مشاهدة النسخة كاملة : الي كل من يحب فعل الخير
mostafa_fifa 23-03-2009, 08:58 PM أنا بقالي شهرين علي أمتحان الفيزياء لهذا العام وأنا بجد لحد دلوقتي لم أدخل في المادة بجدية لأني عندي عقدة منيها أنا سني من المفروض وطبيعي أكون في 3 كلية السنادي بس الحمد لله أنا أتأخر سنة في 2 وسنتين في 3 بالسنادي بس الحمدالله وأستعينه وأستغفرة وان شاء الله أنجح السنادي وانا مش معايا غير فيزياء بس أتأخر لأني لم أفتحها وأذاكرها بضمير ولأني مش بحبها بس أعمل أيه أنا مطر أحارب عشان أنجح وانا بصراحة كنت مهتم بكورة بدرجة لاتوصف فهل أنا أستطيع أن أخلص وألخص الفيزياء في شهرين ولا أن هذا صعب فأفيدوني أفادكم الله وأكرمك وحبب اليكم الإيمان ورزقكم ويارب يجعل أيامكم نور في نور مليئه بخير.
klmnopq 23-03-2009, 09:41 PM يا أخى
استعن بالله واخلص النيه لله
لا شيء لديك إلا الأمل والمحاولة الصادقة
تبقى حوالى 70 يوم على شهر 6
أضف على ذلك الأيام من شهر 6 حتى إمتحان الفيزياء
يتوقف الأمر عليك
فلا أحد يعلم قدراتك إلا الله
استعن بالله
وابدا من اليوم وحتى يوم الإمتحان
توكل على الله ولن يضيع أجرك
mostafa_fifa 23-03-2009, 10:12 PM أبدأ من أي باب وهل في مذكرات ودروس تفيدني
Dr.M0hamed 23-03-2009, 10:14 PM ربنا يوفقك
لكن السنة قدامك طويلة مش فاكر غير علي اخر شهرين !
مش بلومك بس بتعجب من حالك
بقولك تاني ربنا يوفقك
mostafa_fifa 23-03-2009, 10:16 PM أنا بجد قلقت من كلامك يعني مفيش أمل مش هقدر أعمل أي حاجة
abdelRhman772007 23-03-2009, 11:58 PM بص أعتمد على الله
و توكل عليه فهو حسبك
أنت حاول تجد مدرس يلخص لك المنهج فى الفترة المتبقية
و لتعمل معه بجدية حتى آخر السنة و الله لا يضيع أجر من أحسن عملاً
و أى مسائل تقف معك نحن جميعاً معك هنا فى المنتدى
klmnopq 24-03-2009, 12:20 AM بص أعتمد على الله
و توكل عليه فهو حسبك
أنت حاول تجد مدرس يلخص لك المنهج فى الفترة المتبقية
و لتعمل معه بجدية حتى آخر السنة و الله لا يضيع أجر من أحسن عملاً
و أى مسائل تقف معك نحن جميعاً معك هنا فى المنتدى
هوه ده الرد الصح
حاول تشوف مدرس كويس
وابدا من البدايه خالص
المنتدى مليان مذكرات
والكتب الخارجيه مليانه أسئلة
حاول تقرأ التلخيص وتفهم من المدرس
وإن شاء الله ربنا هيوفقك
حسام تراب 24-03-2009, 12:25 AM بص يا سيدى هم كلمتين
اولا حب ما تعمل حتى تعمل ما تحب
ثانيا ان الله لايضيع اجر من احسن عملا
ثالثا محدش هيفيدك غير نفسك استعن بالله وتوكل علية وهو يكفيك وحسبك
اخيرا كل شى نصيب
حسام تراب 24-03-2009, 12:28 AM متفكرش انك لوحدك كدة الناس كلها متاخرة والا كان كل مصر فى كليات الطب اعمل اللى عليك وسيب الباقى على الله ربنا معاك ويقف جنبك ويكرمك ويوفقك
goryy 24-03-2009, 12:48 AM انت اتاخرت فعلا
بس لسة فاضل شهرين و انت مش معاك غير الفيزياء يعنى تلحق تعمل اللى انت عايزة و تحل كتب خارجية كتير
بس بلاش تقول كتير انك زهقان من الفيزياء علشان متزهقش منها اكتر
و ربنا معاك
يارب سامحنى 24-03-2009, 03:26 PM اقولك ياغالى جيب كتاب الأمتحان وكل يوم فصل هيبقوه 15 بس وحل امتحانات والله هتبقى سوبر
mostafa_fifa 24-03-2009, 06:37 PM جزاكم الله كل خير بصراحة كلامكم طمني بس أنا أبدأ أذاكر الخلاصة أم أبدأ من كل الشرح وشكرآ لردكم
fadwa_magdi 24-03-2009, 06:52 PM ربنا معاك
ورأيى انك تبدأ تذاكرها من الكتاب بجانب مذكرة او اى كتاب خارجى( للتوضيح مش اكتر)
بس ما ينفعش تذاكر الخلاصة بس لان فيه حاجات مهمة بين السطور لازم تتذاكر
وحاول تذاكر الفصل وتحل عليه اسئلة علشان تثبت المعلومة
وبجد الفيزياء مادة لذيذة وما تخافش لسة قدامك وقت تقدر تقفلها
وتحل اسئلة وامتحانات كمان
وتوكل على الله وابدأ مذاكرتها بجد
وخلى هدفك دايما قدامك
وربنا يوفقك ويوفقنا
mostafa_fifa 24-03-2009, 09:46 PM يعني أبدأ أصور ورق أستاذ وأمسك كل باب من الاول بجانب كتاب خارجي وانا باخد مع أستاذ بس هو مش بيكتب ورق شرح فهل هذا صح أصور ورق أستاذ أخر وأذاكر بجانب الاستاد
mostafa_fifa 25-03-2009, 11:43 AM أنا معي كتاب المثالي وكتاب كشكول الاول هل هما كافيان وهل في كتاب يساعدني أكثر نظرآ لاني متأخر
mostafa_fifa 25-03-2009, 11:50 AM أنا معي كتاب المثالي وكتاب كشكول الاول هل هما كافيان وهل في كتاب يساعدني أكثر نظرآ لاني متأخر
mostafa_fifa 25-03-2009, 10:05 PM الووووووووو
mostafa_fifa 27-03-2009, 06:39 PM يا أخوتي أين أنتم
eslambac2010 27-03-2009, 07:43 PM شوف يا عم ابدا بالفصول السهلة يعنى الفصل الاول والخامس والثانى والثامن وال12 وال13 وال14
وعلى فكرة انا بدات المراجعات الخاصة وانا بدات امبارح بالغازات اية رايك تيجى نبدا سوا؟
النهاردة انا هاخد الكهربية كلها ؟ ماشىىىىىىىىىىى
كل يوم قولى عملت اية زى دلوقتى...فى انتظارك challenge yourself nothing is impossible
mostafa_fifa 28-03-2009, 02:51 AM ان شاء الله بجد أنا متشكر أنا هتحدي الصعاب لو قلت مش عارف هقول لنفسي أتعلم ولو قلت مستحيل هقول هحاول
نهر الكوثر 28-03-2009, 01:02 PM انتا شد حيلك كده واستعيذ بالله من الشيطان الرجيم واتوكل على الله وابتدي بجد من الاول والله سبحانه وتعالى قال بسم الله الرحمن الرحيم:(واذا عزمت فتوكل على الله) صدق الله العظيم
ملك ابراهيم 306 29-03-2009, 12:47 AM توكل علي الله وحاول الاستعانه بصديق يساعدك مع الالتزام بالمدرس ومفيش مشكله من التأخير لأنها مادة واحدة
د. رغد 30-03-2009, 08:28 PM ربنا يوفقك ان شاء الله
و تنجح السنة دي
بس ابذل جهدك و اعتمد علي الله و ثق به
master666666 31-03-2009, 03:22 PM حاول ان تبذل اقصي جهدك وكن متفائل دائما واي سؤال انا في الخدمة
وماتقلش اعمل الي عليك وكل شيء علي الله
اخوك : احمد
|