة حكومية
كنت بسأل على نتيجة فصل فائقين روحت اسئل الادارة قالي تحت نزلت تحت قالي اطلع فوق طلعت فوق قالي روح شئون الطلبة روحت شئون الطلبة قالي فوت علينا بكره مع ان كان لسة ساعة ونص على انتهاء اليوم الاعدي بتاع الادارة كانت الساعة 12.5وهما بيخلصو 2 مساء(اكيد عرفته ده يوم اية )

ربنا يعنيك يا اخت اسيل
ده مقروض يتحط في مواقف وطرائف
او
مصايب وكوارث

دمتم في رعاية الله

هههههه

كملي كملي

ما دول هما اللي وقفين حال البلد والله

ده عادي جداً جداً
وإن مكنش معاك حد واسطة او كوسة زي ما بيقولوا يبقى روح قبل المعاد بتلات ساعات على اقل تقدير
ده إن لقيت حجز ومجتش في يوم تاني يعني عشان تختم ورقة

ربنا يهدينا ويهديهم

أشكركم جميعاً على مروركم بالموضوع و على تعليقاتكم فيه

أسيل رزق

12-03-2009, 04:12 PM

ههههههههههههههههه

ايه الموضوع ده
طيب و المدرسين
يا بنتى انا كان فيه واحدة صاحبتى
رايحة تعمل الاستمارة
فهى فى مدرسة حكومى
طلعت للحاجة 20 جنيه
قالت لها الفلوش مش فاكرة كام كده
اكتر يعنى
قالت لها طيب
و طلعت 50 جنيه
قالت لها هاتى فكة
قالت مش فيه معايا فكة
قالت لها و انا اعمل ايه
قولت لهم حصل خير
خدى الفلوس اهيه
قالت لى و انتى تدفعى لها ليه
ايه يا حاجة صاحبتى و احنا حرين مع بعض
قالت لى دى ممكن تاكولهم عليكى
هاهاهاهاهاهاهاهاها
(خفة يا اختى)
قولت لها ممكن تنجزى يا طنط
قالت لى طنط مين يا اختى
و هنا بقى ظهرت على حقيقتها
اصلها يعنى كانت بيئة شوية
الكلام ده كان قبل النقاب
فقومت مشمرة كده
هى خافت
قومت انا ضحكت و بصيت فى الساعة
يعنى هى بقى لقيتها بتقول
هوووووووووووووف
و بعد كده بتملى البت
فبتمليها غلط
فالبنت كتبت غلط
و الفورم باظت
قعدت تزعق و تقولها خلاص انتى مش هتدخلى الامتحان و كلام اهبل من ده
انا بقى كنت جبت اخرى معاها
فقومت قولتلها انتى بتتكلمى كده على اساس ايه يعنى
كل ده عشان حتة ورقة
خدى يا ستى الفلوس اهيه
و اعملى فورم تانية
قالت لى اعمل ايه يا اختى
انتى قاعدة فى كوافير
و قالت
(اللى معاه قرش محيره لما بت من دور ولادى تدفع لصاحبتها المبلغ ده كله)
حقد بقى محسسانى انى دفعت لها مليون جنيه
المهم خلصنا و روحنا
بعد عناااااااااااااااااء شديد
ثانكس يا موها

توبيك لظيظ

المفروض إن دى مُدرسة ولا موظفة فى إدارة المدرسة؟؟

تعرفوا لما كنت بشوفهم فى الأفلام بحس إنهم مبالغين أوى لكن لما إحتكيت بيهم حقيقى اللى بنشوفه فى الأفلام ده مايجيش حاجة خالص جمبيهم

نورتينى يا جميل :)

أسيل رزق

12-03-2009, 04:27 PM

ههههههههههههه

والله موضوع دمه خفيف جداااا
أيون مهو انا اللى عاملاه :blush:
بس انتى عارفه الحوار دا كله كان يخلص ازاى
تطلعى خمسه جنيه وتحطيها فى جيبها زى ما بنعمل مع الحلاق بالظبط وب 2 جنيه بقصمات وكبايه شاى
والحياه هتمشى زبادى فى الخلاط
جربى الطريقه دى وابقى قوليلى النتايج

الموظفين فلوسهم قليلة بيحاولوا يشتغلوا على اد فلوسهم وأقل كمان علشان الناس تمل وتشربهم شاى بالياسمين علشان عندهم 6 عيال وامهم وكلام الكتير ده فا اللى بيحصل إن فعلاً الناس بتمل وبتشربهم الشاى بالياسمين علشان ينجزوا فى تقضية مصالحهم علشان كده بقى فى كل مكان فى رشوة و نرجع نقول الفساد ده جه منين ؟!! ( سؤال عقيم :stickjo4: )

مع إن ناس كتير بتعمل كده عادى ويقولوا أهو بنساعدهم بحاجة علشان مرتبهم صغير وفى نفس الوقت بنقضى مصالحنا .. بس عن نفسى برفض ده تماماً لو هفضل 10 سنين من غير ختم البطاقة .. رخامة :stickjo4:

ولو اتعملك قضيه رشوه ! اسمى مايجيش فى الموضوع :)
بس كده.. أول ما أتمسك هقولهم خالد اللى قالى أعمل كده :bosyht9:
تصدقى نسيت اسئل عليكى

ازيك يا اسيل ؟
الحمد لله بخير .. حمد الله على السلامة المنتدى نور ( مش أوى يعنى :d)

النقطة اللى قلتها دى شىء مهم جداً فى الموضوع

الناس من كتر الملل غيرت مفهوم الرشوة علشان تقضى مصالحها !!

شكراً على تعليقك فى الموضوع

أسيل رزق

12-03-2009, 04:38 PM

هههههههههههه
هما دول موظفين حكومتنا الجدعان
ودا العادى بتاع بلدنا الحبيبة
بس اا هاخد الموضوع من جانب تانى
لو هنبص للموظفين بصفة عامة
هنقول ليه موظفين مصر الحبيبة عاملين كده
بصى يا ست مها
هو مرتب موظفين الحكومة ده كام ؟!!!!
ياعينى كام ملطوش ميأكلوش عيش حاف
من هنا يجى النرفزة والعصبية وكل حاجة سوداء بأذن الله
فبالتالى بيطلع ارفه وهمه ونكده على خلق الله ( اللى احنا منهم )
الحكومة مش مدياهم حقهم
فبالتالى ماشيين على منطق انا مباخدش حقى يبقا مش هدى الناس حقهم
كلنا عارفين ان المنطق غلط
ونا معاكو فى ده
طبعا الموظفين دول غلابة
واحنا اغلب منهم والله ( اغلب من الغلب نفسه)

ربنا يهدينا جميعا
ربنا يهدى موظفين حكومتنا ويهدى حكومتنا قبلهم
( بس بصراحة اللى الموظفة عملته دا كتير كتير كتير ) :d
ماتفكرنيش بيها دا انا نفسى أطولها من الشباك الحديد بتاعها ده .. بس مش سيباها أبداً دى بدأت تلعب فى عداد عمرها :stickjo4:

ربنا يهدينا
بس لازم نستحمل
هيا دى بلدنا مصر
هيا دى ارض البلح
دمتم فى رعاية الله

كلام كويس جداً يا محمود وفعلاً لو هما بياخدوا مرتب محترم لا يمكن هيعملوا اللى بيعملوه ده !!

بس مين يرمى اللوم على مين

الحكومة بتديهم مرتب قليل وهما يتعاظوا ويطلعوا غلهم فينا ومصالحنا تتعطل و مايمشوش عدل إلا لو شربوا الشاى بالياسمين معنى ده فساد المجتمع كله

طيب والحل ؟؟!!!

مشكلة صعبة جداً ..

عجبنى تعليقك جداً يا محمود

و شكراً جزيلاً على ردك

..Just Stop

12-03-2009, 11:41 PM

كلام كويس جداً يا محمود وفعلاً لو هما بياخدوا مرتب محترم لا يمكن هيعملوا اللى بيعملوه ده !!
يعنى المشكلة فى الاساس فى حكومة بلدنا الجدعان
مديين فرصة للمتسولين واصحاب النفوز يمشو الرشوة والمحسوبية
وغير كدا طوابير متعرفيش تجيبى اخرها وياسلام لو انتى فى قنا زيى
انا روحت منطقة التجنيد علشان اجيب استمارة اتنين جند بخمسين قرش وربنا وقفت يجى ساعة ونص وياريته كان هيعمل فيها حاجة دا هيدهانى بس
بس ماشاء الله شمس الصعيد ما شاء الله عليها غير كدا شتايم من اللى قلبك يحبها فى خلق الله
وفى الاخر عظيمة يا مصر

بس مين يرمى اللوم على مين
نعيب الموظفين والعيب فى حكومتنا
ولو نطق الموظفين لمرمطو كرامتنا :d

الحكومة بتديهم مرتب قليل وهما يتعاظوا ويطلعوا غلهم فينا
وعلى راى المثل
شيل دا من دا يرتاح دا عن دا
يعنى الحل ان الحكومة تعمل مرتبات نضيفة شوية ويريحو الموظفين علشان الموظفين يريحونا
والا لا هيرتاحو زلا احنا هنرتاح
ومصالحنا تتعطل و مايمشوش عدل إلا لو شربوا الشاى بالياسمين معنى ده فساد المجتمع كله
بالضبط كده والى يجى فى الريش بقشيش
يعنى معاكى فلوس اصعب مصلحة هتخلص فى دقايق
غير كدا فوت علينا بكره بكره دا اللى كمان شهرين

طيب والحل ؟؟!!!
برسيل هو الحل ينضفو المرتبات تنضف الضماير

مشكلة صعبة جداً ..
دى معادلة من الدرجة الاولى سين زائد ص يساوى عين
موظف محترم زائد مرتب نضيف يساوى راحة للشعب الغلبان

عجبنى تعليقك جداً يا محمود
طبعا لازم يعجبك :d

و شكراً جزيلاً على ردك
العفو دا اقل واجب

اسف على المداخلة
بس حبيت ارغى شوية فى الموضوع ده:d
دمتى فى رعاية الله

الاستاذ محمد سرور

13-03-2009, 01:00 AM

ايه الطيبة اللى انتى فيها دى
انا فاكر وانا فى سنك حصل معايا كدة
بس من اول موظف اخدت قرارى مش لفيت زيك كدة
طلعت على وكيل الكلية لشئون الطلاب أ . د فلان الفلانى
وطلبت مقابلته
وطبعا مع شوية صوت عالى للسكرتيرة بتاعته دخلت قابلته
سألنى طلباتك ايه
قلت له عايز اخلص الورق دة
فقال لى مستعجبا .. وانت جايلى ليه ما تروح للموظفين تحت فى شئون الطلاب ..هو انت لسه جديد
قلت لا انا عارف كل حاجة بس هم رافضين يخلصوه
وطبعا فى ثوانى ورقى خلص
وكان رد مديرة شئون الطلاب
يا ابنى انت زى ولاد كنت تعالى لى وانا اخلص لك كل حاجة ما كانش لازم تروح للدكتور
وطبعا الكلام دة وهى بتعزم على بسندوتش من اللى كانت مشغوله بيهم
ومن بعدها اربع سنين دراسة واثنين دراسات عليا لا امكث فى مكاتب الموظفين الا دقائق ومش بقف على شباك بدخل من الباب على طول
اصل اللى ليه ضهر ما يضربش على ...............

بلد تخاف ما تختشيش

الاستاذ محمد سرور

13-03-2009, 01:05 AM

ايه الطيبة اللى انتى فيها دى
انا فاكر وانا فى سنك حصل معايا كدة
بس من اول موظف اخدت قرارى مش لفيت زيك كدة
طلعت على وكيل الكلية لشئون الطلاب أ . د فلان الفلانى
وطلبت مقابلته
وطبعا مع شوية صوت عالى للسكرتيرة بتاعته دخلت قابلته
سألنى طلباتك ايه
قلت له عايز اخلص الورق دة
فقال لى مستعجبا .. وانت جايلى ليه ما تروح للموظفين تحت فى شئون الطلاب ..هو انت لسه جديد
قلت لا انا عارف كل حاجة بس هم رافضين يخلصوه
وطبعا فى ثوانى ورقى خلص
وكان رد مديرة شئون الطلاب
يا ابنى انت زى ولاد كنت تعالى لى وانا اخلص لك كل حاجة ما كانش لازم تروح للدكتور
وطبعا الكلام دة وهى بتعزم على بسندوتش من اللى كانت مشغوله بيهم
ومن بعدها اربع سنين دراسة واثنين دراسات عليا لا امكث فى مكاتب الموظفين الا دقائق ومش بقف على شباك بدخل من الباب على طول
والطريف فى الامر وانا فى سنة 3 اقدمت على دعم كتب
وكان على ايامنا الدعم ممكن يوصل لارع كتب مجانية
المهم انا نسيت انى قدمت على الدعم
فضل الموظفين يلفوا على فى المعامل علشان يضمنوا يلاقونى ويسلمونى كتب الدعم

اصل اللى ليه ضهر ما يضربش على ...............

بلد تخاف ما تختشيش

اضافة لكلامى

الضوء الشارد

13-03-2009, 01:15 AM

ههههههههه والله ياجماعة بكلامكم ده افتكرت مشهد
العظيم نجيب الريحانى
لما الموظف كان بيقول له روح يانوفمبر تعالى ياديسمبر .
يعنى واضح اصلا ان الروتين ده من زمن الأبيض والأسود .
مش عارف يقى هل ده عوامل وراثية ولا كسل وخمول
ولا نقص رقابة ولا نقص ضمير ولا كل الأسباب . المهم ماتهتميش اوى بالموضوع ده لأنه هيحصلك كتير
وكل روتين وانتى طيبة . وعلى رأى الشاعر اللى بيقول
لايأس مع الحياة ولاحياة لمن تنادى

Amethyst

13-03-2009, 02:31 AM

.. احم .. احم ..
.. الرد الثاني على التوازي في هذا الموضوع ..

.. كان فيه مسلسل عربي ( غير مصري) كان فيه واحد رايح مصلحة حكومية ..
.. وبعدين كل ما يروح مكتب يلاقيه فاضي ..
.. ومتعلق ورقة مكتوب عليها ..
" احتمال أكون في الدور الثالث واحتمال أكون في الدور السادس "
.. الراجل يا عيني يطلع الدور اللي كان مكتوب يدور يلاقي ورقة تانية ..
"احتمال أكون بالدور الخامس .. واحتمال أكون بالسابع ..
وهكذا ..
.. يروح يدور تاني ..
.. و النتيجة ..
" احتمال أكون موجود .. واحتمال ما أكون موجود "

.. لحد بعد ما الراجل ده قعد يلف في هيئة الاحتمالات دي .. تعب ورجع البيت ..
.. ابنه : أبوي (سوري أصله مسلسل خليجي)..
.. الوالد : أبوي !! .. احتمال أكون أبوك .. واحتمال أكون أمك ..

.. حاسة إني كتبتها لخبطيشن ..
:lol:

Rien

13-03-2009, 03:00 AM

ف اول السنة
كانت الفصول عندنا لسة بتتظبط وبنات بتتنقل وحاجات كدة
وكان كل ما حد يحب يوصل حاجة للوكيلة يبعتنى
:(
جيت ف مرة روحتلها عشان الانقسام عندنا فيه بنات مش لاقية فصول تحضر فيها
نزلتنى للمستر اللى بينظم الجدول قام مطلعنى ليها تانى
وهكذا حوالى 5 او 6 مرات ( طالعة نازلة والجو حر لوحده اصلا )
وكل حد يقولى انا ماليش دعوة .. انا مظبط شغلى على كدة
روحى قوليله المفروض يعمل كذا كذا كذا
اللى يغيظ بقى
انها لو نقلت البنتين فصل تانى الموضوع هايتحل
واللى يغيظ اكتر ان انا ماليش علاقة بالموضوع اصلا
:angry2:
ومن كام يوم روحت اغير المواد الاختيارية ف الاستمارة
قالتلى انتى لسة فاكرة .. مع انها قبل كدة قالتلى تعالى ف الترم التانى !!
طبعا مارديتش عشان دى تعتبر قلة ادب وبجاحة لو قولتلها حاجة زى كدة
:slap1qk6:
ف اتكتمت وباسألها المفروض اعمل ايه ؟ بتقولى انتى جاية تسألينى
اومال اسأل مين يعنى
وفضلت تتريق على كل كلمة اقولهالها
كانت ف المود اليوم ده ومازعقتليش كالعادة يعنى
:040vk0:
بس على فكرة
فيه ناس كويسة برضو

أسيل رزق

25-03-2009, 05:58 PM

الأسبوع السادس علشان ختم البطاقة بعد شراء ورقة بطاقة جديدة وتغيير العنوان

الطالبة : لو سمحتى عايزة أختم ورقة البطاقة

الموظفة : ورينى الورقة

الطالبة : إتفضلى

الموظفة ( بعد طول إنتظار ) : طيب تعالى خديها يوم الحد الجاى

الطالبة : ماينفعش دلوقتى ؟؟

الموظفة : لا طبعاً

الطالبة : طيب شكراً

::::::::::::::

الأسبوع السابع

الطالبة : عايزة ورق البطاقة

الموظفة : اسمك

الطالبة : مها .....

الموظفة : امسكى

الطالبة : طيب لو سمحتى فين السجل المدنى فى الجامعة

الموظفة : عند حاسبات

الطالبة : فين بالظبط ؟؟

الموظفة ( عاملة نفسها مش سامعة )

ومشيت

إفتكرت إن فى مبنى صغير جمب حاسبات من عند باب الجامعة قلت يمكن هو

رحت ولقيت امة لا إله إلا الله

و أنا داخلة مع صحبتى لقيت راجل كبير خارج بيلعن اليوم اللى إتولد فيه

و صوت واحدة مفترية جوا بترمى جزم من لسانها ( سورى على التعبير بس دا مايجيش حاجة جمب اللى سمعته )

بصراحة أنا إترعبت من قبل ما أدخل

بس قلت هخلص البطاقة يعنى هخلصها

دخلت و لقيت ست كده بسم الله ما شاء الله طول بعرض قاعدة على مكتب وادامها ست كبيرة عمالة تكلمها اكنها بتحاكمها على جريمة قتل أتاريها نسيت وصل نور

المهم لقيت بنت بتديها ورق البطاقة مختوم طبعاً و الحوار تم هكذا

الموظفة : فين شهادة الميلاد الكمبيوتر ؟؟

الطالبة : ماجبتهاش

الموظفة : ولا وصل نور ولا ميه؟؟

الطالبة : لا

الموظفة : ولا صورة كارنيه الجامعة ؟؟

الطالبة : لا

الموظفة ( وهى زى الفحمة المولعة ) : امال ايه اللى يثبت انك فى الجامعة

الطالبة : هى مش الورقة مختومة من الشئون يعنى عارفين إنى فى الكلية يبقى لازمتها ايه كل الطلبات دى

( الفاتحة على روح البنت يا جماعة )

طبعاً الموظفة مسحت بيها بلاط المكتب

المهم بعد معركة طويلة دخلوا مجموعة بنات عليها علشان واحدة بس فيهم تتصور

مش عايزة أقولكم إنها مرمطتهم المهم كلمت واحدة من البنات سألتها هى عايزة ايه غير ورق البطاقة فا قالتلى شوية طلبات وبعدين ببص على الباب لقيت الورقة هى مش ورقة دى لستة طلبات مليون طلب وطلب وكلهم من وجهة نظرى ولا ليهم أى لازمة

و خرجت مخنوقة ومضايقة من اللى بيحصل فينا ده

ماكنتش بطاقة اللى تخلى اللى يسوا واللى مايسواش يتحكم فينا كده

فكرت أطلع لمكتب دكتور فتحى الشرقاوى والبطاقة تتعملى على طول بس أخدت بعضى ومشيت

وتوتا توتا مافرغتش الحدوتة وحشة ولا ملتوتا ؟؟

CoMMaNdo

25-03-2009, 06:25 PM

ههههههههههههههه
موضوع جميل والله يا مها
وفعلا دا الى بيحصل
الروتين بتاع الحكومه دا عقيم ومتخلف جدا
مش عارف هتفضل لحد امتى كدا
انا حصلت معاايا الحكايات دى وانا بعمل الكارنيه
وعملته خلاص وجيت بعد اسبوعين استلموا مش راضيين
مع ان الكارنيه عالمكتب وشايفه
بس مش راضيين يسلموا كارنيهات لحد
عشان مشغولين فى الحكاوي واللب
فانا ريحت دماغى وجبت الفراش بتاع الشاى اديته خمسه جنيه جابلى الكارنيه وفوقيه كوباية شاى كمان
بلا وجع دماغ :d
ً

smoke

26-03-2009, 08:11 AM

ما شاء الله فيلم هندي بقصة مصرية
ايه ده ؟ ده كتير اوي اي الهدوء والاستكانة اللي انتوا فيها دي
يعني لو انتوا لسه في المدرسة كانت المعاملة احتمال هتكون اشيك من كده
بس في الجامعة الوضع مختلف لان لكي حقوق ،ده متهيالي خلوكي تلفي الكلية كعب داير
ايه اللي بيحصل ده ؟لامتى هنفضل كده لامتى؟بجد حاجة تحزن،ونقول هتنقدم امتى،احنا للاسف بنرجع لورا،
و كما قال الشاعر:
نعيب على زماننا والعيب فينا وما لزماننا عيب سوانا
و عجبي!!!!!!!!!!!!!!!!!!!!!!!!!!!!!!

بصي يا اسيل لو انتي اللي كاتبة النص ده بالفعل فبجد لكي مستقبل باهر ،افيهاتك جميله وظريفة،دوري على منتج ومخرج وياما تعملي فيلم قصير بس من نوع الكوميديا السوداء ،او مسلسل سيت كوم وسيبك من علم النفس، ولا اقولك كملي عشان احتمال احتاجك تعالجيني ،هههههههههههههههه
ربنا يقويكوا عليهم
تحياتي

أسيل رزق

29-03-2009, 02:16 PM

أسيل رزق

29-03-2009, 02:29 PM

ههههههههه والله ياجماعة بكلامكم ده افتكرت مشهد
العظيم نجيب الريحانى
ما عظيم غير الله
لما الموظف كان بيقول له روح يانوفمبر تعالى ياديسمبر .
يعنى واضح اصلا ان الروتين ده من زمن الأبيض والأسود .
مش عارف يقى هل ده عوامل وراثية ولا كسل وخمول
ولا نقص رقابة ولا نقص ضمير ولا كل الأسباب . المهم ماتهتميش اوى بالموضوع ده لأنه هيحصلك كتير
وكل روتين وانتى طيبة . وعلى رأى الشاعر اللى بيقول
لايأس مع الحياة ولاحياة لمن تنادى

شكراً على الكلام الحكيم ده http://www.thanwya.com/vb/images/icons/icon10.gif

نورت الموضوع

أسيل رزق

13-04-2009, 06:18 PM

منورين الموضوع يا جماعة

المفروض هنزل جزء تالت بس بصراحة مش قادرة أكتبه دلوقتى

جمال سراج

14-04-2009, 09:45 PM

هو دا للاسف اللى جايبنا ورا
امثال هؤلاء الموظفين العالة على كادر العمل اصلا
اللى ميقدوروش يدخلوا مالباب من كتر التخن!!!!!!!!!!!!!!! والكسل والاكل
اللى مش عاوزين يتعلموا حاجة اسمها ذوق او يمشوا مع روح العصر ويتعلموا ويطورا نفسهم ويريحوا نفسهم من الطرق التقليدية
امبارح فى برنامج تليفزيونى صرح الاستاذ الدكتور وزير الصحة ان كتير من الموظفين يحتاج لتدريب وان كتير من اللى بيدرب اصلا يحتاج اصلا لتدريب

يا ريت كل واد كدا يراعى ربنا فى شغله ويادى عمله بضمير عشان ربنا يبارك لنا فى القليل والله
ويسيبه من الكلام الفارغ زى على قد فلوسهم - او هو انا يعنى هيدونى كام او ايه او الحاجات دى
ياريت كل واحد يعرف ان فيه ربنا هيحاسبنا على الصغيرة والكبيرة
هيحاسبنا على شغلنا وطريقة معاملتنا لغيرنا

يا ريييييييييييييييييييييييييييييييييييييت!!!!!!!!!!! !!!!!!
تقبلى تحياتى اسيل
وشكرا لمواضيعك الهايلة
انت بتجيبى المواضيع الشياكة دى منين
تتش ووووووووووووووووووووود
ربنا يبارك فيكى وبالتوفيق دايما

أسيل رزق

15-04-2009, 06:24 PM

شكراً على تعليقك يا أستاذ جمال

وشكراً على رأيك فى مواضيعى
أخجلت تواضعنا

جزاك الله كل خير

أسيل رزق

02-09-2009, 09:33 PM

موقف من عدة مواقف بتحصل
الواسطة
.. تدخل على الموظف فى السجل المدنى
انت : و الله أنا عايز أختم الورقة دى
الموظف : لا معلش لازم تجيب طابع بوسطة من المكان الفولانى و تجيب ورقة معتمدة من المصلحة الفلانية و معاهم حلة محشى من بتاعة الست ام سيد

.. طبعاً انت تتعقد و تلعن اليوم اللى فكرت فيه إنك تمسك الورقة اللى عايز تختمها

.. بعد أسبوع ..
قابلت فى الشارع واحد صاحبك من زمان
انت : أهلاً أهلاً إزيك يا برنس؟؟
حماده : الحمد لله و انت اخبارك إيه يا راجل مش بنشوفك ليه ؟؟
انت : و الله أنا دايخ بقالى شهر علشان أختم ورقة كذا كذا و كل ما روح يطلبوا منى حاجات ياما و أتخنق و أمشى :(
حماده : يا راجل .. طب مش تقولى دا أنا عمى موظف فى السجل المدنى هناك
انت : إيه ده بجد؟؟
حماده : أه و ربنا .. روح هناك و اسأل على أستاذ عبد الصمد و قوله أنا من طرف حماده ابن أخوك و هو هيعمل معاك أحلى واجب
انت : طب كويس أنا من بكره هروحله

.. تروح تلاقى نفس الراجل فى وشك ( اصطبحنا و اصطبح الملك لله )
انت : لو سمحت عايز أختم الورقة دى
الموظف : اها لا دا انت هتروح قسم العجوزة تجيب سندوتشين طعمة و اتوصا بالجرجير .... و يرص القايمة بتاعته اللى مش بتخلص
انت : طب لو سمحت عايز أستاذ عبد الصمد
الموظف : أنا عبد الصمد .. أى خدمة يا سيدى :040vk0:
انت : حضرتك عبد الصمد !!:blink:
الموظف : مالك مُندهش كده .. هو أنا طلعت فى السيما و أنا معرفش !!
انت : لالا يا أستاذنا .. أنا من طرف حماده إبن أخو حضرتك
الموظف : حماده .. يبقى انت أكيد حسنى صاحبه .. أمرنى :078111rg3:
انت : الأمر لله وحده .. كنت عايز أختم الورقة دى
الموظف : بس كده من عنيا دا أنا أخلصلك الورق كله .. كرسى لأستاذ يا مخيمر بسرعة و واحد شاى بفتلة و سكر الأسرة أوااااام :friendsxs3:
انت : لالا مالهوش لزوم .. ربنا يخليك
الموظف : إزاى بقى دا انت من طرف الغالى إبن الغالى :friendsxs3:

و حسنى ختم الورقة و شرب شاى ليبتون فتلة و حط 3 معالق سكر الأسرة و خلص من الهم الأذلى بتاعه :bosyht9:

يجرى إيه لو كل الناس يبقوا من طرف حماده ؟؟!!!
:unsure::unsure::unsure:

**تسابيح**

02-09-2009, 10:02 PM

اوركيديا

03-09-2009, 01:26 PM

I promise you

04-09-2009, 03:25 AM

موضوع شديد يا مها
انا بتحصلى مواقف من دى كتييييييرة أوى
بس عارفة كل حاجة بتمشى بالرشوة دلوقت والله
وربنا يخلينا حمادة:d
مفيش حد شايف شغلة اصلا
والمرتب بتاع الموظف هايعملة إية ولا إية
بس تعتقدوا لو المرتب زاد هايبقى حالهم ازاى ؟!
أنا قبل كدة حصلى موقف كنت بعمل بيان قيد من الكلية
فالاخ المحترم قالى انت من الكلية - سؤال وجية - قولتلة أيوة من الكلية
قالى طب ورينى الكارنية والبطاقة فاخد الكارنية والبطاقة
وبيتكلم وهوا بيزعق كدة بيقولى اية دة لية صورة الكارنية مش زى البطاقة
انا استغربت أوى من طريقة كلامة ليا ومن السؤال
بقولة إية حضرتك؟ كرر السؤال ..
فأبتسمت كدة - بستفزة - وبقولة طب شوف الاسم كدة الا يكون مش اسمى
بقى مش عارف يعمل فيا اية :d
دة موقف صغير جداً من المواقف اللى بتحصل
ومن دة كتيييير يعنى
يلا ربنا يسترها معانا
فى رعاية الله ..

** ضي القمر **

04-09-2009, 03:34 PM

ازيك يا عباس ؟؟;)
واحشنى ياراجل والله

اسلوبك تحفة ياقمر
والموضوع لذيذ جدا ومسلى فى الصيام ده

شوفت بهدلة الاختام دى ياختى وانا بختم ورق الكشف الطبى
كرهت نفسى واليوم اللى دخلت فيه الكلية
لمينا ورقنا انا واصحابى وبعتنا واحدة تختم
ماشاء الله البت رجعت ماسكة الجزمة فى اديها
والطرحة مفكوكة
وكانت هتدينا باللى فى اديها من اللى شافته ياعينى:bosyht9:
وبجد اقتنعت بالكلمة اللى اخويا قالها لبابا خليها تقعد فى البيد افيد:d

يارب يهديهم ويهدينا ياقمر
ومرة تانية بجد الموضوع تحفة

أسيل رزق

05-09-2009, 01:58 PM

هههههههههههههههههههه
انت جبارة يابنتي
هههههههههههههه
حكاوي زي العسل والله
رغم ان روحك طلعت بس بجد بتحكيهم بطريقة لذيذة
يابنتي دا حصلي لما رحت الكلية برده
بس كنت بقدم بقي ودوخوني لحد لما كرهت نفسي
واليوم اللي قدمت فيه للكامحة
ان شاء الله المواضيع دي مش تتكررر معاكي
منور يا معلم
ملاحظة إن الكل بيشتكى من يوم التقديم فى الكلية
دا كان حتة يوم ما يعلم بيه إلا ربنا
اتبهدلت آخر بهدلة و بعد ما تأقلمت فى الكلية حسيت إن كل البهدلة دى ماكنش ليها أى لازمة
بيحسسونا إننا بنقدم فى الجيش
يلا ربنا يهدى الجميع
أنا قلتلك منورة فوق أقولك إيه تحت؟؟
على رأى سيد :يلا بلاباى :p

Sherif Elkhodary

05-09-2009, 07:17 PM

هههههههههههههههههههههه
جميل يا مها بجد الموضوع ده
من احلي المواضيع اللي شوفتها
طبعا مفروض يتنقل للمواضيع المميزة ولا ايه ؟
بس موضوع لذيذ بجد
انا طبعا لسه هرجع وارغي
بس هو سؤال كده لفت انتباهي

على رأى سيد :يلا بلاباى :p

سيد مين ؟:d

JusT DreaM

05-09-2009, 07:26 PM

سيد مين ؟:d

اخو شوقيه :d

موضوعك تحفه ياموها
بس سبحان الله
ربنا دايما يوقعني ف ناس بنت حلال والله :d
يعني مثلا يوم الكشف الطبي لقيتلك واحده بتجري ورايا
انتي مكشفتيش ليه :d
واخدتني وكلهم سبحان الله يبنقطو سكر كده
بتكلم بجد ع فكرة :d
كنت حاسة ان الدمعه هتفر من عيني يومها :d
والبطاقة بردو متعبتش بردو كانو بيهزرو :006et4:
يلا حظوظ :p
موضوع جامد يامها
مش عارفه انا رديت زمان ولا ايه
بس مش مشكله زيادة الخير خيرين:d

COoL HEaRT

05-09-2009, 07:54 PM

ههههههههههه
جميل الموضوع
بحب انا الاسلوب ده
:d
بس معلش يا حاجه مها عشان نكون واقعيين يعنى
هو ايه المطلوب من العالم دى يخلصولك المصلحه بسرعه صح ؟
احنا عندنا مشكله بجد فى دماغنا او الموظفين شايفين ان الاداء المُتقن فى العمل
بيتم بتجميع اكبر عدد من الورق... داء البيروقراطيه والروتين الغبى بعيد عنك
كان فى كاريكاتير مُعبر للضاكتور شريف عرفه
http://www.thanwya.com/vb/picture.php?albumid=72&pictureid=7683

وياريت حتى المطلوب انه يكون متقن
واضح ان احيانا بتكون ان الموظف يأما(خايف-مكسل)
وده ناتج اصلا لسببين مفيش ضمير-مفيش رقابه
عشان كده الواحد بيحاول يبعد عن المصالح الحكوميه خالص بجد اى حاجه اخلى الحاج دولا يخلصها
انتى غلطتك من البدايه ايه اللى دخلك علم نفس ياماما هى دى اخرتكم اصلاً
:::::::::
هحكيلك ع حاجه لسه حاصله النهارده
انا وامل كنا نازلين رايحين مكان
المهم لقينا مامتها بتتصل وصوتها مخنوق كده بنسأل فى ايه
قالت ان فى تيلفون جه ..راجل قالها ان ورق التحويل بتاع امل ضاع !!
وان اخر يوم النهارده والراجل عرف كمان بالصدفه البحته لما لقوا وصل الفلوس اللى هى دفعاه
حاجه قرف يعنى
ياريته بس ع كميه الورق اللى مش طبيعيه لا ده كمان الاهمال والتخلف
::::
وحاجه تانيه مفروض كان فى دكتور هيقابلنا بردو النهارده اتصلنا قال انه فى مصلحه (حكوميه )
عرفنا طبعا ان فيها لبعد الفطار انا الحمد لله خلعت :d
ومعرفش فى حاجه حصلت دلوقتى ولا لسه
::::::::
ماعلينا
هو المشكله بجد ان مفيش مرونه فى التعامل
خمسين ختم وميت ورقه وسبعتلاف طابع وميت دمغه
تضييع وقت وجهد وحاجه تجيب صداع فعلاً
بس فى الاخر مش مشكله الموظفين بس
اولا هى مشكله ببردو المنظومه كامله
فى اختيار موظفين من زمن تحتمس
معنهدمش المؤهل العقلى اللى يعرفهم ان الدنيا اتطورت وان فى حجات اسرع واخف من الدمغات والورق والفران اللى بتيجى تقرقده فى الاخر
:::::::
يعنى الواحد مش هينتظر ان فى حاجه هتتغير اصلاً
لأن فعلا مفيش اى مؤشر لده
مش هنرمى الحمل كله عليهم لان مش غلطهم بس
لو العمليه كانت محدده ليهم من البدايه كان الموضوع هيبقى سهل لينا وليهم
يلا خير خير
انا مصدعه اوى يا مها (عاااااا) هوف يلا سلام اما تفتحى خبطى عليا ياماما
:d
سلام عليكم

أسيل رزق

05-09-2009, 09:55 PM

هههههههههههه

جميله المواقف دى يا اس اس
بس مش عارفه العيب من مين
حلقه مفرغه
تعرفى
كان فيه حلقات الشقيرى عامل برنامج كامل فى اليابان و جايب مواقف من هناك و مقارنات
المهم من ضمن الحاجات دى
جاب عن العمل
لما سأل واحد مهمته تعديه الناس فى الشارع
( المصيبه تلاقى ان الشوارع اصلا اصلا نضيفه و العربيات واخده بالها و كله تمام )
المهم سأله بتاخد كام يوم اجازه فى الاسبوع
طبعا الحوار كله بالانجلش
قاله و لا يوم
الراجل استغرب
و لا يوم ؟
قاله اها
المهم قاله ليه ؟
قاله عشان مش احمل زمايلى فى الشغل عبء
اااااااه يانى
لالا اه يانى ايه خلينى أنا أقولها مكانك ياختى
أنا جاتلى هسترية ضحك من الجملة دى
حسبى الله ونعم الوكيل :(
شلل و الله
مش احنا
:bosyht9:
يلا الحمد لله
:(
فى رعايه الله

بجد الرد ده زعلنى أوى
أهو دول ناس لا من جنسنا ولا من أصلنا ولا من ديننا و بيقولوا كده
الله يخرب بيت الوحش يا شيخة
ردك و إضافتك جميلة يا لولو
لازم نقارن نفسنا بغيرنا علشان نعرف إذا كنا مُقصريين فى عملنا ولا لأ
مع إن مفيش وجه مقارنة .. بس ربنا على المفترى :bosyht9:

أسيل رزق

05-09-2009, 10:13 PM

موضوع شديد يا مها
انا بتحصلى مواقف من دى كتييييييرة أوى
بس عارفة كل حاجة بتمشى بالرشوة دلوقت والله
وربنا يخلينا حمادة:d
مفيش حد شايف شغلة اصلا
والمرتب بتاع الموظف هايعملة إية ولا إية
بس تعتقدوا لو المرتب زاد هايبقى حالهم ازاى ؟!
الموظفين دول عاملين زى المدرسين
بيشتكوا من قلة المرتب
طب نفرض إن مرتبهم زاد الف جنيه نقول ألفين
تفتكروا هيبطلوا اللى بيعملوه ده؟؟
أنا شايفة إن اللى فيه داء مابيبطلوش
لا دول هيبطلوا رشوة ولا التانيين هيبطلوا دروس خصوصية :d
و يبقى الحال كما هو عليه :bosyht9:
أنا قبل كدة حصلى موقف كنت بعمل بيان قيد من الكلية
فالاخ المحترم قالى انت من الكلية - سؤال وجية - قولتلة أيوة من الكلية
قالى طب ورينى الكارنية والبطاقة فاخد الكارنية والبطاقة
وبيتكلم وهوا بيزعق كدة بيقولى اية دة لية صورة الكارنية مش زى البطاقة
انا استغربت أوى من طريقة كلامة ليا ومن السؤال
بقولة إية حضرتك؟ كرر السؤال ..
فأبتسمت كدة - بستفزة - وبقولة طب شوف الاسم كدة الا يكون مش اسمى
بقى مش عارف يعمل فيا اية :d
دة موقف صغير جداً من المواقف اللى بتحصل
ومن دة كتيييير يعنى
يلا ربنا يسترها معانا
فى رعاية الله ..

سعيدة بردك جداً وده دخلنا أكتر فى حتة المرتب و نرجع نقول
يا جماعة تفتكروا لو المرتب زاد الروتين هيقل؟؟

Sherif Elkhodary

05-09-2009, 10:58 PM

احم
ازيك يا حاجة مها
انا قولت ارغي شوية عشان الواحد زهقان من الاشراف بعيد عنك
انا كنت هقول رد الحاجة ياسمين بس هي علي طول كده بتسرق افكاري :d
احب اقول بس حاجة ردا علي كل واحد رد ع الموضوع و قال ان السبب في كده الحكومة او المرتبات او كده
ان دي نظرية غلط ومش تمام
يعني هما لو زودوا المرتبات او اهتموا بيهم اكتر من كده هيهتموا بيا
طبعا ولا هيحصل
طيب اقولك علي حاجة ووالله لولا ان كلنا كنا شباب والراجل خاف كنا اتبهدلنا
كنا رايحين مع واحد صاحبنات نعمله حاجة كده في الجوازات
ياربي علي اللي حصل
و الراجل بيتكلم باسلوب مش محترم
محسسنا ان احنا جايين من الشوارع
قولتله فيه ايه انت بتتكلم كده مع مين و قلبناله المكتب
وحياتك المصلحة دي تمت في عشر دقايق فقط لا غير مع الاعتذار
شوفتي بقا
ولا يوم لما روحنا نقدم لكلية العواطيلة
احم كلية الهندسة
المهم روحت مع3 اصحابي روحت لقيت واحدة قاعدة هناك عشان التقديم و كده
قولتلها عاوز اقدم قالتلي اصبر صبرنا ربع ساعة وقولتلها تاني
فلقيتها منفسنة قولنا نرخم عليها بقا لان كان عندنا كبت رهيب
كان معاها قلمين والله اخدناهم و معرفت تتكلم
تاني حاجة واحد قالها يا مدام قالتله لو سمحت انسة
قالها بصي يا مدام :d
ولا الدوك النفساني بتاع الكلية
بجد منفسن منفسن جدا
دكتور تتخ تتخ :d
روحناله قالنا اطلعوا بره خالص
فا انا بصيتله كده قالي فيه حاجة اطلع بره مش عاوز زحمة
قولتله اقفلك الباب وانا خارج وافوت بكرة ولا ايه
كانت شكلة كبيرة بس العيال هدوه وبتاع
بس اقولك حاجة
ليه لما يبقي هو منفسن عليكي مش بترخمي عليه
علي فكرة والله حاجة لطيفة
طيب هقولك علي موقف حصل معايا بجد واتضايقت اوي منه
روحت عشان اعمل اللي متتسمي البطاقة
المهم روحت و تمام و روحت لواحدة قاعدة هناك
قولتلها اعمل البطاقة ولا هي هنا و عمالة تتكلم مع اللي جنبها و تقولها علي دروس حمادة ابنها اللي في ثانوي
ولا علي حلة المحشي اللي عملتها اول امبارح
ولا علي فوزية بنت اختها
بعيد عنك اللت و العجن اللي بيحصل
قولتلها تاني بصوت عالي شوية عاوز اعمل البطاقة قالتلي اصبر يا حبيبي
قولتلها ياست خلصيني الله يرضي عنك
قالتلي طيب ثواني
لقيتها قامت انا فكرتها هتعملي حاجة او ورق او كده
لقيتها راجعة بكباية شاي ولبن
ياربي والله كنت عاوز ارميها في وشها
والله قولتلها اجبلك قرموشتين
ناس صعبة والله
كنت ناوي ارغي والله جامد بس انا زهقان طهقان
هجيلك تاني يا حاجة مها
بجد موضوع من احلي الموضوعات
المفروض يتنقل للمواضيع المميزة
احييكي عليه يا حاجة مها
يلا كفاية
في امان الله

:: [ K A B B O W ] ::

06-09-2009, 01:28 AM

الأغرب من كده إن فى بنت دفعتى كانت واقفة جمبى وقالها سبت وتلات !!!! )

ههههههههههههههههههههههه
لا ده دماغ عاليه اخر حاجه
انا اتهريت من الأشكال دى و الله و خصوصا ان واحد قبل كده قال لى اعمله ورق المدينة بتاعته و حصل زى اللى حصل معاكى ده بالضبط و زياده عليه انى فضلت الف اكتر من ساعه علشان اوصل للشئون
بسم الله ما شاء الله كل واحد تسأله يدلك على شارع و فى الاخر خالص لقيت نفسى وصلت لسور الجامعه :d
شكرا ليكى على التوبيك
فى رعاية الله

أسيل رزق

06-09-2009, 09:19 PM

ازيك يا عباس ؟؟;)

واحشنى ياراجل والله
الحمد لله .. إزيك يا شوشو يا كميلة ؟؟
انتى أوحش و الله

اسلوبك تحفة ياقمر
والموضوع لذيذ جدا ومسلى فى الصيام ده
أى خدعة .. لاقيته إندفن فا نشطته :romarioxp6:

شوفت بهدلة الاختام دى ياختى وانا بختم ورق الكشف الطبى
كرهت نفسى واليوم اللى دخلت فيه الكلية
لمينا ورقنا انا واصحابى وبعتنا واحدة تختم
ماشاء الله البت رجعت ماسكة الجزمة فى اديها
والطرحة مفكوكة
وكانت هتدينا باللى فى اديها من اللى شافته ياعينى:bosyht9:
وبجد اقتنعت بالكلمة اللى اخويا قالها لبابا خليها تقعد فى البيت افيد:d
سبحان الله كل الاخوات بيقولوا نفس الكلمة
عندهم حق بصراحة
بهدلة على الفاضى :bosyht9:

يارب يهديهم ويهدينا ياقمر
يا رب ياشوشو يا رب

ومرة تانية بجد الموضوع تحفة

مرسيى يا كميلة
نورتى يا شوشو و سلميلى على عمى الحاج كتير ;)

أسيل رزق

06-09-2009, 09:29 PM

اخو شوقيه :d

موضوعك تحفه ياموها
بس سبحان الله
ربنا دايما يوقعني ف ناس بنت حلال والله :d
يعني مثلا يوم الكشف الطبي لقيتلك واحده بتجري ورايا
انتي مكشفتيش ليه :d
واخدتني وكلهم سبحان الله يبنقطو سكر كده
بتكلم بجد ع فكرة :d
كنت حاسة ان الدمعه هتفر من عيني يومها :d
والبطاقة بردو متعبتش بردو كانو بيهزرو :006et4:
يلا حظوظ :p
هههههههه
هحقد عليكى
أكيد كوسة :slap1qk6:
بس أكيد مش كل الموظفين وحشين
أكيد فى ناس محترمة و بتراعى أكل عيشها
بس تقريباً دول اللى انتى شفتيهم بس :d
موضوع جامد يامها
مش عارفه انا رديت زمان ولا ايه

بس مش مشكله زيادة الخير خيرين:d

ربنا يخليك يا معلم
منور يا حاج إيمان والله :friendsxs3:

أسيل رزق

14-09-2009, 01:53 PM

هههههههههههههههههههههه
جميل يا مها بجد الموضوع ده
من احلي المواضيع اللي شوفتها
طبعا مفروض يتنقل للمواضيع المميزة ولا ايه ؟
ايه :d
بس موضوع لذيذ بجد
انا طبعا لسه هرجع وارغي
بس هو سؤال كده لفت انتباهي

سيد مين ؟:d
ابن أم سيد و أخو شوقية و أشهر سواق ميكروباص فيكى يا عمرانية :d

احم

ازيك يا حاجة مها

الحمد لله يا حاج شريف
انا قولت ارغي شوية عشان الواحد زهقان من الاشراف بعيد عنك
انا كنت هقول رد الحاجة ياسمين بس هي علي طول كده بتسرق افكاري :d
اها معلش إستحملها .. زى أخوك الصغير :p
احب اقول بس حاجة ردا علي كل واحد رد ع الموضوع و قال ان السبب في كده الحكومة او المرتبات او كده
ان دي نظرية غلط ومش تمام
يعني هما لو زودوا المرتبات او اهتموا بيهم اكتر من كده هيهتموا بيا
طبعا ولا هيحصل
اها و الله قلتلهم كده .. محدش سمع كلامى
طيب اقولك علي حاجة ووالله لولا ان كلنا كنا شباب والراجل خاف كنا اتبهدلنا
كنا رايحين مع واحد صاحبنات نعمله حاجة كده في الجوازات
ياربي علي اللي حصل
و الراجل بيتكلم باسلوب مش محترم
محسسنا ان احنا جايين من الشوارع
قولتله فيه ايه انت بتتكلم كده مع مين و قلبناله المكتب
وحياتك المصلحة دي تمت في عشر دقايق فقط لا غير مع الاعتذار
شوفتي بقا
ولا يوم لما روحنا نقدم لكلية العواطيلة
احم كلية الهندسة
المهم روحت مع3 اصحابي روحت لقيت واحدة قاعدة هناك عشان التقديم و كده
قولتلها عاوز اقدم قالتلي اصبر صبرنا ربع ساعة وقولتلها تاني
فلقيتها منفسنة قولنا نرخم عليها بقا لان كان عندنا كبت رهيب
كان معاها قلمين والله اخدناهم و معرفت تتكلم
تاني حاجة واحد قالها يا مدام قالتله لو سمحت انسة
قالها بصي يا مدام :d
ولا الدوك النفساني بتاع الكلية
بجد منفسن منفسن جدا
دكتور تتخ تتخ :d
روحناله قالنا اطلعوا بره خالص
فا انا بصيتله كده قالي فيه حاجة اطلع بره مش عاوز زحمة
قولتله اقفلك الباب وانا خارج وافوت بكرة ولا ايه
كانت شكلة كبيرة بس العيال هدوه وبتاع
بس اقولك حاجة
ليه لما يبقي هو منفسن عليكي مش بترخمي عليه
علي فكرة والله حاجة لطيفة
طيب هقولك علي موقف حصل معايا بجد واتضايقت اوي منه
روحت عشان اعمل اللي متتسمي البطاقة
المهم روحت و تمام و روحت لواحدة قاعدة هناك
قولتلها اعمل البطاقة ولا هي هنا و عمالة تتكلم مع اللي جنبها و تقولها علي دروس حمادة ابنها اللي في ثانوي
ولا علي حلة المحشي اللي عملتها اول امبارح
ولا علي فوزية بنت اختها
بعيد عنك اللت و العجن اللي بيحصل
قولتلها تاني بصوت عالي شوية عاوز اعمل البطاقة قالتلي اصبر يا حبيبي
قولتلها ياست خلصيني الله يرضي عنك
قالتلي طيب ثواني
لقيتها قامت انا فكرتها هتعملي حاجة او ورق او كده
لقيتها راجعة بكباية شاي ولبن
ياربي والله كنت عاوز ارميها في وشها
والله قولتلها اجبلك قرموشتين
ناس صعبة والله
ههههه معلش حقلك عليا أنا :p
كنت ناوي ارغي والله جامد بس انا زهقان طهقان
هجيلك تاني يا حاجة مها
البيت بيتك يا بشمهندس
بجد موضوع من احلي الموضوعات
المفروض يتنقل للمواضيع المميزة
احييكي عليه يا حاجة مها
الله يخليك يا حاج شريف .. دا شرف ليا إن الموضوع عجبك
بس خليه هنا أحسن .. أنا مش شيفاه مميز ولا حاجة .. خليه يلم زباين :p
يلا كفاية
في امان الله

أول مرة ألاقى رد من الحجم الجامبو للحاج شريف الخضرى
و فى موضوعى كمان يزيدنى شرف
نورتنا يا بشمهندش

zizo2_2

16-09-2009, 08:21 AM

بصراحة مش هكدب عليكي يا اسيل انا حزين اوي على الحال اللي احنا فيه وده سبب تاخرنا في مصر

صدقيني مش هتعرفي الفرق بجد غير لا تسافري برة وخاصة لو كانت الامارات هتعرفي يعني ايه احترام وتطبيق النظام بشكل عادل كل حاجة اليكترونية يا دوب الموظفين وسيلة للتنفيذ بس ولا فرق بين ابن وزير وابن عامة الشعب كل سواء بس برده منقدرش نقول ان في مكان كاملمية في المية في برده بعض الوسايط في اي مكان لكن تكاد تكون هامش لا يذكر

مثلا على سبيل المثال من مطار الشارقة في الامارات من ساعة لما بتدخلي المطار لغاية ما بتطلعي الطيارة مبيخدش وقت اكتر من ربع ساعة بالكتير تكون الشنط اتوزنت واخدتي الختم على الجواز وكل حاجة بالنظام ترجعي بقى من الشارقة توصلي على ام الدنيا تلاقي ضابط امن واحد قاعد بيختم لثلاثمئة فرد نازلين من الطيارة تخليلي ضابط واحد والله واحد بس وطابور فيه 300 فرد طب راعوا مشاعر الناس حتى واعلوا طابور للستات وهاتو ضابط يختملهم طبعا الحجة ان الطيارة بتوصل مصر الساعة الواحدة والنصف ليلا وكان واحدة ونص دي حرام الطيارة تيجي فيها والمسؤليين بيكونوا مريحين واحنا هنزعج معاليهم ولو احتجيتي ولا حاجة هتلاقي جواز السفر بتاعك اتحجز امن واشتباه وحليني بقى لما يجوا بتوع امن الدولة ويحققوا والاجاراءات اللي عارفينها دي

للاسف هي دي مصر

بس انا قلبي حاسس انها هتتغير وان لازم يجي جيل صالح يعدل من كل ده وتكون مصر بلد مستقرة

لانها فعلا ام الدنيا وهتفضل ام الدنيا

مهما حصل منها بنحنلها ومهما اتغربنا بنشتاق اليها بواحشتها وبحلوها وبمرها بنحبها

بجد انا تعبت من موضوعك اوي يا اسيل واتخنقت جامد اوي ومش عارف انتي استحملتي ده كله ازاي بصراحة مش هقدر اكمل لاني اتحرق دمي بجد بسبب الرتين ده

ربنا يكون في عونك

أسيل رزق

16-09-2009, 10:12 PM

بصراحة مش هكدب عليكي يا اسيل انا حزين اوي على الحال اللي احنا فيه وده سبب تاخرنا في مصر

صدقيني مش هتعرفي الفرق بجد غير لا تسافري برة وخاصة لو كانت الامارات هتعرفي يعني ايه احترام وتطبيق النظام بشكل عادل كل حاجة اليكترونية يا دوب الموظفين وسيلة للتنفيذ بس ولا فرق بين ابن وزير وابن عامة الشعب كل سواء بس برده منقدرش نقول ان في مكان كاملمية في المية في برده بعض الوسايط في اي مكان لكن تكاد تكون هامش لا يذكر

مثلا على سبيل المثال من مطار الشارقة في الامارات من ساعة لما بتدخلي المطار لغاية ما بتطلعي الطيارة مبيخدش وقت اكتر من ربع ساعة بالكتير تكون الشنط اتوزنت واخدتي الختم على الجواز وكل حاجة بالنظام ترجعي بقى من الشارقة توصلي على ام الدنيا تلاقي ضابط امن واحد قاعد بيختم لثلاثمئة فرد نازلين من الطيارة تخليلي ضابط واحد والله واحد بس وطابور فيه 300 فرد طب راعوا مشاعر الناس حتى واعلوا طابور للستات وهاتو ضابط يختملهم طبعا الحجة ان الطيارة بتوصل مصر الساعة الواحدة والنصف ليلا وكان واحدة ونص دي حرام الطيارة تيجي فيها والمسؤليين بيكونوا مريحين واحنا هنزعج معاليهم ولو احتجيتي ولا حاجة هتلاقي جواز السفر بتاعك اتحجز امن واشتباه وحليني بقى لما يجوا بتوع امن الدولة ويحققوا والاجاراءات اللي عارفينها دي

للاسف هي دي مصر

مقارنة صعبة أوى .. يادى الكسوف :blush:

بس انا قلبي حاسس انها هتتغير وان لازم يجي جيل صالح يعدل من كل ده وتكون مصر بلد مستقرة

لانها فعلا ام الدنيا وهتفضل ام الدنيا

مهما حصل منها بنحنلها ومهما اتغربنا بنشتاق اليها بواحشتها وبحلوها وبمرها بنحبها

و الله كلام مظبوط .. الشعب المصرى هو أكبر غلطة موجودة فى مصر :d

بجد انا تعبت من موضوعك اوي يا اسيل واتخنقت جامد اوي ومش عارف انتي استحملتي ده كله ازاي بصراحة مش هقدر اكمل لاني اتحرق دمي بجد بسبب الرتين ده

بعد الشر عليك من التعب
بس مش عارفة كنتوا عاوزينى أضرب الست ولا أعمل فيها إيه .. دى زى خالتى برده :d

ربنا يكون في عونك
فعلاً مايزعلش على تأخر مصر إلا اللى شاف غيرها
أسعدنى وجودك فى الموضوع يا أستاذنا
و معلش بقى .. ربنا يهدينا و يهدى موظفين الحكومة و يهدى شعب مصر كله

riham_eg

17-09-2009, 05:01 AM

فكرتينى يا مها باللى حصلى فى جامعة القاهره
انا بعتلك مسج سالتك عن التحويل لاداب علم نفس وبعد ما ردتى عليا رحت تانى يوم الجامعه عشان اشوف التحويا رحت اول حاجه شئون الطلبه الموظفين كل مااروح لشباك يقولوا شباك 4 وبعدين بعد شباك 4 روحى شباك 5 وبعد خمسه روحى شباك واحد1 وواحد يقولى روحى 5 اقولوا لسه جايه يقولى اعملك ايه يعنى مش عندى
وفضلت على الحال ده كتير و بعدين بقى قررت ادخل لمدير شئون الطلبه لانى مكنتش فاهمه حاجه خالص لاقيت شاويش واقف على الباب بيقولى ممنووووووووووووووووووووووووووووووووع محدش بيدخل هنا روح على الشباك
وفى الاخر طلعت لمبنى اداب ولاقيت دكتوره هناك سالتها قالتلى روحى مكتب التحويل المركزى ورحت مكتب التحويل قالولى التحويل الورقى بدا بس لسه ماجلناش قرار وزارى اننا نستلم اورق من حد ولما سالتها القرار هيجى امتى قالت الله اعلم اسالى يوم الاحد الاسبوع الجاى بس روحى اسالى فى مكتب التنسيق قولتلها طب ايه الاقسام المتاحه قالتلى اسالى فى شئون الطلبه فى الكليه
وبعدين رحت مكتب التنسيق قالى الموظف التحويل ده هيفتح يوم الخميسواسالى فى الاقسام شئون الطلبه
وبعدين رحت شئون الطلبه ولقيت موظفه حنت عليا وردت وقالتلى معرقش ايه الاقسام المتاحه اسالى فى مكتب التحويل وديه كانت مسئوله عن شئون الطلبه المستجدين
المهم رحت بعد كده يوم الاحد لاقيتهم علقوا الاوراق المطلوبه وكنت واخده معايا كل حاجه عشان عرفه رخامة الروتين
كنت واخده وصل نور معايا اخر واحد قالتلى ايه ده شهر 8 لا انا عايزه قديم يعنى شهر 3 وانتى نازله وبعد نصف ساعه جبتهولها قالت ايه ده مش باسم باباكى لا مينفعش قولتلها بابا مش فى مصر ومفيش وصل نور ولا ميه هنا باسمه قالتلى هاتى اثبات انه مسافر بره مصر ووصل جدك طالما عنوانك عليه
وبعد ما سمعت كلامها وخليت بابا يبعت صورة الباسبور والتاشيره قالتلى ده مش اثبات سفر والله كنت هصرخ فى وشها طلعت للمديره بتاعتها وعملت موافقه عليه وبعدين سالتها على الاقسام قالت مش عارفه ارحعى شئون الطلبه ورجعت تااااااااااااااااااانى وسالت فى الاقسام لانى قررت ماقفش على شبابيك
قالولى اسالى شئون الطلبه نزلت سالت وبعد كل كده وتعب 4 ايام رايح جاى فى الشمس والعطش فى اول رمضان تقولى الاقسام المتاحه ليكى هى اقسام انتساب بس هتدخليها انتظام
لو كانت قالت من 4 ايام مكنتش روحت 4 ايان واجهز اوراق
حسبى الله ونعم الوكيل
والحمد لله عرفت اخيرا ليه حطين على شبابيك حديد
معلش رغيت كتييييييييييييييييييييييييييييييييييييييييييييير

mira_ah

17-09-2009, 03:59 PM

لو كل واحدراعى ربنا فى ضميرة ماحدش هيهمل فى شغلة

أسيل رزق

17-09-2009, 10:05 PM

فكرتينى يا مها باللى حصلى فى جامعة القاهره

انا بعتلك مسج سالتك عن التحويل لاداب علم نفس وبعد ما ردتى عليا رحت تانى يوم الجامعه عشان اشوف التحويا رحت اول حاجه شئون الطلبه الموظفين كل مااروح لشباك يقولوا شباك 4 وبعدين بعد شباك 4 روحى شباك 5 وبعد خمسه روحى شباك واحد1 وواحد يقولى روحى 5 اقولوا لسه جايه يقولى اعملك ايه يعنى مش عندى

وفضلت على الحال ده كتير و بعدين بقى قررت ادخل لمدير شئون الطلبه لانى مكنتش فاهمه حاجه خالص لاقيت شاويش واقف على الباب بيقولى ممنووووووووووووووووووووووووووووووووع محدش بيدخل هنا روح على الشباك
وفى الاخر طلعت لمبنى اداب ولاقيت دكتوره هناك سالتها قالتلى روحى مكتب التحويل المركزى ورحت مكتب التحويل قالولى التحويل الورقى بدا بس لسه ماجلناش قرار وزارى اننا نستلم اورق من حد ولما سالتها القرار هيجى امتى قالت الله اعلم اسالى يوم الاحد الاسبوع الجاى بس روحى اسالى فى مكتب التنسيق قولتلها طب ايه الاقسام المتاحه قالتلى اسالى فى شئون الطلبه فى الكليه
وبعدين رحت مكتب التنسيق قالى الموظف التحويل ده هيفتح يوم الخميسواسالى فى الاقسام شئون الطلبه
وبعدين رحت شئون الطلبه ولقيت موظفه حنت عليا وردت وقالتلى معرقش ايه الاقسام المتاحه اسالى فى مكتب التحويل وديه كانت مسئوله عن شئون الطلبه المستجدين
المهم رحت بعد كده يوم الاحد لاقيتهم علقوا الاوراق المطلوبه وكنت واخده معايا كل حاجه عشان عرفه رخامة الروتين
كنت واخده وصل نور معايا اخر واحد قالتلى ايه ده شهر 8 لا انا عايزه قديم يعنى شهر 3 وانتى نازله وبعد نصف ساعه جبتهولها قالت ايه ده مش باسم باباكى لا مينفعش قولتلها بابا مش فى مصر ومفيش وصل نور ولا ميه هنا باسمه قالتلى هاتى اثبات انه مسافر بره مصر ووصل جدك طالما عنوانك عليه
وبعد ما سمعت كلامها وخليت بابا يبعت صورة الباسبور والتاشيره قالتلى ده مش اثبات سفر والله كنت هصرخ فى وشها طلعت للمديره بتاعتها وعملت موافقه عليه وبعدين سالتها على الاقسام قالت مش عارفه ارحعى شئون الطلبه ورجعت تااااااااااااااااااانى وسالت فى الاقسام لانى قررت ماقفش على شبابيك
قالولى اسالى شئون الطلبه نزلت سالت وبعد كل كده وتعب 4 ايام رايح جاى فى الشمس والعطش فى اول رمضان تقولى الاقسام المتاحه ليكى هى اقسام انتساب بس هتدخليها انتظام
لو كانت قالت من 4 ايام مكنتش روحت 4 ايان واجهز اوراق
حسبى الله ونعم الوكيل
والحمد لله عرفت اخيرا ليه حطين على شبابيك حديد
هههههههه شفتى بقى .. الحديد بيحميهم إزاى :p

معلش رغيت كتييييييييييييييييييييييييييييييييييييييييييييير

بجد صعبتى عليا .. ليه كل اللف ده

أنا الغلطانة إنى قلتلك إلحلقى حولى :p
ماله تقشير البصل ؟؟ زى الفل والله :d
بلا تعليم بلا وجع دماغ :friendsxs3:
يلا الحمد لله إنها عدت على خير و طلعتى منها سليمة
ربنا يوفقك و يرحمنا و يرحمك من الروتين اللعين :slap1qk6:
نورتى يا قمر :friendsxs3: