مشاهدة النسخة كاملة : كل ما تريد معرفتة عن (( حب النت ))
MoHaMeD ELsHeRbEnY 15-04-2009, 12:20 AM السلام عليكم
ازيكم كلكم واحد واحد وواحدة واحدة
يارب تكونو بخير
الموضوع طبعا واضح من عنوانة
اولا الموضوع دة انا ببحث فية بقالى كتيييييييييييييييييييير وتجارب تعتبر شخصية قدام عينى وكلام كتير
المهم طلب صغير ياريت الردود متخرجش عن نطاق حدود الموضوع
بسم الله نبدا
(( حب النت ))
انا هتكلم عن الراى الغالب فى الى عرفتة فى الموضوع دة طول فترة بحثى فية
اولا الفرق بين عالم النت وعالم الواقع
لا يوجد اى فرق بين عالم النت وعالم الواقع لان عالم الواقع فية الحلو والوحش الصادق والكاذب .... الخ
كذلك عالم النت فية فية الحلو والوحش والصادق والكاذب والمنافق والامين .... الخ
ان شاء الله اول نقطة تكون وصلت للجميع والى عندة اى اعتراض عليها نتناقش فيها ان شاء الله
نيجى لنقطة تانية هيا الحب بصفة عامة ( نت وحقيقة )
دا من وجهة نظرى الشخصية
ان الحب انى احب الشخص كامل بكل حاجة فية
اما مثلا لو حبيت شخصية شخص ما دا انا بسمية اعجاب
او مثلا اعجبت بشكل شخص ما وانا معرفوش اصلا دا يبقى اسمة اعجاب وليس حب
ان شاء الله متفقين على تانى نقطة ؟؟
نمبر ثرى
ههههههههههههههه
النقطة التالتة يعنى
ممكن تحب شخص مشفتوش قبل كدة ؟
يعنى مثلا بتشوف ردودة فى المنتدى بس وشخصيتة عرفتها من ردودة وكدة
بس مشفتش شكلة
او مثلا ممكن يكون وصل الموضوع انكم اتكلمتم فى التليفون
ممكن تحبة ؟
طبعا من ضمن دة الحب فى الله
النقطة دى فيها راين مش راى واحد
الاول
والحب تحكمه مشاعر لا تعتمد على الرؤية بالغالب وانما تحب الشخص
لشخصه فقط لا لشكله
الثانى بقى
ان الحب نبض ومشاعر بين قلبين بيكتمل بالنظر وبكدة يبقى الحب احساس فى الاول والاخر
كل واحد بقى يشوف هوة انهى الى بيمشى معاة ويعرفنى
طيب نيجى بقى للحب الحقيقى الى هوة العشق او الغرام
مش هتكلم فى النقطة دى خالص لان الموضوع لسة كبير قوى
هسال سؤال واحد بس فى النقطة دى
الشخص الى انت حبيتة بجد واتعلق بية دة
ممكن النت يكفى لتكوين هذا الحب ؟؟
عاوز راى حضراتكم فى النقطة دى ونتناقش فيها ان شاء الله
انا كنت شفت موضوع قبل كدة وانا ببحث عن الموضوع دة
وهعمل الموضوع دة زية
نفس الشكل يعنى من اول هنا
هقسم الموضوع الى قسمين
القسم الاول التايد يعنى هقول الراى وهقول انا بايدة لية
والقسم التانى المعارضة يعنى هقول الراى وهقول لية انا بعارضة
وهوضح راى الشخصى والراى الغالب بردة ان شاء الله
بسم الله نكمل
اولا نبدا بالتايد نقول ان فية حب نت فعلا لية انا بايد كدة
فية حاجة اسمها تواصل الارواح بدون اللقاء تقريبا
يعنى انا مشفتكش بس حبيتك اة فعلا موجودة
يعني انك تتعلق بالروح بالشخصيه بالاحساس اللي يوصلك من خلال كلام الشخص اللي قدامك
تحبه من غير ما تشوفه تحبه حتي لو كان شكله مش حلو
مش مهتم بالمظاهر ولكنك مهتم بشخصيته
يعني بكده انت بتختار الجوهر وليس المظهر
طيب نعارض ونقول لا مفيش حب نت سبب المعارضة
لية منقولش مثلا انة بيشتغلنى او بيضحك عليا
وطبعا بتحصل كتير جدا مع الولاد تحديدا مع البنات
صح ولا انا غلطان ؟؟
انت اية اصلا الى يخليك تثق فى حد انت مشفتوش ومتعرفوش
هتقول ردودة وفوق دة ودة انى حبيتة
طيب ما افرض انة بيلعب بمشاعرك مثلا ؟
يعنى مش عاوزين نقول فية حب نت او مفيش
لان فعلا فية حب نت وبجد احسن من بعض حب الحقيقة بمراحل
وبردة ممكن يكون مفيش للسبب الى قلناة دة
طيب راى الشخصى فى الجزء دة
فية فعلا حب نت
بس هنعمل النت مجرد حلقة وصل بين الشخصين دول وبس
ودور النت انتهى كدة
ويتقلب حقيقة
كدة يبقى علا حب كامل الشروط والجوانب يمكن اصدق من الحقيقة
لانهم عرفو شخصية بعض قبل ما يحبو بعض
منتظر تعليق حضراتكم على النقطة دى لان فيها كلام كتير قوى
اممممممممممممم
انا بدات اتعب من الكتابة
زى مانتو عارفين انا بتخنق بسرعة
ههههههههههههههه
بس هنهى خلاص
هقول شوية تجارب شخصية وحصلت قدامى
وفية ناس هتدخل تقول انى بتكلم عليها
بس والله ما عليهم لانى اصلا معرفهمش
بسم الله نكمل
اول تجربة
اتنين اتعرفو ببعض عن طريق صدفة
بدا الكلام بينهم على الخاص
اتقلب بعد فترة على الميل
البنت حبت الولد قبل ما هوة يحبها المهم اعطتة رقم الموب بتاعها
كلمها مرة فى التانية
المهم الولد هوة كمان حبها
وبعد فترة البنت هيا الى طلعت بتلعب بالولد
واقسم بالله هذا حصل قدام عينى لناس اعرفهم شخصيا
وطبعا الولد ندم طول حياتة انة امن لواحدة زى دى
دى اول تجربة
تانى تجربة
ابن خالت واحد صاحبى
كان بيدخل منتدى والله ما فاكرة المهم منتدى مشهور
اتعرف على عضوة هناك واتعرفو على بعض
كانو بيتكلمو فى حدود الادب والاحترام
طبعا بعد فترة عرفو بعض كويس
حبو بعض فعلا
استمر الموضوع دة لمدة شهرين من غير ما يقولو لبعض نهائى
وبعد كدة اعترفو لبعض انهم فعلا بيحبو بعض
واتجوزو دلوقتى ومعاهم احمد وكريم ربنا يبارك فيهم يارب
والكلام دة منهم شخصيا ليا
تالت تجربة
اتنين اتعرفوا علي بعض وبعد فتره مش طويله فوجئت البنت انه بيعترفلها بحبه
هي كانت عجبتها الشخصيه جدا اتشدت ليه افتكرت نفسها بتحبه
هي كانت ممكن فعلا تحبه
بس اكتشفت انه بيضحك عليها وقال الكلام ده لغيرها وغيرها
قلبها انكسر قفلت باب الحب قالت خلاص مافيش حب ف الدنيا
مش بقت تأمن بحب النت نهائي وهو عادي جدا
ويمكن يكون دلوقت بيقول نفس الكلام لغيرها
رابع تجربة
اتنين اتعرفو على بعض بالصدفة
فى رسالة خاصة على المنتدى
مرة فى مرة
فعلا الاتنين حسو انهم بيحبو بعض
طلب منها يتكلمو على الموب
مرة فى مرة طلب يقابلها بعد ما كان شاف صورتها وهيا شافتة وزحبو بعض فعلا
اتقابلو فعلا
وحبهم زاد لبعض
ومتفقين دلوقتى على الخطوبة والجواز
ربنا يتمم لهم على خير يارب
التجارب كتير قوى
بس انا مش قادر اكتب اكتر من كدة
يلا منتظر ردودكم
فى رعاية الله
super hero 1991 15-04-2009, 12:40 AM ابقي منافق لو قلتلك حلو او وحش انا واحد معرفش في الدنيا الا حب واحد بس عارف اسمه ايه؟
حبيب قلبي ونور عيني هو
prince of persia
انا من غير برنس اوف بيرجا زي الارض بلا جبال
زي العمارة بلا عمال
ياااه علي الحب وعمايله
بدايةً كدة
قبل ما ارد على الموضوع
انا هافترض المثالية فى الطرفين
او بلاش مثالية
بس الاتنين كويسين وماحدش بيشتغل التانى
ومش هايعملوا حاجة غلط ويعلقوها على شماعة الحب
او على شماعة ( ضحك عليا )
ودى اكيد نسبة قليلة شوية
المهم طلب صغير ياريت الردود متخرجش عن نطاق حدود الموضوع
حاضر .. هاحاول
:redface:
اولا الفرق بين عالم النت وعالم الواقع
لا يوجد اى فرق بين عالم النت وعالم الواقع لان عالم الواقع فية الحلو والوحش الصادق والكاذب .... الخ
كذلك عالم النت فية فية الحلو والوحش والصادق والكاذب والمنافق والامين .... الخ
تمام جدا
دا من وجهة نظرى الشخصية
ان الحب انى احب الشخص كامل بكل حاجة فية
اما مثلا لو حبيت شخصية شخص ما دا انا بسمية اعجاب
او مثلا اعجبت بشكل شخص ما وانا معرفوش اصلا دا يبقى اسمة اعجاب وليس حب
ان شاء الله متفقين على تانى نقطة ؟؟
موافقة على تانى جزئية فيها
اللى تحتها خط
الاولانية نص موافقة
يعنى شوية اه وشوية لا
:redface:
الاول
والحب تحكمه مشاعر لا تعتمد على الرؤية بالغالب وانما تحب الشخص
لشخصه فقط لا لشكله
الثانى بقى
ان الحب نبض ومشاعر بين قلبين بيكتمل بالنظر وبكدة يبقى الحب احساس فى الاول والاخر
كل واحد بقى يشوف هوة انهى الى بيمشى معاة ويعرفنى
حادى بادى كرنب زبادى
الاولانى
وعلى فكرة انا ماعملتش كدة .. باعمل كدة ف الامتحانات بس
:d
هسال سؤال واحد بس فى النقطة دى
الشخص الى انت حبيتة بجد واتعلق بية دة
ممكن النت يكفى لتكوين هذا الحب ؟؟
عاوز راى حضراتكم فى النقطة دى ونتناقش فيها ان شاء الله
تكوين الحب بينتهى ف الاخر بالزواج وحياة سعيدة وتبات ونبات وصبيان وبنات
والكلام بتاع حواديت تيتة ( او اغانى العسيلى .. مش هانختلف )
يعنى لو من بداية الحب .. هو ده الهدف
ومش بيحبوا بعض لمجرد الحب
كل حد ف الطرفين هايقدر يفهم كويس اوى الظروف
ويعرف اذا كان ينفع يكمل ولا لا
وهنا يبقى شكسبير غلطان ف مقولته .. مش اوى يعنى :d
( الحب اعمى والعشاق لا يرون الحماقات التى يرتكبون ) انا مُترجِمة عايزة تتحدف من البلكونة
:redface:
المهم عشان ابطل رغى
لما يكون الحب ده مبنى على العقل
غير لما يكون مبنى على الهوا
ومش هايتبنى عالعقل
غير لما نفكر ف اخر الطريق قبل ما نفكر ف اوله
يعنى قبل ما يفكروا ازاى يصارحوا بعض والحاجات دى
لازم يفكروا ف النهاية
يا ريت بس يختاروا تتر كويس
طيب نعارض ونقول لا مفيش حب نت سبب المعارضة
لية منقولش مثلا انة بيشتغلنى او بيضحك عليا
وطبعا بتحصل كتير جدا مع الولاد تحديدا مع البنات
صح ولا انا غلطان ؟؟
انت اية اصلا الى يخليك تثق فى حد انت مشفتوش ومتعرفوش
هتقول ردودة وفوق دة ودة انى حبيتة
طيب ما افرض انة بيلعب بمشاعرك مثلا ؟
يعنى مش عاوزين نقول فية حب نت او مفيش
يعنى هو الولد اللى بيضحك على البنات ف النت ويشتغلهم
مايقدرش يعمل كدة ف الواقع ؟
او العكس
لو البنت اللى بتكدب عالولاد عالنت
ماتقدرش تعمل كدة ف الواقع ؟
اممممم
اولا .. بايخة كلمة الواقع دى
لان النت مش خيال !!
ثانيا .. حاجة كان فيه حد قالهالى قبل كدة
زى ما الانسان ممكن يغير شخصيته عالنت
هو ممكن يغيرها برا النت برضو
يعنى تقدر تقول انى معارضة الرأى المعارض ده
لان احتماله مش كبير .. وانا قولت هافترض المثالية
الا لو قولنا ان الكلام بالكتابة
بيسهل على الشخص الكداب انه يكدب
ومش بيكون سهل على الشخص اللى بيتكدب عليه انه يفهم
يعنى هو ف الواقع ممكن يفهم اكتر عشان تعبيرات الوش او كدة
بس زى ما الانسان ممكن ياخد باله ويفهم من تعبيرات الوش
برضو يقدر ياخد باله ويفهم من اسلوب الكلام
ده غير الاحساس الداخلى للانسان نفسه
وبما انى كدة هادخل ف نظام انا قلبى دليلى اللى مش باحبه
ف نقول الاحساس الداخلى والتفكير ف الكلام ومدى منطقيته
:redface:
بس هنعمل النت مجرد حلقة وصل بين الشخصين دول وبس
ودور النت انتهى كدة
ويتقلب حقيقة
كدة يبقى علا حب كامل الشروط والجوانب يمكن اصدق من الحقيقة
لانهم عرفو شخصية بعض قبل ما يحبو بعض
منتظر تعليق حضراتكم على النقطة دى لان فيها كلام كتير قوى
تمام
عشان هما لما عرفوا بعض مكانش ف دماغهم اى حاجة
وكل حد فيهم كان بيتصرف على طبيعته
وعشان كدة كل حد فهم التانى
وعرف مميزاته وعرف ازاى يتأقلم مع عيوبه
وده ممكن يحصل ف الحياة اليومية العادية
بس نقدر نقول ان النت بيسهل الكلام شوية
يعنى ف الحياة الواقعية مش اى حد بيبقى على طبيعته اوى ويبين عيوبه لاى حد
لكن عالنت بتبقى زى اللى بيتكلم من ورا ستارة
يعنى ماتفرقش معاك مين يعرف عنك ايه
طالما هو ماتربطهوش بيك حاجة ف ( الواقع اللى مش عاجبنى اسمه ده !! )
اممممممممممممم
انا بدات اتعب من الكتابة
انا تعبت فعلا .. وعايزة اذاكر وانام
كفاية رغى كدة
واحتمال احتمال اجى ارغى تانى
طبعا اكيد مفيش مشاكل ف كدة والموضوع ينور بيا ف اى وقت .. شكرا يا أنا
وشكرا عالموضوع يا محمد
ملحوظة اخيرة للمرة التالتة : مش باحب كلمة النت والواقع
وباقولها من غير قصد .. تعود مش اكتر
:redface:
MoHaMeD ELsHeRbEnY 15-04-2009, 10:28 AM ابقي منافق لو قلتلك حلو او وحش انا واحد معرفش في الدنيا الا حب واحد بس عارف اسمه ايه؟
حبيب قلبي ونور عيني هو
prince of persia
انا من غير برنس اوف بيرجا زي الارض بلا جبال
زي العمارة بلا عمال
ياااه علي الحب وعمايله
هههههههههههههههههههه
ماشى ياعم الحبيب يابتاع برنس اوف بيرجا دى
اجرى ياض العب بعيد
شكرا يامعلم على المرور
فى رعاية الله
super hero 1991 15-04-2009, 10:33 AM هههههههههههههههههههه
ماشى ياعم الحبيب يابتاع برنس اوف بيرجا دى
اجرى ياض العب بعيد
شكرا يامعلم على المرور
فى رعاية الله
لألألألألألألألألألألألألألألألألألألألألألألألأ
اوعي تلعب في عداد عمرك الا حبيب قلبي من جوا
احدف عليك قذيفه اقضي عليك
MoHaMeD ELsHeRbEnY 16-04-2009, 12:35 AM بدايةً كدة
قبل ما ارد على الموضوع
انا هافترض المثالية فى الطرفين
او بلاش مثالية
بس الاتنين كويسين وماحدش بيشتغل التانى
ومش هايعملوا حاجة غلط ويعلقوها على شماعة الحب
او على شماعة ( ضحك عليا )
ودى اكيد نسبة قليلة شوية
امممممممممممم
مين قالك شماعة ضحك عليا قليلة
بالعكس
دى نسبة كبيرة قوى والله
وعن خبرة شخصية
وشوفى التجارب الى فوق وهتعرفى قصدى
حاضر .. هاحاول
:redface:
تمام جدا
موافقة على تانى جزئية فيها
اللى تحتها خط
الاولانية نص موافقة
يعنى شوية اه وشوية لا
:redface:
[/center]
انتى مش موافقة ان الحب انى احب شخص كامل الشروط
بس كانو قالو علميا ان الحب هوة حب كل شئ فى الشخص دة
طيب قولى ليا لية مش موافقة ممكن ؟
حادى بادى كرنب زبادى
الاولانى
وعلى فكرة انا ماعملتش كدة .. باعمل كدة ف الامتحانات بس
:d
ههههههههههههههه
بس انا مش معاكى فى النقطة دى
لان الحب لازم يكون كامل كل شئ
طيب انتى لية اختارتى النقطة الاولى ومختارتيش التانية ؟
تكوين الحب بينتهى ف الاخر بالزواج وحياة سعيدة وتبات ونبات وصبيان وبنات
والكلام بتاع حواديت تيتة ( او اغانى العسيلى .. مش هانختلف )
يعنى لو من بداية الحب .. هو ده الهدف
ومش بيحبوا بعض لمجرد الحب
كل حد ف الطرفين هايقدر يفهم كويس اوى الظروف
ويعرف اذا كان ينفع يكمل ولا لا
وهنا يبقى شكسبير غلطان ف مقولته .. مش اوى يعنى :d
( الحب اعمى والعشاق لا يرون الحماقات التى يرتكبون ) انا مُترجِمة عايزة تتحدف من البلكونة
:redface:
المهم عشان ابطل رغى
لما يكون الحب ده مبنى على العقل
غير لما يكون مبنى على الهوا
ومش هايتبنى عالعقل
غير لما نفكر ف اخر الطريق قبل ما نفكر ف اوله
يعنى قبل ما يفكروا ازاى يصارحوا بعض والحاجات دى
لازم يفكروا ف النهاية
يا ريت بس يختاروا تتر كويس
كل كلامك دة صحيح
ومتفق جدا معاكى فية
بس بردة مجاوبتنيش
هل النت كفاية لتكوين الحب دة ؟
يعنى هو الولد اللى بيضحك على البنات ف النت ويشتغلهم
مايقدرش يعمل كدة ف الواقع ؟
يقدر طبعا
بس فى النت سهلة قوى
فى الواقع فى حدود
يعنى انتى تعرفينى وانا اعرفك
اما النت مفيش اى دليل اصلا انى اعرف فلانة دى
صح ولا انا غلطان
فاهمة وجهة نظرى فى النقطة دى ؟
او العكس
لو البنت اللى بتكدب عالولاد عالنت
ماتقدرش تعمل كدة ف الواقع ؟
اممممم
اولا .. بايخة كلمة الواقع دى
لان النت مش خيال !!
ثانيا .. حاجة كان فيه حد قالهالى قبل كدة
زى ما الانسان ممكن يغير شخصيته عالنت
هو ممكن يغيرها برا النت برضو
يعنى تقدر تقول انى معارضة الرأى المعارض ده
لان احتماله مش كبير .. وانا قولت هافترض المثالية
الا لو قولنا ان الكلام بالكتابة
بيسهل على الشخص الكداب انه يكدب
ومش بيكون سهل على الشخص اللى بيتكدب عليه انه يفهم
يعنى هو ف الواقع ممكن يفهم اكتر عشان تعبيرات الوش او كدة
بس زى ما الانسان ممكن ياخد باله ويفهم من تعبيرات الوش
برضو يقدر ياخد باله ويفهم من اسلوب الكلام
ده غير الاحساس الداخلى للانسان نفسه
وبما انى كدة هادخل ف نظام انا قلبى دليلى اللى مش باحبه
ف نقول الاحساس الداخلى والتفكير ف الكلام ومدى منطقيته
:redface:
كلامك صح ومتفق معاكى فى اغلب كلامك
بس انا علقت على نقطة فوق قولى ليا رايك فيها تانى
ماشى ؟
تمام
عشان هما لما عرفوا بعض مكانش ف دماغهم اى حاجة
وكل حد فيهم كان بيتصرف على طبيعته
وعشان كدة كل حد فهم التانى
وعرف مميزاته وعرف ازاى يتأقلم مع عيوبه
وده ممكن يحصل ف الحياة اليومية العادية
بس نقدر نقول ان النت بيسهل الكلام شوية
يعنى ف الحياة الواقعية مش اى حد بيبقى على طبيعته اوى ويبين عيوبه لاى حد
لكن عالنت بتبقى زى اللى بيتكلم من ورا ستارة
يعنى ماتفرقش معاك مين يعرف عنك ايه
طالما هو ماتربطهوش بيك حاجة ف ( الواقع اللى مش عاجبنى اسمه ده !! )
كدة انتى متفقة معايا فى النقطة دى
تمام ان شاء الله
ونغير اسم الواقع لو تحبى
هههههههههههههه
[center]انا تعبت فعلا .. وعايزة اذاكر وانام
كفاية رغى كدة
واحتمال احتمال اجى ارغى تانى
طبعا اكيد مفيش مشاكل ف كدة والموضوع ينور بيا ف اى وقت .. شكرا يا أنا
وشكرا عالموضوع يا محمد
ملحوظة اخيرة للمرة التالتة : مش باحب كلمة النت والواقع
وباقولها من غير قصد .. تعود مش اكتر
:redface:
تشرفى وتنورى حضرتك فى اى وقت
الموضوع موضوعك
والقسم قسمك
والمنتدى منتداكى
اى خدمة
ههههههههههههههههههه
وبكدة راى حضرتك باختصار انك موافقة جدا على حب النت صح ؟
شكرا جزيلا لحضرتك على الرد والمرور
نورتى الموضوع بجد والله
كنت سعيد بمناقشتك
منتظر رجوعك ان شاء الله
فى رعاية الله
محمد.فوكس 16-04-2009, 03:44 AM شوف يا ريس..انا شايف ان النت ممكن يكون بداية بس .. ازاي
طبعا زي ما بيقولو ان بداية الحب اعحاب...و عمر ما في حب يجي فجأة كده
ممكن اتنين يتعرفوا على بعض, من خلال الكلام يستلطفوا بعض ..يتفقوا يتقابلو .. هنا بقى ممكن يحصل الحب
لكن مرحلة الحب نفسها تبدأ عالنت صعب يا مان
thequeenlove 16-04-2009, 08:29 AM بجد موضوع تحفة يا محمد
هو دة الكلام
بس انا متفقة مع رحمة فى كلمة النت والواقع
انا بختلف جدااااااا عليها
ليه منقولش ان فى ناس لقيت نفسها على النت
يعنى فى حاجات فى الحياة العادية رفضها
او مش قادر يقول لحد حاجة
فا النت بيسهل جداااااا الموضوع دة
ثانيا
حب النت دة حقيقة
فى ناس كتير جدااااااا حبيت على النت
وانتهى الحب دة بالخطوبة والجواز
والى كان حلم بقى حقيقى
والى كان الناس بيختلفوا عليه
بقى حقيقة وانتهى نهاية سعيدة
اولا الفرق بين عالم النت وعالم الواقع
لا يوجد اى فرق بين عالم النت وعالم الواقع لان عالم الواقع فية الحلو والوحش الصادق والكاذب .... الخ
كذلك عالم النت فية فية الحلو والوحش والصادق والكاذب والمنافق والامين .... الخ
بص انا متفقة معاك ان مفيش فرق
بس ممكن نقول ان فى ناس بتحب انها تعيش على النت اكتر من الواقع
وانت قاعد على النت بتحس انك فى عالم تانى خالص
بتحس انك تقدر تعمل اى حاجة
( ودة طبعا متوقف على طبيعة الانسان واخلاقه)
حب النت حقيقة كلنا لازم نؤمن بيها
بس بتختلف يعنى هاقولك عى موقف انا قريته فى منتدى مشتركة فيه
ان انسان متجوز كان مشترك على منتدى معين
ومراته كانت مشتركة على نفس المنتدى
بس كل واحد من على جهازه
ومكنوش يعرفوا انهم مشتركين فى المنتدى دة
فا الانسان دة كان بيشوف الردود بتاعت مراته وهو ميعرفش
المهم هو حب ردودها جداااااااااااا
وحب شخصيتها جداااااااااا
المهم بدا يكلمها على الرسايل الخاصة
ومرة فى مرة طلب انه يقابلها فا رفضت وقلتله انها متجوزة
ولا يمكن تخون ثقة جوزها فيها
والموضوع عدى
فا بالصدفة كانت الزوجة نسيت انها تسجل خروج من المنتدى
وجوزها لاقى اسمها هو نفسه اسم العضوة الى هو حبها
ومن يومها وهو كل يوم يقول لمراته انتى اعظم انسانة شفتها فى حياتى
يعنى النت ممكن يخلى انسان يعشق انسانة
يعنى دة فعلا حقيقة
والناس الى بتعترض على حب النت
يا اما ناس كبيرة يعنى متجوزين ( يعنى مافيش امل انهم يحبوا تانى )
يا اما واحد بيحب مش من على النت
واعتراضى الوحيد على حب النت
ان فى اوقات كتيرة بيبقى واحد من الطرفين بيضحك على التانى
بس زى مانت قلت ان بيحصل كدة واكتر كمان فى الحقيقة
وكلنا بنسمع ايه الى بيحصل فى الجامعات تحت اسم الحب
سورى يا محمد انى طولت عليك
بس طبعا اطول براحتى
المنتدى منتدياى وبمزاجى يعنى
وبجد موووووووضوع تحفة
بس متنساش الى شجعك
هههههههههههههههه
يعنى خمسين فى المية من الردود انت عارفنى قنوعة جداااااااا
يلا بقى ايدى وجعتنى
ولو فى ردود عجبتنى هادخل ارد تانى
سلام بقى
ساندي بل 16-04-2009, 12:07 PM توبيك تحفة بجد
بس انا مش عارفه
هو فعلا الحب ده في السلبيات والايجابيات
بس ع ما اعتقد سلبياته ممكن تتكشف
يعني لو الانسان الي قدامكــ جاد في الحب ده او الجواز
يبقي يقدم خطوة يعني مثلا لو هو عايز يتجوزها
ممكن يكلم باباها حاجه زي كده
او حتي يعني هي هتقدر تكتشف اذا كان بيحبها بجد ولا لا !!!
ده رأيي
تقبل مروري وشكرا ع الموضوع
MoHaMeD ELsHeRbEnY 16-04-2009, 03:51 PM شوف يا ريس..انا شايف ان النت ممكن يكون بداية بس .. ازاي
طبعا زي ما بيقولو ان بداية الحب اعحاب...و عمر ما في حب يجي فجأة كده
ممكن اتنين يتعرفوا على بعض, من خلال الكلام يستلطفوا بعض ..يتفقوا يتقابلو .. هنا بقى ممكن يحصل الحب
لكن مرحلة الحب نفسها تبدأ عالنت صعب يا مان
انا متفق معاك يابوب فى نص كلامك الاول
اما الجزء التانى بردة ممكن يتحقق ومش صعب ياكبير ولا حاجة
انا اعرف والله واحد اتفق مع واحدة على الجواز قبل اما يشوفها
وبالفعل هما دلوقتى مخطوبين ونسيت اقول التجربة دى
عموما هقولها تانى ان شاء الله بالتفصيل
بجد كنت سعيد بوجودك معانا
وكنت اسعد بالمناقشة معاك يابوب
شكرا جزيلا على الرد والمرور
جزاك الله خيرا
فى رعاية الله
محمد.فوكس 16-04-2009, 04:24 PM ليه منقولش ان فى ناس لقيت نفسها على النت
يعنى فى حاجات فى الحياة العادية رفضها
او مش قادر يقول لحد حاجة
فا النت بيسهل جداااااا الموضوع دة
بص انا متفقة معاك ان مفيش فرق
بس ممكن نقول ان فى ناس بتحب انها تعيش على النت اكتر من الواقع
وانت قاعد على النت بتحس انك فى عالم تانى خالص
بتحس انك تقدر تعمل اى حاجة
( ودة طبعا متوقف على طبيعة الانسان واخلاقه)
اسمحيلي اعلق على الجزء ده من ردك
طيب مهو ده ممكن ده انطواء و ناتج عن الخجل او الفشل في الوقع و انه بيدور على مكان تاني محدش شايفه فيه و يقدر يعيش عادي و ده ممكن يزود انطوائه و مشاكله في التعامل مع الناس في الواقع.
و بعدين الراجل اللي بتقولي عليه ده المفروض يبقى مكسوف من نفسه لانه كان فعلا هيخون مراته لو مكانتش هي او هو خانها بالفعل ..بس طبعا ده مش موضوعنا خالص
محمد.فوكس 16-04-2009, 04:35 PM انا متفق معاك يابوب فى نص كلامك الاول
اما الجزء التانى بردة ممكن يتحقق ومش صعب ياكبير ولا حاجة
انا اعرف والله واحد اتفق مع واحدة على الجواز قبل اما يشوفها
وبالفعل هما دلوقتى مخطوبين ونسيت اقول التجربة دى
عموما هقولها تانى ان شاء الله بالتفصيل
بجد كنت سعيد بوجودك معانا
وكنت اسعد بالمناقشة معاك يابوب
شكرا جزيلا على الرد والمرور
جزاك الله خيرا
فى رعاية الله
بس يا ريس اكيد هم اتخطبوا لانهم عجبوا بعض او اتقبلوا بعض لما شافوا بعض .. لكن مثلا لو كانو اتقابلو و حد فيهم اتقبلش التاني اكيد مكانش هينفع.
و بعدين برضه تخيل و كله اللي معانا في الموضوع يتخيلوا سواء ولد او بنت
هل تقدر تقرر انك ترتبط بحد من عالنت من غير ما تشوفه.
يعني مثلا.. و بكرر مثلا عشان محدش يتريق..لو عملتو قسيمة جواز عالنت .. هتمضي من غير ما تشوف الطرف التاني الاول.... يعني النت مش كفاية.
ده غير ان اي حد بيكلم حد عالنت بيرسمله صورة في خياله .. لو شافه غير مكان متخيل بيتصدم حتى لو الشخص ده مش وحش في الحقيقة .. مش بتكلم على مجرد الشكل.
و عشان الحق يتقال...لتاني مرة بقول اني موافق ان ممكن يحصل اعجاب من خلال النت و ده من طريقة تفكير و الكلام اللي بتبان من الكلام المكتوب.
و انا سعيد جدا بالمناقشة معاك
و بالعكس احنا المتشكرين على الموضوع
thequeenlove 16-04-2009, 08:56 PM لا مش متفقة معاك يا محمد
مش شرط يكون انطواء
ممكن يكون ناجح جدااااااا فى علاقته مع كل الناس الى حوليه
بس هو لاقى النت احسن وطريقة سهلة انه يعرف ناس كتير
الواقع ( طبعا مع انى مش موافقة على الاسم ) فى عقبات كتير انك تكلم اى حد
لكن النت بيسهل الموضوع دة جدااااااااا
انك تقدر تكلم اى حد فى اى وقت
وهو دة الاختلاف بين النت وحياتنا الطبيعية
thequeenlove 16-04-2009, 08:57 PM و بعدين الراجل اللي بتقولي عليه ده المفروض يبقى مكسوف من نفسه لانه كان فعلا هيخون مراته لو مكانتش هي او هو خانها بالفعل ..بس طبعا ده مش موضوعنا خالص
اوكى هو ممكن يكون غلط الى عمله
بس فى نفس الوقت
النت كان طريقة خلته يحب مراته اكتر
صح ولا لا؟؟؟
sunsero2000 16-04-2009, 09:19 PM انا متفق معاك جدا خالص اوى
انا بعتبر النت بدايه لتعارف زى اى طريقه للتعارف بين اتنين زى النادى والجامعه او كده
انا اعرف اتنين اتعرفو على بعض على النت
ودلوقتى ماشاء الله اتجوزى من 3 سنين وماشين زى الفل
وانا بصراحه كنت هقع فى حاجه زى دى (مش عاوزين نسيح فى الكلام)
زغلول شكوكو 16-04-2009, 10:00 PM انا معرفش الا حب الله وحب الوطن
ههههههههه
موضوع جميل يطول فيه الكلام بس انا بعتبر النت بدايه للتعارف مش اكتر
Sharp Nails 17-04-2009, 02:39 AM مش عارفة لية عمرى ما وثقت فالحب سواء عالنت ولا حقيقة
بحس انه كله وقت لذيذ وهيعدى
وفالاخر كل واحد بيتجوز حد ميعرفهوش لاول مرة يشوفه
وساعتها بيكون الحب الى بجد
او الكره الى بجد
من الاخر مبقتش احب الحب
عملى حساسية
يلا ربنا يسعد الناس كلها ويخلى كل ايامنا حب
بس موضوع جميل والله
تسلم ايدك يامحمد عالمجهود دة
انا من اول ماالموضوع نزل وبقرا كل يوم حتة
والحمدلله خلصت وخلصت
Hamset_Etab 17-04-2009, 03:48 AM بجد التوبيك حلو اوى لانه عرض اكتر من راى
بس هو يمكن عشان انا مقتنعه بحاجه معينه فصعب شويه اغير رايى
انا عمرى ما صدقت حب النت ده وبعتقد انى عمرى ما هصدق .... ببساطه الحب ده بيجى فى ثانيه
بتشوف حد لاول مره وبتحبه ساعتها مش بتقول لا انا هستنى لما اشوف شخصيته الاول ، لا انتا بتحبه زى ما هو وكمان ممكن تجى على نفسك كتير اوى عشانه
تعرف الحب لو بيجى زى ما انتا بتقول كده (ان الشخص حب شخصيه الى قدامه و بعدين كمل معاه )
معتقدش ان هتبقى فى مشاكل فى الحب اطلاقا
لكن المشكله اننا بنبقى بنحب شخص وشايفين عيوبه وممكن اه يحصل مشاكل كتير جدا عشان العيوب دى لكن الحب موجود وصعب يروح
ثانكس على التوبيك واسفه لو طولت
احمد رضا 17-04-2009, 06:12 AM - أكتر شئ بيعجبني في الحياة : الموضوعية -
بحترم الناس اللي بتلتزم الموضوعية أثناء معالجة مشكلة او تباحث شئ
وده بيخلينا نفكر برا الحدود اللي ممكن يخلقها عقلنا بدون وعى
وقبل ما اتكلم في حاجة عامة زي أحسب اني لازم أقسم موضوع لنقاط كالتالي ::-
:: النقطة الأولي ::
نيجي للحب بصفة عامة والحب ما بين الماضي والحاضر أصلاً
عشان زي ما بقول دايما ً عشان نقدر نفهم شئ لازم نعرف ابجديته
( مش هتقرأ أسباني وانت مبتعرفش أسباني .. بديهي )
أولا ً مشكلة المشاكل هي إساءة فهم مفهوم ( الحب )
تعالي نقول حاجة جانبية قبل ما نتكلم وهي ( إن اللي بيحصل دلوقتي مش حب ) اللي بيحصل دلوقتي هو ( شر لذيذ )
إزاي ؟
يعني نيجي للحق والقاعدة الأساسية - اللي مش شرط أكون بعمله -
ان حتي لو الإنسان بيحافظ علي الإنسانة اللي معاه وبيخاف عليها وما إلي ذلك فعدم وجود ميثاق غليظ ( زواج - إرتباط شرعي ) بينهم هو الخطأ بعينه الحب كذنوب كتيرة ( ذنب نستلذ به ) أو زي قريبة من فلسفة كنت كاتبها بتقول ( الحب حماقة لذيذة ! ) ..إنما الحب هو خوف حتي من النفس ( مش كلام يا فنانين ) إنما فعل بالفعل .. زمان كنت بتخيل الحب ان واحد بيقول واحدة ( تعرفي انا هتجوزك عشان اعرفك انا بحبك اد ايه .. انا همسك سلاح وهروح احارب عشان احميكي لاني بحبك ) كنت مُتخيله كدا ولسه الصورة دي متحققتش بصراحة لكنها موجودة وده شئ أحسبه كويس و لذلك فإتفاقنا الأول إن اللي بيحصل ده شر بصرف النظر انا بعمله او مش بعمله لان مش الناس اللي هتحاسبني انا رايح في الآخر لخالقى اللي يستحق انه يحاسبني .. أداني اللسان اللي قولت بيه كلام الحب .. أداني القدرة علي التأليف اني اكتب كلام حب .. اداني القدرة علي اني اسمع كلام حب .. إداني مشاعر وجهتها لحب .. لذلك فهو الوحيد اللي يستحق محاسبتي الناس ولا ادتني ودان ولا منخير ولا ادتني علي قفايا حتي :d ... دي مقدمة لابد وحتما ً من الإتفاق عليها ..
:: النقطة التانيه ::
تعريفي الـ( شخصي ) للإنترنت بخلاف ( التعريف الجزئي ) انه نظام تكنولوجي يُعني ( الولوج للشبكة ) فهو بنظرتي ( الميدان الحقيقي للتعبير عن الواقع بما يتناسب ويُرضي النفس ) .. إزاي ؟
لما تلاقي شخص مثالي جداً هنا ومتشفلهوش ولا غلطة ده يدل علي إيه ؟
دليله مش انه مثالي بالطبع .. لاء دليله انه بيسعي للمثالية وطبعا ( لا كامل إلا الخالق ) فيعرفك إن الشخص ده نفسه ومني عينه ( في حياته الشخصية ) انه يبقي شخص مثالي .. يعني بيعوض النقص اللي موجود عنده في الواقع .. وبالتالي يكشفلك عن الشخصية الحقيقية .. اللي ممكن علي الواقع متشوفش انها فيها نقص أصلا .. لانك بتتعامل مع كائن متأقلم مع الأعراف والتقاليد والخبرات الشخصية .. أما هنا بتتعامل مع ( أنفس بشرية أكثر ) .. لكن المشكلة الحقيقية في النقطة دي تكمن في جانب معين ..
معظمنا يعرف ان النفس البشرية مكونة من 3 أقسام كما قسمها العبقري ( فرويد ) كالآتي :
الهو ( الغرائز والدوافع ) - الأنا ( البحث عن طرق لتنفيذ الدوافع بما يتناسب مع الواقع ويشمل ( الفعل الصح والغلط ) - الأنا الأعلي ( يمثل صوت الضمير في الإنسان وده في رأي بيتشكل حسب الأعراف والقوانين والتقاليد وماإلي ذلك ) ..
مقولناش بردو المشكلة ايه هيا بقي ؟ محدش له دعوة
ههههههههه
:d
طبعا بهزر
المشكلة إن الإنسان اللي بيشتغل جواه ( الهو ) و ( الأنا ) وبيبقي فيه قصور في الأنا الأعلي لان الأنا بيؤدي المهمات علي النت علي أكمل وجه ( كما يطمح ) فبالتالي ( الأنا الأعلي ) بيشوف انه ملهوش لزمه يشتغل ومن هنا بيبدأ ( الهو ) يلعب في ظل ان النفس البشرية كلها بيحصلها نوع من أنواع الإقناع ان اللي بيحصل ده صح وحتي الضمير نفسه بيعتبر ان اللي بيحصل في الوقت ده حالاً هو شئ صحيح مئه بالمئة بيبقي ضمير مصدي يعني م الآخر وبتبدأ تحصل المشاكل
:: النقطة التالته ::
وهي الفكرة الرئيسية للموضوع ( حب الإنترنت )
للأسف الشديد إن النت ممكن يعمل من حكماء وراشدين مراهقين حمقى لان دي ترتبط بالنقطة اللي قولتهالك فوق وهي نقطة ( التصديق الواهم ) .. فالبتالي بردو ( الأنا الأعلي - الضمير والمُثل العُليا ) مش بتبقي شغالة لانها معتقدة ان الأنا شايف شغله مظبوط .. وما يُميز المراهقة في جميع مراحلها العمرية هو ( عدم اتخاذ القرار المُناسب في الوقت المُناسب والظروف المناسبة ) .. بمعني .. إني مثلاً حبيت إنسانة دلوقتي .. الحب ده باختيارى لا شك ولا جدال .. لو أنا إنسان عاقل أقدر ابعد الحب عن نفسي بشتي الطرق وأسهل طريق ( المنطق ) يعني انا أقدر أبطل 3/4 من قصص الحب بالمنطق لان الحب في فكرته أصلا شعور وإحساس وخيال ( ميتافيزيقا ) .. والمنطق بيقولك 1+1=2 ملهوش دعوة بالجبنة الحادئه اللي اسمها ميتافيزيئا دي :d ..
ومن هنا بتبدأ نقطة الخطر وان الولد يقول ده البنت دي لعبت بيا او البنت تقول ده الولد ده لعب بيا .. هو كل الحكاية ولا هو لعب بيكي ياختي ولا انتي لعبتي بيه وشغل لعب الأطفال ده الفكرة كلها انه قرر قرار في وقت غلط وانتي رحتي مقرره معاه في نفس الوقت ( اللي هوا غلط ) فبقت (نتيجة سودا علي دماغك ودماغه ) .. والإنسان عشان بيحب يحس بالقهر وانه اتظلم والدور اللي تقريبا 3/4 مننا بيحب يعيشه من غير ما يعي هو بيعمل ايه ده هو اللي مش بيخلينا نتعرف بالواقع والحقيقة اللي مش شايفينها اننا الاتنين غلطتين ومحدش ظلم التاني ولا حد لعب بالتاني
فيه نقطة مهمة جداً وقريتها في رد تقريبا ( عديها ) اننا مش بنفكر في النهاية قبل ما نبدأ البداية بنعيش لحظة بلحظة ودي نقطة في نظري وفلسفتي انا مش صح بأي شكل من الأشكال لازم أشوف آخر الطريق عشان أختار براحتي همشيه ولا لأ .. ربنا بيعاملنا بنفس الإسلوب قالنا طريق الخير آخره ( الجنة ) طريق الشر آخره ( النار ) واختاروا بحريتكم عشان أحاسبكم بحريتي .. لذلك فدي نقطة بتسبب فشل أي علاقة إنسانية او أي تجربة أصلا .. لكن أنا لو فكرت في النهاية واقتنعت ان الإنترنت ممكن يكون الوسيلة اللي ربنا خلقهالي اني أقابل نصيبي وبنفس الوقت اتعاملت مع الامر بالمنطق من باب ( ربنا ما خلقت هذا باطلاً ) هقدر استفيد من كل حاجة ومش هخسر البنت حاجة ولا هخسر نفسي حاجة .. هما شوية تفكير بس .. وبالتالي هنا أعلن موافقتي علي حب الإنترنت ولكن بتحفظات وشروط .. بمعني أدق اني أقبل ان يكون الإنترنت سبب وحاجة من ضمن منظومة الحب مش يبقي الحب هو حاجة من منظومة النت وإلا بقي نجيب مأذون إلكتروني وممكن يكون وراه كتب كتاب في كونفرنس تاني يقولنا Brb ولما يجي نقوله باك ونكمل ونعمل الجواز في كونفرسات وكتا بقى .. :D
:: النقطة الرابعة ::
أحب أوضح حاجة للبنات وللصبيان ولو كنت وضحتها لنفسي من فترة كان زمان مشاكل كتير في حياتي محصلتش .. لو الولد قالك انا عايز اخطبك وارتبط بيكي واتجوزك وتبقي معايا وخلع ده فعلا يبقي كذاب وخدعك وكله تمام .. إنما لو مقالش وعاش معاكي الحب تأكدي انه اخد قرار شعوري ومش قائم علي أي منطق عقلي وأي شئ مش قائم علي أساس لازم يقع فأكيد هيبقي مش خدعك انتوا الاتنين سمحتوا بشئ وعليكم تحمله .. لكن ولا انتي خدعتيه ولا هوا خدعك ..
:: النقطة الخامسة ::
أنا طولت عليك يامحمد وعلي الناس - اللي هتقرا - ( عشم إبراهيم النجر في عم مصطفي البواب انه يسلفه أربعين ألف وخمستاشر جنيه عشان يشتري لابتوبين توشيبا للأولاد ) :d
لكن انا متأكد انك مادام شخص موضوعي هتتقبل مناقشتي بصدر رحب ومش هتنفضلها زي ما بعض الناس بتنفضلها بحجة انها طويلة وملهاش لزمة والموضوع يتلخص في كلمتين :d
:: النقطة السادسة ::
احتمال أرجع تاني إن شاء الله لتعديل بعض الجزئيات لإني بكتب ومش براجع فأكيد هيكون فيه بعض الأخطاء فياريت تعذروني .. وبجد لو إسلوبك في كل الموضوعات هيبقي كدا يامحمد هتجبرني فعلا اني أدخل كل موضوعاتك حتي لو كان المضمون مش قيم لكن طريقة التناول والمعالجة دول بشجعهم
تسلم ياسعادة الباشا .. عارف انك بتقول رغاي وعشان انا مؤدب مش هقولك اهو انت هههههههه
السلام عليكم
----
النقاط المُتناولة :-
* قبل الكلام عن الحب يجب معرفة ماهو الحب ..
* الإنترنت ما بين جزئية التعريف والرؤي الشخصية وإختصاص علاقة ..
* رأيي في حب الإنترنت وتحفظاتي ورؤيتي الشخصية ..
* من اللي بيخدع مين ؟
thequeenlove 17-04-2009, 07:37 AM بجد ردود تحفة
بس اكيد فى حب على النت ومحدش يقدر يقول مفيش
ممكن يكون صح او غلط
بس بردة فى حياتنا بتحصل نفس المشاكل الى ممكن تحصل على النت
Travel 17-04-2009, 01:35 PM جميل الموضوع
وكان نفسى ادخله من زمان بس الوقت بقى
المهم
بص مش هقولك مؤيد او معارض بس هقولك انى بنسبة 70 او 80% مش مقتنعة بحاجة اسمها حب النت
اصل انت هنا مش بتتعامل مع الشخصية ف اسلوبها وطريقة كلامها كواقعية ملموسة قدامك
انت بتتعامل مع التفكير والعقل بس بتخاطب المنطقية اللى جواه وفلسفته
اسلوبه وشعوره
مش كلنا بنتعامل بالمنطق ده
ف ناس عندها نقص بتظهر بشخصية مش هى اصلا بتحب تنم نقطة ضعف عندها تخليها احسن
لكن مش دى شخصيتها لو درستها ف الواقع
كمان
ممكن التعامل بينا مكونش صح اصلا او غلط ف الاحساس
زى اى حد ممكن يقولك بحبك ووحشتنى وبجد انت انسان رائع لا ردك حلو موضوعك تحفة
ممكن تكون دى كلها مجاملات
انت متعرفش هى صح ولا غلط
هقولك ع ابسط حاجة
كتر مننا بيكون جواه مشاكل وهموم بس مش بيحب يوضحها لحد وساعات محدش بيحس بيه والساعات دى بتكون كتير
ممكن اسلوبه يقلبه كوميدى او هزار او مناقشات هيخليك متحسش بيه
ع الفرق لو كان قدامك كنت هتحس بيه
فاهمنى؟
بس برضوا برجع وهقول
زى ما بيحصل كده ف النت . . بيحصل ف الواقع
بس النت صعب شوية برضوا
صراحة اكتر رد عجبنى جدااااا هو رد
احمد رضا
بجد احييك ع اسلوبك اوى ف الرد :)
المشكلة إن الإنسان اللي بيشتغل جواه ( الهو ) و ( الأنا ) وبيبقي فيه قصور في الأنا الأعلي لان الأنا بيؤدي المهمات علي النت علي أكمل وجه ( كما يطمح ) فبالتالي ( الأنا الأعلي ) بيشوف انه ملهوش لزمه يشتغل ومن هنا بيبدأ ( الهو )
انا كل شوية اطلع اشوف من الانا ومن الهو ومين الانا الاعلى
خنقتنى بالفلسفة :frown:
:: النقطة الرابعة ::
أحب أوضح حاجة للبنات وللصبيان ولو كنت وضحتها لنفسي من فترة كان زمان مشاكل كتير في حياتي محصلتش .. لو الولد قالك انا عايز اخطبك وارتبط بيكي واتجوزك وتبقي معايا وخلع ده فعلا يبقي كذاب وخدعك وكله تمام .. إنما لو مقالش وعاش معاكي الحب تأكدي انه اخد قرار شعوري ومش قائم علي أي منطق عقلي وأي شئ مش قائم علي أساس لازم يقع فأكيد هيبقي مش خدعك انتوا الاتنين سمحتوا بشئ وعليكم تحمله .. لكن ولا انتي خدعتيه ولا هوا خدعك ..
بس يا احمد اصلا ف لعب بالمشاعر وانت هتعرف منين اذا كان اللى قدامك بيكدب عليك ولا لأ
ماهو مش شرط ميتكلمش بس ممكن يفضل معشك دور البراءة والملاك والى اخره انه يحسسك بالحب فعلا
بس طلع مجرد وقت بيتسلى بيه
اصل كلها شاشات انت ممكن متلمسش شعور اللى قدامك صح منها
فاهمنى؟
اممممممممممممم
انا بدات اتعب من الكتابة
زى مانتو عارفين انا بتخنق بسرعة
وانا عينى وجعتنى من القراية :redface:
شكرا ع الموضوع مرة تانة
KHALOOOD 17-04-2009, 06:05 PM يعنى انا مشفتكش بس حبيتك
اكيد قصدك عليا :d
والله يا مان انا من الناس اللى مقتنعه بحب النت دا تماما
ومش شرط انى اشوف الشخص اطلاقا واحبه
لما اعرف شخصيته
يعنى عندك مثلا بامانه انا مش شخصيه تتحب:d:d
بس هقولك حاجه
برده رؤيه الشخص بيبقى ليها دور انا مش عايز انكر دى
يعنى زى ما بيقولوا كدا هشوف هحبه لله فى لله ولا لا
بس انا حبيته قبل ما اشوفه ما بالك بقى لما اشوفه
عمتا فى كلام كتير المفروض يتقال فى الموضوع دا
اعذرنى انا مش مركز دلوقتى يا محمد
يالا فى رعايه الله
أسيل رزق 17-04-2009, 07:33 PM لامؤخذة يا جماعة
عايزة أرخم على زينب وأصححلها معلومة علشان هى غلطت فى العلم بتاعى
خنقتنى بالفلسفة :frown:
حضرتك دى مش فلسفة دا علم نفس بعيد عنك وعجبتنى الحته دى أوى
( أصلى بحب التحليل النفسى بعيد عن القارئيين :d)
مناقشة سعيدة عليكم بإذن الله
محمد.فوكس 17-04-2009, 08:08 PM ببساطه الحب ده بيجى فى ثانيه
بتشوف حد لاول مره وبتحبه ساعتها مش بتقول لا انا هستنى لما اشوف شخصيته الاول ،
اسمحيلي اختلف معاكي في الحتة دي .. انا شايف ان مفيش حاجة اسمها حب من اول نظرة
مينفعش حد يحب حد من غير ما يعرف شخصيته..اللي من اول نظرة ده ممكنيبقى اعجاب و مش كامل كمان
اي حب بدأ باعجاب ولكن مش كل اعجاب تطور لحب
JusT DreaM 17-04-2009, 08:12 PM عارف يامحمد اني داخلة مخصوص عشان ارد ف موضوعك ده
وربنا كانت هتحصلي حاجة لو مش دخلت بس الحمد لله دخلت :d
بس الاول مش كان في قانون بيمنع .......
ولا بلاش رخامة ياايمي الموضوع فيه اتنين اداريين ومشرفتين العام
يبقى اكيد الكانون اتلغى
كويس كويس :d
ندخل بقى ع التقيل وهتكلم بجد بس بعد ماسمع اني اغرق اني اغرق
اصلي بحبها اوي الاغنية دي من غير ماسمعها
هي بتاعت مين صحيح :d
والله عاوزة اعرف تقريبا حولم :d
اولا
لما بتيجو تتكلمو عن الحب ع النت ليه دايما نحصر الحب ف العلاقة بين الود والبنت بس
كلمة حب يعني ولد وبنت مفيش اخوات
ده انا لما كنت بسمع حد بيقول حب زمان وانا صغيرة كنت بفتكره بيقول حاجة عيب :d
يلا
اما مثلا لو حبيت شخصية شخص ما دا انا بسمية اعجاب
وهو الشخص ايه غير شخصية يعني مثلا الولد هيحب شخصية البنت وهو مفكر ان عنيها خضرا تطلع سودا يكرهها :d
واصلا حب النت بيكون حب لشخصيات
بس المشكلة بقى ف حته الشخصية ف النت
كل انسان شخصيته ف النت مش 100% شخصيته الحقيقة مهما كان طبيعي
يعني مثلا وفرض بعيد لو ولد وبنت حبو بعض ف النت والموضوع كمل وخلاص هيتجوزو
يلاقي نفسه اتجوز شخصية تاني غير اللي حبها
مش لازم يكونو بيكدبو ع بعض
في حاجات ف النت مش بالضرورة تبان
لاننا مش بنحتاجها
يعني مثلا واحده مهملة او واحد مهمل ف شكله ولبسه وهكذا
كسلان مثلا
كمان كل واح بيتكلم عن نفسه بالصورة الي هو شايف بيها
مش بوجهه نظر الناس
انت لو كلمت حد ف الميل وكلمته ع التليفون هتلاحظ اختلاف ف حاجات كتير
ودي انا لاحظتها كتير هنا
حاجات ضروروية مش هنقدر نعرفها عن طريق النت
ايه كمان
بالنسبة لشعور الحب بقى
انا زمان كنت بقول ان الاحساس ده نفسه حرام
بس اعتقد ان شعورنا مش بأدينا
يعني ميلك للشخص ده حاجة مش باايديك
المشكلة انك تعيش الحب ده
ده الحرام
مش عارفة اقول ايه كمان
بس بجد لو الحب ده صداقة واخوة ومش لازم يكون بين ولد وبنت
يبقى اجمل حاجة حب النت
احسن من العادي كمان
انما اني اربط مستقبلي ب (شاشة وكيبورد)
معتقدش انها حاجة منطقيه
اني افتح الميل مثلا عشان اشوفلي كلمتين حلوين
ومعرفش اللي قدامي صادق ولا لاء
بردو ف الاخر بقول
ممكن يكون في حاجة اسمها حب وفي حاجة اسمها حب النت
ودي ممكن تبقى حاجة جميلة
بس لو اتنقل للواقع بسرعة يعني جواز وكده
غير كد يبقى لعب اعيال وكلام مراهقين وتضييع وقت وحسنات
وانا مش مقتنعة بالحب ده اصلا من اوله لاخره غير بعد الجواز
او الحب المؤدي للجواز بس
للاسف كان عندي كلام كتير جدا ف الحكاية دي امبارح بس نصه وقع مني:confused:
مش مشكة تقريبا دي الحاجات الاساسية اللي عاوزة اقولها
عاوزة اني اغرق اني اغرق بقى :d
ثانكس يامحمد
ومبروك ع الموضوع اللي مش ......:d
هو حلمي عمل ايه صحيح:redface:
MoHaMeD ELsHeRbEnY 17-04-2009, 08:25 PM هههههههههههههههه
مين الى هيرد على الردود دى كلها
وخصوصا احمد رضا
بجد بجد كل شوية ادخل اقرا حتة واطلع من رد احمد رضا
والله رد تمام
يلا هنرد على الكل ان شاء الله باليل
هعلق بس على جزء
بس الاول مش كان في قانون بيمنع ....... ( مواضيع عن الحب )
لا عمر ما كان فية قانون بيمنع مواضيع الحب الا اذا كانت مخلة بالاداب لا سمح الله
وغير كدة وكدة الوحيد الى كان بينفذ القانون دة من دماغة
الله يمسية بالخير بقى
محمد السادات
تومام يا حاجة ايمان
منورين كلكم والله العظيم
هرد ان شاء الله باليل على رد رد
فى رعاية الله
Amethyst 18-04-2009, 12:50 AM .. و لا بداية و لا نهاية ..
.. و حب نت ايه ..
.. رأيي أنا بقى إن لا يوجد شيء يسمى صداقة على النت ..
.. يللا ..
.. مناقشة سعيدة ..
بس الاول مش كان في قانون بيمنع .......
.. القانون الله يرحمه ..
.. أكله الذئب ..
.. كان راجل طيب و الله ..
*ـــ*ـــ*ـــ*ـــ*
.. شكراً يا أستاذ لورد على الموضوعــ ..
http://www.thanwya.com/vb/life/icons/icon_music.gif
Travel 18-04-2009, 02:24 PM لامؤخذة يا جماعة
عايزة أرخم على زينب وأصححلها معلومة علشان هى غلطت فى العلم بتاعى
لا ده علم منيل بمليون ....... :d
حضرتك دى مش فلسفة دا علم نفس بعيد عنك وعجبتنى الحته دى أوى
( أصلى بحب التحليل النفسى بعيد عن القارئيين :d)
مناقشة سعيدة عليكم بإذن الله
بسسسسس
ده بجد حاجة شلل
كل ما اجى افسم الانا والانا الاعلى واسمه ايه التالت
تقريبا الهو
لالالالا
ياساااااتر
ربنا يشفيكوا من المرض ده
مناقشة سعيدة
ناسف ع المقاطعة :)
Free Mind 19-04-2009, 12:17 AM الله الله الله
انا محروج ارد على الموضوع
بعامل كل الموجودين على الموقع زى اخواتى بالظبط سواء بنات او صبيان
وليهم كلهم غلاوة ومش احب حد يزعلهم لانى فى الحقيقة انطوائى ومش بكلم حد
مش بلاقى اللى بيحبونى واحبهم
الا على النت للاسف ):
الناس الحقيقين دائما بيخونوا وغيبة ونميمة ومش بيحبوك الا علشان المصلحة
وممكن برضه الناس اللى على النت اللى فاكر انى بحبهم
فالحقيقة ممكن مش يكونو ابيحبونى اصلا
بس مش عايز حد انا اتخنقت من الدنيا
كفاية انى بحب ربنا ورسوله
بكتب وانا عندى احباط من كل اللى فى الدنيا وخايف ان اللى بحبهم يكونوا مش كويسين مش اقصد حد معين
لكن انا معرفش شخصية حد ممكن يبقى بيغنى عليا وهو بيتمنا لى مثلا مثلا مثلا ان الاشراف على الغرفة يروح منى
او لو بجاوب كويس يتمنى انى مش اجاوب
انا عمرى ما احب الشر لاحد واللى اتعامل معايا وعرف شخصيتى
يعرف ان الصواف بيعطى بس
بس توبيك اكتر من رائع يا محمد تسلم الايادى
ليس الحب ان تبقى مع من تحب - ولكن الحب ان تثق انك فى قلب من تحب
nothing 19-04-2009, 02:06 AM موضوعك حلو اوى يا محمد
بس مش عارف ليه مش عايزه اعلق ليه عليه
alinada44 19-04-2009, 11:11 AM بسم الله الرحمن الرحيم
انا اعترف بحب النت
لانى الحمد للة بجد مدمن نت مبعرفشى انام الى ما افتح النت والله
ومش عارف اعمل اية وشكرا ليك يا لورد على الموضوع الجميل دا
|