لم أتردد في اعتماد هذا الموضوع ونشره في القسم العام
أتدرون لماذا؟
لأنه لم يصبح هناك تعتيم عما يحدث في المنتدى
وأنا لا أعرض الآن مشكلة ولا أنوي إثارة أي مشكلة
وأرجو ممن يرون موضوعي أن يضعوا لي تفسيراً منطقياً فقط لما يحدث
وما حدث يا أعضاءنا الكرام
أن عضواً من أعضاء مجلس الإدارة يعتذر للمرة الثانية على التوالي عن حضور الاجتماع
وهو أ/ محمود طه القالع
ويعتذر بأن لديه ظروف طارئة
أنا أحترم الاعتذار ولكن المجلس سينعقد اليوم
ولن يتأجل
ولا أدري ما حكمة أ/ محمود طه القالع من تكرار الاعتذار
ألديكم تفسير أخوتي الأعزاء؟:)

انا معنديش

ومعرفش اسباب والله

مسجل متابعة

فى رعاية الله

التمس لاخوك المسلم بضع وسبعون عذرا
فان لم تجد له عذرا فاختلق له عذر

بعد اذنك مستر احمد يا ريت الموضوع يتنقل الاداريين

انا مع استاذ محمد سرور في الجزئية دي يااستاذ أحمد
انا عارف ان حضرتك ممكن تكون متعصب عشان حاجة معينة
لكن متخليهاش تأثر عليك يااستاذي العزيز
واسمحلي انقل الموضوع ده للإداريين
بعشم فيك

ارجو من اخي العزيز احمد نقل الموضوع الى الاداريين حتى نتناقش فى هذا قبل عرض الموضوع على العام

ونحن لاندري ظروف الاخ محمود طه القالع حتى نحكم على اعتذاره

يا جماعة والله أنا مش متعصب
بس أنا ليا رجاء اللي عاوز يسيب منصب معين
ميعطلش الدنيا
أعتقد إن دا موضوع عام يهم المنتدى كله
اللي شايف إنه مش أد المسئولية للمنصب اللي هو فيه
بقمة الشياكة يتنحى عنه
وأنا أحترم الكثيرين الذين فعلوا ذلك
من دافع الحرص على مصلحة البوابة
ومنهم المدرسون وغير المدرسين
أنا بس عاوزكم تساعدوني
في توجيه نداء عام للجميع
يا جماعة اللي مش عاوز أو شايف انه لا يستطيع ممارسة مسئولياته من موقعه الحالي
يسيب الفرصة لغيره
بس كده
ولا متعصب ولا حاجة

القالع بنفسه قال كده؟
ده اسمه هبل
بجد والله فى حاجة غلط
ههههههههههههههههه
ده اسمه تهريج
احسن نكون وقعنا فى شلة عقول صغيرة ومش واخدين بالنا ؟
يا جماعة بجد الموضوع زاد عن حده
اللى مش عايز اشراف ميقولش
ميدخلش واحنا هنفهم

هههههههههههههه
بصراحة يا استاذ احمد موضوع مضحك
يتكتب علي العام ليه؟
مش مستاهلة يعني
الا اذا كان وراء الامور أمور
خالص حبي و تحياتي و اعجابي

يا جماعة بهدلتوا دماغى
استاذ محمود اعتذر عن الاجتماع فقط
يا استاذ احمد الاجتماع فقط

ياجدعان روقوا واهدوا
انتو ناويين تتخانقوا ولا ايه :d
اهو الواحد يتفرج
لا خليكوا ريلاكس كدا
الضغط يعلي وتبقي مشكلة

المهم انا مع الاستاذ محمد
التمس لاخيك العذر
ممكن الاستاح محمود عنده ظروف او مشكله

عادي عادي بتحصل كتير:d

نهدا ونصلى على النبى المسألة سهلة يا استاذ احمد
كل الحكاية الاجتماع يتعمل فى ميعاده طالما الاستاذ محمود اعتزر
بعد ما الاجتماع يخلص
تكلمه على الميل او على المنتدى
فى ريالة خاصة
تشوف حضرته هيكمل فى المنتدى وفى المجلس واللا ايه النظام
لو فى عزر يبقا الراجل مش غلطان
لو مفيش عزر يبقا فى حاجة ومحروج يقولها
يبقا نتفهم الموقف ونعمل اللازم
يا اما يحضر الاجتماعات
يا اما تتلغى عضويته من المجلس
دمتم فى رعاية الله

خلاص يا جماعة .. أنا بعتذر
بالفعل ممكن يكون عنده ظروف منعاه بس الواحد تعب
من اللي بيستقيل واللي بيمشي
بس برضه انا بحترم اللي بيقول مش قادر اكمل
عموماً أنا آسف إني حطيت الموضوع على العام
وأسف لكل المتواجدين والله
وهيتم نقله حالاً للإداريين لغاية ما ييجي ا/ محمود بالسلامة
ولعل المانع خير إن شاء الله

الاستاذ محمود يعتذر
مفاجأة رهيبة
احنا كده واسف جدا انى اقول
انه خارج موضوع الثقة وفجاة
البوابة يا استاذ محمود هتفضل قوية ان شاء الله
وبكرة تندم على هذا القرار

خلاص يا استاذ بدوى حصل خير
محدش عارف ايه الظروف
مسير الحيقة تبان
خلاص انقله يا استاذ احمد
دمتم فى رعاية الله

محدش عارف ايه الظروف
مسير الحيقة تبان
دى الخلاصة
وننتظر المرة الجاية وهنشوف الرد ايه