جمهورية مصر العربية
موقع بوابة الثانوية العامة المصرية
المنتديات التعليمية
ركن الأقسام الجديدة والمميزة
القسم العام
في يوم الجمعة الموافق 10/4/2009م
وفي تمام الساعة 11:41 pm
عزيزي / س
بعد التحية المعتادة والسؤال على صحتك الغالية والتي أرجو أن تكون في أحسن حال وأن تظل هكذا ، وأن يمتعك الله بقوتك وصحتك أبداً ما حييت ..
أكتب إليك هذا الحديث الفياض والذي عزمت ألا أرفع أصابعي من على لوحة المفاتيح أمامي إلا إذا شعرت بأني قد أفرغت هنا كل ما أريد أن أقوله لك ..
أكتب إليك يا من أحببتك دونما أراك رأيتك صورة ثابتة ذات يوم وسمعت صوتك ذات يوم تفصل بيننا المسافات ورغم البعد أحببتك بل وتوحد شعوري مع شعورك فأصبح قلبي ينبض بإحساسك ، وبدأت أصدق عالم الانترنت الذي كنت أحسبه درباً من دروب الخيال والسراب.
تعرفنا على الياهو - على المنتدى - على الهوتميل لايهم .. المهم أننا تعرفنا على النت ، لمحت فيك الشاب الطموح المقبل لى الحياة وفوجئت عندما فتحت لي قلبك وفضفضت معي أنك تحمل العديد من الآلام والتأوهات التي تنحت مجراها في شخصيتك ونفسيتك .. صممت ألا أقف صامتاً متفرجاً ورغم البعد حاولت أن أحيطك باهتمامي وأن أقف بجانبك قدر المستطاع لأخرجك مما أنت فيه.
أخي الذي لم تلده أمي بل ولدته الصدفة والتقابل الروحي .. مرت الأيام بيننا ولم أشعر أننا نبعد كثيراً بل كنت أشعر باسمك المنير على قائمتي الياهوتية وكأنك تجلس على المقعد المجاور لي ..
شعرت أنك فهمتني وأنني فهمتك .. وشعرت أنه لا يوجد قوة على الأرض يمكنها تغيير ما بيننا من مودة واحترام وبعدها ..
آه من بعدها .. كما أعدت الثقة لي في عالم النت الذي كنت أحسبه سراب وخيال وعاد على يديك لواقع ملموس محسوس أصدقه وأتيقن به .. بيديك أيضاً تعيدني إلى دائرة الشك في هذا العالم وينقلب حالنا من الصداقة للخلاف ومن المحبة للخصام ولا تراعي نفسيتي مع أني طالما راعيت نفسيتك ، ولا تكلف نفسك حتى بالسؤال علي مع أني في أمس الحاجة إليك ..
أتحسب يا (س) أنني أنفصل عنك بمجرد خروجي من النت؟ أتحسب أني لا أفكر فيك ؟ ولكني أتساءل هل أنت تفكر فيّ هل ما زلت أحتل ولو ركنا صغيراً من قلبك ..
أسفاً يا أخي .. لم أتعلم .. تعلقت بك بالفعل .. مع أني تعلقت من قبل بأشخاص هنا على النت .. وفرقت بيننا الأيام ولم أتعلم .. يا لك من ساحر .. أعدت لي الثقة ثم أخذتها ..
دعني أبوح يا (س) أبوح لك عن مكنوناتي وأتساءل هل توجد صداقة على النت؟ هل يمكن أن أحكم على شخص دونما أراه ؟ والعجيب أني ما زلت أحبك وأتمنى رضاك علي .. عجيب أنا أليس كذلك ؟
مع أنك تتهمني ظلماً وعدواناً تصدر أحكامك عليّ ولا تدري أنك تجلدني بحكمك ..
أنتظر ردك يا (س) هل ما زلت تحبني ؟
أم أن النت سراب ؟
وفي الختام .. أرجو الله أن يجبر كسرنا ويصلح حالنا ويبصرنا لما فيه الخير ..
المرسل/ نجم المشاعر
علاقات النت .. بين الحقيقة والسراب ..
هل من رأي يوضح ذلك ؟ في انتظار الآراء
وخصوصاً رأي (س)

السلام عليكم
فين طابع البوسطه يا استاذ احمد :p
ده مين الاسي الغدار الي عمل فيك كده قولي وانا http://www.elebda3.net/img/msn/gif/eLeBDa3_671.gif
بس فيه حاجه احب اعلق عليها
طالما (س) قالك علي جزء من الي في قلبه
وبالذات الحاجات المره يبقي كده كان واثق فيك
وده واضح من فعله
ولما سحب بساط الثقه اكيد مسحبهوش من فراغ
وده برضه استنتاج من ثقته علي حسب قولك
بس ممكن ميكونش هو الي سحب البساط
ممكن يكون الطرف التاني
ممكن يكون طرده من قلبه من حياته من يله علي الاقل او او او او او
اسباب سحب البساط كتيره
وياريت تقولي علي الراجل ده في رساله خاصه
وميله يمكن اقدر اقنعه انه يرجع http://www.elebda3.net/img/msn/gif/eLeBDa3_564.gif
انت عارفني مبرضاش علي زعلك
نسيب بقي موضوع سين العجيب ده
ونخش علي موضوع الصداقه
الصداقه هي الصداقه في اي حته
حتي ولو في السجن
هتبقي اسمها صداقه
الصداقه شئ جميل جدا جداhttp://wo4s.com/vb/images/smilies/295.gif
بس للي يقدره
ويقدره صح كمان
اما علي الميل صعب انك تعرف الصداقه من المصلحه http://www.elebda3.net/img/msn/gif/eLeBDa3_640.gif
غير لما تعدي فتره
ويمروا بتجارب مع بعض
وتقريبا الصداقه علي الميل ممكن تبقي اريح من الحقيقه
لانك مبتبقاش شايفه او تعرفه
ده انت ممكن تعتبره دكتور وتكلمه كلام
متعرفش تقوله لحد في الحقيقه
وكمان كفايه الثقه
انك تدي الثقه لحد عمرك ما شفته
او تعرفه قبل كده
الصداقه لو اتوزنت واتقدرت صح انسي كلمة الخيانه
وساعتها هتتشال من المعجم نفسه

المشكلة يا ناصر
إن (س) شكله بيمل بسرعة
وبيخسر الناس بسرعة
(س) تعب قلبي كتير
بس مسيره يعرف مين هو (ص)
وساعتها هيندم (س) إنه زعل (ص)
في يوم من الأيام
إيه دا هو أنا هغني ولا ايه؟
في يوم من الأيااااااااااااااام ...
لا لما أبطل هزار أحسن يقولوا عليا دمي تقيل
مش مشكلة
أما بالنسبة للصداقة يا ناصر
وإنها على الميل أريح
أنا أتفق معاك في النقطة دي
لأني بصراحة في الواقع تعبت منها كتير
صديق ليا شاركته في مشروع
هو بالمجهود وأنا بالمجهود ورأس المال
وعشان أنا موظف كتبت عقد إيجار المكتب باسمه
ومخدتش عليه ورقة ضد
وطبعاً القانون لا يحمي ...
بس يا واد عيب ما تشتمش
وفي يوم يا أخويا خير اللهم ما اجعله خير
جيت احط الشليموه في البمبم
قصدي المفتاح في الكالون
لقيته بيقولي هذا الكالون مرفوع مؤقتاً من الخدمة
قالب الكالون قد يكون حد غيره أو حد سده
وبسأله ليه كده يا صاحبي
قالي الحياة فرص يا صاحبي
وسلملي على الأصدقاء يا محمد
والمغفلين بالمرة
:p

[QUOTE]أخي الذي لم تلده أمي بل ولدته الصدفة والتقابل الروحي .. مرت الأيام بيننا ولم أشعر أننا نبعد كثيراً بل كنت أشعر باسمك المنير على قائمتي الياهوتية وكأنك تجلس على المقعد المجاور لي ..
شعرت أنك فهمتني وأنني فهمتك .. وشعرت أنه لا يوجد قوة على الأرض يمكنها تغيير ما بيننا من مودة واحترام وبعدها ..
فعلا بجد ناس كتير اوى بيحس انهم كده
اخواته فعلا
و فى ناس بتحس بوجودهم و روحهم جمبك رغم انهم بعاد اوى
و يمكن و ساعات اكيد عمرك ما حتشوفهم
او تتعامل معاهم مباشره
بس رغم كده بتبقى متاكد انك فعلا بتحبهم
روحك قريبه منهم و روحهم قريبه منهم
:)
اجمل حاجه فى النت ان المعزه اللى فيه بين الناس بتبقى حقيقه غالبا
مش حد من الاتنين عايز حاجه ماديه من التانى
كل اللى عايزه انه يبقى جمبه و بس
لا اكتر و لا اقل
رابط روحى صرف
:)
و الكلام ده بجد انا حسيته مع ناس كتير هنا و دى الحاجه الوحيده اللى محببانى فى المنتدى ده
الناس اللى عرفتهم من عليه
زوزو و ايمى و مجدولين و شموخ و بنانيت كتير اوى
:):):)

اما بقى عن النتيجه
و طريق العلاقه دى
بيبقى صعب اوى تحديدها
يا ترى حد يقدر يحدد اساسا انه ممكن يدخل نت تانى
لاء
ظروف تحصل و مش يقدر يدخل تانى و بكده خلاص
كله ضاع
:redface:
دى الحاجه الوحيده اللى بيخاف الواحد منها
ماما على طول تقولى
مش ترتبطى بحد من هناك جامد
حيجى يوم و تسيبيهم
و كل ما تقربى اكتر
البعد حيبقى صعب
فمش تقربى منهم خليكى بعيد عشان يوم ما تحبى تمشى تمشى بدون زعل
:redface::redface::redface:
بس طبيعى مش قدرت انفذ ولا ربع الكلام ده
http://www.thanwya.com/vb/life/icons/icon10.gif


كل اللى فى ايدى اعمله انى ادعى ربى انه مش يكتب عليا البعد
الكلام ده كله عن البعد بدون رغبه الطرفين

اما بقى حته ان الواحد هو اللى يغدر
و يبيع بسهوله
فدر غلطه اللى قرب من البدابه
الانسان بطبيعته بيعمل تقييم مبداى للى قدامه
و من اوائل الحاجات اللى الواحد بيحسها اذا كان اللى قدامه يقدر يبعد و يبيع بسهوله و لا لاء
و بيحسها فعلا
بس المشكله ان الواحد بيكدب نفسه و بيستمر
و بيزعل فى الاخر لما اللى قدامه يبيع
مع انه كان على الاقل عنده احساس بكده
:redface:
اما لو مش كان حاسس منه حاجه فإن شاء الله يكون تغيير بسيط لسبب ما و حيروح مع الوقت
:)

يلا بقى كفايه كده
بس بجد موضوع عجبنى جداا جداا و اسلوب حضرتك فيه اكتر من رائع بجد
و الحكايه دى انا فعلا فكرت فيها كتير قبل كده
ربنا يوفقنا لما فيه الخير
و مش يكتب علينا انه يبتلينا بحاجه زى كده
:redface:
أرجو الله أن يجبر كسرنا ويصلح حالنا ويبصرنا لما فيه الخير ..

امين امين
يا رب العالمين
ربنا يديم المحبه و الاخوه فى الله ما بينكوا
:)

فى رعايه الله

شكراً جزيلا

وساعتها هيندم (س) إنه زعل (ص)



)
اوعي تقولي ان (س) (ص)قطعه مستقيمهhttp://thanwya.com/vb/images/icons/icon10.gif
ان شاء الله ترحع الامور زي الاول واحسن
وياريت س يشوف الموضوع ويرد فيه ويدينا اماره :)

دى الحاجه الوحيده اللى بيخاف الواحد منها
ماما على طول تقولى
مش ترتبطى بحد من هناك جامد
حيجى يوم و تسيبيهم
و كل ما تقربى اكتر
البعد حيبقى صعب
فمش تقربى منهم خليكى بعيد عشان يوم ما تحبى تمشى تمشى بدون زعل
آآآه عندك حق دي أكتر حاجة بتوجع أوي
عارفة أنا بحس بايه لو دا حصل معايا
بحس إن ايد كبيرة اوي وحديد اوي وقاسية اوي ماسكة قلبي ونازلة فيه عصر
لغاية ما بينزل عصير قلب منهي
يا ريت تقدري تسمعي كلام ماما بالنسبة للنقطة دي
فعلاً لما بنحب أوي بننجرح اوي
ولما نرتبط اوي ويحصل فراق
تحسي أننا بننقسم من جوانا
بننجرح جرح كبير .. جرح ايه .. دا أنا بحس إني بيحصلي تصدعات زلزالية تكتونية أخدودية
آه والله مش ببالغ
أنا كمان هحاول انفذ النصيحة دي

)
اوعي تقولي ان (س) (ص)قطعه مستقيمهhttp://thanwya.com/vb/images/icons/icon10.gif
ان شاء الله ترحع الامور زي الاول واحسن
وياريت س يشوف الموضوع ويرد فيه ويدينا اماره :)

نفسي أوي (س) يحس على دمه ويدينا أمارة
ادعي يا ناصر معايا انه يحس على دمه
يارب يحس على دمه
استنى انا هدعي دعوة جديدة غير يحس على دمه
بس قول آمين ورايا
ياااااااااااااااااارب
يااااااااااااااااااارب
يحس على دمه
:p

مفتتح :
جاء البريد ببسمتين

لكن قلبى
اين اين ؟؟؟؟؟؟؟؟؟
اعطى عمرى كله
يا من ترد الى
صوتى والنشيد
حتى ارد على البريد
الرد :
أعتقد ان س انسان معذور لانه
فعلا لا يعرف ص .
وأجزم ان و هو السبب
لانه يعرف ص جيدا
وعلى الرغم من ذلك
يتناسى الصداقة
بمفاهيمها الجميلة
وينجرف الى اهوائه
وتطلعاته الخاصة .
وهذا ال و هو نموذج مالوف
من البشر منذ القدم
ولا يستحق الرسالة ولا البريد
وخسارة فيه الورقة
والظرف والطابع
ومن كرم اخلاقك
وأصلك الطيب
انك تفكر فيه.

مفتتح :

جاء البريد ببسمتين

لكن قلبى
اين اين ؟؟؟؟؟؟؟؟؟
اعطى عمرى كله
يا من ترد الى
صوتى والنشيد
حتى ارد على البريد
الرد :
أعتقد ان س انسان معذور لانه
فعلا لا يعرف ص .
وأجزم ان و هو السبب
لانه يعرف ص جيدا
وعلى الرغم من ذلك
يتناسى الصداقة
بمفاهيمها الجميلة
وينجرف الى اهوائه
وتطلعاته الخاصة .
وهذا ال و هو نموذج مالوف
من البشر منذ القدم
ولا يستحق الرسالة ولا البريد
وخسارة فيه الورقة
والظرف والطابع
ومن كرم اخلاقك
وأصلك الطيب

انك تفكر فيه.

بالفعل (و) لا يستحق أخي الكريم
ولكن (س) مازال الأمل عليه معقود
وقربي منه مازال منشود
شكرا ًعلى المرور والرد الرائع

تم استلام الرسالة من ساعى البريد
وعنما القيت نظرة عليها فزهلت مما رأته عيناى
لا ادرى ما اقول ولا ادرى ما افعل
ولكن رسالتك قد وصلت الى
ولكن كان هناك طرف اخر (ع) كان شاهد عليكم مما يسمعه منكما عن الطرف الاخر
ولكن (ع ) ايضا غضب كثيرا من (ص) وبدأ الهجوم عليه مع وجود احقية
سيبك من الفصحى دى خلينا نرغى بالعامية:d
(ع ) كان عنده حق وشاركه (س ) فى ذلك بل وباقى الاحرف الاخرى
ولكن سرعان ما احس (ص) بأنه كان سببا فى غضب الكثير من الحروف اقرانه
واراد التسامح
وفعلا المسامح كريم ورجع (ع ) زى الاول وكذلك (ص)
بس فى الحقيقة لسة (س) على خلاف مع (ص)
واراد (ع ) ان يصلح بينهما
و(س ) مصمم على ماهو عليه واخذ يشك ويرتاب وفضلت اتحايل عليه :d
وبردو مصمم على كلامه
يبقا المشكلة فى (ص ) لازم يبدأ يصفى خلافاته مع (س )
وربنا يصلح الحال :d
دمتم فى رعاية الله

اوعي تقولي ان (س) (ص)قطعه مستقيمهhttp://thanwya.com/vb/images/icons/icon10.gif

ما حد يدور ع مدرس رياضة يحل الموضوع ده :d
. .
لا حقيقى موضوع جميل
وهرد فيه لما ادخل باذن الله

يا توقيعاتك .. توقيع روعة على فكرة كده تبقي غلبتي أسيل في توقيعها ..
ومستني ردك على الموضوع بإذن الله

اعانك الله واعاد اليك ما فقدته

من الممكن ان اكون تعرفت على العضو (س )


لو حضرتك معندكش مانع ممكن اعمل كونفيرانس ليكم لتتحدثوا سويا وتقوموا بحل اي شيء أو اي سوء ظن أو اختلاف بين أرائكم

منتظر رد حضرتك

حبيبي أ/ عبد العظيم والله واحشني أكيد لينا لقاء وأكيد هنتكلم كتير سوا