بسم الله الرحمن الرحيم

ياجماعة انا مأجلة كيمياء من سنة تانية ومعاية السنة دي فيزياء ورياضة وناوية ءأجل فيزياء عاوزة اعرف هل بس مأدخلش الامتحان يعني مفيش استمارة بتتقدم ولا اي حاجة ولو دخلتوا السنه الجاية حاخد الدرجة الكاملة ولا لأ
ياريت حد يقولي اصل انا قلقانة مووووت

عشرين مشاهدة ومفيش حد قادر يطمني
يا جماعة ارجوكم جاوبوني

la2 ma t5afesh mafesh ay 2stmara betet2adem

ميرسي يا زينة انت الوحيدة اللي عبرتيني

بسم الله الرحمن الرحيم

ياجماعة انا مأجلة كيمياء من سنة تانية ومعاية السنة دي فيزياء ورياضة وناوية ءأجل فيزياء عاوزة اعرف هل بس مأدخلش الامتحان يعني مفيش استمارة بتتقدم ولا اي حاجة ولو دخلتوا السنه الجاية حاخد الدرجة الكاملة ولا لأ
ياريت حد يقولي اصل انا قلقانة مووووت
اولا متزعليش اننا ردينا متاخر وسبب التاخير
هو اننا بنسال لحضرتك ايه الصح .
(هذا رأى مرشد تعليمى وطلابى ) وبسؤاله قال الاتى :-
توكلى على الله وادخلى الكيمياء والرياضيات.
اما الفزياء ادخلى الدور الاول ولا تجاوبى انقلى
راس الاسئلة فى الورقة فقط ، وادخلى الدور الثانى وافعلى نفس الامر ولا تجاوبى وانقلى الاسئلة فقط ،وبذلك تكونى راسبة فى الصف الثالث العام القادم وتدخلى الامتحان فى الفزياء فقط وربنا يوفقك .
ولا يوجد اى استمارات للتقديم .
حضرتك ستتسائلى طيب وليه ادخل ولا اجاوب .
لان التغيب يلزمه تقديم اعتزار من الان للادارة العامة للامتحانات
بالقاهرة .
والغياب بدون عذر مقبول يعرضك للحصول على درجة الحد الادنى للنجاح فقط .
وحضورك وعدم قيامك بالاجابة هو رسوب ويستحق الاعادة ووقتها تحصلى على الدرجة الفعلية وليس الحد الادنى للنجاح .
وقبل كل شىء لازم ويجب عليكى ان تذهبى الى
مدرستك وتسالى المرشد التعليمى للطلاب.
وتتاكدى بنفسك لان الواقع قد يكون مختلف بالنسبة لحالتك ،وواقع حالتك موجود بسجلات مدرستك .
وما قدمته هو مجرد رأى لزميل يعمل مرشد تعليمى للطلاب.
والله الموفق .

ميرسي جدا أ\ ممدوح
شكرا على الافادة
لكن انا اعرف ان انا لو دخلت الكيمياء السنة دي حاخد نص الدرجة بس يعني لازم تعدي سنة على دخول الطالب الامتحان
يعني لازم ادخلها السنة الجاية
هل دا صحيح

لو دخلتى الكيمياء هذا العام تحصلى على 50% ولكن لو دخلتيها العام القادم تحلصى على الدرجة الفعلية
وإذا كان هناك اتجاه لتأجيل مواد أنصح بتأجيل الفيزياء والكيمياء وعملية التأجيل عملية خاصة بالطالب ليس للمدرسة دخل فيها ولكن يجب عليك التريث حتى يتبين الوضع بالنسبة للعام القادم حيث يقال انه هناك سياسة لقبول هذه الدفعة بالجامعات

بصى يا جميل لا تقلقى ولا اى حاجه

انا كمان ماجله كيمياء من تانيه والسنه دى معايا رياضه وفيزياء وناويه أأجل الفيزياء برده

وعلشان اعمل كده مش هادخل الامتحان اصلا ولا هقدم اعتذار ولا حاجه وده نفس اللى عملته مع الكيمياء

انا كنت فى المدرسه قريب علشان كتابة الاستمارات الجديده وكده واجراءات لرقم الجلوس

ولما سألت على تاجيل الفيزياء قالولى مش تروحى الامتحان وبس مش فيها مشكله

وان شاء الله هناخد الدرجة كامله لانى كمان اعرف ناس السنه دى ماجلين كيمياء ورياضه او كيمياء وفيزياء

وماشين عادى وهياخدوا الدرجات كامله

اما بالنسبه لنا السنه اللى جايه هيكون التنسيق فيها خاص للقبول بالجامعات فى الفترة دى

لان طلبة الدفعه اللى احنا هنبقى فيها دى هيكون عددهم قليل جدا

يارب اكون قدرت افيدك بالكلام ده

وربنا يكرمنا كلنا ان شاء الله

ميرسي لكل اللي جاوبني وبجد طمنتوني يا جماعة
انا دلوقتي بقيت عارفة راسي من رجلية
ميرسي حدا مش عارفة اشكركم ازاي

ممكن ما يروحيش وممكن تروحى وتكتبى اى حاجه الكلام دا موثوق فيه بس انا انصح دخول الفزياء بمانك هتاخدى الدرجه الفعليه وتاجلى كيمياء ةخدى الدرجه الفعليه