السلام عليكم و رحمة الله و بركاته

أولا انا مش النوع اللى بيصدق أى حاجة تتقال إلا بعد ما افحص و أدور و افتش

وصلنى خبر النهاردة الصبح عن مكالمة الموت

و هى أن فيه رقم دولى يحتوى على نقطة حمراء فى أرقامه يقوم بالاتصال عشوائيا بأى رقم موبايل

و بمجرد الرد يتلقى موبايل هذا الشخص موجات كهرومغناطيسية تدمر خلايا المخ خلال عشرة أيام

و يتوفى هذا الشخص

و من خلال بحثى و تدقيقى فى تلك المعلومات

وجدت أن العملية ممكنة و سهلة عن طريق برمجة الكمبيوتر بأى برنامج اتصال و هذا البرنامج يقوم بإظهار هذا الرقم

بكيفية مختلفة ( به نقطة حمراء ) و بمجرد الرد يقوم البرنامج بإرسال تلك الموجات الضارة و المميتة

ثانيا موت خلايا المخ علميا يأخذ فعلا فترة أقصاها 10 أيام مما أكد لى صحة الخبر

و ما أكد لى أكثر أن 4 أشخاص أعرفهم طالتهم مكالمة الموت هذه

هذا ليس نشرا لإشاعة

فقط نأخذ حذرنا خوفا منى على كل الناس

يرجى عدم الرد على أى مكاملة دولى تأتى إلى موبايل أى شخص

الإبلاغ لوجه الله و أشهد الله على ما فى قلبى

شكرا يابو حميد على الخبر

جزاك الله خيرا

ان شاء الله الكل ياخد حظرة

ربنا يكرمك يارب

فى ميزان حسناتك ان شاء الله

فى رعاية الله

مش عارف مع انى مش مصدق الحوار دا بس شكرا برضه يبندق

أنا كمان سمعت عن الحكاية دى

وحتى لو مكنتش حقيقة على الاقل ناخد الحذر مش هنخسر حاجة

جزاك الله خير

مش مصدق حاجة طبعا
لو صح اهو ناخد حذرنا وخلاص

وادي ياعم عصر الانترنت والعلم والصعود للكواكب ناس لسه عايشه في غيبوبه وبتفكر بطريقه اقل ماتوصف انها من عصور ماقبل الديناصورات. مكالمه موت ايه وزفت ايه ياعم فكرواا صح الناس اتقدمت واحنا بنتاخر الناس طلعت القمر واحنا لسه بنفكر بعصور ماقبل التاريخ هو حد فاضي لحد هو فيه واحد حيفكر بالشكل ده وعلشان ايه والنتيجه ايه ويلزمه كام سنه علشان يقضي علي الشعب المصري طيب لواحد عاوز يخلص من واحد يخلص منه باستخدام الطريق دي يا عالم فكروووووووووووووووووا صح مره واحده
عياد
مدرس اول لغة انجليزية

يا جماعه هذه اشاعات ولكن يمكن القول بان هناك صحيح اشاعه مغناطيسيه ازدات في احدي شركات المحمول للحظات فكانت النتجيه موت بعض الناس مش مكالمه دوليه هذه خبر للتغطيه علي الموضوع

والله مانا مصدق

أقترح على إدارة المنتدى التأكد من الخبر من خلال الأطباء أو المتخصصين والقرآن يقول : ( فاسألوا أهل الذكر ) ولا يجب أن يهاجم بعضنا بعض

أخوانى الأفاضل من مروا بهذا الموضوع

شكرا لكم جزيلا

و أود أن اقول شئ واحد

أننى حينما نشرت الموضوع و طرحته كان من باب أخذ الحذر و صحبته برؤيتى الشخصية

فمن يتفق فهذا شأنه و من يختلف ايضا هذا شأنه

و لكن نيتى كانت لله لأجل الحذر فقط

و لست وحدى من أتحدث عن هذا الموضوع

فأردت إخوانى فى المنتدى يأخذوا حذرهم بعيدا عن صحة الخبر أو عدم صحته

أما الشخص المدعو ayadooo إن كنت حقا مدرس لغة إنجليزية بمعنى و محتوى كلمة مدرس

لكنت قد تعلمت كيف تحاور الآخرين

فأقل ما يقال على أسلوبك إنه أسلوب همجى في التعبير عن الفكر و المبادئ

و لا يميل إلى أى لمحة من لمحات التطور فى الفكر الذى أشرت أنت إليه

و عموما يمكنك العودة إلى موضوعاتى فى ملفى الشخصى

لترى إن كانت " زفتا " أم غير ذلك

على كل حال شكرا إلى كل من مر بالموضوع

عدا هذا الشخص ذو الأسلوب الغير لائق

كل شيء جايز والاحتياط واجب ايضاً

وإذا كانت الموجات في اصلها ضارة بالمخ فهناك امكانية لذلك فعلاً
لكن اعتقد ده المفروض بيختص بالجهاز نفسه مش بالمكالمة
لكن طبعاً مش حتكلم في مجال مفهمش فيه

يا حلاوة يا ولاد عشنا وشفنا ياسى بندق

تعرف ان مفيش حاجة اسمها انفلونزا الطيور ولا برج التجارة انضرب ولا نيلة ولا اى حاجة انت عارفها صح ابقو تعالو قابلونى يا مصرين خليكم اسمعم وخلاص مش عاوزين تثبتو انتم الصح لية وهم يدورم وراكم زى زمان حسبى الله ونعم الوكيل خد بالك فى فيرس على المنتدى بيدمر الشبكية ابق اسال الاطباء للتاكد من الحبر ولا اقولك هم هيتصلو بيك انت لية حول خطك على حد مااااااااااااااااااااااات مهو كدة كدة مااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااات

عظيم جدا
عندى اقتراح بسيط
يبطلو يعملو سلاح مالوش لازمه بقى
ويبتدى عصر حرب الموبايلات
وبلاش دوشه الطيارات والدبابات
والكلام الفارغ ده
اخ بندق هل قمت بواجب العزاء فى الار بع اشخاص الذين لقو حتفهم من تلك الكالمه القاتله
وهل هم الذين اخبروك بذلك؟
وهل هناك احد غيرهم اخبرك

القاهرة - محرر مصراوي - نفى مصدر امنى مسئول مساء الاثنين الشائعات التى ترددت مؤخرا ومفادهاأن جهات خارجية مجهولة، تقوم بإرسال رسائل نصية قصيرة أو الاتصال بأرقام هواتف محمولة بالبلاد، يترتب عليها إصابة متلقيها بصداع شديد يعقبه الاصابة بنزيف فى المخ والوفاة.
وأضاف المصدر أن هذه الشائعة،زعمت أن هذه الرسائل والاتصالات تبدأ برمز (+) وتنتهى بأرقام (111) وأنه توجد حالات إصابة من جراء تلك الاتصالات بدائرة مركز ملوى بمحافظة المنيا وكذا محافظتى (القاهرة-قنا).
وذكر بيان لوزارة الداخلية صدر الاثنين ،ان الشائعة امتدت إلى عدد محدود من العاملين بشركة "إنبى" للبترول بالقاهرة،حيث تبين تداولها عبر التليفونات المحمولة،بمعرفة ثلاثة موظفين محددين بالشركة وقد بادر رئيس مجلس الادارة باحالتهم للتحقيق.
وأضاف بيان الداخلية أن العاملين بسنترال السويس العمومى تلقوا عددا من الشكاوى من بعض المواطنين تفيد تلقيهم تحذيرات من تلك الاتصالات،التى تزعم ان بدايتها كانت بالمملكة العربية السعودية،بدعوى وجود ثلاثة حالات مصابة من جراء تلك الاتصالات بالمستشفيات السعودية.
وأكد البيان انه بمراجعة مسئولى مديريات الصحة بمحافظات القاهرة-المنيا-قنا- نفوا صحة تلك المعلومات او تلقيهم اية حالات مصابة بالاعراض المشار اليها واكدوا عدم منطقية تلك الشائعات وتعارضها مع الحقائق العلمية.
المصدر
http://www.masrawy.com/News/Egypt/Politics/2009/march/24/mobiletexting.aspx

ياجماعة خلوا عندنا شوية عقل ونفكر فى الموضوع بشوية منطقيه
اولا شكرا لاخى بندق 2007 على تحذيره لنا وانا مش بقول ان حضرتك بتالف ولاحاجه
لكن حضرتك سمعت الخبر زى كل الناس الى سمعته
وانا عاوزه اقولكم رائى دا لو سمحتم
ان الشخص الى بيوصله المكالمات دى بيتوفى بعد عشرة ايام
انا عاوزة اعرف مين بقى الى شخص الحالة وقال انه اشعه ضاره ومميته جت له من رقم موبايل وازاى عرفنا السبب بالسرعه دى
التقدم فى مصر للدرجه دى ولاالشخص الى وصلت المكالمه لما راح للدكتور وساله عن سبب الى حصله المريض قاله اصلى يادكتور رديت ع التليفون النهارده الصبح
ولا الى مات ده بعد مامات جه لحد فى المنام وقاله

انا عن نفسى بقول انا الموضوع ده مش ليه اى اصل من الصحه
وهو مجرد افتكاسه من الشعب المصرى

هو كتير من الناس اللي ردت سخنت ع الراجل ليه أولا ً الحكايه دي ممكنه ولا لأ ؟؟؟؟؟ الموجات اللي ليها طاقه و خصوصا ً لو كانت فوق سمعيه ( مش هاتسمعها ) هاترد مش هاتسمع حاجه بس ليها تأثير مدمر العقل بيقول إن الحكايه دي ما لهاش لازمه فعلا ً ماهو لو واحد عايز يدمر مصر ( زياده عن كده يعني ) مش هايتصل بالشعب واحد واحد بس هيا كل جريمه بيعملها واحد عاقل ؟؟؟؟ يمكن واحد مختل عقليا ً و العدد القليل بيأكد أنه واحد مش مجموعه يعني ممكن يكون من غير دافع ( مرض عقلي ) حتي لو كان الكلام ده مش داخل دماغك يا أخي الموضوع مش عاجبك سيبه و إمشي " من كان يؤمن بالله و اليوم الآخر فليقل خيرا ً أو ليصمت " أما موضوع الخبر هو من إمتي شعب مصر بيعرف الحقيقه كامله ؟؟؟؟؟ و من إمتي المصادر الأمنيه علي درجه عاليه من " الشفافيه " بحيث إنها تقول كده ؟؟؟؟ يا ريت نتقي الله شكرا ً ع التحذير يا أستاذ بندق

اخوتي في الله السلام عليكم اولا وان كان الاساس العلمي لهذه المعلومه غير ممكن الحدوث الا انننا وثقه في صلاح نيه الاخ صاحب التنبيه يرجي المرور بالموضوع كراما من استحسن فليشكر ومن امتعض فلا اقل من توجيه طيب او سكوت لطيف ادام الله حبكم في الله

هو كتير من الناس اللي ردت سخنت ع الراجل ليه أولا ً الحكايه دي ممكنه ولا لأ ؟؟؟؟؟ الموجات اللي ليها طاقه و خصوصا ً لو كانت فوق سمعيه ( مش هاتسمعها ) هاترد مش هاتسمع حاجه بس ليها تأثير مدمر العقل بيقول إن الحكايه دي ما لهاش لازمه فعلا ً ماهو لو واحد عايز يدمر مصر ( زياده عن كده يعني ) مش هايتصل بالشعب واحد واحد بس هيا كل جريمه بيعملها واحد عاقل ؟؟؟؟ يمكن واحد مختل عقليا ً و العدد القليل بيأكد أنه واحد مش مجموعه يعني ممكن يكون من غير دافع ( مرض عقلي ) حتي لو كان الكلام ده مش داخل دماغك يا أخي الموضوع مش عاجبك سيبه و إمشي " من كان يؤمن بالله و اليوم الآخر فليقل خيرا ً أو ليصمت " أما موضوع الخبر هو من إمتي شعب مصر بيعرف الحقيقه كامله ؟؟؟؟؟ و من إمتي المصادر الأمنيه علي درجه عاليه من " الشفافيه " بحيث إنها تقول كده ؟؟؟؟ يا ريت نتقي الله شكرا ً ع التحذير يا أستاذ بندق

كلام مقنع تماما

انا فعلا سمعت عن الموضوع ده
و اكتر من حد قالى
بس متفرقش صح ولا لاء
انا مش مصدقة ولا مكدبة
بس اهى معلومة لو حد جاله المكالمة دى يبقى عارف
شكرا يا استاذ بندق

ميرسى للناس اللى مرت

حابب بس أقول شوية حاجات

ميرسى جدا لـGolden Eagle على الكلام اللى بجد عاقل و مؤدب و مقنع

ميرسى برده للسيد درويش و حسام تراب على الأسلوب الكويس اللى اتكلموا بيه

و ميرسى لايمان سمير على المرور و ده كلام العقل

و ميرسى لأشرف اللى جابلنا من مصراوى نفى وزارة الداخلية



و الموضوع مش فبركة يعنى و لا انا حلمت بيه و لا حد جالى فى المنام و لا حاجة يعنى يا بشرية

و لا اتهبلت و بنشر إشاعات و لا تفكيرى من عصر الديناصورات و لا حاجة برده

الداخلية اعترفت بإصابات دماغية فى قنا و القاهرة فى عمال شركة إنبى

بسبب تانى أى نعم و الحمد لله انها بسبب تانى

و لكن فيه حاجة .................... كان فيه شك و كلام و حاجات

مش فبركة

و انا قولت ناخد حذرنا بس

لا الموضوع صح و لا غلط

و لكن الناس اللى فى دمها الفذلكة

و الناس اللى غاوية تتكلم و تثبت أنها المتقدمة فكريا و إن الناس التانية ( اللى هى انا يعنى ) متخلفين

الناس دى عندها هواية اسمها تعيب على الناس و تفتى فى كل حاجة و تتكلم و تنقد على الفاضى و المليان

عموما ميرسى ليكى كلكم

و أنا تانى و تالت و رابع كنت بحذر مش بنشر خبر

انا مش مصدق
بس على الاقل ادينا عرفنا ولازم ناخد حذرنا
بضه الاحتياط واجب

انا مش مصدق
بس على الاقل ادينا عرفنا ولازم ناخد حذرنا
برضه الاحتياط واجب

جزاك الله كل خير
على خوفك على الاخرين
ولكن لى طلب عندكم
التاكد اولا من صحه الخبر
وهذا ما طلبته من مجلس الاداره
عند نشر مثل هذه الاخبار
لابد من توثيقها بالمصدر والادله
حتى لا نتعرض للقيل والقال
شكرا لك
وتقبل مرورى

شكرررررررررررررا بندق على نقلك للمعلومة انا لسة حالا اعرفها فى جنوب سيناء

سؤالى اليك ماهو مصدرك لهذة المعلومة؟


و ما أكد لى أكثر أن 4 أشخاص أعرفهم طالتهم مكالمة الموت هذه


2- انت قلت فى كلاماتك هذا الكلام

هل فعلا تعرف 4 اشخاص ادركهم مكالمة الموت ؟ ممكن نعرف من هم ومن اى بلد؟

ارجو الرد على سؤالى ولك الشكر................................... هكذ ا نحدد المشكلة / مصادرها / حتى نتحقق من الامر

شكرا يا أخ بندق على التحذير لكن أود أن أوضح نقطة وهى أن التليفون المحمول وغيره من الاجهزة السمعية اللاسلكية تعمل بالأمواج الكهرومغناطيسية فعلاً وأنها لها تأثير على المخ وغيره من أحهزة الجسم على المدى الطويل وكذلك فالموجات الفوق سمعية موجودة حولنا ولكن الأذن لا تتاثر بها يعنى كدا الضرر واقع واقع لا محالة وخاصة لما تكون ساكن فى عمارة فوقها برج تقوية ارسال الشبكة الخاصة بأحد الشركات وفى اعتقادى الشخصى أن الأولى فى الضرر يكون للبنى آدمين القيمين بجوار هذه الشبكات والمعرضين لها ليل نهار مش من مكالمة تليفون ومرة تانية شكراً على التحذير ونصيحة اللى تجيله مكالمة زى دى يفتح الاسبيكر ويسمع من بعيد ( مش تريقة والله )

شكرررررررررررررا بندق على نقلك للمعلومة انا لسة حالا اعرفها فى جنوب سيناء

سؤالى اليك ماهو مصدرك لهذة المعلومة؟


و ما أكد لى أكثر أن 4 أشخاص أعرفهم طالتهم مكالمة الموت هذه


2- انت قلت فى كلاماتك هذا الكلام

هل فعلا تعرف 4 اشخاص ادركهم مكالمة الموت ؟ ممكن نعرف من هم ومن اى بلد؟

هم أصدقاء أحد أقربائى فى العمل و قريبى هذا هو من أبلغنى فورا بهذه المعلومة

و هم فى العناية المركزة بالقاهرة

و بعد فحصهم بالأشعة المقطعية

تبين أن هناك تأثير بالغ و قوى على خلايا المخ

و بسؤال الطبيب لهم

قالوا انهم الأربعة تناقلوا مكالمة محمول

و من هنا قمت بالتحذير

ارجو الرد على سؤالى ولك الشكر................................... هكذ ا نحدد المشكلة / مصادرها / حتى نتحقق من الامر

شكرا على المرور و ما أردت إلا التحذير بعيدا عن صحة أو بطلان الخبر

لن نخسر شئيا

معلش يا اخ بندق انا مش با أكذبك انت ولكن با اكذب كل مثل هذه الاشاعات وانا فعلا قرأت عن هذا الأمر وكذبه موقع مصراوى وكذلك كذبه الكثيرون من عقلاء وعلماء الأمه دا يبقى أخطر من القنبلة النوييه وبعدين هذا الأمر ظهر فى شركة انبى وانا لى صديق يعمل هناك ونفى صدق هذا الخبر تماما

يبقى العملية كدة وضحت

و ميرسى يا استاذنا استاذ سيد

و انا غرضى و الله كان التحذير مش اكتر

الاحتياط واجب

شكرً الموضوع يستحق البحث و الفحص و التمحيص ...


العلم ليس له كبير, ممكن نعم للموضوع ,ممكن لأ.


المهم شكراً للتحذير .. و جزاك الله خير...

فعلا هذا الكلام صحيح ونشر هذا الكلام فى الجرائد وشكرا لك

انا سمعت الحوار دا قبل كدا فعلا .. الف شكر يا بندق

يالهوي ..ده في ارقام كتيييييييييير دولية بتتصل ....
__________________

لاني اثق دوما فيما تقول يا بندق فا مش قادرة ما اسدقش
مع اني سمعت بالموضوع ده وطنشته جدا جدا
عموما جزيت خيرا

مشكوووووور

بندق
يا الهى

مشكور يا اخ بندق
بس الكلام ده سمعته مية مرة قبل كده وجالى مسجات على الميل والتليفون بالهبل قبل كده والمضمون تقريبا كان واحد

يا بندق ما اعتقدش ان الموجات الكهرومغناطيسة ممكن تتنقل عن طريق الفون ( ازاى يعنى )
ممكن أكون مخطئ بس ده تصورى
مشكور مرة تانية يا بندق
ومشاعرك الجملية دى مش غريبة عليك

ياسبحان الله الرجل يقول خذوا حذركم هل سنفعل مثل بنى اسرائيل عندما قال لهم الله عز من قائل اذبحوا بقرة يكون رد الفعل مالونهاو.............................
عامة جزاه الله كل خييييييييييييييييييييييييييييييييييييير

يا جماعه هذه اشاعات وجزاك الله كل خير

جزاك الله خير

جزاك الله خيراً على الموضوع وربنا يعطيك على حسب نيتك .
وأرجو من إخواني الرد باسلوب مهذب وعدم السخرية بالموضوع إلا أكيد الأخ يقصد بيه خير
وأياً كان الخبر صحيح أم خطأ المفروض الاعتراض يكون بأسلوب مهذب ولائق .
والله أعلى وأعلم بما في النفوس

والله العظيم حصلت فى فاقوس وانا اخويا دكتور فى المستشفى العام وقلى وصل 2 حالةمن فاقوس و3 من الروضة بسبب فيرس المحمول القاتل ومش كدب وعلى الاقل ناخد حذرنا بس

.. دي حاجة من الاتنين ..
.. يا إما كذبة ابريل (احنا لسة في مارس على فكرة) ..
.. يا إما حدوتة قبل النوم ..
.. أنا شوفت فيلم ياباني نفس القصة قبل كده ..
.. أكيد اللي قال الحكاية دي اتفرج على الفيلم قبل ما ينام ..
.. ليه بتساعدوا على نشر الاشاعات ؟ ..