حبيت كل حاجة فيك
جمال روحك و قلبك
و حنان لمست ايديك
رقه نظرة عنيك

حبيت خوفك عليا
الله ع الرقه ديا
حبيت فيك الحنيا
الله ع اللمسه ديا
لما بتكون بين ايديا
بموت فى اللحظة ديا
اتمنى العالم يوقف
وتفضل بين ايديا

الدنيا دى تبقا ايه
قولى انا اعشها ليه
لو متكنش ادام عنيا

عيونى على طول شيفاك
وحسه بلمسه هواك
وقلبى حاسس بحبك
دنا قلت حبيبى ملاك
الله على حبك انت
واتمنى ايه غيرك انت
وانا كل مافيا
يا كل ما ليا
بيتمنااااااااااااااااك
قلى ازاى انساك
او ابعد عن هواك
وانا كل دقه فى قلبى
بتقول روحى فداك
روح قلبى يا احلى ملاك

لا يمكن اتمنى حاجة تانى
قلبى عمره مكان انانى
وكفايا عندى انت
وغيرك اتمنى ايه تانى

حلوة اوى يا منه
واخيرا يا بنتى غيرتى مود الكابه اللى انتى كنتى فيه ده

الله الله الله تحفة اهو كده سيب الحزن ده بقى ده الواحد بيعيش مرة واحدة وياريت ميضيعش حياته فى الحزن ربنا يوفقك وبجد موضوع تحفة واحلى ما فيه الاحساس الرقيق والكلمات البسيطة ربنا يديمك مبدعة لينا وربنا يسعدك

يامنه كثرت ابداعاتك

امممممممممممممم
انا شايف ان الحزن كنتى بتكتبى فيه احسن بصراحه
مش عارف ليه مش حاسس منك الفرحه
هو انتى بتكتبى من ورا قلبك الخاطره دى ؟
انا مستنى اجابه على سؤالى
على فكره دا احساس لسه حزين يا منه
تقبلى مرورى

كلمات جميلة جدا
واحساس الله عليه بجد
تسلم ايديكي يا فندم

ولكن زي ما قال خالد
حاسس انى في شئ مبهم في الكلمات
وعلي فكرة ..... لما الانسان بينجرح بيبقي صعب يرجع للحب من تاني
لانه بيفقد الامان ودا اهم شئ في الحب بالنسبة لي .....
وحاجه تانية .... مفيش انسان علي وجه الارض يعرف يطلع انسان من اي حاله حزن مهما كان .

وفي انهاية طبعا مقدرش اقول غير
ربنا يجعل ايامك كلها فرح وسعاده