مشاهدة النسخة كاملة : انتظروا قريبا محاكمة صوت الحق.....
eyes_smile 16-04-2009, 05:33 PM السلام عليكم ورحمة الله وبركاته
سنقدم لكم موضوعا جريئا عن الاستاذ صوت الحق فى اسلوب محاكمة جريئه من خلال
طرح اسئله هامه جدا فى شتى شئون الحياه وننتظر من سيادته الصدق كل الصدق فى الرد على ممثل النيابه
وسيكون هنام محاميا قديرا للدفاع عنه
وسيتم تشكيل محكمه من
قاضى وعضو يمين وعضو يسار وممثل للادعاء وشهود نفى واثبات وحاجب المحكمه
وسيتم اختيارهم من اعضاء المنتدى
المحاكمة تشمل 40 سؤال جادا فى شتى مجالات الحياه
ونتمنى ان يحوز هذا الموضوع اعجابكم ونجد تفاعل من اعضاء المنتدى
ومن يوافق على هذه المحكمه يتفضل برفع يده ..(قصدى بابداء رايه)هههههههههه
ولكم منى جزيل الشكر والتقدير
استودعكم الله
super hero 1991 16-04-2009, 05:44 PM موافق طبعا
Sherif Elkhodary 16-04-2009, 06:26 PM اعتقد لو حضرته بقا في كرسي الاعتراف هتبقي احلي ولا ايه
thechampion 16-04-2009, 07:11 PM طبعا ودى عايزة كلام
موافق جدااااااااااااا
فكرة روعة
بس حقوق النشر عتكون لقناة ايه
وايه العروض
هههههههههه بهزر
موضوع رائع ومش جديد ان حضرتك تعمل كده
eyes_smile 16-04-2009, 09:01 PM موافق طبعا
طيب تمام اول حد يوافق
شكرا لمشاركتك
eyes_smile 16-04-2009, 09:04 PM اعتقد لو حضرته بقا في كرسي الاعتراف هتبقي احلي ولا ايه
مش ينفع يبقى فى كرسى الاعتراف لان ده حاجه وكرسى الاعتراف حاجه تانيه خالص
ده محددين فيه عناصر معينه واسئله معينه وكل عضو محددين نحاكمه ممكن تمتد محاكمته شهر
يعنى الموضوع متوسع كتير عن كرسى الاعتراف
فاعتقد يكون موضوع مستقل احسن
يارب تكون فهمت وجهة نظرى
وشكرا ليك على المشاركه بقيت معانا خلاص
eyes_smile 16-04-2009, 09:06 PM طبعا ودى عايزة كلام
موافق جدااااااااااااا
فكرة روعة
بس حقوق النشر عتكون لقناة ايه
وايه العروض
هههههههههه بهزر
موضوع رائع ومش جديد ان حضرتك تعمل كده
هههههههههههههه
ربنا يكرمك يارب
وان شاء الله اكون عند حسن ظنكم دايما واقدم مواضيع احسن واحسن
يلا عايزين موافقات كتير علشان نبدأ
انا مش عايزة ابدأ فى حاجه غير لما الاقى ناس كتير موافقه وتشجعنى
صوت الحق 16-04-2009, 09:29 PM موافق باذن الله على شرط استعين بالمحامى الخاص بى
ولعلمك انا كل كلامى الصدق حتى فى حياتى العملية والاسرية
ممكن اعرف ممثل النيابة والقاضى
ياريت تحدد الموعد وترسل لى رسالة لكى اكون على علم فقط
omer yousfe 16-04-2009, 09:45 PM انا المحامى
لان غلوتك ياستاذ عصام عندى بالدنيا كها
وبعدين انا اطول ابقى محاميك
ومش هنختلف فى الاتعاب
ههههههههههههه
مستر احمد يحيى 16-04-2009, 10:36 PM انا القاضى اية رايك
eyes_smile 17-04-2009, 12:39 AM موافق باذن الله على شرط استعين بالمحامى الخاص بى
ولعلمك انا كل كلامى الصدق حتى فى حياتى العملية والاسرية
ممكن اعرف ممثل النيابة والقاضى
ياريت تحدد الموعد وترسل لى رسالة لكى اكون على علم فقط
اولا شكرا جدا جدا على الموافقه
واكيد الموضوع هينور علشان حضرتك اللى هتبقى المتهم (حضرة المتهم ابى )ههههههههههههه
بس المحاكمه فى صورة كوميديه ولكن الاسئله فى منتهى الواقعيه وتحتاج الى ترتيب افكارك جيدا
ومن حقك اختيار المحامى الذى يناسبك واذا لم تجده لارتفاع اتعاب المحامين الايام دى ههههههههههه
يبقى المحكمه من حقها انتداب محامى مجانى للدفاع عنك ههههههههه
القاضى هيبقى : الاستاذ احمد يحيى
عضو اليمين : leprince
عضو اليسار : نجم المشاعر
ممثل النيابه : Eyes_smile (مش علشان حاجه والله بس بصفتى انا اللى هوجه الاسئله)
لما نشوف بقى هترد ازاى ....هههههههههه
حاجب المحكمه : RAMOS
شاهد النفى : متروكه لصوت الحق
شاهد الاثبات : Khaloood
ده تشكيل المحكمه
لو فيه اى اعتراض ياريت تبلغنى
ستبدأ المحاكمه يوم السبت الموافق 18/4/2009
(حضر بقى اوراقك ومستنداتك علشان تعرف تواجه النيابه...هههههههههه)
أحمـدنجـم 17-04-2009, 12:39 AM موافق بإذن الله
المجاهد فى سبيل الله 17-04-2009, 03:53 PM السلام عليكم
وانا عندى قضيه فى حق صوت الحق
يعنى انا كمان منتظر المحاكمه دى
وربنا يستر ومنتوقفش فيها
KHALOOOD 17-04-2009, 06:00 PM انتظر دهاء خالووود استاذ عصام
eyes_smile 18-04-2009, 01:00 AM اليوم السبت الموافق 18/4/2009
سيتم بدء المحاكمه باجراءات الجلسله الاولى للمتهم صوت الحق
عليه الحضور مع محاميه ومع باقى اعضاء المحكمه فى تمام الساعه العاشرة مساءا
للنظر فى هذه القضيه ومواجهة وكيل النائب العام
ملحوظه:
اذا لم يأتى المتهم صوت الحق بمحاميه ستقوم المحكمه باستدعاء احد المحامين للدفاع عنه مجانا بدون اتعاب
(وهنعتبره مش قادر يدفع الاتعاب) هههههههههههه
eyes_smile 18-04-2009, 01:10 AM اولا شكرا جدا جدا على الموافقه
واكيد الموضوع هينور علشان حضرتك اللى هتبقى المتهم (حضرة المتهم ابى )ههههههههههههه
بس المحاكمه فى صورة كوميديه ولكن الاسئله فى منتهى الواقعيه وتحتاج الى ترتيب افكارك جيدا
ومن حقك اختيار المحامى الذى يناسبك واذا لم تجده لارتفاع اتعاب المحامين الايام دى ههههههههههه
يبقى المحكمه من حقها انتداب محامى مجانى للدفاع عنك ههههههههه
القاضى هيبقى : الاستاذ احمد يحيى
عضو اليمين : leprince
عضو اليسار : نجم المشاعر
ممثل النيابه : eyes_smile (مش علشان حاجه والله بس بصفتى انا اللى هوجه الاسئله)
لما نشوف بقى هترد ازاى ....هههههههههه
حاجب المحكمه : ramooos
شاهد النفى : احمد رضا
شاهد الاثبات : khaloood
المحــــــــــامـى: متروك لصوت الحق مؤقتا
ده تشكيل المحكمه
لو فيه اى اعتراض ياريت تبلغنى
ستبدأ المحاكمه يوم السبت الموافق 18/4/2009
(حضر بقى اوراقك ومستنداتك علشان تعرف تواجه النيابه...هههههههههه)
كده المحكمه بقت تمام ماعدا
المحامى حسب المتهم بقى هههههههههههه
eyes_smile 18-04-2009, 01:33 AM كل من له قضايا او اسئله عند صوت الحق
يرسلها لى فى رساله خاصه
حيث ستقوم النيابه بعرضها على هيئة المحكمه
ويقوم صوت الحق بالدفاع عن نفسه
احمد رضا 18-04-2009, 09:46 AM ههههههههههه فكرة جميلة
بس شاهد نفي يعني اعمل ايه
معلش اصلي جاهل بالمسائل دي
او بمعني اصح عايز اشوف انا هعمل ايه بالتفصيل وبستعبط
:d
شكرا يا ابتسامة العيون
eyes_smile 18-04-2009, 05:22 PM حضرتك مش هتعمل اى حاجه
انا اللى هاعمل كل حاجه
وحضرتك هتشوف انت هتعمل ايه فى السناريو بتاع المحكمه ان شاء الله
وتعلق عليه بس من غير ماتجاوب على الاسئله علشان دى بتبقى موجهه للمتهم (صوت الحق)
بس هقول لحضرتك برده على وظيفة شاهد النفى
ده دايما بيبقى مع المتهم وبيحاول ينفى التهمه
ان شاء الله النهارده هيتم وضع الاسئله بتاعة الجلسه الاولى الساعه 10 بالليل
وشكرا جدا لحضرتك على الموافقه
eyes_smile 18-04-2009, 10:26 PM وقائع الجلسه الاولى
انه فى يوم السبت الموافقه 18/4/2009
تم افتتاح الجلسه الاولى فى محكمة بوابة الثانويه العامه
_ المحكمه مكتظه بالمتهمين واقاربهم يجلسون بجوار بعضهم البعض
الحاجب (RAMoOoٍSٍٍ : ينطق بصوت اجش ويقول :
محكـــــــــــــــــــمة
يرتعد كل من فى القاعه ويهموا واقفين
ويدخل اعضاء هيئة المحكمه يتقدمهم المستشار احمد يحيى قاضى
المحكمه يرتدى عباءة بيضاء بخطين حمر
ثم يتبعه عضو اليمين المستشار leprince
يرتدى عباءة حمراء ومعه عضو اليسار المستشار نجم المشاعر
يرتدى عباءة برتقالى
وبعد فترة صمت يجلس الحاضرون
الاستاذ احمد يحيى : نادى على القضيه رقم 1
RAMoOoS : المتهم شريف الخضرى بالقضيه رقم 510 لسنة 1953
محكمة بوابة الثانويه العامه
ويرد المتهم شريف الخضرى بصوت مرتفع : موجود يا افندم .
ويقترب من المنصه
المستشار احمد يحيى : انت اهلاوى ولا زمالكاوى ...؟
فيرد المتهم شريف الخضرى : زملكاوى يا بيه طول عمرى
يلتفت المستشار احمد يحيى ليشاور عضوى اليمين واليسار
ويقول لهم : جمهور الزمالك غلبان كفاية عليهم بنى عبيد
وينطق المستشار احمد يحيى : حكمت المحكمه حضوريا على المتهم شريف الخضرى
بــــــــالبــــــــــــراءة
وتنطلق الزغاريد فى المحكمه وتوزع الحلوى على الحاضرين
ويردد الحاضرين يا زمالك يامدرسه لعب وفن وهندسه
RAMoOoS : المتهم الثانى MAHMOUD_TAHA
المتهم بالقضيه رقم 320 لسنة 1963
المستشار احمد يحيى : انت اهلاوى ولا زمالكاوى ...؟
MAHMOUD_TAHA : يرد مرتعدا من الخوف اهلاوى يابيه ابا عن جد
يشاور المستشار احمد يحيى عضوى اليمين واليسار
يقول لهم : جمهور الاهلى كتير اوى كفايه عليهم بناقص واحد
وينطق المستشار احمد يحيى : حكمت المحكمة حضوريا على المتهم الاهلاوى
MAHMOUD_TAHA
بالاعدام شنقا فى ميدان عام
ويتعالى صراخ اهالى المتهم الاهلاوى تملأ ارجاء المحكمه
ويرددون وهم يبكون الاهلى حديد الاهلى حديد
eyes_smile 18-04-2009, 10:34 PM RAMoOoS : المتهم الثالث مستر جمال سراج بالقضية رقم 710 لسنة 1982
المستشار احمد يحيى : اهلاوى ولا زملكاوى اخلص ... ؟
مستر جمال سراج : كنت زملكاوى لحد واقعة بنى عبيد بقيت اسماعيلى
المستشار احمد يحيى : هو مفيش الا بنى عبيد ؟
طيب ماهو الاهلى اتغلب من بترول اسيوط
وينظر الى عضوى اليمين واليسار
ويقول لهم : ده راجل ملهوش مبدأ ومش ثابت على كلام
الاستاذ احمد يحيى : حكمت المحكمة حضوريا على المتهم جمال سراج بسنه حبس مع التفيذ
يندم المتهم جمال سراج على انه ترك الزمالك وشجع الاسماعيلى
RAMoOoS : المتهم الرابع صوت الحق المتهم بالقضيه رقم 823 لسنة 1983
ويطلب المستشار احمد يحيى من وكيلة النيابه Eyes_smile
توجيه الاسئله الى المتهم صـــــوت الحــــــــق
وتقف Eyes_smile ممثلة الادعاء العام وتقول : حضرات المستشارين :
ان المتهم الماثل امامكم ليس امامه الا احد الخيارين
الاول
انا يجيب على كل اسئلتى بالحق والصدق
الثانى
ان يجيب بالحق والصدق على كل اسئلتى
eyes_smile 18-04-2009, 10:43 PM وتوجه Eyes_smile نظرها الى قفص
الاتهام الموجود به المتهم صوت الحق وتقول :
_ السؤال الاول
ماذا تقول فى كلمة واحده لكل من :
1_ شارون
2_ جورج بوش
3_ صدام حسين
4_اوباما
5_ هيفاء وهبى
6_ نانسى عجرم
يعترض المحامى المنتدب صوت الحق على هذا السؤال
الطويل ويقول لهيئة المحكمه :
انا احتج على هذا السؤال ويجب حذفه من مضبطة المحكمه
Eyes_smile : الاسئلة واضحة يا زميلى الفاضل ولا تحتاج الى
الاسراف فى الكلام ...
اريد كلمة واحده يوجهها المتهم الى هذه الشخصيات
المستشار احمد يحيى : الاعتراض غير مقبول يا استاذ
وتستمر Eyes_smile فى توجيه الاسئله
_________________________________________
السؤال التانى
النظام ده نظام فاشل .. جربوا فيه كل القوانين ومفيش فايده
_ ماهذا النظام الفاشل من وجهة نظرك؟
وماهى القوانين التى اتخذت ؟ ولما انعدمت فائدتها؟
محامى المتهم يقول :
سيدى القاضى السؤال به غموض ولا نعرف ماذا تقصد النيابه
Eyes_smile : سؤالى واضح والمتهم يعلم جيدا ان هناك اشياء كثيره فاشله
فى كل بلاد العالم وانا اسأله اى نظام فاشل فى نظره
المستشار احمد يحيى : السؤال يحتاج الى ذكاء شديد من المتهم
وتتوالى الاسئله
__________________________________
السؤال الثالث
لمن تقول هذه الكلمات
1_ اسألك الرحيل
2_ كل ده كان ليه
3_انت سبب كل مشاكل الكره الارضيه
4_ انا بستناك
5_مسير الشمس من تانى
6_انا من ضيع فى الاوهام عمره
_________________________________
السؤال الرابع
كان اقرب الناس لى .. ولكنه لا يستحق حتى عطفى عليه لفعلته الشنعاء معى
_ من هو هذا الشخص ؟ ولماذا لايستحق حتى عطفك ؟ وماذا فعل معاك؟
_________________________________________
السؤال الخامس
نعم .. بكيت ذات مره من اعماقى ولا انساها ..... وابتسمت مرة اخرى من صميم قلبى
_ متى بكيت من اعماقك ومتى ابتسمت من صميم قلبك؟
eyes_smile 18-04-2009, 10:48 PM السؤال السادس
لا .. نعم .. لا .. نعم .. مش عارف ...!!!
_لم هذا التردد ؟ وفى اى شئ انت متردد؟
__________________________________________
السؤال السابع
ماهى القرار الذى اتخذته وندمت عليه ولن تكرره
لو عاد بك الزمن الى الوراء؟
__________________________________________
السؤال الثامن
الاوضاع المعكوسه موجوده فى جميع المجتمعات
_اذكر وضعا معكوسا حدث .. وكيف يتم علاجه؟
____________________________________
السؤال التاسع
اختر الاجابه الصحيحه من بين الاقواس
1_كل الصفات الموجوده متوفره فى شخصى ماعدا ( الصدق _ العدل _ الشجاعه _ القوة )
2_ افضل فترات حياتى ( الطفوله _ الصبا _ الشباب _ الكهوله)
3_فعلا ندمت على ( الكذب_ النفاق _ الغش _ اللامبالاه )
4_شخص اتمنى لو كنت فى زمانه ( الشعراوى _ احمد عرابى _ الفراعنه _ الرومان)
5_افضل شخص فى حياتى ( زوجتى _ امى _ اختى _ ابنتى )
6_افضل اغنية فى حياتى ( لا تكذبى _ البانجو مش بتاعى _ المحكمه _ ياظالمنى)
___________________________________
الـسؤال العاشر
على استعداد ان احطم كل القيود للوصول الى هذا الهدف
_ماهو هذا الهدف؟ ولماذا الاصرار على تحقيقه؟
وهنا شعر المستشار احمد يحيى بالارهاق وحاجته للتدخين فرفع الجلسه للاستراحه
__________________________________
RAMoOoS
محــــــــــــكمـــــــــــــــة
____________________________
على ان تعود الجلسه الى الانعقاد يوم السبت القادم 25/4/2009
وفى انتظار اجابة المتهم صوت الحق على الاسئله السابقه
Sherif Elkhodary 19-04-2009, 12:08 AM هههههههههههههههههههههههههههههههههههههههه ايه ده اسمي منور الموضوع ايه الموضوع ده
KHALOOOD 19-04-2009, 02:00 AM هههههههههههههههههههههههههههههههههههههههههه
والله شويه اسئله زى العسل
وانا اللى هتعب فى الموضوع دا والله
انا مش عارف هثبت التهم على استاذ عصام ازاى بس هحاول اكيد
eyes_smile 19-04-2009, 04:02 AM تابعونا فى المحكمه
وشوفوا صوت الحق هيجاوب على الاسئله ازاى
علشان ان شاء الله كلنا هنستفيد منها
باقى جلستان كل جلسه فيها حوالى 10 اسئله زى دى كده
واكيد السناريو هيبقى مختلف استكمالا للجلسه الاولى
ميعاد الجلسه التانيه يوم السبت القادم بعد ان يجيب الاستاذ عصام على كل الاسئله
وكمان لحد ما المستشار احمد يحيى يخلص سيجارته
شكله هيشرب علبه بحالها لا علبة ايه دول هيبقوا علب ههههههههههههههه
صوت الحق 19-04-2009, 12:25 PM أولا اعتذر عن التاخير
لاننى لم اعلم بالموعد
الا الان عن طريق القاضى
وعن طريق الموبيل
ولى سؤال مش
المفروض المحاكمة على الهواء
ولا اجاوب الان
الافضل تكون على الهواء
لكى تكون اكثر اثارة وتشويق
ومنتظر رئيكم فى هذا وياريت
يتم تبليغى من القاضى
فور انعقاد الجلة
ربنا يسهل وأنفد من بين
أيديكم سليم
يا شباب البوابة يا بنات صوت الحق
ساعدو بابا فى هذه المحاكمة
بتجهيز كل الاسلحة
والوقوف امام باب المحكمة لكى
تنجدو بابا
ولابد من خروجة معكم
باذن الله
حتى لو ......
حاضر وجالس فى قفص
الاتهام
منتظر
هيئة المحكمة
eyes_smile 19-04-2009, 04:06 PM اخيرا حضرتك رديت
انا كنت كاتبه ميعاد الجلسه وقلت انها يوم السبت الساعه 10
بس الظاهر حضرتك مش اخدت بالك
عالعموم حصل خير
بالنسبة لموضوع المحاكمه على الهوا ... هو مش هينفع فى الوقت الحالى
لاننا مش هنقدر نتجمع فى وقت واحد ونبقى كلنا اون لاين
فالحكايه دى يستحسن تكون فى الاجازة ...
دلوقتى المطلوب من حضرتك الاجابه على الاسئله
قبل ميعاد الجلسه التانيه يوم السبت القادم
او بعد ما حضرتك تخلص الاجابات كلها ان شاء الله
هههههههههههههههههه
استنجد بشباب البوابه بقى
المهم تجاوب على الاسئله والا القضاء هياخد مجراه .....هههههههه
هيئة المحكمه مستنيه الاجابات (يلا ورينا بقى هتجاوب ازاى على الاسئله)
eyes_smile 19-04-2009, 04:15 PM اه صحيح
استاذ عصام مش تنسى توكل محامى علشان الجلسه اللى جايه
او تقول مش قادر على الاتعاب علشان نوكل محامى مجانا هههههه
..Just Stop 19-04-2009, 04:32 PM ههههههه
جامد الموضوع ده
هو فين الاستاذ عصام علشان يجاوب على الاسألة والا هيبقا الحكم غيابى
ونا ههرب من حكم الاعدام لانى هظبط ظابط الشرطة هخليه يشنق حد بدالى ههه
تسجيل متابعة
دمتم فى رعاية الله
صوت الحق 19-04-2009, 04:34 PM [quote=eyes_smile;1177580]وتوجه eyes_smile نظرها الى قفص
الاتهام الموجود به المتهم صوت الحق وتقول :
_ السؤال الاول
ماذا تقول فى كلمة واحده لكل من :
1_ شارون
سفاح
2_ جورج بوش
أفاق
3_ صدام حسين
أسد
4_اوباما
مثل
5_ هيفاء وهبى
متعرية
6_ نانسى عجرم
زيها
يعترض المحامى المنتدب صوت الحق على هذا السؤال
الطويل ويقول لهيئة المحكمه :
انا احتج على هذا السؤال ويجب حذفه من مضبطة المحكمه
eyes_smile : الاسئلة واضحة يا زميلى الفاضل ولا تحتاج الى
الاسراف فى الكلام ...
اريد كلمة واحده يوجهها المتهم الى هذه الشخصيات
المستشار احمد يحيى : الاعتراض غير مقبول يا استاذ
وتستمر eyes_smile فى توجيه الاسئله
_________________________________________
السؤال التانى
النظام ده نظام فاشل .. جربوا فيه كل القوانين ومفيش فايده
_ ماهذا النظام الفاشل من وجهة نظرك؟
المصرى
وماهى القوانين التى اتخذت ؟ ولما انعدمت فائدتها؟
كل القوانين
محامى المتهم يقول :
سيدى القاضى السؤال به غموض ولا نعرف ماذا تقصد النيابه
eyes_smile : سؤالى واضح والمتهم يعلم جيدا ان هناك اشياء كثيره فاشله
فى كل بلاد العالم وانا اسأله اى نظام فاشل فى نظره
المستشار احمد يحيى : السؤال يحتاج الى ذكاء شديد من المتهم
وتتوالى الاسئله
__________________________________
السؤال الثالث
لمن تقول هذه الكلمات
1_ اسألك الرحيل
الشر
2_ كل ده كان ليه
ههههههههههه
3_انت سبب كل مشاكل الكره الارضيه
امريكا
4_ انا بستناك
الاجل
5_مسير الشمس من تانى
قل للزمان
6_انا من ضيع فى الاوهام عمره
هو عترف نفسه
_________________________________
السؤال الرابع
كان اقرب الناس لى .. ولكنه لا يستحق حتى عطفى عليه لفعلته الشنعاء معى
_ من هو هذا الشخص ؟ ولماذا لايستحق حتى عطفك ؟ وماذا فعل معاك؟
الخائن
_________________________________________
السؤال الخامس
نعم .. بكيت ذات مره من اعماقى ولا انساها ..... وابتسمت مرة اخرى من صميم قلبى
_ متى بكيت من اعماقك ومتى ابتسمت من صميم قلبك؟
لأول مرة ابكى فى حياتى يوم وفاة الحاج محمد أخى منذ ثلاث شهور ونحن نصلى الظهر ولم امسك نفسى وكانت أول مرة ابكى فيها فى حياتى مع الرغم وافة شقيقى الاصغر وامى وابى وناس كثيرة امامى والحمد لله غسلتهم وكفنتهم ودفتهم بيدى ولم ابكى الا مع الحاج محمد اخى الاكبر لانه له معزه خاصة جدا وتوفى على عيدى فى المستشفى وكان رفيقى فى رحلة الغربة خارج الوطن منذ اكثر من 26 سنة
كثير على السائين و تسرع الناس واستعجالهم وهم يصنون بهذا التسرع والسرعة سوف يصل بدرى وفى النهية لا يصل الى ما يردي بهذه السرعة
ملحوظة على المشرفين تعديل الردود لو بها خطاء لانى مش عارف اكتب واعدل الردود وأجعل ردودى بلون مخالف وتصحيح اى خطأ او بعد تعديل الجهاز سوف امر على الموضوع
thechampion 19-04-2009, 04:53 PM هل يمكننا الرد والمشاركة فى الموضوع
مجرد سوال
eyes_smile 19-04-2009, 05:00 PM اكيد طبعا ممكن تشارك بالتعليق على المحكمه
thechampion 19-04-2009, 05:07 PM طالما تم السماح بالرد
اولا احب احييكى على الموضوع
ثانيا الاسئلة التى لو تجمع المنتدى كله لمساعدة الاستاذ عصام لن يستطيعو مساعدته
ليس لصعوبة الاسئلة
وانما لخصوصيتها الشديدة
لان الاسئلة بالفعل لايستطيع الاجابة عنها الا الاستاذ عصام فقط
ربنا معاك يا بونا كلنا
thechampion 19-04-2009, 05:11 PM طبعا ياستاذنا حضرتك اجاباتك عجبانى جدا لانها دبلوماسية لانك لم تذكر اشخاص باعينهم
احييك يا استاذ عصام
متابع
جمال سراج 19-04-2009, 11:02 PM RAMoOoS : المتهم الثالث مستر جمال سراج بالقضية رقم 710 لسنة 1982
المستشار احمد يحيى : اهلاوى ولا زملكاوى اخلص ... ؟
مستر جمال سراج : كنت زملكاوى لحد واقعة بنى عبيد بقيت اسماعيلى
المستشار احمد يحيى : هو مفيش الا بنى عبيد ؟
طيب ماهو الاهلى اتغلب من بترول اسيوط
وينظر الى عضوى اليمين واليسار
ويقول لهم : ده راجل ملهوش مبدأ ومش ثابت على كلام
الاستاذ احمد يحيى : حكمت المحكمة حضوريا على المتهم جمال سراج بسنه حبس مع التفيذ
يندم المتهم جمال سراج على انه ترك الزمالك وشجع الاسماعيلى
السلام عليكم ورحمة الله وبركاته
أولا بما انى فى محكمة فسوف أؤدى القسم أولا القسم المعتاد
أقسم بالله العظيم أقول الحق
رغم أنى شخصيا لى تحفظ على استخدام القسم بطريقة عمال على بطال زى ما بيقولوا
لأنى أؤمن بالمثل القائل ( قالوا للحرامى احلف ، قال جالك الفرج)
دى حقيقة وربما بيكون الجانى واضح ومعروف لنا كلنا ومع هذا بيفلت من العقاب بحاجات بسيطة زى القسم مثلا وبسبب حاجات تانية كتيرة !!!!
ويحضرنى قصة للمرأة المخزومية الشريفة يعنى( ذات الشرف والحسب والنسب) باللغة الدارجة
وعندما سرقت هذه المرأة وذهبوا للرسول صلى الله عليه وسلم يسألونه العفو عنها وعدم تطبيق حد السرقة عليها وكان معهم سيدنا أسامة بن زيد رضى الله عنه ، فاذا بالمصطفى صلى الله عليه وسلم يغضب لذلك شديدا ويوجه كلامه لاسامة رضى الله عنه قائلا( ويحك يا أسامة، أتشفع فى حد من حدود الله، وأيم الله لو أن فاطمة بنت محمد سرقت لقطع محمد يدها) أو كما قال صلى الله عليه وسلم
هكذا تكون الأخلاق
بعد القسم أواجه الأسئلة بحول الله
أبدا يابيه عمرى ما كنت متعصب فى حاجات زى كدا ( رغم أنى ميولى أهلاوية) تعرفوا ليه
لأن على مدار حياتى كان فيه عمالقة فى الاهلى زى الخطيب وزيزو وطاهر الشيخ ومصطفى عبده وغيرهم
( أخلاق الدنيا فيهم) يا سلام على اخلاق الخطيب
وايضا فى المقابل كان فيه عمالقة وأخلاق الدنيا فيهم زى حسن شحاته مثلا والخواجة وغيرهم الكتير
بصراحة كانت الرياضة للرياضة مش زى الحاصل الوقتى عند الكتير وسيلة للثراء السريع حتى اذا وصل الحال الى الهرب والتخلى عن المبادىء المعرفة عند الرياضيين بعد الحصول على أفضل الألقاب وأرفع الأوسمة والبطولات !!!!!!!!!
اقتباس : ويقول لهم : ده راجل ملهوش مبدأ ومش ثابت على كلام
طبع القاضى عنده حق خالص ولو مستر جمال عمل كدا يبقى مش يستاهل سنة حبس بس - دى تبقى بسيطة - دا يستاهل مؤبد
لأن الثبات على المبدأ مهم جدا جدا
تخيل ان حضرتك كونت فكرة كويسة عن شخص ما ووثقت به لدرجة ما ثم أخزلك هذا الشخص
ماذا تكون النتيجة؟
قم تتحطم نفسيا - وقد تتعود على الفشل بعد ذلك وتفقد الثقة فى البشر كلها !!!!!
الثبات على المبدأ مهم جدا
تعرفوا ان الثابت على مبدا حتى لو كان هذا المبدأ خاطىء بيبقى عواقب الخطا بسيطة نوعا ما
لانك مش هتفاجىء او تصدم نتيجة رد فعل مش طبيعى
من اجل دا يابيه قررت أن أشجع المنتخب كله!!!!!!!
لا تعصب - لا نفاق - لا كذب - غايتى حب الوطن - كل الوطن بكل من فيه- التفاعل مع الناس كلها لصالح الجميع يعنى افيد واستفيد
أهلى - زمالك - اسماعيلى - محله ( انا من سمنود) بجوار المحلة على طول - مقاولون .................... - كل مصر
وقد يفيدك من هو اقل منك خبرة أو عمرا أو ...............
الشاطر اللى يتعلم بكل الطرق ومن اى حال وميتكبرش
معلشى يا سيادة القاضى طولت عليك وعلى هيئة المحكمة
بس أتمنى تكون وصلت سيادتك للحكم الصحيح
علما بأن الرحمة فوق الحق يا بيه
فى أمان الله
ناجى100 16-05-2009, 12:15 AM ابدأ وممكن نزود فى الاسئله
|