<div align="center">السلام عليكم ورحمة الله وبركاته

انا مش عارفه ابدأ كلامى ازاى ..‏
هو الموضوع اصلا ً انى عايزه احكى لكم حكايه كده ونفسى الناس
تقرأها بتمعن‏وتركز فيها .. وتحس بيها .. وتأخدد منها عظه ..
من غير ما الف وادور انا هحكى القصه على طول بس عايزه اقول حاجه القصه دى حقيقيه يعنى مش فيلم هندى ولا انا مألفاها ولا اى حاجه من دى ..‏


كان فى شاب عمره 25 سنه .. وكان عنده طموح فظيييع جدا
انه يوصل لمركز كبير ويبقى غنىوعنده فلوس كتيييير ..
وكان بيشتغل فى احدى والوظائف الحكوميه .. ‏
وكانت أمضته بتمشى حال ناس كتير جدا ..
ولما نظر حوله وجد ان كل زملاءه حالتهم الماديه ‏
مستريحه اوى ولما سأل ازاى قالوا له " افتح الدورج " والمصطلح ده يعنى يأخد رشوة ‏
من العملاء ..‏
المهم صاحبنا الشاب الطموح سمع الكلام وفتح الدورج لحد ما امتلأ وفتح الدورج اللى بعده ‏واللى بعده وفضل يفتح دورج ورا دورج لحاااااااااااد ما الأدراج كلها اتملت ..‏
فكانت مشكله فجاب دولاب كبير لحد ما اتملى .. ‏
المهم الشاب ده اتجوز وطبعا كانت فتاة احلامه هى امرأه جميله ومن عيله عريقه وخلف بنت وولد ..‏
وبنى قصر واشترى عربيات .. وعمل شركات وترك عمله فى المصلحة الحكوميه دى ..‏
وكان عمره وقتها 35 سنه .. تفتكروا يا جماعه كان سعيد ؟؟؟ ‏

تصدقوا انه كان حاسس انه اسعد انسان فى الدنيا .. اصل عنده كل شىء المال والزوجه والاولاد ..‏
وطبعا من ده من وجهة نظره هو ..‏

المهم مرت السنين واكتشف بعد كده شىء فظيع وخصوصا ً على الرجال ان زوجته بتخونه مع راجل تانى ‏
طبعا كانت صدمة كبيره اوى عليه ..
مع العلم ان زوجته كانت عارفه مصدر ماله وياما نصحته ان يبعد عن ‏
الحرام ولكن مفيش فائده .. وطبعا هى هددته انها تفضح امره امام اولاده واضطر ان يسكت ولما طلبت الطلاق ‏طبعا طلقها ..
تجربه صعبه اوى يا جماعة مش كده بس لسه فى حجات تانيه ..‏

بعد فترة اكتشف ان بنته حامل من السواق ..
ياااا .. كارثة .. مصيبه الراجل اتصدم ومش عارف يعمل ايه
بنته ‏متزوجه من السواق عرفى وحامل منه كمان
وطبعا اضطر انه ينفذ اى شىء عشان بنته وجوز بنته للسواق
وعاش السواق مع بنته فى القصر وطبعا شافت منه اسوء معامله ..
وفى النهايه سرق منها اللى سرقه وهرب ..‏
طبعا بنته حالتها النفسية ادهورت على الاخر وتعبت جدا جدا
وحبست نفسها فى حجرتها ..‏

وبعد كده اكتشف صاحبنا ان ابنه اصبح مدمن للمخدرات ..
ابنه الشاب الوسيم .. الغنى .. صاحب العربيه ‏اللى على اخر موديل واللى اى شاب يتمنى يكون فى مستواه .. اصبح مدمن مخدرات ..‏
وده ليه ؟؟ لانه مدمر نفسيا ً من الداخل ..
اسرته مفككه والده كل اللى شاغل باله انه يجمع الفلوس ووالدته سابت ‏والده عشان راجل تانى واخته ...... وعرفنا حكايتها .
المهم الراجل بذل اقصى جهده انه يعالج ابنه وفعلا ابنه اتعالج
بس اسبوع ورجع تانى للادمان وده عشان نفسيته ‏هى اللى فيها المشكله مش جسده ..‏
والراجل حاليا ً يبلغ من العمر 65 سنه .. ومش عارف يعمل ايه ..؟؟؟؟؟؟
كل حاجه مدمرة امامه وهو مش لاقى الحل

تفتكروا فى حل للمشكله دى ؟؟

منقوووووووووووول</div>

والله كل ما نبت من حرام فالنار اوله به

ولو القصة فعلا حقيقية تباى نهاية عادلة بجد لان ربنا يمهل ولا يهمل

شكرا محمد لردك
بس انا رايى التوبة وان شاء الله كل حاجة بعد كده ممكن تتصلح
ولو لقدر الله متصلحتش ده يبقى عقاب من ربنا للاب ده ودرس لا زم يتعلم منه
جزاك الله خيرا

والله اسيل دى فعلا نهاية عادلة لانة اكيد ربنا اعطاة فرص للتوبة كثيرة لكن هو اكيد لايبالى شئ
واولها زوجتة ودة درس كافى انه يتوب ويعود الى ربنا لكن لا حياة لمن تنادى
والحل دلوقتى انة يستغفر ربنا ويقضى ما تبقى من عمرة فى طاعة ربنا
وربنا يغفر لة ذنوبة ويرحمة برحمتة
وشكرا لكى اسيل

شكرا اسيل ع الموضوع

واكيد طبعا نهايه عادله له

بس فى كلام على حكايه التوبه

لان ماله كله من الحرام واكيد ربنا اعطاة فرصه للتوبه وهو لم يتوب

واخيرا اقول

الجزاء من جنس العمل

شكرا فتاة الاسلام على ردك والحل بتاعك جميل اوى
شكرا بسنت جزاكم الله خيرا

هو ايه الموضوع اصلا
المفروض يبقي الموضوع مشوق شوية
انا قريت سطر واحد بالعافية وزهقت

عشان كده انا اصلا مبقراش مواضيعي
عشان طويلة ومملة
ههههههههههههههههههههههههههههههههههههههه

افعل ما شئت
كما تدين تدان
شكرا على القصة والدرس

شكرا استاذ بورسعيدى على ردك
شكرا بسام ويا ريت تقرا الموضوع كله وبعدين ترد مش تقرا سطر وترد
شكرا لمرورك

زى مقال اخويا محمد البرى ما نبت من حرام فالنار اولى به
وكمان ما نشا على بال فهو باطل
انا رايى انه يحج ويتبرع بالمال دا ويحاول يتقرب من ربنا يمكن ربنا يساعده ان الله غفور رحيم

شكرا لمروركم بالموضوع

زي ما محمد قال: "ما نبت من حرام فالنار أولى به"
واللي المفروض يعمله دلوقتي بعد ما كل الوقت دة فات إنه يطهر ماله بالتبرع بيه مثلاً ويتوب طبعاً مافيهاش كلام..

اسيل قصة جميلة
بس انا شوفت الفيلم ده 100 مرة ;)
انتى مش معايا ان القصة دى اتمسلت فى كذا فيلم ومسلسل
احتمال كبير تكون حقيقية واحتمال تكون خيالية
بس الاكيد ان شكرااا على مجهودك :P

السلام عليكم ورحمة الله وبركاته
فى كتير من مواضيع الرشاوى دى فى مصر والسبب طبعا الحكومة والشعب اللى بقى اكتر من نصفه معدومى الدخل

بس اكيد الراجل ده ايمانه مكنش قوى وده اللى خلاه صيد سهل للشيطان وكمان الراجل ده مكنش عنده قناعه

وطبعا الله يمهل ولا يهمل



طبعا حياة الراجل ده كانت حرام فى حرام وهو اخد عقابه فى زوجته واولاده

وطبعا هو مصحيش من البداية من اول ما طلق زوجته بعد ما عرف انها بتخونه

بس هو ليه محدش فكر فى مصير اولاده على الرغم من انه مسئول عنهم

كلكم راع وكلكم مسئول عن رعيته

هو الحل دلوقتى انه يتبرع بكل ماله بس طبعا ممكن يقول وانا هصرف منين ولا اعيش ازاى

انا بيتهيالى انه ده عقاب تانى حتى بعد التوبة

والحل الوحيد انه يحاول يهدى اولاده باى طريقة " مع العلم ان الله هو الهادى " لانه مسئول عنهم يوم القيامة يروح دار للمسنين ويتوب لربنا ويقعد يستغفره ويدعوه ليلا ونهارا

عسى الله ان يغفر له

ويا جماعه افتكروا قصة قاتل المائة وبعدين تاب لربنا ودخل الجنة

وطبعا ربنا رحيم بعباده بس اهم حاجه تكون التوبه صادقة

اللهم انك انت الله مالك الملك تعطى الملك من تشاء وتنزع الملك ممن تشاء تهدى من تشاء وتضل من تشاء بيدك الخير انك على كل شىء قدير

ونهاية اقول " القناعة كنز لا يفنى "

واسف للاطالة

حقا لا تعليق بعد القناعة كنز لا يفنى

أشكرك بشدة يا اسيل

:( :(

الشكر لله
وشكرا لمروركم بالموضوع

فعلا الجزاء من جنس العمل ... هي لو حقيقية تبقى دي نهاية عادلة وطبيعية لرجل زي ده ..
بس اعتقد فعلا انه لو تاب هيتصلح حاله . وماله ده زي ماقالوا يتبرع بيه لاي عمل خيري ..
شكرا يا مها على القصة والعبرة ...
..
..

<div align="center">شكرا </div>

شكرا لمرورك بالموضوع