مربع الزجل (لو كويس ادخل واكتب) [الأرشيف] - بوابة الثانوية العامة المصرية

سندريلا العراق

17-05-2009, 10:04 PM

الموضوع جميل جميل بجد فوق الوصف

وفي اعلام المنتدى وبالذات اعلام ابداعات الاعضاء

اجمل ما في الموضوع نجم المشاعر ومحمد علي و احمد رضا وبندق ( مع حفظ الالقاب ) طبعا كلهم اساتذتي

شكرا بجد يا y/m وطبعا مفيش داعي اقول ان رباعياتك لا تضاهى

بس لي معلش تعليق ل شريف الخضري

احنا زملاء ومن غير زعل طبعا ياشريف

بس رباعيتك حسيت انها ضعيفة شوية

مش لخلل فيها لا بس لانها نسخة من انشودة لأصالة نصري

نفس الكلام بس بترتيب مختلف

يارب متزعلش انا كل قصدي انبهك مش اكثر

وانتظروا رباعية السندريلا

سندريلا العراق

17-05-2009, 10:05 PM

سرقت اوطاني بما فيها

حاميها صار حراميها

وسيبقى بوش ساقيها

سيقيهم من دمنا خمرة

لي عودة

بندق__2007

18-05-2009, 08:10 AM

كل ما نمشى سكة نرجع لنفس المكان
و العيب ده يطلع عيبنا ؟ ولا العيب م الزمان ؟
نفسنا نوصل لحلم هو صعب بس ممكن
نفسنا فى وطن بجد ما يحكموش سجان

----------------------------------------------

ايه اللى يجرى لو نسينا
اللى كان فى يوم حبيبنا
طالما هو خلاص نسينا
بقى ذكرى لازم فيوم تسيبنا

أحمـدنجـم

21-05-2009, 01:47 AM

:blush:قالوا زمان ::blush:
دا مين بصللي بالعين راح أبصله باتنين
وعشان (دا مين) حلاق مش راح ألاقي اتنين
قدمت سبت وحد وفضلت مستني:stickjo4:
طلع النهار بقرار .. حذفوه يا ناس الاتنين :slap1qk6:
وعجبي
:dمع تحياتي (نجم المشاعر):d

y/m

21-05-2009, 01:17 PM

سندريلا أشكرك على رأيك بموضوعى

y/m

21-05-2009, 01:36 PM

من قال ان الحلم قاتل
ومن قال ان النوم سام
من قال ان العمر ضاع
دون ان ارفع حسام

pr!ncess

31-05-2009, 12:55 PM

الموضوع جميل بجد:078111rg3:

أنا قلبي بيناديك..بيقولك انا ليك

طب ليه بتعبد عني..طب ليه بتعذبني

ده أنا قلبي شاريك..و ف بعدك مراعيك

و ف قربك فرحان بيك..ولاعايز يطلع م الدنيا غير بيك

محمود راجح المصرى

03-06-2009, 03:36 PM

انا كنت فاكر الحكاية رباعى فى رباعى
وقلت ادخل وآخد حقى بدراعى
طلع الكلام فيه كلام وكله بيتكلم
طلعت انا على طول من همى وصداعى .
@@@@@@@@@@@@@@@@@@@@
متزعلوش منى وافهمو يا ناس
دا فن له اصول مش كلام وخلاص.
واللى معندش فكرة يسكت ويفرج
اصل الحكاية نباهة وكمان معاها احساس.

الشاعر/محمد علي

07-06-2009, 12:45 PM

العزب فتحي

20-06-2009, 09:31 AM

زي بنتي ،
ومستحيل اقدر أقول غير زي بنتي
بس قلبي بيعشقك ،،،،،،،
مش زي ،،،،،،،،،،بنتي

العزب فتحي

20-06-2009, 10:12 AM

قال الورق للقلم بطل تشخبيطك
رد القلم ع الورق بتقوللي طيب ليه كده
أنا ياللي حبيتك
وعملت لك وسط البشر قيمة
ف الفكر حطيتك

عجبي

زكي التابعي

21-06-2009, 03:11 PM

بسم الله الرحمن الرحيم

والله زمان يا فراعنة يا ولاد مصر
قدام البرازيل أديتم وكنتم أسود العصر
وغلبتم أيطاليا وأسعدتمونا بهذا النصر
عقبال أمريكا والكاس للحبيبة مصر
مع تحياتي / زكي التابعي
:022yb4:

زكي التابعي

23-06-2009, 03:17 PM

[quote=زكي التابعي;1338723]بسم الله الرحمن الرحيم

والله زمان يا فراعنة يا ولاد مصر
قدام البرازيل أديتم وكنتم أسود العصر
وغلبتم أيطاليا وأسعدتمونا بهذا النصر
عقبال أمريكا والكاس للحبيبة مصر
مع تحيات/ زكي التابعي

ما كنش العشم يا فراعنه
خذلتونا وقدام الأمريكان ضعنه
إيه اللي صابكم ولا زي ما سمعنه
ولاّ ياتري من الأجداد صابتكم اللعنه
وعجبي
زكي التابعي

الشاعر/محمد علي

24-06-2009, 03:58 PM

جميلة يا تابعى

بندق__2007

28-06-2009, 11:42 AM

ماتقوليش يا حبيبتى صعب .. نكون في يوم لبعض
يهون الصعب لكن .... مقدرش يوم على البعد
عشانك اتغرب و ابعد عشان اقرب
و اعمل عشانك حاجات ... معملتهاش لحد
-------------------------------------------------------
الف وردة شايلها ليكى ... ليكى انتى و مش لغيرك
لا عمرى ابطل احب حبك .. و لا عمرى احب حب غيرك
اللى قلبى دق لهواها ... و اللى اكمل عمرى معاها
ايوة انتى يا اميرتى ... و عمرى عمره ما يكون لغيرك

الشاعر/محمد علي

28-06-2009, 12:00 PM

جميلة جدا يا بندق

الأستاذة ام فيصل

29-06-2009, 11:27 AM

انا نجوم طايره في الهوا
ادور عن الحب والهوى
لما ليقته طار مني وهوى
يارب تعجبكم

د. رغد

30-06-2009, 12:39 PM

السلام عليكم
فعلا فكرة حلوة
انا كنت كاتبة قصيدة عن غزة اتمني تعجبكوا
بس هنشر اربع ابيات منها الان

اصرخ من حلم قض مضجعي
انادي يا غزة عودي ارجعي
قاومي العدو بقوة لا تخضعي
لا تسقطي فريسة بين يديه و تركعي

y/m

30-06-2009, 10:27 PM

واليكم اخر اخبار عمنا الجربوع
الجربوع راح ينادى على لقمة يكلها
مسكوه وضربوه وبقى على قفاه ملسوع
قالوا بينشر اشاعة الشعب مات من الجوع

invent_yas2020

03-07-2009, 11:28 PM

يارب تكون الرباعيات باللغة العربية الفصحى لينهض الشعر

..Just Stop

08-07-2009, 01:06 AM

عن مصر ام الدنيا قال التاريخ حكايات
قال فيها ظلم كتير وشعب فى النفايات
قال فيها ناس بتموت م الظلم والتوبيخ
انا قلتله اسكت بطل كلام يا تاريخ

Observer

08-07-2009, 10:23 PM

سألت روحى بروحــى

امتى تفارقى جروحـى

ردت وقالت محــــــالة

تترك مداخل صروحى

y/m

10-07-2009, 08:13 PM

الجربوع فات على موظف
..................................

من فضلك قولى اختم دى منين
قال الموظف دا عايزة يا استاذ سنتين
صحبى الموظف فى الحمام بقاله ليلتين
تاقيه فى اول الشهر على الخزنة مادد اديه لاتنين

attaa

18-07-2009, 11:48 AM

لية يا خويا مش لاقيك
فى الزحام تايهة عنيك
انت منى وانا منك
نبض قلبى جوا قلبك
لية ايدية سابت ايديك

الشاعر/محمد علي

22-07-2009, 05:16 PM

انا نجوم طايره في الهوا
ادور عن الحب والهوى
لما ليقته طار مني وهوى
يارب تعجبكم

أبدعتى يا نجوم فينك؟

a7med_sale7

08-08-2009, 08:02 PM

ابدعات فعلا رائعه يا ريت عاوزين اكتررررر

y/m

09-08-2009, 08:53 PM

الموضوع أجمل ما فيه لتفاعل معاه

elsaidhafez

16-08-2009, 08:20 PM

أنا و الجحوش مظاليم شايلين هموم غيرنا
الشيل تعب ضهرنا بيروح لمين خيرنا
دايقينه من صغرنا و الكل يركبنا
و يهزهزوا الرجلين و عصاية تنقرنا

elsaidhafez

16-08-2009, 08:33 PM

أنا و الجحوش مظاليم شايلين حمول غيرنا
الشيل تعب ضهرنا بيروح لمين خيرنا
دايقينه من صغرنا و الكل يركبنا
و يهزهزوا الرجلين و عصاية تنقرنا

وقف الحمار إشتكي لجحوش كتير و حمير
بني آدم إيه يا جحوش عامل علينا كبير
وإن كان ما بينهم غبي بيشبهوه بينا
فرحوا الجحوش نهقوا بكره هيبقوا حمير

elsaidhafez

16-08-2009, 09:10 PM

أهلا بكل دماغ عاشق لفن الزجل
أكتب علي google حماريات .. السعيد حافظ
أدخل هتلاقيني في إنتظارك بالعربي و الإنجليزي
السعيد حافظ :مدرس أول لغة إنجليزية و عضو إتحاد كتاب مصر

elsaidhafez

18-08-2009, 06:16 PM

إنسان ضعيف منكسر أن مش نبى من فوق
مستغربين دمعتى يملاهـــا حب و شــــــوق
و عندى قلب كبيــــــر بيحب كــــل النــــــاس
و إللى يهــــــز البشــــــر بيهـــزنى بالزوق

Mr. Medhat Salah

18-08-2009, 07:59 PM

جميييييييييييييييل روعه

الأستاذة ام فيصل

28-08-2009, 05:00 PM

إنسان ضعيف منكسر أن مش نبى من فوق
مستغربين دمعتى يملاهـــا حب و شــــــوق
و عندى قلب كبيــــــر بيحب كــــل النــــــاس
و إللى يهــــــز البشــــــر بيهـــزنى بالزوق

الله الله جميله جدا ياستاذ
تسلم ايديك

الشاعر/محمد علي

29-08-2009, 05:12 PM

إنسان ضعيف منكسر أن مش نبى من فوق
مستغربين دمعتى يملاهـــا حب و شــــــوق
و عندى قلب كبيــــــر بيحب كــــل النــــــاس
و إللى يهــــــز البشــــــر بيهـــزنى بالزوق

الله يا عمنا
بس كلمة بالزوق الصح أنها بالذوق وليس بالزوق
دمت مبدعاً

elsaidhafez

29-08-2009, 11:13 PM

مهموم فى همى و أمى ف همى تكوينى
ملســـــــــــــوع ببرد الشتا يامين يدفينى
و إن هب ريح الصيف بالمـــــــر يسقينى
و ابنك يا أمي بيســـــرق ضي من عينى

الشاعر/محمد علي

30-08-2009, 12:10 AM

مهموم فى همى و أمى ف همى تكوينى
ملســـــــــــــوع ببرد الشتا يامين يدفينى
و إن هب ريح الصيف بالمـــــــر يسقينى
و ابنك يا أمي بيســـــرق ضي من عينى

====
وعيونى باتوا حزانى ويامين يصبرنى
مهموم وقلبى وحيد يارب قدرنى
انسى اللى كان فيه عايش واللى كنت انا فيه وراح وحيرنى
استاذى عمى سعيد ياريت يرن العود وتعود بلحن الوفا يمكن يعبرنى

محمد دبور

30-08-2009, 04:32 PM

مشكووووووووووووووووووووووووووووووووووووووووووووووو ووووووووووووووووووووور

elsaidhafez

30-08-2009, 09:55 PM

قلمى بيكتب كلمتى صامد و عمره ما إنكسر
شاعر و بيحب الطرب عاشق بيسهر للقمر
إذا تعب القلم منى عودى بيعرف سكته
دايس و قايس خطوته و ريشه تكتب ع الوتر

y/m

31-08-2009, 12:40 PM

استاذ السعيد حافظ دمت لنا كثيرا

y/m

31-08-2009, 12:42 PM

عسكر وحرامية بيلعبوا الاطفال
جر ولطش ما هو كله لعب عيال
خرج العجوز يزعق بعزم ما فيه
يا هل ترى من الغيرة ولا لراحة البال

y/m

31-08-2009, 12:45 PM

استاذ وقال للطالب قلمك كأنه صاروخ
اكتب وعرف بيه عمرك وكل التاريخ
قال الطال يا مستر سورى بى كوز
القلم بتاعى انكسر والتاريخ بيشيخ

y/m

31-08-2009, 12:48 PM

مسرح وكان الامل فيه كبير
يحقق الحلم اللى راح وف الطريق بنسير
وف ليلة العرض الكبيرة كبر الهرم
ضاع الامل اصبح سراب الفنان الاصيل

y/m

31-08-2009, 12:49 PM

ارجو مزيد من التفاعل هيا ننطلق معا ليصبح الموضوع ذا الالف قطعة زجل
هيا نحاول قد ننجح

FANTOMLOVELIFE

31-08-2009, 05:17 PM

السلام عليكم

الموضوع جميل جدا وحبيت اشاركوا

كلمة لا وكلمة آه
كلمتين ... عندى بحياة
لأة ف عفة وف كبرياء
آه لحبى ولمنتهاه

كلمة لأة كتير حرمانى
من إنى اخدك ف أحضانى
وتحسى بدفا قلبى وشوقه
باين فى شفايفى ولسانى

يارب تحجبكم

elsaidhafez

01-09-2009, 12:29 PM

إلى عشاق الزجل و الرباعيات... هذا الباب خطير جدا.. تيجوا نعملها مبارزة زجلية... و نرد على بعض برباعية ... و الله العظيم ما هتندموا.. و يا سلام لو فى نفس الموضوع و بنفس البحر و كل فترة نغيره..عموما فكروا.

أنا الأديب الأدباتى مش قرداتى
مع الزجل ألقى حياتى تعلا آهاتى
و ناس كتير زى حلاتى قاعدة يوماتى
و تحرق الدم ليلاتى و تقول أزجال

FANTOMLOVELIFE

01-09-2009, 11:17 PM

رباعيات... وعاوزة ناس قادرة
تنقى أحلى كلام وتركز الفكرة
فى معنى جميل...... بلا تطويل
تدخل الدنيا ببراعة من خرم إبرة

استاذى الكريم / السعيد حافظ فكرتك جميلة جدا واتمنى ان الاعضائ توافق عليها

محمد سعيد

y/m

02-09-2009, 04:24 PM

أشكر الاستاذ السعيد حاظ
على مشاركاته الفعالة
وبالنسبة للفكرة جميلة جدا
بس فيه ناس مش بتعر الاوزان والبحور يعمى بتكتب بتلقائية وموهبة فطرية
ممكن تطوير الفكرة الى ان نطرح موضوع ولمدة اسبوع الكل يدخل ويكتب ابداعه وتبقى مبارزة جيدة

y/m

02-09-2009, 04:25 PM

موضوعنا يبقى ( عن الزجل وتيبقى العنوان يا زاجل)

elsaidhafez

02-09-2009, 07:14 PM

أصل الزجل فن و معنى و بيجمعنا
و ناس كتيرة بتسمعنا و تسمعنا
حاجات كتيرة بتوجعنا و بتلسعنا
كلام كتير بيلسوعنا يتقال موال

FANTOMLOVELIFE

03-09-2009, 07:11 PM

أكيد تفيد الكتابه والوصف والتعبير
دا الصمت أكبركآبه بيصيبنا بالتخدير
لازمن حروف الحقائق تصرخ وتتكلم
طول ماحنا ف التفكير ربك عليه التدبير

I promise you

03-09-2009, 08:53 PM

يا اللى أنت فاكر إنك كدة بتعدلنا
وموفى حق الفقير واللى بيشتكى منا
يبقى أكيد مصرى وإبن ... ومنك آه يا ولينا
لما تخلى الكلب بمية صرف للمحاصيل بيرولنا
ولما تشوف دم الغلابة وأنت عارف مين همّا
لو دة دمنا ؟ عادى هاتقول كلاب ولا تهمنا !
لما واحدة تموت عشان محترمة وعشان دينها بيلزمها
عارف لية يا هاكمنا عشان كلة بيحترم مصر ويا خيبتنا
مش فاضى بس غير تعمل مؤترررات وإية اللى بيحصل
دة انت مش عارف تعمل لبلدك حاجة هوة انت فضلنا
ياعم ارحمنا بقى وأعمل حاجة
إزاى هايشفعلك نبيك وأنت مش منّا !

الكلام دة عن شخص ما وفى بلد ما وفى حكومة ما
ومفيش برسيم :d
إحم

FANTOMLOVELIFE

04-09-2009, 05:38 AM

المصرى معروف كلامه بإنه دايما صريح

ورث فصاحة لسانه عن الفلاح الفصيح

وسلاحه رباعية... برصاص معبية

يقف بيها فى وش أقواها ريح

y/m

04-09-2009, 03:49 PM

زاجل وكلامى حر
وكلامى حلو ومر
ساعات بقول الحق و
وساعات بخاف وأهر

FANTOMLOVELIFE

07-09-2009, 12:01 PM

مليون سؤال وسؤال جوايا انا فى بالى
اشكى لمين بلوتى واحكى لمين حالى
قلت ياالحكيم دلنى ورد لى سؤالى
غضب الحكيم وانتشى وقال وانا مالى

elsaidhafez

07-09-2009, 04:29 PM

أخاف أكتم ف أحلامى تعبت أنصح و أتكـلم
تطول السكة قدامى و طول العمــــــر بتعلـم
لا ييجى للكلام آخر و لا السكـة بتتاخــــــر
و مش لاقى إللى يسمعنى يرد الكلمة و يسلم

FANTOMLOVELIFE

08-09-2009, 01:27 AM

قلم مقصوف بيصرخ خوف وخايف لحظه يتكلم

ليسمع واحد جمبه حزين يقول إسمعني بتألم

سكت حيران بين جنه ونار أسمع ولا أتكلم

فضل يختار وأخد قرار أنا هسكت بس هتعلم

فرعونية

08-09-2009, 02:16 AM

I promise you

08-09-2009, 02:40 AM

انا جديدة وعشان كده اعزرونى لو اللى كتبته مش مستوى اللى انتم كتبينه ماشى .
مفيش فى الكلام مايوصف احساسى بيك
انت عارف انى بحبك ومتاكد وده اكيد
انى بموت لو غبت عنى لو بقيت بعيد
خليك حبيبى جنبى ولحضنى قريب.

منورانا يا فرعونية أهلا بيك ِ معانا
جميل أوى المقطع دة وكفاية أنة أحساس صادق
ويارب نشوف منك الجميل والاجمل
فى رعاية الله
:)

فرعونية

08-09-2009, 02:49 AM

شكرا جدا انك ردت عليا وكله من ذوقك

FANTOMLOVELIFE

09-09-2009, 12:54 AM

عاشق أنا من زمان وهوايا لم ينقص

جوايا زحمة كلام بس اللسان أخرس

وانا خايف أسكت حبيبتي تيأسي مني

وخايف أقول ألقى الكلام يرخص

الشاعر/محمد علي

14-09-2009, 11:00 AM

المصرى معروف كلامه بإنه دايما صريح

ورث فصاحة لسانه عن الفلاح الفصيح

وسلاحه رباعية... برصاص معبية

يقف بيها فى وش أقواها ريح

كلام جميل يا أحمد

y/m

16-09-2009, 09:11 PM

انا جديدة وعشان كده اعزرونى لو اللى كتبته مش مستوى اللى انتم كتبينه ماشى .
مفيش فى الكلام مايوصف احساسى بيك
انت عارف انى بحبك ومتاكد وده اكيد
انى بموت لو غبت عنى لو بقيت بعيد
خليك حبيبى جنبى ولحضنى قريب.
من الجيد جدا ان نرحب باصدقائنا الجدد
اهلا بيكى يا فرعونية

mr.mahmood_rabee

26-09-2009, 10:56 AM

رحت لحبيبى اعتذر قالى مفيش اعذار
لو حتى دمعك نزل م العيون مدرار
ورجعت تانى لكن قلبى حزين مكسور
الحب مش سهل الحب دا الحب حيره ونار

mr.mahmood_rabee

26-09-2009, 11:03 AM

الناس اصناف وفيهم صنف مالو امان
وصنف تانى تقول انسان بمعنى انسان
وصنف تات ملوش فى الحياه مبدأ
وكل ساعة يتلون مع الا لوان
وعجبى

hopeless sara

28-09-2009, 09:39 AM

حاولت ياما افهم اللى حوليا لكن مقدرتش
ده مش ضعف منى بس انا اللى مافهمتش
او يمكن مقدرتش اتعلم من اللى بيجرالى
او ماستوعبتش المواقف اللى بتحصلى
بس اكيد ف يوم هفهم و اتصرف
وهاجى و اقف و اقول انا اللى ف يوم من الايام معرفتش

_____________________________
حميل اوى التوبيك بجد فكرته هايله ...و ماشاء الله عليكم بجد ..و اكيد ماوصلتش لمستواكم بس ادينى بحاول :):)

hopeless sara

29-09-2009, 07:33 AM

العيب ف مين ؟!!!
ياترا العيب فينا علشان ساكتين
و لا العيب ف الدنيا و احنا مش حاسين

قاعدين فرحانين ..مبسوطين
و غيرنا من الجوع بيموتو مقتولين

يا ترا احنا عارفين..فاهميين ..و مطنيشين
ولا وصلت بينا الدرجه اننا حتى مش حاسين

ياريت نصحى و نفوق ..نتعلم يمكن بشهادتنا نفيد ناس محتاجين
الحياه ذى الدايره ...يوم لينا و يوم علينا
كفايه قسوه ..كفايه حقد ..كفايه ظلم

ياريت نفوق قبل اليوم ده م يجى
و يبقى للدعا حتى محتاجين
لنظره حب و عطف مستنين

بندق__2007

08-10-2009, 06:29 PM

الأقصى لو له لسان كان نطق و قال
و نسج بخيوط حكايات و قال فى التاريخ موال
و احنا ضيعناه .. لا فى يوم جرينا و لا فى يوم حميناه
اصل الرجولة فينا ماتت و الاقصى عايز رجال

y/m

08-10-2009, 10:01 PM

الله الله كمان كمان عايزين اكتر
كل الناس منورة الموضوع بابداعتها
ننتظر البقية

فرعونية

11-11-2009, 02:45 AM

وبعدين معاك يااللى تعبنى فى هواك
احبك ولا اعمل ايه معاك كل مااقرب القيك بعيد هناك
اقرب كمان القيك ابعد هناااااااااااك
اعمل ايه هتجننى معاك خد موقف وانا معاك قول هتعمل ايه وانا وياك.

فرعونية

11-11-2009, 02:49 AM

شكرا y\mعلى ترحيبك بيا انا مكنتش بدخل وبرافو عليك كتاباتك جميلة جدا وياريت اللاباعية المتواضعة ديه تعجبك بالرغم انها لاتقارن بما تكتبون انتم بس بحاول الحق بالركب بتاعكم

فرعونية

20-11-2009, 11:46 PM

حبيتك كتير وانت واحشنى قووووووووى
بتقولى صعب نكون لبعض وده كلام صعب قووى
صعب اصدق بعد اللى كان تقولى ده خلاص كان
فين الحب الجميل فين احساسنا بالحنين هو فعلا كان كلام والسلام؟؟؟

فرعونية

20-11-2009, 11:49 PM

قطرات الماء تتسقط قطرة قطرة . تك قلبى دق ليك
تك قلبى حن ليك تك فاكرك مش ناسيك
تك انا مشتاق للمسة ايدك
تك يلا بقى الماية هتخلص فين القيك؟

احمد رضا

21-11-2009, 12:24 AM

انا تهت بين طريقين ما بين خير وشــــر
مش عارف هوا فين ع الارض ولا القمر
خلاص وامري له خليني انا كــــــــــــدا
ولو بقيت شرير يبقي اللي تاه يتــــــــعذر

الشاعر محمد على

12-12-2009, 10:02 AM

أخاف أكتم ف أحلامى تعبت أنصح و أتكـلم
تطول السكة قدامى و طول العمــــــر بتعلـم
لا ييجى للكلام آخر و لا السكـة بتتاخــــــر
و مش لاقى إللى يسمعنى يرد الكلمة و يسلم

الله عليك يا عم سعيد
لا يجيى للكلام آخر
ولا السكة بتتاخر
ومش لاقى اللى يسمعنى
يرد الكلمة ويسلم

حبيبى سعيد باشا
ربنا يزيدك إبداع
كل عام انت بخير

أستاذ السيد على

14-12-2009, 12:55 AM

كل الكلام الحلو طالع هنا وكتير

قلت اما احاول انا يمكن اقول زيه

بس اعذرونى انا لسة على قدى

وكل سكه طويله مبتداها عسير

وعجبى

y/m

15-12-2009, 09:17 PM

الله عليكم يا ناس
ابداعات رائعة

y/m

15-12-2009, 09:18 PM

الله على الكلمات لما تكون تقيلة
وتكون من القلب طالعة وتكون كمان رزينة
للقلب على طول توصل من غير دوران ولف
نزين بيها موضوعنا وايدينا تكون خبيرة

الأستاذة ام فيصل

11-01-2010, 12:27 AM

يكفيني تحس بيه
وكلمه حلوه تكتبها بيه
ورده تبعثها ليه
ياروح روحي
يانور عنييه

Samir Elamir

01-02-2010, 12:03 PM

بلاد تجيب الاكتئاب
فيها العجايب عجيبه
نصيب لكل نصاب
ولكل مخلص مصيبه

Samir Elamir

01-02-2010, 11:48 PM

علف التيوس يجى بسهوله
بس اللى عالف سانن السكاكين
اعدل دماغك وافهم الفوله
فيه ناس مواشى وناس جزارين

y/m

06-02-2010, 03:45 AM

يوميات درفرى
..................
لاقيت اعلان مكتوب
طالبين واحد درفرى
خدت الورقة اوام
وعلى الشغل طلعت اجرى
....

y/m

06-02-2010, 03:47 AM

قالى البيه المدير يالا بسرعة اوام
البس لبس الدرفرى ونظف الحمام
انا قلت ليه يابيه درفرى يعنى بره
قالى الاوردار قليل والقعدة تبقى حرام

y/m

07-02-2010, 02:52 AM

خرجت اودى اوردر وخدت معايا العنوان
فضلت ادور ادور مش عارف ابد اوصل لأى مكان
رجعت للمدير قلت العنوان غلط
قاله ما أنا عارف بس برده انت الغلطان

bedo_story

16-03-2010, 07:04 AM

صحيت من النوم نعسان
قولت البس والحق اجرى كمان
على مدرستنا قبل فوات الازان
لاحسن اترفض ويحصل الامر المهان

د.احمد جمال

02-04-2010, 10:30 PM

اصحوا يا عرب وكفاية
ما هو لازم للصمت نهاية
اصحوا ودوروا على كرامتكم
جايز تلاقوا منها بقايا

عمر المختار الغرابلى

05-04-2010, 06:59 PM

موضوع جميل
نتمنى الاجمل ان شاء الله

Dr. Toka

05-04-2010, 08:28 PM

اولا يا جماعة الموضوع جميييييييييييييل اوى بجد وكلكوا ما شاء الله كتاباتكوا رائعة وانا حابة اشارك معاكوا وان كان مستوايا طبعا مش قدكم بس دى اول مشاركة سمحونى وياريت تقولولى رايكوا بصراحة انا كنت كاتبة زجل كدة عن الشباب ااقروه وقولوا رايكوا
ياشباب الامة العربية
يااملنا فى ايامنا الجاية
فوقوا من غفلتكم ديه
وارفعوا راسكم المحنية
ياشبابنا يا امل المستقبل
اوعاك بالذل فى يوم تقبل
متعش حياتك مستعمر
واحلم بالامه تكون اجمل
ياشباب الامة يا اخوات
اتحدوا تعدوا الازمات
وتعيدوا تقدم كان مات
لامتكم مهد الحضارات

صبره ابو حسن

16-04-2010, 01:16 AM

فكره رائعه ممكن اشارك
:abdoog8::abdoog8::abdoog8:
ياللى قلبك كان زمان
للامه العربيه مكــان
لما كنت ولى أمـرى
يومها كنا وامرى كان
ولما حكمونا الاعادى
شــفنا زل الامريكان
وعجبــــــــــــــــــــى

كريمة فوزى

14-05-2010, 01:35 PM

السلام عليكم ورحمة الله وبركاته
فكرة اكثر من رائعة
ياترى ممكن اشارك

امتى اقدر اصرخ واقول كلمة حق
امتى اقول فى وش الظلم لاء
صوتى وصوتك سواء مع بعض هيعملوا فرق
اصل الجبان زى تعبان ضعيف خايف وعايش جوه شق

y/m

21-05-2010, 04:57 PM

شكر خاص جدا لكل اللى بيشاركوا موضوعنا بتعليقاتهم وبابدعاتهم
وانتظروا الجديد بعد الامتحانات معلش دار علوم صعبة ومحتاجة تفرغ

رضا عبد القاد

21-07-2010, 04:20 AM

جميل جدااااااااااااااااااااااااااااااااااا

mysterious ghost

29-07-2010, 08:10 PM

موضوع جميل و عجبني

الموضوع ده للمنتدى جذبني

انا عضو جديد و مابعرفش اكتب شعر

لكن اهو اي كلام بقوله يا ابني

ضياء الدين سعيد

01-08-2010, 09:20 PM

مـــــوت الفراشــــة علم الأحياء أنا
مــــن طـــــــــرف الحقيقة قد ولدنا
وفطامنا .......
عزف على وتر الطريق المستحيل

الشاعر/محمد علي

13-08-2010, 04:53 AM

مـــــوت الفراشــــة علم الأحياء أنا
مــــن طـــــــــرف الحقيقة قد ولدنا
وفطامنا .......
عزف على وتر الطريق المستحيل

شكرا يا صديقى العزيز
وكل عام انت بخير

مجنونة الكيمياء

13-08-2010, 09:47 PM

لو الحب كلمة كنت كتبتها
ولو الحب بسمة كنت رسمتها
بس الحب وردة
ولأغلى الناس قدمتها

طالبة ولكن

17-08-2010, 02:20 PM

يا مصري فتش جوه نفسك عن حضارة

سبعين تلاف مليون سنة راحو خسارة
دلوقتي ابنك تحت كوبري في ايده كوز
أو يبيع مناديل وفل في 100 إشارة
وعجبي
رباعية نجم المشاعر انتظروا المزيد بإذن الله وشكراً على هذا الموضوع المتميز\

خطيييييرة

طالبة ولكن

17-08-2010, 02:24 PM

عبدوا العبد مش المعبود

عبدوا فران وبقر واسود

زي ما نسيوا عاد وثمود

نسيوا ان الله موجود

*****

جرى ايه يا دنيا جري ايه يا ناس

موضوع جدا رائع

UnKnown-guy

25-08-2010, 04:40 AM

بقول لصاحبى "العبقرية مش ذكاء دى إصرار"
ضحك وقالى ياعم اسكت ...بطل كلام اخبار
مشيت ورا الثقافة كتير .. مشيت ف سكة الانتحار
ااقولك حاجة ياعمى ... "ياريتنى كنت حمار"

داليا رمضان

17-09-2010, 05:14 PM

ومن الصمت ما ينبع
كلمات من القلب تخرج
لتعبر للزمان قسوته
وتحكى للبحر آلامه

_وهج_

24-09-2010, 07:33 PM

شكرا على كلماتك حقا رائعة

y/m

29-09-2010, 01:00 PM

من الجيد ان اغيب فاعود لأجد موضوعى مازال يجذب البعض
انا فخور بهذا شكرا لكم جميعا

y/m

29-09-2010, 01:01 PM

من بعيد راجع انا يابلدى
خلونى اسيبك وانا لسة لحمة فى مهدى
ققرت اجيلك واعيش فيك برجليا
وفيكى يكون لحدى

alone078

01-10-2010, 11:40 PM

قلب يهواك فى صمت
اهاته يخنقها الكبت
عبراته نار ونيران
وحنينه لا يعرف وقت
ايكاروس

محمد مسعد غازى

02-10-2010, 08:28 AM

عينى عليكى حزينة يا أمة
كل مصيبة بنعقد قمة
والزعما لساهم همة
كل نهار بيغيروا زمة

زكريا محمد توفيق محمود

05-10-2010, 11:14 PM

ياعم مسعد خلعت قلبى
شفت فى كلام كل التحدى
لسانى قال : رد واتكلم
قلت له حاضرمش كل ماعندى

زكريا محمد توفيق محمود

05-10-2010, 11:20 PM

شفت فى منامى أنى رسول
قلت يالسانى بلـــــــّــغ وقول
قال لى الهداية من عـــند ربك
حبست الكلام والقلب مشلول

1995goga

14-10-2010, 04:40 PM

الشباب تعبوا اتحرقوا بجاز
ولا عاد فى شعور ولا فى انجاز
يروح يشتغل يتقاله اسرح بانبوبة بوتجاز
يروح يسرق انبوبة الخباز

زكريا محمد توفيق محمود

15-10-2010, 12:45 AM

ومرة تانيه هأقول مربع
اضرب فيه سلام مربع
للى يعلمنى أعصى
يقعد فى قلبى متربع

Ismael Ibraheem

20-10-2010, 07:53 PM

زعلت وقلت مش مشارك
وقلت اسكت وابعد عن المهالك
احسن ازيد عن اربع وبذلك
اكون دايما خاسر كالزمالك

باعتذر لكل الزمالكوية بس القافية عايزة كدة
شكرا يا استاذ على الفكرة الرائعة دى واحب ان تنال رباعيتى استحسانك والاخوة الاعضاء

LoOoLy El Treikawya

30-10-2010, 10:19 PM

زعلت وقلت مش مشارك

وقلت اسكت وابعد عن المهالك
احسن ازيد عن اربع وبذلك
اكون دايما خاسر كالزمالك

باعتذر لكل الزمالكوية بس القافية عايزة كدة

شكرا يا استاذ على الفكرة الرائعة دى واحب ان تنال رباعيتى استحسانك والاخوة الاعضاء

ههههههههه جمييييييييييييلة اووووى بجد

اسراء محمد مرعى

02-11-2010, 05:37 PM

بص بقا انا هقول اية :
يا ليت استاذى مختصرا شرحة
قفد نفذ الكلام ردا على كلامة
نعم فصيحا لكن علمة
غزيرا حيث العقول لاتتحمل
كرهت الكلام من اثار كلامة
وفاض بى عقلى ان اقتلة

ضياء الدين سعيد

02-11-2010, 07:38 PM

يا مصر يا أم الولد
أبنك خلاص أتـــولد
والدمعه على خــده
قوليلى ميـن قـــــده

عزة عز

16-11-2010, 11:44 AM

شكرا على هذه الفكرة

ابوو اسامه

06-12-2010, 11:03 AM

شكرا يا باشا على الفكرة الجميلة

ahlaoy50

09-01-2011, 09:53 AM

النفس تبكي علي الدنيا وقد علمت
ان السلامة فيها ترك ما فيها
لا دار للمرء بعد الموت يسكنها
الا التي كان قبل الموت بانيها
فان بناها بخير طاب مسكنها
وان بناها بشر خاب بانيها
اين الملوك التي كانت مسلطنة
حتي سقاها بكاس الموت ساقيها
اموالنا لذوي الميراث نجمعها
و دورنا لخراب الدهر نبنيها
كم من مداين في الافاق قد بنيت
امست خرابا و دان الموت دانيها
لكل نفس وان كانت علي وجل
من المنية امال تقويها
فالمرء يبسطها والدهر يقبضها
و النفس تنشرها و الموت يطويها

مريم نشأت

10-01-2011, 10:04 PM

شكرا ااوى ع الموضوع الحلو ده
انا كنت بحاول اكتب شعر وكتبته ورميته في الكيس القديم اللى بحط فيه حاجات ملهاش لازمة
ولو ممكن اشارك بالرباعيات ,,
بلدى يا امى يا وطن الامان
دورت فيكى مالقتش الحنان
قلت لما اشوفلى حد يتاوينى او اى مكان
بس بردوا هحبك ومهما غار عليكى الزمان
يارب اكون نجحت ولو فيه اخطاء منكم نستفييد طبعا
تحيااتى

ahlaoy50

11-01-2011, 03:54 PM

ان اللئام اذا اذللتهم صلحوا
علي الهوان وان أكرمتهم فسدوا
واذا انت عاتبت الوضيع فانما
تخط علي صحف من الماء احرفا

ahlaoy50

15-01-2011, 04:24 PM

ممكن اطلب من اي احد ان يكتب رباعية حزن وشجن رجاء وليس امر

حسن علي حسن H

18-01-2011, 06:40 PM

مالك حزين علي الدنيا دي
دنيا غدارة لازم تعمل لنفسك شخصية
والا ما تبقاش واحد من الناس دول
الدنيا دي ما تستاهيليش انت اللي تستاهل نفسك ما تستاهيلش حد تاني او الدنيا

imbation girl

26-01-2011, 10:16 PM

خرج ابن آدم من العدم قلت : يااه
رجع ابن آدم للعدم قلت :ياه
تراب بيحيا ...وحي بيصير تراب
الأصل هو الموت وإلا الحياه؟
عجبي

imbation girl

26-01-2011, 10:18 PM

ضريح رخام فيه السعيد اندفن وحفرت فيها الشريد من غير كفن
مريت عليهم قلت يا للعجب
لاتنين ريحتهم لها نفس العفن
عجبى!!!!

imbation girl

26-01-2011, 10:21 PM

الصبح قرب ييجى والفجر بيلألأ
وعصفورة صاحية هناك والتانيه بتذأذأ
ماتوارب الشباك شويه يدخل ضوء
لحسن يفوتك منظر الشمس وهى بتشأشأ

ahlaoy50

04-02-2011, 11:40 AM

مالك يازمان بتحدفنا شوية يمين والباقي شمال
من كاس الامم الافريقية
لتفجيرات أسكندرية
لمظاهرات ضد النظام فولعتها ومحدش عارف يطفيها!!!!:frown::frown::frown::frown:

كرم راتب

17-02-2011, 06:26 PM

كل كلام العشق في مصر انقال
ما فاضل ولا وصف يا متقال
وفين الكلام اللي عن مصر منقال
علشان أقوله ويخلص الموال ........................وعجبي

كرم راتب

17-02-2011, 06:29 PM

نفسي أقولك اني دايب فيك
وكل همي في الدنيا إني أرضيك
وخلي علمك عالي فوق أراضيك
و خلي الدنيا كلها تمشي ورا خطاويكي

كرم راتب

17-02-2011, 06:31 PM

لكني خايف ظلم أهلك ليكي
ونهبهم مالك وأكلهم فيكي
وخايف إني مقدرش يوم أحميكي
واموت وهما برتعوا فيكي

moonmaster

13-03-2011, 10:58 AM

مالك يا أهلاوي حزين علي الدنيا؟
الدنيا دي دنية وعارفين انها فانية
أهم حاجة نعمل لحياتنا التانية

بالنسبة للبيت الرابع مفيش ف دماغي حاجة تانية:)

محمود الباز

15-04-2011, 09:30 PM

عجبى عليك يا بلد باعت ضفايـــــــــــــرها
بعد الخسيس ماسرق خيرها وقتل طيرها
وبعد ليل اليأس وظلام ما بعده ظـــــــــلام
هب الشباب الحر فى ميادينها يحررهـــــا

سيف العدل البتار

22-04-2011, 03:58 AM

احترت ما اقول بعد الذى قيل
ومن شدة الحيرة كدت ان اطير
فى حب شعركم نقول موويل
الناس من جمله تصير عصافير

صحية الصبح على اغنية ليه سحر
وجمال يا عنيه مطلعه عزها
واجلال اخرها توحيدالقهار
والله اكبر كمان عرفتها هى الاذان

سَــآرَّهـ

22-04-2011, 03:05 PM

و لَو لُونتْ السمَـآء بِـأبَـارِيق قُرمُزيه ..

و إن كان مَـآءْ بَحرٍ يَـروي عَطشْ حُريّه ..

و إذْ فَـارْ الدَّمعُ مُكفكِفـاً جَوآنِب مَنسِيهْ ..

فـ أنـَآ عَربِيُّ الأصلِ .. وَ للوَطنِ دِمـآئِي مَفدِيَّه .. :)

amar1234

30-04-2011, 10:03 PM

شكراااااااااااااااااااااااااااااااااااااا

Ahmed ELzaidy

04-05-2011, 10:26 PM

thhhhhhhhhhhhhhhhhhhhhhhhhhhhhhhhhhhhhhhh

منصور عبد المنعم محمد

07-05-2011, 11:42 PM

ياخالق الشمس والشجر والحَـــــــــــــب تالتهم

لعظمتك سجــدت وقريت هود وياسين وتاليتهم

ودعيت يديم حبك والرسول والوالـــــــدين تالتهم

ولو حببين قاعدين سوا ماتخلى غير الحب تالتهم

منصور عبد المنعم محمد

09-05-2011, 10:46 PM

:039uw8:
خطط يا لولو العب ياحسام

الجو راق وكله تمــــــــــــام

تعال شوف حرب امبابــــــــة

تفهم معنى : سقوط النظام

البنا3

15-05-2011, 04:55 AM

مشيت افكر فيك والعقل فيه زيطه
وبقيت مشغول بيك لحد ما لبست فى الحيطة

مصريه من قلب

22-05-2011, 08:48 PM

إستمتعت هنا بأقلام تكتب بمهاره

THE CodeR

03-06-2011, 05:44 AM

يأبي القلمُ أن يَكتُبَ كلاماً.......الا كانََ مِدادهَ بَحرُ الخيال
كوحيٌ يأتي ساعةً و يروح هَنَةً..و لو أمهلته وقتاً لطال

محمد السويركى

14-06-2011, 03:42 PM

بلدنا دى شبعت خراب
و اللى فيها شاف عذاب
لو شافه جبل عالى و شديد
ينهار و يصبح كوم تراب

ممتازة يا عم بندق
اهى دى رباعية بجد

محمد السويركى

14-06-2011, 03:49 PM

مطلوب منى اروح بكرة الاكاديمية
اشوف حاجلت ليا وحاجات كتير عليا
وعارف انى لما اوصل هناك
حشوف اللى ما كان ع الخاطر ولا ف النية

عابد لله

18-06-2011, 01:18 PM

موضوع حلو و فكرته حلوة جدا

كيمو 5

19-06-2011, 07:20 AM

راجل تعبان في العيشة شقيان
يجيب منين
دا فرض عليه من الراحة حرمان
وطول نهاره وليله مقادرش يقوم
من الهم مكلوم
من العشا محروم
يجيب منين
وشباب عاطل عايش مظلوم
في عيشته حيران من الذل مقهور
في عمره ما شاف الهنا ومن الفرح ممنوع
وشيوخ وعواجيز فين الرعاية مفيش
معلش هي مش رباعي بس انا عاوزة رائيكم فيها
لاني لسه مبتدئة

inspired_86

10-07-2011, 02:03 PM

قلب وعلى نياته وقع
جرب يحب وما نفع
صرخ كتير ومين سمع
بصوت مبحبوح بينادى ااااااااه يا وجع

inspired_86

10-07-2011, 02:05 PM

ما بين صديق وصديق بتلاقى فرق كبير..
واحد يسيبك ف اول حفرة وواحد ورا كل خطاك بيسير..
صديق يضحكلك من ورا قناع كداب.. وصديق على سمعتك بيغير..
مولد وكله اصوات عالية ..وف قلب الزحام تايه طفل صغير..
يا ترى تايه بمزاجه ولا لزمن التوهه اسير

وعجبى

محمد آل فراج

02-08-2011, 10:01 AM

قاعد فى خيمتك ومستنى يجيك الفجر
والناس تعدى عليك وأنت كأنك جمر
من أمتى يا صاحبى القعاد ده يبنى وبيعلى
ما دمت ثــــاير تعالى نزرع مصر

TITOOOOOOHATRK

09-08-2011, 02:49 AM

الموضوع جامد جدا جميل اوى

محمد السعيد الجيوشي

15-08-2011, 09:45 PM

مش كل من جل كلا يتجال عليه شاعر
يا ولدي بص واشوف الدرب بِقي واعر
رباعي رابع مربع عليه أنا بسافر
باللهِ ياشعر تقبالني لو كان لي عندك خاطر

محمد السعيد الجيوشي

15-08-2011, 09:54 PM

وجيوشي طول عمري والله وما كنت إلا جيوشي
لكن رجيج المشاعر وأصلي أنفوشي
بس اتربيت في طنطا وحبايب من جِبْلي
وفي كل جرة قلم ضيعت أنا جروشي
وعجبي

mohammedhamed22

15-08-2011, 10:20 PM

مش كل من جال كلا يتجال عليه شاعر
يا ولدي بص وشوف الدرب بِقي واعر
رباعي رابع مربع عليه أنا بسافر
باللهِ ياشعر تقبالني لو كان لي عندك خاطر

وجيوشي طول عمري والله وما كنت إلا جيوشي
لكن رجيج المشاعر وأصلي أنفوشي
بس اتربيت في طنطا وحبايب من جِبْلي
وفي كل جرة قلم ضيعت أنا جروشي
وعجبي

ايه الجمال ده
بصراحه الاتنين تحفه
وعاجباني اوي اللهجه الصعيدي دي

محمد السعيد الجيوشي

18-08-2011, 04:49 AM

عطشان وبطني بتوجعني
والباشا سقا وسامعني
أصرخ يقول طب إيه يعني
كلب السراية هو الأولى

محمد السعيد الجيوشي

18-08-2011, 03:10 PM

لاعمل لنفسي براح ************واقعد هناك وحدي
وان حتى زاد الجراح*************أهو جرحي أنا لوحدي
ودموعي أقوى سلاح************ أوصل معاه لحدي

كرم راتب

23-08-2011, 01:24 AM

بحب مصر وحبها مش عيب
بحبها لو كان فاضي الحيب
وحب مصر ليّ احلى نصيب
وطول العمر هوصف حبي للمحبوب

محمد السعيد الجيوشي

01-09-2011, 08:15 PM

هفضل احبك بيني وبينك

مهما ان كانوا اللي حاكمينك

ثبتوا دينك.. تاجروا بدينك

أصلك راح يقلب موازينكك

أنوار

09-09-2011, 07:39 PM

بشدة عاصفة هبت

هبت علي صوت أنيت وألمت

بخطوة وراء خطوة جرحت

وزاد الالم صدور اللمم

بقلمي..فِ أحد صديقاتي..!

العريفى

17-09-2011, 03:06 PM

يا عم يا درعمى خللى الكلام مطروح
عبر عن الحقايق قبل الكلام ما يروح
الناس بتبكى على . كل اللى كان مطروح
ياريت كلامى يدلك ..إن اللسان فى الروح
****

تحية من القلب من أخيك : العريفى

مجدى عبد الله

20-09-2011, 03:28 PM

يااللى تسوق الدلال والكحل فى عينك
حصوتين فى عين اللى يحسدك ويـعينك
كنست السيدة على كيدينك ولعانينك
ولو وصالك محال الله يعنى ويعينك
الشاعر مجدى عبد الله

ماهر درويش

06-10-2011, 12:22 AM

وزير عبيط ووزير غبي
ياوزير عبيط ووزير غبي
مقدرش يفهم مطلبي
انا ماعتصمتش علشان فلوس
افهم علشان خاطر النبي
انا نفسي اغير في الأخلاق
وانقل شبرا جوة بولاق
واخلي العتبة ويا القللي
تسكن روكسي و الوراق
عايز اربي قبل ما اعلم
ويطلع ابني اكيد متعلم
عارف كل تاريخ اجداده
تاريخ مظبوط مش مترمم
يعرف مين عبد الناصر
صاحب السد و الأمجاد
مين الل يرجع لينا قناتنا
وخلى الكل من الأسياد
يعرف مين صاحب النصر
مين اللي خد قرار العبور
مين اللي فعلاً رفع الراية
مش تاريخ بهتان وزور
عايز ارجع رائد تاني
وسط اخواتي ووسط جراني
وكلمة مصر تكون مسموعة
برة وجوة برضا وسرور
ياوزير يانايم في العسل
عهد المهانة معاك وصل
حوافز وكادر وكام امتحان
بقيت بيضربوا بية المثل
ياراجل امشي خليك جرئ
ضيعت كل نتايج الفريق
وكمان بتحلف انك برئ
كداب يا خيشة وكلك فشل
وزارتك دي ماتت من زمان
من يوم ما عملت لية امتحان
خلتني فرجة لكل الناس
غبي و عبيط وآخر هبل
لو راجل قدم استقالتك
هقبلها فوراً وابعت لخالتك
ارجوك خلصني من رزالتك
هنكسر وراك مستودع قلل
احنا عارفينك من زمان
من ايام الحزب الوطني
فاكر لجنة السياسات
ونفسك تاخد زمنك وزمني
انا يامعلم خلاص صحيت
دانا ياما نمت واتغطيت
نفسي اشوف شروق الشمس
خلاص زهقت وكفاية ملل
ياوزير وزارتك عار عليك
تافهة وخايبة و البركة فيك
رضيت الخواجة يحطلنا المناهج
و لو سألتك تنكر يا بيك
احنا محدش واصي علينا
احنا قرارنا من دماغنا
تحلف يا فندي انك حقيقي
سيد قرارك من غير شريك
بلاش يا بيه تحلف حرام
الوزارة مش دايمة لحد
لوهتدوم دامت لغيرك
يا ما حلفوا زيك تمام
والنتيجة غاروا في داهية
وياما قالوا نفس الكلام
خدها نصيحة مني وروح
سيبنا وروح ربي عيالك
هم اولي منا بجنابك
يارب اكفيهم شر المهالك
ومتسبي اي ذكرى وراك
صورك وفكرك وكل ما لك
ارحمنا من الطلعة البهية
سيبنا يا عم مش عايزينك
انا لو مكانك كنت امشي
واحنا نولع وانت مالك.....؟!

مجدى عبد الله

14-10-2011, 06:28 PM

يا مصر ياامه ياام الجلــــــــــــد والصبـــــــــــــر

بان عظمك من تحت الجلد و من كتر أكل الصبر

نسيوكى الولاد وماحـــــــن لبــــــــن الصـــدر

ومين يغيتك و يعوضك سنيــــــن الصـــــــــــبر

azezali

01-11-2011, 06:29 AM

عندى الكلام الوان
موزون بالف ميزان
لو ناوى تسمع لى
صفى لى الاذهان

رفاعى الشبراويشى

azezali

01-11-2011, 06:33 AM

ممتاز يامجدى اخوك رفاعى

azezali

01-11-2011, 06:47 AM

اذن اذان الفجر والناس مهيش صاحية
الناس نايمه هنا تحت اللحاف دافية
يارب عين الناس،الناس نفوس صافية
فيها بشاير خير ارزقهم كمان عافية

رفاعى الشبراويشى

azezali

01-11-2011, 06:53 AM

اذن اذان الفجر لينا طريق ودليل
مين الى صحانى ودلنى بالليل
قالى ثوابها عظيم تعال يلا شيل
حد يساعد على شيلها وانا اشيل

الشبراويشى

azezali

01-11-2011, 06:59 AM

وطنى الحياة لا غير ذاك كلام
وطنى الحياة وهذاهو عنوان

الشبراويشى هذا اصل الكلام

عنوان قصيدتى لو حد عايز يقرءها

azezali

01-11-2011, 07:01 AM

مربع ممتاز على التوفير
مع الشكر

azezali

01-11-2011, 05:39 PM

كل الكلام دة جميل يارب يكمل

azezali

01-11-2011, 05:42 PM

اذن اذان الفجر والناس مهيش صاحية
الناس نايمه هنا تحت اللحاف دافية
يارب عين الناس،الناس نفوس صافية
فيها بشاير خير ارزقهم كمان عافية

azezali

01-11-2011, 05:46 PM

azezali

01-11-2011, 05:51 PM

azezali

01-11-2011, 05:53 PM

محمد الرفاعى الشبراويشى

اذن اذان الفجر والناس مهيش صاحية
الناس نايمه هنا تحت اللحاف دافية
يارب عين الناس،الناس نفوس صافية
فيها بشاير خير ارزقهم كمان عافية

azezali

01-11-2011, 05:55 PM

اذن اذان الفجر والناس مهيش صاحية
الناس نايمه هنا تحت اللحاف دافية
يارب عين الناس،الناس نفوس صافية
فيها بشاير خير ارزقهم كمان عافية

محمد الرفاعى

azezali

01-11-2011, 09:55 PM

مشكوووووووووووووووووووووورين

azezali

01-11-2011, 10:02 PM

عندى دواء اصلى يخفف العيان
قالو على زمان مجنون بالف لسان
مين الى هيجرب وانا اضمنو برمان

yasmina pure

10-01-2012, 01:32 AM

لما بلاقى الناس كتير متجمعين
بقعد معاهم بس حاسس بالانين
اصلى وحيد و انا حتى بين الناس
و ازاى وحيد .. يعيش غير حزين ؟
ــــــــــــ
ياسمينــ

عازف الاورج@

19-05-2012, 05:46 PM

هذه أول مشاركاتى متمنيا من الله عز وجل ان تنول اعجابكم

يـا بـانــى بيتــك عـلى البحـــــــر خـــــد بـالك
ليجى المـوج شــــديد ويحـــزنك عـلى مـــالك
ســاعـتها تنـجـى بنـفـســك وتـشـــد تـرحــالك
وان غـرك الملعـون وقال لك خليك في مكـانك
ذنبك على جنبك وشوف إيه اللي ها يجـــرالك
يخــرج عليــك الســمـك من تحـت عـمـــدانـك
يقولك خـسـارة فيك النصيحة ضيعـت أوطانك
كـدبت كــل السمــــك وصـدقــت شــيطــــــانك
وقولت سرى ف بير ويا بحرمين يجيب أرارك
ماتعــرفـش إن السمــــك عـارف كل أســرارك
وحتـى الرمـــال والقـواقـع تقـرا باقي أفكــارك
سبحانك يارب الكون مانجيش نقطة في أنهارك

عازف الاورج@

19-05-2012, 05:48 PM

هذه ثانى مشاركاتى متمنيا من الله عز وجل ان تنول اعجابكم

ليه لما بشــوفك قدامـــــــــى ارجع واتلخــبـط من تانى
وأقول على بكره انه امبارح واليوم والشهر بقوا ثوانى

عازف الاورج@

19-05-2012, 05:50 PM

ليه لما بشوفك قدامــــــــى ارجع واتلخبط من تانى
وأقول على بكره انه امبارح واليوم والشهر بقوا ثوانى

عازف الاورج@

19-05-2012, 05:55 PM

نهاية حلم

معــــرفش إيه اللي جــــرالى مـنـك يـانـانـا يــــاجـنـّـيـة
أتعــودت أنا أنى أشـــوفــك قــدامى رايــحة أو جـــــاية
وأما ف منامي اطلب أشوفك يادوب أغمض في عـينيـة
صـــورتك تمــللى قـــدامى وضحـكـتك فيها دواء لـيـّـــه
معــرفــش إيه راح يجـــرالى لمـّـا تعــدى الســنة ديـّــه
معـقــولة تـنـــسى أيامــي وحـنـيـتـى وتقــسي عـليــّـــه
بـُـكـرة الأيـــام هــا تـنـسـيكى وتكوني كبرتى كده شوية
وأقعــد أنا هــنا في مكـــاني وأســند بخــدي على أيـديه
دمــوعي تـنـزل مـن عــيني ولا حـــد دارى إيــه بيــّـه
ولا هـالـقـى حـد يـواسـيني أو يعرف إيه موجوع فيـــّـه
ساعـتهـا هـادعى انك تيجـى لو حتى بقـيـتى ف كـُليــّــه
وأشــوف ضحـكتك وأسمـع صـوتك يامجـننانى ياشقــية

كلمات / النمساوى

عازف الاورج@

19-05-2012, 05:58 PM

فيه ناس
ناس كتير فى الكون بتفيد مابتضرش
.وناس تضر الناس وكلامها مايسرش
وناس تخاف شرها وناس تحب كلامها
.وناس زى الجراح اوقاتها ماتمرش
كلمات /النمساوى

lolo ezzat

02-06-2012, 04:09 PM

سألت مره سؤااااااااااال؟:::::::

ليه التعليم مش عالبال؟

وليه مخدش حقه ف بلدنا؟

ده هو اللى نأمنه على ولادنا:bosyht9:

quad canon

25-06-2012, 10:30 AM

رباعيات جميلة

شهد الصغير

09-07-2012, 02:03 PM

مبروك يادكتور مـــــــــرسي رئاســــــــــــــــــــــــــــة مصر
فزت بالانتخابات وراســـــــــــــك مرفوعة بالنصر
وكدت الأعادي اللي عايزين يبعدوك عن القـــــــــصر
لكن ربك حمــــــــــــــــــــــــــــــــــاك من صانعي الشر
ونصرك علــــــــــــــــــــــــــــــــــــــــــــيهم جوه وبره مــــصر
هما أ ربع سنوات محتاجة منك حلم وصـــــــــــبر
من اجل إقامة دولة العدل حارب ا لظــــلم والقـــــــهر
و إنقذ شعبك الغلبان من تحت خط الفــــــــــــــــقر
وقود بلدك في آمان من البــــــــحر إلي البــــــــــــــــــــــــــر
وإحنا واثقين في حكمك بعد ما شربنا المــــــــــــر
والتاريخ هيشهد والانجازات بأنك رمز لثورة بكل فخر
هنجب حق الشهداء اللي مــــــــــــــــــــــــــــــــاتوا غــــــــــــــدر
وبدعاء المصريين في رمضان وليلة القـــــــــــــــــــــــــــدر
ربنا يكرمك يا دكتور مرسي وتكون أحـــــــــسن رئيس لمصر
تحــــــــــــــــــــــــــــــــــــــــــــــــ ـــــــيا مـــــــــــــــــــــــــــــــــــــــــصر
تحـــــــــــــــــــــــــــــــــــــــــــــــي ا مـــــــــــــــــــــــــــــــــــــــــــــــــ ـــــــــــــــصر

شهد الصغير

09-07-2012, 08:07 PM

مكـــــــــتوب في بطاقتي الشخصية أنا مصري وأمي مــــــصـــــــــرية
وبــــــأكل فـــــــول وطـــــــــــــعمية وبلبس بــــــــــدله وجــــــــــــلابية
تعبيرا عن أصـالتي المــــصريـــــة وبحب الإســـلام وباحترم المسيحية
ومفــــــيش فرق بين فاطمة وماريه لأنـــــهم إخوة في الإنســـــــ،ـــــانية
يلا يا مرقـــــــــــص انت وعـــطــية يلا نطــوع اوام في العســــكريــــة
ونحـــــــــــــمي حــدودنا المصـــرية مــن خطــــــــر الصـــــــــــــــهيونية
د الــدم المصري عمره مايبقي مـيه طول ما فيه محبة بين إيرين وفتحية
دا قلبهم صــــافي زيي الحـــــــــليب فيـــحــيا الهـــــــــلال مع الصـــــليب
يلا ياصاحبي إنت وهــــــــــــــــــيه يلا نتحـــد ونبـــقي إيــــد قــــــــــوية
ونكون لجــــــــان شعــــــــــــــــــبية ونتصــدي بســـــرعة للبلطــــــــجية
ونحمي بــــــلدنا من الحــــــــرامية اللــي عايزنها فتـــــــــــــــنة طائفيـة
ويـــــفتتوا الوحــــــــــــدة الوطـــنية بين الإســــــــــــــــلام والمســــيحية
طول ما في عزيمة وإرادة قــــــــــوية من شبابنا اللي يعـرف معني التــــضـحية
دي مصر غاليــــــــــــــــــــــة علية احمــيها برموش عينـــــيــــــــــــــــة
فعاشت الــــــــثورة الســـــــــــــلمية عاشت مــصر حرة آبـــــــــــــــــــــية
عاشت عاشت الوحدة الوطـــنية بين الإســــــــــــــلام والمــــــسيحية
مكتوب في بطاقتي الشخــــــــــصية أنا مصــري وأمــــــي مـــــــــــصرية
بقصيدتي الوطنيــــــــــــــــــــــــــــة أهدي لكــــــــــم أغــــــلي هــــدية
ألفين ســـــــــلام وتحــــــــــــــــــية لمؤسســــــــاتنا العـــــــــــــــــسكرية
اللي حمت الثورة المصريـــــــــــــة من أسوان لحد إسكندريـــــــــــــــــــة
فلهم مني شكـــــــــــر وتقد يـــــــــــــــر لكل ثائر في مـــــــــــــــــــــــيدان التحرير
من الشــــــاعر الكبـــــــــــــــــــير مـحمد مصطــفي الملـــــقب بالأمـــير

مكتوب في بطاقتي الشخــــــــــصية أنا مصــري وأمــــــي مـــــــــــصرية

شهد الصغير

09-07-2012, 08:08 PM

يارب يعجبكم

Mohamed..Gamal

25-07-2012, 08:46 PM

بارك الله فيكم
فنانين

وائل فتحي قابيل

08-09-2012, 12:46 AM

نشيد البلطجية
فى امتحان الثانوية

أنا بلطجى ... اللأ اللأ
أنا ارهابى ... اللأ اللأ
أنا عربجى ... اللأ اللأ
ويا اصحابى ... اللأ اللأ
شايل مطوة ... اللأ اللأ
قرن غزال ... اللأ اللأ
هافتح بطن ... اللأ اللأ
أوام ف الحال ... اللأ اللأ
شايل سنجه ... اللأ اللأ
تقولش كمانجه ... اللأ اللأ
هاشرٌّح بيها ... اللأ اللأ
فشش و صدور ... اللأ اللأ
و معايا ساطور ... اللأ اللأ
عايز أغش ... اللأ اللأ
امشى هش ... اللأ اللأ
آعد أنش ... اللأ اللأ
هافتح كرش... اللأ اللأ
اللى يقربلى ... اللأ اللأ
أو ياخد منى ... اللأ اللأ
برشامى و كتابى... اللأ اللأ
أنا بلطجى ... اللأ اللأ
أنا ارهابى ... اللأ اللأ

ان شاء الله سوف أكملها فى لجنة الغد
وائل قابيل
السيد عمر الثانوية العامة
دمياط

violet.flower

04-10-2012, 05:34 PM

عجبني جدا ما كتبتم هنا تستاهلوا التقييم لكل قلم مبدع هنا^-^

الهواهوا

04-10-2012, 07:21 PM

جزاكم الله خيرا

عبده السوهاجي

28-10-2012, 03:00 PM

يا عازم الناس على الحق
انده وقولى تعالى
انا خوفى اجى ما الحق
والشعر موقف وحالة

المريسي

28-10-2012, 09:42 PM

هل انا من الخير ولا الشر
سؤال سألوه كل البشر
سؤال صعب الاجابة علية
واللي جاوبه منهم ظفر

فاروق ابوعيانه

30-10-2012, 09:35 PM

سألت قلبى عن الهوى قالى الهوى فى الذكريات
سألته قلت ازاى تعيش ويا اللى فارق واللى مات
قاللى اللى مات جوايا عايش واللى عايش
حواليك سراب مقدرتش انطق وانفجر فيا السكات

مـــــلك

30-10-2012, 10:13 PM

وسكاتي جوه مني عامل دوشه وصراغ صوته عالي
مش عارفه اضحك :) والا ابكي :(
أنا جن حالي
أنا نفسي أرجع طفلة ألعب وأجري وأضحك ومش في بالي
:romarioxp6: :av4056bb7jp3: :006et4:

فاروق ابوعيانه

05-11-2012, 11:11 PM

مش فى بالى أعشق جديد أصْـلى واخد على الوفا
عشت أحلى سنين حياتى ويا أجمل ملهمة
واما راحت بردها طيفها ف كل حته وما اختفى
مرة جوه البحر أشوفها ومرة تظهر فى السما

شهد الصغير

14-01-2013, 10:01 PM

توت توت حاسب ياولدي من قطار الموت توت توت والله يرحم اطــــــــــــــــــــــــــــفال اسيوط
توت توت والحكومـــــــــــــــــــــــــــة نايمة وفي سكوت علي الاهمال وخراب البيوت

فاروق ابوعيانه

15-01-2013, 08:30 PM

تفضل دموعك فوق خدودك بحر سايل يا وطن
ايوه سامع فيك شجونك آه من صوت الشجن
من زمن والحزن ساكن فوق جفونك .. من زمن
والألم من يوم ميلادك جوا فى ضلوعك سكن

mhmoud32008

21-01-2013, 01:34 PM

دفعوا فلوس في الوظيفة؟ .. أيوه دفعوهم

واللي ما دفع .. . بعدم احترام بـ يعاملوهم

بـ نقلوه ويـ شحططوه . . وشوهوه وبهدلوه

أما شارى الوظيفة, بدون مناسبة بـ يرقوه.

وكبروه وعالوه وهشتكوه ودلعوه , , , ,

الله يرحم له أبوه, . . و كمان فلوس أبوه

مـــــلك

15-02-2013, 08:58 PM

ألهوتي أجدعان
حاسه بهبل وجنان
فرحان قلبي العبيط
مع انه كتير تعبان
نازل بيضحك بصوت
حتى اشتكوا الجيران
على ايه فرحان سعيد
ده حتى ابن التيت
مجروح كتير أرفان

فاروق ابوعيانه

10-03-2013, 09:39 PM

نفسى اشوفك مرة واحدة وبعدها
عمرى يخلص مش هتفرق وقتهــا
المهم القلب فى عيــــونك يعيش
الحيـــاه اللى فى خيالى عشتها

عاطف حمدان محمد

04-06-2013, 06:54 PM

خليك حصان رهوان
تجري ... تسابقها
وان عاندتك سكتك
امشي في سكتها
ولو الدموع حاوطتك
في الحزن غنيلها
اياك تقول مليت
وكرهت عشرتها
عشاق كتير قبلك
تعبوا وعاشقينها
كاس الغرام يا جدع
الكل شاربينها

Ra2fat Jego

06-08-2013, 07:46 AM

إراقة الدماء صارت بيننا كالوباء
إذا سرت خلت أننا أعـــداء
فكيف لأمة جمعت تحت لواء
الوحدة أن تكون بهذا الجفاء

حنان عرفه1

15-09-2013, 01:06 AM

الأوله
آه من الهوى لما يعلق قلب أخضر بالأمل
يرسم خطوط مستقبله على وردة حلوة منبتة
تكبـر ويكبــــــــــــــــــر معاها حلمنـــــــا

والثانية :
آه من لقانا احنا سوا نعيش في دنيا لوحدنا
لافيها .... عزول ..ولا ... مشكلــة
ننام نقوم زي الطيور نغني قصايد حبنـــــا

والثالثة :
آه من عـــذاب البعـــــد وغـــــربتــــــــي
غريبة أنا وسط أهلي وناسي وموطنــــي

والرابعة . .... والخامسة ولآخر عمري أنا

هفضل أدور أتنقل وأنادي عليك
وأصرخ وأقول .... يا نااااس
محدش شافني معاكم هنا؟