بسم الله الرحمن الرحيم


في برنامج القاهرة اليوم تم استاضفة شيخ مع عمروأديب والشيخ الداعية خالد الجندي المهم

اسم الشيخ نسيته اه وهو بيعمل في كلية الشريعة على ما اظن بالمدينة المنورة


دا موش حوارنا اصلا


المهم طلع قال ايه ان فيه 21 اسم من اسماء الله الحسنى اللي احنا نعرفها غلط وقالها انا موش فاكر وربنا قال ايه



المهم جاب 21 جداد معرفش منين من حديث من سند صحيح


يعني 99 اسم القدام فيهم 21 اسم غلط


الازهر ومعظم شيوخ المسلمين اقروا بكدا

يلا بأى فرصة اهو هشام عباس ضمن عمل جديد هو وايهاب توفيق ربنا معاهم بأى ويعملوا اسماء الله الحسنى الجديدة


المهم كل يومين بيطلع لينا شيخ يقول حاجا بيفتوا

لينا كام سنة ماشيين بالاسماء دي لسا فاكرين اه يعني عدت الشعراوي

يلا بأى عاوزني نشوف راي كل واحد مع العلم انهم اعترضوا على 21 اسم لانهم لم يذكروا لفظة في القرأن بل ذكروا افعاالا

والرسول المصطفى عليه اسلام قال لله 99 اسم فادعوها بها

يعني يا جماعة الافعال موش اسماء في نظر الشيخ الجليل


ايه رأيكم؟

رايي ان 99 اسم مش من خيالنا دول مذكورين في القرآن
وحتي وان كان هناك حديث
طالما موجودين في القرآن يبقي الاسماء اكيد صح

والله اعلم
وشكرا محمد علي المعلومات

يا بسام موش مذكورين لفظا بل افعال ال 21 اسم دول افعال والله اعلم بس انا مقتنع ب 99 القدام لغاية ما اموت

اسماء الله الحسنى مش محتاجه كلام ....يعنى لو قلت مثلا (الغفور او السلام او اى اسم اخر )...هل دى لو ذكرت فى القرأن (فعل) فهذا يدل على انها مش من صفات الله....؟؟


انا مقتنعه بأسماء الله الحسنى ....وياريت يامحمد لو فاكر حاجه من ال21 اللى هو قالهم تكتبهم

هم 99 اسم ذكروا فى القرأن فقط من اسماء الله الله الحسنى
والله اعلم

انا فاكر


الستير & الوتر & الجميل & الاحد &


وسيتم نزلوهم قريبا هنا

لا حول ولا قوة الا بالله


ايه اللى بتقوله ده يا محمد


اسماء الله الحسنى

تم استنباطها من القرءان والسنة

احتمال تكون فهمت غلط

او اختلط عليك الامر

معلش يا محمد


اصل دلوقتي اللي عايز يتشهر

يا يحلم بالرسول صل الله عليه و سلم و يوزع ورق علي الناس

يا يسرق فلوس و يهرب بيها

يا يطلع و يفتي في الدين

ايه يا جماعه فيه ايه
كل الكلام اللى محمد كاتبه فى الاول ده صح
وعلى فكرة شيوخ كبار هم اللى قالوا كده
ان فعلا ال21 اللى هم بيقولو غلط دول لانهم افعال مش اسماء زى فى الحديث
وطبعا فى اسماء احنا منعرفهاش يعنى اسماء الله الحسنى مش 99 بس
بدليل الدعاء اللى الرسول كان بيدعى بيه
اللهم انى اسالك بكل اسم هو لك سميت به نفسك او انزلته فى كتابك او استأثرت به فى علم لغيب عندك .........

وانا عندى كتيب عن الموضوع ده
لو عاوزين اكتبلكم ال99 اسم اكتبهم

والكتيب ده فى كل اسم وعليه دليل من القران او السنه يعنى طبعا كلام مش مشكوك فيه
وان شاء الله قريب هكتبهم

شكرا يا اسلام هما بيفتوا برضو


وشكرا ليكي يا هند كلامك مضبوط بس هقولك انا هنزلكم الحلقة وهيه 20 دقيقة اللي يعوز ينزلها ويسمعها ينزلها بس ع فكرة انا هتني حافظ ال 99 اسم دول وبس موش هحفظ الجديد

اه ربنا ليه اسماء حسنى كتيره

بس كفايا عليا 99 من ايام العثمانيين

هما شيوخ الازهر سابوا الحاجات المهمة ومسكوا الفتاوي التافهة زي فتوة بتاعة الازواج
للي عارفها
بتوع الازهر المفروض يبطلوا يفتوا
وبعد كده حيفتوا في انواع الماكياج
هههههههههههههههههههههههه
وانا مقتنع ب99 اسم القدام

وانا برضو سمعت جدل فى االحكاية دى
احنا اكيد بنؤمن بيهم
بالبق على الاقل
لكن عمر ما حد فكر فى معناهم
لكن خلينا على اللى احنا فيه
لحد ما تصدر اى فتوى بذلك
اما اى اذاعة او قناة غير دينية متخصصة
فلا يأخذ احد منها اى شئ

وربنا يستر
حتى الاسماء الحسنى كمان من راحمينها

بس كدا ايهاب توفيق وهشام عباس هيعدلوا بأى القديمة :lol: :D :D :lol:

<div class='quotetop'>إقتباس(هند ابراهيم @ Jul 29 2006, 05:16 PM) 172852</div>
ايه يا جماعه فيه ايه
كل الكلام اللى محمد كاتبه فى الاول ده صح
وعلى فكرة شيوخ كبار هم اللى قالوا كده
ان فعلا ال21 اللى هم بيقولو غلط دول لانهم افعال مش اسماء زى فى الحديث
وطبعا فى اسماء احنا منعرفهاش يعنى اسماء الله الحسنى مش 99 بس
بدليل الدعاء اللى الرسول كان بيدعى بيه
اللهم انى اسالك بكل اسم هو لك سميت به نفسك او انزلته فى كتابك او استأثرت به فى علم لغيب عندك .........

وانا عندى كتيب عن الموضوع ده
لو عاوزين اكتبلكم ال99 اسم اكتبهم

والكتيب ده فى كل اسم وعليه دليل من القران او السنه يعنى طبعا كلام مش مشكوك فيه
وان شاء الله قريب هكتبهم
[/b]
كلامك صح يا هند ;)
وفعلا الموضوع ده قديم ومعروف وبتقرير من علماء وشيوخ كبار يعنى مش اى حد عايز يشتهر والكلام ده خاااااالص
ومن هنا كان موضوع اننا منقولش يارب يا ساتر او يا ستار لكن الصح اننا نقول يا ستّير .. وربما يهدينا جميعا للصواب ان شاء الله

وجزاك الله خيرا يا محمد على الموضوع

http://img145.imageshack.us/img145/8337/asmaaallahelhosnaur1.jpg

http://img157.imageshack.us/img157/9591/asmaaallahelhosna2br6.jpg

ياجماعة أنا حاسس بنبرة سخرية فى موضوع جد جدا
الموضوع مش قدام وجداد
الموضوع صحيحة ثابتة ولا لأ
اللىمايعرفش فيكم أحسن مايتكلمش
ده موضوع يخص العقيدة
اللى عايز يعرف يخش على الرابط ده
بس يقرا بتمعن وفهم
أسماء الله الصحيحة والثابتة (http://www.asmaullah.com)

وكون الفعل مش من أسماء الله ده مينفيش المعنى فى حق الله
بس أسماء الله ليها أصول
ولازم ربنا هو اللى يذكرهالنا مش إحنا اللى نشتقها
مرة تانية وبشكل تانى
من أفتى بغير علم فقد ضل وأضل

اوكشن يا دكتور عبد اللطيف بس فيه حاجا يا حبي


انا هقولك يعني مفيش غير ال 99 اسم دول ما انتا ممكن تطلع كتير ولا انتا موش معايا في دي ؟

وهما اكثر من 99 ودا واضح من حديث الرسول صلى الله عليه وسلم


انا موش بتريا انا بتكلم بجد حاجا زي دي فاتت على ناس قمة زي الامام محمد عبده والشعراوي وناس تانيه كتير وليه متغيرتش غير في الوقت الحالي بس كويس انها اتغيرت وانا هتن طول عمري مؤمن بالاسماء الخاطئة والصحيحة واللي ممكن يستبطها عقل اي انسان وتكون صح وفيها وصف لربنا

ومننساش ان الله وحده له صفة الكمال يعني اي اسم جميل هو اسم من اسماء الله الحسنى

أولا خش على الموقع الأول
ثانيا العلماء عارفين أن الأسماء ال99 اللى أحنا حافظينهم إجتهاد من واحد اسمه الوليد بن مسلم
وفيه أكتر من إجتهاد بس ده هو المشهور
ثالثا معانى الكمال كلها صحيحة فى حق الله لكن عشان تبقى من الأسماء الحسنى لازملها شروط

وبعدين شكلك ماشفتش الجزء الثانى من الحلقة وده كان مهم جدا

لالالالالالالالالالالالالالالالالالالالالالا انا شوفت الحلقة كلها يا حبي وانا عارف ان الراجل الرضواني دا كلامه صح بس برضو عادي بأى

لاتعلق

سبحان الله

ههههههههه
اعمل ايه غير انى اضحك على خيبة الشيوخ العرب
انت جيت على دى بس يا محمد فى حاجات كتييييييييييير مش اسماء الله الحسنى بس
كل واحد عايز يتشهر بالفتوة المتخلفة بتاعته
اذا كان حصل موقف والله مافيش اغرب منه
بتاع البصل مفيش حد بيشترى منه بصل فى وسط السوق قال حديث عن الرسول
ههههههههه
اذا اكلتم فابصلوا
وقال بقى رواه مش عارف مين ابن مين والحجة ام صباح وتيته وجده والقناة السابعة
والناس اقتنعت وراحت تشترى
اقول ايه بس
لا حول ولا قوة الا الله :(
كل الفتاوى دى بتطلع علشان سبب واحد بس ضعف ايمانا بالله
ويا ريت حد بقى يعارضنى فى دى
كل اللى بيحصل ده نقول عليه مش معقول ايه اللى بيحصل ده
طيب متشوفوا نقص ايمانكم يا مسلمين
خلاص بقى شكرا
لانى لو اعدت اتكلم هغلط كتير

معلش طولت عليكم

سلام

يا جماعه انتوا بتهزروا وبتضحكوا؟؟!!!

الكلام ده فعلا صحيح ..

فى فرق بين الافعال والاوصاف اللى احنا عارفينها وبين اسماء الله الحسنى الثابتة فى الكتاب والسنة!!

وربنا يرشدنا للصواب

السلام عليكم ورحمة الله وبركاته
هذا بحث منقول يفيد أن أسماء الله الحسنى التى كلنا نحفظها عن ظهر قلب ليست كلها ممن ثبتت في الكتاب و السنة فالرسول صلي الله عليه وسلم قال ان لله 99 اسما لكنه لم يسردها !!
وسردها كان اجتهادا من العلماء
لذا تابعوا هذا البحث المفيد !!

المصدر :أسماء الله الحسنى

=======

لم يصح عن النبي صلى الله عليه وسلم تعيين الأسماء الحسنى ، قال ابن تيمية : ( لم يرد في تعيينها حديث صحيح عن النبي صلى الله عليه وسلم ، وأشهر ما عند الناس فيها حديث الترمذي الذي رواه الوليد بن مسلم عن شعيب عن أبي حمزة ، وحفاظ أهل الحديث يقولون هذه الزيادة مما جمعه الوليد بن مسلم عن شيوخه من أهل الحديث ، وفيها حديث ثان أضعف من هذا رواه ابن ماجه ، وقد روي في عددها غير هذين النوعين من جمع بعض السلف ) .

وقال ابن الوزير اليماني : ( تمييز التسعة والتسعين يحتاج إلى نص متفق على صحته أو توفيق رباني ، وقد عدم النص المتفق على صحته في تعيينها ، فينبغي في تعيين ما تعين منها الرجوع إلى ما ورد في كتاب الله بنصه أو ما ورد في المتفق على صحته من الحديث ).
واليكم حوار بين ابو الحسن الاشعري والشيخ الجبائي بخصوص تسمية الله عز وجل بالحكيم

أسماء الله الحسنى توقيفية لا مجال للعقل فيها :

يجب الوقوف على ما جاء نصا في الكتاب والسنة بذكر الاسم دون زيادة أو نقصان ؛ لأن أسماء الله الحسنى توقيفية لا مجال للعقل فيها ، فالعقل لا يمكنه بمفرده أن يتعرف على أسماء الله التي تليق بجلاله ، ولا يمكنه إدراك ما يستحقه الرب من صفات الكمال والجمال ، فتسمية رب العزة والجلال بما لم يسم به نفسه قول على الله بلا علم ، قال تعالى : ( وَلا تَقْفُ مَا لَيْسَ لَكَ بِهِ عِلْمٌ إِنَّ السَّمْعَ وَالْبَصَرَ وَالْفُؤَادَ كُلُّ أُولَئِكَ كَانَ عَنْهُ مسئولا ) [الإسراء:36] .

وقد اشتهرت في ذلك مناظرة بين أبي الحسن الأشعري وشيخه أبي على الجبائي عندما دخل عليهما رجل يسأل : هل يجوز أن يسمى الله تعالى عاقلا ؟ فقال أبو علي الجبائي : لا يجوز ، لأن العقل مشتق من العقال وهو المانع ، والمنع في حق الله محال فامتنع الإطلاق ، فقال له أبو الحسن الأشعري : فعلى قياسك لا يسمى الله سبحانه حكيما ، لأن هذا الاسم مشتق من حكمة اللجام وهي الحديدة المانعة للدابة عن الخروج ، ويشهد لذلك قول حسان بن ثابت رضي الله عنه :

فنحكم بالقوافي من هجانا : ونضربُ حين تختلط الدماء
والمعنى : نمنع بالقوافي من هجانا ، فإذا كان اللفظ مشتقا من المنع والمنع على الله محال ؛ لزمك أن تمنع إطلاق حكيم على الله تعالى ، فلم يجب الجبائي إلا أنه قال للأشعري : فلم منعت أنت أن يسمى الله عاقلا وأجزت أن يسمى حكيما ؟ قال الأشعري : لأن طريقي في مأخذ أسماء الله الإذن الشرعي دون القياس اللغوي ، فأطلقت حكيما لأن الشرع أطلقه ومنعت عاقلا لأن الشرع منعه ولو أطلقه الشرع لأطلقته.

ترتيب الأسماء الحسنى مسألة اجتهادية راعينا في معظمها ترتيب اقتران الأسماء بورودها في الآيات مع تقارب الألفاظ على قدر المستطاع ليسهل حفظها بأدلتها ، والأمر في ذلك متروك للمسلم وطريقته في حفظها .

الرَّحْمَنُ الرَّحِيمُ المَلِكُ القُدُّوسُ السَّلامُ المُؤْمِنُ المُهَيْمِنُ العَزِيزُ الجَبَّارُ المُتَكَبِّرُ الخَالِقُ البَارِئُ المُصَوِّرُ الأَوَّلُ الآخِرُ الظَّاهِرُ البَاطِنُ السَّمِيعُ البَصِيرُ المَوْلَى النَّصِيرُ العَفُوُّ القَدِيرُُ اللَّطِيفُ الخَبِيرُ الوِتْرُ الجَمِيلُ الحَيِيُّ السِّتيرُ الكَبِيرُ المُتَعَالُ الوَاحِدُ القَهَّارُ الحَقُّ المُبِينُ القَوِيُِّ المَتِينُ الحَيُّ القَيُّومُ العَلِيُّ العَظِيمُ الشَّكُورُ الحَلِيمُ الوَاسِعُ العَلِيمُ التَّوابُ الحَكِيمُ الغَنِيُّ الكَرِيمُ الأَحَدُ الصَّمَدُ القَرِيبُ المُجيبُ الغَفُورُ الوَدودُ الوَلِيُّ الحَميدُ الحَفيظُ المَجيدُ الفَتَّاحُ الشَّهيدُ المُقَدِّمُ المُؤخِّرُ المَلِيكُ المُقْتَدِرْ المُسَعِّرُ القَابِضُ البَاسِطُ الرَّازِقُ القَاهِرُ الديَّانُ الشَّاكِرُ المَنانَّ القَادِرُ الخَلاَّقُ المَالِكُ الرَّزَّاقُ الوَكيلُ الرَّقيبُ المُحْسِنُ الحَسيبُ الشَّافِي الرِّفيقُ المُعْطي المُقيتُ السَّيِّدُ الطَّيِّبُ الحَكَمُ الأَكْرَمُ البَرُّ الغَفَّارُ الرَّءوفُ الوَهَّابُ الجَوَادُ السُّبوحُ الوَارِثُ الرَّبُّ الأعْلى الإِلَهُ .
الادلة من الكتاب التي تفيد ثبوت تلك الاسماء عن غيرها

الأسماء الحسنى الثابتة في الكتاب والسنة بأدلتها مختصرة

الرَّحْمَنُ الرَّحِيمُ : ( تَنْزِيلٌ مِنَ الرَّحْمَنِ الرَّحِيمِ ) (فصلت:2) الْمَلِك الْقُدُّوسُ السَّلامُ الْمُؤْمِنُ الْمُهَيْمِنُ الْعَزِيزُ الْجَبَّارُ الْمُتَكَبِّرُ : ( هُوَ اللَّهُ الَّذِي لا إِلَهَ إِلا هُوَ الْمَلِكُ الْقُدُّوسُ السَّلامُ الْمُؤْمِنُ الْمُهَيْمِنُ الْعَزِيزُ الْجَبَّارُ الْمُتَكَبِّرُ سُبْحَانَ اللَّهِ عَمَّا يُشْرِكُونَ ) (الحشر:23) ، الْخَالِقُ الْبَارِئُ الْمُصَوِّرُ : ( هُوَ اللَّهُ الْخَالِقُ الْبَارِئُ الْمُصَوِّرُ لَهُ الأَسْمَاءُ الْحُسْنَى ) (الحشر:24) ، الأَوَّلُ الآخِرُ الظَّاهِرُ الْبَاطِنُ : ( هُوَ الأَوَّلُ وَالآخِرُ وَالظَّاهِرُ وَالْبَاطِنُ وَهُوَ بِكُلِّ شَيْءٍ عَلِيمٌ ) (الحديد:3) ، السَّمِيعُ الْبَصِيرُ : ( لَيْسَ كَمِثْلِهِ شَيْءٌ وَهُوَ السَّمِيعُ الْبَصِيرُ ) (الشورى:11) ، الْمَوْلَى النَّصِيرُ : ( فَنِعْمَ الْمَوْلَى وَنِعْمَ النَّصِيرُ ) (الحج: 78) ، العفو الْقَدِيرُُ : ( فَإِنَّ اللَّهَ كَانَ عَفُوّاً قَدِيراً ) (النساء:149) ، اللطيف الْخَبِير : ( وَهُوَ اللَّطِيفُ الْخَبِيرُ ) (الأنعام:103) ، الوِتْر حديث: (وَإِنَّ اللَّهَ وِتْرٌ يُحِبُّ الْوِتْرَ) (صحيح :خ م) ، الجَمِيلُ حديث: (إِنَّ اللَّهَ جَمِيلٌ يُحِبُّ الْجَمَالَ) (صحيح :م) ، الْحَيِيُّ السِّتِير حديث: (إِنَّ اللَّهَ عَزَّ وَجَلَّ حَيِىٌّ سِتِّيرٌ يُحِبُّ الْحَيَاءَ وَالسَّتْرَ) (صحيح :د ن) ، الْكَبِيرُ الْمُتَعَالَ : ( عَالِمُ الْغَيْبِ وَالشَّهَادَةِ الْكَبِيرُ الْمُتَعَالِ ) (الرعد:9) الْوَاحِدُ الْقَهَّارُ : ( وَبَرَزُوا لِلَّهِ الْوَاحِدِ الْقَهَّارِ ) (إبراهيم:48) الْحَقُّ الْمُبِينُ : ( وَيَعْلَمُونَ أَنَّ اللَّهَ هُوَ الْحَقُّ الْمُبِينُ ) (النور:25) الْقُوَّيُِّ الْمَتِينُ : ( وَهُوَ الْقَوِيُّ الْعَزِيزُ ) (الشورى:19) ( إِنَّ اللَّهَ هُوَ الرَّزَّاقُ ذُو الْقُوَّةِ الْمَتِينُ ) (الذاريات:58) ، الْحَيُّ الْقَيُّومُ الْعَلِيُّ الْعَظِيمُ : ( اللَّهُ لا إِلَهَ إِلا هُوَ الْحَيُّ الْقَيُّومُ ) ( وَلا يَؤُودُهُ حِفْظُهُمَا وَهُوَ الْعَلِيُّ الْعَظِيمُ ) (البقرة:255) ، الشَّكُورُ الحليم : ( وَاللَّهُ شَكُورٌ حَلِيمٌ ) (التغابن:17) ، الْوَاسِعُ العليم : ( إِنَّ اللَّهَ وَاسِعٌ عَلِيمٌ ) (البقرة:115) ، التواب الحكيم : ( وَأَنَّ اللَّهَ تَوَّابٌ حَكِيمٌ ) (النور:10) الْغَنِيُّ الكريم : ( وَمَنْ كَفَرَ فَإِنَّ رَبِّي غَنِيٌّ كَرِيمٌ ) (النمل:40) الأَحَدُ الصَّمَدُ : ( قُلْ هُوَ اللَّهُ أَحَدٌ اللَّهُ الصَّمَدُ ) (الإخلاص:2) القريب المجيب : ( إِنَّ رَبِّي قَرِيبٌ مُجِيبٌ ) (هود:61) ، الْغَفُورُ الودود : ( وَهُوَ الْغَفُورُ الْوَدُودُ ) (البروج:14) ، الولي الحميد : (وَهُوَ الْوَلِيُّ الْحَمِيدُ) (الشورى:28) الحفيظ المجيد : ( وَرَبُّكَ عَلَى كُلِّ شَيْءٍ حَفِيظٌ ) (سبأ:21) ( ذُو الْعَرْشِ الْمَجِيدُ ) (البروج:15) ، الفتاح : ( وَهُوَ الْفَتَّاحُ الْعَلِيمُ ) (سبأ:26) ، الشهيد : ( إِنَّ اللَّهَ عَلَى كُلِّ شَيْءٍ شَهِيدٌ ) (الحج:17) ، المقدم المؤخر حديث: (أَنْتَ الْمُقَدِّمُ وَأَنْتَ الْمُؤَخِّرُ) (صحيح :خ) الْمَلِيكُ الْمُقْتَدِرْ : ( فِي مَقْعَدِ صِدْقٍ عِنْدَ مَلِيكٍ مُقْتَدِرٍ ) (القمر:55) ، المسعر القابض الباسط الرَّازِقُ حديث: (إِنَّ اللَّهَ هُوَ الْمُسَعِّرُ الْقَابِضُ الْبَاسِطُ الرَّازِقُ) (صحيح :د) الْقَاهِر : ( وَهُوَ الْقَاهِرُ فَوْقَ عِبَادِهِ ) (الأنعام:18) ، الدَّيَّانُ حديث: (يَحْشُرُ اللَّهُ الْعِبَادَ فَيُنَادِيهِمْ .. أَنَا الْمَلِكُ أَنَا الدَّيَّانُ) (صحيح خ) الشَّاكِرُ : ( وَمَنْ تَطَوَّعَ خَيْراً فَإِنَّ اللَّهَ شَاكِرٌ عَلِيمٌ ) (البقرة:158) الْمَنانَّ حديث : (لاَ إِلَهَ إِلاَّ أَنْتَ الْمَنَّانُ) (صحيح :د) ، الْقَادِرُ : ( فَقَدَرْنَا فَنِعْمَ الْقَادِرُونَ ) (المرسلات:23) الْخَلاقُ : ( إِنَّ رَبَّكَ هُوَ الْخَلاقُ الْعَلِيمُ ) (الحجر:86) ، الْمَالِكُ حديث: (لاَ مَالِكَ إِلاَّ اللَّهُ عَزَّ وَجَلَّ) (صحيح :خ) ، الرَّزَّاقُ : ( إِنَّ اللَّهَ هُوَ الرَّزَّاقُ ذُو الْقُوَّةِ الْمَتِينُ ) (الذاريات:58) الوكيل : ( وَقَالُوا حَسْبُنَا اللَّهُ وَنِعْمَ الْوَكِيلُ ) (آل عمران:173) ، الرقيب : ( وَكَانَ اللَّهُ عَلَى كُلِّ شَيْءٍ رَقِيباً ) (الأحزاب:52) ، المحسن حديث: (إن الله محسن يحب الإحسان) (صحيح:طب) ، الحسيب : ( إِنَّ اللَّهَ كَانَ عَلَى كُلِّ شَيْءٍ حَسِيباً ) (النساء:86) ، الشافي حديث: (اشْفِ أَنْتَ الشَّافِي) (صحيح :خ) ، الرفيق حديث: (إِنَّ اللَّهَ رَفِيقٌ يُحِبُّ الرِّفْقَ فِي الأَمْرِ كُلِّهِ) (صحيح :خ م) ، المعطي حديث: (وَاللَّهُ الْمُعْطِى وَأَنَا الْقَاسِمُ) ، المقيت : ( وَكَانَ اللَّهُ عَلَى كُلِّ شَيْءٍ مُقِيتاً ) (النساء:85) ، السَّيِّدُ حديث: : (السَّيِّدُ اللَّهُ تَبَارَكَ وَتَعَالَى) (صحيح :د) ، الطيب حديث: (إِنَّ اللَّهَ طَيِّبٌ لاَ يَقْبَلُ إِلاَّ طَيِّبًا) (صحيح :خ) ، الحكم حديث: (إِنَّ اللَّهَ هُوَ الْحَكَمُ وَإِلَيْهِ الْحُكْمُ) (صحيح :د) ، الأكرم : ( اقْرَأْ وَرَبُّكَ الأَكْرَمُ ) (العلق:3) البر : ( إِنَّهُ هُوَ الْبَرُّ الرَّحِيمُ ) (الطور:28) الْغَفَّارِ : ( رَبُّ السَّمَاوَاتِ وَالأَرْضِ وَمَا بَيْنَهُمَا الْعَزِيزُ الْغَفَّارُ ) (صّ:66) ، الرءوف : ( وَأَنَّ اللهَ رَءوفٌ رَحِيم ٌ) (النور20) ، الوهاب : ( أَمْ عِنْدَهُمْ خَزَائِنُ رَحْمَةِ رَبِّكَ الْعَزِيزِ الْوَهَّابِ ) (صّ:9) ، الجواد حديث: (إِنَّ اللَّهَ جَوَادٌ يُحِبُّ الْجُودَ) (صحيح:حل) ، السبوح : حديث: (سُبُّوحٌ قُدُّوسٌ رَبُّ الْمَلاَئِكَةِ وَالرُّوحِ) (صحيح :م) الْوَارِثِ : ( وَإِنَّا لَنَحْنُ نُحْيِي وَنُمِيتُ وَنَحْنُ الْوَارِثُونَ ) (الحجر:23) الرب : (بَلْدَةٌ طَيِّبَةٌ وَرَبٌّ غَفُورٌ ) (سبأ:15) الأعلى : ( سَبِّحِ اسْمَ رَبِّكَ الأَعْلَى ) (الأعلى:1) ، الإله : ( وَإِلَهُكُمْ إِلَهٌ وَاحِدٌ لا إِلَهَ إِلا هُوَ الرَّحْمَنُ الرَّحِيمُ ) (البقرة:163) .











محمد بعد دة متتعصبش في أمور الدين تمهل يا محمد ومتظلمش حد وابحث عن الموضوع وادرس ابعاده لأننا لسنا علماء فلندع علمائنا الذين يتحدثون لا نحن

جزاك الله خير يا استاذ زيزو على التوضيح...وعل المجهود الكبير

الاسماء اللى حضرتك كاتبه بدلاتها من القرأن الكريم ...تقريبا كاام اسم...؟؟؟

معديتش يا بسملة والله
بس دول اللي علماء كتير أجمعوا عليهم

جزاك الله خيرا استاذ زيزو على مجهودك

المعروف ان اسماء الله الحسنى 99 اسم

ومش هينغيروا وكان لزم يا اخى مش تنزل ا لموضوع ده هنا علشان هناك نفوس ضعفاء تصدقه وكدا هيشد الجدال على حاجه الكل يعرفها ولا جدال فيها

وشكرالك

اختك: رنا

على رأى اسلام رشوان

(معلش يا محمد
اصل دلوقتي اللي عايز يتشهر
يا يحلم بالرسول صل الله عليه و سلم و يوزع ورق علي الناس
يا يسرق فلوس و يهرب بيها )

<div class='quotetop'>إقتباس(أحمد2025 @ Aug 20 2006, 02:32 PM) 195881</div>
على رأى اسلام رشوان

(معلش يا محمد
اصل دلوقتي اللي عايز يتشهر
يا يحلم بالرسول صل الله عليه و سلم و يوزع ورق علي الناس
يا يسرق فلوس و يهرب بيها )
[/b]


ممكن نفهم يعني ايه كلامك ده وايه اعتراضك على آراء العلماء

انا مش فاهمة ليه يا جماعه واخدين الموضوع على انه تهريج او ان اى حد يطلع يقول كلام عشان يشتهر ؟؟

طيب الاسماء اللى احنا نعرفها من زماااان دى عرفنها بطريق مباشر من القرآن او السنة ؟؟

ولا جمعها ده كان اجتهاد من العلماء اللى برده لما بحثوا وتبحروا اكثر عرفوا الاسماء الصحيه الثابته؟؟

!!!

الله اعلم وع العموم احنا مبنفتيش ولا نقول كلام من دماغنا ده كلام علماء

"واسألوا اهل الذكر ان كنتم لا تعلمون "

انا مش هقول الا كلمة واحدة الله سبحانه وتعالى يمتاز بصفة الكمال فاي اسم يعتبر من اسماء الله الحسنى واي صفة جميلة محبوبة فهي لله عز وجل وشكرا
و


وانا يا اخت مراميرو مش بهرج بس بقول ان طريقة عرضهم خطأ للاسماء الجديدة انهم اعترضوا على القديم بحجة انها افعال ومسكوا في كلمة اسماء

لا كلامك صح يا محمد انا مقلتش حاجة ،، لكن فى ناس واخده الموضوع بتهريج زياده عن اللازم بصراحه

انا مش هضيف اكتر من الى فات
شكرا محمد على الموضوع
وشكرا اساذ زيزو عن البحث
بس فيه حديث عن الرسول صلى الله عليه وسلم بيقول
( ان لله تسع وتسعون اسم من احصاها د دخل الجنه )
صدق رسول الله صلى الله عاليه وسلم

السلام عليكم ورحمة الله وبركاته
اولا جزاكم الله كل خير اخواتى الكرام انا بس احب اقولكم حاجه اولا للعلم انا مقراتش البحث بتاع الاخ عبد العظيم ولا دخلت على وصلات ولا اى حاجه لان الموضوع بسيط جدا اخى محمد انته سمعت الموضوع كله واخت بالك من الكلام كله انا اولا مسمعتهوش واول مره اعرف من حضرتك دى حاجه وتانى حاجه تفسير كل الكلام النتم قاعدين جزء بيضحك والجزء الاخر بيتكلم جد والجزء الاكبر مش فاهم حاجه اولا اخى انظر الى الاسماء الحضرتك جايبها حتلقيها هيه النطق الصحيح للاسماء الموجوده يعنى مفيش اختلاف يعنى مثلا واحد بيقول الستار وهيه اصلا مسمهاش كده اسمه الستير مش الستار وكذالك باقى الاسماء الحضرتك جايبهم يعنى مفيش اى وجه اختلاف انما الاختلاف مننا احنا للاننا بننطقهم غلط وبل تالى بيتفهمو غلط يا رب اكون وصلتلكم الفكره او يا رب يكون حد فهم منى حاجه

حبي اقرا الاسامي كلها ويعني انتا راجل من الاخوان المفروض تعرف بكدا قبلي سلام يا لورد

السلام عليكم ورحمة الله وبركاته
اخى محمد هيه فين الكلمات الحضرتك بتقول عليها وتانى حاجه يعنى ايه انا راجل من الاخوان والمفروض انى اكون عارف قبلك ليه يعنى هوه انا مش راجل عادى برضه زى اى حد ولا ايه يعنى بغلط زى اى حد لاننا بشر ولسنا معصومين من الاخطاء وياريت توضح كلامك شويه

يعني انتم من يتكلم باسم الدين فكيف لا تعلمووووووون بذلك وشوف والله االاسامي الجديدة ال 21 اسم الخاطئ او اللي ملوش سند الا بفعل والجداد تفضل ناس كتير ونزلتهم وانا لا اهنتك ولا حاجا بس الموضوع دا من زمان قوي قبل ما اكتب عنه بشهر واكتر وع فكرة دا اتعلن بعد موافقة جمهور علماء وعدد كبير منهم سلام

السلام عليكم ورحمة الله وبركاته
اخى محمد انا برضه حقولهالك انا بشر يعنى ما تقول كده انى افضل انى اقراء كل كتب السيره وكل كتب الحديث ما افضل باه وكل كتب الدنيا التى تتحدث عن الدين اخى لاخر مره حقولهالك انا بشر واعتقد ان مفيش حد يعمل الكلام الحضرتك بتقوله ده يعنى مش علشان انا واحد بتحدث فى الدين وليس باسم الدين انى اقراء كل كتب الدين ولا ايه لو حد يقدر ولو حد عملها قبل كده يا ريت تقولى

هههههههههههههه طيب اعصابك بس يا عمي ولا يهمك واديك عرفت ورينا وجهة نظرك بأى في الكلام دا

السلام عليكم ورحمة الله وبركاتخ
اخى محمد ياريت يا اخى تبعت الموضوع يعنى تكتب 21 اسم يا ريت علشان اقدر اولك رائى بلظبط

محمد انا اول مره اسمع الموضوع منك
وموضوع زى ده اعتقد انه كان هينزل بفتوى
يا ريت لو فيه فتوى اوى حاجه موثقه توريهالنا ؟

وليه اى واحد يتبع الاخوان
معظم اعضاء المنتدى بيهاجموه
هو حرا م؟

اخواني نزلوا في الصفحة الاولى بواسطة الاخت مراميرو والاخ الشاعر الصامت

انا قاصدى على ال 21 اسم الغلط
او الى مش موجودين
لايه دار الافتاء ما نزلتشى فتوى وفرقتها على الجوامع
ويا ريت لو عندك انت اى حاجه تثبت الى انت بتقوله
ياريت توريهالينا

حبي كله في الصفحة الاولى للشاعر الصامت ادخل اللينك اللي وضعه وشكرا

السلام عليكم و رحمة الله و بركاته...
فى دعاء مأثور عن الرسول صلى الله عليه و سلم أعتقد أنه دعاء صاحب الكرب و يبدا
( اللهم إنى اسألك بكل اسم هو لك سميت به نفسك او أنزلته فى كتابك او اعلمته احد من خلقك أو اسـأثرت به فى علم الغيب عندك أن .....)
معنى الدعاء دة إن لله اسماء لا نعرفها و لن نعرفها و لا يعرفها أحد إلا الله سبحانه وتعالى

الاسماء 99 وتسعون اسماء ولا يوجو فيهم اى تغير
اما بالنسبه للموقع الذى ذكره الشاع الصامت فيقول
أولا : رواية الترمذي في جامعه :

قال الإمام الترمذي : حدثنا إبْرَاهيمُ بنُ يَعْقُوب الجوزجاني ، أَخبرنا صَفْوَانُ بنُ صَالِح ، أخبرنا الوَلِيدُ بنُ مُسْلِمٍ ، أخبرنا شُعَيْبُ بنُ أبي حَمْزَةَ ، عَن أبي الزِّنَادِ ، عَن الأَعْرَجِ عَن أبِي هُرَيْرَةَ رضي الله عنه قَالَ : قَالَ رَسُولُ الله r: إنَّ لله تِسْعَةً وتِسْعِينَ اسْماً مِائَةً غيرَ وَاحِدَةٍ مَنْ أَحْصَاها دَخَلَ الجَنَّة ، هُوَ الله الَّذِي لا إلَهَ إلاّ هُوَ الرَّحمنُ الرَّحيمُ المَلِك القُدُّوسُ السَّلاَمُ المُؤْمِنُ المُهَيمِنُ العَزِيزُ الجَبَّارُ المُتَكَبِّر الخَالِقُ البَارِىءُ المُصَوِّرُ الغَفَّارُ القَهَّارُ الوَهَّابُ الرَّزَّاقُ الفتَّاحُ العَلِيمُ القَابِضُ البَاسِطُ الخافضُ الرَّافِعُ المعزُّ المذِل السَّمِيعُ البَصِيرُ الحَكَمُ العَدْلُ اللّطِيفُ الخَبِيرُ الحَلِيمُ العَظِيمُ الغَفُورُ الشَّكُورُ العَلِيُّ الكَبِيرُ الحَفِيظُ المُقِيتُ الحَسِيبُ الجَلِيلُ الكَرِيمُ الرَّقِيبُ المُجِيبُ الْوَاسِعُ الحَكِيمُ الوَدُودُ المَجِيدُ البَاعِثُ الشَّهِيدُ الحَق الوَكِيلُ القَوِيُّ المَتِينُ الوَلِيُّ الحَمِيدُ المُحْصِي المُبْدِيءُ المُعِيدُ المُحْيِي المُمِيتُ الحَيُّ القَيُّومُ الوَاجِدُ المَاجِدُ الوَاحِدُ الصَّمَدُ القَادِرُ المُقْتَدِرُ المُقَدِّمُ المُؤَخِّرُ الأوَّلُ الآخِرُ الظَّاهِرُ البَاطِنُ الوَالِي المُتَعَالِي البَرُّ التَّوَّابُ المنتَقِمُ العَفُوُّ الرَّؤُوف مَالِكُ المُلْكِ ذُو الجَلاَلِ وَالإكْرَامِ المُقْسِط الجَامِعُ الغَنِيُّ المُغْنِي المَانِعُ الضَّارُّ النَّافِعُ النُّورُ الهَادِي البَدِيعُ البَاقِي الوَارِثُ الرَّشِيدُ الصَّبُور .

بداية من قول الراوي في الحديث هُوَ الله الَّذِي لا إلَهَ إلاّ هُوَ إلى آخر الحديث ليس من كلام النبي صلى الله عليه وسلم ، وإنما هي أسماء من جمع الراوي وإدراجه لها في الحديث ولذلك فإن فيها ما ثبت وما لم يثبت ، وفيها ما لا ينطبق عليه شروط الإحصاء وبيان ذلك كالتالي :

أولا : عدد الأسماء الواردة في هذا الحديث تسعة وتسعون اسما على اعتبار أن لفظ الجلالة ضمن الأسماء ، والأسماء الحسنى التي ثبتت بنص الكتاب والسنة في هذا الحديث عددها سبعون اسما هي مع لفظ الجلالة : الرحمن الرحيم الملك القدوس السلام المؤمن المهيمن العزيز الجبار المتكبر الخالق البارئ المصور الغفار القهار الوهاب الرزاق الفتاح العليم القابض الباسط السميع البصير الحكم اللطيف الخبير الحليم العظيم الغفور الشكور العلي الكبير الحفيظ المقيت الحسيب الكريم الرقيب المجيب الواسع الحكيم الودود المجيد الشهيد الحق الوكيل القوي المتين الولي الحميد الحي القيوم الواحد الصمد القادر المقتدر المقدم المؤخر الأول الآخر الظاهر الباطن المتعالي البر التواب العفو الرءوف المالك الغني الوارث .

ثانيا : أما الأسماء التي لم تثبت أو توافق شروط الإحصاء فعددها تسعة وعشرون اسما وهي الخافضُ الرَّافِعُ المعزُّ المذِل العَدْلُ الجَلِيلُ البَاعِثُ المُحْصِي المُبْدِيءُ المُعِيدُ المُحْيِي المُمِيتُ الوَاجِدُ المَاجِدُ الوَالِي المنتَقِمُ ذُو الجَلاَلِ وَالإكْرَامِ المُقْسِط الجَامِعُ المُغْنِي المَانِعُ الضَّارُّ النَّافِعُ النُّورُ الهَادِي البَدِيعُ البَاقِي الرَّشِيدُ الصَّبُور
لم اجد كل هذا فى صحيح مسلم فى ال16 مجلد

مممممممممممممممممممم
والله
من قال لا اعلم فقدد افتي
العلماء من المؤكد ان هما مش بيقولوا كلام وخلاص
يعني اكيد اي حاجة يقروا بيها بتبقي مسنودة علي كتب ودلائل وعلم
ولو بصينا علي اي اسم من ال21 اسم هنلاقي ان كلها كلام صحيح
يعني زي ما اخونا محمد قال(الجميل) الله جميل يحب الجمال
الستير دي صيغة مبالغة من الفعل ستر زي الستار والله ستار علي عباده
اسماء تانية زي (الحنان ) و(المنان) اللي بنقولها في دعاء رمضان مش موجودة من ضمن الاسماء
الله اعلمان كان الكلام اللي العلماء قالوه صح ولا غلط
بس اهم حاجة ان الاسماء الجديدة فعلا اسماء كريمة
شكرا محمد علي الموضوع