انا مصرى و أفتخر . ما شعورك انت؟؟؟؟ [الأرشيف] - بوابة الثانوية العامة المصرية

مشاهدة النسخة كاملة : انا مصرى و أفتخر . ما شعورك انت؟؟؟؟

:: [ K A B B O W ] ::

14-04-2009, 02:06 PM

السلام عليكم
ايه اخباركم يا أعضاء أجمل منتدى فى الدنيا

امبارح كنت قاعد مع شويه من اصحابى وقاعدين نتكلم ونضحك كالعاده مع بعض
و مره واحده واحد مننا قال : انا نفسى اخلص دراستى واخرج من البلد القرف دى و اروح اى بلد حتى لو كانت اسرائيل!!!!!!!!!!!

وقتها كلنا سكتنا ومعرفناش نقول ايه

عارف انكم ممكن تقولوا كل ده بسبب الاقتصاد هنا والكلام ده
لا الانسان ده مستواه جيد جدا يعنى مش بسبب اقتصاد .....
وحتى لو كان الموضوع ظروف اقتصاد يتمنى يروح اسرائيل ليه؟

انا كنت قبل كده محسب ان كل المصريين ميحبوا بلدهم بس من بعد ماسمعت الكلام ده اتغيرت وجهة نظرى تماما
وبقيت بجد خايف على بلادنا

ولما رجعت البيت فتحت الكمبيوتر كالعاده ودخلت على الاكونت بتاعى على الفيس بوك ولقيت النقاش ده

http://www.facebook.com/topic.php?uid=8394027361&topic=9286

غريبه يعنى احنا المصريين مش مقدرين قيمة بلدنا وغيرنا ميقدرها
علشان كده حبيت اسال السؤال ده

انت بتحب مصر؟

علشان بجد انا معتش عارف

ارجو الرد من كل واحد بقمة الصراحه سواء كان رده بالايجاب او النفى

تحياتى لكم

جمال سراج

14-04-2009, 09:34 PM

طبعا بلادى بلادى لكى حبى وفؤادى
تعرف ليه عشان الدين بيقول كدا
حب الوطن دا فرض
سيبك من اى مشاكل او هموم او اى حاجة
المشاكل دى فى كل الدنيا
سيبك من اى مواقف اتعرضت لها او مش لاقى عمل او غيره
دى امور طارءة واحيانا كتيرة احنا اللى بنكون السبب لما تكون عاوز تشتغل على مزاجك او تكون رجل اعمال عالجاهز او تختار مجال غلط اصلا او مش عاوز تتعب وعاوزها عالجاهز
الكلام كتير
بس انا عن نفسى بموت فى بلادى مهما كان وباى وجميع الحالات
والمفروض كلنا نكون كدا

قالوا اليس الحسن فى كل الدنا فعلام لم تختر سواها موطنا
فاجبتهم ان احب الاحسنا ابدا واحسن ما رايت بلادى

تحيا مصر رغم انف الحاقدون
احترامى وتقديرى لك وللجميع

ريحانه من الجنه

14-04-2009, 09:45 PM

ربنا يكرم حضرتك يا استاذ جمال
هذا هو الكلام الذى اريد ان اوصله فى اى موضوع من هذا النوع

و بالنسبه للى عايز يسافر حتى لاسرائيل
هو مجرد كلام
لانه ما يقدر حتى يحاول يسافر هناك هيخاف

ولا كلام بعد كلام الاستاذ جمال

جزاكم الله خيراا

جمال سراج

14-04-2009, 09:50 PM

Soha Hamed

14-04-2009, 09:58 PM

انا نفسى اخلص دراستى واخرج من البلد القرف دى و اروح اى بلد حتى لو كانت اسرائيل!!!!!!!!!!!

مش عارفة أقول ايه مهما يئس الإنسان من الفساد الموجود في بلده يتمنى يعيش في بلد معادية له ولبلده ودينه صعب جداً

بالنسبة لي طبعاً بحب مصر وبتمنى تكون أحسن بلد في الدنيا وإن شاء الله هاتكون أحسن بلد في الدنيا بينا ولينا
وشكراً يا Tefa على الموضوع

صوت الامة

14-04-2009, 10:49 PM

السلام عليكم
هى بصراحة بلد فائقة الجمال
وهى من وحهة نظرى
احسن بلد عربية
بس للاسف وعلى رائ المثل
الى بيؤل يعطى الحلق الى بلا ودان
احم احم انا مش عاوز اخبط فى الحلل
طبعا انتو عارفين قصدى؟
وربنا يبعدنا عن اخونا البعدة
ويسترها معانا فى الدنيا والاخرة
وشكراااااااااااااااااااااا

Noha.2009

14-04-2009, 11:07 PM

نفسي أسأل سؤال واحد بس
ايه حكاية المواضيع الكتير اللي نازلة النهارده كلها فيس بوك
هو فيه ايه بالظبط

ميراج

16-04-2009, 12:44 PM

اكيد فى ناس كتير بتتمنى بعد متخلص دراستها تسافر اى بلد بره

بس مش لدرجه اسرائيل يعنى حتى مهما كانت الظروف متعقده

اروح لناس اعداء لدينى ليه يعنى عمرى ماشفت حد يتمنى ان يذهب

الى بلد الكفر

JASSY

16-04-2009, 04:46 PM

بالرغم من الظروف والمشاكل والقرف اللي بجد الناس بقت فيه .......
وان اي شاب دلوقتي تساله حلمك ايه يقولك اسافر وساعات بعذرهم جدا اصله بصراحة كده ومن غير شعارات
هيعد هنا يعمل ايه ؟؟؟؟؟ متقوليش يشتغل في بلده احسن ما يتبهدل في الغربة شوف هنا اللي بيشتغل بياخد كام والبهدلة هناك بكام...........؟ بس يرجع يفيد بلده بحاجة.... الا اسرائيل
بس ده كله مالوش علاقة بحب مصر لانه مهما سافر واتغرب غصب عنه بيرجع يحن ليها لان ديه غريزة جوانا ربنا خلقنا بيها
لان مصر مش هي اللي وحشة الناس اللي.......هما اللي مبوظنيها (فاهمين طبعا) بلاش نخبط.
واخيرا افتخر باني مصرية ..... شكرا ع الموضوع ياtefa

محترف الأدسنس

19-04-2009, 07:54 AM

من وجه نظري يمكن اكون مصري لكن الحقيقة اللي واثق منها اني مش وطني.......

KHALOOOD

19-04-2009, 07:58 AM

**تسابيح**

19-04-2009, 08:40 AM

بحبها اووووووووووووووي اووووووووووي اوييييييييييي
لو قعت اوصف في حبي لها من هنا لبكرة الصبح مش هقدر اوصف
كل نقط دم فيه بتقول مصر مصر مصر
بص عشان تكون عارف حاجة
العيب مش في مصر العيب في اللي بيحكموا البلد هم اللي بيخلوها متاخره
مصر مش فيه فقر مصر فيه قلة راي!!!
اللي مش ليه خير في بلده مش ليه خير في اي حاجة تانية صدقني
صدقني انا كمان زي صاحبك نفسي اروح اسرائيل
اللي هو يقصدها اللي هي اسمها اصلا فلسطين المحتلة
مفيش حاجة ع الخريطة اسمها اسرائيل
فيه حاجة اسمها فلسطين المحتلة اللي ان شاء الله هتتحر عن طريق مصر وابناء مصر وكمان صاحبك دا هيكون واحد من اللي هيحروروا فلسطين
كلنا بنتكلم ونقول عايزين نسيب البلد عايزين عايزين
هل لما نسبها هيبقي سهل
لا طبعا هنرج تاني
لان اللي بيشرب من نيل مصر بيرجع تاني
كل الهجوم اللي ع مصر دا عشان عارفين ان مصر دولة قوية اوي بابنائها
عشان كدا عايزين يدمروا ابنائها عشان تبيقي ضعيف كل دا مش هيقدورا يعملوا حاة مصر هتفضل بلد الامان والسلام والخير
حبيبتي مصر:d:d:d

Atmen

19-04-2009, 08:58 AM

بحبها جدا جدا جدا جدا جدا جدا جدا جدا جدا جدا جدا جدا جدا جدا جدا جداااااااااااااااااااااااااااااااااااااااااااااااا اااااااااااااااااااااااااااااااا
ونفسى الفها كلها
ونفسى اشوفها احسن بلد فى الدنيا00000بس الزحمه تقل شويه
بس هى بالفعل احسن بلد عربى واحسن بلد فى الدنيا من وجهة نظرى
واللى مبيحبهاش ميستهلش يبقى منها0
هى بس محتاجه ادارة بتتقى ربنا وبتراعيه وهى هتبقى عشره على العشره

*ساسُّو*

19-04-2009, 11:38 AM

قول لصاحبك لو فكر بس يسيها هيندم اوى اوى اوى
وصدقنى لو لف الكون كله مش هيلاقى حتة منها فى اى مكان فى الدنيا
انا سبت مصر *القاهرة*ومشيت قبل كدة*رحت سينا ارض الاجانب واليهود*
حسيت بغربة قاتلة
وكنت هتجنن وارجع تانى بأى طريقة
ومش اقدر اقولك حالتى وانا راجعة *كنت هطير من الفرحة أنى راجعة*
حتى مية الحنفية كنت بتمنى ادوق طعم النيل فيها* وحشتنى مية الحنفية من غير فلتر ولا تنقية ولا تعقيم*
مية الحنفية بكل حاجة بتيجى معاها

قول لصاحبك يجرب يروح هناك ويشوف هيقدر يعيش وسطهم حتى وهو وسط بلده؟؟؟؟؟؟؟؟؟؟؟
مش هيقدر
او وسط اى شعب تانى غير المصريين؟ مش أظن خالص
المصريين أطيب وأحلى وأحسن شعب فى الدنيا رغم اى ظروف
انا فعلا رحت وجربت اسكن جنبهم ومش قدرت أستحمل
فمابالك بقى وانت فى حضن بلدك ومش قادر تقعد فيها ثوانى بسببهم
هيعملوا فيك ايه وانت رايح لحد عندهم ؟
اسمع الاخبار عن المصريين فى اى بلد حتى لو عربي .....................شوف بيعملوا فيهم ايه
*اللى يخرج من داره يتقل مقداره*

مصر دى أروع مكان فى العالم
فعلا لينا الشرف اننا نكون جزء منها
ده ربنا قال فى القرأن*ادخلوا مصر ان شاء الله امنين*
مصر بلد الامن والامان *رغم الظروف اللى بنمر بيها دلوقتى بسبب حد*
وكفاية ان النبى قال عننا* اذا دخلتم مصر فاتخذوا منها جندا كثيفا فإنهم خير أجناد الارض لانهم فى رباط الى يوم القيامة*
وكفاية نهر من الجنة وكفاية تاريخها المشرف و كفاية مناظرها الجمية اللى مش موجودة فى اى حتة فى الدنيا اللى بييجوا من اخر الدنيا عشان يشوفوا جمال هما محرومين منه
كفاية الشمس هناك مش بيشفوها
كفاية شعبها الطيب الجميل
وكفاية ان اى حد بيحرم نفسه منها بيتمنى ترابها
كفاية ان ربنا منّ علينا اننا نكون حتة منها
كفاية ان ربنا منّ عليها ان فيها منارة العلم والعالم *الأزهر الشريف*
انا بحب كل حتة وكل فتفوتة فيها
كفاية كدة معاكسات والا بابا هيموتنى*بعاكس أمى*
هتموّت يعنى هتموّت................. ربنا يستر
رد أخير على أسم الموضوع وأخر جملة فيه
*كفانى فخرا انى مسلمة مصرية أزهرية *

مدرس الغد

20-04-2009, 08:15 PM

الحمد لله انا مصرى وافتخر بكده لانى اشرب من نيلها وعايش على ارضها

محمد(o)

22-04-2009, 08:38 AM

طبعا بنحب مصر امال هنحب مين ومستعدين نضحى باروحنا للدفاع عنها واكيد دا رد كل المصريين وحتى لو حد قال انا عايش وخلاص صدقنى بيكذب على نفسه وقت الجد هتعرف ان المصريين كلهم ايد واحده وقلب واحد هو صحيح الايام دى الناس بتتحارب مع بعضها وفى نفس البلد لكن زى ما قلت وقت الجد هيكونوا ايد واحده

:: [ K A B B O W ] ::

13-08-2009, 10:46 PM

اولا انا اسف جدا لكل اللى ردوا وانا مردتش عليهم
لانى بعد ما نزلت الموضوع ده انشغلت جدا
و تذكرته اليوم لما كنت مقابل صاحبى اللى كنت عملت الموضوع بسببه و هو راجع من بره (مش اسرائيل طبعا)
و كان عاوز يضرب نفسه بالـــ ........ و لا بلاش لانه ساب مصر شهر واحد

طبعا بلادى بلادى لكى حبى وفؤادى
تعرف ليه عشان الدين بيقول كدا
حب الوطن دا فرض
سيبك من اى مشاكل او هموم او اى حاجة
المشاكل دى فى كل الدنيا
سيبك من اى مواقف اتعرضت لها او مش لاقى عمل او غيره
دى امور طارءة واحيانا كتيرة احنا اللى بنكون السبب لما تكون عاوز تشتغل على مزاجك او تكون رجل اعمال عالجاهز او تختار مجال غلط اصلا او مش عاوز تتعب وعاوزها عالجاهز
الكلام كتير
بس انا عن نفسى بموت فى بلادى مهما كان وباى وجميع الحالات
والمفروض كلنا نكون كدا

قالوا اليس الحسن فى كل الدنا فعلام لم تختر سواها موطنا
فاجبتهم ان احب الاحسنا ابدا واحسن ما رايت بلادى

تحيا مصر رغم انف الحاقدون
احترامى وتقديرى لك وللجميع

اهم حاجه حضرتك قولتها من وجهة نظرى جزء ان حب الوطن واجب شرعى
اصبت يا استاذى والله
جزاك الله خيرا على التفصيل الرائع ده
فى رعاية الله

ربنا يكرم حضرتك يا استاذ جمال
هذا هو الكلام الذى اريد ان اوصله فى اى موضوع من هذا النوع

و بالنسبه للى عايز يسافر حتى لاسرائيل
هو مجرد كلام
لانه ما يقدر حتى يحاول يسافر هناك هيخاف

ولا كلام بعد كلام الاستاذ جمال

جزاكم الله خيراا

هيخاف.... هو ده الكلام
مش هيلاقى اصحابه اهله قرايبه الناس اللى كان ميعتمد عليهم:friendsxs3:
يعنى من الاخر ضاع
شكرا لمرورك و نورتى

مش عارفة أقول ايه مهما يئس الإنسان من الفساد الموجود في بلده يتمنى يعيش في بلد معادية له ولبلده ودينه صعب جداً

بالنسبة لي طبعاً بحب مصر وبتمنى تكون أحسن بلد في الدنيا وإن شاء الله هاتكون أحسن بلد في الدنيا بينا ولينا
وشكراً يا Tefa على الموضوع

للاسف يا افندم فى ناس بتبالغ فى اليأس ده لحد ما يوصلوا لدرجه هم نفسهم ميقدروش يستحملوها
و ان شاء الله بلدنا هتكون اعظم البلاد
شرفنى مرورك
فى رعاية الله

السلام عليكم
هى بصراحة بلد فائقة الجمال
وهى من وحهة نظرى
احسن بلد عربية
بس للاسف وعلى رائ المثل
الى بيؤل يعطى الحلق الى بلا ودان
احم احم انا مش عاوز اخبط فى الحلل
طبعا انتو عارفين قصدى؟
وربنا يبعدنا عن اخونا البعدة
ويسترها معانا فى الدنيا والاخرة
وشكراااااااااااااااااااااا

اااااااااااااااه هنبدأ نلخبط فى الكلام اهوه يا صوت الامه:stickjo4:
و كالعاده و لا اعرفك و همشى بمبدأين
الجرى كل الجدعنه و عيش ندل تموت مسطور:d
كلامك تمام و الله بس مش هم بس اللى عملين كده يعنى مش لازم نرمى كل حاجه على غيرنما كل واحد يعمل اللى عليه و ميبصش للى ميعمله غيره و كل حاجه هتبقى تمام
منور يا مان
فى رعاية الله

نفسي أسأل سؤال واحد بس
ايه حكاية المواضيع الكتير اللي نازلة النهارده كلها فيس بوك
هو فيه ايه بالظبط

و الله ما اعرف ان مش فاكر اليوم اللى نزلت فيه الموضوع كان فيه ايه بصراحه
منور

اكيد فى ناس كتير بتتمنى بعد متخلص دراستها تسافر اى بلد بره

بس مش لدرجه اسرائيل يعنى حتى مهما كانت الظروف متعقده

اروح لناس اعداء لدينى ليه يعنى عمرى ماشفت حد يتمنى ان يذهب

الى بلد الكفر

فعلا هو الصعب انك تروح لبلد بتكره بلدك و بتعادى دينك
و يمكن انت كمان تساعد فى كده و انت مش واخد بالك بمساعدتك فى بناءهم و ضرب اهلك
و هو ده اللى احنا منعمله و احنا جوه بلدنا بشراء منتجاتهم:stickjo4:و ياريتنا منبطل
كل يوم يقولك مقاطعه ومفيش حد يكمل اسبوع واحد الا من رحم الله
نورتى التوبيك
فى رعاية الله

بالرغم من الظروف والمشاكل والقرف اللي بجد الناس بقت فيه .......
وان اي شاب دلوقتي تساله حلمك ايه يقولك اسافر وساعات بعذرهم جدا اصله بصراحة كده ومن غير شعارات
هيعد هنا يعمل ايه ؟؟؟؟؟ متقوليش يشتغل في بلده احسن ما يتبهدل في الغربة شوف هنا اللي بيشتغل بياخد كام والبهدلة هناك بكام...........؟ بس يرجع يفيد بلده بحاجة.... الا اسرائيل
بس ده كله مالوش علاقة بحب مصر لانه مهما سافر واتغرب غصب عنه بيرجع يحن ليها لان ديه غريزة جوانا ربنا خلقنا بيها
لان مصر مش هي اللي وحشة الناس اللي.......هما اللي مبوظنيها (فاهمين طبعا) بلاش نخبط.
واخيرا افتخر باني مصرية ..... شكرا ع الموضوع ياtefa

غريزه جوانا ..
تمام الكلام مهما حاولت هتلف تلف وترجع لبلدك
شكرا للمرور
فى عاية الله

من وجه نظري يمكن اكون مصري لكن الحقيقة اللي واثق منها اني مش وطني.......

كل انسان يقدر يغير نفسه
و انت متقدرش تحكم على نفسك الا بالمواقف
و الجيل ده لسه لم يختبر الا بمواقف صغيره
متستعجلش فى الحكم على نفسك

والله الواد دا بيتكلم كلام زى العسل

طبعا ده صوت الامه حد يقدر يتكلم
منور

بحبها اووووووووووووووي اووووووووووي اوييييييييييي
لو قعت اوصف في حبي لها من هنا لبكرة الصبح مش هقدر اوصف
كل نقط دم فيه بتقول مصر مصر مصر
بص عشان تكون عارف حاجة
العيب مش في مصر العيب في اللي بيحكموا البلد هم اللي بيخلوها متاخره
مصر مش فيه فقر مصر فيه قلة راي!!!
اللي مش ليه خير في بلده مش ليه خير في اي حاجة تانية صدقني
صدقني انا كمان زي صاحبك نفسي اروح اسرائيل
اللي هو يقصدها اللي هي اسمها اصلا فلسطين المحتلة
مفيش حاجة ع الخريطة اسمها اسرائيل
فيه حاجة اسمها فلسطين المحتلة اللي ان شاء الله هتتحر عن طريق مصر وابناء مصر وكمان صاحبك دا هيكون واحد من اللي هيحروروا فلسطين
كلنا بنتكلم ونقول عايزين نسيب البلد عايزين عايزين
هل لما نسبها هيبقي سهل
لا طبعا هنرج تاني
لان اللي بيشرب من نيل مصر بيرجع تاني
كل الهجوم اللي ع مصر دا عشان عارفين ان مصر دولة قوية اوي بابنائها
عشان كدا عايزين يدمروا ابنائها عشان تبيقي ضعيف كل دا مش هيقدورا يعملوا حاة مصر هتفضل بلد الامان والسلام والخير
حبيبتي مصر:d:d:d

مصر مش فيه فقر مصر فيه قلة راي!!!
هو ده الكلام و الله كل رد يا جماعه مطلع منه بكلمه تتكتب بماء الدهب
تمام كلامك ربنا يكرمك بحبك لبلدك
و يكرم بلدك بحبك ليها
منوره التوبيك

بحبها جدا جدا جدا جدا جدا جدا جدا جدا جدا جدا جدا جدا جدا جدا جدا جداااااااااااااااااااااااااااااااااااااااااااااااا اااااااااااااااااااااااااااااااا
ونفسى الفها كلها
ونفسى اشوفها احسن بلد فى الدنيا00000بس الزحمه تقل شويه
بس هى بالفعل احسن بلد عربى واحسن بلد فى الدنيا من وجهة نظرى
واللى مبيحبهاش ميستهلش يبقى منها0
هى بس محتاجه ادارة بتتقى ربنا وبتراعيه وهى هتبقى عشره على العشره

هى محتاجه تتدهن وشين و هى هتبقى عشره على عشره :d
مش متريق و الله بس هى طلعت كده
و بالنسبه للزحمه دى فانت عندك حق بنسبه 100% الوزاحد بقى ماشى على الطريق الصحراوى كانه ماشى فى وسط البلد
حاجه غريبه
و صدقت فى كلمتك
واللى مبيحبهاش ميستهلش يبقى منها0
شكرا لمرورك
و نورت التوبيك

قول لصاحبك لو فكر بس يسيها هيندم اوى اوى اوى
وصدقنى لو لف الكون كله مش هيلاقى حتة منها فى اى مكان فى الدنيا
انا سبت مصر *القاهرة*ومشيت قبل كدة*رحت سينا ارض الاجانب واليهود*

سينا ارض مصريه عربيه مسلمه
و مهما كان اللى اتعمل فيها من اشخاص لايراعوا الله و نجسوها بحجه السيحه
فحسبى الله ونعم الوكيل فيهم
لكن سينا ارض مصر و اغلى الاجزاء فى مصر جزء مقداره عند المصريين دم اندفع من شرايين ابنائهم لاسترجعها

حسيت بغربة قاتلة
وكنت هتجنن وارجع تانى بأى طريقة
ومش اقدر اقولك حالتى وانا راجعة *كنت هطير من الفرحة أنى راجعة*
حتى مية الحنفية كنت بتمنى ادوق طعم النيل فيها* وحشتنى مية الحنفية من غير فلتر ولا تنقية ولا تعقيم*
مية الحنفية بكل حاجة بتيجى معاها

قول لصاحبك يجرب يروح هناك ويشوف هيقدر يعيش وسطهم حتى وهو وسط بلده؟؟؟؟؟؟؟؟؟؟؟
مش هيقدر
او وسط اى شعب تانى غير المصريين؟ مش أظن خالص
المصريين أطيب وأحلى وأحسن شعب فى الدنيا رغم اى ظروف
انا فعلا رحت وجربت اسكن جنبهم ومش قدرت أستحمل
فمابالك بقى وانت فى حضن بلدك ومش قادر تقعد فيها ثوانى بسببهم
هيعملوا فيك ايه وانت رايح لحد عندهم ؟
اسمع الاخبار عن المصريين فى اى بلد حتى لو عربي .....................شوف بيعملوا فيهم ايه
*اللى يخرج من داره يتقل مقداره*

تمام و يتخسف بكرامته الارض

مصر دى أروع مكان فى العالم
فعلا لينا الشرف اننا نكون جزء منها
ده ربنا قال فى القرأن*ادخلوا مصر ان شاء الله امنين*
مصر بلد الامن والامان *رغم الظروف اللى بنمر بيها دلوقتى بسبب حد*
وكفاية ان النبى قال عننا* اذا دخلتم مصر فاتخذوا منها جندا كثيفا فإنهم خير أجناد الارض لانهم فى رباط الى يوم القيامة*
وكفاية نهر من الجنة وكفاية تاريخها المشرف و كفاية مناظرها الجمية اللى مش موجودة فى اى حتة فى الدنيا

مفيش بلد فى الدنيا فيها كده

اللى بييجوا من اخر الدنيا عشان يشوفوا جمال هما محرومين منه
كفاية الشمس هناك مش بيشفوها
كفاية شعبها الطيب الجميل
وكفاية ان اى حد بيحرم نفسه منها بيتمنى ترابها
كفاية ان ربنا منّ علينا اننا نكون حتة منها
كفاية ان ربنا منّ عليها ان فيها منارة العلم والعالم *الأزهر الشريف*
انا بحب كل حتة وكل فتفوتة فيها
كفاية كدة معاكسات والا بابا هيموتنى*بعاكس أمى*
هتموّت يعنى هتموّت................. ربنا يستر

نعم لا وانا مالى
مليش دعوه انا هطبق المبداين بتوعى ( راجع نادلتى مع صوت الامه ) :d

رد أخير على أسم الموضوع وأخر جملة فيه
*كفانى فخرا انى مسلمة مصرية أزهرية *

مسلم مصرى ازهرى
صحيح ايه اللى ينقصنى
اه افتكرت ينقصنى 600 جنيه علشان اغير الاب توب :d

كلامك رائع يا ساسو اتفقت معاه و اختلفت معاه
و رديت على كل نقطه فيه
نورتى
فى رعاية الله

الحمد لله انا مصرى وافتخر بكده لانى اشرب من نيلها وعايش على ارضها

كلامك تمام
نورت

طبعا بنحب مصر امال هنحب مين ومستعدين نضحى باروحنا للدفاع عنها واكيد دا رد كل المصريين وحتى لو حد قال انا عايش وخلاص صدقنى بيكذب على نفسه وقت الجد هتعرف ان المصريين كلهم ايد واحده وقلب واحد هو صحيح الايام دى الناس بتتحارب مع بعضها وفى نفس البلد لكن زى ما قلت وقت الجد هيكونوا ايد واحده

الجد هنكون ايد واحده
و الله انا مخاف لما اسمع الجمله دى
لاننا اذا كنا فى الراحه مش متحدين امال لما تحصل المصايب ايه اللى هيحصل
ربنا يستر نورت التوبيك

شكرا لكل اللى ردوا
فى رعاية الله

yomna1993

16-08-2009, 11:36 PM

موضوع يستاهل النقاش بجد
لانها بقت قضية كبيرة جدا و احنا مش حاسين
انا موافقة ان احوال مصر و حكام مصر و كل شبر في مصر بقى في فساد اي ان كان نوع الفساد
بس احنا لو بقى عندنا شوية ضمير (بغض النظر عن ان دلوقتي مفيش مقابل اد الي بنشتغله)
لو اشتغلنا بضمير شوية كلنا الكبير و الصغير و اتعاملنا مع ربنا
و صحينا مبادىء الدين في انفسنا و الله هنستريح
و هنكون احسن (مش هنكون احسن لوحدنا احنا و بلدنا)
انا قولت كدة في توبيك قبل كدة ان الصين كانت لغاية فترة قريبة افقر الدول في العالم في الموارد الطبيعية و طبعا البشرية (نشوف دلوقتي هي عاملة ازاي؟)
السر في كدة انهم بيحبوا بلدهم و عندهم ضمير (مع ان معظمهم معندهمش ديانات ) فما بالك بقى احنا المسلمين ؟؟!!

جزاك الله خير

GAMALEWEES

17-08-2009, 12:44 AM

انا طبعا بحب مصر و كل حاجة بس احيانا بحس ان البلد مش نظيفة و مش قصدى على نظافة الشوارع طبعا لانها بطبيعتها مش نظيفة اصلا لاننا احنا الولة الوحيدة الفى العلم البتعمل مرافق قصدى يعنى بتحفر الشوارع حوالى مائة مرة فى السنة
بغض النظر عن كدة طبعا النظافة القصدى عليها نظافة الضمير لان مفيش حد فى البلد دى عندة ضمير بمليم للاسف و و طبعا مليانة فساد للركب
البلد دى محتاجة فعلا نظافة فى كل حاجة حتى فى الحكام
بس طبعا دة ميمنعش انى احب بلدى لانى فعلا هى اجمل بلد بالنسبة لى حتى لو هتفضل طول عمرها مش نظيفة بس اكيد هيجى فى يوم من الايام ناس تعرف قيمتها و تصلحها و اكيد دة طبعا هيكون على ايد شبابها اللازم الحكومة تعطيهم فرصة واحدة يسبتوا بيها حبهم لو طنهم مصر بدل من الغربة فى بلاد تانية تستفيد من موهبتهم و ذكائهم و يبقى ليهم جنسية تانية و دة الحصل مع حد قريبى لما ملقاش حد يقدرة هنا سافر على امريكا و دلو قتى بقى امريكى مش بينتمى لمصر باى حاجة غير انها مكتوبة بعد امريكى
سورى طولت عليكم بس كنت عايزة اوضح حاجات من ضمن ميئات الحاجات الموجودة فى مصر حبيبتى
شكرا على التوبيك
دمتم فى رعاية الله

sasadede

17-08-2009, 12:48 AM

اللى مجرب و فارقها قال ف الدنيا مفيش بعديها يا أرض أطيب ناس .. كلك دفا واحســاس
وحافظك رب العالمين.:078111rg3:

MoHaMeD ELsHeRbEnY

18-08-2009, 06:37 PM

مصرى وليا الشرف انى مصرى

واكيد صاحبك دا قال الجملة دى بطريقة من اتنين

الاولى والاكيدة انة مش فاهم يعنى اية مصر

التانية انة قالها بعفوية

فى رعاية الله

Amethyst

18-08-2009, 08:13 PM

احنا هنتكلمو بصراحة
شوية اسكندراني بقى
:d
أنا بحب مصر
جداا جداا
بحبها يعني
;)
بس فيه حاجة
أنا أصلاً نص مصري
فاهمني ؟؟
:bosyht9:
أنا اتولدت برة
و عشت برة
و العائلة
فيها أتراك
و عرب غير مصريين كذا جنسية
أنا بحبها
بس مش أكتر بلد بحبها
بحس بالأمان فيها
بس براها بحس بالأمان أكتر
فاهمني يا كابو ؟؟
:bosyht9:
صاحبك اللي عايز يروح اسرائيل
عايز يروحها ليه ؟؟
شاف منها إيه كويس ؟؟
مش حكاية ماديات
هو ممكن يشتغل في أي دولة يكسب أكتر
بس بجد مش عارفة أحلل صاحبك ده عايزة يروح ليه ؟؟
:bosyht9:
أه نسيت
شكراً يا كابو
;)

COoL HEaRT

19-08-2009, 03:50 AM

هههههههههههههه
شغال الموضوع كموضوع يتناقش بس
مصر
والله مسأله الحب والكره دى كان احسن رد ليها
مش عارفه كنت قريته فين
انها عامله زى قوانين الفيزيا الجبريه
انت مش عارف ليه القطب الشمالى بيروح للاتجاه ده
والقطب الجنوبى بيروح فى الاتجاه المعاكس فى البوصله يعنى
وكذلك مش عارف انت ليه بتحب البلد دى ..
امم اللى قال ان شا الله اروح اشتغل فى اسرائيل او ان يخلص ويروح يشتغل هناك
مش مشكله اشتغل فى اى حته
اسرائيل نفسها مش دوله اسرائيل ده كيان
واحنا مش بنكره الاسرائيليين احنا بنكره الصهاينه
اصحاب الفكر المتخلف بتاع النازيه والساميه والهولكوست
وحرق اليهود ووضعهم فى غرف الغاز
والحوارات بتاعه الضغط ع الغرب بطريقه مستفزه
وبكلام ملوش اساس من الصحه فى راى البعض يعنى
المشكله فعلا ان اسباب كره الدوله بقت متوفره
وبشكل يكاد يكون مبالغ فيه
بس كان فى جمله بنت ناس قالها واحد طيب فى فيلم افريكانو
حسين فهمى باين كان بيقولها للسقا
ان امك مش شرط تكون احلى واحده عشان تحبها ..
يلا ماعلينا .. مسأله الحب والكره مسأله نسبيه
بتختلف من شخص للتانى بس فى الاخر ان العمليه مهما وصلت
الا اننا هيفضل فى حاجه جوانا تخلينا نحن لتراب البلد دى
انا مش عاطفيه بس ده كلام طبيعى .. موش مشكله كفايه رغى

محمد.كوم1992

20-08-2009, 12:39 AM

والله بجد بحب مصر واعتقد ان كلنا لازم نحبها
صدقوني عشان الدولة مش في حالة حرب فحكاية الوطنية مختفية شوية
لكن لو لا قدر الله في حرب هتلاقي كل الشعب واقف مع بعضه ومستعد انه يحارب عشان يدافع عن بلده مصر
إحنا المفروض منسمعش الكلام الي بيتقال على مصر خاصة من إيران وسوريا الي علطول بيحطوها في دائرة الاتهام
وعاوزين يهيجوا الشعب على الحكومة والدولة تبوظ عشان يجوا هما يحكوموها
المفروض السؤال ده محدش يسأله لأن إجابته معروفة لدى العاقلين الي بيفهموا مش الي بيقولوا عاوزين نسيبها حتى نروح إسرائيل ده كلام فارغ وميطلعش من إنسان عاقل أبداااااااااا

marwa.m

20-08-2009, 02:03 AM

مفيش انسان عاقل مبيحبش بلدة مهما شاف منها

انا عن نفسى بحب مصر وبتعصب لوحد قال عنها حاجة مش كويسة

لانها مهما كانت بلدنا والواجهة بتاعتنا

البلد الى هنندفن فيها ازاى منحبهاش

عايشين فى امان وسلام

لافى طيارات ولافى غارات اكيد لازم نحبها

ربنا يحفظها يارب

الشفق الباكي

31-08-2009, 03:57 PM

التوبيك جميل اوى
انا شخصيا بحب مصر جدا جدا
وبحب شعبها
بحب كل حاجه فيها
مفيش حد فينا بيكره مصر
احنا بنكره الاوضاع بس مش بنكره البلد
فى ناس بتدرك كده وبتدرك انها كارهه وضع ما وليش البلد
بس فى ناس تانيه بيختلط عليها الامر دا
وبتفتكر انها بتكره البلد
بس دا مش صحيح
انا بجد بفتخر انى مصريه ومن البلد دى وبفتخر باى مصرى عمل حاجه كويسه للبلد
ومابشوف مصر علمها مرفوع فى اى مكان على وجه الارض ببقى مبسوطه وفرحانه ونفسى اعمل اى حاجه للبلد دى علشان اقول انا استحق ابقى مصريه
ميرسى على التوبيك

جيجىالمصرى

02-09-2009, 01:53 AM

انا بحب مصر

**(elktra)**

02-09-2009, 02:00 AM

مصرية وافتخر بذلك
اكيد كلنا بنحب مصر

دودو الخواجه

07-09-2009, 09:09 PM

شكرا على الموضوع الجميل
انا بموت فى كل شبر من تراب مصر
انا عمرى مافكرت اوهفكر انى اسيب مصر مهما كان
الى مكانى لازم يعشق مصر
انا بابا كان فى حرب اكتوبر
عارفين يعنى ايه؟؟؟؟؟؟؟
يعنى شاف الموت بس صبر هو وكل المصريين
اسرائيل اخدته اسير يوم 10اكتوبر
فضل اسير 15يوم شاف معنى الذل والجوع
كان شايف اغلى اصحابه بيموتوا قدام عينيه
لكن صبر علشان مصر مش علشان فلوس ولا كلام من ده
كل سنه فى زكرى اكتوبر يتجمع هو واصحابه الى ربنا ماكتبلهمش الشهاده
ويتكلموا عن الحرب وعن فخرهم انهم مصريين وعن مواقف فى وسط المعركه
وطبعا بروح مع بابا ومابضيعشى الفرصه دى رغم انى بروح ماعرفش انام لانى ماعملتش حاجه للبلد العظيمه دى
علشان كده بكره اى حد عايز يسيب البلد دى لاى سبب
وبمووووووووووووووت فى مصر وكل مصرى بجد مش بس على الورق
واااااااااااسه لو كنت طولت عليكم

لا يوجد اسم

30-09-2009, 01:37 PM

أنا المصري كريم العنصرين
بنيت المجد بين الإهرمين
جدودي أنشأوا العلم العجيب (هندسة ..طب.. فلك وعلم لا يوجد له تفسير حتى الان)
ومجرى النيل في الوادي الخصيب
لهم في الدنيا آلاف السنين (7000 سنة والله واكتر)
ويفنى الكون وهما موجودين(ستظل حضارة مصر تدهش العالم كله)
وأقول لك على اللي خلاني
أفوت أهلي وأوطاني
حبيب أوهبت له روحي لغيره لا اميل تاني (حبيبتى مصر)

الله عليك يا محمود بيرم التونسى

طبعا افتخر مش عايزة سؤال

مصطفى الشقي

30-09-2009, 02:28 PM

لا يوجد اسم

30-09-2009, 02:57 PM

بسم الله الرحمن الرحيم

بإختصار كده و بصريح العبارة القرف اللي حضراتكم بتتكلموا عنه ده ما حدش و ضع حد فيه الانسان هو اللي بيحط نفسه في قرف من اهماله و عدم تأديته لواجباته و بالتالي الآخرين لن يؤدوا واجباتهم بسبب الكلمة المشهورة عندنا (( اشمعنة هو )) و في الحقيقة حب مصر يجري في دم كل من عاش على ارضها و حتى زارها ولو زيارة و احب اقول ان كل مصري بيحب مصر بس ممكن يكون مش حاسس و الحب بيظهر في المناسبات يعني مثلا مباراة للمنتخب تلاقي ملايين بيشجعوا او حالة حرب او مثلا مقتل احد جنود حرس الحدود على يد غادرة تلاقي ملايين ينددوا كل ده ليه لأن كل الملايين دي بتحب مصر بجد و بقلبها لان مصر هي الاب و الام والاخ والابن والابنة وكل شئ في الحياة ........... مصر النيل و الاهرامات و الزراعة والخضار و برضه مصر ... المصريين
و مشكور اخي على الموضوع
و تقبل مروري
مصطفى الشقي

:039uw8::039uw8:

فعلا انا عندى زميل ليا طول مهو قاعد عمال يشتم فى مصر ولو سألته ممكن تسافر اسرائيل وتسيب مصر يقولك اه اسيب مصر واروح اسرائيل ايه يعنى

وفى يوم من الايام لقينا قاعد بيدندن ويغنى اغنية وطنية فأستغربنا اوى ازاى مش طايق مصر وبيغنى اغنية وطنية

فهو قال انه بيحب مصر بس مش قادر يعيش فيه

ده دليل على ان كل مصرى بيحب مصر وممكن يكون مش واخد باله بسبب المشاكل بس لو فكر كده لو بلدنا لا قدر الله حصلها حاجة ايه هيكون شعوره وقتها اكيد ممكن يموت فداء مصر

سيـــــــ(الحق)ـــــــف

01-10-2009, 12:11 AM

لا يوجد اسم

01-10-2009, 12:31 AM

والله انا راي في الموضوع ده

ان ماشي هنقول بنحب مصر

لو جينا للحقية عملت لينا اية مصر ؟؟!!!

صح ؟!

أحمد زويل فينه دلوقتي بلده قدرتية

محمود البردعي

مجدي يعقوب

الشيخ محمد حسان اتمنع انه يخطب في القاهرة

اي دلوله بتتمني الشيخ محمد حسان

.... الخ الخ

احنا عندنا علماء ولكن لا نقدرهم

هحب مصر بس هتعملي اية مصر ؟!:excl:

يبقى انت مش فاهم يعنى ايه مصر مصر مش الحكومة

مصر انا وانت والاهرام والتاريخ والحضارة والابطال وحليم

مصر اللى ذكرت فى القرأن

وبعدين ليه دايما مينفعش نحب حد الا لما ناخد منه مقابل

ليه منحبش بحق وحقيقى وبدل منقول مصر هتعملى ايه نقول احنا هنعمل لمصر ايه

احنا انانين بشكل كبير للاسف

ربنا يقلل من امثالك اللى بيفكرو بطريقتك يارب ويكتر المحبين المخلصين لبلدنا الحلوة

اللى مجرد منسافر ونبعد عنها ثوانى روحنا بتنسحب مننا

جعلتني مهندسا

01-10-2009, 09:08 PM

شكرا يا عاطف على الموضوع ده

أكيد طبعا فخور اني مصري

دأنا بتفشخر على صحابي بالحكاية دي

..Just Stop

03-10-2009, 10:10 AM

كما يقول الشاعر المنطيق
مصر هيا امى دايما حارقة دمى
اكيد كل واحد بيحب البلد اللى اتولد فيها
انا مش بكره البلد كمحط اقامة
لا انا بكره الاوضاع
الاوضاع فى مصر سيئة جدا
تكره اى حد فى البلدباللى فيها
وكما يقول الشاعر
رب صدفة خير ان شاء الله
والبلد دى احسن من غيرها
واللى نعرفه احسن من اللى منعرفوش

فوتتكم بعافية
او دمتم فى رعاية الله