هنا الفقي
17-04-2009, 10:43 PM
بسم الله
السلام عليكم
بصراحة ماليش نفس ادخل ف مقدمات
عدى عليا برنامج ماكنتش ناوية ابدا اتابعة بس لفت انتباهي وانا بلف ع القنوات
الصور اللي كانت بتتعرض فيه
المذيع دخل منطقة تبع العشوائيات اللي في القاهرة وكلم الناس هناك
المذيع:ازيك يا حجة.
الحجة:الحمدلله الله يسلمك يا بني
المذيع:انتي عايشة مع مين هنا
الحجة:لوحدي .كنت جاية مع الراجل وهو بقى الله يرحمه.
المذيع:وعايشة هنا بقالك كام سنة؟
الحجة:والله يابني ماعرف 55 ولا 60
المذيع:ليكي معاش؟!!
الحجة:ليا خمسين
المذيع خمسين ايه؟؟!!! ((اكيد يعني مش 50،000))
الحجة:خمسين يا بني يعني 10 و10 و10 و10و10
المذيع:وبيعيشوكي؟؟!
الحجة:نعمة وفضل من عند ربنا.
المذيع:وعايشة ف الاوضة دي بحمامها بس؟
الحجة:لا يبني ,,الحمام-أكرمكم الله- اهه (شامل للحي كله طبعا)
المذيع:عندك ميه؟
الحجة:لأ,بملا م المساكن اللي جنبنا هنا .
المذيع:وعندك كهربا؟
الحجة:أيوه عندي كبل اهه.
المذيع:طب ناقصك ايه يا حجة؟
سلامتك يابني...
((مش ناقصها حاجة))
تخيلو .. أبدا مش ناقصها حاجة!!!!!!
طيب بفرض انو عشان هي ست كبيرة ولا يشغلها ما يشغلنا ..
راح كلم واحده تانية
اتولدت ف المنطقة دي واتجوزت فيها وخلفت 3 اولاد فيها وطبعا عش الزوجية عبارة عن أوضة –على نفس الحمام اللي ف الحي- زوجها بيشتغل (أرزاقي) يعني مافيش شغلانة محدده .
وأملها الوحيد انها تعيش في مكان افضل من كده او نفس المكان بس يكون عندها حنفية او حمام مستقل
ليه بقى انا جايبالكم الحوارات دي كلها ؟!!!
الناس دي كلها هما الناس اللي احنا ممكن نشوفهم بيكلمونا بطريقة وحشة ف الشارع او في مكان ما وبعدين نبصلهم من فوق لتحت كده ونقول كلمة من اتنين : بيئة أو تخلف ... –الا من رحم ربي- طبعا المفروض انو مفيش مبرر يخلي حد مايعرفش عنك حاجة يكلمك باسلوب وحش او يستخدم معك لفظ مش ظريف ..
لكن هو ممكن يكون الغلط من عندنا ..صح!!
احنا اللي ادينالهم الفرصة لكده .. ده قد يكون رد فعل طبيعي لإستفزازنا ليهم وان كان عن غير قصد ..
لكن لما يشوفوا حد قدامهم تافه ..الى اي حد كان .. وان كان الحد ده من وجهه نظرهم تافه بزياده ,فلازم يكون ليهم رد فعل ..
وأنا بشوف الناس دي مر عليا شريط لتصرفات كتير كانت تبدو عادية سواء مني او من غيري لكن فعلا كانت لمجرد اننا ما نهتمش بوجودهم ونتصرف التصرفات دي قدامهم يجعلها اساليب استفزازية .
الناس دي مالقتش حد يكلمها ويوعيها – عشان اللي هايقولولي هما اللي ساكتين ع اللي هما فيه ,هما اللي ما اخدوش خطوة ايجابية- هما مالقوش حد يقولهم يعني ايه خطوة ايجابية ..بيباتو يفكرو بكرة هانخلص م اليوم ده ازاي ..هانجيب فلوس الفطار منين ..
ماحدش فهمهم يعني ايه تحدد هدفك ..يعني ايه تتمنى على الاقل مستقبل افضل ..مجرد الامنية دي ماوصلوش ليها.
وان كنا طبعا مش هانعرف نوصلهم او نكلمهم او نساعدهم بطريقة او باخرى ..
فيكفينا بس: ((تبسمك في وجه اخيك صدقة ))
وكمان نقارن بيننا وبينهم
عد النعم اللي انت فيها ويمكن مش حاسس بيها .. وشوف انت حمدت ربك على كام حاجة النهرده ..او حمدته عامة كام مرة ..
ياترى ع البيت اللي انت فيه وفيه ميه ونور ,واللي انت نايم فيه ومش خايف ليقع بيك ,ولا ع المصروف اللي واثق انك هاتصحى الصبح وانت رايح كليتك تلاقيه قدامك ولا الاب والام ولا الصحة ولا...........
خلينا نبطل بقى التفاهة الزياااااااااده اللي عمالين ندخل فيها ونبطل كمان الكلمة اللي اعتقد ان مجرد اننا نوجهها لهم يعد تخلف ((تخلف)) ...
ونفتكر نحمد ربنا
اعتذر طولت عليكم
استغفر الله لي ولكم
والسلام عليكم ورحمة الله وبركاته
السلام عليكم
بصراحة ماليش نفس ادخل ف مقدمات
عدى عليا برنامج ماكنتش ناوية ابدا اتابعة بس لفت انتباهي وانا بلف ع القنوات
الصور اللي كانت بتتعرض فيه
المذيع دخل منطقة تبع العشوائيات اللي في القاهرة وكلم الناس هناك
المذيع:ازيك يا حجة.
الحجة:الحمدلله الله يسلمك يا بني
المذيع:انتي عايشة مع مين هنا
الحجة:لوحدي .كنت جاية مع الراجل وهو بقى الله يرحمه.
المذيع:وعايشة هنا بقالك كام سنة؟
الحجة:والله يابني ماعرف 55 ولا 60
المذيع:ليكي معاش؟!!
الحجة:ليا خمسين
المذيع خمسين ايه؟؟!!! ((اكيد يعني مش 50،000))
الحجة:خمسين يا بني يعني 10 و10 و10 و10و10
المذيع:وبيعيشوكي؟؟!
الحجة:نعمة وفضل من عند ربنا.
المذيع:وعايشة ف الاوضة دي بحمامها بس؟
الحجة:لا يبني ,,الحمام-أكرمكم الله- اهه (شامل للحي كله طبعا)
المذيع:عندك ميه؟
الحجة:لأ,بملا م المساكن اللي جنبنا هنا .
المذيع:وعندك كهربا؟
الحجة:أيوه عندي كبل اهه.
المذيع:طب ناقصك ايه يا حجة؟
سلامتك يابني...
((مش ناقصها حاجة))
تخيلو .. أبدا مش ناقصها حاجة!!!!!!
طيب بفرض انو عشان هي ست كبيرة ولا يشغلها ما يشغلنا ..
راح كلم واحده تانية
اتولدت ف المنطقة دي واتجوزت فيها وخلفت 3 اولاد فيها وطبعا عش الزوجية عبارة عن أوضة –على نفس الحمام اللي ف الحي- زوجها بيشتغل (أرزاقي) يعني مافيش شغلانة محدده .
وأملها الوحيد انها تعيش في مكان افضل من كده او نفس المكان بس يكون عندها حنفية او حمام مستقل
ليه بقى انا جايبالكم الحوارات دي كلها ؟!!!
الناس دي كلها هما الناس اللي احنا ممكن نشوفهم بيكلمونا بطريقة وحشة ف الشارع او في مكان ما وبعدين نبصلهم من فوق لتحت كده ونقول كلمة من اتنين : بيئة أو تخلف ... –الا من رحم ربي- طبعا المفروض انو مفيش مبرر يخلي حد مايعرفش عنك حاجة يكلمك باسلوب وحش او يستخدم معك لفظ مش ظريف ..
لكن هو ممكن يكون الغلط من عندنا ..صح!!
احنا اللي ادينالهم الفرصة لكده .. ده قد يكون رد فعل طبيعي لإستفزازنا ليهم وان كان عن غير قصد ..
لكن لما يشوفوا حد قدامهم تافه ..الى اي حد كان .. وان كان الحد ده من وجهه نظرهم تافه بزياده ,فلازم يكون ليهم رد فعل ..
وأنا بشوف الناس دي مر عليا شريط لتصرفات كتير كانت تبدو عادية سواء مني او من غيري لكن فعلا كانت لمجرد اننا ما نهتمش بوجودهم ونتصرف التصرفات دي قدامهم يجعلها اساليب استفزازية .
الناس دي مالقتش حد يكلمها ويوعيها – عشان اللي هايقولولي هما اللي ساكتين ع اللي هما فيه ,هما اللي ما اخدوش خطوة ايجابية- هما مالقوش حد يقولهم يعني ايه خطوة ايجابية ..بيباتو يفكرو بكرة هانخلص م اليوم ده ازاي ..هانجيب فلوس الفطار منين ..
ماحدش فهمهم يعني ايه تحدد هدفك ..يعني ايه تتمنى على الاقل مستقبل افضل ..مجرد الامنية دي ماوصلوش ليها.
وان كنا طبعا مش هانعرف نوصلهم او نكلمهم او نساعدهم بطريقة او باخرى ..
فيكفينا بس: ((تبسمك في وجه اخيك صدقة ))
وكمان نقارن بيننا وبينهم
عد النعم اللي انت فيها ويمكن مش حاسس بيها .. وشوف انت حمدت ربك على كام حاجة النهرده ..او حمدته عامة كام مرة ..
ياترى ع البيت اللي انت فيه وفيه ميه ونور ,واللي انت نايم فيه ومش خايف ليقع بيك ,ولا ع المصروف اللي واثق انك هاتصحى الصبح وانت رايح كليتك تلاقيه قدامك ولا الاب والام ولا الصحة ولا...........
خلينا نبطل بقى التفاهة الزياااااااااده اللي عمالين ندخل فيها ونبطل كمان الكلمة اللي اعتقد ان مجرد اننا نوجهها لهم يعد تخلف ((تخلف)) ...
ونفتكر نحمد ربنا
اعتذر طولت عليكم
استغفر الله لي ولكم
والسلام عليكم ورحمة الله وبركاته