اتقدم بالتماس من الاداره بعدم السماح بكتابه اى مواضيع
عن المدرسين وعدم التلميح عنهم بأى سوء
حتى لا نفتح المجال للنقاش والتجادل وتبادل الاتهامات
مما يؤثر على الترابط الاسرى بيننا وتؤدى فى النهايه الى تعصب المدرسين وخلق جو مشحون بين الاداريين وهيئه التدريس
وعلى الله قصد السبيل

وارجوا حذف هذا الموضوع فورا

http://www.thanwya.com/vb/showthread.php?t=113357

طيب حضرتك معارض علي ايه الوضوع مفيهوش كلمة غلط ؟

بارك الله فيك اخى احمد و هذه مبادرة طيبة من حضرتك حفاظا على كرامة المدرسين فى المنتدى او فى اى مكان فى ارض مصر و نشكر ادارة المنتدى على حذف اى موضوع يهان فية المدرس باى طريقة سواء مباشرة او غير مباشرة و خصوصا اذا كان الموضوع يخص معظم المدرسين و بطريقة محزنة

بارك الله فيك وفى ادارة هذا الصرح العظيم

ساقولها ثانية .. بل وعاشرة
الموضوع يعرض صورة مشوهة انطبعت في أذهان الشباب عن المدرس
فهل نقوم بإغلاقه أو حذفه أم نقوم بتعديل تلك الصورة
أرى أن صفوة المدرسين وهم معلمو المنتدى
يقع على عاتقهم إصلاح ما تشوه من صورة المدرس وانطبع في نفس الشباب
فتكميم الأفواه وقطع الألسن لا يغير الأفكار
ليس من مهمتنا أن نقطع اللسان ولكن مهمتنا الرد بالحجة والبيان
هذا رأيي ..
أما بالنسبة لحذف الموضوع
أنا لا أرى في الموضوع أي مخالفة تذكر فهو نقل لصورة مشوهة مطبوعة في الذهن
فلم يسب الموضوع عضواً بعينه أو مدرساً بعينه
ولكن تعرض بالنقد أو بالإسقاط على نظام تعليمي شامل لأنه يجهل التطورات الموجودة على أرض الواقع
وتعرض بالنقد على صورة المعلم التي تعكسها وسائل الإعلام والتي غزت كل بيت
وجب علينا يا سادة عدم التعتيم على تلك الآراء
وجب علينا نحن المدرسين أن نصحح المفاهيم حتى يقوم صاحب الموضوع بنفسه
بكتابه موضوع بصورة ليست مشوهة بناء على اقتناعه بحجتنا وكلامنا
هذا رأيي ..
وشكراً للجميع

سلام عليكم
اولا
اقسم بالله العظيم ا عامل الموضوع ولا اقصد به اى اهانة لاى مدرس فى الموقع
الموضوع دا عملته بناءا على اللى انا بوفه وبتعايش معاه
لو انا كلاى غلط ياريت حضراتكو تناقشونى
ويا تقنعونى يا اقنعكم
وتقريبا الاستاذ احمد وضح كل اللى اا عايز اقوله
ربنا يهدينا جميعا
دمتم فى رعاية الله

يعني وحضراتكوا استفدتوا لما الموضوع اتحذف ؟

90% من اللي شافوا الموضوع متفقين جدا مع محمود

وبحذف الموضوع حضراتكوا الوحيدين اللي خسرتوا

كنا نتمني من حضراتكوا سعة الصدر ولو كنا غلطانين تواجهون وتقنعونا لان هي دي مهمتكوا بس للاسف مفيش

شكرا للسادة المدرسين علي سعة الصدر

الموضوع دا عملته بناءا على اللى انا بوفه وبتعايش معاه


ويا ترى شايف ايه ؟ وانت اداري في منتدى تعليمي !!!

هدفه مساعدة الطلاب لوجه الله

يا ترى مين اللي بيساعد الطلاب في الغرف الصوتيه

او بيرفع مذكرات للطلاب .... مش مدرسين دول برده ؟؟؟

ويا ترى انت كاتب الموضوع ده ومدرك ان المدرس الوحيد اللي هيقراه

هو مدرس البوابه اللي داخل علشان يساعد مجانا .. ولا مش مدرك ده ؟؟؟

يا ترى هيكون شعورك ايه لو قولتلك في وشك

ان معظم شباب منطقتكم عيال هايفه ( على سبيل المثال يعني)

اكيد هتفهم بل وتتأكد اني انا بشتمك انت ... ده اللي حصل

انت قولت ان معظم المدرسين جشعين وطماعين

وقولتها في البوابه يعني بتوجهها لمدرسين البوابه اولا

حتى لو ما كنتش تقصد ده فلازم تفهم الخطأ اللي وقعت فيه

انت شتمتنا كلنا واتهمتنا باننا جشعين

يعني وحضراتكوا استفدتوا لما الموضوع اتحذف ؟

الله اعلم يا عادل
90% من اللي شافوا الموضوع متفقين جدا مع محمود
ونا بردو متفق معاه :d
وبحذف الموضوع حضراتكوا الوحيدين اللي خسرتوا
حضراتكو الموضوع نقاشى مش قران منزل
ويا تقنعونى يا اقنعكم يعنى الموضوع فى متناول الجميع
قوللهم يا دووولة

كنا نتمني من حضراتكوا سعة الصدر ولو كنا غلطانين تواجهون وتقنعونا لان هي دي مهمتكوا بس للاسف مفيش
لا ان شاء الله الموضوع هيرجع ومصر هتنتصر بأذن الله :d

شكرا للسادة المدرسين علي سعة الصدر
شكرا يا عادل على مرورك
نورت

ويا ترى شايف ايه ؟ وانت اداري في منتدى تعليمي !!!

شايف كل خير ان شاء الله


هدفه مساعدة الطلاب لوجه الله
ان شاء الله دا هدفى

يا ترى مين اللي بيساعد الطلاب في الغرف الصوتيه
مدرسين يا استاذنا الفاضل

او بيرفع مذكرات للطلاب .... مش مدرسين دول برده ؟؟؟
اه والله مدرسين

ويا ترى انت كاتب الموضوع ده ومدرك ان المدرس الوحيد اللي هيقراه

هو مدرس البوابه اللي داخل علشان يساعد مجانا .. ولا مش مدرك ده ؟؟؟
مدرك طبعا بس مش عارف حضراتكو اخدتو الموضوع على نفسكو ليه
هو انا قولت مثلا مدرسين البوابة ينطبق عليهم الكلام ده
انا قولت فى مدرسين كدا ودا حقيقى والله

يا ترى هيكون شعورك ايه لو قولتلك في وشك

ان معظم شباب منطقتكم عيال هايفه ( على سبيل المثال يعني)
وجهات نظر
وفى الحالة دى هناقش حاضرتك واقوللك انت استنبطت الكلام ده منين مش هبلغ النيابة وهخليهم يعملو امر اعتقال زى ما حصل للموضوع

اكيد هتفهم بل وتتأكد اني انا بشتمك انت ... ده اللي حصل
لا والله مش هفهمها كدا لانك مقولتليش انت تافه انت قولت كلام عام لو انا زعلت فعلا او حاسسن ان الشتيمة دى ليا يبقا كلام حضرتك مضبوط وفى الحالة دى ابقا تافه زى باقى الحارة

انت قولت ان معظم المدرسين جشعين وطماعين
منا بردو مقولتش مدرسين البوابة جشعين وطماعين
اذا كان ى كلمة معظم ممكن يكون التعبير خاننى لو الموضوع رجع هعدلها وهخليها بعض المدرسين علشان محدش يزعل او ياخد الكلام على نفسه

وقولتها في البوابه يعني بتوجهها لمدرسين البوابه اولا
مين قال كدا انا مش عارف حضراتكو فهمتوها كدا ازاى

حتى لو ما كنتش تقصد ده فلازم تفهم الخطأ اللي وقعت فيه
الغلط الوحيد اللى ممكن اكون وقعت فيه هيا كلمة معظم وسهلة تتعدل مش معضلة يعنى


انت شتمتنا كلنا واتهمتنا باننا جشعين
انا مقولتش كدا حضراتكو اللى فهمتونى كدا ومش ذنبى ان حد فهمنى غلط
عموما هنشوف الموضوع هينتهى على ايه
دمتم فى رعاية الله



دمتم فى رعاية الله
وعلى فكرة انا كلمت الاستاذ احمد يحيى وحضرته تفهم وجهة نظرى وقاللى على خطأى ونا وعدته بانى اعدله
دمتم فى رعاية الله

جزاك الله خيراً أستاذ أحمد بارك الله فيك
تعودنا منك دائماً حرصك على احترام المعلم والدفاع عن كرامته

هههههههههههههههه
اقسم بالله كنت متاكد ان فى موضوع هيتعمل بخصوص موضوع محمود
اعتقد ان محمود بيتكلم عن حالات خاصة ومعممش الموضوع على جميع المدرسيين
المدرس رمز وقدوة وحاجات جميلة
بس برضه هيفضل فى النهاية بشر وبيغلط وكل مهنه فيها الغلط وفيها الصح
وكل مهنة فيها المسئول والمستهتر
ولو كان هنا قصد المدرس بصفة الجمع فالجمع هنا يفيد التعظيم للمعلم
ياجماعة فى حاجة اسمها مناقشة وحرية رأى
هو نزل موضوع للمناقشة يعنى الغرض منه انه يتكلم معاكم ووجهة النظر الصح هى اللى هتكسب
وبلاش نقطة انتا ادارى اللى بيتلعب عليها كل مرة
وطبعا انا واثق ان مهما الواحد اتكلم وقال هيفضل فى نظر حضرتكم غلط
علشان احنا لسه اطفال وعمرنا ما هنكبر ابدا ولا هتحسه ان لينا عقل وكيان وتفكير زى ما بتعتقده

يا اساتذتنا
الموضوع مفيهوش اى اهانه لحضراتكم او حتى يمسكم
الموضوع بيتكلم عن واقع فعلا
ليه حضراتكوا مش متقبلين اى مهنه فى الكويس والوحش
فيه اللى عنده ضمير وفى اللى معندهوش
مش فى مهنة التدريس بس

يا ريت حضراتكوا تقراو الموضوع تانى

اخى الغالى احمد

تم تثبيت الموضوع فى القسم العام مش تتعب نفسك

ولابد ان نشكر الادارة على تلبية طلبك

ههههههههههههههههههههههههههههههههههههههههههههه
شكرا للادارة
جزيل الشكر