مشاهدة النسخة كاملة : ماذا تفعل عندما تتغير معاملة شخص غالى عليك ؟؟
MoHaMeD ELsHeRbEnY 31-03-2009, 03:12 AM بسم الله الرحمن الرحيم
السلام عليكم ورحمة الله وبركاتة
ماذا تفعل عندمـــا تتغيــر معاملة شخص غالي عليــك .. ممكن يكون هذا الشخص صديق أو أحد أقاربك او حبيب رجل أو امرأة
فجأة تتغير معاملته معك..وبدون أي سبب.. فأنت لم ترتكب معه أي غلط ولم تجرحه حتى تقول لنفسك انه غير معاملته حتى يحسسك بالذنب
إذا كلمتــه يرد عليـــك بقسوة ..وعدم اهتمام..
وإذا سألته عن فى ايه .. ايه السبب...يرد عليك ويقول مافيش حاجه .. بدون اى اهتمام..
تحاول تقترب منه..وهو يبعد عنــــك..
وإذا جيت أنت وسألته عن حاجه يرد عليك..بأسلوب يضايقك..ويقولك مافيش حاجه..وفجأة تلقاه يحكي مع واحد من الأصدقاء عن الحاجه الذي سألت عنه أنت ...تحس كده انو مش عاوز يقولك ..
والمشكلة اللي اكبــــــر من ده كلّه..إذا كانت علاقتك أنت وهو قويــــه..أكثر من الشخص اللي يحكي له ويبوح له بالموضوع ..
وأشياء وتصبح أحداث..وأنت آخــــر من يعلم..والمفروض أنت قبل كل الناس تعرف..
...
ومع هذا أنت بتعامله بنفس المعامله اللى الاوله وعمرك ما غيرت المعامله ... ومازلت تعتبر فيه شخص عزيز وغالي ...
في هذا الوقت
تحــــس انك وحيد بالدنيا..ومافيش حد فيها...تحــس كل الناس بيكرهوك..حتى تكره نفسك..
تشــوف الدنيــا بعيــــنك كلـــها ظلام..مفيش ولا نور خفيــف..
تحــــس انك عامل جريمة رغم انك..ما عمرك غلطت فيه..
تحــــس انك غلطـــان رغم انك..ما عمرك جرحته,,
ما هو الحل في رأيك
..
تذهب له ...وتقوول له عن اللي فى قلبك..؟؟... ولا تسكــت وتخلـــي همك بقلبك..؟؟؟ ولا اية ؟؟
فى رعاية الله
ما هو الحل في رأيك
..
تذهب له ...وتقوول له عن اللي فى قلبك..؟؟... ولا تسكــت وتخلـــي همك بقلبك..؟؟؟ ولا اية ؟؟
والله يا لورد وانت بتتكلم حسيت انك بتتكلم عليا
الموضوع ده بجد حصل معايا مع اقرب صديقه ليا كانت غاليه عليا اوى ومازالت
برضه اتفاجات انها متغيرة اوى معايا قلت يمكن انا ضايقتها
سالتها قالت لى مفيش
حاولت اقرب منها اكتر لكن برضه فشلت
اتازمت جدااااااااااااااا
ومحاولتش افتح الموضوع تانى لانى حسيت بفتور فظيع بينا كان اكبر بكتير من انى اقولها اى حاجه
وقررت انى ابعد عنها لانى خلصت ضميرى واتاكدت انى مش غلطانه معاها
بس لغاية دلوقتى وانا نفسى اعرف ايه السبب مش عارفه
فانت حاول تعمل تتكلم وتشوف يمكن انت عملت حاجه ضايقت الحد ده
ملقتش سبب مقنع خلاص متحاولش تانى عشان ميكونش من باب الضغط
وربنا معاك
Travel 31-03-2009, 07:38 AM جميل موضوعك يا محمد ولاون حاسة انه ... ... بس ماشى
المهم
بص يا سيد اولا كده انا ناس كتيير اتغيرت معايا بدون اى سبب
عارف نظام انه يعملوا انهم بيحبوك وبيعزوك وانك بالنسبالهم
و(قيمتك) بالنسبالهم ثابتة الى اخره من كده
كل ده بيطلع وهم
مفيش حاجة من دى خالص
حاولت انى احاول اعرف سبب التغيير
ف ناس بتقول مفيش تغيير وعادى وصدقينى الى اخره
ف ناس بتقول حصل كذا وده اللى بفضله اسلوب المواجهة
ف ناس بتكب وتعدى
بس المشكلة اللى بنتكلم عليها ف اللى بيسكتوا ومش بيبينوا
للاسف بقيت احس ان الدنيا مش فيها امان
وبرضوا
بالنسبالى حتة انى اعز حد وابا اتكلم معاه واثق فيه ومش بسهولة انى اثق ف حد
والاقيه بيبعد عنى وبيتغير
دى بتاثر معايا اوى
وبتزيد جوايا عدم ثقتى ف اى حد من البشر
وبرضوا بتزيد عندى نسبة
ان
ثقة = صداقة = تدمير نفسى
صدقن لاقيت ان الحل ف الدنيا دى ان منكنش عاطفيين
اننا نحب ونصاحب بسهولة
ومنثقش ف حد بسهولة . . لانه ميستحقش الثقة دى لو بعد
كفاية كده
سلام
**تسابيح** 31-03-2009, 08:13 AM تذهب له ...وتقوول له عن اللي فى قلبك..؟؟... ولا تسكــت وتخلـــي همك بقلبك..؟؟؟ ولا اية ؟؟
فى رعاية الله
لا طبعا أنا مش من النوع اللي ممكن يتكلم لما حد يجرحه بفضل اقول انا لازم اتكلم بس مش بقدر
ودا حصل مع واحدة صاحبتي بقت تتكلم معايا بطريقة متخلفة وسلوب اكثر تخلف المشكلة انه ادام اصحابنا وكدا عشان كدا كان يضايق
بس انا رحت اخذت موقف جامد منها وبقيت هي عرفت غلطتها وجت اعتذرت لي ورجعنا اكثر من الاول
وللعلم لو هي مكنتش جت وعرفت انا زعلانه منها ليه يبقي اكيد الشخص دا مش بيحبك زي ما انت بتحبه
بس لما يعرف غلطه مش لازم تقلب المواجع وتفتكر هو عمل ايه كفاية بس انه جالك دا في حد ذاته انتصار لك
لان اللي بيحب حد مش بيحبه يزعل
وحد لو زعله في وقت من الاوقات يمكن الشخص الثاني عنده مشاكل لازم احنا نستعمل اللي بنحبه امال بنحبه ازاي لو مش هنستحملهم؟؟
شكرا ع الموضوع
marwa.m 31-03-2009, 08:27 AM بسم الله الرحمن الرحيم
السلام عليكم ورحمة الله وبركاتة
وعليكم السلام ورحمه الله وبركاتة
ماذا تفعل عندمـــا تتغيــر معاملة شخص غالي عليــك .. ممكن يكون هذا الشخص صديق أو أحد أقاربك او حبيب رجل أو امرأة
للاسف معظم صحابى السنادى اتخدعت فيهم طلعوا بتوع يلا نفسى مبقاش فضلى غير شوية صغيرين
فجأة تتغير معاملته معك..وبدون أي سبب.. فأنت لم ترتكب معه أي غلط ولم تجرحه حتى تقول لنفسك انه غير معاملته حتى يحسسك بالذنب
هو فى ناس كدة لما تعملها بكل احترام وتحسسها انهم جزء من حياتك يقلبوا عليك ويفتكروك لعبة بيحركوا فيها
إذا كلمتــه يرد عليـــك بقسوة ..وعدم اهتمام..
وإذا سألته عن فى ايه .. ايه السبب...يرد عليك ويقول مافيش حاجه .. بدون اى اهتمام..
وغير كدة كمان اتصل بصحبتى اسالها على حاجة مليون مرة يتقالى نايمة
واجى اعاتب حد الاقى سورى فى الكلمة يعنى
السان بقى شبرين
تحاول تقترب منه..وهو يبعد عنــــك..
محصلتش معايا دى قوى الى بحس انة مش عايز يكلمنى وانا حاولت اصلح وبردة مفيش فايدة يبقى ملوش لازمة
وإذا جيت أنت وسألته عن حاجه يرد عليك..بأسلوب يضايقك..ويقولك مافيش حاجه..وفجأة تلقاه يحكي مع واحد من الأصدقاء عن الحاجه الذي سألت عنه أنت ...تحس كده انو مش عاوز يقولك ..
كلمة مفيش حاجة هى الكلمة اليومية الى بسمعها نيجى نخرج نروح الدرس
الاقيهم مكتئبين معظمهم اسأل مالكم يقولوا مفيش حاجة وان قالوا يشتغلولى فى الاسطوانة بتاعت المذاكرة
والمشكلة اللي اكبــــــر من ده كلّه..إذا كانت علاقتك أنت وهو قويــــه..أكثر من الشخص اللي يحكي له ويبوح له بالموضوع ..
وأشياء وتصبح أحداث..وأنت آخــــر من يعلم..والمفروض أنت قبل كل الناس تعرف..
والله العظيم لسة حاصلة معايا امبارح
ومن قرايبى كمان
...
ومع هذا أنت بتعامله بنفس المعامله اللى الاوله وعمرك ما غيرت المعامله ... ومازلت تعتبر فيه شخص عزيز وغالي ...
في هذا الوقت
مش عارفة انا كنت الاول بعمل كدة بس لما حسيت ان الموضوع زاد اتغيرت معاهم وبقوا هما الى يقولولى فى اية
تحــــس انك وحيد بالدنيا..ومافيش حد فيها...تحــس كل الناس بيكرهوك..حتى تكره نفسك..
اكتر احساس بحسة اليومين دول بس ربنا يخليلى بابا وماما واخواتى
هما الى ملين عليا حياتى
تشــوف الدنيــا بعيــــنك كلـــها ظلام..مفيش ولا نور خفيــف..
تحــــس انك عامل جريمة رغم انك..ما عمرك غلطت فيه..
تحــــس انك غلطـــان رغم انك..ما عمرك جرحته,,
ما هو الحل في رأيك
..
تذهب له ...وتقوول له عن اللي فى قلبك..؟؟... ولا تسكــت وتخلـــي همك بقلبك..؟؟؟ ولا اية ؟؟
انا بسكت وبصبر بس لما الموضوع يزيد عن حدة مبقدرش وممكن ابوظ الدنيا شرانية بقى تقول اية
ههههههههههه
فى رعاية الله
ماشاء الله الاسلوب اكتر من رائع
وجالى فى وقتة
جزاك الله خير يامحمد
محمود حسن عبدالعال 31-03-2009, 10:42 AM انا مش عارف الوقت ده هاعمل ايه
ايه يا عم محمد البت عطتك فتلة ولا ايه
هههههههه
اوعى تزعل منى انا بهزر
ما هو الحل في رأيك
..
تذهب له ...وتقوول له عن اللي فى قلبك..؟؟... ولا تسكــت وتخلـــي همك بقلبك..؟؟؟ ولا اية ؟؟
على حد كلامك
هو حد مهم اوى بالنسبة لى
وطالما هو كدة
يبقى لازم اروح اقوله على كل اللى شايفاه ده
وعلى حسب الرد بقى
غالبا هايكون متضايق منى بسبب حاجة حصلت والموضوع هايخلص ونرجع زى الاول
او يكون خلاص اتخنق منى وساعتها انا كمان هابطل اهتم بالحد ده
ممدوح مصطفى الانصارى 31-03-2009, 11:06 AM انا أسال اللى معاملته اتغيرت
سؤال : هل انت زعلان منى؟
لو طلع زعلان اشوف سبب زعله .
لو معاه حق اعتذر له فورا .
ولو فاهم حاجة غلط افهمها له برفق .
لو فهم خير وبركة ،ولو مفهمش يبقى
سيبها على الله .
sunsero2000 31-03-2009, 11:06 AM مع السلامه السلامه يا حبيب قلبى
اتغيو ومش عاوز صداقتى هو الخسران
Sharp Nails 31-03-2009, 11:27 AM اها فعلا تمام والله
مش عارفة اقول اية
يمكن انا حصل الموضوع دة معاايا اكتر من مرة
وتقريبا فالوقت الحالى فى عينه من دول
بس انا تقريبا ابتديت افهم كويس ان الناس الى بتتغير دية
كانت مصحبانى وعرفانى لغرض معين
خلص الى هما عيززينه يبقى خلصت الصحوبية الى بنا
بس طول مينفعش الواحد يزعل عليهم
مرة قريت جملة واخدتها مبدأ مع النوع دة مالبشر
لا احد يستحق دموعك ومن يستحقها لا يجعلك تبكى
_GUIDE_ 31-03-2009, 12:13 PM ماذا تفعل عندما تتغير معاملة شخص غالى عليك ؟؟
اغير انا كمان المعاملة
لمى 2016 31-03-2009, 01:25 PM عايز الحق و لا ابن عمه؟
اكيد الحق يعنى
انا لو حد غير معاملته معايا
و لا بعبره اياُ كدان الحد ده مين
لو كان مش عايزة اقول والدى يعنى
بس بجد ايا كان عزيز عليا
و الله و لا هتفرق معايا فى اللحظة دى
مش عارفة ليه
بس هو كده
بجد انا معندييش حد اغلى عليا من نفسى
مش معناها انانية
لاء بس احترامى لذاتى
يخلينى مش اقدر انى استحمل حد بيغير معاملته معايا لاى سبب
و اسكت كده
ايه الموضوع اللى طلعنى شريرة ده
اوركيديا 31-03-2009, 02:43 PM امممممممم
سؤال صعب
بس لو جينا نمسك الكلام بالظبط
و نسال الاول
هو اتغير ليه
اكيد اتغير لسبب مش صحى الصبح قال انا مش عايز اتكلم معاك
و لو فيه نوعيه كده يبقى انت اللى غلطان انك اعتبرته غالى من الاول
و مش تلومه هو
نمسك بقى لو قولنا فيه سبب
حنلاقى ان فيه ناس بتبقى متغيره عشان ظروف هى بتمر بيها
و مش بترضى تتكلم خوفا من انها تحملك حاجه
او عشان هى طبيعتها كده
ايا كان
ده بياثر على اسلوبها مع الكل
و دول نستناهم لغايه ما يرجعوا لطبيعتهم
و بلاش نبقى على راى المثل
احنا و الزمن عليهم
تانى حاجه
ممكن يكون هو زعلان منك لحاجه بس هو شايفاها لازما حاجه كبيره لدرجه انه مش متخيل انك مش عارف انه زعلان
و فى الحاله دى هو بيستنى منك مصالحه
و بيزعل جدا لو مش لقاها جت منك
او زعلان منك عشان حاجه هو شابفها كبيره
بي انت شايفها تافهه
و يخاف يقولك تفتكره تافه و حاجات كده
فى جمله بتقول
كل انسان ليه الفار الخاص بيه
( يعنى الحلم او الحاجه اللى هو شايفها كبيره اوى و الناس شايفاها تافهه اوى )
و فى الحاله دى لا هو حيقولك انه زعلان و انت بطبيعه الحال مش بتبقى عارف اساسا هو زعلان من ايش
و دى بيبقى حلها صعب شويه
نييجى بقى لسؤال حضرتك
تذهب له ...وتقوول له عن اللي فى قلبك..؟؟... ولا تسكــت وتخلـــي همك بقلبك..؟؟؟ ولا اية ؟؟لو انا او اللى حعمله
انا مش بعمل اى حاجه من الاتنين
يعنى لا بسكت و اسيب الهم
و لا بروح اقولها
بنسى
اكبر نعمه ربنا ادهانى قدرتى على النسيان بسرعه اوى الحاجه اللى تزعلنى
بنسى اللى هو عمله و تغييره بل بالعكس بروح انا احاول انى اقرب منها كده و اناغشها شويه
احسسها انى جمبها
و انى لسه عايزاها
مهما هى عملت
بس لو كان التغيير كبير
بروح اقولها ايه اللى حصل
و بتفاهم معاها و لو مش رضيت تتكلم بردو افضل معاها نتكلم فى اى حاجه
و اضحك و اهزر و اخليها تضحك معايا
كده بنرجع الروح الانسانيه للعلاقه اللى بينا
و طبيعى بعد شويه حتقولى حصل كيت و كيت و كات
و عاتى بقى اصالحها حتى لو مش كنت شايفه نفسى غلطانه
صراحه انا مش عاجبنى موضوع مش فارق معايا
و خلاص نبيع و نبعد
بالسهوله دى
حتى لو انسان مش تعرفوه اوى مش عزيز عليكوا
بس انك تبعد عن انسان مهما كان صعب
احساس الانسان ان اللى قدامه مش حيستحمله لو هو زعل غلط اتغير
بيخلى الثقه نفسها صعبه
و بيخلى مع اى حاجه نقول ما هو انا عارفه ما هى لو كانت مكانى كانت باعت
معلش يا لورد عايزه ارد على حته عند زنوبتى
بالنسبالى حتة انى اعز حد وابا اتكلم معاه واثق فيه ومش بسهولة انى اثق ف حد
والاقيه بيبعد عنى وبيتغير
دى بتاثر معايا اوى
وبتزيد جوايا عدم ثقتى ف اى حد من البشربصى
الجمله الشهيره
صوابعك زى بعضها
اكيد لاء
الانسان بطبعه قلبه مش فى ايده
بينجذب للاصحاب بسرعه و يحس انهم كذا و كذا و كذا
ماشى
دول خانوا و بعدوا و جرحوا
فيه غيرهم الف
لما مش تثقى فى الاصدقاء بتوعك
يبقى انتى فى الحقيقه
مش واثقه فى نفسك انتى انك تقدرى تخلى حد يوقف جمبك للنهايه
انك مش قادره تخلى حد يعزك بجد و مش يبعد
عشان كده لو الحكايه دى استمرت معاكى
ثقتك فى الناس حتبقى زيرو و طبيعى فى نفسك
و فى الاخر بعد ما كنتى انتى اللى بتبعديهم عنك
هما اللى حيبعدوا عنك
افضل ليه مع حد مش واثق فيا
عمليه انعكاسيه زى ما بيقولوا
و فى النهايه انتى اللى خسرانه
صدقن لاقيت ان الحل ف الدنيا دى ان منكنش عاطفيين
اننا نحب ونصاحب بسهولةكده انتى بتحرمى نفسك من اجمل حاجه فى الدنيا
الثقه و الصحوبيه و الحياه نفسها
و حكايه عاطفيين مش احنا اللى بنحددها
قولتلك الانسان بطبعه قلبه مش فى قبضته حتى لو تظاهر ان كرامته زى الجبل
فليه يخالف فطرته
و يحرم نفسه
بس كفايه كده رغى
مش عارفه الرغى ده كله كتبته ازاى مع ان عليا سكشن اناتومى و امتحان عملى و نفسى فى هارت كده كويس
و قاعده افكر فى الهارت
حدش عنده قلب سلفه و ابقى ارجعهوله
http://wo4s.com/vb/images/smilies/50.gifhttp://wo4s.com/vb/images/smilies/50.gifhttp://wo4s.com/vb/images/smilies/50.gif
بليز بليز بليز
http://www.thanwya.com/vb/life/icons/icon10.gif
يلا فى رعايه الله
Dr.taz l0gic 31-03-2009, 02:46 PM جميل موضوعك يا محمد .. بص اقصر الطرق الصراحة روح وعاتبه يمكن تكون غلطان وانت مش واخد بالك او عملت حاجة ضايقت الشخص ده
Amethyst 31-03-2009, 03:35 PM ما هو الحل في رأيك
..
تذهب له ...وتقوول له عن اللي فى قلبك..؟؟... ولا تسكــت وتخلـــي همك بقلبك..؟؟؟ ولا اية ؟؟
فى رعاية الله
http://www.thanwya.com/vb/life/icons/icon16.gif
.. ايه ده ..
.. هو أنا اللي كاتبة الموضوع .. و لا ايه ..
.. باين كده ..
.. أنا غيرت اللون بتاع الاجابة ..
.. لم يتبقى إلا أن أقول أشهر جملة في العالم ..
.. شكراً على الموضوع ..
.. أو مشكوووووووور ..
http://www.thanwya.com/vb/life/icons/icon_music.gif
koka 330 31-03-2009, 03:58 PM انا جربت الاصدقاء من النوع ده كتر والمهم انى مكنتش بتعلم كنت بثق تانى وتالت وارجع اندم وكنت فى حيره زيك كده لكن اتعلمت وقفلت على قلبى بقفل رميت مفتيحه فى اعمق بحر بس ندمت فى الاخر لانى محتاجه افتحه ومش لقيا المفتاح
دلوقتى مش اصحابى بس دى ماما بعدت واخواتى بعدوا وبابا بعدت واناكمان بعدت بس قربت لدينى اكتر يمكن ربنا بيسبب الاسباب يمكن صحبك ده كان هيوقعك فى مشكله وربنا خلصك منه ربنا يصبرك لانى حاسه بيك اوى وصدقنى الايام بتنسى
وياريت تعمل زى ماعمل معاك تتجهله لحد ماهويجى تكلمه ببرود حتى لوقرب تانى منك اتجهله حتى لو محتجله ولو مجاش اكيد هيبقى مضايق انك عادى ومش محوء فيك اللى هو عمله وبينله انك عملت صداقه جديدا وانه مش القيه سعتها هيقول فى باله نفسى ارجع تانى بس مش هيقدر لان احنا معظمنا كده اللى معانا نسيبه واللى يسبنا نجرى وراه
:: [ K A B B O W ] :: 31-03-2009, 04:09 PM نخش فى الموضوع من غير شكرا والكلام ده
بص انا حصلى الموضوع ده قبل كده مرتين
وفى جميع الاحوال ملاقى ان الصراحه اسرع طريق
وخلى بالك من حاجه ان فى ناس واشخاص معينين ديما يحبوا يعملوا نفسهم زعلنين علشان يشوفى اد ايه انت بتحبهم الكلام ده على الجنسين فى الحاله دى لا صراحه ولا الكلام ده احسن طريق لمعاملتهم انك تريح دماغك ما دام انت عارف انك مزعلتش حد يبقى ريح نفسك
ولانى مشكرتكش على الموضوع فى اول الرد
فشكرااااااااااااا اوى اوى على الموضوع الروعه بجد اللى رجعتنى بيه ايام زمان (مش اوى يعنى هو انا اصلا عمرى كله اد ايه ؟)
سلام عليكم
koka 330 31-03-2009, 04:55 PM نخش فى الموضوع من غير شكرا والكلام ده
بص انا حصلى الموضوع ده قبل كده مرتين
وفى جميع الاحوال ملاقى ان الصراحه اسرع طريق
وخلى بالك من حاجه ان فى ناس واشخاص معينين ديما يحبوا يعملوا نفسهم زعلنين علشان يشوفى اد ايه انت بتحبهم الكلام ده على الجنسين فى الحاله دى لا صراحه ولا الكلام ده احسن طريق لمعاملتهم انك تريح دماغك ما دام انت عارف انك مزعلتش حد يبقى ريح نفسك
ولانى مشكرتكش على الموضوع فى اول الرد
فشكرااااااااااااا اوى اوى على الموضوع الروعه بجد اللى رجعتنى بيه ايام زمان (مش اوى يعنى هو انا اصلا عمرى كله اد ايه ؟)
سلام عليكم
اللى ايده فى الميه مش زى الايده فى النار ممكن الكلام ده ينطبق على اللى عندهم اصحاب كتير قريبين ناس تقف جانبه وتنسيه انما لوانسان ملكش غيره هتعمل ايه بص مفيش اكتر من الاصحاب ممكن كل يوم تصاحب واحد جديد لكن اللى يوجع انك تحس ان اكتر واحد فضلتوه عليهم وفتحتلوا قلبك سابك ساعتها كل ماتفتح لحد قلبك هتفكر فى كل كلمه بتقولها لصحبك ده وده شىء متعب لانك مع صحبك المفروض تقول كل حاجه فى قلبك من غير تفكير , على العموم ده راى وكل واحد ليه وجهة نظر وانا بحسدك على طناشك
هههههههههههههه
لا والله ده مش حسد دى غيرا بس.
ميراج 31-03-2009, 07:43 PM تذهب له ...وتقوول له عن اللي فى قلبك..؟؟... ولا تسكــت وتخلـــي همك بقلبك..؟؟؟ ولا اية ؟؟
اه انا من رايى اروح ليه واوجهه واقول على اللى فى قلبى من نحيته
لكن اسكت واخلى همى فى قلبى لأبس انا عن نفسى مقدرش اقول لحد على اى حاجه مزعلانى يعنى ممكن اكتم بس عشان مزعلش اللى اودامى مع انه جرحنى بس مش عارفه انا مقدرش اواجهه
:: [ K A B B O W ] :: 31-03-2009, 07:49 PM اللى ايده فى الميه مش زى الايده فى النار ممكن الكلام ده ينطبق على اللى عندهم اصحاب كتير قريبين ناس تقف جانبه وتنسيه انما لوانسان ملكش غيره هتعمل ايه بص مفيش اكتر من الاصحاب ممكن كل يوم تصاحب واحد جديد لكن اللى يوجع انك تحس ان اكتر واحد فضلتوه عليهم وفتحتلوا قلبك سابك ساعتها كل ماتفتح لحد قلبك هتفكر فى كل كلمه بتقولها لصحبك ده وده شىء متعب لانك مع صحبك المفروض تقول كل حاجه فى قلبك من غير تفكير , على العموم ده راى وكل واحد ليه وجهة نظر وانا بحسدك على طناشك
هههههههههههههه
لا والله ده مش حسد دى غيرا بس.
هههههههههههههههههه
بتحسدينى على طناشى حتى ده فى حسد:)
لا والله مش فكرة اللى ايده فى الميه واللى ايده فى الشاى والكلام ده..........
بصراحه من اللى ان جربته ان الواحد لو فضل مركز فى كل حاجه وكل واحد ده عمل كذا وده مش عارف ماله وكلام زى كده مش هخلص ومش هعيش حياتى
ما دمت انا ممعملتش حاجه تزعل حد يبقى انا اريح نفسى واللى عاوز يسوق التقل عليا وكلام زى كده ففى الف سلامه لان اللى يكون عاوزنى دايما حيران كده ميستهلش انه يكون صحبى او حبيبى صح ولا لا ؟
اما لو كنت فعلا عملت حاجه تزعل حد منى فانا معتزر قبل ما الشخص اللى زعلته ده ياخد موقف منى اصلا والاعتذار عمره ما كان فيه قلت قيمه زى ما بعض الناس بتقول بل بالعكس لما يكون الشخص مخطأ ولا يعتذر ففى الوقت ده هو متكبر
اعتقد ان ده هو الصح عامة تقديرى لاهتمامك
سلام عليكم
koka 330 31-03-2009, 08:26 PM هههههههههههههههههه
بتحسدينى على طناشى حتى ده فى حسد:)
لا والله مش فكرة اللى ايده فى الميه واللى ايده فى الشاى والكلام ده..........
بصراحه من اللى ان جربته ان الواحد لو فضل مركز فى كل حاجه وكل واحد ده عمل كذا وده مش عارف ماله وكلام زى كده مش هخلص ومش هعيش حياتى
ما دمت انا ممعملتش حاجه تزعل حد يبقى انا اريح نفسى واللى عاوز يسوق التقل عليا وكلام زى كده ففى الف سلامه لان اللى يكون عاوزنى دايما حيران كده ميستهلش انه يكون صحبى او حبيبى صح ولا لا ؟
اما لو كنت فعلا عملت حاجه تزعل حد منى فانا معتزر قبل ما الشخص اللى زعلته ده ياخد موقف منى اصلا والاعتذار عمره ما كان فيه قلت قيمه زى ما بعض الناس بتقول بل بالعكس لما يكون الشخص مخطأ ولا يعتذر ففى الوقت ده هو متكبر
اعتقد ان ده هو الصح عامة تقديرى لاهتمامك
سلام عليكم
منكم نتعلم يا عم tefa
وزى ماقولتلك كلها وجهات نظر
بس انتا كلامك منطقى وانا دلوقتى شبه مقتنعه
وبعدين بتشكرنى علىايه يا عم طناش فى بين الاخوات الكلام ده
ادعى بس ان يكون صاحب الموضوع بيستفيد من رأينا
بورسعيدى 01-04-2009, 02:24 AM شوف ياسيدى هو ممكن اوى يكون مش اتغير
بمعنى انه هو ده طبعه الاصلى وانه كان متغير معاك لاسبباب لا يعلمها إلا الله
بمعنى اوضح
هو كان كويس جدا معاك وهو ده التغيير وكان كويس معاك لاسببا ربما كان محتاج منك مصلحه او منتظر منك شيئ معين ولما فقد الامل فى الحصول على هذا الشيئ عاد لاصلة وتغير من وجهة نظرك لكن هذا هو طبعه فى الاصل
ياريت يالورد لو كنت فاهم قصدى تعرفنى
لانى حاسس انى مش قادر اوصل لك قصدى وشكرا.,.,.,
davebatista 01-04-2009, 02:32 AM اضربه.عشان.يعرف.حدودة.مهما.كان.سواء.اكبر.مني.ولا.ا صغر
MoHaMeD ELsHeRbEnY 05-04-2009, 08:31 PM والله يا لورد وانت بتتكلم حسيت انك بتتكلم عليا
للدرجادى ؟؟
هوة فعلا الموضوع عند الكل علشان كدة انا نزلتة والله
ومعلش لو كنت زعلتك
استحملينى بقى
الموضوع ده بجد حصل معايا مع اقرب صديقه ليا كانت غاليه عليا اوى ومازالت
برضه اتفاجات انها متغيرة اوى معايا قلت يمكن انا ضايقتها
سالتها قالت لى مفيش
اكتر كلمة بتضايق لو فعلا فية حاجة
هيا كلمة مفيش دى
والله بتجرح قوى
حاولت اقرب منها اكتر لكن برضه فشلت
اتازمت جدااااااااااااااا
ومحاولتش افتح الموضوع تانى لانى حسيت بفتور فظيع بينا كان اكبر بكتير من انى اقولها اى حاجه
وقررت انى ابعد عنها لانى خلصت ضميرى واتاكدت انى مش غلطانه معاها
طيب والى مش قادر يبعد
وفى نفس الوقت مش عارف يقرب
يعمل اية ؟
بس لغاية دلوقتى وانا نفسى اعرف ايه السبب مش عارفه
هيا دى المشكلة فعلا
لو فية سبب مقنع يبقى المشكلة اتحلت
اما الرد بيكون مفيش حاجة
فانت حاول تعمل تتكلم وتشوف يمكن انت عملت حاجه ضايقت الحد ده
حاولت كتير جدا والله
بس بيكون الرد بكل برود مفيش حاجة
ملقتش سبب مقنع خلاص متحاولش تانى عشان ميكونش من باب الضغط
وربنا معاك
طيب ما المشكلة فعلا انى مش قادر ابعد
ومش عارف اقرب
كلما احاول اقرب الشخص دة بيبعد
بجد موضوع صعب جدا
شكرا يا فيفا على الرد والمرور
نورتى الموضوع والله
على فكرة دا اول رد ليا بعد المنتدى ما رجع
ههههههههههه
وشكرا على المرور مرة تانية
فى رعاية الله
MoHaMeD ELsHeRbEnY 05-04-2009, 08:50 PM جميل موضوعك يا محمد ولاون حاسة انه ... ... بس ماشى
ال جمــــــيــــل ال
مرورك هوة الاجمل والله
وبلاش الاحساس دا تانى ياحاجة على فكرة نفس الاحساس الى عندى من ردك والله العظيم شفتى بقى يا سبحان الله
ههههههههههههههه
ماشى لية ؟؟
دا لسة الشاى فى التلاجة والكولا على النار
بضحك طبعا
ههههههههههههههههه
المهم
المهم ياستى ...
بص يا سيد اولا كده انا ناس كتيير اتغيرت معايا بدون اى سبب
عارف نظام انه يعملوا انهم بيحبوك وبيعزوك وانك بالنسبالهم
و(قيمتك) بالنسبالهم ثابتة الى اخره من كده
كل ده بيطلع وهم
هوة انا غيرت اسمى ولا اية ؟
انا اسمى محمد على فكرة الزهيمر عامل شغل
هههههههههههههههه
فكرتينى بواحد صاحبى اسمة سيد ابو حفيظة
هههههههههههههههه
اممممممممممم نرجع لموضوعنا
طيب ازاى عرفتى انة وهم دا اولا ؟
من تصرفاتهم معاكى مثلا ؟
طيب مش يمكن انتى عملتى حاجة تخليهم يتغيرو ؟
عموما نكمل
مفيش حاجة من دى خالص
حاولت انى احاول اعرف سبب التغيير
ف ناس بتقول مفيش تغيير وعادى وصدقينى الى اخره
ههههههههههههههههه
مش يمكن فعلا احنا حاسين انة متغير وهوة مش متغير ؟
طيب نتاكد ازاى من وجهة نظرك ؟
ف ناس بتقول حصل كذا وده اللى بفضله اسلوب المواجهة
ف ناس بتكب وتعدى
بس المشكلة اللى بنتكلم عليها ف اللى بيسكتوا ومش بيبينوا
بالظبط كدة
للاسف بقيت احس ان الدنيا مش فيها امان
وبرضوا
بالنسبالى حتة انى اعز حد وابا اتكلم معاه واثق فيه ومش بسهولة انى اثق ف حد
والاقيه بيبعد عنى وبيتغير
دى بتاثر معايا اوى
وبتزيد جوايا عدم ثقتى ف اى حد من البشر
وبرضوا بتزيد عندى نسبة
ان
ثقة = صداقة = تدمير نفسى
صدقن لاقيت ان الحل ف الدنيا دى ان منكنش عاطفيين
اننا نحب ونصاحب بسهولة
ومنثقش ف حد بسهولة . . لانه ميستحقش الثقة دى لو بعد
كفاية كده
سلام
اممممممممممممممم
مش عارف اقول ولا كلمة فى كلامك دة
عموما ردك حلو لو فعلا الى بتقولية دا صح
بس الدنيا لسة بخير
وفية الحلو والوحش
وممكن الشخص الى وثقتى فية دة يكون عندة مشاكل او ظروف
كانت محسساكى انة متغير مثلا ولا حاجة
عموما شكرا على الرد والمرور يا حاجة زينب
منورة الموضوع
ولا منور بلمبتة ؟
ههههههههههههههههههه
فى رعاية الله
Sherif Elkhodary 06-04-2009, 12:09 PM جميل موضوعك يا محمد ولاون حاسة انه ... ... بس ماشى
تصدقي بارده انا حاسس انه ......
يالا ماشي بارده
بص يا عم محمد
لما بتتغير معاملة شخص ليك
اكيد هتبقي لسبب لاما بقا هتبقي مصاحب واحد مجنون
لازم اكيد فيه سبب مخصص
الحكاية دي بتحصل لكل واحد فينا
و اللي محصلتلوش هتحصله اكيد
بس ان بارده اكيد هغير المعاملة لو فضل محتفظ بالسبب لنفسه
لان مهما كان او هيكون مش هيستاهل انك تزعل علشانه
و الله صدقني انا جربت معظم الانواع مش هقولك كلها مش هافور من اولها
لقت انها متستاهلش
يلا خير
شكلك يا محمد متضايق من موضوع ما و اكيد هعرفه هعرفه
يالا تصبح علي خير :d
JusT DreaM 06-04-2009, 12:24 PM هحاول اعرف ف الاول هو اتغير ليه ومش هكتر ف المحاولة
وبعدها هبعد وخلاص بس لا عمري هسامحه ولا هكرهه ولا هنساه
موضوع دراما دراما :d
شكرا يامحمد
Amethyst 06-04-2009, 03:08 PM هحاول اعرف ف الاول هو اتغير ليه ومش هكتر ف المحاولة
وبعدها هبعد وخلاص بس لا عمري هسامحه ولا هكرهه ولا هنساه
موضوع دراما دراما :d
شكرا يامحمد
.. دراما دراما ..
.. دراما توكيد لفظي ..
http://www.thanwya.com/vb/life/icons/star.gif
.. هنقلب حصة لغة عربية ..
http://www.thanwya.com/vb/life/icons/star.gif
.. أنا فكرت بجد ..
.. و هجاوب بجد قبل كده كان تهريج ..
.. احم احم ..
.. بسم الله الرحمن الرحيمـ ..
.. لو حد اتغيرت معاملته معايا و هو غالي عليا مش هسأل فيه غالباً ..
.. أصلها حصلت كتييييييييييير معايا ..
.. عادي يعني ..
.. بس غالباً مش بروح أسألهمــ ..
.. مش فاضية أنا أروحــ أسألهمــ ..
.. عندي مشاغل و مشغوليات ..
http://www.thanwya.com/vb/images/icons/icon7.gif
.. أصلاً الغاليين عليا قليلين ..
.. ماما و بابا و اخواتي و بعض الصديقات ..
.. هي طبعاً بتطلعـ من بعض الصديقات دي بس ..
.. ايه ده ..
.. أنا شكلي هنحرف عن الموضوع ..
.. عموماً اجابتي هي ..
.. إني هبدأ أنا كمان أتجاهل هذا الشخص ..
.. و أغير معاملتي معه ..
.. ومش محتاجة أسأله ..
.. لأن ميهمنيش السبب غالباً ..
.. أنا حصل فيا كده كتير ..
.. و ما زلت أطبق هذه الاجابة ..
.. حتى كل يوم لما بشوفها ..
.. عادي يعني وزلا كأني شفت حاجة ..
.. بس في دي أنا عارفة السبب ..
.. و بقالنا سنتين متجاهلين بعض و مخاصمين بعض ..
.. و بشوفها كل يومــ ..
.. يللا أحسن حاسة إن أنا خرجت عن سياق الموضوعــ ..
.. قصدي انحرفت بشكل كامل عن الموضوع ..
.. في أمان الله ..
مدرس الغد 07-04-2009, 10:13 PM طبعا اروح اقول الى فى قلبى علشان ماموتش من الحصره عليه لانى لا احب ان افقد اى صديق ليه حتى لو خانى فى اى وقت لانى قلبى طيب وهسامحوه
MoHaMeD ELsHeRbEnY 10-04-2009, 10:53 AM لا طبعا أنا مش من النوع اللي ممكن يتكلم لما حد يجرحه بفضل اقول انا لازم اتكلم بس مش بقدر
يعنى هتقدرى حضرتك تستحملى البعد والفراق ؟؟
معتقدش بردة
ونرجع لنفس النقطة
وبردة مش قادر اوصل لحل
ودا حصل مع واحدة صاحبتي بقت تتكلم معايا بطريقة متخلفة وسلوب اكثر تخلف المشكلة انه ادام اصحابنا وكدا عشان كدا كان يضايق
بالظبط
بس على ما اعتقد ان فى الحالة دى ممكن تكون عاوزة تعرف غلاوتها عندك وكدة
احتمال كبير يكون دة السبب
بس انا رحت اخذت موقف جامد منها وبقيت هي عرفت غلطتها وجت اعتذرت لي ورجعنا اكثر من الاول
الحمد لله بس كدة بياكد انها كانت عاوزة تعرف غلاوتها عندك بس
ربنا يخليكم لبعض يارب
وللعلم لو هي مكنتش جت وعرفت انا زعلانه منها ليه يبقي اكيد الشخص دا مش بيحبك زي ما انت بتحبه
اممممممممممم
خلينى مع حضرتك لو بردة مش بيحبنى
هقدر ابعد عنة وانا بحبة ؟
معتقدش بردة
ولا راى حضرتك اية ؟
بس لما يعرف غلطه مش لازم تقلب المواجع وتفتكر هو عمل ايه كفاية بس انه جالك دا في حد ذاته انتصار لك
طيب ولو معرفش غلطة
ومجاش وكل اما تكلمية مالك يقول مفيش
وطبعا هوة فية والا مكنش اتغير
يبقى اية الحل ؟
لان اللي بيحب حد مش بيحبه يزعل
وحد لو زعله في وقت من الاوقات يمكن الشخص الثاني عنده مشاكل لازم احنا نستعمل اللي بنحبه امال بنحبه ازاي لو مش هنستحملهم؟؟
شكرا ع الموضوع
انا معاكى فى ان الى بيحب حد مش بيحب زعلة
وكلام صح 100/100
بس هوة زعلان اهوة بسبب ربما يكون غلط
اروح اوجهة ولا اسكت وخلاص
مش عارف بردة
شكرا جزيلا لحضرتك على الرد والمرور
كنت سعيد جدا بالمناقشة مع حضرتك والله
فى رعاية الله
MoHaMeD ELsHeRbEnY 10-04-2009, 11:17 AM للاسف معظم صحابى السنادى اتخدعت فيهم طلعوا بتوع يلا نفسى مبقاش فضلى غير شوية صغيرين
ياساتر يارب
ربنا يبارك ليكى فى الباقين
ويطلعو اصدقاء اوفياء بجد
امين يارب
هو فى ناس كدة لما تعملها بكل احترام وتحسسها انهم جزء من حياتك يقلبوا عليك ويفتكروك لعبة بيحركوا فيها
ولو عملتهم على انهم اشخاص عادين
هما بيكونو متضايقين
وبيحسو انهم عوامل فرعية فى حياتك
طيب والحل ؟
وغير كدة كمان اتصل بصحبتى اسالها على حاجة مليون مرة يتقالى نايمة
واجى اعاتب حد الاقى سورى فى الكلمة يعنى
السان بقى شبرين
هههههههههههههه
بالظبط والله العظيم
المشكلة ان فى الاخر بتطلعى انتى الى غلطانة
ازاى ولية متعرفيش
بيحللو الامور على مزاجهم
الله المستعان
محصلتش معايا دى قوى الى بحس انة مش عايز يكلمنى وانا حاولت اصلح وبردة مفيش فايدة يبقى ملوش لازمة
لا كلامك دة بيدل انها حصلت معاكى اهية بس مش بدرجة كبيرة
بمعنى
انك لما تروحى تكلميها وهيا مش عايزة كدة انتى بتقربى وهيا بتبعد اهية
ويارب متجربيش اكتر من كدة
بجد احساس صعب قوى
ربنا يبعدة عننا يارب
كلمة مفيش حاجة هى الكلمة اليومية الى بسمعها نيجى نخرج نروح الدرس
الاقيهم مكتئبين معظمهم اسأل مالكم يقولوا مفيش حاجة وان قالوا يشتغلولى فى الاسطوانة بتاعت المذاكرة
لا حتى مفيش عندنا مزاكرة
هيا مفيش وبس
ودا بقى الى يخلى الواحد يبقى هيفرقع والله
لما يفتكر علاقتهم ببعض زمان كانت ازاى
ودلوقتى ازاى
الواحد بيصعب علية نفسة قوى والله
مش عارفة انا كنت الاول بعمل كدة بس لما حسيت ان الموضوع زاد اتغيرت معاهم وبقوا هما الى يقولولى فى اية
طيب انتى ربنا قدرك واتغيرتى معاهم زى ماهما اتغيرو
طيب والى مش قادر
لانهم كان حد غالى قوى علية
يعمل اية ؟
انا بسكت وبصبر بس لما الموضوع يزيد عن حدة مبقدرش وممكن ابوظ الدنيا شرانية بقى تقول اية
ههههههههههه
ياساتر يارب
ههههههههههههههه
ربنا يبعدنا عن شرك يارب
ماشاء الله الاسلوب اكتر من رائع
وجالى فى وقتة
جزاك الله خير يامحمد
ربنا يخليكى
نورتى الموضوع والله
شكرا جزيلا لحضرتك على الرد والمرور
اسعدتنى مناقشتك والله يا مروة
جزانا واياكى ان شاء الله
فى رعاية الله
**تسابيح** 10-04-2009, 07:17 PM يعنى هتقدرى حضرتك تستحملى البعد والفراق ؟؟
لا الموقف اللي بتأخذه عشان تقول لا
بدل احنا اصحاب وبنحب بعض مهما كانت العلاقة بقا صحوبية اي شيء المهم ان فيه الحب اللي جمعنا مع بعض يبقي لازم نقول لبعض ع اللي بيضيقنا
وبعدين اولا مش اسمه بعد زي ما حضرتك بتقول "لا" اسمه لازم اعرف اللي مضايق اللي انا بحبه عشان احنا الاثنين بقينا شيء واحد
اصل ممكن يكون الشخص اللي اتغير دا نوع من الاثنين
ياما كتوم ومش بيحب يشغل حد بمشاكله
ياما اللي مضايقه دا من الشخص اللي مش عايز يحكي له :confused::confused:
وفي الحالتان لازم تكون عارف السلاح اللي هتحارب بيه
بمعني ايه الحاجة اللي بتسعد الشخص دا ونطلعه منها وكدا يعني :)
بس على ما اعتقد ان فى الحالة دى ممكن تكون عاوزة تعرف غلاوتها عندك وكدة
احتمال كبير يكون دة السبب
هههههههههههههه
غلاوة مين ؟؟
في الاول كنت بزعل لما بقالي صحابي اللي بحبها اوي مش مهتمية بيه وكدا اوي اي شيء من هذا القبيل
اكتشفت ان هي شخصيتها كدا وقال لي كدا بالسانها
"أنا مش بحب اهتم بحد"
عشان كدا غيرت المعاملة مش معني كدا ان مش بحبها بموت فيه بجد بس يعني محبش اني اضايقة خلاص بقا كل واحد فينا كشف ورقه للثاني بقينا واضحين ادام بعض عشان مفيش حاجة تحصل والثانية ميفهمش الاول
الحمد لله بس كدة بياكد انها كانت عاوزة تعرف غلاوتها عندك بس
ربنا يخليكم لبعض يارب
آآآآآآآمين
ويرجعك للشخصية اللي مش عايزها تحكي دي
اممممممممممم
خلينى مع حضرتك لو بردة مش بيحبنى
هقدر ابعد عنة وانا بحبة ؟
معتقدش بردة
ولا راى حضرتك اية ؟
ممكن نتفق ع شيء
انا منك احب حد اه وهو مش بيحبني
بس هل ممكن استمر مع الحد دا بالرغم اني عارفة ان الشخص الثاني مش بيحبني ولا عايزني بالرغم كل المحاولات
بالصراحة كرامتي مش تسمح
حب مش غير كرامة = ذل
طيب ولو معرفش غلطة
ومجاش وكل اما تكلمية مالك يقول مفيش
وطبعا هوة فية والا مكنش اتغير
يبقى اية الحل ؟
خليك من النوع اللي بيغير المواضيع عشان الموضوع يعدي
بص فيه حاجات الشخصية مستحيل يحكيها حتي لاقرب الناس ليه
زي مشاكل في البيت
مشاكل خاص بيه هو بس خاصة جدا جدا
فعشان كدا الشخص دي مش هيحكي لان
المواضيع دي زي ما هو بيعتقد في دماخه هتسقطه من نظر الشخص الثاني
انا معاكى فى ان الى بيحب حد مش بيحب زعلة
اكيد طبعا
بس مش اي حب الحب اللي برغم الصعاب بيكبر اوي اوي والشخص اللي بيحب عمره ما بيتخلي ع اللي بيحبه عشان هو مش راضي يحكي فيه حاجات كثيرة في حياة كل شخص بتبقي صعب انك تحكيها
وكلام صح 100/100
بس هوة زعلان اهوة بسبب ربما يكون غلط
اروح اوجهة ولا اسكت وخلاص
لو المسألة بصلت لدرجة لازم يكون فيها المواجهة يبقي لازم يكون عندك الجرأة انك تواجهه وتغير اسلوبك
مش عارف بردة
شكرا جزيلا لحضرتك على الرد والمرور
كنت سعيد جدا بالمناقشة مع حضرتك والله
فى رعاية الله
لا شكر ع وواجب
سلالالالالالالالالالالالام
ربنا يقرب البعيد
lover rose 11-04-2009, 12:30 AM هو فعلا احساس صعب خالص
وبالنسبه ليا مش هقدر اواجهه
بس لو اضطريت وحسيت انى هخسر انسان غالى عليا هواجهه
ميرسى على الموضوع
MoHaMeD ELsHeRbEnY 11-04-2009, 09:19 AM انا مش عارف الوقت ده هاعمل ايه
ايه يا عم محمد البت عطتك فتلة ولا ايه
هههههههه
اوعى تزعل منى انا بهزر
اخص عليك يابو طة
تصدق فى اخوك ان بنت تعطية الفتلة الى انت بتقول عليها دى
لا مكنتش اتوقع انك تفتكرنى كدة ابدا ابدا
ههههههههههههههههههههه
ياباشا ازعل مين
عيش ياباشا وسيبنى اعيش
ههههههههههههههه
بس قولى رايك فى الموضوع تانى
متزودش مشاركة من غير ما تقول رايك :p
منتظرك ردك تانى ياباشا
نورت الموضوع
فى رعاية الله
khas123 11-04-2009, 04:53 PM على فكرة اموقف ده حصل معايا قريب
ومش واحد بس كذا واحد
بس انا بفضل اسكت ... اسكت وبس
ymymym 12-04-2009, 01:09 PM ما هو الحل في رأيك
..
تذهب له ...وتقوول له عن اللي فى قلبك..؟؟... ولا تسكــت وتخلـــي همك بقلبك..؟؟؟ ولا اية ؟؟
ههههههههه محمد انت مش حاسس ان معظم البنات هنا قالوا انها هتشوف فيه ايه ومعرفش ايه والاولاد مطنشين ده انتوا
يلا
انا ما اكتر مواقفي مع اصدقائي بص انا عديتهم الصديقات اللي صاحبتهم وسابوني خلال فتره 10 سنين او تسعه يعني من اول ما بدأت ادرك الصداقه والكلام ده تقريبا يا محمد 9 هقولك حتي اسماؤهم اول واحده وكنت بعتبرها صديقتي بس هي لأ اصلا تسنيم
والتانيه نورهان وغيرت طريقها لطريق تاني اممممممم دعاء وايه هما كانوا اتنين اصحاب وانا التالته بس كل واحده راحت لحاللها من غير اي سبب هما سابوني الاول وبعد كده سابوا بعض الاء واسراء بنتين توأم بس كانوا بالنسبه ليا برضه كل حياتي بعد دعاء وايه
المهم بعد كده مروه ودي بقي اخر صداقه ليا سابتني
فيه واحده مصصاحباها اسمها بسنت بحبها جدا حصلت بيننا موقف زعل وبانت فيه شبه نداله شويه بس عديتها كالعاده بس يلا هي بتحبني قوي وانا برضه بس معرفش هي دي كل صداقاتي طبعا عدد كبير قوي صداقه وكلهم سابوني
قلبت عليا المواجع حرام عليك وكنت كل اما واحده منهم تسيبني بتجيلي فتره مخنوقه جدا ومبذاكرش ومبرضاش اكلم حد
اه في واحده كمان اسمها اماني بس هي احيانا تلاقيها ندله واحيانا لأ يعني لما تديها كلمتين تتعدل لفتره وبعد كده تلاقيها ترجع تاني بس صداقتنا مبقتش زي الاول
بس هي دي كل صداقاتي ان جيت للحق مبحبش اسيب حد عشان ميحسش بنفس احساس اللي انا حسيته يلا بقي سلام
romance man 13-04-2009, 01:56 PM السلام عليكم
المشكله اللى انت بتتكلم عليها دى بتحصل كتير الايام دى
وبصراحه هى لا توجه لى اى مشكله
اولا انا الحمد لله عمر ما حد من صحابى او اى حد غير معاملته معايا
تفتكر ليه ؟
مش غرور والله بس بجد بقدر معنى الصداقه كويس جدا
انت عارف لو هو اللى غلطان انا بروح اصالحه والله
ومش عايز اقولك بعمل المستحيل كمان عشان ميزعلش منى
مع انه هو اللى غلطان
بس الفرق هنا ان الشيطان عرف يضحك عليه وفى لحظه غضب غير معاملته
وانا اقدرت احكم نفسى واكلمه بهدوء
بس اقولك حاجه احيانا بتصعب عليا نفسى لما احس انى مظلوم وبرده بسامح
بجد بيبقى احساس صعب اوى
بس لما تعمل كدا هتكسب حب الناس مع ملاحظه انه يكون من قلبك مش نفاق
جزاك الله كل خير
وانا عارف انك هتفهم كلامى كويس
فى رعايه الله
محمد على ابوزياد 14-06-2009, 09:54 AM لازم المواجهه معرف السبب
والا ؟؟؟؟؟؟؟؟؟؟؟؟؟؟؟؟؟؟؟
اذا عرف السبب بطل العجب
Observer 14-06-2009, 10:36 AM فى مثل هذه الحالة ينصح ب :
عدم المبالغة فربما كان لهذا الشخص ظروف معينة
ثم المواجهة
ثم العتاب
ثم الإبتعاد قليلاً
ثم العتاب للمرة الأخيرة
وبعد ذلك الإبتعاد نهائيا
والإختفاء من حياة هذا الشخص ..
|