لماذا نشارك في المنتديات ؟!! [الأرشيف] - بوابة الثانوية العامة المصرية

مشاهدة النسخة كاملة : لماذا نشارك في المنتديات ؟!!

prof.ahmed4d

16-04-2009, 03:39 PM

السلام عليكم جميعا

اهلا وسهلا بكل اخواتى واحبابي في منتدى الثانوية العامة المصرية

انا مش اتكلم كتير العنوان واضح

هل تعتقد ان المنتديات مضيعة للوقت ؟ ام لا ؟

انا بقى عملت الموضوع لان لقيت طلبة كتير بتسيب دروسها ومحاضراتها علشان تكمل موضوع معين عملته في منتدى معين

وانا محددتش منتديات انا اقصد على المنتديات عامة وليس منتدى معين

منتظر راي الجميع

ارجو التفاعل من الجميع

في رعاية الله

wafa2y

16-04-2009, 07:37 PM

prof.ahmed4d

16-04-2009, 11:32 PM

ياعم أحمد الموضوع ده مفروغ منه

أيوة مش بضيع وقت بس
دي بتنسفه
و إنت راجل صاحب منتدي وعارف المسئولية
لما تبقي مشرف أو إداري و الكارثة لو صاحب منتدي
أنا كان سبب من أسباب ضياعي المنتديات
و مش هعمم عشان كان منتدي الثانوية
أنا كنت في الميدترم اللي فات بعد بال14 ساعة يوميا
كان في مشاكل في المنتدي
وطبعا محلتش حاجة ودخلت إمتحانات الترم في مواد حليت فيها حلو
و مواد محططش فيها قلم
الحمد لله جيب تقدير في مواد لو كنت حليت في الميد ترم
كان زماني مقفلها
يعني ممكن يأثر علي مستقبلي
فبنصحك إنت وشباب الثانوي مضيعوش وقتكم
لو هتدخلو المنتدي يبقي تدخلو تسفيدوا وبس
يلا سلللللام
:):):):)

اهلا يا محمود منور التوبيك

انا صاحب منتديات فعلا بس الحمد لله مش بدخلها اساسا من شهر 2 ومعرفشى عنها حاجة

بس زى ما كاتب انا عملت الموضوع ده لانى حسيت بان ناس كتير بتضيع اوقتها اكتر ما هي تستفيد من المنتدى

حتى لو حد بيدخل علشان يدخل موضوع معين يستفيد منه مينفعشى في الوقت الضايع الايام دى بتحدد مصير

كل طالب وخصوصا طلبة الثانوية العامة

وعلى فكرة المنتديات فيها استفادة كتير ومحدش قال حاجة بس عيبها انها بتلبس كل الى قاعد عليها ميتخلهوش

يقوم غير على السرير علطول

اشكرك على ردك ومنتظر باقى الاراء من الجميع

في رعاية الله

khas123

17-04-2009, 12:21 AM

لا معتقدش بس كل حاجة لو زادت عن حدها تنقلب ضدها

prof.ahmed4d

17-04-2009, 02:11 AM

لا معتقدش بس كل حاجة لو زادت عن حدها تنقلب ضدها

اشكرك على مرورك ووجهة نظرك الذي يحترمها الجميع

منتظر باقى الاراء

في رعاية الله

kalifor

17-04-2009, 03:34 PM

مضيعة للوقت طبعا..

KHALOOOD

17-04-2009, 04:13 PM

ازيك يا ابو حميد
لا طبعا يا مان انا مش بشوفه مضيعه للوقت
بص يا مان احنا مش هنضحك على بعض
احنا بنضيع كام ساعه فى اليوم
بلاستيشن وكوره وشطرنج وكلام وهباله ونوم
متجيش بقى تقولى لما تقرا مواضيع وتستفاد حتى لو ربع كلمه
يبقى دا تضيع وقت
بالنسبه للحاجات التانيه اللى بعملها يبقى انا كدا بذاكر :p
شكرا لموضوعك يا مان
تقبل مرورى

JASSY

17-04-2009, 04:24 PM

Amethyst

18-04-2009, 12:35 AM

.. سلامــ الله عليكمــ أيهــا الأعضــاء الكرامــ ..
.. أعضــاء منــتـدى بوابــة الثـانـوية العـامة الـمـصرية ..

*ـــــ*ـــــ*ـــــ*ـــــ*ـــــ*
*ـــــ*ـــــ*ـــــ*ـــــ*
*ـــــ*ـــــ*ـــــ*
*ـــــ*ـــــ*
*ـــــ*

.. هل تعلــمون لماذا نــشـاركـ في المنتديات ..

.. نشارك بهــا ربما بسبب الملل ..

.. نعمــ ..

.. إنــه الملل !! ..

.. ماذا جنينــا من البقاء في النت لساعات يومياً ..

.. و نـتـنـاقش في مواضيعنا ..

.. و ربــمــا تصل إلى نقاشات حادة ..

.. ربــمــا تخرج عن شــعــوركـ ..

.. و تـفـقـد أعصابكــ ..

.. وتسب من تسب ..

.. و تجرحــ من تجرحــ ..

.. نخدم المنتدى بـ أعيننــا وبـ لحظة ربمــا يتمــ وقف عضويتكـ وممنوع أن تشارك ..!! ..

.. كـ أننـــا مجرد دمى مسيرة بـ أيديهم ..

.. ومجرد سباق ..

.. هذه هي المنتديات ..

.. للأسف ..

.. بالفعل هي مضيعه للوقت ..

.. خسارة سهر الليالي على البقاء في أماكن ..

.. يتهامسون من وراء الشاشة ..

.. على أنكَ مجرد .... ..

.. عذراً ..

.. ولكن هذه هي الحقيقة المرة ..

.. أشكركـ على مواضيع لم اقم بقرائتهــــا .. !!! ..

.. أجاملك وأقول لك موضوع روعة وأنــا وراء الشاشة ..

.. أقول ..

.. أنه ..

.. ربمــا أسوأ ما رأيت ..

.. هذه هي المنتديات ..

.. ربمــا إذا فكــرت جيداً ..

.. سوف تقول ..

.. لم أجني منهــا أي شيء ..

.. فقط أقول ..

.. لقد قضيت وقت معهــــــا ..

.. كـونــت صــداقــات ..

.. قرأت مواضــيعــ ..

.. قضيت وقتاً لطيفاً داخل هذا المنتدى ..

.. نــشــاركـ بـ جديــة في الأقـسامــ الترفيهية ..

.. معــ أنه ربمــا يكون منتدى عــلــمي ..

.. ربمــا يكون منتدى تعليمي ..

.. نأتي في نفس الوقت إلى المواضيعــ الجدية ..

.. لنجد ..

.. يا الله ..

.. هناكـ مشاركتين جديدتين في الموضوعــ ..

.. أخيراً وجد من يناقشني موضوعاتي ..

.. و يرد عليهــا ..

.. و عندما ينتهي تحميل الصفحة ..

.. تفاجأ و للأسف بأنه ..

.. الرد الأول لــ مشــرف القـسـمــ ..

.. و هــذا يكون من واجــبه الرد على موضوعــات أقـسـامـه ..

.. الرد الثاني ..

.. مشكووووووووور ..

.. يا الله ..

.. أهذه هي الردود و المشاركات الجديدة ؟!! ..

.. غــالبــاً ينظر الأعضاء إلى عدد مشاركاته ..

.. هل ينظر إلى ما كتب ؟!! ..

.. بالطبعــ لا ..

.. هنــاكـ أعضاء أتمنى منـهـمـ فقط ..

.. أنا أرى مشاركة واحدة فقط منهــمــ غير هذه المشاركة ..

.. التي تتكرر بصفة دائمة في أغــلــب المواضيعــ ..

.. و هي ..

.. مشكووووور ..

.. معــ اختلاف أعداد حرف الواو ..

.. لمــاذا ..

.. إذا كان هؤلاء الأعضاء يرون أنــهــمــ لا يستطيعون كتابة ما هو مفيد ..

.. إذن من غير الضروري كتابة هذه المشاركة ..

.. لمــاذا يـضيعــون أوقاتــهمــ في كتابة هذه المشاركة المعدومة الهدف ..

.. لــقــد ذكرت هــنــا في هذا المــوضــوعــ أكثر من نقطة ..

.. أتمنى أن أجد تعليقاً على هذه النــقــاط ..

.. كما أتمنى أيضا ألا أجد في هذا الموضوعــ مشاركة "مشكوووووووور"

.. طابت أوقــاتكمــ دائــمــا بـكــل الخــير ..
.. في أمــان الله ..
http://www.thanwya.com/vb/picture.php?albumid=883&pictureid=4240

:: [ K A B B O W ] ::

18-04-2009, 01:11 AM

السلام عليكم اولا
بدون شكر والكلام ده
ندخل فى صميم الموضوع
اولا انا معك انه فى بعض الاوقات تكون المنتديات مضيعة للوقت ........
لكن عذرا هذا يكون بالنسبة لشخص ليس لديه شىء يفعله أو شخص تافه على استعداد ان يجلس امام منتدى طوال النهار يضيع النهار امامه
لكن سؤال هل استفاد من شىء هل افاد بشىء ؟
بالنسبة لى مثلا انا حددت وقتا للمنتدى للمشاركه بالموضوعات والرد على الموضوعات خصصت ساعة واحد فى اليوم كله اجعلها متفرقه ربع ساعه تقريبا صباحا ومثلها فى منتصف اليوم والاخيره ليلا مثل الان
مع العلم ان هذا الوقت لايكون لمنتدى واحد فقط بل لجميع المنتديات المشترك بها ومنتداى الخاص ايضا
واحاول دائما ان لا اضيع وقتى
اعتقد ان هذه هى المشاركه المفيده بحيث يستفيد الانسان من حياته العمليه ويكسب معلومات واصدقاء من النت
وبالنسبه لموضوع عدد المشاركات دى فانا معاكى بنسبة ميه فى الميه فى ناس كتير جدا ميهمها عدد المشاركات اوى مع عدد الاهتمام بالمضمون واهمية هذه الاشتراكات وتاثيرها
وبالنسبه لموضوع مشكور وقلة الردود فى المشاركات اللى الواحد تعب فيها فبلاش اتكلم احسن
موضوع جميل بجد و ربنا يوفقك
خالص تحياتى لك

ممدوح مصطفى الانصارى

18-04-2009, 01:57 AM

Amethyst

18-04-2009, 02:11 AM

احمــ ..
أنا أتكلمــ عن المنتديات بصفة عامة ..
و يوجد منها ما هو نافع و ما هو ضاااار ..
و لا أتكلم أيضا عن منتدى بوابة الثانوية العامة المصرية ..

ملحوظة حبيت أقولها ..

نور الندى

18-04-2009, 03:08 AM

نور الندى

18-04-2009, 03:28 AM

كل شىء له وجهان والانسان بيده هو الذى يدير الوجه الذى يحب ان يرى
واذا حدد الانسان هدفه من دخول المنتدى تمكن من ان يستغل وقته الاستغلال الامثل
والعبرة ليست بكثرة المشاركات او الردود بل بنوعيتها الهادفة وقيمتها
المنتديات يمكن ان تنمى معلوماتنا فى مجالات مختلفة
يمكن ان تنمى مهارات الاتصال بيننا البعض
ويمكن ايضا ان نجلس عليها لا لشىء الا ان نقول مشكور دون قراءة او وعى
http://www.s77.com/3DSmile/37/t-200.gif (http://www.s77.com/index.php?t=smiles)

prof.ahmed4d

18-04-2009, 10:01 AM

ارد على كل واحد بعد الدرس باذن الله 6 ساعات ادعولنا في المراجعة

جمال سراج

18-04-2009, 06:57 PM

شكرا يا مرمورا
مش مشكوووووووووووووووووووور
على فكرة انا بتفرس منها جدا
كلامك كتير صح
عشان كدا مرمورا
وعشان تبقى الفايدة كبيرة
اتمنى ان اللى يشارك فعلا يتفاعل مع الموضوع واذا عجبه وحس انه استفاد يكتب تعلق مش مشكووووووووور
صحيح الشكر مطلوب تقديرا واحتراما لكاتب الموضوع
ولكن الاولى والافضل ان اضيف جديد للموضوع
يعنى معلومة زيادة- او اصحح معلومة خطا - او اقول رايى اتفاقا او اختلافا باختصار عملية تدعيم للموضوع
اتفق كتير معاكى ان هناك من يتسابقون فى كتابة الردود زى مشكوووووووووووور دى فقط لزيادة المشاركات
اعتقد ان كتير بيعملها
حتى من المشرفين انفسهم
اعتقد ان ربما فى منتديات كتير وحتى هنا ناس بقوا مشرفين عشان مشاركتهم كتير
انما المشاركات دى فعاله بقا ولا مفيدة !!!!!!!!!! معنديش تعليق
( بالمناسبة انا مخترتش اكون مشرف ومش فارقة معايا وانا اصلا لا اعتبر نفسى مشرفا) يعنى قلتها احسن بالنسبة لى
وان شاء الله مش هتفرق معايا خالص
انا اللى اقدر اعمله هاعمله
موضوع حلو - برنامج مفيد - امتحان كويس - سؤال لذيد - اجابة مفيدة - كدا

بس بردوا ليا رجاء عند الجميع
ياريت حتى اللى بيكتب موضوع يبص ويشوف هل الموضوع دا مكرر ولا لا
وبعدين اذا كان مكرر ايه الجديد عنده يجيبه والا يبقى زى قلته
كمان فيه ناس بتعمل كل يوم مواضيع جديدة كتيرة ساعات ما بنحلقش نقراها او نرد عليها
ياريت الاختيار للموضوع
واوقات المواضيع وشياكة المواضيع
كما هو الحال فى شياكة الردود
شكرا لحضرتك
مش مشكووووووووووووووووووووووووووووووووووووووووووووووو ووووووووووووووووووووووووور
هههههههههههههههههههههههههههههههههههههههههههههههههه هههههههههههههههههه
فى امان الله

Amethyst

19-04-2009, 12:26 AM

السلام عليكم اولا
بدون شكر والكلام ده
ندخل فى صميم الموضوع
اولا انا معك انه فى بعض الاوقات تكون المنتديات مضيعة للوقت ........

طبعاً ..

لكن عذرا هذا يكون بالنسبة لشخص ليس لديه شىء يفعله أو شخص تافه على استعداد ان يجلس امام منتدى طوال النهار يضيع النهار امامه
لكن سؤال هل استفاد من شىء هل افاد بشىء ؟

ربما لم يستفيد .. ولم يفيد أيضاً ..

بالنسبة لى مثلا انا حددت وقتا للمنتدى للمشاركه بالموضوعات والرد على الموضوعات خصصت ساعة واحد فى اليوم كله اجعلها متفرقه ربع ساعه تقريبا صباحا ومثلها فى منتصف اليوم والاخيره ليلا مثل الان
مع العلم ان هذا الوقت لايكون لمنتدى واحد فقط بل لجميع المنتديات المشترك بها ومنتداى الخاص ايضا
واحاول دائما ان لا اضيع وقتى
اعتقد ان هذه هى المشاركه المفيده بحيث يستفيد الانسان من حياته العمليه ويكسب معلومات واصدقاء من النت
وبالنسبه لموضوع عدد المشاركات دى فانا معاكى بنسبة ميه فى الميه فى ناس كتير جدا ميهمها عدد المشاركات اوى مع عدد الاهتمام بالمضمون واهمية هذه الاشتراكات وتاثيرها
وبالنسبه لموضوع مشكور وقلة الردود فى المشاركات اللى الواحد تعب فيها فبلاش اتكلم احسن

لو اتكلمت فيها ممكن ... على رأيك بلاش أحسن ..

موضوع جميل بجد و ربنا يوفقك
خالص تحياتى لك

.. أنا سعيدة جداً بالرد ده ..
.. و مشكوووووور ..
http://www.thanwya.com/vb/picture.php?albumid=883&pictureid=4239
.. شكراً على ردكـ الجميل ..
.. و مروركـ الكريمــ ..
http://www.thanwya.com/vb/picture.php?albumid=883&pictureid=4240

prof.ahmed4d

19-04-2009, 12:31 AM

مش عارف زى ما يكون موضوعك زى الموضوع ده http://www.thanwya.com/vb/showthread.php?t=116111 لو هو هو ندمجهم احسن

Amethyst

19-04-2009, 12:35 AM

ا/السيد سليم

19-04-2009, 02:00 AM

والله لقد اصبت الهدف باقصر الطرق
بارك الله فيك

hisaa

20-04-2009, 01:07 AM

انا لم ولا ولن اشترك في منتديات وقرات هذا الموضوع بالصدفه .............. انا اتفق معاك 100% .........فعلا الملل هو السبب في دخول الناس المنتديات واعايز اضيف سبب اخر ان اغلب مشتركي المنديات ملهاش صحاب في الواقع فبيلجأوا لعالم المنتديات.........وهي دي الحقيقه

Rien

20-04-2009, 01:42 AM

المنتديات مش بتضيع الوقت
دى بتقتله !!
وعموما ارجع واقول ان ده بيتوقف عالانسان نفسه
المفروض انه عارف مصلحته فين والمفروض يعمل ايه ومايعملش ايه
والمفروض مايضيعش وقت كبير والكلام ده
يعنى العيب فينا
:romarioxp6:

Amethyst

20-04-2009, 01:45 AM

لو فعلا المنتدى بيضيع الوقت
يبقى قلة احسن .
ولكن ما اراه مع اولادى انهم
يستفيدون من دخول الغرف الصوتية
واراهم يستفيدون من تحميل الدروس
وارى ان اخوانى المعلمين يقدمون اعمالا
ممتازة ،فضلا عن الاقسام الدينية والثقافية
المتميزة المفيدة للعضاء والزائرين للمنتدى.
وأعتقد القصد هنا هو عدم التفاعل
فى الموضوعات ، وهذا من حقك لانى
ارى حضرتك اكثر تفاعلا ومشاركاتك وردودك
جيدة وفيها اضافة ووجهة نظر وفكر .
ومن هنا ارى انه على كل عضو
ان يشارك بايجابية وفاعليه ويحاول ان
يضيف للموضوع وللحوار ، وبدون تردد
وعلينا ان نشجع الاعضاء فى ذلك
بقبول وجهات نظرهم المختلفة .
تحياتى وتقديرى لحضرتك وللموضوع المتميز.

.. ده أكيد ..
.. بس ده لمن يستفيدون حقاً من المنتديات العلمية و التعليمية ..
.. هنا ..
.. و في هذا الموضوعــ ..
.. أنا أقصد ..
.. عدمــ التفاعل في الموضوعات ..
.. عدم الاهتمام بالقسم التعليمي بقدر الاهتمام بأقسام مواضيع اللهو و المسابقات ..
.. أتمنى أن يقرأ الجميعــ نصائحــ أستاذ ممدوحــ ..
.. شكراً لكـ أستاذ ممدوحــ ..
.. عــلى الرد الجمــيل ..
.. و المرور الكريمــ ..
http://www.thanwya.com/vb/life/icons/icon_music.gif
:)

Amethyst

20-04-2009, 01:49 AM

دكتر مرمورة
شكرا لهذا الموضوع المهم حقا
لابد لكل واحد منا قبل ان يقدم على تشغيل الكمبيوتر ان يضع هدفه منه نصب عينيه
وقبل ان يدخل المنتدى كذلك حتى لا يضيع وقته هباء
http://www.s77.com/3DSmile/37/t-200.gif (http://www.s77.com/index.php?t=smiles)

.. شــكراً لكـ /لكـِ نــور الــنـدى ..
.. عـلى الــرد الجــــميـل ..
.. و المرور الكريمــ ..
:bosyht9:

prof.ahmed4d

21-04-2009, 08:10 AM

مممم ..
الموضوعـ ده هو فعلاً لغة عربية فصحى ..
بس محدش يفكر إني نقلاه ..
الموضوع ده من كتابتي أنا شخصياً ..
و إذا كنت تريد دمجاً لهذا الموضوعــ ..
فـ أنا أريد حذف موضوعي .. و بقاء موضوعكــ ..
و آسفة لذلكــ ..

انتى مش فهمتى قصدى

انا مش اقصد ان الموضوع منقول انا اقصد فكرة الموضوع واحدة

في رعاية الله

prof.ahmed4d

21-04-2009, 08:15 AM

مضيعة للوقت طبعا..

اشكرك على المرور والرد

في رعاية الله

prof.ahmed4d

21-04-2009, 08:20 AM

ازيك يا ابو حميد
اهلا يا خالد اخبارك ايه

لا طبعا يا مان انا مش بشوفه مضيعه للوقت
عادى براحتك :friendsxs3:
بص يا مان احنا مش هنضحك على بعض
احنا بنضيع كام ساعه فى اليوم
بلاستيشن وكوره وشطرنج وكلام وهباله ونوم
انا اساسا معرفشى العب كورة ولا شطرنج ولا بلعب على الكمبيوتر اساسا
بس بنام كتير بصراحة وخصوصا لما بكون بذاكر
متجيش بقى تقولى لما تقرا مواضيع وتستفاد حتى لو ربع كلمه
يبقى دا تضيع وقت
لا انا مش اقصد كدة خالص
انا اقصد ناس بتسيب دروسها ومحاضراتها علشان تتابع موضوع معين في المنتدى وممكن يكون الموضوع مفيد بس مش معنى كدة انه يضيع مستقبله
بالنسبه للحاجات التانيه اللى بعملها يبقى انا كدا بذاكر :p
هههههههههه الله اعلم
شكرا لموضوعك يا مان
شكرا لمرورك وردك الرائع
تقبل مرورى

في رعاية الله

prof.ahmed4d

21-04-2009, 08:24 AM

حوار تضيع الوقت ده بمزاج كل واحد بصراحة

يعني انا لو عايزة اضيع وقتي هضيعه في اي حاجة بقى سواء كانت منتد يات او غيره

يعني كل حاجة في ايدينا احنا من الاخر ..............

ميرسي جداااااااا لموضوعك

اكيد طبعا بمزاج كل واحد بس في ناس بتقول عادى محاضرة مش مشكلة درس مش مشكلة

ويفاجئ في الاخر انه مش عارف حاجةوحاجات كتير فاته

اشكرك على مرورك

في رعاية الله

prof.ahmed4d

21-04-2009, 08:26 AM

كل شىء له وجهان والانسان بيده هو الذى يدير الوجه الذى يحب ان يرى
واذا حدد الانسان هدفه من دخول المنتدى تمكن من ان يستغل وقته الاستغلال الامثل
والعبرة ليست بكثرة المشاركات او الردود بل بنوعيتها الهادفة وقيمتها
المنتديات يمكن ان تنمى معلوماتنا فى مجالات مختلفة
يمكن ان تنمى مهارات الاتصال بيننا البعض
ويمكن ايضا ان نجلس عليها لا لشىء الا ان نقول مشكور دون قراءة او وعى
http://www.s77.com/3dsmile/37/t-200.gif (http://www.s77.com/index.php?t=smiles)

اشكرك على ردك الاكثر من رائع

وكل شئ لو في مكانه المناسب ووقته المناسب كله حاجة اتبقى تمام

في رعاية الله

prof.ahmed4d

21-04-2009, 08:28 AM

المنتديات مش بتضيع الوقت

دى بتقتله !!

حلوة بتقلتله دى انا اخدها استعارة

وعموما ارجع واقول ان ده بيتوقف عالانسان نفسه
المفروض انه عارف مصلحته فين والمفروض يعمل ايه ومايعملش ايه

ما هو ده الى انا بقوله

كل واحد بيقول مش مشكلة المحاضرة دى او الدرس ده

وفي الاخر الموضوع يكبر عليه جدا وده كان ايحصل معايا بس الحمد لله لحقت نفسى في الوقت المناسب

والمفروض مايضيعش وقت كبير والكلام ده
يعنى العيب فينا
:romarioxp6:

اشكرك على الرد

في رعاية الله

.. Mysterious ..

21-04-2009, 08:27 PM

.. هل تعلــمون لماذا نــشـاركـ في المنتديات ..

.. نشارك بهــا ربما بسبب الملل ..

معتقدش يا فندم ... لان أكثر المتواجدين هنا هم طلاب علم .. ايوة كلنا في مراحل تعليم مختلفه . بس الكل بيتواجد عشان هدف معين وهو الاستفادة

اما المنتديات الترفيهية او العامية .. فدي مكان لناس مش حاسه بقيمة الحياة التي تعيشها .. ناس مفكرة ان الحياة حبه افلام واغاني وشوية العاب ... ولا تشغل أنفسها بغير هذا لانهم وجدوا من يطاوعهم علي فعل ذلك ولا يحملهم أي مسئولية قط ..... مثل الغني والفقير ....... الغني او الاغنياء الكثير منهم لا يوجد لحياته طعم ولا لون لانه قد جعل طريقه مجرد ملايين يتسابق مع غييره للوصل إليها ... اما الفقير فيا عيني بيطلع عين أهله عشان لقمه العيش وازاي يقدر يوفر لاهله ولاسرته حياة مستقره ومطمأنه
.. نعمــ ..
سوري لاني لا اوفقك الرأي

.. ماذا جنينــا من البقاء في النت لساعات يومياً ..
جنينا الخبرة المعرفه جنينا زياده الاقدرات الخاصه لدينا في جميع المجالات
ومثلا .. حضرتك . زي ما بشوف انك نفسك تكوني دكتورة .. صح ؟ معتقدش ان اللي عايز يوصل للمرحلة دي او المكانه دي هيوصلها من فراغ او ملل او وقت لا يهتم به .... دخولك ع المنتدي بيكون 1. لتعلم شئ او مجال جديد في حياتنا اليومية او زي ما بقول السراعات اليومية للبشر .... 2. افادة بغير بأي شئ او موضوع كان حتي ولو كلمه " لا اله الا الله "
3. حضرتك سألتي نفسك ليه طرحتي الموضوع دا ؟؟ لو سألتي نفسك هتلاقي في استفادة من وراء هذا الموضوع
الموضوع مش بمجرد انى اكون مش ورايا حاجه فأقوم ادخل ع النت . الموضوع اكبر من كدا يا فندم
الموضوع او الحكاية حكاية بني آدم عايز يوصل لمكانه عالية او لمستوي ... بس هو مش عارف ازاي هيدخل هذا المكان ... فابيختصر وبيقعد ع النت ... ودا لوحده كفاية ... لانه كدا بيعطي لنفسه وقت ليكون فيه شخصية هادفه شخصية مستعده للتعلم والاستفاده ...

(( ممكن كلامي يكون عك لكثير من الناس ... بس مدام انا فاهمه .. ميهمنتش باقيه الناس ))

عذرا يا فندم .. يكفي هذا النقطتين
لاني لو رديت علي باقي النقط ... فأن مشرف القسم سيقوم بحذف المشاركة
عذرا مرة أخري

Amethyst

21-04-2009, 10:58 PM

:o
.. حد فاهم حاجة ..
.. الموضوعين تم دمجهم ..
.. طيب ..
.. عموماً شكراً للي دمج ..
.. و شكراً للي ردوا على موضوعي ..
.. موضوع ايه بقى ..
.. شكراً للي ردوا على كلامي ..
.. و اللي لسة هيردوا مقدماً ..
.. شكراً جزيلاً على الردود الجميلة ..
:):):)
:):)
:)
.. شكر خاص لـ مستر جمال سراجــ ..
:)
.. و شكر خاص لــ PrisOneR Of Grief ..
.. و حضرتكـ كلامك صح ..
.. أنا لا أقصد هنا منتدى الثانوية بعينه ..
.. أنا أقصد أي منتدى ..
.. حتى لو قصدت منتدى الثانوية ..
.. يوجد بعض الأعضاء يدخلون من أجل الترفيه فقط لا غير ..
.. ممكن يكونوا مش بيدخلوا غير مواضيع الألعاب المسابقات مثلاً ..
.. الانتر نت في نظر ناس كتيير وسيلة للألعاب و الشات فقط ..
.. من وجهة نظري الانترنت وسيلة تعليم و تثقيف ..
.. وسيلة علم و معرفة ..

(( ممكن كلامي يكون عك لكثير من الناس ... بس مدام انا فاهمه .. ميهمنتش باقيه الناس ))

.. ايه الشعر ده ..
:d
.. أكيد استفدت لما كتبت الموضوعـ ده هنا ..
.. قصدت في كلامي هذا أيضا عدم التفاعل في الرد على الموضوعات ..
.. فـ مثلاً تجد مواضيعـ مهمة هادفة ..
.. و إذا بك في دهشة عندما ترى مشاركاتها صفراً ..
.. و عندما يكون هناك رد تجده "مشكووووووووور" ..
.. "مشكوووووور" دي بصراحة لو وجدتها في موضوع زي ده عمري ما هرد عليها اطلاقاً ..
.. موضوع كتبته للمناقشة و الاستفادة من الردود ..
.. كيف أرى رداً كل ما كتب به "مشكوووووور" ..
.. أسعدني ردكـ و مشاركتكـ ..
.. شكراً جزيلاً ..
.. على الرد الجميل ..
.. و المرور الكريمــ ..
:)

*ـــــ*ـــــ*ـــــ*ـــــ*

:bosyht9:
.. لا أستطيعـ الرد على بقية المشاركات ..
.. لأنني لا أعلمــ إذا كانت لي أم لصاحبة الموضوعــ الآخر ..
.. عموماً ..
.. شكراً جزيلاً للجميع ..
:blush:
.. طابت أوقاتكمــ بـكل الخير ..
.. في أمان الله ..
:)

..Just Stop

22-04-2009, 06:27 PM

.. حد فاهم حاجة ..
.. الموضوعين تم دمجهم ..
.. طيب ..
.. عموماً شكراً للي دمج ..

سلام عليكم
اسف للى صل يا مروة كان قصدى ونا بدمج ان يكون موضوعك هو البداية لانه اشمل
بس المنتدى مش عارف تقريبا خرف وعكس
شكرا على الموضوعين ياجماعة
دمتم فى رعاية الله

prof.ahmed4d

23-04-2009, 06:30 AM

طيب يا محمود انت كنت شلت الموضوع بتاعى لانى موضوع مرمورة اشمل واعم يعنى
في رعاية الله

Amethyst

23-04-2009, 08:35 PM

أعتقد إن مش ينفع إن تدمج موضوعين و عايز بتاعي يبقى المشاركة الأولى مع ان بتاع التاني قبل موضوعي ..
يعني توقيت بتاعه قبل توقيت بتاعي ..
و يا ريت تكون أخر مرة تدمجوا لي فيها مواضيع ..
عشان من الآخر كده بتخنق من الدمج ده ..
أقولكوا حاجة أحسن ..
لو حبيتوا تدمجوا لي موضوع تاني احذفوه خالص ..
و أنا مش هاتكلم ..
مواضيع العام دي ماليش حظ فيها ..
يللا خلينا في البيبي كلاس ((براعم)) ..
و ربنا يوفقك في فك حبل المشنقة ..
عشان المخالفات بتاعة الصيف ..
d:

prof.ahmed4d

23-04-2009, 09:00 PM

خلاص خلاص يا دكتورة حصل خير

اهم حاجة ان كلنا نستفيد ومش مهم مين صاحب الموضوع او مين عمله اهم حاجة الكل يستفيد

في رعاية الله

..Just Stop

24-04-2009, 03:18 PM

طيب يا محمود انت كنت شلت الموضوع بتاعى لانى موضوع مرمورة اشمل واعم يعنى
في رعاية الله

كنت عايز اعمل كدا فعلا والله بس المنتدى تقريبا هيس
عموما اسفين

أعتقد إن مش ينفع إن تدمج موضوعين و عايز بتاعي يبقى المشاركة الأولى مع ان بتاع التاني قبل موضوعي ..
يعني توقيت بتاعه قبل توقيت بتاعي ..
و يا ريت تكون أخر مرة تدمجوا لي فيها مواضيع ..
عشان من الآخر كده بتخنق من الدمج ده ..
أقولكوا حاجة أحسن ..
لو حبيتوا تدمجوا لي موضوع تاني احذفوه خالص ..
و أنا مش هاتكلم ..
مواضيع العام دي ماليش حظ فيها ..
يللا خلينا في البيبي كلاس ((براعم)) ..
و ربنا يوفقك في فك حبل المشنقة ..
عشان المخالفات بتاعة الصيف ..
D:
شكرا على كلامك يامروة
بس انا اعتذرت عن اللى حصل
عموما شكرا
دمتم فى رعاية الله