sannofa
25-03-2009, 01:35 PM
السلام عليكم ورجمة الله وبركاتة
بسم الله الرحمن الرحيم
انا طالب فى أولى ثانوى ولغاية دلوقتى مش عارف ادخل عملى ولا ادبى ومش عارف انهى الاحسن هل لو دخلت ادبى اية الكليات اللى ليها مستقبل وياترى ليها شغل ولا لآ هل اقتصاد وعلوم سياسية ولا أثار ولا اعلام ولا سياحة وفنادق ولا ألسن واية تنسيق كل واحدة فيهم . ولو علمى بردو نفس الكلام ارجو الافادة من ناس تكون جربت ....
prof.ahmed4d
25-03-2009, 01:40 PM
وعليكم السلام ورحمة الله وبركاته
بالنسبة لهذا الموضوع الى انت شايفه انسب لك وحسب قدراتك يعنى لو بتحفظ اكتر من الفهم يبقى ادبى لو بتفهم وتحفظ بسرعة يبقى علمى والاتنين عاوزين مذاكرة ومجهود بس طبعا علمى اكتر
مينة 424
15-04-2009, 06:53 PM
انا كمان مش عارفة ادخل علمي ولا ادبي ولازم اقرر دلوقتي علشان في حدود ثلاث ايام هسلم الورقة انابحب الفهم وبعرف احفظ بسرعة وبحب التاريخ والفيزياء وخايفة ادخل علمي وفي يوم امتحان الكيمياء معرفش احل حاجة او انسى اللي ذاكرتة كله ونفسي ادخل اي من هذة الكليات (طب-علوم قسم فلك-اداب قسم علم نفس-فنون تطبيقية-السن قسم لغة كورية)
انا كمان بحب اقرأ كتب علم نفس ومتعلمةكذا كلمة بالكوري وكتابتها
ياريت حد يشورني للطريق الصحيح انا اريد ايضا ان اكون شيء مهم في بلدي فماذا افعل؟!!
Dr. Toka
15-04-2009, 11:06 PM
بصو يا جماعة انا كنت زيكم ونفس مشكلتكم انى بحب المواد العلمى وادبى بنفس القدر بس انا قررت ادخل علمى لانى بعد مفكرت اكتشفت ان الادبى هيبقى صعب لان كل المواد حفظ ودة هيبقى مشكلة كبيرة جدا ان كله يبقى حفظ على الاقل العلمى هيبقى فيه مواد حفظ زى العربى ومواد فهم فهيبقى فيه قدرة على التركيز اكتر وعموما فكرو وقرروا وربنا يوفقكم
شروق ه
16-04-2009, 10:56 PM
ادخل تانية الاول علمى يعنى الدروس بتبداء قبل المدرسة وانشاء الله تكمل
ولو لقيت نفسك مش فهم حول ادبى
sannofa
18-04-2009, 09:09 PM
أنا خلاص خدت قرار ودخلت ادبى وهاشد حيلى انشاء الله وادخل كلية كويسة بردو . ياريت تبقى تقوليلنا دخلتى اية يا مينة
مينة 424
22-04-2009, 08:19 AM
السلام عليكم ورحمة اللة وبركاتة انا دخلت علمي رياضة وهحاول على اد مقدر اجيب94% وادخل كلية فنون تطبيقية على فكره انا من مدرسة الحلمية الثانوية وفيها مدرسين كويسين جدا بس مش عرفة ادخل النجليزي عند مين في سنة تانية بيقولوا واحد اسمة (مصطفى زغلول) لو حد يعرف مدرس كويس يقول
abdo6514369
17-05-2009, 04:05 AM
الموضوع ببساطة شديدة جدا لو موضوع تعبير المصحح هيعطي الدرجة بمزاجه لكن لو مسالة علمي صح تاخد 10 علي 10 لو غلط صفر من 10 مفيس وسط فانا اخترت العلمي لما كنت محتار مثلكم
sannofa
17-05-2009, 01:23 PM
فى واحد كويس بس عندى فى حلوان أسمة احمد كمال مش عارف بقة انتى ممكن تلاقى فى المنتدى مدرسين من منطقتك ددورى وانشاء الله هاتلاقى