امتى الشعب يقوم من النوم ......... بــنــدق [الأرشيف]

مشاهدة النسخة كاملة : امتى الشعب يقوم من النوم ......... بــنــدق

بندق__2007

12-03-2009, 09:06 PM

قالوا مبارك راح يبقى ريس

قولنا طيب شئ كويس

يبات و يصحى بيراعينا

و يعمل كل الحلو لينا

كلام سمعه جدود اللى خلفوا أهالينا

مرت سنين و الحالة طينة

و الناس فى بيوتها حزينة

كل يوم بنشوف بلاوى

و كل نسمع حكاوى

و الشعب لسه فى نومه عايش على المساطب و القهاوى

صبحت بلدنا دى خرابة

فيها امة من الغلابة

و فيها شوية وشوش

من زمان ما اتغيروش

نفسنا نصحى نلاقى مرة وش ما شفناهوش

و لسه الشعب نايم

و الفقر ده حال و دايم

شعب روحه فى ايد ديابة

شعب عايش جوه غابة

شعب ساكت و راضى بالظلم من كتر الطيابة

امتى الشعب يسيب سريره

يقوم و يعارض كبيره

يا شعب نايم فى العسل

معندوش ريحة الأمل

شعب شايل على راسه ألف علة من العلل

KHALOOOD

12-03-2009, 10:45 PM

gumana

12-03-2009, 11:42 PM

تحفه

انا بجد مش بشارك ولا بكتب هنا في المنتدي انا بدخل بس علشان اقرا اللي انت بتكتبه

rona99

13-03-2009, 02:19 AM

هنا الفقي

13-03-2009, 04:29 AM

ايه ده
ايه دي
يانهار ابيض
هو انا مش هاقول كالعادة بقى والكلام الكبير ده
عشان من غير ما اقول المفروض عرفت مدى الابداع اللي انت وصلتله ماشاء الله وتبارك
وعشان برده كإنسان طبيعي جدا المفروض تكون عارف ان قصيدتك دي جاية على هوايا جدا جدا جدا اوي موت ع الاخر بشكل يفوق الخيال
ايه ده
يانهار ابيض
جميلة جميلة

بندق__2007

13-03-2009, 02:16 PM

الله ينور يا بندق والله جاااااااااااااااامد يا مان
تقبل مرورى

مرورك أسعدنى جدا يا خلود

و بجد كنت واحشنى مووت

من أيام ما كنت شيف فى ركن المطبخ قد الدنيا

هههههههههههههههههههههههههه

منورنى يا خلود

بندق__2007

13-03-2009, 02:21 PM

تحفه

انا بجد مش بشارك ولا بكتب هنا في المنتدي انا بدخل بس علشان اقرا اللي انت بتكتبه

شرف كبير يا جومانا مرورك

و حمد الله على السلامة كان بقالى فترة مشوفتش ردودك

و اتمنى انك تشاركى معانا اكتر و اكتر

ميرسى للمرور اللى اسعدنى جدا

بندق__2007

13-03-2009, 02:27 PM

طبعاً ماشاء الله كلام جامد أوى كالعادة

بجد حلو كتير وعندك حق طبعا

وطبعاً أنا مش أعطيتك حقك أوى فى الرد

لأنك ماشاء الله تستاهل أكتر من كده

http://www.arabsys.net/pic/thanx/22.gif

انتى اللى ما شاء الله عليكى بجد

ذوقك و كلامك ده بيحرجنى فى كل موضوع ليا

ميرسى جدا جدا على الكلام الحلو أوى اللى انتى بتقوليه على اعمالى

و بجد كتير عليا

ميرسى على مرورك و ما تحرميناش منه

بندق__2007

13-03-2009, 02:29 PM

منه22

13-03-2009, 02:33 PM

كلام جميل جدا بس اكيد الشعب فى يوم هيفوق

nancyali9

13-03-2009, 03:52 PM

و لسه الشعب نايم

و الفقر ده حال و دايم

شعب روحه فى ايد ديابة

شعب عايش جوه غابة

شعب ساكت و راضى بالظلم من كتر الطيابة

ان هذه الكلمات وانت احد المبديعين القلائل
وابداعك هذا طالما كان يشجننا ويبكينا
واليوم ارجو ان يوقظنا ويحينا
مرسى جدا على الكلام الرائع ده
وعلى اسلوبك الجميل فى اختيار الكلمات

بندق__2007

13-03-2009, 05:30 PM

كلام جميل جدا بس اكيد الشعب فى يوم هيفوق

ميرسى يا منة يارب الناس تفوق

ان هذه الكلمات وانت احد المبديعين القلائل
وابداعك هذا طالما كان يشجننا ويبكينا
واليوم ارجو ان يوقظنا ويحينا
مرسى جدا على الكلام الرائع ده
وعلى اسلوبك الجميل فى اختيار الكلمات

ايه الكلام الكبير ده يا فنانة

بجد انا ما استحقش الكلام ده

انا واحد بسيط بيشخبط بقلمه شخابيط

و كل أمله يعمل حاجة حلوة و يسيب ذكرى كويسة فى نفوس كل اللى يقروه

ميرسى يا فنانة

Magi_90

13-03-2009, 05:46 PM

هههههههههههه
حلوة يا بندق
بس يا بندق انت عارف ان الشعب نومه تقيل شوية وعقبال ما يصحى
هنكون احنا نمنا
بيسهر كتير الشعب
جامد يا بندق
الله عليك

hadeer20

22-03-2009, 01:45 PM

جميلة اوووووووووى اوووووووووووى تحفة رائعة بص تكتب رومانسى تكتب احزان وفراق تكتب سياسى تكتب فى اى حاجة شعرك بيطلع تحفة واحساسك روووعة بسم الله ما شاء الله ربنا يوفقك يارب وكان نفسى اكون اول وحدة ترد على الموضوع بس اعذرنى والله كنت مشغولة وكنت كل ما ادخل يقولى اموقع الذى فتحته قيد الصيانة لما اتخنقت عاملين زى اللى الست الرخمة اللى بتقول لقد رفس رصيدكم عزيزى القارىء برجاء اعادة شحن البطاقة تقبل مرورى ورغيى الكتير

بندق__2007

23-03-2009, 03:08 PM

هههههههههههه
حلوة يا بندق
بس يا بندق انت عارف ان الشعب نومه تقيل شوية وعقبال ما يصحى
هنكون احنا نمنا
بيسهر كتير الشعب
جامد يا بندق
الله عليك

ميرسى يا ماجى عالمرور

و إن شاء الله لسه فيه أمل و إن شاء الله يقوم م النوم

بندق__2007

23-03-2009, 03:09 PM

KHALOOOD

23-03-2009, 03:59 PM

مرورك أسعدنى جدا يا خلود

و بجد كنت واحشنى مووت

من أيام ما كنت شيف فى ركن المطبخ قد الدنيا

هههههههههههههههههههههههههه

منورنى يا خلود
هههههههههههههه
شيف ايه ياعم بندق
بطل فضايح
انا نسيت الحاجات دى
وانت كمان لازم تنساهااا
هههههههههههههههههههههههههه
والله يا مان بحبك لله فى لله

raniayoyo

27-03-2009, 10:30 AM

الشعب بتاعنا ماشى ببمبدأمن نام وتأنى نال ماتمنى

Messenger of Peace

27-03-2009, 11:25 AM

بسم الله الرحمن الرحيم
السلام عليكم ورحمة الله وبركاته

اية يا عم بندق انتا ناوي تشمع المنتدى ولا اية
وشكلنا هنروح ابو زعبل بتذكرة ذهاب من غير عودة

بس ايدك قولتها نايم
خليه نايم بدل ما يموووووووووت
وقضى اخف من قضى

سلمت يمناك
اخي في الله
بندق

بندق__2007

27-03-2009, 02:18 PM

الشعب بتاعنا ماشى ببمبدأمن نام وتأنى نال ماتمنى

هههههههههههههههههههههههههههههههههههههههههههه

و المبدأ ده اللى ودانا فى داهية
28 سنة نايم و بيتأنى

عموما منورانا و منورة مواضيعى

بسم الله الرحمن الرحيم
السلام عليكم ورحمة الله وبركاته

اية يا عم بندق انتا ناوي تشمع المنتدى ولا اية
وشكلنا هنروح ابو زعبل بتذكرة ذهاب من غير عودة

بس ايدك قولتها نايم
خليه نايم بدل ما يموووووووووت
وقضى اخف من قضى

سلمت يمناك
اخي في الله
بندق

طول ما احنا خايفين مش هنعمل حاجة

يا معاذ عصر البوليس السياسى انتهى

و كل واحد يقول رأيه بس شرط يكون رأيه مفيد و مبنى على أسس علمية

و كلنا من حقنا نقول رأينا بصراحة و بموضوعية فى بلدنا لو شايفين اننا فعلا بنحبها

ميرسى يا حبيبى على مرورك