بسم الله الرحمن الرحيم
السلام عليكم ورحمة الله

انا بس كان عندي استفسار لأي طالب في حاسبات عين شمس أو المنصورة
انا يا جماعة طالب في كلية هندسة وناوي أحول بإذن الله
السنة الجاية لكلية حاسبات
انا سمعت ان لو حولت حاسبات فهادخل من أول سنة
المشكلة مش في كده
سؤالي هوا :
هل المواد اللي درستها في هندسة ونحجت فيها
والمواد دي موجودة بالفعل في حاسبات هاضطر ادرسها تاني وامتحن فيها

يعني سؤالي بمعنى تاني ::
انادلوقتي بدرس مثلا في هندسة فيزياء ورياضة وهنجح فيها بإذن الله
هل لما احول حاسبات هادرسها تاني في السنة الأولى ولا
هادرس بس المواد اللي ما درستهاش في هندسة
وباقي المواد اللي كنت درستها تتحسب لي بتقدير هندسة

ياريت يا جماعة اللي يقدر يجاوب على استفساري دا
يرد عليا في أسرع وقت ويا ريت يكون متأكد من كلامه

ولو حد قدر يستفسر لي من شئون الطلبة من كليته
فانا هاكون شاكر له جدا

مع السلامة
Conan_Egypt

انا حكلمك ومتأكد من كلامي بس عندي في اسيوط
واكيد الباقيين زيها

احنا في هندسة موادنا في اعدادي بالعربي
في حين كل المواد هناك انجليزي

الفيزيا اللى احنا بناخدها محددة وليها كتاب
هما الفيزيا بياخدو كتاب السيرواي وده مرجع كبير في الفيزيا

يعني لازم في الفيزيا تدرسها تاني
اما الرياضة ففيها كتير مشترك حسب ما شفت الترم الاول


واكيد بقية الكليات نفس الكلام

السلام عليكم


انا اعرف ان في ناس عندنا في سنة اولى كانوا السنة اللي فاتت في هندسة و اعتقد انهم بيدرسوا المواد من اول كانهم طلاب عادي في اول سنة لان المواد اكيد بتتغير حتى لو كان اسمها واحد ده غير ان الدراسة عندنا بالانجليزي من اول سنة
انا على فكرة في عين شمس