انا لسه في 3 ثانوي علمى علوم
نفسي ادخل كلية علوم اووي
عايزة اعرف خادت من مجاميع كام
قاهرة و منصورة كل كليات علوم حتي لو في المريخ
لان خايفة التنسيق يعلي السنة دية وانا نفسي ادخلها اوووي

سلام عليكم..
بصي اولا لازم تعرفي ان المجاميع دي حسب ظروف كل سنة.
و طبعا 2008 كانت سنة شاذة في الثانوية العامة و قلبت الموازين..فعشان كده منقدرش نتوقع هتاخد من كام السنادي لاننا منعرفش الامتحانات هتبقى عاملة ازاي السنادي.
و طبعا الكلام اللي هتسمعيه من اي حد تسأليه .. هو انتي ملكيش دعوة بالمجاميع انتي اعملي اللي عليكي و ربنا يسهل..بس الكلام ده صح و منطقي لان انتي فعلا مفيش في ايدك حاجة غير نك تحاولي تبذلي اقصى ما عندك عشان تضمني تدخليها.
بس انا منكرش اني كنت زيك كده السنة اللي فاتت.
عشان كده برضه اقولك كليات العلوم خدت كام من علمي علوم لانه طبعا بيختلف عن رياضة.
دمنهور:93.9
القاهرة:90
اسكندرية:89.75
طنطا:89.63
المنصورة:87.68
شبين الكوم:86.58
عين شمس:85.97
الاسماعيلية:85.85
الزقازيق:85.48
الفيوم:85.12
دمياط:84.75
بنها:84.29
حلوان:83.29
بني سويف:83.04
سوهاج:82.43
قنا:81.7
عين شمس بنات: 81.58
المنيا:79.87
اسوان:78.53
اسيوط:73.78
اما علوم المريخ الحقيقة معرفتش اجيبها...
بس لازم تاخدي بالك ان المجاميع نازلة عشان النتيجة كانت وحشة لان الامتحانات كانت صعبة و كانت ثانوية مليانة مشاكل.
قبل كده كانت علوم مش بتنزل عن 89
سلام