النهاردة أنا جاي أحكي معاكم عن حاجة غريبة أصبحت عادية
هحكي معاكم عن الأنتمة
الواد دا أنتيمي ..
البت دي انتيمتي
يعني احنا الاتنين مأنتمين مع بعض
أيوه مأنتمين مش منتــــ..... اسمع كويس
هو الموضوع بقى قاعدة عند الكثير من الشباب
والأغرب إنه بقى مباح وعادي عند الكثير من الأسر
والأنتمة في مفومها الاصطلاحي تعني :
إن الواد والبت يا سلام سلم بيبقوا زي السمنة على العسل
عصفورين في قفص
خاتمين في توينز واحد
وبيربط بينهم يا أخوانا علاقة جديدة مش عارف جايبنها منين
تيجوا كده نراجع العلاقات اللي ربنا حطها بين الولد والبنت
هي ثلاثة أنواع
علاقة حلال
وهي العلاقة المقدسة والتي تصبح المرأة من محارم الرجل ومتبقاش غريبة عنه
الأم والخالة والعمة والجدة والأخت والابنة والزوجة
والأخت في الرضاعة وبنت الزوجة وزوجة الأب

علاقة ليست حلال
وهي أي فتاة لا يربطها بالشاب أي من العلاقات السابقة
والنوع الثالث اللي وضعه الشباب اسمه
علاقة
الأنتمة
وفي علاقة الأنتمة بيبقى في حقوق للأنتيم الولد
على انتيمته البنت
وفي واجبات كمان
من أهمها الدبدوب بتاع الزلانتاين داي
والماسج المهيس
والرنات وكده ....
الأنتمة
اختراع مصغر من البوي فريند الغربي
والجيرل فريند كمان
عشان كده ولخطورة هذا الموضوع
ولأن الأنتمة
قد توغلت داخل المجتمع المصري
ووصلت للجامعات وأعتقد أنها قد ولدت داخل الجامعات
لدرجة والله وصلت لحد ومحدش يضرب
إن الست المتزوجة مفيش مانع يكونلها أصحاب
الأنتمة
بين الكافيه اللذيذ وبين تاتو اللي هي فاطمة
وزيزو اللي هو عبد العزيز
هي عنوان الموضوع دا
الأنتمة
هندعبس مع بعض ونرج دماغنا ونهز بنات افكارنا
عشان نفكر مع بعض

ونجاوب عما يأتي :

أكمل مكان النقط فيما اللي جاي دوّت
ظهرت الأنتمة أول ما ظهرت في عصر ...........
تعددت الآراء والأنباء عن أسباب ظهور الأنتمة فمن أهم أسباب ظهورها .......
الأنتمة في اللغة هي ......
الأنتمة في شرع المأنتمين هي ........
الأنتمة من وجهة نظرك هي ........


أجب عن اللي هقوله دوّت بدلك ما أغزك:
هل أنت مأنتم ؟ ولماذا ؟
ما أعراض الأنتمة ؟
ماذا تقول لما يسميى الأنتمة (وكسة) ؟
لو لم تكن مأنتماً لوددت أن تكون ايه؟
علل .. افطن يعني :
تتحدث البنت المتأنتمة بصوت رقيق في الهاتف
ظهور الأنتمة في عالم الجامعات
الشات ساهم في زيادة الأنتمة.
وكفاية كدا والله الموضوع سهل جداً
وبسيط جداً
أنا مش عاوز حاجة أنا كل اللي عاوزه
إننا نعمل سوا بحث عن
الأنتمة

ونجاوب عما يأتي :

أكمل مكان النقط فيما اللي جاي دوّت
ظهرت الأنتمة أول ما ظهرت في عصر العولمة


تعددت الآراء والأنباء عن أسباب ظهور الأنتمة فمن أهم أسباب ظهورها الفضا والملل
الأنتمة في اللغة هي زي ما قلت البوي والجيرل فريند (ومع إنه لفظ مش منتشر كتير عندنا)
الأنتمة في شرع المأنتمين هي الصداقة
الأنتمة من وجهة نظرك هي مجربتهاش



أجب عن اللي هقوله دوّت بدلك ما أغزك:


ما أعراض الأنتمة ؟ الشرود والفشل
ماذا تقول لما يسميى الأنتمة (وكسة) ؟ اقوله قول ليه وكسة :)
لو لم تكن مأنتماً لوددت أن تكون ايه؟
مأنتماً أكيد:redface:


علل .. افطن يعني :
تتحدث البنت المتأنتمة بصوت رقيق في الهاتف
عشان تتبع القانون رقم 16 من مادة الانتمة للحديث عالهاتف
ظهور الأنتمة في عالم الجامعات
لأنه العالم المفتوح

الشات ساهم في زيادة الأنتمة.
حيث لا يوجد راقب ولا مشرف (كما يعتقد)


وكفاية كدا والله الموضوع سهل جداً


وبسيط جداً
أنا مش عاوز حاجة أنا كل اللي عاوزه
إننا نعمل سوا بحث عن
الأنتمة




الأنتمة
والله ظاهرة جديدة الواحد مش عارف بيطلعوا الحاجات ده ازاي
وازاي بتنتشر في يوم وليلة كده
واكيد طبعاً الافلام ليها دورها الكبير في الموضوع ده
وكمان الناس بتقلد بعض وتقول اشمعنى

وده كانت إجاباتي على الاسئلة :)

طبعا الانتمه فكرة هدفها تدمير القيم والاخلاق التى تربينا عليها و للاسف اننا نجد انتشار واسع لهذه الظاهرة . بل ان الافلام و المسلسلات الجديده تدعو لهذه الظاهرة الغريبة الحرام شرعا ان كانت بين ولد و فتاه

حسبنا الله ونعم الوكيل

طبعا هذه الظاهرة انتشرت بصورة واضحه وللاسف بتشجيع من اولياء الامور
ولما تسالهم يقولوا عادى طالما امام اعينا وخليهم يعيشوا سنهم
سنهم ايه جاتكم وكسه وخيبه كبيرة
ولما يغلطوا تقعدوا تلطموا
حسبى الله ونعم الوكيل

waaaaaaaaaaaaaaaaaaaaaw

طب انا بشكر كل اللي نوروا الموضوع بالرد والتواجد
بس ليا وجهة نظر
ياريت اللي يدخل يجاوب على الأسئلة
لأن في الإجابة الإفادة
وشكراً ليكم كلكم