مشاهدة النسخة كاملة : اكف القدرة على فمها تطلع البنت لامها !!!
MoHaMeD ELsHeRbEnY 09-04-2009, 05:20 PM السلام عليكم
ازيكم كلكم واحد واحد وواحدة واحدة
يارب تكونو كويسين
طبعا كالعادة مش عارف ابدا ازاى
المهم ندخل فالموضوع
فية عندنا دكتور بدون زكر اسماء بنروح نحضر المحاضرة بتاعتة
لمجرد اننا نضحك بس
مبنفهمش منة اى حاجة كالعادة ( ولا من اى دكتور ):mad:
المهم انا بقعد لة للغلطة واقعد اكلمة فيها وفى الاخر يقولى اتنيل اطلع برة
ههههههههههههههههههه
غلطات مش فى المنهج علشان محدش يفهمنى غلط
غلطات فى الامثال الشعبية وكدة
المهم
مرة قاعد يشتم فى البنات بدون سبب
وطبعا قلبنا حنين صعبو علينا قلنا ندافع عنهم :p
هههههههههههههههههه
المهم
من ضمن شتيمتة للبنات قال على راى المثل
اكف القدرة على فمها تطلع البت لامها
على اساس مثلا اننا قاعدين على قهوة على المشاية
عارفين المشاية فى المنصورة اكيد
بس مفيش عليها قهاوى
هههههههههههههههه
فهوة قال المثال وقاعد يشرحة
فبيقول البنت الى تلاقيها لمضة ورغاية كتير
اعرف انها طالعة لامها
قولولى ازاى قلنا لة ازاى
قال هيا بتشوف امها بتعطى ابوها بالجزمة
وكلمتها هيا الى بتمشى
بيبقى قاعد مع رجالة بيتفقو على حاجة
وهيا واقفة من ورا الستارة
تقول له مش هيحصل وحياة امك
يقوم يقول للناس عادى يا جماعة زعلانة بس شوية
وهيا ليها راى بردة :d
فالبنت بتشوف كدة فى البيت
فبتيجى هنا بقى تفضل تتلامض وترغى من الى بتشوفى فى البيت مع امها وابوها
فبعدين قلت لة طيب البنت الى مش محترمة يا دكتور
لازم امها تكون مش محترمة علشان تبقى طالعة زيها زى ما حضرتك بتقول
قالى اكيد بتبقى زيها
طيب قلت لة طيب البنت المحترمة لازم بردة امها تكون محترمة علشان تبقى طالعة ليها
قالى اطلع برة يا حيوان كالعادة
المهم الموضوع مخلصش
انا طلعت وباقى اصحابى كملو معاة
وطردهم كلهم وموصلوش لحل ولشرح مفيد للمثل دة
انا عاوز بقى كل واحد يدخل يعلق على كلام الراجل دة
ويشرح المثال من وجهة نظرة
بعد اذنكم طبعا :d
يلا فى رعاية الله
Sharp Nails 09-04-2009, 06:48 PM اكيد طبعا البنت زى ماماتها
دة اكيد دشليون فالمية
تربي بنتها على الاخلاق والادب هتطلع اخلاق وادب
هتربيها على الحاجات التانية هتطلع على الحاجات التانية
بس خلاص فنش الكلام
وبعد اذنك عدلت حتة صغيورة فالموضوع
مدرس الغد 09-04-2009, 10:55 PM ههههههههههههه المئل غريب اوى طيب افرض البنت كويسه اوى وامها وحشه اوى اوى وافرض ان البنت وحشه وامها ست فاضله فى قمه الادب والاحترام يبقى المثل داه اصلا غلط هههههههههههههه
وطردهم كلهم وموصلوش لحل ولشرح مفيد للمثل دة
طردهم كلهم
يلا احسن عشان يونسوك وماتقعدش لوحدك برا
:p
بالنسبة للمثل
انا مش مقتنعة بيه اصلا
ياما فيه امهات كويسين جدا جدا وبناتهم .....
وبرضو فيه امهات ..... وبناتهم كويسين جدا جدا
ولو المثل ده صح
تفسر بايه ان فيه اخوات بنات مختلفين عن بعض تماما
واحدة منهم حاجة والتانية حاجة تانية خاالص
ف اسلوب الكلام واللبس والتفكير وكل حاجة كل حاجة !!
عموما ممكن يكون المقصود من المثل ان البنت بتتأثر بمامتها يعنى
لكن برضو فيه مؤثرات خارجية تانية البنت ممكن تتأثر بيها اكتر
زى الاصحاب والمدرسين والقرايب والتى فى والنت وحاجات كتير
---
احتمال المثل كان صح لما البنات كانوا منغلقين على نفسهم
ومش بيتعاملوا مع حد غير ماماهاتهم
ايام سى السيد وست امينة كدة
:d
لكن دلوقتى الموضوع اختلف
---
احساسى بيقولى انى لو كنت ف المحاضرة دى
الدوكتر كان هايطردنى 30 مرة
:d
هنا الفقي 10-04-2009, 01:41 AM نياهاهاهاهاهاهاهاهاهااااااااا
والله الراجل ده ظريف جدا ودمه تقيل تقيل يا محمد
بس ولا يهمك
كل العظماء اتطردوا م المحاضرات
عادي يعني
حاجة كويسة
بالنسبة بقى للكلام العجيب ده
فطبيعي جدا ان البيئة بتاثر ع الابناء
تمام بمعنى ..اسلوب التربية اقصد يعني والجو العام للاسرة
تمام؟
لكن مش بالطريقة اللي اسمحلي اقول عنها غبية اللي هو بيقول عليها دي
انما بطريقة انو الابناء يطلعوا محترمين او لا
او مش كده كمان
انهم يطلعو عارفين يميزوا بين الصح والغلط
او كمان مش كده
انهم يعرفوا يميزوا ويعرفوا ياخدوا موقف ويكونوا فكرة
ويمكن من هنا تبدا عملية انهم يوصلوا رايهم او فكرتهم او يعرضوها
باي طريقة كانت بقى
لماضة مالمضاش
على حسب شخصيتهم
عموما انا مش عارفة اذا كان الرغي بتاعي ده مفهوم ولا ملخبط كالعاده
اتمنى اكون قدرت اوصل فكرتي
وبالمناسبة
ابقى قول للدكتور بتاعك ده
لو كان لسة متمسك برايه العجيب جدا ده
ومتعصبله اوي وما بيتفاهمش
قوله هنا بتقولك
المثل الصح ف الحالة دي يبقى
اقلب القدر على غطاها تطلع البنت لباباها
بس تكون عامل حسابك ما تحضرش المحاضرة اصلا
أ/ محمد عبد العظيم 10-04-2009, 02:18 AM شكراً جزيلاً على الموضوع
اوركيديا 10-04-2009, 02:37 AM هههههههههههههههه
ايه الموضوع العجيب ته:d
طاب ما هو فيه مثل بيقول
يطلع من ضهر العالم فاسد و من ضهر الفاسد عالم
عاتى يعنى
مش مبدا او اساس
بس هو عامه عشان نبقى منصفين
بيبقى فعلا التربيه
و لما نقول تربيه يبقى قصدنا بيها كمفهوم و كفكره عامه
سواء بقى ام اب عم جد خال اخ
اى حد
و اى انسان بياثر على طريقه تفكير الانسان
مش بيقولك ان ال 3 حاجات الاساسيه اللى بتغير تفكير الانسان
البيت و المدرسه و الصحاب
التلاته مع بعض
و بيعملولك مثلث نستون كته و حاجات عجيبه و ازاى ده بياثر و ده بياثر
المهم موش مشكلتنا دلوقتى
:d
بس انا مش عارفه هما ليه بيقولوا البنت لمامتها يعنى
طاب بالعكس بيقولك فى الدراسات الحديثه ان الابن اكثر تاثرا بعادات و سلوكيات امه عن البنت
على اساس ان الام بتكون غالبا هى مصدر الحنان الوحيد فى حياته لفتره كبيره
فبياثر معاه اوى الحرمان من الحنان ده او الحنان الزايد او ايا كان اللى بيحصل
بس البنت لقوها اقل تاثرا بالكلام ده
حتى تلاقى عقده اوديب اكتر عن الاولاد عامه
:d
انا فاكره القصه دى بتاعت القاتل التسلسلى اللى كان بيقتل البنانيت الجمال و خصوصا البيض عشان يسلخ جلدهم و بعد كده يخيطه عشان يعمل بيه حاجه زى جلد
بيلبسه عشان يحس ان مامته لسه عايشه معاه و مش ماتت
و الحكايه حقيقيه فعلا
:d:d:d
بشعه شويه
صح
:d:d:d:d:d
اما عن كلام جناب المحترم اللى مش عارفه ده اخد الدكتوراه بتاعته فى ايه بالظبط
و فى الاخر يقولوا حال التعليم و الشباب
هوفففففففف
المهن
قال هيا بتشوف امها بتعطى ابوها بالجزمة
وكلمتها هيا الى بتمشى
بيبقى قاعد مع رجالة بيتفقو على حاجة
وهيا واقفة من ورا الستارة
تقول له مش هيحصل وحياة امك
يقوم يقول للناس عادى يا جماعة زعلانة بس شوية
وهيا ليها راى بردة :d
فالبنت بتشوف كدة فى البيت
فبتيجى هنا بقى تفضل تتلامض وترغى من الى بتشوفى فى البيت مع امها وابوها
مش عارفه المفروض الواحد يرد يقول ايه بالظبط :frown:
يلا بقى
بس كته كفايه رغى و اقوم اناااااااااام
بس موضوع كميل يا محمد
http://www.thanwya.com/vb/life/icons/icon7.gif
فى رعايه الله
Amethyst 10-04-2009, 02:45 AM .. المرة الجاية ابقا صلح للدكتور المثل ..
قول له : دكتورة مرمورة بتسلم عليك ..
.. أصل احنا أصحاب ..
http://www.thanwya.com/vb/picture.php?albumid=883&pictureid=4239
.. احم .. احم ..
.. و قول له ده كمان ..
.. اكف القدرة على فمها .. يخرج الفول منها ..
http://www.thanwya.com/vb/picture.php?albumid=883&pictureid=4239http://www.thanwya.com/vb/picture.php?albumid=883&pictureid=4239http://www.thanwya.com/vb/picture.php?albumid=883&pictureid=4239
.. كانت الميس بتاعة العلومــ في ابتدائي باين .. يمكن اعدادي مش فاكرة أوي .. كانت بتقول كده ..
.. بس مش ليا دعوة ..
.. ممكن تقعد بعدها في الكلية ثلاثين تسعسن سنة كده ..
http://www.thanwya.com/vb/picture.php?albumid=883&pictureid=4239http://www.thanwya.com/vb/picture.php?albumid=883&pictureid=4239
..............
.. هو مش شرط بنت مش محترمة يبقا والدتها كده ..
.. فيه بنات قمة الــ .......
.. و معـ ذلكـ والدتهمــ محترمة جداً ..
.. مديرة مدرسة كمان ..
.. ما علينا ..
.. الكلام ده كتبته الساعة 11 و 40 دقيقة ..
.. شوف الرد نزل امتى ..
.. ليا حق أنسى الكلام ..
.. لحد هنا و بجد نسيت الكلامــ اللي كنت هاقوله ..
.. أنا كنت هاكتب رد أكتر من الموضوعـ ..
.. بس مش عارفة ايه اللي حصل ..
.. ده بيرجع للحالة النفسية ..
.. يللا ..
.. أنقذت نفسكـ من القراءة ..
http://www.thanwya.com/vb/picture.php?albumid=883&pictureid=4239
.. و كـ العادة ..
.. لا يسعني في نهاية الموضوع ..
إلا أن أقول الجملة المشهورة التي تتردد على لسان الكثير من الأعضاء ..
.. شكراً على الموضوع الطيف ..
.. أو ..
.. مشكوووووور ..
http://www.thanwya.com/vb/picture.php?albumid=883&pictureid=4239
.. اختار اللي تعجبكـ منهمـ ..
.. دمتمـ في رعاية الله و أمنه ..
http://www.thanwya.com/vb/picture.php?albumid=883&pictureid=4240
MoHaMeD ELsHeRbEnY 11-04-2009, 09:12 AM اكيد طبعا البنت زى ماماتها
دة اكيد دشليون فالمية
تربي بنتها على الاخلاق والادب هتطلع اخلاق وادب
هتربيها على الحاجات التانية هتطلع على الحاجات التانية
بس خلاص فنش الكلام
وبعد اذنك عدلت حتة صغيورة فالموضوع
لا يا نسمة مش اكيد
بمعنى ان فية امهات كتيرة محترمة اولادهم مش محترمة
وفية امهات كتيرة مش محترمة اولادهم محترمين جدا
بس دا ميمنعش ان الابناء بيكتسبو اغلب الصفات من الاهل بردة
نورتى الموضوع والله يا نسمة
وعدلى الموضوع كلة براحتك
ولا يهمك
بجد كنت سعيد بمناقشتك يا حاجة نسمة
شكرا جزيلا على الرد والمرور
جزاكى الله خيرا
فى رعاية الله
MoHaMeD ELsHeRbEnY 11-04-2009, 09:15 AM ههههههههههههه المئل غريب اوى طيب افرض البنت كويسه اوى وامها وحشه اوى اوى وافرض ان البنت وحشه وامها ست فاضله فى قمه الادب والاحترام يبقى المثل داه اصلا غلط هههههههههههههه
ههههههههههههههههههههه
فعلا هوة مثل غريب جدا
بالظبط نفس كلامى يا مدرس الغد
ان فية امهات كتير محترمين اولادهم مش محترمين
وفية امهات كتير مش محترمين اولادهم محترمين
شكرا ياباشا على الرد والمرور
نورت الموضوع
جزاك الله خيرا
فى رعاية الله
ميراج 11-04-2009, 11:15 AM انا كمان مش مقتنعه خالص بالمثل ده
فى كتير امهات وحشيين وبناتهم حلوين ومؤدبين جدا
والعكس بردوا فى بنات بتبقا امها مربييها تربيه كويسه ولما تختلط باصحابها اللى مش كويسيين بتبقا اخلاقها عارفين طبعا جميله خالص هههههههههه
وبعدين ماشى الام ليها تاثير على بنتها بس بنتها اكيد بيأثر عليها ناس تانيه
والمره اللى جايه متخلهمش يصعبوا عليكم هههههههه
يعنى بلاش الحنيه الزياده ديه ههههههههههه
nothing 11-04-2009, 04:01 PM اولا حمدلله باالسلامه يا استاذ محمدB)
ثانيا متزعلش من الطرد ده مفيد جدا للصحه
ثالثا المثل ده مش صح خالص لان ممكن يكونوا الاهل صالحين جدا بس تلاقى الاولاد يا ساتر
ده يا ابنى تلاقى البنت من دول لابسه الشيميز (الجاكت):d قدام ابوها وامها واول ما تروح الجامعه تقوم قلعاه علطول:eek:
وحاجات من دى كتير
وكمان انا اكتشفت مش بيئه الاسرة ليها التاثير الاكبر على الانسان بل البيئه اللى بيكتسبها لما يخرج من نطاق الاسره هيا دى اللى ليها العامل الاوحد (ايه اللغه العربيه دى):p
لان الشباب والبنات اليومين ةبيدخلوا فى منافسات مع بعضهم مين اللى هايلبس احسن مين اللى مش عارف هايعمل ايه
بيغيروا من بعض ومادام الغيرة دخلت خلاص يطنشوا لاى اخلاق او مبادئ كانوا اتعلموها زمان من اهلهم وبعد كده يتريقوا على اهلهم ويقولولك عليهم ايه(old fashion) دقه قديمه يعنى بس بالعنجليزى طبعا عارفه ثقافتك هيروغليفى فبوضح:p:p
وشكرا ليك يا محمد عالتوبيك ده بجد حاجه تقطع الرباط:angry2::angry2::angry2:
khas123 11-04-2009, 04:34 PM حرام عليكو الراجل طلعان عينه انه ساب المنهج وبيشرح في مثل شعبي
ههههههههههههههههه
JASSY 11-04-2009, 09:43 PM انا مش عارفة والله ايه دكاترة اخر زمن ديه..
اما على حوار الطرد ده يلا احسن برده ما تقعد توجع دماغك كفاية هو دماغه وجعاه لوحده هيطلعوا عليكوا كمان...
اما المثل بقى انا مش مقتنعة بيه خاااااالص
ايه علاقة البنت انها تبقى محترمة او مش محترمة بامها او اي صفة تانية يعني.مش شرط الاحترام.
ميرسي ليك يا محمد ع موضوعك الجامد.
محمد على ابوزياد 14-06-2009, 10:11 AM المثل صحيح
والقليل منه شواذ مثل رد يمكن تكون البنت متدينة والام والعياذ بالله لا
او العكس الام متدينة والبنت لا شواااااااااااااااذ لكل قاعدة شواذ
Observer 14-06-2009, 10:23 AM ههههههه
الدكتور دة زى العسل
وبيجيب من الآخر
والبنات دول عاملين بالظبط
زى الستاااااات !!!
ههههههه :av4056bb7jp3::av4056bb7jp3:
مستر محمود صادق 27-06-2009, 01:36 AM مثل الى حد ما صحيح
fictional.girl 27-06-2009, 06:32 PM اولا ده مثل من امثال كتيييييييييييييييييير في مصر
منها الصح ومنها الغلط
واكيد مش كل مثل بينطبق ع كل الناس
لان لكل قاعدة شواذ
ولكن عادة المثل ده صحيح
لكن زي مقولت مقدرش اعمم ده
بس انا لي تعليقرخم شوية ع الموضوع ده
بصرف النظر ان الموضوع بيتكلم ع المثل
لكن انا معترضة ع الدكتور بتاعك ده لانه ملهوش الحق انه يتكلم ع البنات بالطريقة دي وبيعم ع الرغم ان في اولاد اصلا
يستحقوا النقض ده اكتر من البنات
دي حاجة
الحاجة التانية
كونك انك تقبل انك تتطرد من المحاضرة وتعتبر ده شئ عادي ومتتخذش اي موقف ده ضعف منك
طالما انت معاك حق
روح وناقش الدكتور بتاعك ده
بس بالادب ومن غير متحسسه انك بتنتقده
او روح ادم فيه شكوة انه مبيعرفش يشرح كويس ............... الخ يعني
ع العموم شكرا ع الموضوع
وياريت تقبل رأي وتعليقي
جوليت55 27-06-2009, 09:30 PM هاى يا شباب بصراحه انا مش عرفهانتوا شغلين نفسكم ليه بالموضوع ده
جايز الدكتور كان عايز يروشن شويه او مش فى المود
بس انا مبقتنعش بالمثل ده لان لكل واحد دماغ لوحده وكمان فى بعض الاحيان علشان محدش يزعل
البنت بتتغير بعد اما تروح الجامعة وبتختلف عن مامتها خالص
وبعدين ياكبتن شكل الدكتور ده عبيط انصحك تغيره بس بعد السنادى ههههههههه
MoHaMeD ELsHeRbEnY 27-06-2009, 10:05 PM طردهم كلهم
يلا احسن عشان يونسوك وماتقعدش لوحدك برا
:p
هههههههههههه
والله كان يوم حلو
دا حتى رحنا اتفسحنا فى قسم تانى :bosyht9:
بتوع المنصورة اكيد عارفينة :d
بالنسبة للمثل
انا مش مقتنعة بيه اصلا
ياما فيه امهات كويسين جدا جدا وبناتهم .....
تمام
بس دا ميمنعش انة بيطبق على الاكتر
حسب التربة والبيت والبيئة ... الخ
صح ؟؟
وبرضو فيه امهات ..... وبناتهم كويسين جدا جدا
تمام
نفس الجزء الى فات
ولو المثل ده صح
تفسر بايه ان فيه اخوات بنات مختلفين عن بعض تماما
واحدة منهم حاجة والتانية حاجة تانية خاالص
ف اسلوب الكلام واللبس والتفكير وكل حاجة كل حاجة !!
ممكن نقول ان لكل قاعدة شواذ
ويبقى دول شواذ
ولا يبقى دول القاعدة
والمتشابهين هما الشواذ ؟؟
اية رايك ؟؟
عموما ممكن يكون المقصود من المثل ان البنت بتتأثر بمامتها يعنى
لكن برضو فيه مؤثرات خارجية تانية البنت ممكن تتأثر بيها اكتر
زى الاصحاب والمدرسين والقرايب والتى فى والنت وحاجات كتير
---
كلامك صح
معاكى حق
بس انا هختلف معاكى فى نقطة
ان انتى بتقولى ان فية حاجات بتاثر فى البنت اكتر من الام
معتقدش
لان الام هيا منبع كل شئ بالنسبة للبنت
اخلاقها ادبها احترامها اسلوبها
ممكن يتغير بعد بتاثير عوامل خارجية
البيئة
الشارع
المدرسة
....الخ
صح ولا انا غلطان ؟
احتمال المثل كان صح لما البنات كانوا منغلقين على نفسهم
ومش بيتعاملوا مع حد غير ماماهاتهم
ايام سى السيد وست امينة كدة
:d
على فكرة فية اسرات دلوقتى كدة
وكلمة حق
بحس انها انجح من الاسر التانية الموجودة دلوقتى
الدنيا اتفتحت على العالم الغربى
اخدت منة الوحش
اكتر من الحلو
لكن دلوقتى الموضوع اختلف
---
احساسى بيقولى انى لو كنت ف المحاضرة دى
الدوكتر كان هايطردنى 30 مرة
:d
طب كويس والله انك مش كنتى موجودة
كان شيلك المادة
احسن هوة ما بيصدق يشوف حد كدة
وخصوصا لو بنت
يبقى شايلاها شايلاها
هههههههههههههههه
نورتى الموضوع يا منى
ربنا يوفقك فى الثانوية العامية دى يارب
بجد كنت سعيد بمناقشتك
فى رعاية الله
sh2awa _ 91 05-08-2009, 12:22 PM ههههههههه اهم حاجة انك طلعت برا المحاضرة(مصلحة بردو )
بص يا سيدي الاول انا مش بقتنع بالمثل دة خالص ،طبعا هتقول ليه ؟؟؟ هقولك اسمعني للاخر ..طبعا الام بتاثر على بنتها جامد جدا ولو الامر محترمة بتعلم بنتها ازاي تبقى محترمة ولو الام ... هتعلم بنتها بردو تكون .... لكن في الحالتين مش هنقدر نحدد البنت هتستجيب ليها ولا لأ .يعني مثلا انا اعرف بنت محترمة اوي والله وملتزمة جدا وللاسف البيت عندها كله مضروب عالاخر بس هيا ليها منهج وعايزة تمشي عليه ومبدا في الحياة وبتلتزم بيه . واكيد بردو في اهالي كتير محترمة وامها زي الفل بس بناتهم مخهم ناشف ومش بيحبوا يعيشو محترمين ...
عشان كدة مش صح اننا نظلم كل ام ونقول بنتها مش محترمة عشان هيا مش محترمة .هوا طبعا المفروض تتصرف بس في حالات مش بينفع معاها حاجة خالص.
طيب ما انا ممكن ابقى مثلا بس بشكل تاني .. ماما هااااااااااااااااااااااااااااااادية جداااااااااااااااااااااااااااااااااااااااااااااااا ااااااااااااااااااا لدرجة غريبة اوي ومع ذلك انا طلعت كدة ***...
فخلاص يعني هنعمل اية بقى
طولت كتير مش كدة(بس براحتي طبعا ) ونايس توبيك
Its My Life 05-08-2009, 01:37 PM هههههههههههههههههههههههههههههههههه
ده الدكاتره دول عليهم حاجات
ربنا يبشرك ويسهلك
شهدالجنة 06-08-2009, 12:43 AM ههههههههههههههه
موضوع جامد بجد تسلم ايدك
بس مش مقياس فعلا ساعات البنت تبقى ويسة جدا
جدا والام مش ويسة والبنت وحشة والام كويسة
زمن العجايب بجد
dr-rana 07-08-2009, 02:01 AM ههههههههههههههههههههههههههههههههههههههههههههههه
بصراحة موضوع جميل بيوضح مدى حب الدكتور دا ليك
بص نصيحة مني لما تسمعه بيقول حاجة غلط
قوله شكرا يا دكتور حضرتك بتفيدنا في حياتنا العلمية والعملية
وطنش تعش تنتعش \ بس هل هو واخد دكتوراة ولا حنطوراة
وشكرا لأني بجد ضحكت من قلبي
who cares 07-08-2009, 09:11 AM اولا جامد اوى التوبيك ده عجبنى
انا مش هاتكلم كتيير بس تفسيرى للمثل
انه ممكن تكون الام بتكسب بنتها صفات من اسلوب تربيتها ليها مش من صفاتها هيا ده اللى انا بفهمه
لكن بالنسبه للمعنى الشائع يبقى المثل ده غلط بقى لان فعلا زى ما اغلبكوا قال ان في بنات محترمين
ماماهتهم مش كويسن والعكس برضو
بس كده ميرسى اووى
|