المكالمة المميتة بين الحقيقة والافتراء
تقرير شامل يتضمن رأي الداخلية والصحة
ورأي العلم
***************
أولاً دا بيان وزارة الداخلية
___-----____-----____-----_____
نفت وزارة الداخلية فى بيان لها

الشائعات التى ترددت مؤخراً،

والتى تشير إلى أن جهات خارجية مجهولة،

تقوم بإرسال رسائل نصية قصيرة أو الاتصال بأرقام هواتف محمولة بالبلاد،

يترتب عليها إصابة متلقيها بصداع شديد يعقبه الإصابة بنزيف فى المخ والوفاة.

وأضاف البيان أن هذه الشائعة،

زعمت أن هذه الرسائل والاتصالات

تبدأ برمز (+) وتنتهى بأرقام (111)،

وأنه توجد حالات إصابة من جراء تلك الاتصالات بدائرة مركز ملوى بمحافظة المنيا

وكذا محافظتى فى القاهرة وقنا.

وذكر بيان وزارة الداخلية

أن الشائعة امتدت إلى عدد محدود من العاملين بشركة

"إنبى" للبترول بالقاهرة،

حيث تبين تداولها عبر التليفونات المحمولة،

بمعرفة ثلاثة موظفين محددين بالشركة،

وقد بادر رئيس مجلس الإدارة بإحالتهم للتحقيق.

مضيفاً أن العاملين بسنترال السويس العمومى تلقوا عدداً من الشكاوى

من بعض المواطنين تفيد تلقيهم تحذيرات من تلك الاتصالات،

التى تزعم أن بدايتها كانت بالمملكة العربية السعودية،

بدعوى وجود ثلاثة حالات مصابة من جراء تلك الاتصالات

بالمستشفيات السعودية.

وأكد البيان أنه بمراجعة مسئولى مديريات الصحة

بمحافظات القاهرة

والمنيا وقنا،

نفوا صحة تلك المعلومات أو تلقيهم أية حالات مصابة بالأعراض المشار إليها،

وأكدوا عدم منطقية تلك الشائعات

وتعارضها مع الحقائق العلمية.

نشر البيان
بجريدة اليوم السابع
ونهضه مصر
***********
ثانياً دا بالنسبة لوزارة الصحة اليمنية
المصدر (رئاسة الجمهورية - المركز الوطني للمعلومات)
___-----____-----____-----____
نفى مصدر مسئول بوزارة الصحة العامة والسكان ما تناقلته بعض وسائل الاعلام مستندة إلى شائعات تزعم تعرض بعض متلقي المكالمات عبر الهاتف السيار من أرقام مجهولة من خارج اليمن للأذى.
وأكد المصدر لوكالة الانباء اليمنية (سبأ) ان ما تناقلته وسائل الإعلام وماتروج له الشائعات بهذا الشأن لا أساس لها من الصحة على الإطلاق, مبينا ان الوزارة بجميع مستشفياتها العامة والمركزية في عموم محافظات الجمهورية لم تستقبل أية حالة إصابة . . كما لم تبلغ وزارة الصحة أو غرفة عملياتها المركزية أو تتلقى بلاغاً رسمياً عن أي حالة .. داعيا وسائل الإعلام إلى تحري الدقة والمصداقية فيما تنشره من أنباء والرجوع إلى الجهات المختصة للتأكد من صحة ما يصلها من شائعات مغرضه .
وكان وزير الاتصالات وتقنية المعلومات المهندس كمال حسين الجبري قد نفى وفند علميا ماتروج له تلك الشائعات .. مؤكدا أن تلقي الاتصالات عبر الهاتف المحمول من أي رقم كان لا يمكن بأي حال من الأحول أن يحدث أذى جسمياً بالمتلقي كون الهاتف المحمول هو مستلم لذبذبات في نطاق محدود ولا يمكن من خلاله إصدار أي ذبذبات قاتلة .
وقال " تلك الشائعات لا أساس علمي لها" و من يرج لها أشخاص وصفهم بـ"ضعفاء النفوس" يحالون نشر القلق بين أفراد المجتمع .
وقال الدكتور فؤاد الصلاحي لـ" سبأنت": " تنتشر مثل هذه الشائعات في مجتمعات ينتشر فيها الجهل بقضايا التكنلوجيا والاتصالات وآلية عملها ".
واضاف" حتى المجتمعات المتطورة توجد شائعات لكنها عقلانية وليست كالشائعات التي تنتشر في غيرها التي تصبح بديلا عن الفهم العقلاني".
وأرجع الصلاحي أستاذ علم الاجتماع السبب في انتشار مثل هذه الشائعات إضافة للجهل إلى الضعف والاحباط التي يعانيها بعض أفراد المجتمعات وشعورهم أن الغرب يريد تدمير المجتمعات العربية والاسلامية.
وأكد أنه من الصعوبة ايقاف الشائعات , قائلا" نجد في كل مرحلة جديدة وفي كل وضع شائعات جديدة، فتارة ترتبط بالصراع مع الغرب والصراع العربي الاسرائيلي وتارة ترتبط بخوارق ومبالغات في قضايا ذات شأن ديني .. وهكذا".
المصدر: سبأ
بإذن الله .. يتبع ..

«®°·.¸.•°°·.¸¸.•°°·.¸.•°®»بسم الله الرحمن الرحيم


ظهرت امس اشاعات تقول ان هناك رقم هاتف محمول سيتصل عليك لو رديت هتموت فى الحال !!!!..

فى البدايه هذا التحذير من هذه الاتصال اتى لى عن طريق صديق لى حذرنى منها من هذا الرقم
وبعدها بساعات يأتى الى ايميل من صديقى الذى يعمل فى احدى الشركات السياحيه قامت الشركه بأرسارسال لهم ايميلات تحذرهم
من هذا الموضوع .
سؤال ::::عندما تسمع عن هذا الخبر ما الذى يتبادر فى ذهنك غير الضحكات المتعاليه من هذا الخبر
وخصوصا لو سمعت انه كمان اسرائيلى يبقى كده نصدق
مش كده ولا ايه ؟؟؟؟؟
طيب
الاعلام المصرى المحترم لم يتكلم عن هذا الخبر ولو بتنويه بسيط رغم ان مصر كلها كانت تتحدث عنه فى مساء امس
بل ظهرت حالات فى محافظه سوهاج ايضا
ظل المصريين بين مصدق ومندهش وغير معقول فيرس على الهاتف المحمول يكون قاتل
مثل هذه الرنه بها سم قاتل لاتجيب عليه ............؟
المهم من المغرب لحد العشاء والشارع المصرى منهم من علم بالاشاعه ومنهم من لم يعلم بها
تصفحت الاذاعات الاخباريه لحس ولا خبر
تصفحت القنوات الاخباريه لا حس ولا خبر
تصفحت البرانج الحواريه على الفضائيات برده لا حس ولا خبر ولكى اكون منصف هو 90 دقيقه مجبش سيرتها
طيب الظاهر ان الموضوع بدأت الناس تصدقه
حتى اتى لى مكالمه فى حوالى الحاديه عشر من صديقى يخبرنى ان الموضوع ده جابوه فى البيت بيتك
وبيقولى انه اشاعه واللى مطلعها ناس معروفين من شركه انبى للبترول وهيتمسكوا
ووزارة الاتصالات بتفنى الموضوع ده وكمان الصحه بتنفى والموضوع لا اساس له للصحه اطلاقا
كلام جميل
قولت اتصل برده بفودافون واتأكد اصل انا فودافون
اتصلت رد على خدمه العملاء وقالى احنا سمعنا عن الموضوع ده بس مجتناش حاجه رسميه لسه
وغير كده بالعقل ازاى فيرس تليفون يموت الانسان
الفيرس اللى فى التليفون يأثر على الهاتف بس دى كلها ممكن تكون اشاعات
على العموم خد نكرة توكيل رينج الخاص بنوكيا ممكن يكونو عارفين حاجه ؟
للاحقاق خدمه العملاء بفودافون نفت الموضوع ده وبرده مستبعده الموضوع ده نهائيا
لانها مجرد اشاعه

الشائعة انتشرت، والبعض الآخر أستبعدها لأنها غير مقبولة بالمنطق وليس لها دلالات علمية, فالذبذبات التي تخرج من المحمول نطاقها محدود ولا يمكن أن تحدث وفاة ، لكن ما هو مدعاة للقلق التأثير السلبي على صحة الإنسان وإصابته بإمراض مختلفة جراء ذبذبات محطات الإرسال والتقوية للشركات المحمول في اليمن " الهوائيات" بالإضافة إلى الضرر الفعلي من ارسال واستقبال المحمول للذبذبات الكهرومغناطيسية .

في موضوع شائعة الأرقام القاتلة قال وزير الاتصالات وتقنية المعلومات المهندس كمال حسين الجبري " أن تلقي الاتصالات عبر الهاتف المحمول من أي رقم كان , لا يمكن بأي حال من الأحول أن يحدث أذى جسمياً بالمتلقي او أن تؤدي الى الوفاة كما تروج الشائعات ".وأوضح أن الهاتف المحمول هو مستلم لذبذبات في نطاق محدود ولا يمكن من خلاله إصدار أي ذبذبات قاتلة,او ان هناك فيرس وهو كائن عضوي حي قد ينتقل عبر ذبذبات الهاتف إلى المستخدم له كما اشيع

وطمأن وزير الاتصالات وتقنية المعلومات مستخدمي الهاتف المحمول بان تلك الشائعات لا أساس علمي لها

ويتفق الدكتور محمد العاقل اخصائي جراحة المخ والأعصاب بمستشفى الثورة العام بالعاصمة صنعاء مع الوزير في شائعة الارقام القاتلة قائلا " :مستحيل وجود ذبذبة تصدر من جهاز التلفون تقتل الانسان بشكل مباشر وان كانت هناك فهي فقط فيروس يدمر نظام الهاتف ليس اكثر".

يقول العاقل أخصائي جراحة المخ والاعصاب " ماهو معقول ومنطقي هو تأثير قوة الذبذبة الكهرومغناطيسيه الصادرة من الجهاز لفترة طويلة والذي يؤدي إلى تهتك الخلايا العصبية, حيث أن لغة الدماغ هي الكهرباء وعندما تعمل الذبذبات تنتقل من مكان إلى أخر وبكافة المجالات".

بإذن الله .. يتبع
اقرءوا الموضوع جيداً وساهموا في نشره
فهو خلاصة آراء العلم والمتخصصين
في هذا المجال

.. دي كانت حدوتة باين بيخوفوا بيها العيال الصغيرة ..
.. زي ما قولت في موضوع مكالمة الموت ..
.. أنا شوفت فيلم ياباني .. كان فيلم خيالي ..
.. كان نفس القصة دي ..
.. و اللي طلع الاشاعة باين كان بيتفرج عالفيلم ساعتها ..
.. المشكلة ايه بقا ..
.. إن أول ما حد يسمع الموضوع يروح يفشر بقا .. ويقول زي كده مثال :
" ده بنت أخت خالة ابن عم أخو جدى من ناحية بنت عمتي .. جالها يا عيني مكالمة (في رواية أخرى بتقول رسالة) .. ووشها اتحرق .. و شعرها وقع .. و راح مش عارفة مستشفى ايه في بركينا فاسو ..إلخ ... "
.. شوفتوا المشكلة فين ..





.. دي حاجة من الاتنين ..
.. يا إما كذبة ابريل (احنا لسة في مارس على فكرة) ..
.. يا إما حدوتة قبل النوم ..
.. أنا شوفت فيلم ياباني نفس القصة قبل كده ..
.. أكيد اللي قال الحكاية دي اتفرج على الفيلم قبل ما ينام ..





.. ليه الناس بتساعد على ترويج الاشاعات ؟ ..

.. هاكرر السؤال .. يمكن في حد مش سامع ..

.. ليه الناس بتساعد على ترويج الاشاعات ؟ ..

احنا احلى شعب يصدق اشاعات
بس البيان دا جه فى وقته
شكرا لحضرتك يا استاذ نجم

اولا الشعب المصرى مش ساذج للدرجة دى
وو يمكن يكون الموضوع ده مش حقيقى
بس الله اعلم يمكن يكون الكلام ده صح
لان حاليا العلم مش ليه للاستخدامات بتاعته حدود
و كمان احنا فى بلد احسن حاجة تعملها
هى التعتيم الاعلامى
زى ما حصل فى موضوع انفلونزا الطيور
بردو قالوا دى مجرد اكذوبة

العمر واحد والرب واحد مش عارف الناس خايفة ليه أكثر من الازم سبحان الله

مشكووووووووووووووووووووووووووووووور

دعوة لكل من عنده تقرير من مصدر مسئول موثوق فيه يضعه في هذا الموضوع من فضلكم

ياجماعة انا شفت الفيلم ده قبل كده .
كان اسمه وان ميسد كال وكان فيلم يابانى واتعمل فيلم امريكى . ياجماعة احنا فى 2009 ولسه بنفكر بالطريقة دى . ياجماعة مافيش حاجة من دى ومين اللى هيعمل لنا كده . هم الأجانب فاضيين لنا .

مشكور على

التو ضيح والتفسير

الدقيق

من كافة الجوانب

ويجب الضرب

من حديد

على من

يطلق هذه الشائعات


وحسبى الله ونعم الوكيل فيهم

كذبة ابريل .......................

نشرت جريدة البشائر ما يلي :
بتاريخ : السبت 28 مارس 2009 4:53:39 م
عدد القراء : 594


البشاير - هاني فتحي:
حالة من الذعر سادت بين الآلاف من مستخدمي المحمول في مصر بعد تناثر إشاعة غريبة وغير معروف مصدرها أو هدفها حيث حذرت هذه الإشاعة كافة مستخدمي المحمول بمصر من استقبال أي مكالمات هاتفية دولية أو رسائل غير مفهومة لاحتوائها على إشعاع فيروسي يصيب المخ بنزيف حاد وتؤدى إلى الوفاة وقد تناثرت الإشاعة بشكل ضخم لدرجة توزيع عمال شركة أنبي لمنشور يحذر من هذه الرسائل الدولية علي المحمول كان نصه أنه إذا وجدت على موبايلك رقما مجهولا أو دوليا أو وجدت شبحا وكتابة غير مفهومة، لا تقم بالرد إطلاقا على هذه المكالمة التى هى عبارة عن إشعاع فيروسى يدخل المخ، ومن يصاب به يموت بعد 10 أيام، ويقول المنشور إن هذه الأخبار جاءت من مستشفى بالسعودية وبه أكثر من 30 مصابا.. ولم يقتصر الأمر علي هذه الشركة فقط بل العديد من الشركات والمصالح الحكومية بدأت تتبادل رسائل التحذير هذه في العديد من محافظات مصر الأمر الذي تحول لذعر خاصة لدي المتعاملين مع دول خارجية ويتلقون أتصالات دولية سواء لعمل أو من أقاربهم الأمر الذي دفع أجهزة الأمن للتحقيق في الأمر ولكنه لم تصل سوي لنفي من قبل الأجهزة الطبية لحدوث مثل هذه الأصابات بينما فشلت أجهزة الأمن في الوصول لمصدر الأشعة أو تحديد الهدف منها حيث أصدرت وزارة الداخلية بيانا حول الأمر قالت فيه أنه تواتر شائعة فى أوساط بعض أهالي محافظة المنيا مفادها قيام جهات خارجية مجهولة بإرسال رسائل نصية قصيرة أو الاتصال بأرقام هواتف محمولة بالبلاد يترتب عليها إصابة متلقيها بصداع شديد يعقبه الإصابة بنزيف فى المخ والوفاة .
وأضافت الترديدات بأن الأرقام الواردة فى تلك الاتصالات تبدأ برمز (+) وتنتهي بأرقام (111) وأنه توجد حالات إصابة من جراء تلك الاتصالات بدائرة مركز ملوي بالمحافظة .. وكذا محافظتي(القاهرة - قنا) وامتداد الشائعة إلى عدد محدود من العاملين بشركة إنبى للبترول بالقاهرة .. حيث تبين تداولها عبر التليفونات المحمولة بمعرفة ثلاثة موظفين (محددين) وقد بادر رئيس مجلس الإدارة بإحالتهم للتحقيق.
كما تلقى العاملون بسنترال السويس العمومي شكاوى تتضمن تلقى المواطنين تحذيراً من تلك الاتصالات والتنويه إلى بدايتها كانت بالمملكة العربية السعودية.. بدعوى وجود ثلاثة حالات مصابة من جراء تلقى تلك الاتصالات بالمستشفيات السعودية.
وبمراجعة مسئولى مديريات الصحة بمحافظات (القاهرة – المنيا- قنا) .. نفوا صحة تلك المعلومات أو تلقيهم أية حالات مصابة بالأعراض المشار إليها .. وأكدوا على عدم منطقية تلك الشائعات وتعارضها مع الحقائق العلمية .
ولكن لم تكتفي الداخلية بهذا البيان بل تكثف الداخلية جهودها للتوصل لمصدر الأشاعة والهدف من ترويجها بهذا الشكل .

ومازالت تغطية الخبر مستمرة
بإذن الله
للقضاء على تلك الشائعة
ويكون لنا السبق
نحن بوابة الثانوية العامة المصرية
في إظهار الحقيقة كاملة

نشرت جريدة المصرى اليوم ما يلي
شركات المحمول تخشى
تأثرها من شائعات التحذير
من رسائل الموبايل «القاتلة»

كتب أمير حيدر ٢٧/ ٣/ ٢٠٠٩

على طريقة "قبلة الهاتف القاتلة" التى أرسلها الكوميديان الراحل فؤاد المهندس "مستر إكس" إلى عشيقته فى فيلمه الشهير "عودة أخطر رجل فى العالم"، انتشرت شائعات فى أوساط مستخدمى المحمول تحذر المشتركين من استقبال أى رسائل غريبة بدعوى تضمنها "فيروس" غير معروف يتسبب فى قتل مستقبلها.
وأقر مسؤولون فى شركات المحمول بتلقيهم معلومات عن هذه النوعية من "الشائعات" مجهولة المصدر التى أصابت شرائح من المستخدمين بالقلق، نافين بشدة صحتها، فى حين لم يخفوا قلقهم من تأثيرها على معدلات استخدام الشبكات.
وقال الدكتور خالد الليثى مدير العلاقات الحكومية فى شركة "فودافون مصر" فى تصريح خاص لـ "المصرى اليوم" إن الشركة لم تتلق رسميا أى شكاوى تتعلق بتضرر المستخدمين من أى رسائل "ضارة"، مؤكدا أن هذه الشائعات عارية تماما من الصحة ولا أساس لها من الناحية العلمية والمنطقية.
وظهر أول فيروس فى العالم يصيب جهاز المحمول عام ٢٠٠٤، ويتسبب فقط فى مسح أرقام الهواتف والبيانات المخزنة على الجهاز وإرسال رسائل منه.
وبينما، أكد مصدر مسؤول فى شركة "اتصالات مصر" أن هذه الشائعات تضر بسوق الشركات العاملة فى السوق، خاصة بعد أن ملأت المنشورات التحذيرية السنترالات الخاصة فى العديد من المناطق والأحياء الشعبية، وصف الدكتور عبدالعزيز البسيونى الخبير فى مجال الاتصالات "فيروس المحمول القاتل للإنسان" بأنه مجرد نوع من الخيال على الطريقة الكوميدية العربية القديمة، حينما يقوم مرسل المكالمة بسكب الماء فى سماعة الهاتف فتقع على مستقبل المكالمة من الناحية الأخرى.
وأشار البسيونى إلى أن ما ثبت علميا حتى الآن هو أن درجة حرارة مستخدم المحمول ترتفع بنحو ٠.١ درجة للاستخدام أكثر من ست دقائق فقط.

والله احنا اجدع ناس تتطلع اشاعة وبعدين نصدقهاوالمشكلة زي ماقالت د.مرمورة ان الحكاية طلعت وبعدين طلعت عليها كمية قصص!! بس والله اعلم يمكن الكلام ده صح؟؟!! بس مش داخل دماغي..!! واحدة صاحبتنا قلتلنا ان قريبهم مات واخوه قال انه جاتله مكالمة دولي و بعدين الواد اتكل(مش بعدها علي طول يعني)
هما شكلهم اتفرجوا علي the ring كتير بس عشان اقول الحق في الفيلم سبع ايام وتودع لكن هنا اربعة بس!!

احنا نعشق شئ اسمه اشاعات مش عارف ليه يعني تلاقي اول الاشاعة دي ما طلعت كانت بتقول انه هبحصلكصداع بس وكل واحد بقى بيضيف بعض الحاجات المثيرة كلالمه لحد ما توصل للموت

وبجد الموضوع مش محتاج مناقشة الفكرة كلها حد يقولي هنموت ازاي من الرد على التلفيون يعني والاشعاعات دي هتوصلي ازاي
والله بجد احنا بنصدق الحاجة واحنا عارفين انها اشاعة
يلا ربنا ينتقم من كل مروج اشاعة

ايوه ولازم نحارب هذه الإشاعات ليس بمجرد الرفض ولكن بالبحث عن الدليل المنطقي شكراً لتعاونكم وأرجو من الجميع نشر رابط هذا الموضوع لأهميته

:)

قال رسايل مميتة قال
سبحان الله
ناس وصلت القمر وناس بتفكر تحمي نفسها من رسالة عبارة عن مغنطة مجال
ان اصحاب العقول في راحة
اه يابلد

نعمل ايه بس .؟
الواجب علينا برضه نثبت بالدليل خطأ الرسالة وخطأ الإشاعة ودا اللي بنحاول نعمله
وربنا المستعان

واجب ايه بس
انا مش عارف مفيش عقل
يصدقوا الكلام ده ازاي
الحقيقة الوحيدة
ان الشعب المصري يبطل يتفرج على افلام اجنبي
ويتغطوا كويس وهما نايمين :)
يارب ارحمنا

شكراا لحضرتك استاذ نجم المشاعر

اشكرك استاذ احمد على التوبيك الرائع
جزاك الله كل خير
تقبل مرورى

حبيبي عقل ايه المصرينن عقلهم مش وحش بدليل
إن الإشاعة دي أثارت ردود أفعال حتى في الدول الأوروبية
وبإذن الله هنقلها لحضرتك
بلاش نحكم حكم عام على شعب أصيل وعريق زي الشعب المصري
وعموماً شكراً لمرورك وردك
والموضوع دا مش بيثبت الشائعة
الموضوع دا عامله واحد مصري
عقله رفض الشائعة
فقام بنفيها بالأدلة
حتى يساعد البسطاء على الإقتناع وشكراً

انا مقلتش عقل المصريين وحش :) ( انا كده بشتم نفسي )
انا بقول طريقة تعاملهم مع الشائعة
وبعدين دول اوروبا مسمعتش عنها ياريت المصادر
اللي بتقول ان الشائعة في اوروبا
ده لو الكلام ده حصل
تاني يومـ يطلع بيان من الجامعة الفلانية
بالدليل العلمي

اشاعات ..اشاعات ...اشاعات
شكرا زميلنا الكريم الاستاذ/ احمد نجم
لمساهمتكم الفعالة فى محاربة الشائعة .
ببراءة الاطفال بنتى 5 سنوات قالتلى
وهى ميته من الضحك المس اليوم
جاتلها رسالة ،وقفلت التليفون بسرعة .

شكراً أستاذ أحمد

له ضحك على الذقون

http://www.saudiyoon.com/styles/dciwww/images/logo.gif


بتاريخ 1/ 4 / 2009

http://www.saudiyoon.com/newsm/5149.jpg

مسؤول أمني مصري ينفي شائعة الرسائل القاتلة القادمة من السعودية
نفى مصدر امنى مسئول مساء الاثنين الشائعات التى ترددت مؤخرا ومفادها أن جهات خارجية مجهولة، تقوم بإرسال رسائل نصية قصيرة أوالاتصال بأرقام هواتف محمولة بالبلاد، يترتب عليها إصابة متلقيها بصداع شديد يعقبه الاصابة بنزيف فى المخ والوفاة.

وأضاف المصدر أن هذه الشائعةزعمت أن هذه الرسائل والاتصالات تبدأ برمز (+) وتنتهى بأرقام (111) وأنه توجد حالات إصابة من جراء تلك الاتصالات بدائرة مركز ملوى بمحافظة المنيا وكذا محافظتى (القاهرة-قنا).
وذكر بيان لوزارة الداخلية صدر الليلة ,ان الشائعة امتدت إلى عدد محدود من العاملين بشركة "إنبى" للبترول بالقاهرة,حيث تبين تداولها عبر التليفونات المحمولة، بمعرفة ثلاثة موظفين محددين بالشركة وقد بادر رئيس مجلس الادارة باحالتهم للتحقيق.

وأضاف بيان الداخلية أن العاملين بسنترال السويس العمومى تلقوا عددا من الشكاوى من بعض المواطنين تفيد تلقيهم تحذيرات من تلك الاتصالات، التى تزعم ان بدايتها كانت بالمملكة العربية السعودية، بدعوى وجود ثلاثة حالات مصابة من جراء تلك الاتصالات بالمستشفيات السعودية.

وأكد البيان انه بمراجعة مسئولى مديريات الصحة بمحافظات القاهرة-المنيا-قنا- نفوا صحة تلك المعلومات او تلقيهم اية حالات مصابة بالاعراض المشار اليها واكدوا عدم منطقية تلك الشائعات وتعارضها مع الحقائق العلمية.

متابعون للحدث
لحظة بلحظة
أرجو نقل الموضوع
لإثبات بطلان الشائعة
وجزاكم الله خيراً

ايوة انا صحابى قعدوا يتكلم فى الاشاعات دى
طبعا انا قعدت أضحك ومسكتهم تريقة

الناس طيبين أوي بيصدقوا أي حاجة
عاملين زي واحد اتقال له انه معزة صدق

شكرا على مجهود حضرتك فى التوضيح

باين عليها كدبة ابريل بس بدرى شوية
يعنى حسب التوقيت المحلى لهواة الأفلام الاجنبية

أنا ما عرفتش بالموضوع ده غير بعدها
لما كنت بتصل بصاحبتى ألاقى تليفونها مقفول
حاولت فى كذا نمرة من نمر أصحابى كله مقفول

فاتصلت بيها على تليفون البيت أسألها قافلة موبيلها ليه
قالتلى انتى مش فى الدنيا
مش عارفة الرسايل القاتلة

يا سلام ع المصرين لما يحبوا يعملوا افلام وحوارات من مفيش .....
اصل احنا بجد اجدع ناس تطلع اشاعات لا وايه بتصدقها كمان .
هما الاجانب لو عايزين يخلصوا علينا هيلفوا ويدوروا ليه دول القوة الكبرى في العالم.
شكرا ليك كتييييييييييييير على توضيحك والطرح الرائع للموضوع

لا اله الا الله

شكرا يا نجم على مجهودك الكبير

انا سمعت الحكاية دى فعلا من كام يوم

بس طبعا استغربت اوى ازاى فيروس بالتليفون يقتل انسان

ده بالكتير اوى يخرب التليفون وبس

ناس كتير طيبين وفطريين وبيصدقوا الحاجات دى

لكن مش اغبية .... فقط بسطاء

شكرا لك

مشكوووور اوى مستر نجم ويا رب يكتر من توبيكاتك انى احبك فى الله والله

جزاك الله خيراً

أعتقد أننا بهذا الشكل قد ساهمنا بشكل كبير في القضاء على تلك الشائعة
أي واحد يبعت لينا رسالة بخصوص هذا الأمر
نديله رابط هذا الموضوع فوراً وبإذن الله سنقضي عليها تماماً
وجزاكم الله خيراً جميعاً

مشكووووووووووور على الافادة

اشكر لك مرورك أخي الكريم

شكرا لك على هذه المعلومات
فعلا انا كنت خايف من ان الموضوع يطلع بجد
لك منى اجمل تحيه

احنا احسن ناس نصدق الاشاعات

هو فعلا سبب انتشار الاشاعات هى ان ناس كتير بتصدق اى حاجه من غير ماتفكر وكل واحد يطلع حكايه شكل ويحكيها لاصحابه يعنى انا من شويه واحده بعتتلى رساله على ايميلى فيها حكايه زى دى بالظبط بس الفرق انه ايميل اسمه pavlo_88 بيبعت اضافه ولو اتقبلت بيوصل فيرس يدمر الجهاز وبيسرق معلومات الكمبيوتر ...والحكايات الكتير هى اكتر حاجه بتثبك ان دى اشاعه وان الناس بتصدق اى حاجه تتقال

اعتقد ان الاشاعات دى مالهاش حــــــــــــــــــل والمهم انها بتسبب المشاكل والذعر بين الناس
طاب ليه ولصالح مين يخوفوا الناس
واللى هى الناس ناقصها مشاكل
اشكر الموقع على الاهتمام بالموضوع واشكر ادارةالمنتدى على هذاالجهد الرائع وسلام

مش عارف ليه عندنا الجو كان عادي خالص بالنسبة للموضوع ده

مسمعتش حتى حد من اصحابي اتكلموا عن الموضوع

آخري كنت بقرأ الاشاعات هنا عالمنتدى بس

وبصراحة نجم المشاعر كفى ووفى


بس لازم طبعاً أعلق على كلامك
انت قلت

مسؤول أمني مصري ينفي شائعة الرسائل القاتلة القادمة من السعودية
نفى مصدر امنى مسئول مساء الاثنين الشائعات التى ترددت مؤخرا ومفادها أن جهات خارجية مجهولة، تقوم بإرسال رسائل نصية قصيرة أوالاتصال بأرقام هواتف محمولة بالبلاد، يترتب عليها إصابة متلقيها بصداع شديد يعقبه الاصابة بنزيف فى المخ والوفاة.

وأضاف المصدر أن هذه الشائعةزعمت أن هذه الرسائل والاتصالات تبدأ برمز (+) وتنتهى بأرقام (111) وأنه توجد حالات إصابة من جراء تلك الاتصالات بدائرة مركز ملوى بمحافظة المنيا وكذا محافظتى (القاهرة-قنا).
وذكر بيان لوزارة الداخلية صدر الليلة ,ان الشائعة امتدت إلى عدد محدود من العاملين بشركة "إنبى" للبترول بالقاهرة,حيث تبين تداولها عبر التليفونات المحمولة، بمعرفة ثلاثة موظفين محددين بالشركة وقد بادر رئيس مجلس الادارة باحالتهم للتحقيق.

وأضاف بيان الداخلية أن العاملين بسنترال السويس العمومى تلقوا عددا من الشكاوى من بعض المواطنين تفيد تلقيهم تحذيرات من تلك الاتصالات، التى تزعم ان بدايتها كانت بالمملكة العربية السعودية، بدعوى وجود ثلاثة حالات مصابة من جراء تلك الاتصالات بالمستشفيات السعودية.

وأكد البيان انه بمراجعة مسئولى مديريات الصحة بمحافظات القاهرة-المنيا-قنا- نفوا صحة تلك المعلومات او تلقيهم اية حالات مصابة بالاعراض المشار اليها واكدوا عدم منطقية تلك الشائعات وتعارضها مع الحقائق العلمية.



ومع إنك ذكرت الكلمتين دول مرتين قبل كده رحت قايل

متابعون للحدث
لحظة بلحظة
أرجو نقل الموضوع
لإثبات بطلان الشائعة
وجزاكم الله خيراً


لكن برده جزاك الله خيراً

وبعدين محدش ينكر إنه التليفون لليه اضراره التي تؤثر عالدماغ

ومحدش مننا -غير متخصص في هذا المجال- حيقدر يفتي في حاجة زي ده

يبقى ميجيش حد بعد ما يقرأ الموضوع يقول مين الجاهل اللى يصدق إشاعة زي ده

متنسوش برده إنه عامة الشعب من البسطاء

The results showed that men take the initiative and???? (http://www.ylhz.net) the traditional model of a persona non grata, and the men take the initiative to the woman reacted strongly to the model. Experts believe that the woman in a man more willing to play a leading role in ***ual life, as it can awaken the desire of the potential of men to men *** life in assuming the responsibility of leading out of. Eclisse in the image of submissive men can indeed show a strong side, but ?????? (http://www.mqktw.com/)false modesty, he will also lose all desire.

قال تعالى " ياأيها الذين آمنو إذا جاءكم فاسق بنبأ فتبينوا" معنى ذلك عدم تصديق الشائعات والتحقق من مصدؤها ولازم نتعلم من التجارب الماضية ولانجرى وراء الشائعات لأنها مغرضة ونكبر ونشوف هل هذا معقول أوم غير معقول (((محمد السراح )))[/

موضوع جميل
ولكن من وجهه نظرى اخذ اكثر من حقة
ومشكورين على التوضيح للاشاعة

تحيا مصر
شعب غلبان , كل شوية يشتغلوه باي حاجا عشان يخرس و ميفقش من الغيبوبة اللي هوه فيها و يطالب بحقوقه
!

مشكور مستر نجم المشاعر

بس بصراحه انا بقيت اصدق اى حاجه ممكن تحصل الأيام دى

بس الحمد لله انها اشاعه

المشكلة ان شعبنا شعب طيب بيصدق الاشاعات بسرعة المهم ان المسؤلين يهتمو بالاشاعات دى ويظهرو صحها من خطئا بسرعه للناس

هههههههههههههه
هو ايه اللى لسه مش اشاعات

ربنا يكرمك على الموضوع ده
وهيا دي بلاد العرب لاتفقه إلا الإشاعات ولا تنشغل بأي شئ غيرها حتى ضاااااااااااااااااااعت وأصبحت على الهامش بالنسبه للدول الأخرى

شكلهم بيتفرجو على افلام خيالية كتير

أنا أصلا مكنتش مصدقة
والحمد لله ثبت انها إشاعة
علشان الناس تهدى
وتبطل ترويج للأشاعات

احنا احلى شعب يصدق اشاعات

والله العظيم انا لا اصدق الخبل
ولكنها حقيقة تعرضت لها

في تلك الفترة انا استقبلت عدة تليفونات من الخارج واسمع اصوات كانه ****ة كذلك عن طريق شبكة موبينيل للانترنت ورسائل فاضية
لم اهتم وافاجئ ان هناك صداع قاتل في نفوخي كان لايهذا الا بعد نوم وحفنة حبوب مسكنة كاتافلام علي ريفو بانادول

وافاجئ بعد 4 ايام بعيني الشمال اصبح عليها غمامة وعتامة اصبحت لاابصر بها شئ الا حدود الصورة بدون معالم

وبعد موال مع اساتذة العيون والمخ والاعصاب وصلت الي اشعة مقطعية لافادئ بورم كبير في المخ والغدة النخامية

والحمد لله اجريت العملية ورجع لي نظري


والحمد لله الواحد مؤمن بأن الابتلاء امتحان من اله لعبده

ولكن انا احكي ماحدث وكله من المحمول



وانا اري انه يمكن توظيف الجن في مثل تلك الامور لاصابة المتلقي بضر ايا كان مكانه مادام رد علي الاتصال وده كلام انا متأكد منه
لان ظاهرة العبث بالسحر اصبحت منتشرة في المجتمع البعيد عن ذكر الله واظن ان مجتمعنا مصاب بهذا الداء لغياب الايمان

وهناك مثال امنحان ثانوية شغال ومدابح في الامتحان وهناك من يسأل عن شريط عمر ذياب الجديد
اي ايمان واي ثقافة تلك لشباب مصر

اثقلت عليكم

احنا احلى شعب يصدق اشاعات
ودي حرب شركات التليفونات ومنافسة بينهم عن طريق الاشاعات

احنا احلى شعب يصدق اشاعات

الموضوع ده جه برده على برنامج ( البيت بيتك ) وبعدها بيومين كده جت رساله لاخويا ع الايميل بتقولو الرقم كذاكذا لو جالك ف رسالة اقفل موبايلك عشان ميجيلكش نزيف ف المخ وكلام من ده بس مفيش راسايل جت ولا حاجه واخويا اصلا كان عارف م الاول ان الموضوع ده كلام فاضى

شـــــــــــكرا بجد علي الموضوع الرائع دا


وبجد انا كنت يرضو مش مصدقة الحكاية دي

هههههههههههههههههههههههههههههههه

والله عالم فاضية مش لاقيين غير الاشاعات ويشغلو نفسهم بيها


ياجماعة المفروض ان احنا نتجاهل الاشاعات دي ونحاول نبعد الناس عنها

وتسلم ايديكو على التغطية الراااااائعة

الشعب المصري زكي بما يكفي ليفرق بين الاشاعات والحقيقه بس الاشاعه دي اي شعب بمجرد استخدام عقله هيعرف فعلا انها مجرد اشاعه وشكرا يا أ / احمد نجم علي التغطيه الرائعه للموضوع

المشكلة فى الاعلام اللى اصبح افلام مسرحيات اغانى و كل ده غير هادف طبعا ناهيك عن الرقص و الذى منه

و المسؤليين يتركوا الاشاعة لما تكبر ( لغرض فى نفس المسؤل ) و بعدين يتدخل بحسم امر الاشاعة