shalwwe
16-04-2009, 10:33 PM
استفسار هام جدا ارجو الرد سريعا بخصوص التحويل للكلية
انا فى معهد عالى علوم ادارية وسمعت ان اللى جايب تقدير جيد جدا فى اول سنتين
طب هل الكلام ده صحيح ولو صحيح طب هل يفرق لو شايل مادة ولا حاجة و ايه الخطوات والاجراءت
افيدونى
بعد ان فشلت محولاتى من فهم اى حاجة من شئون الطلبة بالكلية
vampire1188
17-04-2009, 12:12 AM
بص هوا بكل اختصار ..
انا اللي اعرفه ان انتا عشان تحول من كلية لكلية تانية زيها بس في جامعة تانية
لازم تكون طالع صافي ومش شايل اي مواد (مش شرط جيد)
لو عايز تحول من معهد لكلية تجارة مثلا .. اعتقد ان دا بقي بيخش في دايرة امتحانات المعادلة
بس برده اعتقد انك عشان تخشها لازم تكون جايب تقدير (الله اعلم جيد ولا جيد جدا)
وبرده في نفس الوقت لازم تكون صافي ومش شايل مواد ..
لإن طبيعي مافيش تقدير بيتكتب اصلا اما بتبقي شايل مواد
بالنسبة لإمتحانات المعادلة هيا بتبقي في قبل دخول الدراسة بشوية في شهر 9 كدا ..
والنتيجة بتكون ظاهرة خلال شهر 10 .. والله اعلم بقي
معا ملاحظة ان اذا ربنا ارادلك تخش كلية تجارة .. بتخشها كانتساب مش انتظام
دا بقي شوية كلام كان موجود على موقع جامعة عين شمس :
يتم نقل قيد الطلاب المقيدين بالجامعات الخاصة والمعاهد العليا الخاضعة لإشراف وزارة التعليم العالي, وكذلك قبول الطلاب المفصولين منهم كطلاب منتسبين عن طريق مكتب تنسيق القبول بالجامعات والمعاهد مع إتمام باقي إجراءات القبول بالجامعة عن طريق المكتب المركزي للتحويلات بعد ترشيح مكتب التنسيق لهم.
shalwwe
17-04-2009, 10:45 AM
شكرا جدا ليك يا غالى وان شاء الله ربنا يكرمنى واخش الكلية
shalwwe
17-04-2009, 04:46 PM
بس يريت لو حد يعرف معلومات تفصيلية ادق يقولى واكون شاكر ليه
اياك و الصيدله
22-04-2009, 12:08 AM
طب لو عايز احول من كليه لكليه تانيه خالص بس شايل مواد ينفع؟؟؟؟مع ان مجموعى فى ثانويه عامه 95.5 و الكلام ده السنه اللى فاتت....شكراااا
vampire1188
26-04-2009, 11:36 PM
طب لو عايز احول من كليه لكليه تانيه خالص بس شايل مواد ينفع؟؟؟؟مع ان مجموعى فى ثانويه عامه 95.5 و الكلام ده السنه اللى فاتت....شكراااا
اللي اعرفه ان التحويل لكلية مناظرة بس في جامعة تانية لازم تكون صافي
يعني لو كنت في تجارة عين شمس وعايز تحول لتجارة القاهرة ..
يبقي لازم تطلع صافي في عين شمس وبعد كدا تحول ورقك
وبالتالى غالبا عشان تحول من كلية لكلية تانية لازم تكون صافي .. والله أعلم
بس برده اللي اعرفه ان مجموعك اللي انتا جايبه دا ممكن تخش بيه اي كلية
على حسب تنسيق سنتك انتا مش على تنسيق سنة الثانوية العامة الحالية
فرسان الحق
28-04-2009, 10:38 AM
طب لو عايز احول من كليه لكليه تانيه خالص بس شايل مواد ينفع؟؟؟؟مع ان مجموعى فى ثانويه عامه 95.5 و الكلام ده السنه اللى فاتت....شكراااا
انا متهيالى ان لو انت عاوز تدخل كلية غير عملية زى تجاره و حقوق ينفع تحول عادى لانى اعرف ناس كتير كانوا مدبلرين فى كليات هندجسه و علوم و صيدله و حولوا لتجاره فى الفرقه الاولى معايا
و ربنا يوفقك يا باشا