لن نعمل تحت التهديد أو السخرة [الأرشيف] - بوابة الثانوية العامة المصرية

مشاهدة النسخة كاملة : لن نعمل تحت التهديد أو السخرة

مس رانيا حسن

13-03-2009, 11:24 PM

السلام عليكم ورحمة الله وبركاته

أبي عصام لي عند حضرتك شكوي لو سمحت وأتمني أشوف رأي الناس المحترمين بصدق وبما يرضى الله ورسوله
انتوا شايفين المدرسين خونه ؟
ولا شايفينهم بيشتغلوا بالسخرة تحت قيادة جائرة ؟
ولا شايفينهم بيبيعوا نفسهم وعلمهم وعملهم بالفلوس ؟
ولا شايفينهم بيتصارعوا في بعض عشان الدروس ؟
ولا شايفينهم ايه بالظبط

اللي حصل في الاجتماع من أحد اعضاء مجلس الإدارة لا يدل علي تقدير للمعلم وتقدير للدور الذى كل فرد منا بالبوابة .. والذى شمل لهجة الكلام كان أسلوب التهديد والذى أشعرنى أنكم هتقطعوا عيشي وهتطردوني من المنتدي ومش هيبقي ليا أي ملجأ في الكون غير المنتدي وبكدا يبقي مستقبلي انتهي .. فعلا بعد الاجتماع أنا حسيت بالإهانة الشديدة تجاهي .. اعتقد إن مفيش حاجة بتتقدم لينا عشان نستحق التهديد والتشرط وممارسة السلطة إحنا هنا بنعمل لوجه الله عزوجل ومش لوجه الإدارة ومش عايزين غير الاحترام من الناس عشان نرجع نحس بدفء البوابة ورونقها اللي فقدنا جزء منه في الحرب اللي حصلت .. ياريت ياجماعة الشخص ميحكمش غير علي نفسه لانه ميعرفش الناس كويس .. ومش أي حاجة شايفينها جوانا لازم بالضرورة تبقي كل الناس كدا .. يعني لو احنا كويسين مش شرط يبقي كل الناس كويسين .. ياريت نلاقي تقدير أكتر من كدا ومراعاة لشعورنا أو شعوري انا علي الأقل لاني مش هقدر اشتغل في جو نفسي زي ده .. وعمري ما هقبل التهديد او العمل وكأني بعمل بالسخرة .. ولو مش عايزني في المنتدي هنا وعايز تستغنوا عني ياأبي (أ.عصام) فياريت تقولي وانا هنسحب بهدوء وأروح اخدم بهدوء في جو اعرف اقدم فيه شئ لوجه الله واشتغل بضمير وبدون ألم نفسي
زي اللي انا حاسه بيه
لأنى ليس لى منتدى خاص ولا أعطى دروس خصوصية

في رعاية الله

مس رانيا حسن

14-03-2009, 12:00 AM

نسيت حاجة
يا ريت الموضوع ميتنقلش الى مكان اخر
دمتم بخير
فى امان الله

Mr.Ahmed Fadel

14-03-2009, 12:41 AM

الاستاذة المحترمة نداء الجنة
أعرف أنك تقصيدننى بعضو مجلس الادارة اللى اللى قال كلام لايقدر به المعلم
وتقدير الدور الذى يقوم به المدرسين فى البوابة
عارف انك تقصدينى
مش عشان انا قلت
الكلام ده محصلش اساسا
وحوضح كل الحقايق من الالف للياء

أولا حضرتك من الشخصيات اللى بحترمها جدا فى البوابة زى بقيت المدرسين المحترمين
واكاد اجزم انى بعتبرك اخت بالنسبة ليا كتير ناقشتك فى اشياء متعلقة بالعمل والمنتدى
المهم
تعالى اقولك الموضوع من الاول
طبعا حضرتك عارفه اللى حصل وان استاذ اشرف ساب البوابة وراح عمل منتدى دوت أورج
وبعد كده عمل منتدى جديد ربنا يبارك له فيه يارب
والله من كل قلبى لأنى مفيش بينى وبينه غير اختلاف فى وجهه نظر
المهم
بعد استاذ اشرف ما مشى
لقيت فى حاجه غريبة بتحصل بس مش فاهم فى ايه
فيه بعض الناس اهتمت بالعام والمشاكل اللى على العام
ليه مش عارف
طبعا أى انسان من حقه يشارك فى اى قسم فى المنتدى سواء كان طالب او مدرس او مشرف أو ......
المهم
لقيت فى لينكات بتتبعت للمدرسين على الياهو بمشاكل لا تخص المدرسين
مثلا لو عضو استقال على العام
دى حاجه هو حر فيها
هو أخطأ انه كتبها على العام
بس ده مش معناه ان اللينكات تتبعت للمدرسين ويدخلوا يردوا
وتكون الردود زهقتونا وقرفتونا
احنا والله زهقنا
انتوا حتخلوا المدرسين يطفشوا
الغريب بقى واللى حيجننى
ان المشاكل دى كانت موجودة واكتر ايام استاذ اشرف
ومكانش فى اى مدرس بيدخل يرد
اشمعنى دلوقتى

المهم شوية ولقيت حاجه غريبه بتحصل
سمعت عن ان استاذ اشرف بيتصل بالمشرفين بتوعنا وبيعرض عليهم العمل بالأجر
أنا مش ضد ده للعلم
ده حتى تطوير
ويدخل نظام الاحتراف فى المنتديات التعليمية
بس ده لما يدخل
يبقى محدش يقول شغل تطوعى
كده مش تطوعى
كده بأجر
زيى أنا مثلا بشتغل دروس فى مقابل اجر
ده معناه انه تطوعى
لا بدل فى أجر
يبقى مش تطوعى
وده اللى دخلنى فى الكلام
الكلام اللى كان بيتقال فى الاجتماع انه عمل تطوعى
فانا رديت وقولت لا مش تطوعى
بدل فيه فلوس محدش يقول تطوعى
ولما استاذ عصام قال مينفعش نجمع بين اشراف فى المنتديين
( قصدى البوابة ومنتدى استاذ اشرف الجديد )
أنا قلت رأيى فى الحته دى
ولا هينت حد ولا غلطت فى حد
كل اللى كانوا فى الغرفه اصدقائى
وشريف من اللى كانوا معايا على الياهو
وهو احد الاشخاص الذى احترمهم جدا على البوابة

انا يمكن اتعصبت شوية وانا برد
بس حقول بعد كده ايه سبب العصبية فى اخر الموضوع
المهم رأيى كان
بما ان فى مكان حيدفع ومكان مش حيدفع
يبقى معتقدش ان حجم الشغل فى الاتنين حيبقى زى بعض
يمكن حضرتك حتقدرى توفقى
بس مش الكل
واديكى دليل انا شخصيا
بشتغل مثلا لو اشتغلت 10 ساعات دروس يوميا ( بأجر طبعا )
حقدر اشتغل فى الغرفه الصوتية نفس القدر
مستحيل طبعا
مش حنضحك على بعض
احنا مش ملايكة
احنا بشر
ده كان رأى شخصى
اذا كنت حضرتك فهمتيه غلط
فأنا باعتذر ليكى
( على خطأ لم أفعله ولم أقصده )
بس اسمحيلى بقى اقولك سبب العصبية اللى كنت فيها
لما اعرف أشخاص احبهم فى الله بصدق
واسمع عنهم كلام يزعلنى منهم
لازم أزعل بجد
أولا لما اسمع ان فيه احد الاشخاص حياخد مبلغ سنوى
وحيزيد المبلغ لما الفصل بتاعه يسجل فى المنتدى
مش بذمتك الكلام ده يزعل
لما نكون من يومين كنا من اصحاب القرار والمشاركة فى التطوير وهكذا
وبعد كده نسمع عن ادارة ظالمة
لا تقبل بالرأى الأخر
ازاى
ليه الكلام اتغير بين يوم وليلة
كده يبقى من حق الجميع يشك
وده اللى حصل
وللعلم اجتماع الياهو ده مكنش مترتبله خالص
انا كنت باكلم اصحاب ليا على الياهو
وكنت عايز استفسر منهم على اللى سمعته
الموضوع مش منتديات يا جماعة
معرفة الناس المحترمة هى المهم
-----------------------------------------------------------------------------
أقولك بقى اختلافى مع استاذ اشرف فى وجهة النظر
استاذ اشرف بيتصل بالمشرفين بتوعنا ويطلب منهم العمل معاه مقابل أجر
طيب وبعدين
والبوابة
يقول انا بحب البوابة وحريص عليها وخايف عليها والادارة غلط وحتضيعوا البوابة
ازاى
وهو بيغرى الناس اللى فيها وبيعرض عليهم العمل مقابل المال
وبعدين هو كان دايما بيرفض تقديم أى مكافآت للمدرسين أو جوائز للطلاب
على أساس ان البوابة يادوب بتغطى تكاليفها
حلو اوى
يعنى البوابة بعد 6 سنين شغل فيها و ربع مليون عضو بتغطى تكاليفها
ازاى بقى منتدى جديد حيدى فلوس للمشرفين والمدرسين
دى برضه نقطة خلاف
يمكن حيقول حاطور وحعمل شغل مجلات وسيديهات
وللعلم الحاجات اللى كنا متفقين عليها تتعمل فى البوابة
واتفقنا عليها فى اجتماع بنها
ماشى
يعنى حتطور وحتعمل فلوس وحاتكسب وحتدى المدرسين بتوعك فلوس
يبقى ادارتك للبوابة 6 سنين كانت فاشلة
اه فاشلة
عشان لو كنت ناجح كنت عملت الكلام ده فى البوابة
واوعى تقولى انك مكنتش المالك
لأنك كنت المتصرف فى كل شئ
والمالك لا يعرف اى شئ عن المنتدى وحساباته سوى بعد عزل الاستاذ اشرف
-----------------------------------------------------------------------
أسف طولت على حضرتك
بس عايز أقول حاجه كمان
حضرتك مقدمة الطلب للاستاذ عصام
ليه طلبتى رأى الناس المحترمين اللى فى المنتدى
رأيهم على عينى وراسى طبعا
بس لو حضرتك بالفعل كنت عايزه الطلب ده من الاستاذ عصام
مكنتيش حطتيه فى غرفه المشرفين
كنتى حطتيه فى الاداريين
لأنك مشرفه ادارية
أو بعتيله على الخاص
أما لو كان الغرض منه اننا نعمل كلام وردود ومشاكل
ده موضوع تانى
كمان عايز اقول حاجه
لما الناس تحب تسيب مكان مش محتاجه انها تدور على
مبررات قدام الناس عشان تطلع مظلومة
فى النهاية
والله باحترم حضرتك جدا وبعتبرك اخت غالية
بس انا بطبعى صريح
ولا اجامل فى الحق
وأعتقد انك كده برضه
على حسب معرفتى بك

ملحوظة هامة
جميع مدرسين البوابة يعلمون أنى أكن لهم كل تقدير واحترام
ويكفى مجهوداتهم الرائعة التطوعية لخدمة هذا الصرح العظيم
أرجو الا يزايد أحد على هذا
وعندى دليل على انهم خيرة مدرسى مصر
دليلى انهم معظمهم رفضوا التعاون مع أستاذ أشرف من أجل المال
مع انه مش غلط على حسب رأى البعض
( ده شئ هما أحرار فيه )
بس هما رفضوا اى اغراءات لترك البوابة
بارك الله فيهم
وجزاهم خيرا

Mr.Ahmed Fadel

14-03-2009, 12:44 AM

استفسار اخير استاذتنا المحترمة
ليه حضرتك اثرتى الموضوع ده انهارده
مع انه الاجتماع كان من يومين
ولا هو فى جديد انهارده ؟؟؟؟؟؟؟؟؟؟؟
استفسار ارجو توضيحه

مستر احمد يحيى

14-03-2009, 01:05 AM

السلام عليكم ورحمه الله وبركاته
احب ان اوضح نقطه للجميع
اننى كنت فى هذا الاجتماع بالصدفه
وحضرته الى نهايته
واقسم بالله
ان الاستاذ احمد فاضل
كان لا يقصد ذلك
وانه لو كان يقصد ذلك
كنت اول من سيهاجمه
وارد عليه
والكل يعلم طريقه ردودى
لا اخاف من احد

ولكن يبدو ان اختى التى اعتز واتشرف بمعرفتها فهمت الكلام بصوره غير صحيحه
لكن كل الذى قاله وفى حوار عابر
من الاستاذ احمد فاضل
انه تم عرض اموال على المشرفين والمدرسين مقابل عملهم
وقال ذلك لمجرد التوضيح ولم يقصد شئ نهائى

استاذه رانيا انت اختنا ولا نستطيع الاستغناء عنك
بس اقسم بالله اقسم بالله ان الاستاذ احمد فاضل لم يكن يقصد ذلك
وكل من فى الاجتماع سيجمع على ذلك

وقد طلب الاستاذ احمد فاضل شهاده احد الموجودين فى الاجتماع على موضوع الاجر
واكد ذلك

ونرجوا ان تنتهى هذه المشاكل
حتى تستمر مركب بوابه الثانويه

استاذ بدوى الدجوى

14-03-2009, 02:08 AM

لى استفسار واحد فقط يا ميس رانيا
انا اسف للتدخل
بس ممكن حضرتك تعتبرينى اخ لك وليا الشرف
ممكن سؤال؟
احنا مالنا ؟ ( كمدرسين )
احنا هنا جنود الغرفة الصوتية وعلاقتنا مع الطلبة فقط
وقوتنا رأس مالنا من الطلبة ولا نطلب غير ذلك
ومش شغالين عند حد ولا يوجد سخرة ولا حاجة
يا فندم دى جماعة فقرانة فى بعض
متخلنيش اتكلم هههههههههههه
فلوس ايه وبتاع ايه ؟
اخر الكلام اننا اهم المتواجدين هنا واحنا مصدر القوة
وحضرتك طبعا ليكى وضع كبير فى البوابة
الكلام ده مينفعش يتقال من ميس رانيا
احنا مش فاضيين غير للطلبة ومش شغالين عند حد بالعكس الادارة هى اللى شغالة عندنا
لاننا لو توقفنا او شعرنا بعدم الارتياح العجلة ستقف
مين اشرف ده فى التعليم ؟ خريج ايه يعنى وفلوس ايه اللى بيتكلم عليها هههههههههه
انا سمعت انه يعرض 500 فى السنة يعنى جنيه ونص فى اليوم هههههههه
ده مش اهانة ده تهزيق علنى للمعلم .... يعنى اشتغل عند واحد علشان فى الاخر اجيب جاكت واكمل عليه
لا انا بكرامتى احسن ...... وسمعت كمان ان اشرف واضعنى فى
( البلاكليست) مش عارف هيعيش ازاى من غيرى ..... مين هيديله فوق دماغه ...... مسكين والله

نيجى للجد بقى
حضرتك متقدريش تسيبى البوابة اصلا ... انا صريح
حضرتك ممكن تستغنى عن مال وجاه لكن متقدريش تستغنى عن حد انتى علمتيه
واعتبرك مثل اعلى له والمنتدى به الكثيرون الذين يضعون حضرتك فى هذا الموضع
حضرتك عايزة تفهمينى ان ده سهل عليكى ؟
بلاش بقى ندخل مناطق تحسب علينا خطأ فى تاريخنا
انا بقول الكلام ده وحضرتك اكيد هتقدرى مقصدى

صوت الحق لا يتفوه الا بكلمة واحدة ( تحت امرك ) لاى حد
وحضرتك اطلقت عليه ( ابى ) وكنت متغاظ انا من الموضوع ده هههههههه غيرة يعنى
وحضرتك متخصصة فى التعاملات الانسانية وليكى شعبية كبيرة ووضع تحسدى عليه ..... مالنا احنا بقى ؟
حلو الكلام؟

استاذ بدوى الدجوى

14-03-2009, 03:03 AM

ونرجوا ان تنتهى هذه المشاكل
حتى تستمر مركب بوابه الثانويه

مالوش دعوة بالموضوع يا ريس
ده انا بحبك
ان شاء الله تستمر واللى مش عاجبه يرمى نفسه منها
حتى لو احنا نفسنا سيبناها
واحشنى يا احمد يا اخويا
عامل ايه يا باشا؟
بس المهم لما البوابة تستعيد قوتها مين هيبقى فيها ومين بره ؟
احنا اسامينا مؤثرة على مستوى البلد كلها
هيسألوا عن المتغيبين .......... نقولهم ايه؟
سابونا علشان جنيه ونص فى اليوم ( 2 فول وواحد طعمية )
وومكن نجيبلك طبق بابا غنوج لو نفعتنا بطلابك

leprince

14-03-2009, 04:06 AM

اختنا الغالية رانيا

طبعا حضرتك عارفة مدى مقدار احترام الجميع لكى ولا احد يجرؤ على اهانتك او اهانة اى فرد فى هذا الصرح

ولكن استاذ احمد عرض قضية عامة ولم يقصد فرد بعينة ولم يوجه الاهانه لاحد وانا كنت حاضر الاجتماع وفعلا هناك هناك حده فى النقاش إلا اننا اخوه نتناقش للمصلحة وعرض الآراء و كيفية التغلب على المشكلات التى تواجه هذا الصرح والاستاذ احمد مش قال كلام افتراء بل حقيقة ثابتة لكن لم يقصد المخلصين العاملين لوجه الله امثالك اختنا الكريمة . والكل يعرف حضرتك ويعرف انك تعملى لوجه الله ولا تبتغى إلا مرضاتة سبحانه وتعالى .

من الآخر انا حاسس ؟؟؟ لأ متأكد اننا اتحسدنا .

ربنا يوفق الجميع لما فية الخير

مستر / محمد أحمد

14-03-2009, 10:40 AM

رغم انى لم احضر الاجتماع معكم ولكن بكل صدق اجد هذه الحوارات ان دلت على شئ فانها تدل حرص الجميع على البوابة

كل منا يعبر عن حرصه من وجهة نظره وكل منا يحتمل صواب او خطا وجهة نظرة

ولكن ما اتمناه منا جميعا الا ياخذ كل منا وجهة نظر الاخر على انه هو المقصود بذاته لاننا علينا جميعا ان نتفق على شئ واحد هو مصلحة البوابة اولا واخيرا وان كان هناك خلاف فى وجهات النظر على كل منا ان يصارح الاخر على الخاص حتى لانفتح مجالات للقيل والقال ويدخل فيها بعض ضعاف النفوس لزيادة الفجوة ان كان هناك فجوة

ومن تعاملي مع الاستاذ احمد فاضل والاخت الفاضلة رانيا اجد انهما من اعمدة هذا المنتدى ولا يمكن لاحد ان يستغنى عن اى منهما الا اذا كان قصير النظر او يريد هدم هذا المنتدى

اتمنى ان تكون وجهات النظر بيننا محل ثقة ودراسة وتانى وتفكير حتى نستخرج من وجهات النظر المختلفة ماهو مفيد ونترك ماهو غير مفيد

وتحياتى لكم جميعا

Travel

14-03-2009, 11:22 AM

بعد استاذ اشرف ما مشى لقيت فى حاجه غريبة بتحصل بس مش فاهم فى ايه

فيه بعض الناس اهتمت بالعام والمشاكل اللى على العام
ليه مش عارف

اللينكات تتبعت للمدرسين ويدخلوا يردوا
وتكون الردود زهقتونا وقرفتونا
احنا والله زهقنا
انتوا حتخلوا المدرسين يطفشوا

الغريب بقى واللى حيجننى
ان المشاكل دى كانت موجودة واكتر ايام استاذ اشرف
ومكانش فى اى مدرس بيدخل يرد
اشمعنى دلوقتى

وكمان سيرف المنتدى كل شوية بيقع كتير
و
المنتدى بيبقى عليه هاكر كبير
اظاهر ان اللى كانوا بيهكروا الموقع ايام اشرف :cool:كانوا بيخافوا منه ف مكنش بيتهكر كتير
اما بعد فراقه بقوا خلاص بيدخلوا بقلب جامد ;)

طالما هو كده
بقترح ان حد يشغل عضوية عبقرينومان علشان بتوع الهاكر لما يشوفوها يخافوا وميعملوش حاجة كده ولا كده :d
ايييييه . . دوونيا
سبحان مغير الاحوال :bosyht9:

مين اشرف ده فى التعليم ؟ خريج ايه يعنى وفلوس ايه اللى بيتكلم عليها هههههههههه
انا سمعت انه يعرض 500 فى السنة يعنى جنيه ونص فى اليوم هههههههه
ده مش اهانة ده تهزيق علنى للمعلم .... يعنى اشتغل عند واحد علشان فى الاخر اجيب جاكت واكمل عليه

ههههههههه
جنيه ونص ف اليوم
:excl:
ده ميكملش تمن مورو بتاعتى :d

وسمعت كمان ان اشرف واضعنى فى
( البلاكليست) مش عارف هيعيش ازاى من غيرى ..... مين هيديله فوق دماغه ...... مسكين والله

ههههههههه
ايون :d

حضرتك متقدريش تسيبى البوابة اصلا ... انا صريح
واعتبرك مثل اعلى له والمنتدى به الكثيرون الذين يضعون حضرتك فى هذا الموضع
حضرتك عايزة تفهمينى ان ده سهل عليكى ؟

يس
معتقدش ان حضرتك هتقدرى تسيبى المنتدى
يعنى مثلا لو مش على ده كلوا
مين هيرخم عليكى غيرى . . الاجابة مفيش :d
صوت الحق لا يتفوه الا بكلمة واحدة ( تحت امرك ) لاى حد
اشمعنى انا
مبيردش الا بحاجة واحدة
تنفيض مستمر :angry2:
حضرتك متخصصة فى التعاملات الانسانية وليكى شعبية كبيرة ووضع تحسدى عليه
يس
رونى ^_^مش هتقدر تسيب المنتدى اصلا
لانها حبيت اللى فيه وهما كذلك
كمان مش هتقدر تستغنى عن رخامتى وغلاستى وبدون انكار مش هيفيدك :unsure:
كلمة لمسيو/اشرف
اصلى عارفة انه بيوصله كل كلمة وحرف من اللى بيحصل ف المنتدى هنا
اتقى الله ف عملك ونفسك ولسانك
و
بلاش تعمل زى الشعب المصرى . . رغاى ف اى حاجة ملهاش لازمة :)
مهما عملت . . المنتدى هيتطور
وهيرتقى
وهنرجع احسن من الاول باذن الله
وكلنا اخوة وبينا احترام وتقدير للجميع :)
اسفة على التدخل انا شايفاها مناقشة مدرسين
قلت انط ف وسطيكوا :d

مس رانيا حسن

14-03-2009, 11:26 AM

الاستاذة المحترمة نداء الجنة

أعرف أنك تقصيدننى بعضو مجلس الادارة اللى اللى قال كلام لايقدر به المعلم
وتقدير الدور الذى يقوم به المدرسين فى البوابة
عارف انك تقصدينى
مش عشان انا قلت
الكلام ده محصلش اساسا
وحوضح كل الحقايق من الالف للياء

أولا حضرتك من الشخصيات اللى بحترمها جدا فى البوابة زى بقيت المدرسين المحترمين
واكاد اجزم انى بعتبرك اخت بالنسبة ليا كتير ناقشتك فى اشياء متعلقة بالعمل والمنتدى
المهم
تعالى اقولك الموضوع من الاول
طبعا حضرتك عارفه اللى حصل وان استاذ اشرف ساب البوابة وراح عمل منتدى دوت أورج
وبعد كده عمل منتدى جديد ربنا يبارك له فيه يارب
والله من كل قلبى لأنى مفيش بينى وبينه غير اختلاف فى وجهه نظر
المهم
بعد استاذ اشرف ما مشى
لقيت فى حاجه غريبة بتحصل بس مش فاهم فى ايه
فيه بعض الناس اهتمت بالعام والمشاكل اللى على العام
ليه مش عارف
طبعا أى انسان من حقه يشارك فى اى قسم فى المنتدى سواء كان طالب او مدرس او مشرف أو ......
المهم
لقيت فى لينكات بتتبعت للمدرسين على الياهو بمشاكل لا تخص المدرسين
مثلا لو عضو استقال على العام
دى حاجه هو حر فيها
هو أخطأ انه كتبها على العام
بس ده مش معناه ان اللينكات تتبعت للمدرسين ويدخلوا يردوا
وتكون الردود زهقتونا وقرفتونا
احنا والله زهقنا
انتوا حتخلوا المدرسين يطفشوا
الغريب بقى واللى حيجننى
ان المشاكل دى كانت موجودة واكتر ايام استاذ اشرف
ومكانش فى اى مدرس بيدخل يرد
اشمعنى دلوقتى

المهم شوية ولقيت حاجه غريبه بتحصل
سمعت عن ان استاذ اشرف بيتصل بالمشرفين بتوعنا وبيعرض عليهم العمل بالأجر
أنا مش ضد ده للعلم
ده حتى تطوير
ويدخل نظام الاحتراف فى المنتديات التعليمية
بس ده لما يدخل
يبقى محدش يقول شغل تطوعى
كده مش تطوعى
كده بأجر
زيى أنا مثلا بشتغل دروس فى مقابل اجر
ده معناه انه تطوعى
لا بدل فى أجر
يبقى مش تطوعى
وده اللى دخلنى فى الكلام
الكلام اللى كان بيتقال فى الاجتماع انه عمل تطوعى
فانا رديت وقولت لا مش تطوعى
بدل فيه فلوس محدش يقول تطوعى
ولما استاذ عصام قال مينفعش نجمع بين اشراف فى المنتديين
( قصدى البوابة ومنتدى استاذ اشرف الجديد )
أنا قلت رأيى فى الحته دى
ولا هينت حد ولا غلطت فى حد
كل اللى كانوا فى الغرفه اصدقائى
وشريف من اللى كانوا معايا على الياهو
وهو احد الاشخاص الذى احترمهم جدا على البوابة

انا يمكن اتعصبت شوية وانا برد
بس حقول بعد كده ايه سبب العصبية فى اخر الموضوع
المهم رأيى كان
بما ان فى مكان حيدفع ومكان مش حيدفع
يبقى معتقدش ان حجم الشغل فى الاتنين حيبقى زى بعض
يمكن حضرتك حتقدرى توفقى
بس مش الكل
واديكى دليل انا شخصيا
بشتغل مثلا لو اشتغلت 10 ساعات دروس يوميا ( بأجر طبعا )
حقدر اشتغل فى الغرفه الصوتية نفس القدر
مستحيل طبعا
مش حنضحك على بعض
احنا مش ملايكة
احنا بشر
ده كان رأى شخصى
اذا كنت حضرتك فهمتيه غلط
فأنا باعتذر ليكى
( على خطأ لم أفعله ولم أقصده )
بس اسمحيلى بقى اقولك سبب العصبية اللى كنت فيها
لما اعرف أشخاص احبهم فى الله بصدق
واسمع عنهم كلام يزعلنى منهم
لازم أزعل بجد
أولا لما اسمع ان فيه احد الاشخاص حياخد مبلغ سنوى
وحيزيد المبلغ لما الفصل بتاعه يسجل فى المنتدى
مش بذمتك الكلام ده يزعل
لما نكون من يومين كنا من اصحاب القرار والمشاركة فى التطوير وهكذا
وبعد كده نسمع عن ادارة ظالمة
لا تقبل بالرأى الأخر
ازاى
ليه الكلام اتغير بين يوم وليلة
كده يبقى من حق الجميع يشك
وده اللى حصل
وللعلم اجتماع الياهو ده مكنش مترتبله خالص
انا كنت باكلم اصحاب ليا على الياهو
وكنت عايز استفسر منهم على اللى سمعته
الموضوع مش منتديات يا جماعة
معرفة الناس المحترمة هى المهم
-----------------------------------------------------------------------------
أقولك بقى اختلافى مع استاذ اشرف فى وجهة النظر
استاذ اشرف بيتصل بالمشرفين بتوعنا ويطلب منهم العمل معاه مقابل أجر
طيب وبعدين
والبوابة
يقول انا بحب البوابة وحريص عليها وخايف عليها والادارة غلط وحتضيعوا البوابة
ازاى
وهو بيغرى الناس اللى فيها وبيعرض عليهم العمل مقابل المال
وبعدين هو كان دايما بيرفض تقديم أى مكافآت للمدرسين أو جوائز للطلاب
على أساس ان البوابة يادوب بتغطى تكاليفها
حلو اوى
يعنى البوابة بعد 6 سنين شغل فيها و ربع مليون عضو بتغطى تكاليفها
ازاى بقى منتدى جديد حيدى فلوس للمشرفين والمدرسين
دى برضه نقطة خلاف
يمكن حيقول حاطور وحعمل شغل مجلات وسيديهات
وللعلم الحاجات اللى كنا متفقين عليها تتعمل فى البوابة
واتفقنا عليها فى اجتماع بنها
ماشى
يعنى حتطور وحتعمل فلوس وحاتكسب وحتدى المدرسين بتوعك فلوس
يبقى ادارتك للبوابة 6 سنين كانت فاشلة
اه فاشلة
عشان لو كنت ناجح كنت عملت الكلام ده فى البوابة
واوعى تقولى انك مكنتش المالك
لأنك كنت المتصرف فى كل شئ
والمالك لا يعرف اى شئ عن المنتدى وحساباته سوى بعد عزل الاستاذ اشرف
-----------------------------------------------------------------------
أسف طولت على حضرتك
بس عايز أقول حاجه كمان
حضرتك مقدمة الطلب للاستاذ عصام
ليه طلبتى رأى الناس المحترمين اللى فى المنتدى
رأيهم على عينى وراسى طبعا
بس لو حضرتك بالفعل كنت عايزه الطلب ده من الاستاذ عصام
مكنتيش حطتيه فى غرفه المشرفين
كنتى حطتيه فى الاداريين
لأنك مشرفه ادارية
أو بعتيله على الخاص
أما لو كان الغرض منه اننا نعمل كلام وردود ومشاكل
ده موضوع تانى
كمان عايز اقول حاجه
لما الناس تحب تسيب مكان مش محتاجه انها تدور على
مبررات قدام الناس عشان تطلع مظلومة
فى النهاية
والله باحترم حضرتك جدا وبعتبرك اخت غالية
بس انا بطبعى صريح
ولا اجامل فى الحق
وأعتقد انك كده برضه
على حسب معرفتى بك

ملحوظة هامة
جميع مدرسين البوابة يعلمون أنى أكن لهم كل تقدير واحترام
ويكفى مجهوداتهم الرائعة التطوعية لخدمة هذا الصرح العظيم
أرجو الا يزايد أحد على هذا
وعندى دليل على انهم خيرة مدرسى مصر
دليلى انهم معظمهم رفضوا التعاون مع أستاذ أشرف من أجل المال
مع انه مش غلط على حسب رأى البعض
( ده شئ هما أحرار فيه )
بس هما رفضوا اى اغراءات لترك البوابة
بارك الله فيهم

وجزاهم خيرا

مستر احمد انا بتكلم عن نفسى
موضوع المنتديات ده
انا مش بيشغلنى شىء غير الحصص الصوتيه
لانه ببساطة اول يوم اشتركت فيه هنا
لا كنت بفكر فى اشراف او غيره
والله يعلم
بالنسبه للموضوع كتبته هنا بحيث الاخوة الزملاء يطلعوا عليه
من باب العلم بالشىء
وعموما احب اقول لحضرتك حاجة
اشتراكى هناك لاسم استاذ جمعه الدهشان اولا
وعضويه صوت الحق ثانيا
وثالثا فى امور اتضحت بالنسبه ليا كانت غايبه عنى
يعنى لا غرضى اعمل مشاكل او الفت النظر
وكمان مشش احب اترك البوابه
لكن لما احس انى هتهان يبقى الرحيل افضل
متشكرة لحضرتك على الرد

مس رانيا حسن

14-03-2009, 11:33 AM

استفسار اخير استاذتنا المحترمة

ليه حضرتك اثرتى الموضوع ده انهارده
مع انه الاجتماع كان من يومين
ولا هو فى جديد انهارده ؟؟؟؟؟؟؟؟؟؟؟
استفسار ارجو توضيحه

السبب انى رفضت كتابته فى نفس يوم الاجتماع
حتى لا اكون تحت تاثير العصبية والضيق
جزاك الله خيرا

مس رانيا حسن

14-03-2009, 11:35 AM

مس رانيا حسن

14-03-2009, 11:37 AM

مس رانيا حسن

14-03-2009, 11:38 AM

مس رانيا حسن

14-03-2009, 11:41 AM