موضوع مثير للجدل [الأرشيف] - بوابة الثانوية العامة المصرية

KHALOOOD

13-04-2009, 08:54 PM

.....................
.............
........
..
.
السلام عليكم
اولا عايز قبل ما ادخل فى الموضوع اقول حاجه
انا بقول لن اكف عن وضع المثيره للجدل طالما هناك هدف سامى منها
بجد هنفضل مكسوفين يبقى المشاكل دى مش هتلاقى حل
مش معنى كدا
ان تبقى فى قله ادب
لا
بس يبقى فى عقلانيه فى طرح الموضوع
وانا لما بتكلم عن اى مشكله بجيبها من واقع حياتنا
يعنى المشكله والغلط موجود يعنى لازم زى ما قال الرسول صلى الله عليه وسلم
احاول اغيره
فأنا مش عارف اغيره ازاى فلازم اسأل اكيد يعنى
عشان كدا بطرح الموضوع للمناقشه
المهم بقى ندخل فى الموضوع المثير للجدل
بصوا دلوقتى احنا عارفين ان الحاله الاقتصاديه زى الزفت
وحلم كل مصرى انه يسافر اى بلد عشان يحسن مستواه
حتى لو هيشتغل هناك خدام هيستحمل عشان يرجع يسعد مراته وعياله
بس المشكله بقى فى حاجه
هل الزوجه على قدر مستطاع ان تعيش بدون زوجها
هناك بعد النساء لا تقدر تعب زوجها ولا تقدر غربته وذوقه المرار ليسعدها
وتكافئه بالخيانه له
كثيرا ما سمعت عن هذه المشكله فى هذه الايام
(وهذا امر متاكد منه تماما)
وكثيرا ما سمعتها ايضا على القنوات الفضائيه
ملحوظه ( انا اقول فئه من السيدات تفعل ذلك )
طيب ايه الحل يا جماعه يعنى لو الراجل مسافرش هيعيشوا حياه ضحله
ولو سافر يبقى ......بجد مش امر محزن
ارجو نقاش الموضوع بعقلانيه وبدون الخروج عن الموضوع الاساسى
مستنى ارائكم
وياريت لو فى انتقادات تبقى باسلوب لائق
وانا هشيلك الرد وصاحب الرد فوق دماغى
فى رعايه الله

koka 330

13-04-2009, 09:48 PM

كلامك جه على الجرح أحنا كنا بيت سعيد وماشى فى أمن الله بس من زمااااااااااااااان فجأه لقيت بابا سافر قطر بعد ألحاح من ماما بعد ما سافر ماشوفناش وشه اصدى وجهه الجميل ألا لما رفعت دعوه فى محمكه بطلب أشوفه بس فى فترة غيابه مأولكش البيت أتخرب أتخرب والام كانت بتخون طبعا وأخر لما زهقت خلعته وراحت أتجوزت وأنا وأخواتى عايشين لوحدينا لا أم ولا أب وبابا طلع كان متجوز أزاى يسيب الخير هناك ويعد لهمنا
أنا بتمنى أى أب أنه ميسافرش ويسيب مراته وعياله لان لو مراته طلعت وافيه ليه أكيد من ناحيه تانيه عياله هتبعد عنه ومش هيحسوا غير مشاعر جافه مفيش حاجه بتربطهم غير الفلوس وبس
شكرا يا خالد على الموضوع وتقبل مرورى

Sharp Nails

13-04-2009, 10:20 PM

اولا احب اشكرك عالموضوع الى مش قريت غير اول جزئية منه
وثانيا احب اقول ياريت نلتزم بالقوانين ومش انت بس للكل
ولو الموضوع قلب بخناق ان شاء الله هيتحذف
وحضرتك تنزل موضوع غيره مثير للجدل ونحذفه وتنزل ونحذفه
لحد ما نتعود على النقاش الى يليق بينا وبمستوانا وبمستوى المنتدى
واظن الكلام واضح ياسادة
واتمنالكوا موضوع سعيد

KHALOOOD

14-04-2009, 01:38 AM

koka 330

14-04-2009, 01:49 AM

ارجوكى لا تجعلينى ابكى

اوعى كده انا هزعل مش كل لما ادخل موضوع ابوظه كده بس انتوا اللى بتخلونى اتكلم
وافضفض لانى بحبكوا اوى وكلكم اخواتى

gumana

14-04-2009, 03:56 AM

أحمد2025

14-04-2009, 04:03 AM

kalifor

14-04-2009, 05:04 AM

ربنا ما يجيب خيانات ان شاء الله.

انا لو سافرت هاخدها معايا نتفسح سويا .:)

KHALOOOD

14-04-2009, 06:43 AM

انا رأيي إنهم يسافروا مع بعض ولو مينفعش يبقي ميسافرش . لإن الزوجه صعب عليها إنها تتحمل تربيه الأطفال لوحدها وكمان الاولاد بعد شويه حيفقدوا علاقتهم بباهم وحتبقي فلوس وبس.وكمان علشان المشاكل بتزيد بين الزوجين لما يبعدوا عن بعض وحبهم لبعض حيقل(لإن إللي بعيد عن العين.......)
ازيك يا جومانا
يسافروا مع بعض ازاى
يبقى عليه العوض ومنه العوض فى تحويشه العمر
اكيد كدا مش هيوفر حاجه
وما بالك بقى لو عندهم عيال
بجد خسرانه خسرانه العمليه
ولو قعد مش هيعرف يعيشهم كويس
ومفيش حاجه اسمها البعيد عن العين بعيد عن القلب
من قال هذا ؟

KHALOOOD

14-04-2009, 06:59 AM

عارف انا والدى مسافر دبى بقاله 4 سنين ونص
بس بينزل 3 مرات ف السنة وبنسافر ليه احنا ف الصيف
والله ماما دى طيبه قوى
ربنا يخليها لينا يارب ويبارك ف عمر بابا
يعنى هو بيحاول بقدر الإمكان ميبقاش بعيد
يلا الحمدلله ع كل شىء

طيب الحمد لله دا نموذج كويس
والحمد لله الموضوع لحد دلوقتى ناجح
فى ناس بتقول صح وناس بتقول غلط
وحلو الحوار اللى بينا دا
المهم سيبك انت يا احمد
كنت فين الايام اللى فاتت دى ؟

KHALOOOD

14-04-2009, 07:07 AM

ربنا ما يجيب خيانات ان شاء الله.

انا لو سافرت هاخدها معايا نتفسح سويا .:)

انا اتكلمت فى حته لو سافتر معاه دى مع جومانا
صدقنى مش هينفع ومش هيوفر حاجه
يبقى ملهاش لازم بقى انه يسافر احسن

أحمد2025

14-04-2009, 07:14 AM

طيب الحمد لله دا نموذج كويس

والحمد لله الموضوع لحد دلوقتى ناجح
فى ناس بتقول صح وناس بتقول غلط
وحلو الحوار اللى بينا دا
المهم سيبك انت يا احمد
كنت فين الايام اللى فاتت دى ؟

تعرف انك منور والله
ووحشنى ايام المنتدى
بس الدنيا مش بتسيب الإنسان ف حاله
يلا الحمدلله
اها بس ع فكرة انا لو جتلى اعارة او حاجة برة مصر اخد مراتى وعليه العوض ف تحويشة العمر
او اقعد معاه علشان انا مش هبقى قادر استغنى عنها خاااااالص
عارف
انا بابا ده وحشنى
قوى ياخلود

FoX™

14-04-2009, 07:37 AM

موضوع جميل ياباشا بس حاول متقولش يسبب خيانة وبس عشان محدش يفهمك غلط وحتى لو لقيت نقد يكون بناء وانا ........ مر بالتجربة دى مكانش بيجى غير قليل طبعا ولاده الاتنين كبروا واتجوزا ومحسوش بيه وسطهم الا لما يرجع وينكد عليهم بشخصية الاب فطبعا سايبننه الابن سافر السعودية ومبيفكرش يتصل يسئل عليه والبنت تزوجت من شخص هو مكانش موافق عليه ومقاطعها ومقطعاه لحد الان والام طفشت من البيت بس كانت ست عارفة ربنا كويس ومبتفوتش فرض معتقدش انها كانت ..... يلا ياعم جبت قصة فل اهى وواقعية اى خدعة انتا تامر بس يا خالد باشا ومنتظرينك فى مواضيع تكون مثيرة للجدل ولكن تكون مفيدة وتخلى الواحد يرد وجزاك الله كل خير اخى الكريم ..

KHALOOOD

14-04-2009, 08:32 AM

تعرف انك منور والله
ووحشنى ايام المنتدى
بس الدنيا مش بتسيب الإنسان ف حاله
يلا الحمدلله
اها بس ع فكرة انا لو جتلى اعارة او حاجة برة مصر اخد مراتى وعليه العوض ف تحويشة العمر
او اقعد معاه علشان انا مش هبقى قادر استغنى عنها خاااااالص
عارف
انا بابا ده وحشنى
قوى ياخلود

ربنا يخليك يا ابوحميد كلك ذوق والله
بس انت مكبر الموضوع ليه كدا
والدنيا مش بتسيب حد فى حاله وبتاع
انت بتحسسنى انك بتجرى على عيال وامهم
اصبر يا مان شويه دا احنا لسه داخلين ع التقيل
وهات يابا الاكل وهات يا بابا مصروف وليله مش هتخلص
وانت بتقول بابا وحشنى
حسيت انه واحشنى انا كمان انت كدا هتخلينى اعيط

KHALOOOD

14-04-2009, 08:45 AM

prof.ahmed4d

14-04-2009, 09:02 AM

KHALOOOD

14-04-2009, 09:09 AM

ازيك يا خالد عامل ايه محدش شايفك يعنى

وايه المواضيع الجامدة دى يا عم

انا الحمد لله والدى مش بيسافر والحياة تمام خالص

وفعلا جاله قبل كدة كذا عقد سفر بره مصر وتحديدا في السعودية الرياض وبرده موافقشى

بس انا من رايي ان الواحد ميسافرشى بره بلده احسن ولو سافر ياخد اسرته معاه

ومنور الموضوع يا خالد

في رعاية الله
ازيك يا استاذ احمد
لا والله انا موجود
بس كلام فى سرك كدا كنت موقوف يوم بس ظلم والله
ما علينا المسامح كريم
المهم الحمد لله ان الموضوع عجبك
واحسن برده ان والدك مرضاش يسافر
بس انا بتكلم عن الناس اللى حالتها مليانه ضيق وعايزين يسافروا
وشكررررا لمرورك ونورت الموضوع

Rien

14-04-2009, 09:26 AM

بجد الموضوع حلو اوى
شكرا ليك

بصوا دلوقتى احنا عارفين ان الحاله الاقتصاديه زى الزفت
وحلم كل مصرى انه يسافر اى بلد عشان يحسن مستواه
حتى لو هيشتغل هناك خدام هيستحمل عشان يرجع يسعد مراته وعياله
بس المشكله بقى فى حاجه
هل الزوجه على قدر مستطاع ان تعيش بدون زوجها
هناك بعد النساء لا تقدر تعب زوجها ولا تقدر غربته وذوقه المرار ليسعدها
وتكافئه بالخيانه له
كثيرا ما سمعت عن هذه المشكله فى هذه الايام
(وهذا امر متاكد منه تماما)
وكثيرا ما سمعتها ايضا على القنوات الفضائيه
ملحوظه ( انا اقول فئه من السيدات تفعل ذلك )
طيب ايه الحل يا جماعه يعنى لو الراجل مسافرش هيعيشوا حياه ضحله
ولو سافر يبقى ......بجد مش امر محزن
ارجو نقاش الموضوع بعقلانيه وبدون الخروج عن الموضوع الاساسى
مستنى ارائكم

كلام جميل
بس حتى لو الاتنين فضلوا مخلصين لبعض طول العمر
هايستحملوا ازاى يعيشوا كدة !!
الزوج مسافر عشان يجيب فلوس يأمن بيها مستقبلهم ومستقبل اولادهم زى ما بيقولوا
فين بقى المستقبل ده ؟
هو مش هايشارك ف مستقبل الاسرة اللى عشانه هو مسافر !!
وكل اللى هايربطه باسرته الفلوس وبس .. او خلينى اقول اللى يربطه باولاده
وكأنه مفيش حاجة تربط بينهم غير انه يصرف عليهم
يعنى مش هايكون فيه علاقة الابوة اللى هو اكيد عايزها
انا شايفة انه احسن ياخدها من قصيرها ومايتجوزش اصلا
ويشوف اسرة ظروفها صعبة شوية ويساعدهم
وهايلاقى ان الاولاد اللى ف الاسرة دى مرتبطين بيه اكتر
:rolleyes:
طبعا كل الكلام ده مالوش اى لازمة
بس كنت عايزة اوصل انه اكيد مش هاينفع ابدا حكاية انه يسافر ويسيبها
يعنى لازم لازم يسافروا مع بعض
او يفضلوا قاعدين مع بعض

ازيك يا جومانا
يسافروا مع بعض ازاى
يبقى عليه العوض ومنه العوض فى تحويشه العمر
اكيد كدا مش هيوفر حاجه
وما بالك بقى لو عندهم عيال
بجد خسرانه خسرانه العمليه
ولو قعد مش هيعرف يعيشهم كويس

يعنى ايه عليه العوض ومنه العوض ف تحويشة العمر
ما هى حتى لو مش معاه هى والاولاد
هايصرف عليهم وهما ف مصر !!
مش فاهمة وجهة نظرك ..

prof.ahmed4d

14-04-2009, 09:26 AM

ازيك يا استاذ احمد
انا بخير الحمد لله بس يا رب السنادى تخلص على خير

لا والله انا موجود
بس كلام فى سرك كدا كنت موقوف يوم بس ظلم والله
عارف انك اتوقف وكويس انهم مكنوش 3
ما علينا المسامح كريم
المهم الحمد لله ان الموضوع عجبك
الحمد لله
واحسن برده ان والدك مرضاش يسافر
الحمد لله
بس انا بتكلم عن الناس اللى حالتها مليانه ضيق وعايزين يسافروا
ما هو ممكن يسافر فترة معينة وبعد كدة لو الحال ماشي كويس يرجع ياخد اسرته ودى حصلت مع واحد صاحبى في الاردن وحاليا في الاردن
وشكررررا لمرورك ونورت الموضوع

الموضوع منور باصحابه

KHALOOOD

14-04-2009, 09:45 AM

بجد الموضوع حلو اوى
شكرا ليك

كلام جميل
بس حتى لو الاتنين فضلوا مخلصين لبعض طول العمر
هايستحملوا ازاى يعيشوا كدة !!
الزوج مسافر عشان يجيب فلوس يأمن بيها مستقبلهم ومستقبل اولادهم زى ما بيقولوا
فين بقى المستقبل ده ؟
هو مش هايشارك ف مستقبل الاسرة اللى عشانه هو مسافر !!
وكل اللى هايربطه باسرته الفلوس وبس .. او خلينى اقول اللى يربطه باولاده
وكأنه مفيش حاجة تربط بينهم غير انه يصرف عليهم
يعنى مش هايكون فيه علاقة الابوة اللى هو اكيد عايزها
انا شايفة انه احسن ياخدها من قصيرها ومايتجوزش اصلا
ويشوف اسرة ظروفها صعبة شوية ويساعدهم
وهايلاقى ان الاولاد اللى ف الاسرة دى مرتبطين بيه اكتر
:rolleyes:
طبعا كل الكلام ده مالوش اى لازمة
بس كنت عايزة اوصل انه اكيد مش هاينفع ابدا حكاية انه يسافر ويسيبها
يعنى لازم لازم يسافروا مع بعض
او يفضلوا قاعدين مع بعض

يعنى ايه عليه العوض ومنه العوض ف تحويشة العمر
ما هى حتى لو مش معاه هى والاولاد
هايصرف عليهم وهما ف مصر !!
مش فاهمة وجهة نظرك ..

بسم الله
بصى يا ست عديها
(حلوه الصيغه دى)
المهم بقى الموضوع حلو برده عشان نقاش حضرتك دا
هوضحلك وجهت نظرى حاضر
انا بقول ان دلوقتى فى بعض الاسر اللى هما لسه بئين حياتهم وبرده اللى متجوزين من فتره بس مش طويله يعنى بتبقى العمليه برده مش اللى هيا
يعنى المرتب يدوب والكلام دا كله
فبيحاول يسافر يعمل فلوس وكدا عشان يقدر يسعدها ويسعد اولاده كمان
انا عارف ان هو لو جنبهم هيخليهم سعداء بس من نوع تانى
اللى هو حنان الاب ليهم
بس تعالى كدا شوفى بقيت فروع السعاده
هتلاقيها كلها بالفلوس
عايز يدخلهم مدرسه محترمه وعايزين دروس وعايزين مصروف
وعايزن لبس وعايزين اكل واكيد برده خروج وفسح
وفى حاجات اكتر من دى بكتيررررر
فهى وجهت نظره انه يسافر يجيب فلوس ويرجع تانى مش يقعد طول عمره هناك
ويجيى بالفلوس اللى عملها دى يعمل مشروع كويس
يبقى مصدر دخل ليه تانى
طبعا بقى لو الشروع فشل او اى حوارات من دى دا يبقى موضوع تانى
المهم يارب اكون وضحتلك وجهت نظرى
اه فى حاجه كمان نسيتها
انا بقول لو اخدهم معاه يبقى مش هيعرف يوفر
دا اكيد طبعا
لانهم محتاجين مصاريف هناك ورعايه وطبعا هيبقى باله مشغول عليهم والكلام دا كله
عشان كدا دايما بنلاقى اللى بيسافر بيروح لوحده يظبط العمليه وينفخ فى جيوبه ويرجع
بس طبعا بعد فوات الاوان
اعتقد انى كدا وضحتلك كل حاجه
مستنى ردك

KHALOOOD

14-04-2009, 09:55 AM

الموضوع منور باصحابه

برده لما الواحد بيغيب ويرجع بيبى ليه هيبه برده
انا كنت مستنى تعليقك ع الموضوع
احنا قلنا الحمد لله ان والدك مش سافر
بس انت نسيت تعلق ع الموضوع
مستنى رايك

prof.ahmed4d

14-04-2009, 10:04 AM

انا رديت داخل الرد بتاعك الى رديته عليا اول مرة شوف تانى

KHALOOOD

14-04-2009, 10:11 AM

بس انا من رايي ان الواحد ميسافرشى بره بلده احسن ولو سافر ياخد اسرته معاه
مانا علقت على الكلام دا اكتر من مره
انا كنت مستنى تعليق على تعليقى
دا اللى اقصده يا ابوحميد

Rien

14-04-2009, 10:12 AM

بسم الله

بصى يا ست عديها
(حلوه الصيغه دى)
المهم بقى الموضوع حلو برده عشان نقاش حضرتك دا
هوضحلك وجهت نظرى حاضر
انا بقول ان دلوقتى فى بعض الاسر اللى هما لسه بئين حياتهم وبرده اللى متجوزين من فتره بس مش طويله يعنى بتبقى العمليه برده مش اللى هيا
يعنى المرتب يدوب والكلام دا كله
فبيحاول يسافر يعمل فلوس وكدا عشان يقدر يسعدها ويسعد اولاده كمان
انا عارف ان هو لو جنبهم هيخليهم سعداء بس من نوع تانى
اللى هو حنان الاب ليهم
بس تعالى كدا شوفى بقيت فروع السعاده
هتلاقيها كلها بالفلوس
عايز يدخلهم مدرسه محترمه وعايزين دروس وعايزين مصروف
وعايزن لبس وعايزين اكل واكيد برده خروج وفسح
وفى حاجات اكتر من دى بكتيررررر
فهى وجهت نظره انه يسافر يجيب فلوس ويرجع تانى مش يقعد طول عمره هناك
ويجيى بالفلوس اللى عملها دى يعمل مشروع كويس
يبقى مصدر دخل ليه تانى
طبعا بقى لو الشروع فشل او اى حوارات من دى دا يبقى موضوع تانى
المهم يارب اكون وضحتلك وجهت نظرى
اه فى حاجه كمان نسيتها
انا بقول لو اخدهم معاه يبقى مش هيعرف يوفر
دا اكيد طبعا
لانهم محتاجين مصاريف هناك ورعايه وطبعا هيبقى باله مشغول عليهم والكلام دا كله
عشان كدا دايما بنلاقى اللى بيسافر بيروح لوحده يظبط العمليه وينفخ فى جيوبه ويرجع
بس طبعا بعد فوات الاوان
اعتقد انى كدا وضحتلك كل حاجه
مستنى ردك

ست عديها .. باين عليك مش هاتعديها على خير
:d
امممممم
ما هو ممكن يكون بيفكر ف كدة وانه عايز يرجع وبعدين يلاقى ان وضعه هناك احسن
وبالنسبة انه مش هايعرف يوفر لما يكونوا معاه
ما هو هناك زى هنا
ونفس المصاريف اللى هايحتاجوها هى هى
ده غير انهم لما يكونوا معاه هناك هايكون متطمن عليهم
غير لما يكون سايبهم ويبقى لوحده

prof.ahmed4d

14-04-2009, 10:15 AM

مانا علقت على الكلام دا اكتر من مره
انا كنت مستنى تعليق على تعليقى
دا اللى اقصده يا ابوحميد

طيب اقرا المشاركة كويس الى انا قلتلك فيها الموضوع منور باصحابه

أسيل رزق

14-04-2009, 11:41 AM

ههههههههه

انت عليك ديون للإدارة وبتسددها بالوقف ولا إيه

انت بتتوقف كام مرة فى اليوم ؟!!!

هههههههه

لا إله إلا الله
محمد رسول الله

بص يا خالد أنا معترضة على النوعية دى من المواضيع فى المنتدى هنا

لسبب بسيط جداً مهما كانت العقليات فى المنتدى دا برده اسمه منتدى الثانوية مع إحترامى لكل الأعضاء بس ماينفعش الكلام خالص فى شىء زى ده

مع إنى مش معترضة على فكرة الموضوع إطلاقاً.. فى الكلية عندى بندرس حاجات أصعب من كده

من رأيى إنك تسيبك من كليتك وتحول آداب علم نفس هتلاقيهم بيستقبلوك بمواضيعك عادى جداً

آسفة إنى ماتكلمتش فى الموضوع ومش هتكلم فيه

بس سؤال واحد بجد بجد

انت بتتوقف 3 مرات فى اليوم قبل الأكل وبعده ليه؟؟؟

prof.ahmed4d

14-04-2009, 11:45 AM

أسيل رزق

14-04-2009, 11:54 AM

انا مش مؤيد رايك لسبب بسيط غير ان اسمه الثانوية
ده اسمه القسم العام ومعنى انه يحط موضوع للنقاش مش مشكلة طالما الموضوع مش مخالف
ده رايي
بالنسبة للوقف هو تقريبا كان ليه 3 ايام وحد رجعه قبل ال3 ايام وواحد وقفه تانى لغايت ما يخلصهم ده الى فهمته والله اعلم ؟؟

الموضوع للنقاش ده صح و فى العام كويس

إنما مين اللى هيناقش الموضوع؟؟!!

الحمد لله محدش مجرب المشكلة اللى خالد بيتكلم عنها .. إزاى طلاب ثانوى هيتكلموا فى مشكلة هما بعيد عنها تماماً وتقريباً محدش هيكون واقع عليه المشكلة دى ولا أنا كلامى غلط؟!!

كل شخص مهما كانت عقليته لازم يكون فيه مستوى معين يتكلم فيه

و آسفة إنى رديت تانى

وخلص الأيام اللى عليك يا حاج خالد وخلصنا .. الله يرحم لما اتوقفنا اسبوعين ومحدش حن علينا بيوم إفراج فى النص :d

prof.ahmed4d

14-04-2009, 12:05 PM

الموضوع للنقاش ده صح و فى العام كويس

إنما مين اللى هيناقش الموضوع؟؟!!

الحمد لله محدش مجرب المشكلة اللى خالد بيتكلم عنها
طبعا لو طلبة في الثانوى اكيد محدش ايبقى مجربها
.. إزاى طلاب ثانوى هيتكلموا فى مشكلة هما بعيد عنها تماماً وتقريباً محدش هيكون واقع عليه المشكلة دى ولا أنا كلامى غلط؟!!
وهو يعنى المنتدى مش فيه غير طلاب ثانوى المنتدى به كافة الفئات من الناس وفيها ايه كمان لما طلاب ثانوى يشاركوا فيها هما طلاب ثانوى صغيرين يعنى بالعكس موضوع زى كدة ممكن بستفادوا منه جامد لما يكبروا وميقعوش في مشاكل ممكن تاثر على حياتهم الاحتماعية والدينية
وده برده مجرد راي واختلاف الراي لا يفسد للود قضية

كل شخص مهما كانت عقليته لازم يكون فيه مستوى معين يتكلم فيه
ازاي يعنى في طلبة في اعدادى وثانوى مرت بيهم تجارب زى كدة وبيستفيدوا منها

و آسفة إنى رديت تانى

وخلص الأيام اللى عليك يا حاج خالد وخلصنا .. الله يرحم لما اتوقفنا اسبوعين ومحدش حن علينا بيوم إفراج فى النص :d

وانا اسف جدا يا خالد ان طلعت بره الموضوع
بس انا ليا سؤال انتى ليه بقى معتبره ان المنتدى طلبة ثانوي بس ؟

أسيل رزق

14-04-2009, 12:15 PM

معلش ملحوظة صغيرة يا جماعة أنا كلامى أقصده على إننا مش مجربين الحكاية دى أو وقعت علينا الخيانة أو حتى متزوجين لان معظمنا طلبة

لان النقاش فى الموضوع ده مش هيكون من طرف الأبناء بس

ومافتكرش إن حد من الناس الكبار سواء مدرسين أو أولياء أمور هيتكلموا ويتحاوروا فى الموضوع

عموماً نقاش سعيد عليكم

فى رعاية الله

prof.ahmed4d

14-04-2009, 12:21 PM

وجهة نظر برده وكلنا نحتارمها ويا ريت تتابعى الموضوع يوميا

في رعاية الله

:: [ K A B B O W ] ::

14-04-2009, 12:39 PM

romance man

14-04-2009, 05:21 PM

اولا تسلم ايدك على الموضوع
ثانيا انا من رايى ان المصرى احسن حاجه يقعد فى بلده
( هممممم شكلك مش فاهم حاجه ما انت لسه صغير ومش عارف الحياه عامله ازاى دلوقتى فى البلد دى)
لا لا لا انا عارف كويس لانى شوفت وعارف كويس وعارف ان حال البلد زى التيييييييييييييت
بس مهما كانت الظروف الانسان ممكن ينجح فى اى مكان وكمان بره مصر الحال مش حلو اوى يعنى ما هى دبى اقتصادها زفت واغلب دول الخليج بدات شركات كتيره فيها تفلس
وحتى فى دول الغرب نفس الموضوع اكبر الشركات اللى فى العالم ماشيه وهى بتقول زقه للنبى
يعنى الحال هنا زى بره
فليه الواحد يبهدل نفسه واهله معاه؟؟؟؟؟؟
وحتى لو اطر انه يسافر فاعتقد انه لازم ياخد اهله معاه او كل ست شهور مثلا ينزلهم كده يضمن ان عالته متتبهدلش وده اللى عامله ناس انا اعرفهم وعائلتهم فى قمة السعاده
بص بص كفايه كلام بقه
نيس توبيك
ويا ريت يا جماعه مننتقدش اى حاجه دى وجهة نظر ومعتقدش ان كل المواضيع المطروحه فى القسم العام وردينا عليها وناقشناها حصلت لكل واحد مننا صح؟
سلام عليكم

تسلم ايديك انت يا مان على انك شاركت حتى
بص يا سيدى لو الدول اللى بره بترفس من الجوع
يبقى احنا خلاص متنا من الجوع
يارب من العباره دى تكون فهمت اللى عايز اقولهولك
وحته ست شهور والكلام دا
هيا هيا لو قعد سنه والله
مش الفكره انه هيقعد كام الفكره انه هيغيب عنهم وخلاص
وفعلا اغلب المواضيع اللى اتناقشت هنا فى العام كانت اكبر من سننا
بس على مين
نحن لها ياباش
احلى حاجه فى الكائن البشرى المصرى انه يعرف كل حاجه عن اى حاجه
شكرا لمرورك

أسيل رزق

14-04-2009, 08:36 PM

قريت الردود كلها تقريباً وعجبتى ردود كتير

مع إنكم مش فاهمين وجهة نظرى كويس .. مش فاهمة مالى اليومين دول محدش فاهم منى حاجة

المهم

تقريباً النقاش هيبقى فى دائرة مغلقة

مش عايزة أتكلم كتير كفاية الكام رد اللى بوظت بيهم الموضوع

بس معلش إستحملونى

وعلى فكرة انا ماكنتش بنقد حاجة دى مجرد فكرة عدم نقاش الموضوع فى المنتدى وده رأى مش نقد لكن الموضوع حقيقى كويس ( فكرة بحث جديد ناوية أعمله لو فى عمر )

الخيانة دى مش بتحصل إلا إذا كان البيت من الأساس مش ثابت و فعلاً عمرى ما أقتنع أبداً إن البيت بيكون سعيد وفجأة بمجرد سفر الأب وبداية معرفته بواحدة أو الام وتبدأ الخيانة يبقى إنهدم البيت السعيد والفيلم الهندى ده

هو أصلاً ماكنش فيه بيت سعيد علشان يكون فيه تحطيم السعادة .. لان اللى بيعمل كده سورى يعنى الزوجين ماصدقوا بعدوا عن بعض

و مش شرط يكون خيانة بمعنى الخيانة ممكن تحصل خيانة فكرية أو عقلية ودى محدش بيعرفها إلا الطرف الخائن وربنا بس دى نقطة من النقط اللى ماينفعش أتكلم فيها بعد كده لانها بتفتح حوار كبير أكبر مننا كلنا

فى كمان نقطة شعور الزوج أو الزوجة بالفراغ العاطفى .. وفى سيدات بتكون غير قادرة على تمالك نفسها أبداً
وبرده دى ماينفعش ندخل فيها لان التفاصيل أكبر مننا برده

ونقط تانية كتير لابد من الحوار فيها علشان الدايرة ماتتقفلش

وطبعاً ماينفعش نتكلم فى الأمور دى خالص فابالتالى الدايرة هتتقفل

يا رب تكون وضحت وجهة نظرى

عموماً الموضوع وردوده كويسين وكويس إننا نتكلم بالشكل ده

ربنا يهدى الجميع

وشكراً على موضوعك يا خالد

BaNZeR

14-04-2009, 11:47 PM

الموضوع ده بيعبر عن احد اكبر المشاكل الموجودة عندنا في مصر

فالزوج لازم يسافر والاولاد لازم يفضلوا في المدارس والام لازم تبقى معاهم
والاخ كبير اتوظف في مكان بعيد
وتلاقي العيلة بعد كام سنة كل واحد بقى في حتة

وممكن عشان تمر عليك دورة تشوف فيها عيلتك كلها تاخد 5 ست سنين كده
خالتك اللى مصر وعمتك اللى في اسكندرية وجدك اللى قريب منك و خالك اللى الكويت وعمك اللى مش عارف فين

فين الترابط اللى كان موجود زمان

اعتقد المشكلة ده ملهاش حل غير من طرف الدولة
يعني لازم حالنا الاجتماعي يتصلح اولاً عشان توفرلنا اللى احنا محتاجينه

BaNZeR

15-04-2009, 12:06 AM

مع إنكم مش فاهمين وجهة نظرى كويس .. مش فاهمة مالى اليومين دول محدش فاهم منى حاجة
ساعات الواحد بتجيله فترة تهييس بيبقى شايف نفسه فيلسوف
حالة وحتمر :)

المهم

تقريباً النقاش هيبقى فى دائرة مغلقة

مش عايزة أتكلم كتير كفاية الكام رد اللى بوظت بيهم الموضوع
كلها وجهات نظر ومفيش حاجة بتبوظ الموضوع

بس معلش إستحملونى

وعلى فكرة انا ماكنتش بنقد حاجة دى مجرد فكرة عدم نقاش الموضوع فى المنتدى وده رأى مش نقد لكن الموضوع حقيقى كويس ( فكرة بحث جديد ناوية أعمله لو فى عمر )
دلوقتي احنا طلبة صحيح
العمر الجامعي الافتراضي لمعظمنا من 17-22
يعني معظمنا في الفترة ده
انا اعرف واحد فرحه كان عنده 24 واكيد العروسة كانت اصغر منه :p
يعني موضوع الجواز مش بعيد قوي (لو في عمر برده)

وبعدين في طلبة في اعدادي وساعات في ابتدائي وعقلياتها متقولش واحد اصغر من 25 سنة مثلاً
برده مش عايز ارغي كتير

الخيانة دى مش بتحصل إلا إذا كان البيت من الأساس مش ثابت و فعلاً عمرى ما أقتنع أبداً إن البيت بيكون سعيد وفجأة بمجرد سفر الأب وبداية معرفته بواحدة أو الام وتبدأ الخيانة يبقى إنهدم البيت السعيد والفيلم الهندى ده
انا متوافق تماماً في الكلام ده
مادام الزواج تم على اساس ديني مش لجمال او مال او جاه
يبقى صعب إن الرابطة ده تتفكك

هو أصلاً ماكنش فيه بيت سعيد علشان يكون فيه تحطيم السعادة .. لان اللى بيعمل كده سورى يعنى الزوجين ماصدقوا بعدوا عن بعض

و مش شرط يكون خيانة بمعنى الخيانة ممكن تحصل خيانة فكرية أو عقلية ودى محدش بيعرفها إلا الطرف الخائن وربنا بس دى نقطة من النقط اللى ماينفعش أتكلم فيها بعد كده لانها بتفتح حوار كبير أكبر مننا كلنا
أديكي بتتكلمي كويس أهه
وبعدين لو احنا متكلمناش في الموضوع ده كطلبة
حيتكلموا فيه اللى مروا بالتجربة بس لما يكون الأوان قد فات !!!

فى كمان نقطة شعور الزوج أو الزوجة بالفراغ العاطفى .. وفى سيدات بتكون غير قادرة على تمالك نفسها أبداً
وبرده دى ماينفعش ندخل فيها لان التفاصيل أكبر مننا برده

ونقط تانية كتير لابد من الحوار فيها علشان الدايرة ماتتقفلش

وطبعاً ماينفعش نتكلم فى الأمور دى خالص فابالتالى الدايرة هتتقفل

يا رب تكون وضحت وجهة نظرى
فاهم قصدك كويس بس بيتهيألي إننا نقلنا لنقطة تانية هي فعلاً اكبر شوية
نقطة الفراغ العاطفي الناتج عن الوحدة
بس نقطة الموضوع الاساسية هي ازاي نحل المشكلة
يعني منخليش الزوج والزوجة يبعدوا عن بعض ومحدش يسافر

عموماً الموضوع وردوده كويسين وكويس إننا نتكلم بالشكل ده

ربنا يهدى الجميع

وشكراً على موضوعك يا خالد

و بالنسبة لموقفك يا خالد بصراحة مش عاجبنى بس أنا بضحك بجد على الادارة عمالين يوقفوا ويرجعوا وواحد تانى يقول الاتنين لازم يتوقفوا تقريباً قالوا الرجال قوامون على النساء وانت اللى تشيل الليلة

و أحب أسمع أغنية حلاوة شمسنا http://www.thanwya.com/vb/images/icons/icon10.gif

عاجبني فيكي يا اسيل البرود اللى انتي فيه :)

هما قاعدين بيولعوا بره وانتي بتهدي النفوس :p

romance man

15-04-2009, 12:39 AM

اوركيديا

15-04-2009, 10:11 AM

** MR.SmilE **

15-04-2009, 02:59 PM

ندخل في موضوعنا

بالنسبة للموضوع فحكاية السفر دي انا ما افضلهاش لاسباب كتيرة

الردود وضحتها .. بس لو حصلت ظروف اجبرت ان الزوج يقعد برا فاكيد

لازم يكون في اتصال دائم و غالبا الزوج بيسافر مصر ع الاعياد و الاجازات يعني

حوالي 3 او 4 مرات في السنة

و بما اني في السعودية و خلاص داخل جامعة فلسة اهلي متحيرين ايه

الوضع خصوصا ان اي واحد بيشتغل برا لو رجع مش هتكون له شغلانة (بلدنا مش ناقصة !! )

romance man

15-04-2009, 06:47 PM

المهم
خلينا فى الموضوع
على حكايه الناس اللى بتسافر دى
انا كان ليا حد اعرفه سافر قطر
و قعد هناك حوالى 3 سنين
بس كان بينزل اجازه كده كل سنه فى الاعياد و كده
ده غير ان كان تقريبا كل يوم بالليل
بيتكلم مع مراته على طول على الميل و بتحكيله كل اللى حصل
و ساعات صوتى و كده
فكان على طول متابع معاهم اللى بيحصل

بس رغم كده جت فى الاخر و مراته قالتله لنسافرلك لتيجى
بس فافى الاخر جه مصر و عمل شركه كمبيوتر تحفه و رجع لشغله فى الجامعه

المهم يعنى انا شايفه ان هو ده الحل الكويس
ان فى حاله السفر يبقى فيه اتصال شبه دايم
و كمان السفر مدته مش تطول
و يرجع هنا تانى

بس و الموضوع عادى ممكن الانسان يشوفه كتير
مش لازم هو اللى مر بيه
بس غالبا حيلاقيه فى عيلته او كده

بس يلا فى رعايه الله

اللى انتى بتقولى عليه(الاتصال الشبه دائم )
حل كويس جدا انه يتابع اخبارهم ويشوفهم دايما محتاجين حاجه ولا لا
بس فى نقطه انتى نستيها مهمه جدا يا اسدات
فى نوع من الخيانه لازم يحصل حتى لو بيتكلموا على طول
هو فى جرأه شويه فى النقطه اللى بتكلم عليها
وطبعا مش هقدر اقولها عشان الاداره واقفالى
بس ان شاء الله تكونى فهمانى
فى رعايه الله اسدات

khas123

15-04-2009, 06:51 PM

بص انا هقولك حاجة
كل انسان ليه رزق معين ..
وهيوصله أكيد لو اشتغل في اي بلد
يعني مش معنى كده انه لو جى مصر هيفلس
لا مش شرط

romance man

15-04-2009, 07:06 PM

بالنسبة للموضوع فحكاية السفر دي انا ما افضلهاش لاسباب كتيرة

الردود وضحتها .. بس لو حصلت ظروف اجبرت ان الزوج يقعد برا فاكيد

لازم يكون في اتصال دائم و غالبا الزوج بيسافر مصر ع الاعياد و الاجازات يعني

حوالي 3 او 4 مرات في السنة

و بما اني في السعودية و خلاص داخل جامعة فلسة اهلي متحيرين ايه

الوضع خصوصا ان اي واحد بيشتغل برا لو رجع مش هتكون له شغلانة (بلدنا مش ناقصة !! )

يلا ربنا يكون معاك في العضوية الجديدة :redface:

سلام

المهم يا مان بالنسبه لكلامك هو نفس كلام اوركيدا وانا رديت عليها
وبالنسبه لنصيحتك دى اغلى نصيحه
يابنى انت هتقولى على مها وزينب
دول يضيعوا العقل يابنى

kalifor

16-04-2009, 07:36 AM

المشكلة ان محدش من اللى بيتكلم
لا هو زوج
او هى زوجة...
خلاص تذكرة السفر فى ايدك وهتسافر مثلا..
يا جماعة ..اذا كان المناقشة من باب الاثراء الفكرى
يبقى ليه التنشنة فى الكلام ( tension )

مثلا لما اتكلموا عن الزواج من المغتصبة
يطلع الراجل فى التلفيزيون ....ومن بتوع حروق الانسان..
يقول وايه المشكلة هى بنى ادمة وملهاش ذنب ..ومعرفش ايه
لما ييجى مثلا بقى ابنه عاوز يتجوز واحده بهذا الوصف
ساعتها و الجيران والناس تاكل وشى....ومش عارف ايه...

يعنى الواحد ساعة الشدة بيبان...و بس.
غير كده ...النقاش حلو من باب الاثراء الفكرى .

يعنى لو اتكلمنا عن دارفور مثلا....او عن العراق هيكون احسن .
احترامى للجميع

الشفق الباكي

16-04-2009, 11:56 AM

مشكوووووور ياخالد على الموضوع
بس موضوع اسفر الاب خصوصا مش بيبقى كويس خاصه لو عنده اولا صبيان وف سن المراهقه
لانهم كده كده هيبوظوا والله احنا عندنا جارنا مسافر اينه ف اولى ثانوى طلع عينه مامته وحاليا خلاص بقى بايظ بمعنى كلمه اصحاب مش كويسن الخ الخ مش هعدلك فعاده وجود الاب جنب ولاده احسن بكتير من السفر مهما كااااااااااااان السبب الا لو هياخدهم معاه
بالنسبه للشباب لو مفيش له شغل ف بلده ودا علشان مستقبله يبقى يسافر بس بردو يعمل حسابه انه يوم مايتجوووز يستقر ف بلده احسنله واحسن لاسرته

KHALOOOD

16-04-2009, 03:59 PM

JASSY

16-04-2009, 04:14 PM

شكرا يا خالد ع موضوعك الجامد جدا واللي فعلا مثير للجدل ويستحق النقاش

وانا رايي في حوار السفر ده ان حتى لو مفيش خيانة ولا حاجة انا مش بفضله خااااااالص

وعلى اد ما ممكن يجيب فلوس بيجيب قسوة ومشاعر باردة بين الاسرة كلها لاني مش هاشوف الاب غير مرة واحدة في السنة

وحتى لو اكتر من مرة .... هيبقى عشان الفلوس . ده يبقى مستقبل ايه ده......

شكرا ليك مرة تانية ومستنين مواضيعك ......

KHALOOOD

16-04-2009, 04:31 PM