طبعا الكل حيدخل عشان يعرف إيه هية الفضيحة دي........
؟
؟
؟
؟
؟
؟
؟
؟
؟
؟

أسأل سؤال هام لكل من سيقرأ هذا الموضوع لماذا يلهث معظم الناس وراء معرفة الفضائح؟
أرجو معذرتي علي إستخدام لفظ(يلهث) فهذا أقل تعبير عن الذين يسعون نحو معرفة الفضائح والدليل أن معظم الصحف الصفراء لكي تستقطب القراء لابد أن تكتب عناوين مثيرة ألا وهي عن فضيحة علان وفلانة ...إلخ

أرجو المشاركة بالرأي

السلام عليكم ورحمة الله وبركاته
بدون مقدمات وزى ما بيقولوا الجواب بيبان من عنوانه
والرسالة النهاردة عنوانها من القران
وما الله بغفل عما تعملون. الاية رقم 74 من سورة البقرة
طبعا سبحان الله اى اية من القران تصلح لمواقف عديدة
بس الاية دى بالذات تصلح لجميع احوال الناس
بس الواحد فى الموضوع دة عاوز يتكلم عن الناس الى فاكرة نفسها انها الرقيب على غيرها
ونست ان الله هو الرقيب عليهم
الناس الى افتكرت نفسها تقدر (تعاير)او(تذل) أو تتكلم عن غيرهم بذنوبها
وهما ناسيين انهم من بنى ادم وان ليهم ذنوب زيهم يمكن أعظم كمان
قال صلى الله عليه وسلم
كل بن ادم خطاء
ولم يستثنى النبى صلى الله عليه وسلم أحدا
وهما بردة نفسهم الى بيداروا على ذنوب نفسهم بأقصى درجة ومش حاسين ان الله ناظر اليهم
(يستخفون من الناس ولا يستخفون من الله
وهو معهم اذ يبيّتون مالا يرضى من القول
وكان الله بما يعملون محيطا)
الناس الناس الناس............
صراحة الواحد زهق من هذة الاصناف
ومن كتر ما شاف منها فى العصر دة بقى الواحد بيعرفهم من على بعد ومن نظرة عنيهم واحيانا من طريقة كلامهم
وبالمثال يتضح البيان
قال الله تعالى
(اذا جائك المنافقون قالوا نشهد انك لرسول الله والله يعلم انك لرسوله والله يشهد ان المنفقين لكذبون)
دى من اول سماتهم والى سبحان الله بيتوارثوها
يجيلك
(ما شاء الله ربنا يبارك فيك نفع الله بك وزادك علما و..)
زى ما ابى بن سلول كان بيعمل مع النبى بالظبط
هو مش مامن بيه
بس يروح للنبى يقوله نشهد انك لرسول الله
ساعتها ينزل الرد من السماء وكأن الرسالة الى المنافقين لازم يفهموها
(ان الله هو الرقيب على الخلق وهو العليم بأن محمد بن عبد الله رسول الله وهو أيضا سبحانه الذى يعلم انكم معشر المنافقين كذبون)
(فليس الله غافلا عنه أو عنكم ولكل منكم عمل ولكل منكم قلب وهو السميع العليم)
أبسط مثال والى الواحد بيشوفه فى الحياة العلمية
ولتكن مثلا شخصية بتتعامل مع شخصين س وص
يروح ل س ما شاء الله ربنا يبارك فيك انت ما شاء الله عليك وانت....
وتقوله عارف بقى ص دة مصيبة وأعوذ بالله منه
وتروح ل ص ربنا يبارك فيك وانت ربنا يحميك
عارف أنت بقى س دة
كنت أظنه كذا وكذا وطلع مصيبة
والحوار مستمر!
وهكذا!!!
ودى صراحة أكتر حاجة الواحد بيستغربلها
اى نعم الواحد عارف ان مافيش اى حد هايجتمع الخلق على محبته
بس طالما مش عاجبك بلاش تنافقه
مش هتستفاد أى شىء
وهادخل نفسك يوم الدين فى شر الناس يوم القيامة من يأتى هؤلاء بوجه وهؤلاء بوجه
صفة تانية
(اتخذوا ايمانهم جنة فصدوا عن سبيل الله انهم ساء ما كان يعملون)
ودى مصيبة
طب لو عاوز تثبت كلامك بلاش تحلف بالله كذب
هاتندم ندم رهيب يوم القيامة فى وقت مش هاينفعك أصلا الندم دة
يقول الله تعالى (لم يعلم بعظمتى من حلف بى كذبا)
ومن صفاتهم بردة
(وان يقولوا تسمع لقولهم كأنهم خشب مسندة يحسبون كل صيحة عليهم)
ودى معناها واضح
::::::::::::::::::::
بس الغريبة
ازاى انا اتكلم عن ذنوب غيرى وانا ابقى أمر من الى بتكلم عليه؟!
يعنى فيه أمثلة كتير
العاهل القطرى
(وما ان اجتمع النصاب لعقد القمة حتى تراجعت بعض الدول __حسبنا الله ونعم الوكيل__)
طالما انت مؤمن اوى كدة
نافى والدك خارج أرضه ووطنه ليه؟
سايب القاعدة الامريكية المركزية فى الشرق الاوسط فى دولتك ليه؟.
ويكفى ان منطقتها غير خاضعة للسيادة القطرية ومتصلة بأحدى المراكز العسكرية الرئيسية بولاية فلوريدا
والى فيها حوالى 1000 طيارة من نوع b52 والى بيطلع منها الطائرات المتجهة للعراق وغيرها
حاجة تانية
ازاى مثلا مش أبقى بصلى الفجر
ولما أشوف واحد مش بيصلى الفجر أبهدله من الكلام؟
هيتبادر لذهنك سؤال
(يعنى الحاجة الى مش بعملها ماينفعشى أنصح بيها غيرى)
ساعتها يجيلك الاجابة من القران
(أفلا تعقلون)
يعنى طالما انت عارف الخير فين والشر فين
تودى انت الناس للخير وترمى نفسك فى المهالك
يبقى فعلا انت لا تعقل
وتبقى عامل زى الى عمل نفسه جسر يعبر الناس عليه لدخول الجنة ويقذف به فى النار
قال رسول الله صلى الله عليه وسلم
(يؤتى بالرجل يوم القيامة فيلقى فى النار فتندلق اقتاب بطنه (امعائه)فيدور بها كما يدور الحمار فى الرحا
فيجتمع اليه أهل النار فيقولون:يا فلان مالك؟الم تكن تأمر بالمعروف وتنهى عن المنكر؟
فيقول بلى
كنت امر بالمعروف ولا اتيه وانهى عن المنكر واتيه)متفق عليه
:::::::::::::::::::::::::
ينفع مثلا أكون بكلم بنت واتنين وتلاتة وأقول لدى بحبك والتانية انا مش قادر على بعدك
وأقول لغيرى (لا حول ولا قوة الا بالله :ايه الى انت بتعمله فى بنات المسلمين دة)
تبقى فعلا
لا تعقل
والمشكلة انك تلاقى نفسك قاعد تخبى ذنبك دة
ما تخافشى هايظهر فى يوم من الايام
(اعملوا ما شئتم انه بما تعملون بصير)
ومن سنن الله الكون ان الله يمهل ولا يهمل
وبما انك تؤمن ان الله على كل شىء قدير
وبما أنك تؤمن أنك كما تدين تدان
اذن فالله قادر على اظهار ذنبك
ولكنه يمهلك ولم ولن يهملك
وبما ان سبحانه على كل شىء بصير
فكما فعلت فى غيرك سيفعل بك
:::::::::::::::::
طب موقف تانى مشابه
لو شفت اتنين بيسرقوا
الاول سرق مرة .بس انا مش بحبه
والتانى سرق مرتين.بس دة صاحبى
قمت رايح مبلغ عن واحد والتانى بدارى عليه
او بحب اشوه صورة واحد والتانى زى ما قلت عشان صاحبك فساكت عنه بل وتلتمس له العذر
يبقى ساعتها تعرف انك على طول من شر الناس يوم القيامة (ذا الوجهين .من يأتى هؤلاء بوجه وهؤلاء بوجه)
تبقى عارف ساعتها ان شهادتك الاولى ليست للحق فهى من دافع شهوة النفس لكرهك للشخص ألاول
وان الخفاء الاخر وبال عليك
وما تخافشى بردة
(ربنا عالم انت(ى)بتعمل(ى)ايه وبتشهد(ى)عن مين وساكت(ة) عن مين)
ومهما حاولت اخفاء نفسك
لو نزلت فى سابع ارض
لو طلعت مع ناسا للمريخ
فأنت فى كون الله والله شهيد ورقيب عليك
(لاتأخذه سنة ولا نوم)
الى هما من الاخر
(يخادعون الله والذين امنوا
وما يخدعون الا انفسهم وما يشعرون)
ونصيحة
لما تمشى على الحق وتشهد شهادة الحق
يا تقولها صح يا بلاش منها
وليه مش تكون راجل وتقول الحق فى وش صاحبه بينك وبينه
ماهو ياما انت بتقول الحاجة لوجه الله وساعتها الى يهمك ان الشخص دة يصلح من نفسه
او انك بتعملها من أجل الناس وساعتها هاتكون وبال عليك
قال رسول الله صلى الله عليه وسلم
(انصر أخاك ظالما او مظلوما
فقال رجل يارسول الله أنصره اذا كان مظلوما فكيف انصره اذا كان ظالما؟
قال
(تحجزه او تمنعه من الظلم فأن ذلك نصره)رواه البخارى
:::::::::::::::::::
وسبحان الله الواحد لم يعجب بعد عدة مواقف كثيرة
ان سيدنا حذيفة رضى الله عنه وامين السر النبى
رأى شخصا يدعوا على المنافقين بالهلاك
فقال له والله لو أهلكهم الله لأستوحشتم فى الطرقات
واحد يقولى يعنى أيه؟
يعنى الطرق تبقى فاضية!!
وفعلا والله لو حصلت وربنا عاقب الناس الى بأكثر من وجه دول
هنلاقى فعلا الطرق فاضية
:::::::::::::::::::::::::::::::::::::::::::::::::: :::::::::::::::::::::::::::::::
وكما قالها رسول الله
كما تدين تدان
وقريبة ان شاء الله وليست بعيدة
وشوية الماسكات لازم يقعوا يوما ما
::::::::::::::::::::::::::::::::::
والنصيحة ألاخيرة فى الموضوع
ليه بتخاف من الى جواك؟
ليه لغاية دلوقتى مش عارف تكون لنفسك شخصية محترمة؟
ليه الى انت مش عاوز تتعامل معاه وشايف انه مش كويس مش تتعامل معاه
والى شايف انه كويس تتعامل معاه عادى؟
مع العلم ان الحياة عمرها ما هاتقف ابدا على اى واحد مهما كان قدره
ليه كل المعاملات بتاعتك تبقى على المصالح؟
ليه مش تكون انسان كما خلقك الله؟
لك أرادة ولك فكر
مش ماشى كدة مع التيار
ليه دايما تلاقى ناس كتير قاعدين بوشين
وش للمدح الظاهرى
ووش للذم الباطنى؟
وبجد سبحان الله
ولا ينبئك عن القوم مثل خبير
انت تكون شاغل نفسك بالكلام عن الغير
وبتشويه صورة دة وبغيبة دة وببهتان دة
والاخ الى انت قاعد تتكلم عنه شايف مصلحته وبيرقى عقله وبيخدم غيره وبيستفاد من كل وقت فى حياته
اى نعم انتوا الاتنين ليكم وقت
بس واحد أستغل وقته فى الكلام الذى يضره ولا ينفعه وواحد تانى استغل وقته فى الافعال
لان على أقل تقدير لو كان الشخص الى انت بتشوه صورته دة فعلا وحش
فأنت مش مسئول عنه امام الله
وكلامك عنه يعتبر غيبة
وكلامك دة فى ميزان سيئاتك وميزان حسناته
يعنى هو مش خسران حاجة بل انت كسّبته دون قصد
اما لو هو كان على عكس كلامك
فدة اسمه بهتان وطبعا البهتان أعظم ذنبا من الغيبة
وما تخافشى يوم القيامة من يعمل مثقال ذرة شرا يره
ويروى فى ذلك ان الامام حسن البصرى سمع ان رجلا اغتابه
فذهب له وقدم له صاعا من تمر
فقال له الرجل ما هذا
قال لقد اغتبتنى وأعطيتنى اغلى ما عندك وهى حسناتك
وانا فى الدنيا لا أملك الا التمر فأعطيه لك
:::::::::::::::::::::::::::::::::
طب ويوم القيامة ازاى الواحد بيعرف كل واحد اغتابه مش غريبة شوية!
كل الى فيها ان الواحد له صحيفته فيها كل شىء
وانت هاتقراها طبعا
(أقرا كتابك
كفى بنفسك اليوم عليك حسيبا)
هتلاقى مثلا فى النص كدة عشرين حسنة من فلان لانه اغتابك او بهتك فى اليوم الفلانى
تروحله انا عاوز عشرين حسنة
ايه يا عمنا عشرين مرة واحدة هو انا ناقصك
والله دة الى مكتوبلى وربنا مش ظالمك فى شىء
طب خلاص اشتمنى انت دلوقتى ونبقى خالصين
وانا هاستفاد من شتيمتك ايه

::::::::::::::::::::::::::::::::::::::::::
وفعلا المفلس هو من يأتى بصلاة وصيام
ثم يأتى وقد سب هذا وسفك دم هذا
فيأخذ هذا من حسناته وهذا من حسناته
فأن فنيت أخذ من سيئاتهم
فجمعت عليه فطرح بها فى النار
:::::::::::::::::::::::::::::::::::::::::::::::


وقضى الامر الذى فيه تستفتيان

::::::::::::::::::::::::::::::::::::::::

اسف ان كنت طولت عليكم
فى أمان الله

طبعا الكلام كله مظبوط 100%
وماعنديش اى تعليق غير على دى

حاجة تانية
ازاى مثلا مش أبقى بصلى الفجر
ولما أشوف واحد مش بيصلى الفجر أبهدله من الكلام؟
هيتبادر لذهنك سؤال
(يعنى الحاجة الى مش بعملها ماينفعشى أنصح بيها غيرى)


يعنى انا باعمل حاجة غلط
وعارفة انها غلط
والاقى حد تانى بيعملها
مانصحهوش ؟!
ممكن يكون وقوعى ف الغلط ذنب
لكن انى مانصحش غيرى
ده ذنب تانى
مش معنى انى باتكلم وباستشهد بقرآن وحديث انى ملاك
انا ممكن اكون زىى زى اللى بانصحه ويمكن يكون هو احسن منى
بس لازم اوجهه للصح
وف نفس الوقت احاول اصلح من نفسى
فيه مقولة قريتها مرة
بتقول
( حقُ على اصحاب الكؤوس ان يتناصحوا )
لو كل واحد سكت عن النصيحة
عشان هو بيعمل نفس الغلط
يبقى احنا محتاجين ملايكة ينصحونا
---
جزاك الله كل خير يا دوكتر سعيد

بسم الله
بداية الكلام جميل جدا جدا ومش محتاجة اضرب امثلة على جزئية معينة ولا اعلق لانك ماشاء الله عليك كفيت ووفيت
الا اني بس تعجبت من العلاقة الوثيقة جدا بين التوقيع والموضوع
عموما كما ذكرت
الحق احق ان يتبع
جزاك الله خيرا

ههههههه
ليس المعنى يا اختي الكريمة
ولكن ما اكثر الفضائح في بلادنا وعلى الطبيعية , وهذا ما اراده اعدئنا لنا ونصبوه لنا بايدنا ولكن هذا فكرهم ونحن فكل سذاجة قمنا بما ارادوه وزيادة حبااااااااااات بل ملايين الحبات
ولكن عندما دخلت ظنتت انها فضيحة من الفضائح الشعبية اللي بتخص الشعب مش هقول اللي بتخص .........ز لانها بقت كثيرة فصارت معتادة وليست بفضحية تلك سيايتهم

اشرك بشدة على هذا الموضوع الجذاب الذي كثير منا يسعى او ( يلهث ) كما حضرتك قلتي وراء الفضائح واتنهاك الخصوصيات
في حفظ الله

الله يا سعيد موضوعك رائع و الله
من احلي المواضيع اللي قريتها
جزاك الله خيرا بجد
بس احب اعلق علي رد الاخت


يعنى انا باعمل حاجة غلط
وعارفة انها غلط
والاقى حد تانى بيعملها
مانصحهوش ؟!


لا طبعا تنصحيه بس سعيد قصده
اني مثلا مش بكون بصلي
و اقعد ابهدل الناس بالكلام و كده
كده ابقي كده منافق بحت
علي راي شيخ كنت سمعت ليه خطبة
انا كده غلبت مسيلمة و ابي بن سلول
لا انصحه اه بس ما انساش نفسي

قال سبحانه: { أتأمرون الناس بالبر وتنسون أنفسكم وأنتم تتلون الكتاب أفلا تعقلون }

يعني افضل ادله علي الصح و امشي انا في الغلط
اعتقد معظم الناس بقت كده
بس مجيش اقول بس انا بنصح الناس
لا كده غلط اوي
لان انا اه بنصح بس ناسي نفسي
و بعدين افردي الشخص ده جه و شافك و انتي مش بتصلي ؟؟
اقل حاجة هو كمان مش هيصلي لو ايمانه ضعيف
ويقول اذا كان اللي انا اخده قدوه مش بيصلي
يعني انا كان في مرة حصل معايا ظرف و كده
خلاني مصلتش في المسجد
و بعدين جه واحد قالي انت كنت عمال تقولي صلي صلي
و انت اساسا مش بتصلي ؟
يعني شوفي لمجرد اني مصلتش في المسجد قال كده
امال لو مكنتش بصلي خالص او حتي مش بصلي الفجر ؟؟


ممكن يكون وقوعى ف الغلط ذنب
لكن انى مانصحش غيرى
ده ذنب تانى

اه بس متنصحيش حد انه يكف عن نب
انتي بتعمليه و بايديكي تغيره
و مش استحالة ولا حاجة
بس اه معاكي انك لو منسحتيش حد ذنب
بس لو نسيتي نفسك و تماديتي في الذنب ده
ده ذنب اكبر


مش معنى انى باتكلم وباستشهد بقرآن وحديث انى ملاك
انا ممكن اكون زىى زى اللى بانصحه ويمكن يكون هو احسن منى
بس لازم اوجهه للصح
وف نفس الوقت احاول اصلح من نفسى
فيه مقولة قريتها مرة
بتقول
( حقُ على اصحاب الكؤوس ان يتناصحوا )
لو كل واحد سكت عن النصيحة
عشان هو بيعمل نفس الغلط
يبقى احنا محتاجين ملايكة ينصحونا



جميل كلامك ده
بس انا مش بقولك متنصحيش
لا انصحي بس تنسيش نفسك
و اعتقد ان سعيد قصده كده
و بجد بجد من احلي واجمل المواضيع اللي قريتها
جزاك الله خيرا
و بعدنا و ايك عن طريق النفاق
في امان الله

بس احب اعلق علي رد الاخت

لا طبعا تنصحيه بس سعيد قصده
اني مثلا مش بكون بصلي
و اقعد ابهدل الناس بالكلام و كده
هو اصلا الاسلوب ده بيكون مرفوض جداا
حتى لو حد بيصلى ومواظب وبينصح بالاسلوب ده
مفيش حد هايفكر يسمع !!
المفروض تكون النصيحة باللين وبالاقناع ف كل الاحوال
كده ابقي كده منافق بحت
علي راي شيخ كنت سمعت ليه خطبة
انا كده غلبت مسيلمة و ابي بن سلول
لا انصحه اه بس ما انساش نفسي

قال سبحانه: { أتأمرون الناس بالبر وتنسون أنفسكم وأنتم تتلون الكتاب أفلا تعقلون }

يعني افضل ادله علي الصح و امشي انا في الغلط
اعتقد معظم الناس بقت كده
بس مجيش اقول بس انا بنصح الناس
لا كده غلط اوي
لان انا اه بنصح بس ناسي نفسي
و بعدين افردي الشخص ده جه و شافك و انتي مش بتصلي ؟؟
اقل حاجة هو كمان مش هيصلي لو ايمانه ضعيف
ويقول اذا كان اللي انا اخده قدوه مش بيصلي
يعني انا كان في مرة حصل معايا ظرف و كده
خلاني مصلتش في المسجد
و بعدين جه واحد قالي انت كنت عمال تقولي صلي صلي
و انت اساسا مش بتصلي ؟
يعني شوفي لمجرد اني مصلتش في المسجد قال كده
امال لو مكنتش بصلي خالص او حتي مش بصلي الفجر ؟؟

اه بس متنصحيش حد انه يكف عن ذنب
انتي بتعمليه و بايديكي تغيره
و مش استحالة ولا حاجة
بس اه معاكي انك لو منصحتيش حد ذنب
بس لو نسيتي نفسك و تماديتي في الذنب ده
ده ذنب اكبر
اكيد .. مفيش كلام ف كدة
المفروض زى ما بانصح الناس واتكلم معاهم
ابتدى بنفسى
بس
جميل كلامك ده
بس انا مش بقولك متنصحيش
لا انصحي بس متنسيش نفسك
و اعتقد ان سعيد قصده كده


كدة يبقى انا اللى فهمت قصده غلط
:redface:
شكرا يا شريف على تعليقك
جزاك الله خيرا
---
سؤال معلش :
ايه هواية دمج الموضوعات اللى منتشرة دى ؟!
انا شايفة ان كل موضوع من الاتنين بيتكلم ف حاجة مختلفة !!
ولا مش باشوف ؟!
:redface:

جزاكم الله خيرا على المرور
وفعلا الموضوع مالوش علاقة بالموضوع المدمج فيه

عادي عادي ادمج موضوعين تكسب الثالث هدية عادي عادي