hany555555
29-03-2009, 02:27 PM
السبب الحقيقي لتأخير النتيجة
لو لاحظتم معي فإن السادة مدرسي التربية والتعليم الذين امتحنوا في شهر أغسطس الماضي تم إعلان نتيجتهم في شهر ديسمبر صح؟ طبعاً صح.
وتم صرف الكادر لهم بدءً من شهر مارس بأثر رجعي من شهر يناير. يعني باختصار إعلان النتيجة هو بداية احتساب فترة الكادر.
يعني ببساطة لو نتيجة الكادر تم إعلانها في فبراير كما كانوا سفيعلون كان المدرسون من حقهم صرف الكادر ابتداءً من شهر مارس ولو تم إعلانها في شهر مارس كان المدرسون من حقهم صرف الكادر ابتداءً من شهر إبريل وهكذا....
ولذلك أعلن الجمل بيه عن إعلانها في نهاية إبريل وأنا متأكد بأنه كان سيتعلل بأي شيء - وما أكثر علله - بأنها سوف تأجل كام يوم لأول مايو وبهذا يستحق المدرسون الكادر من أول يوليو ويوفر الجمل بيه كادر ثلاثة أشهر بحالهم.
ملحوظة: ياريت حد يحسبلنا التلات أشهر دول يطلعوا بكام.
احمد فاروق1991
29-03-2009, 04:04 PM
لو افترضنا ان نسبة النجاح = 80%
يكون عدد الناجحين = 93600 مدرس
ولو سلمنا جدلا بان متوسط دخولهم في 50 % = 120 جنيه
هيكون مستحقاتهم في الشهر الواحد = 93600 × 120 = 11232000
وسيكون في 3 شهر = 11232000 × 3 = 33696000
ايه رايك بقي مبلغ يستاهل المجازفة والتأجيل ام لا وطبعا هذا حد ادني فما بالك لما تحسبها بالمضبوط
hmh_hmh
29-03-2009, 04:23 PM
طبعا هو ده الكلام المنطقى بارك الله فيكم
أ/ هاني خلف
29-03-2009, 04:30 PM
ألف شكر للموضوع الجميل وألف ألف شكر للأستاذ فروق اللي حسبهالنا وعقدنا أكتر.
مينومينو
29-03-2009, 05:32 PM
ياجماعه الكلام ده ممكن مايكونش صحيح
لأنهم مش هايدونا ولا مليم غير لما زمايلنا المتخلفين عن امتحان فبراير يمتحنو
يعنى فيها للسنه الجايه
ربنا ينتقم من الجمل الوزير
أ/ هاني خلف
30-03-2009, 01:03 AM
يا أخ مينومينو وهل هما استنوا المتخلفين عن دور أغسطس في تربية وتعليم؟
ولا صرفوا للنجحوا بأثر رجعي من وقت إعلان النتيجة؟
حمدى ابوزيد
30-03-2009, 03:28 AM
ياأستاذ hany555555 نتيجة التربيه والتعليم ظهرت منتصف أكتوبر وهم أمتحنوا 24/8/2008 وبمجرد ظهور النتيجة الوزير بتاعهم قال سيتم صرف الكادر مع مرتب شهر ديسمبر ولكن تأخر الصرف لشهر فبراير ومارس أعنى ناس صرفت فى فبراير وناس صرفت فى مارس وكله بأثر رجعى من ديسمبر 2008 والمفروض الازهر يصرف من ديسمبر 2008 مساواة بهم لأن هما الاخرونا عن الامتحانات مش احنا لو علينا أحنا كنا ممكن نمتحن قبليهم لكن هما عاوزين كده والمفروض بعد ظهور النتيجة نطالب بالمساوة بيننا وبينهم فى موعد الصرف ويكون الصرف لينا بأثر رجعى من ديسمبر 2008 ولكن الازهر نايم وبيقول اليجى منهم أحسن منهم ولكن ده حقنا محدش بيشحتنه حاجه من عنده ولو مش عجبهم يسبوها وحنا ننغنغ البلد وجميع الناس الفقراء وعجبىىىىىىى
تيمور 2
30-03-2009, 10:52 AM
والله الواحد محتار يصدق مين ويكذب مين ربنا يسترها معانا ان شاء الله قول يا رب
سعد يوسف
30-03-2009, 01:11 PM
الصرف بعد الدور الثاني.والكلام ده قاله قبل الامتحان المسئول عن الكادر ف الازهر وسمعه الجميع. مع ان هذا اسلوب خاطئ الناجح المفروض ان يصرف الكادر مثل التربيه والتعليم
الاستاذ رباح
30-03-2009, 09:37 PM
قلبى معاكم بس ابشركم
باعتبارى احد المضحوك عليهم من الوزير بتاع الكادر
فنحن لم نصرف الكادر حتى الان فى غرب الاسكندرية
علشان تطمئنوا بس
وعلى فكرة نص قانون الكادر يوضح ان الصرف بدءا من اول يوليو 2008
وكل الفترات دى اتسرقت مننا
بيد الوزير بيد غيرة فهو المسئول الاول
وحسبى الله ونعم الوكيل
farag72
30-03-2009, 09:56 PM
كلام الاستاذ حمدى ابو زيد صح يارجالة وانا برجحه
saiedepied
30-03-2009, 10:27 PM
هذا الكلام فعلا هو الأقرب للصحيح لان الوزير الجمل الله ؟؟؟؟؟؟؟؟؟؟؟ عاوز يحطمنا وهو صاحب فكرة امتحانات الأزهر الله ينتقم من كل من ساهم فى اذلالنا وكدرنا
سعد يوسف
30-03-2009, 11:05 PM
اللهم اميييييييييييييييييييييييييييييييييييين
أ/ هاني خلف
31-03-2009, 07:23 PM
طلع الكلام صح
"ولو تم إعلانها في شهر مارس كان المدرسون من حقهم صرف الكادر ابتداءً من شهر إبريل وهكذا.... "
وعشان كده أجلها لما يدخل إبريل. برافو