بسم الله الرحمن الرحيم
ارجو اصحاب الخبرة انهم يفيدونى

انا نتجتى ظهرت الحمد لله
بس انا جايب مادتين رفع
8 & 8
والحمد لله ناجح فى باقى المواد

عندى استفسار بقى
انا التيرم التانى عندى 5 مواد
عايز اعرف امتى انا مترفعش فى المواد بتاعت التيرم الاول
يعنى انا عارف ان انا ليا 6 درجات رفع فى السنة
طيب لو انا جايب مثلا مادتين رفع ومحتاج الدرجات دى
بس شايل مادة او مادتين غيرهم
هل انا اخد درجات الرفع وانجح السنة ومعايا المادة او المادتين دول
ولا اشيل الثلاث اربع مواد دول واعيد السنة عليهم وميدونيش درجات الرفع

مستنى الرد وشكر مقدما

اولا مرحبا بك يا اسامه فى بوابة الخير بوابة الثانويه العامه ممكن يا اسامه تكتب انت فى جامعة ايه بس,وعلى العموم انا عند علمى ان ليك 4درجات رفع على مدار السنه مش 6 بس على العموم حاول باذن الله ان انت تطلع صافى فى الترم الثانى عشان يترفعلك المادتين دولت وانا شغوف ان اعرف انت فى اى جامعه

اللى أعرفه إنهم 6 درجات
لو مادة نازل فيها اوى بيضيفوا السنة كلهم وتنجح فى المادة دى وتشيل الباقى لا قدر الله
إنما لو فاضل درجة او اتنين على النجاح بيوزعوا السنة على المواد اللى تقديرها ضعيف

وسمعت برده إن تقدير ضعيف جداً بيشيل المادة

والله أعلم .. دا مجرد كلام سمعته

وربنا يوفقنا جميعاً

انا اللي اعرفه ان لو عندك مادتنين ضعيف في التيرم الاول
وجيت في التيرم التاني مش طلعت بولا ماده
تطلع تانيه نضيف
من غير ولا ماده
ولو قدر الله عندك 2 ضعيف و2 ضعيف جدا
والتيرم التاني مش طلعت بولا ماده
تشيل مادتينن اللي هما ضعيف جدا ويترفعلك ماديتين اللي هما ضعيف
يعني تدخل تانيه ومعاك مادتنين

والله اعلم بردو

السلام عليكم ورحمة الله
سئلت قبل كدة وقالوا ان لو فى مادتين بس ماتقلش عن 7 التيرم الاول هايترفعوا من غير حاجة لكن التيرم التانى لو مفيش مواد وناجح يبقى خلاص مش تشيل اى مواد
لكن لو مع حد مادتين التيرم الاول وجيه التيرم التانى نزل فى مادة لاقدر الله يبقى يشيل مادتين
ده حسب علمى فى جامعة القاهرة
وجزاكم الله خيرا