اخوانى واخواتى اعضاء منتدى الثانويه
انا جايب موضوع خطير جدا جدا جدا وبيمس كرامه المصريين كلهم


وعندى سؤال رخم عايز شجاعه كافيه عشان تجاوب عليه .....
هل البلد دى تستحق اى حاجه كويسه من اللى قله الناس بيعملوها ؟؟؟؟؟؟؟؟؟؟؟؟؟



بس ياريت قبل محد يجاوب تقروا دا الاول انا مش هطول عليكوا هما نقطتين بس من ملاييييين النقط اللى بتحصل

1- (من جريده الدستور العدد بتاع يوم 26\7\2006 ) السفاره المصريه فى تل ابيب تحتفل مع الاسرائيليين مع تقديم الخمور بتكليف من وزاره الخارجيه المصريه

2-(برده من نفس الجريده فى نفس اليوم بس مش بالنص ) ضباط الشرطه المحترمييييييييين وبدقق اوى على كلمه المحترمين دى يتنقلوا للصعيد وشرطه مكافحه النشل والتليفونات والضباط اللى عندهم وسايط يتنقلوا لمباحث امن الدوله ومباحث الاموال العامه


مش هطول عليكوا بس الموضوع دا ياريت انا مش هقبل هزار فيه بعد اذنوا وعايز اعرف هل انتوا بتفخروا دلوقتى لما بتقولوا انكوا مصريين ؟؟؟؟؟؟؟؟؟؟؟؟؟؟؟؟؟؟؟؟؟؟

اولا شكرا على الموضوع
ثانيا مصر عاملة زى المنتدى ده
فيها عيوب كتير مش عارفين نصلحها لكن اللى مصبرنا عليها حبنا ليها
بصراحة ومن غير زعل ودى حقيقة ان اليهود قالوا علينا جملة وانا بايدهم فيها ليوم الدين
قالوا علينا طبلة تلمهم وعصاية تفرقهم عندهم حق فى الجملة دى ولا ايه؟؟؟
طبعا لازم نفتخر بانفسنا ونقول بعلو حسنا ايوا احنا مصريين
استاذى العزيز مش علشان تصرفتنا غلط يبقى بقينا غلط لو كل واحد مافتخرش بنفسه انه مصرى ميستحقش يعد فيها اصلا
يا ريت تكون فهمت قصدى كويس
شكرا على الموضوع فعلا رائع


عايزة اضيف حاجة كمان
لا يغير الله ما بقوم حتى يغيروا ما بانفسهم ما بانفسهم

اولا شكره اسيل على الرد الجميل دا وفعلا الكلمه دى حقيقه بتاعه طبله وعصايه
بس المشكله اصلا ان احنا من عايزين نغير نفسينا يعنى كل واحد راضى باللى معاه وخلاص سواء كان معاه ولا ممعهوش وكل واحد بيقول انا مالى وكله خايف وجبان على راى خالد صالح فى عماره يعقوبيان الشعب ماسك فى ايد الحكومه كانها امه يعنى حتى لو كانت غلط هوا مبسوك

اها انا مع اختي اسيل في كلامها


العيب ان كل واحد بيستسلم لكل ما يرى وكل واحد بيقول غيري هيعمل غيري هيعمل وللاسف في الاخر محدش بيعمل

وصراحة الحكومة مية مية مضبطانا ع الاخر بجد سرقة ونهب وكل ما لا يصدقه عقل بيحصل كفايا فضيحة 26 مليون دولار المعونات الامريكية لمصر

ولا احمد عز الدخيلة ولا ولا

اقولك كلمة في بلدنا دي مصر فيه مثل بيقولك معاك فلوس تدوس & معاك واسطة يا اسطى

هيه كدا بلدنا


بس مهما كان بنحب مصر ونستعد اننا نعمل اي حاجا ليها ونبدأ لوحدنا الايد لوحدها موش تصقف لازم التعاون وبس

شكرا محمد على ردك الجميل وخاصه المثل دا

بس المشكله اننا بتوع كلام فين يا عم الايد اللى هتبدا وفين الايد اللى هتتمد عشان تساعدها دا حتى اسيل لسه قايله طبله تلمنا وعصايه تفرقنا

ههههههههههههه لا يا حبي انا واحد من الناس وموش كلام موش بخاف غير من ربنا وبس لكن رئيس حكومة موش يهمني وكفايا عليا سؤال صحابي للرسول فيما معناه ما هو افضل الجهاد

قال ان تقول ككلمة حق في وجه ملك جائر


وانا اهم حاجا عندي بلدي بس مين موش لوحدي لو اكتر عادي اكمل بس هقولك حكومتنا مختارة ع الفرازة موش حرامية دول اللي وضعوا قوانين الاجرام وعلمه

والله عندك حق يا محمد بس الظاهر ان الباقى خايفين يردوا

اولا بلاك سونيك بحييك على الموضوع الجميل ده
سؤالك بقى
هل البلد دى تستحق ؟؟؟
الاجلبه عن السؤال ده بالتحديد مش هترتبط باحوال سياسيه ولا حكومه ولا ولا
هقول اكيد البلد دى تستحق لاننا مهما عملنا مش هنوفيها جزء ولو ضئيل من حقها علينا
لو لفيت العالم مش هتلاقى بلد زى مصر
عيب مصر الوحيد هو حكومتها لا اكثر ولو الحكومه اتغيرت واقصد بالتغير تغير جذرى من اول الرئيس لحد اقل واحد فى الوزاره
وصدقنى من جوايا فخوره انى مصريه وانت لو تلاحظ المثلين اللى ذكرتهم هتلاقى السفاره المصريه - ضابط - اموال عامه
يعنى مش خرجت من حيز الحكومه والنظام اللى البلد بتمشى بيه
وبتفق مع اسيل ومحمد اننا عايزين تغيير للاحسن ويارب يكون قريب

زي اسيل مضبط
مصر بحبها وهفضل احبههههههههههههههههههههههههههههههههههههههههههههههه هههههههههههههها

كل الدول فيها الجوانت السيئة والكويسة بس بتفرق ان فى بلاد عندها الحاجات الكويسة اكتر من السيئة بس فى مصر السيئة اكتر من الكويسة بس ياترى ممكن تقولى لو انتا مش مصرى تتمنى تكون ايه وياترى لو انتا كنت موجود فى عهد الفراعنة كنت تتمنى تقول انك مصرى ولا لا مش عشان فى عيوب نبقى نكسف من بلدنا العيب مش فى البلد العيب فى الناس اللى موجودة فى البلد

وعلى رأى مشخصاتى فى فيلم كده ((متقولش مصر اديتنا ايه قول هندى ايه لمصر))

((متقولش مصر اديتنا ايه قول هندى ايه لمصر))
يعنى معناها انسى التاريخ خليك فى دلوقتى وشوف مصر عندك ايه
وعلى اد حبك لمصر هتبذل جهد فى سبيل انها ترجع تانى مصر اللى حكى عنها التاريخ يوما
مقوله عجبتنى بجد

حكومة مصر
موظفيين مصر
لا يساون لي اي شيء
فنحن بدونهم افضل
وهذه حقيقة لمستها

هخاف
هههههه

اولا شكرا يا جماعه على الردود الجميله دى واهتمامكوا بالموضوع بس ليا تعقيب على كل رد بعد اذنكوا

tweety_girl793 ........انا معاكى فى ان الحكومه لازم تتغير كلها لكن ازاى وكل واحد مصرى مش واخد حريته فى التعبير وكل واحد عايز يعيش وياكل وخلاص مش مشكله بقا البلد تتسرق تولع ولا حتى حد يحتلنا بس يعيش مش كدا ولا ايه وحتى احنا لو عايزين نغير حاجه مدينا عمالين نتكلم مع بعضينا والموضوع مش بيكبر اهو مجرد موضوع وكل واحد بيقول رايه وايه اكتر حاجه ممكن تتعمل ؟؟؟ مظاهره والامن المركزى يفضها والناس تنضرب وتاخد اللى فيه النصيب وخلاص؟؟؟؟؟؟؟؟؟؟ شكرا تويتى



r.m.h ........رحمه شكرا لحبك لبلدك بس يا ترا انتى بتحبى البلد نفسها ولا زى اى حد واللى انا منهم بيحب اهله واصحابه والناس الطيبه والكويسه وبيتحسر عليهم من الظلم؟؟؟؟؟ شكرا رحمه



روميو ........انا معاك فى ان الحاجات السيئه اكتر من الكويسه وانا فى رايى ان مصر دلوقتى مفيهاش غير اهلها الطيبين مش اكتر وهى دى الحاجه الحلوه الوحيده وانا لو مش مصرى اتمنى اكون ايرانى عشان ناس مش هاممها امريكا ولا شيكا بيكا واكيد لو فى عهد الفراعنه كنت هفخر بكونى مصرى بس يا ترى عهد الفراعنه زى دلوقتى ؟؟؟ اوعى تقول اه ويا عم الناس دى غلابه والله



خالدالجن .......خالد انت عايز تعمل ولا مش عايز اكيد عايز تعمل حاجه تعليك وتعلى بلدك بس ازاى وهى متقفله فى وشك ؟؟ انت مبتشوفش خريجى الكليات زى كليه تربيه رياضيه او تجاره او جامعات الازهر او الهندسه والطب اهم بيكافحوا اكتر منى ومنك وطلعوا ايه يا بياع تين غلبان يا كاشير فى اى حته يا بتاع دره ياما دكتور فى عياده ولا مستشفى حكومى ومش فى دماغه اى حاجه اللهم اللا فلتات كل فين وفين اصحى يا عم ومتضحكش على نفسك وبص حواليك ((كلنا عايزين نخلى مصر احسن بلد وكلنا عايزين نديها اللى نقدر عليه وعلى فكره المقوله دى فى فيلم خالتى فرنسا




عبقرينومان .......... حكومه مصر مهمتها انها تكفر المصريين وتلهيهم عن السياسه وحقهم الطبيعى وعايزين يخلوهم كلاب للى انت وانا وكلنا عارفينهم بس احنا احسن منهم . موظفين مصر آخره بيقبض كام ؟؟؟؟ دول الناس اللى بيطلع عين اهلهم عشان القرش بس هما معزورين . سؤال بسيط مين احنا ؟؟؟؟




فيثاغورث .......... شكلك ماشى بمبدا من خاف سلم مفيش مانع بس افتكر ان فى ربنا اللى اكبر من اى حد

first thanks black sonic 3ala el mawdo3 el gamil dah
second ana motafeka ma3ak fe kol kelma 2oltaha
fe3lan kol wa7ed bey7eb ahlo we es7abo wel nas el tayeben elly fel balad
we el nas elly bey7ebo el balad de begad kolohom fel sogon
e7na fe3lan 7okometna 3ayzana neb2a zay el kelab we ma7adesh yefta7 bo2o
we el gada3 elly yefta7 bo2o aw yemsek alam(pen)aw ye7awel yekon egaby hayedereb we hayetsegen we hayetla3 3eno 3shan keda kolo saket
we howa dah elly el 7okoma 3ayzah bel zabt
sorry tawelt 3aliko

اولا شكرا يا ميوى على ردك وانتى مطولتيش ولا حاجه انا اللى المفروض اشكرك على مرورك على موضوعى
ثانيا رايك دا بيوضح انك شايفه اللى بيحصل حواليكى ومعندكيش احلام ورديه زى الناس اللى بتحلم بالمستحيل

بس طلب صغير ياسلام لو تكتبى عربى هيبقى جميل مش هنساهولك
شكرا مره تانيه يا عسل

7ADER HAKTEB BEL 3ARABI BAS ANA LISSA MENAZELA WINDOWS GDEDA WE LISSA MANAZELTSH EL 3ARABI FA E3ZORONY MO2AKATAN

بس يا صاحبي كل بلد زي مفيه المعفن اللي زي الزفت

فيه الكويس اللي خايف علي بلده

و ان حقلك حاجة

انا في اول فرصة تتاح ليا اني اخد جنسية غربية حوافق من غير تفكير

حتي و لو كانت امريكية

ميوى.... ولا يهمك بس متتاخريش علينا فى العربى


اسلام..... انا مقلتش كدا وبعدين انت لو خدت الجنسيه الامريكيه شوف هيعاملوك ازاى فى امريكا بس ونعم الوطنيه

الله عليك ياباشا
بس مش كل حاجه كويسه بنلقيها
والإجابه معروفه طبعا :ph34r:

شكرا يابوحميد بس فى فرق بين لما مش كل حاجه كويسه بنلقيها وبين مفيش حاجه كويسه عشان تلاقيها