ماشي في الدنيا وشعاره يا أرض اتهدي ما عليكي ادي
مين اده لسه مخلص الثانوية بقى وداخل ع الكلية
أول حاجة فكر فيها ازاي يحسن مظهره
تسريحة شعره
لبسه ع الموضة
نوبايل أحدث حاجة
بس في الغالب بيشحنه ع الهوا بجنيه
مش دي القضية
النوبايل الحديث جداً دا بيشبهه في حاجات كتير
النوبايل من بره حلو اوي ملفت للنظر
إنما جواه جنيه .. يا حرااااااام
النوبايل آخر موضة وبراق ولامع
إنما من جواه فاضي مخوخ يعني
المهم صاحبنا النوبايل قصدي الشاب
دخل الجامعة وحاول يبهر كل اللي حواليه
بنوبايله بسابيكه ببنطلونه الساقط
فيهم ناس انبهروا وناس اندهشوا وناس انكمشوا
وناس من الغيظ انتفشوا
وناس من الزقططة انتعشوا
وييجي صاحبنا الروش يقع في المحظور
والشيطان زي الحاوي
وياما في الجراب يا حاوي
وعشان اصل صاحبنا طيب
ضميره يأنبه ويعذبه
يعيط جامد ويقول
توبة من دي النوبة مش هعمل كده تاني
والنوبة تعدي
والتوبة تهدي
تيجوا سوا نتكلم سوا
يعني كدا كدا سوا سوا
كلام ع الهوا
مين اللي مرة صاحبه
مش هو لا سمح الله
وقع في المحظور وقال
توبة من دي النوبة معنتش هعملها تاني

مش عارف بجد حكاية النوبيلات دى كترت اليومين دول
بس معتقدش انه فى حد عاد بيقول توبة النوبة مش عاعمل كدا تانى
كتير بقا غرضه انه يدلع نفسه!!!!!!!!!!!
ومش بس كدا دا بيدلع نوبايله كمان!!!! ازاى ولية وعشان ايه --- ملهاش رد غير هو كدا
ربنا يسترهامعانا ويعدينا على خير

والنفس راغبة اذا رغبتها *** واذا ترد الى قليل تقنع

فى امان الله

اشكرك مستر جمال على التواصل والرد
وغريبة لغاية دلوقتي مفيش حد دخل يحكيلنا عن موقف واحد صحبه وقع فيه وقال توبة من دي النوبة ورجع تاني
عاوزين نتبادل التجارب عشان نتعلم من بعض
وكما قال المثل
اسأل مجرب ولا تسأل خبير

موضوع رائع استاذ احمد

و معبر فعلا عن الحاله اليومين دول لكن بطريقتك المبتكرة دائما فى تقديم المواضيع

بارك الله فيك

شكراً ليك أخي أحمد وبارك الله فيك ...
بس مش عارف ليه محدش دخل يحكي لنا عن صحبه اللي غلط وقال توبة من دي النوبة
أنا قصدي نتعلم من أخطاء بعض ونستفيد من تجارب الآخرين
يلا معلش لسه مستني