بنات الجامعات !! ؟؟ [الأرشيف] - بوابة الثانوية العامة المصرية

MoHaMeD ELsHeRbEnY

20-04-2009, 03:12 AM

السلام عليكم ورحمة الله وبركاتة

ازيكم كلكم

واحد واحد وواحدة واحدة

يارب تكونو بخير

بدون مقدمات لانى بجد مش عارف ابدا ازاى

كالعادة يعنى

المهم حصل موقف النهاردة وانا فى الجامعة واتكرر معايا كذا مرة

وبجد مكنتش عارف اوصل لحل لحد دلوقتى

انا النهاردة كنت بتمشى مع اصحابى فلقيت واحدة جارتى مخطوبة لابن عمها قاعدة مع واحد :friendsxs3:

وما شاء الله قاعد بيقرا لها الكف

بصراحة انا وقفت وتنحت وبلمت

معرفتش انطق بكلمة واحدة حتى

مكنتش عارف اروح لكلمها ولا امشى واعمل مش واخد بالى

ولا اية مش عارف

طيب بقول لواحد صاحبى مش دى فلانة

قالى اة هيا

قلت لة ودا احمد بتاع انجليزى صح قالى اة

قلت لة دا مخطوبة يابنى لابن عمها وخلاص هيتجوزو فى الاجازة الجاية دى

المهم احمد الى قاعد معاها دة لقيتة جاى لينا بيسلم وكدة

فلقيتة بيقول لنا اية مالكم

فصاحبى قالة انت تعرف ان الى انت قاعد معاها دى مخطوبة ومخطوبة لواحد قريبى كمان

قالة وانا مالى ياعم

فبقولة انت بتعمل معاها اية يابنى انت دلوقتى

قالى بقرا لها الكف :romarioxp6:

المهم هيا شافتنى فقامت مشيت

المهم بعد شوية انا رحت اجيب شاى فلقيتها فكلمتنى بتقولى انت تعرف احمد

قلت لها اة اعرفة

فبقول لها انتى تعرفية ؟

قالت ايوة دا صاحبى

قلت لها يعنى اية صاحبك !!

انتى مش مخطوبة ؟؟

قالت واية المشكلة يعنى

هوة انتم تحللوة على نفسكم وتحرموة على غيركم

قلت لها انتى بتكلمينى كدة لية

انا غلطان انى خايف عليكى يعنى

وكمان بتتهمنى بحاجة والله عمرها ما حصلت

فقلت لها دا انا الى ببحلة على نفسى وبحرمة على غيرى

المهم سكت ومشينا

وعرفت انها بدات تكلم عليا وكدة فى البلد

وخطيبها زعل منى وافتكر ان انا الى بطلع عليها كلام

المهم السؤال بقى

انت لو شفت واحدة قريبتك او جارتك قاعدة مع واحد هتروح تكلمها ولا هتسيبها وتمشى ولا اية بالظبط ؟؟

منتظر تعليقاتكم ان شاء الله

فى رعاية الله

Rien

20-04-2009, 03:34 AM

عارف
هى كانت محتاجة قلمين
طاخ طوخ
بس كدة
:d
اولا : البنت دى
هى ماحترمتش الواحد اللى هى مخطوباله واللى هايبقوا متجوزين
ف عاادى .. انت هاتحترمه ليه وتطلب منها كدة ليه .. ولا يهمك !!
---
ثانيا : لما كلمتها وقولتلها مش انتى مخطوبة
كان ممكن تقولك وانت مالك ؟
واكيد ماكنتش هاتعرف ترد تقولها حاجة
ولا ايه ؟
---
يعنى من الاخر
كبر دماغك من الناس دى
سيبهم يولعوا ف بعض
لو عايز تخدمهم
اديهم الجاز والكبريت
:)

المهم السؤال بقى

انت لو شفت واحدة قريبتك او جارتك قاعدة مع واحد هتروح تكلمها ولا هتسيبها وتمشى ولا اية بالظبط ؟؟

نسيت ارد عالسؤال
بالنسبة لانى بنت
لو شايفة انها بتعمل حاجة غلط ف اى حاجة مش شرط انها مع ولد
هايبقى قدامى حل من اتنين
لو هى انسانة كويسة .. هاتكلم معاها بهدوء بينى وبينها واوضحلها الغلط اللى انا شوفته
هاتحصل حاجة من اتنين
يا اما تاخد بالها وتفهم
يا اما تقولى وانتى مالك يا باردة
وساعتها ممكن استخدم الحل الاولانى بتاع طاخ طوخ ده
:d
لو هى اصلا مش كويسة
ف ولا هافكر ف اللى هى بتعمله اصلا
لانى هاتوقع منها اى حاجة عاادى جدا مفيش مشاكل
:)
بالنسبة للولاد ( رأيى يعنى )
لو واحدة قريبته اوى وهو متعود عليها عاادى
يتكلم معاها بس برضو مش قدام حد
لو واحدة معرفته بيها مش قوية
مايحطش نفسه ف موقف محرج انها تقوله مالكش دعوة
بس كدة
ويا رب الاقى الموضوع لما ارجع
عشان كل مارد ف موضوع يختفى
غالبا المشكلة فيا
:d

KHALOOOD

20-04-2009, 04:53 AM

صباح الفل يا بومبو
بص والله انت فكرتنى باكتر من موقف بالموضوع دا
ومنهم موقف حصل معا شخصيا والله
كنت قاعد مع واحده صاحبتى ولقيتها بتكلم واحد فى التليون
المهم بتكدب عليه يعنى
فبقولها مين دا قالتلى دا خطيبى
(والله بلمت ياعم:o)
انا مش هقولك القرار اللى اخدته ساعتها اصل كنت مركز شويه :friendsxs3:
المهم يا محمد
هجاوب بقى على سؤال لو بصراحه الواد خطيبها يهمنى
هروح اقله مش محتاجه كلام دا الكلام دا قبل الجواز اومال بعد الجواز هيحصل ايه
انما لو واحد معرفهوش بصراحه هخلينى فى حالى عشان مسمعش كلام يزعلنى انا
زى ماحصل معاك كدا يا سبع البرومبه:d
والله بجد موضوع يخليك تحزن
على فكره فى مواقف كتير واصعب من دى مليون مره شوفتها قدام عينى
بس كفايه عشان متقهرش وانا بحكيها
سناكس يا مان ع الموضوع تقبل مرورى

روميو

20-04-2009, 11:36 AM

Sherif Elkhodary

20-04-2009, 12:34 PM

انا مكنتش هبص من الاول وكنت هشي في حالي و هما حرين

المهم السؤال بقى

انت لو شفت واحدة قريبتك او جارتك قاعدة مع واحد هتروح تكلمها ولا هتسيبها وتمشى ولا اية بالظبط ؟؟

مع اني عارف ان ده مستحيلل يحصل
هو حصل قبل كده بس مش قريبتي
و هي كمان اللي ندهت عليا لاني مككنتش هبصلها
بس انا حرجتها قدامه و هي بعد كده اتدينت
و ربنا هداها

JusT DreaM

20-04-2009, 08:00 PM

المفروض م الاول انت مش كنت تكلمها
هي مش صغيرة وعارفة هي بتعمل ايه
والدليل ع كده انها طلعت عليك كلام وخلت خطيبها يزعل منك
بالنسبة بقى لو انا اتحطيت ف موقف زي ده
اولا لو انا ولد
وجت تكلمني مش هكلمها ولا هخاف عليها اصلا
لانك بتقول انها بنت الجيران مش قريبتك يعني
يعني كان ممكن انت تبقى مكان احمد بتاع انجليزي ده :d
ممكن كل اللي تعمله تقول لخطيبها خد بالك من البنت دي كويس
بس مش تحكي كمان
انما بقى تصرفي كبنت
مش هنصحها غير لو بحبها جدا او خايفه عليها
لو مش قريبة مني بقى
هقضيها تريقة ورمي كلام طبعا مش هفضحها بس هي تفهم بقى :d
اصلي بموت انا ف الحاجات دي:d
عموما هي تبقى نصيحة بس بااسلوب تاني
ثانكس يامحمد ع الموضوع

هانى الشرقاوى

20-04-2009, 08:32 PM

الاول يا محمد
انت ليك أصحاب بنات ؟؟؟؟؟؟؟؟

MoHaMeD ELsHeRbEnY

20-04-2009, 09:33 PM

عارف

هى كانت محتاجة قلمين
طاخ طوخ
بس كدة
:d

ههههههههههههههه

شكلك عاوزة تودينى فى داهية

هههههههههههههه

اولا : البنت دى
هى ماحترمتش الواحد اللى هى مخطوباله واللى هايبقوا متجوزين
ف عاادى .. انت هاتحترمه ليه وتطلب منها كدة ليه .. ولا يهمك !!

بالنسبة للاحترام هيا تحترمة متحترموش

هما احرار

بس انا عملت كدة بحكم انها جارتى ولها حق عليا

فاهمانى حضرتك ؟؟

وبردة عملت كدة لان الرسول صلى الله علية وسلم قال

من راى منكم منكرا فليغيرة بيدة ، فان لم يستطع فبلسانة ، فان لم يستطع فبقلبة ، وذلك اضعف الايمان

والله دة الى جية فى دماغى وقتها

---
ثانيا : لما كلمتها وقولتلها مش انتى مخطوبة
كان ممكن تقولك وانت مالك ؟
واكيد ماكنتش هاتعرف ترد تقولها حاجة
ولا ايه ؟

لو كانت قالتها اقسم بالله مكنت عرفت امسك نفسى عنها

يلا ربنا ستر الحمد لله

---
يعنى من الاخر
كبر دماغك من الناس دى
سيبهم يولعوا ف بعض
لو عايز تخدمهم
اديهم الجاز والكبريت
:)

والله بعد كدة دا الى هيحصل

لا مش الجاز والكبريت

هقعد انا معاهم

ههههههههههههههه

نسيت ارد عالسؤال
بالنسبة لانى بنت
لو شايفة انها بتعمل حاجة غلط ف اى حاجة مش شرط انها مع ولد
هايبقى قدامى حل من اتنين
لو هى انسانة كويسة .. هاتكلم معاها بهدوء بينى وبينها واوضحلها الغلط اللى انا شوفته
هاتحصل حاجة من اتنين
يا اما تاخد بالها وتفهم
يا اما تقولى وانتى مالك يا باردة
وساعتها ممكن استخدم الحل الاولانى بتاع طاخ طوخ ده
:d

ههههههههههههه

بصى اكيد هيبقى الرد وانتى مالك

وربنا معاكم بقى

ههههههههههههه

لان هيا مش صغيرة

واكيد لو عارفة ان الى بتعملة غلط او ممكن يكون عندها استعداد تسمع كلمة زى دى

مش هتعملها اصلا من الاول

فاهمة قصدى حضرتك ؟

لو هى اصلا مش كويسة
ف ولا هافكر ف اللى هى بتعمله اصلا
لانى هاتوقع منها اى حاجة عاادى جدا مفيش مشاكل
:)

طيب والحاديث دة الرسول صلى الله علية وسلم قال

من راى منكم منكرا فليغيرة بيدة ، فان لم يستطع فبلسانة ، فان لم يستطع فبقلبة ، وذلك اضعف الايمان

:)

بالنسبة للولاد ( رأيى يعنى )
لو واحدة قريبته اوى وهو متعود عليها عاادى
يتكلم معاها بس برضو مش قدام حد
لو واحدة معرفته بيها مش قوية
مايحطش نفسه ف موقف محرج انها تقوله مالكش دعوة
بس كدة
ويا رب الاقى الموضوع لما ارجع
عشان كل مارد ف موضوع يختفى
غالبا المشكلة فيا
:d

بالنسبة لرايك فى الولاد

بصراحة دة الى انا هعملة بس مش بنصة

ومحدش يفهمنى صح

ههههههههههه

بهزر والله

بالنسبة للموضوع بقى

انا الى بقيت بشك فى نفسى

معرفش مواضيعى كلها بتطير لية

ههههههههههههه

شكرا جزيلا لحضرتك على الرد والمرور

جزاك الله خيرا

كنت سعيد بمناقشة حضرتك

ملحوظة : انا اتعودت اى موضوع بنزلة باليل متاخر اول رد بيبقى فية حضرتك مش عارف لية

يلا اهوة الموضوع بنور والله

فى رعاية الله

Amethyst

20-04-2009, 11:50 PM

السلام عليكم ورحمة الله وبركاته

.. و عليكمــ السلامــ و رحمة الله و بركاته ..

ازيكم كلكم

واحد واحد وواحدة واحدة

.. بخير كلنا واحد واحد .. و واحدة واحدة ..
.. ايه حكاية الجملة دي معاك ..
.. على فكرة هي دي اللي بتطير المواضيع بتاعتك ..
:d

يارب تكونو بخير

بدون مقدمات لانى بجد مش عارف ابدا ازاى

كالعادة يعنى

.. ده الطبيعي عند كل الأعضاء ..
:d

المهم حصل موقف النهاردة وانا فى الجامعة واتكرر معايا كذا مرة

وبجد مكنتش عارف اوصل لحل لحد دلوقتى

انا النهاردة كنت بتمشى مع اصحابى فلقيت واحدة جارتى مخطوبة لابن عمها قاعدة مع واحد :friendsxs3:

.. هههه ..
.. يمكن مش عاجبها ابن عمها ..
.. مالكوا انتو ..
:d

وما شاء الله قاعد بيقرا لها الكف

بصراحة انا وقفت وتنحت وبلمت

.. احم ..
.. أنا حاسة إن المعزوفة دي اتعدلت ..
.. أنا فاكرة مكانش فيها تناحة ..
.. تقريبا الكلمة الأولانية ((قبل التعديل)) على ما أعتقد حرام ..

معرفتش انطق بكلمة واحدة حتى

مكنتش عارف اروح لكلمها ولا امشى واعمل مش واخد بالى

ولا اية مش عارف

طيب بقول لواحد صاحبى مش دى فلانة

قالى اة هيا

قلت لة ودا احمد بتاع انجليزى صح قالى اة

قلت لة دا مخطوبة يابنى لابن عمها وخلاص هيتجوزو فى الاجازة الجاية دى

المهم احمد الى قاعد معاها دة لقيتة جاى لينا بيسلم وكدة

فلقيتة بيقول لنا اية مالكم

فصاحبى قالة انت تعرف ان الى انت قاعد معاها دى مخطوبة ومخطوبة لواحد قريبى كمان

قالة وانا مالى ياعم

.. عادي ..
.. ما هي جايباه استبن (( بديل يعني)) ..
.. و هو كمان جايبها استبن ..
.. يعني هو كمان ممكن يكون خاطب واحدة ..
.. و بيتسلى ..

فبقولة انت بتعمل معاها اية يابنى انت دلوقتى

قالى بقرا لها الكف :romarioxp6:

.. هههه ..
.. بيهزر أكيد ..
:romarioxp6:

المهم هيا شافتنى فقامت مشيت

المهم بعد شوية انا رحت اجيب شاى فلقيتها فكلمتنى بتقولى انت تعرف احمد

قلت لها اة اعرفة

فبقول لها انتى تعرفية ؟

قالت ايوة دا صاحبى

قلت لها يعنى اية صاحبك !!

انتى مش مخطوبة ؟؟

قالت واية المشكلة يعنى

هوة انتم تحللوة على نفسكم وتحرموة على غيركم

قلت لها انتى بتكلمينى كدة لية

انا غلطان انى خايف عليكى يعنى

وكمان بتتهمنى بحاجة والله عمرها ما حصلت

فقلت لها دا انا الى ببحلة على نفسى وبحرمة على غيرى

المهم سكت ومشينا

وعرفت انها بدات تكلم عليا وكدة فى البلد

.. في البلد ..
.. محسسني إن المنصورة دي قرية صغيرة ..
:romarioxp6:

وخطيبها زعل منى وافتكر ان انا الى بطلع عليها كلام
.. بالشفا ..
:d

المهم السؤال بقى

انت لو شفت واحدة قريبتك او جارتك قاعدة مع واحد هتروح تكلمها ولا هتسيبها وتمشى ولا اية بالظبط ؟؟

منتظر تعليقاتكم ان شاء الله

فى رعاية الله

.. احم .. احم ..
.. لو جارتك صاحبة الكلمتين دول شافت الكلام ده ..
.. يبقى تقرأوا الفاتحة يا جماعة ..
:d
.. هاروح أدور عليها و أقولها ..
.. أنا مرة روحت الجامعة ..
.. أنا طبعاً مش في الجامعة ..
.. كنت رايحة مع أختي ..

.. اتلقيت كل الأحبة اتنين اتنين ..
:d
.. و فيه تلاتات ..
.. و فيه شوفت ولد قاعد مع تلاتة ..
.. المهم ..
.. قعدنا تحت شجرة ..
.. فا كان فيه ولد و بنت قاعدين ..
.. بيقولها لما أتخرج هجوزك و هاجيبلك أحلى شقة ..
.. و هاشتغل ..
.. و هاقبض أكيد 5 ألاف في الشهر أول ما ابتدي ..
.. و نجيب ولد و بنت كفاية ..
.. و هي أعتقد إنها مصدقاه ..
.. و قاعد يخرف أكتر و أكتر ..
.. و احنا قاعدين نضحك ..
.. كل ده مش كانوا يعرفوا إن احنا سامعين ..
.. لحد ما قمنا روحنا ..
.. و هما لسة قاعدين ..
.. روحنا مكان تاني بقى ..
.. برضه اتنين اتنين ..
.. بس مكانش فيه غير اتنين بس ..
:d
.. و شوفت منظر مقرف هناك ..
:angry2:
.. من يومها و أنا بطلت أروح مع أختي و صحباتها ..

ملحوظة : انا اتعودت اى موضوع بنزلة باليل متاخر اول رد بيبقى فية حضرتك مش عارف لية
:d
.. لأن ده ميعاد دخولها أصلاً ..
.. بتضرب أخوها بليل باين ..
.. و بعدين تقعد بقى ..
.. ربنا يكون في عونه ..

بلاها توقيع خالص
اشطة ؟
:022yb4:

.. لأ مش قشطة ..
.. مربى ايزيس ..
:d
.. أنا غيرت لون الكتابة بتاعي بسببك ..
:angry2:
.. يللا قولت أفكـ الخنقة شوية و أرد هنا ..
.. أصل عندي مصدر احساس بيقوللي انك مخنوق مني ! ..
:d

.. يللا ..
.. طابت أوقاتكمــ بـ كل الخير ..
.. في أمان الله ..

mR . mOstafa Fathi

21-04-2009, 12:12 AM

المهم السؤال بقى

انت لو شفت واحدة قريبتك او جارتك قاعدة مع واحد هتروح تكلمها ولا هتسيبها وتمشى ولا اية بالظبط ؟؟

طبعاً هخليها تشوفنى

او اعمل اى تريك يلفت النظر واخليها تتاكد انى شوفتها
وبعدها يبقى حسبنا لو قريبتى منى ليها
جارتى اوصلها لاخوها بطريقة مقبولة

انتى مش مخطوبة ؟؟

قالت واية المشكلة يعنى

هوة انتم تحللوة على نفسكم وتحرموة على غيركم

ههه

اخد انت شوية كلام صعبان عليا
والله

وخطيبها زعل منى وافتكر ان انا الى بطلع عليها كلام

هى كدا يا مان

لزم تمشى كدا
خير مابتعمل شراً ...

نسيت اقولك ما انا معايا بنات الجيران فى الجامعه
بس مش كلهم نفس الدرجات
عارف انى دى اللى يتخاف عليها
فبالتالى اتدخل
اكيد فهمت وجهه نظرى يا شربينى

MoHaMeD ELsHeRbEnY

21-04-2009, 01:49 AM

صباح الفل يا بومبو

مساء الجمال يامان

بص والله انت فكرتنى باكتر من موقف بالموضوع دا
ومنهم موقف حصل معا شخصيا والله

ياة بيحصل كتير وفى احسن العائلات يامعلم

كنت قاعد مع واحده صاحبتى ولقيتها بتكلم واحد فى التليون
المهم بتكدب عليه يعنى
فبقولها مين دا قالتلى دا خطيبى
(والله بلمت ياعم:o)

هههههههههههههههه

هبقى احكيلك موقف على الميل

عشان مينفعش هنا:slap1qk6:

انا مش هقولك القرار اللى اخدته ساعتها اصل كنت مركز شويه :friendsxs3:
المهم يا محمد

ايوة ياخويا خلينا فى المهم

هجاوب بقى على سؤال لو بصراحه الواد خطيبها يهمنى
هروح اقله مش محتاجه كلام دا الكلام دا قبل الجواز اومال بعد الجواز هيحصل ايه

ربنا يستر على اخواتنا ياخويا

انما لو واحد معرفهوش بصراحه هخلينى فى حالى عشان مسمعش كلام يزعلنى انا
زى ماحصل معاك كدا يا سبع البرومبه:d

ههههههههههههههه

سبع البرومبة

ماشى ماشى

كل شئ بحسابة يا معلم

والله بجد موضوع يخليك تحزن
على فكره فى مواقف كتير واصعب من دى مليون مره شوفتها قدام عينى
بس كفايه عشان متقهرش وانا بحكيها
سناكس يا مان ع الموضوع تقبل مرورى

ندخل فى الموضوع بقى

بصراحة معرفش لية انا عملت كدة

بس انا افتكرت حديث رسول الله صلى الله علية وسلم

يمكن دا الى دفعنى

شكرا يا معلم على الرد والمرور

جزاك الله خيرا

فى رعاية الله

igita

21-04-2009, 02:19 AM

سيبك انت مفيش احسن من تكبير الدماغ;)

انا بهزر طبعا

انما اللي حضرتك عملته تماااااام
وتمااااااااااااااااااام اوي كمان

ومكانتش تقدر تقول وانت مالك
علشان هي اللي غلطانة
واكيد هي عارفة الكلام ده كويس جدا

وانا لو مكان حضرتك (لو ولد يعني)
واتقالتلي (هوه انتوا تحللوه لنفسكم............)

كان ابسط رد عليها
لما تبقي تشوفيني بعمل زيك ابقي تعالي كلميني

:angry2::angry2::angry2::angry2::angry2::angry2::a ngry2::angry2::angry2:

وياريت تزودوا من مواضيعكوا اللي بتتكلم عن المشاكل اللي بتلاقوها في الكليات

علشان ان شاء الله لما ادخلها
اعرف اتصرف يعني:blush:

:022yb4:

تقبل مروري

لمى 2016

21-04-2009, 07:13 AM

يا ويلكم يا ويلكم يا ميت نهار ويلكم
منور يا عم الحاج
ايه ده بقى
انت اولا بصيت ليه؟
بجد و الله بجد
يعنى انا اعرف انكم كده يعنى
مش بتبصوا على حد
عييييييب يا محمد عيب
مش تبص بعد كده
بس انت خلاصى بصيت و اللى كان كان
بص يا ابنى
دى واحدة مش محترمة
(ابقى اقرا دعاء كفارة المجلس بعد ما تخلص لانى هامرمطها :d)
ايوة و الله
ليه بقثى؟
اولا لانها قاعدة مع واحد و هى مخطوبة لواحد تانى
ثانيا هى ايه اللى قعدها مع واحد اصلا
بلاش استهبال الله يرضى عليكم
هى كده لا احترمت والدها و لا والدتها و لا اخواتها
و لا خطيبها و لا اى حد
و لا حتى احترمتك انت:o
لانها عارفة انك ممكن تشوفها و عملت كده بردو
بص يا محممد خلاصة القول
انها بنت مش تمام
و انا لو مكانك و الله و لا كنت هاعبرها
لانها مش تستاهل اصلا
بس واضح ان بلدكم صغيرة لانك بتقول بتتكلم فى البلد
انا لو ف نفس الموقف هاخد الشخص اللى كان معاك ده
و اروح لخطيبها و اقوله
لانها اصلا شخصية لا تؤتمن
و لو ربنا بيحبه يبقى احسن له ان الجوازة دى مش تتم
متنساش كفارة المجلس بقى

**تسابيح**

21-04-2009, 07:33 AM

هتكلم ع اساس اني بنت
هروح اكلمها بهدوء
وقول لها :اللي انتي بتعمليه دا مش كويس وغلط عيب !!!
هتقول :: دا احنا اصحاب وأنا مش بعمل حاجة غلط
أنا: ماشي انتي وهو اصحاب مش فيها مشكلة الصحوبية دا شيء جميل بس الاجمل انك تعرفي اصحابك لاهلك مش انت مش بتعملي حاجة غلط اللي مش بيعمل حاجة غلط مش بيخاف ولا ايه؟؟
ولو صممت ع موقفها
لو مثلا خطبها دي قريبي
هلمحه له وقول له
انها مش تستهله دا لو كان انسان كويس
اما بقا لو مش كويس هخليهم الاثنين مع بعض
وهقول ما جمع اللي لما يوفق:d:d

لو كنت بقا ولد وفي موقفك دا
طبعا هسيب البنت دي
لان باين عليها انها مش طبيعية وممكن توقعني مثلا في مشاكل
هروح للولد اللي هو اسمه أحمد لانه اعرف بس الاهم هجمع معلومات عنه شغل مباحث وعرف عنده اخوات بنات ولا لا
عشان العب ع النقط دي ;););)
وقول له: ممكن اسئلك سؤال ياأحمد؟؟
أحمد:ممكن طبعا
أنت مثلا :هو انت عندك اخوات بنات ؟؟
هيتنرفز عليك: أنت مالك (دا لو كان محترم هيقولك كدا لو مش محترم يبقي استلقي وعدك):bosyht9::bosyht9:
أنت : طب براحه ع نفسك انا كنت بس عايز اقلك ع كدا اصلي كنت شايف اختك ماشية مع واحد (بس تقول بمسكنه بقا لانك بتحبه وعايز مصلحته):d:d
أحمد: ياليلتك السودا انت تعرفها منين انطق اتكلم ليلتك مش هتعدي النهارده دا كله وهو ماسك من الياقة بتاعه التشيرت وهيضرب خلاص:o:o
أنت لازم تكون متمالك اعصابك وتكلمه باعصاب بارده وشخص عايز يشل اللي امامه
وتشيل ايده الاول من التشيرت وتقول له : أنا بعمل الخير وبرميه في البحر:d:d
أنت : سبحان الله ليه اللي مش تحبت سمعه عن اختك بتحب تسمعه عن بنات الناس الثانية
اختك ياسيدي انا معرفهاش ومش عايز اعرفها بس اهم حاجة لازم تعرف ان كما تدين تدان ولو بعد حين دلوقتي اتفعلت لما عرفت ان اختك ماشية مع واحد وهي ممكن مش تكون مخطوبة ليه محلل لنفسك انك تمشي مع فلانة وعلانة بالرغم انك عرفت انها مخطوبة!!!
بعد الكلام أحمد هيعمل حاجة من الاثنين
ياما يسيبك ويمشي

لما يضربك حته علقة سخنه
أنا معرفكش ولا قلتلك حاجة:p:p
اهم حاجة حاجة متكنش انت بتمشي مع بنات وجاي تدي في حكم ومواعظ
ههههههههههههههه
دا انت لو كنت كدا مثلا وانت بتكلمه
تيجي واحدة مثلا تعرفها معرفه عادية يعني
وتقولك:
محمدممكن كلمة ع انفراض;);)
وبعدين تتحرج وتطلع الكلمة
هي : ممكن تسلفني خمسه جنيه عشان الفلوس بتاعتي اتسرقت:028ja7:
ههههههههههههههههه
هيبقي موقف فعلا مش ظريف:p:p
ها بعرف امكتب قصص كويس:p:p:p:022yb4::022yb4::022yb4::022yb4:
ع العموم بجد اللي بيعمل الخير هيلقيه طبعا
ومش يهمك من كلام كدا
ولو يبيعك عشان واحدة يبقي مش يستهلك لانه مش يعرفك كويس
في رعاية الله:d:d

wafa2y

21-04-2009, 08:30 AM

هههههههه
الحتة دي جامدة أوي
قالت واية المشكلة يعنى

هوة انتم تحللوة على نفسكم وتحرموة على غيركم

أنا أسمع أه عن كافي أداب
بس ماعرفش إن البنات فيه بالبجاحة دي
معلش في الكلمة
دي متستحقش إن حد يفكر فيها
مش يخطبها من أساسه
ربنا يهديها
:angry2::angry2:
أنا عن نفسي لو شوفت واحده قريبتي مع واحد
مش هكلمها هي
هكلمه هو و أنصحه إن اللي بيعمله ده غلط
هبقي ضربت عصفورين بحجر واحد
منها هي هتتبل
:d:d:d:d
و منها هو إن شاء الله يقتنع بكلامي و يسبها
نيجي بقي للأهم:
محمد والله إنت جيت علي الجرح
هو بقي الموضوع جه في وقته أنا مخنوق و عايز أفضفض
بوصلي بقي عشان أنا عايز حل أنا كمان
:excl::excl::excl:
أنا دلوقتي في واحدة جارتي معايا في الكلية
و إحنا تقريبا زي متربيين مع بعض
بس أنا كانت جت عليا فترة وبقت أخلاقي وحشة
فبقي كله بيزعل مني و عملت مواقف كتير
مش حلوة
فكان ليا تطش معاها أيام زمان
والحمد لله لما ربنا تاب عليا
معدتش بعمل مشاكل وكده
المهم للأسف هي معايا في سيكشن معين
فجت في مرة بتسألني علي ورقة كده مهمة
و أنا كنت نسيها فبسأل واحد صاحبي معاك الورقة اللي إديتهالك
قالي أه فأدلها الورقة وعدي الموضوع بسلام
و الورقة جابت إسكتش و الإسكتش جاب واقفة
و الوقفة جابت أعدات و كورسات ولوح
و من الأخر بقوا بيمشوا مع بعض في الكلية عيني عينك
و الواد ده صاحبي (مش أوي يعني)
المهم أنا قدام مشكلة
أقول لأخوها إن هي بتكلم الشاب ده
ده غير كده إن هو و شلته بقوا بيمشوا مع شلتها يعني بقيت هيصة
أنا خايف ليقولي ملكش دعوة
عشان التطش اللي كان بينا
ولا أعد ساكت ولا أعمل إيه بالظبط
بس فعلا الموضوع زاد عن حده
وناس كتير قالولي إنت إزاي مش قلت لأخوها
أنا مش عارف هي تفكيرها إيه
ممكن زي ما الناس كلها عندها عادي دول زمايل
فخايف تكون قايله لأهلها فيبقي شكلي وحش
فلو لقيت حل لمشكلتك قولي
بس هما فعلا معندهومش دم و بجحين
:angry2::angry2::angry2::angry2::angry2:
ربنا يهديهم
:bosyht9::bosyht9::bosyht9:

لمى 2016

21-04-2009, 08:57 AM

اسفة على تدخلى
لكن بالنسبة للرد بتاع مستر محمود
(انا بقول مستر دى لمصر كلها مش تدق)
المهم يعنى
حضرتك لازم تروح تقول لاخوها
اى كانت العواقب لانى معتقدش انك ممكن تسامح نفسك لو البنت دى جرالها حاجة جراء علاقتها بصاحبك ده
و كلم صاحبك كمان
بس بجد لازم تقول لاخوها حتى لو قالك ملكش دعوة
تبقى انت اللى عملت اللى عليك عشان مش ترجع و تقول يا ريتنى حذرته
_معلش بس هو عادى كده يعنى يقولك ملكش دعوة_

wafa2y

21-04-2009, 09:17 AM

و كلم صاحبك كمان
بس بجد لازم تقول لاخوها حتى لو قالك ملكش دعوة

حضرتك الموضوع مش سهل للدرجة دي
ممكن تحصل مشاكل
بس أنا إن شاء الله نازل الكلية دلوقتي
و هكلم صاحبي لو ملقيتش فيه أمل
إحتمال هقول لأخوها
بس أنا كده ممكن أذيها
لو طلع راجل :d
أصل هو أكبر مني ب6 سنين
واللي فيه الخير يعملوا ربنا

لمى 2016

21-04-2009, 09:31 AM

حضرتك الموضوع مش سهل للدرجة دي

ممكن تحصل مشاكل
بس أنا إن شاء الله نازل الكلية دلوقتي
و هكلم صاحبي لو ملقيتش فيه أمل
إحتمال هقول لأخوها
بس أنا كده ممكن أذيها
لو طلع راجل :d
أصل هو أكبر مني ب6 سنين
واللي فيه الخير يعملوا ربنا

لا مش تقلق خير ان شاء الله
ههههههههههههه
حلوة احتمال دى
لو طلع راجل
هياذيها هى مش انت
توكل على الله و مش تخاف

Prof.Dr/A.T.M

21-04-2009, 10:13 AM

المفروض كنت تروح تقول لمامتها ومش تكلم البنت دى لانها اكيد مش هتسمعلك

MoHaMeD ELsHeRbEnY

21-04-2009, 12:03 PM

لو انا مكانك طبعا اروح اقوله ومش اتردد ابدا بس هى اصلا مش احترمت نفسها ولا خطيبها واذا كانت بتعمل كده فى فترة الخطوبة امال بعد الجواز هتعمل ايه !!!!!!!!!!!!!!!!!!!!

بجد مش عارف اقولك ايه تانى يا محمد

انا مكنش ينفع اشوف حاجة زى دى وامشى كدة فى حالى

تقدر تقول ياعم رامى مبعرفش امشى فى حالى

واعتقد انك عارفنى كويس

هههههههههههههههه

بس بردة فى الحق يعنى مش ماشى اتحشر فى الى مليش فية وخلاص

انا افتكرت حديث رسول الله صلى الله علية وسلم

دا الى خلانى بصراحة اتكلم

شكرا يا روميو على الرد والمرور

جزاك الله خيرا

فى رعاية الله

MoHaMeD ELsHeRbEnY

21-04-2009, 01:24 PM

انا مكنتش هبص من الاول وكنت هشي في حالي و هما حرين

غريب ياشريف

طيب مش هقولك اى حاجة

غير الحديث دة

وترد تانى وتقولى رايك تانى

من راى منكم منكرا فليغيرة بيدة ، فان لم يستطع فبلسانة ، فان لم يستطع فبقلبة ، وذلك اضعف الايمان

صدق رسول الله صلى الله علية وسلم

مع اني عارف ان ده مستحيلل يحصل
هو حصل قبل كده بس مش قريبتي
و هي كمان اللي ندهت عليا لاني مككنتش هبصلها
بس انا حرجتها قدامه و هي بعد كده اتدينت

و ربنا هداها

منتظر ردك تانى ياحبى

ان شاء الله

شكرا ياشريف على الرد والمرور

جزاك الله خيرا

فى رعاية الله

sunsero2000

21-04-2009, 03:06 PM

MoHaMeD ELsHeRbEnY

21-04-2009, 03:25 PM

انا شفت موقف مش يتحكى عليه (رجاله المنصوره عارفين تل ابيب بيحصل فيها ايه)
بس مش سكت انا صورت الموقف ده ووريتو لخطيب البت عشان خطيبها دى يهمنى والحمد لله فركشتها (خرتها وقعدت على تلها يعنى )
بس لحد الان البنت مش تعرف انى اللى صورتها بس متخفوش مسحت الصوره على طول

هههههههههههههه

بص يا عمونا بقى

بما انك من المنصورة وتعرف تل ابيب

يبقى اكيد تعرف شارع الحب فى اداب

الاتنين اسخم وانيل من بعض

المهم انا فعلا كنت عاوز اصورهم وعملتها كتير

بس مكنش ينفع

انت لو دخلت اداب هماكانو قاعدين قدام مدرج 11 وانت لاايح عند شارع الحب من ورا كدة

يارب تكون فاهم قصدى

المكان دة فى وسط الكلية بالظبط مكنش ينفع اصورهم خالص

ملحوظة على تل ابيب اول مرة قدت فية حصلت خناقة ورحنا القسم

يلا عالبركة

معلش انا رديت على الرد دة تحديدا معرفش لية

دخل دماغى قوى

ابن بلدى بقى

هههههههههههههههه

شكرا ياباشا على الرد والمرور

جزاك الله خيرا

فى رعاية الله

wafa2y

21-04-2009, 06:07 PM

لا مش تقلق خير ان شاء الله
ههههههههههههه
حلوة احتمال دى
لو طلع راجل
هياذيها هى مش انت
توكل على الله و مش تخاف

انا أسف والله
أنا شجعتي خانتني و مقدرتش أكلم ف الموضوع
بس عملت اللي عليا و إديتله درس للدكتور حازم
لعل ربنا يهديه
و أنا مش عندي أي جرأة إني أقول لأخوها
لدرجة إني كان هيغمي عليا في الكلية إنهاردة
و أصحابي وصلوني البيت
مش عارف في حل تاني ولا لأ
:bosyht9::bosyht9::bosyht9:

wafa2y

21-04-2009, 06:10 PM

هههههههههههههه

بص يا عمونا بقى

بما انك من المنصورة وتعرف تل ابيب

يبقى اكيد تعرف شارع الحب فى اداب

الاتنين اسخم وانيل من بعض

المهم انا فعلا كنت عاوز اصورهم وعملتها كتير

بس مكنش ينفع

انت لو دخلت اداب هماكانو قاعدين قدام مدرج 11 وانت لاايح عند شارع الحب من ورا كدة

يارب تكون فاهم قصدى

المكان دة فى وسط الكلية بالظبط مكنش ينفع اصورهم خالص

ملحوظة على تل ابيب اول مرة قدت فية حصلت خناقة ورحنا القسم

يلا عالبركة

معلش انا رديت على الرد دة تحديدا معرفش لية

دخل دماغى قوى

ابن بلدى بقى

هههههههههههههههه

شكرا ياباشا على الرد والمرور

جزاك الله خيرا

فى رعاية الله

اللي مش عارف بقي إنت تعرفوا ولا لأ يا محمد
إن تل أبيب دي تعتبر من كليتي
لأن إحنا المبني اللي جنبها
بس اللي بيحصل في تل
ميجيش حاجة من اللي بيحصل في الكلية ذات نفسها
:006et4::006et4::006et4:

JASSY

21-04-2009, 06:35 PM

السلام عليكم ورحمة الله وبركاتة

ازيكم كلكم

واحد واحد وواحدة واحدة

يارب تكونو بخير
تمام بخير
بدون مقدمات لانى بجد مش عارف ابدا ازاى

كالعادة يعنى
عادي ولا يهمك
المهم حصل موقف النهاردة وانا فى الجامعة واتكرر معايا كذا مرة

وبجد مكنتش عارف اوصل لحل لحد دلوقتى

انا النهاردة كنت بتمشى مع اصحابى فلقيت واحدة جارتى مخطوبة لابن عمها قاعدة مع واحد :friendsxs3:
ونعم الاخلاص بجد
وما شاء الله قاعد بيقرا لها الكف

بصراحة انا وقفت وتنحت وبلمت

معرفتش انطق بكلمة واحدة حتى

مكنتش عارف اروح لكلمها ولا امشى واعمل مش واخد بالى

ولا اية مش عارف
عندك حق والله ماهي حاجة تجنن
طيب بقول لواحد صاحبى مش دى فلانة

قالى اة هيا

قلت لة ودا احمد بتاع انجليزى صح قالى اة

قلت لة دا مخطوبة يابنى لابن عمها وخلاص هيتجوزو فى الاجازة الجاية دى

المهم احمد الى قاعد معاها دة لقيتة جاى لينا بيسلم وكدة

فلقيتة بيقول لنا اية مالكم

فصاحبى قالة انت تعرف ان الى انت قاعد معاها دى مخطوبة ومخطوبة لواحد قريبى كمان

قالة وانا مالى ياعم

فبقولة انت بتعمل معاها اية يابنى انت دلوقتى

قالى بقرا لها الكف :romarioxp6:
وبراءة الاطفال في عينيه
المهم هيا شافتنى فقامت مشيت
كويس انها اتكسفت وقامت والله
المهم بعد شوية انا رحت اجيب شاى فلقيتها فكلمتنى بتقولى انت تعرف احمد

قلت لها اة اعرفة

فبقول لها انتى تعرفية ؟

قالت ايوة دا صاحبى
كلمة مستفزة بجد
قلت لها يعنى اية صاحبك !!

انتى مش مخطوبة ؟؟

قالت واية المشكلة يعنى

هوة انتم تحللوة على نفسكم وتحرموة على غيركم

قلت لها انتى بتكلمينى كدة لية

انا غلطان انى خايف عليكى يعنى

وكمان بتتهمنى بحاجة والله عمرها ما حصلت

فقلت لها دا انا الى ببحلة على نفسى وبحرمة على غيرى

المهم سكت ومشينا

وعرفت انها بدات تكلم عليا وكدة فى البلد

وخطيبها زعل منى وافتكر ان انا الى بطلع عليها كلام
ادي اخرتها خير تعمل شر تلقى
المهم السؤال بقى

انت لو شفت واحدة قريبتك او جارتك قاعدة مع واحد هتروح تكلمها ولا هتسيبها وتمشى ولا اية بالظبط ؟؟

منتظر تعليقاتكم ان شاء الله

فى رعاية الله

بص بالنسبة ليا كبنت لو شفت حاجة زي كده مبعرفش اسكت خاااااااالص واللي يحصل يحصل بس ابقى ريحت ضميري وخلاص.....
لكن حوار اني انا اسيبها وامشي ديه صعبة اوي ....
والمصيبة بقى ان هي بتبجح معاك وهي عارفة ان ده غلط لان هي اول ما شافتك قامت مشيت ... انا مش فاهمة بتعند مع مين ؟؟؟؟
ميرسي ليك يا محمد ع موضوعك.............

MoHaMeD ELsHeRbEnY

21-04-2009, 07:20 PM

المفروض م الاول انت مش كنت تكلمها

هي مش صغيرة وعارفة هي بتعمل ايه

يعنى منصحهاش يا ايمان ؟؟

هتحاسب يا ايمان على انى منصحتهاش

بصراحة انا مفكرتش فى الحساب عشان مبقاش منافق

بس جية فى دماغى الحديث

وبردة على راى خالد عملت فيها سبع البرومبة

هههههههههههههههه

معرفش لية حصل كدة بجد

بس انا بطبعى اصلا مبعرفش امشى جمب الحيط

حشرى جدا بس فى الحق والله

والدليل ع كده انها طلعت عليك كلام وخلت خطيبها يزعل منك

بالظبط كدة بس ربنا عالم نيتى كانت اية :(

بالنسبة بقى لو انا اتحطيت ف موقف زي ده
اولا لو انا ولد
وجت تكلمني مش هكلمها ولا هخاف عليها اصلا
لانك بتقول انها بنت الجيران مش قريبتك يعني
يعني كان ممكن انت تبقى مكان احمد بتاع انجليزي ده :d

ههههههههههههههههههههههههههههه

ههههههههههههههههههههههههههههههه

والله والله الجملة دى اتقالت ليا يومها :romarioxp6:

بس الحمد لله مش بتاع كلام من دة :)

بس هيا عشان بنت الجيران

وكنت فاكرها محترمها

والشيخة خضرة على راى كريم

وبتمشى تحسى انها مكسوفة من نفسها

هناك بقى اجارك الله

ربنا يهديها ويهدينا يارب

ممكن كل اللي تعمله تقول لخطيبها خد بالك من البنت دي كويس
بس مش تحكي كمان

هيا طلعت ازكى منى

هيا كانت متاكدة انى هقول لخطيبها

بس سبقتنى وقالت لة ان انا الى كنت عاوز اكلمها وحاجات كدة

فاهمة بجد

فعلا خيرا تعمل شرا تلقى

انما بقى تصرفي كبنت
مش هنصحها غير لو بحبها جدا او خايفه عليها
لو مش قريبة مني بقى
هقضيها تريقة ورمي كلام طبعا مش هفضحها بس هي تفهم بقى :d
اصلي بموت انا ف الحاجات دي:d
عموما هي تبقى نصيحة بس بااسلوب تاني

ثانكس يامحمد ع الموضوع

ههههههههههههههه

اتريقى براحتك ولا يهمك :romarioxp6:

مش ملاحظة ان الضحكة دى بتكرر كتير :)

شكرا يا ايمان على الرد والمرور

جزاكى الله خيرا

كنت سعيد جدا بالمناقشة معاكى والله

ربنا يكرمك يارب

فى رعاية الله

sunsero2000

21-04-2009, 07:33 PM

هههههههههههههه

بص يا عمونا بقى

بما انك من المنصورة وتعرف تل ابيب

يبقى اكيد تعرف شارع الحب فى اداب

الاتنين اسخم وانيل من بعض

المهم انا فعلا كنت عاوز اصورهم وعملتها كتير

بس مكنش ينفع

انت لو دخلت اداب هماكانو قاعدين قدام مدرج 11 وانت لاايح عند شارع الحب من ورا كدة

يارب تكون فاهم قصدى

المكان دة فى وسط الكلية بالظبط مكنش ينفع اصورهم خالص

ملحوظة على تل ابيب اول مرة قدت فية حصلت خناقة ورحنا القسم

يلا عالبركة

معلش انا رديت على الرد دة تحديدا معرفش لية

دخل دماغى قوى

ابن بلدى بقى

هههههههههههههههه

شكرا ياباشا على الرد والمرور

جزاك الله خيرا

فى رعاية الله

لا شكر على واجب يامان موضوعك جامد ويستاهل الرد واكتر من كده

MoHaMeD ELsHeRbEnY

21-04-2009, 07:40 PM

الاول يا محمد
انت ليك أصحاب بنات ؟؟؟؟؟؟؟؟

بص ياباشا

بصراحة انا مبقتنعش بصحوبية ولد وبنت

مفيش صداقة بين ولد بينت غير لما بيدخل فيها شيطان

بس منكرش انى بكلم بنات بس زى اخواتى

وفالوقت الحالى ولا اخواتى ولا غيرة على الحقيقة

يعنى كانت لما بنت من بلدى تحتاجنى فى حاجة مبتاخرش

اما اقعد اقرا لها الكف وما بعد ذلك

عمرها ما حصلت

فاهمنى حضرتك ؟

طـفـلـة الامـس

22-04-2009, 12:23 AM

السلام عليكم
صراحة هو اجابة السؤال محيرة كتيييييير
بس انا السنة اللى فاتت عندى جارى برده ادى فى الدراسة وكان بياخد معايا درس الفيزياء وكنا فى نفس الجروب فالمهم قعد فترة كده مش بييجى ومامته جارتنا اوى يعنى
فمرة ماما جاتلى الدرس عشان تسال على مستواى وكده
فمش شافته فسالتنى عليه فقلتلها معرفش هو بقاله فترة مش بييجى
هى قعدت تزعقلى :d:d
قلتلها انا ماليش دعوة بيه فقالتلى المفروض كنتى قلتيلى وانا هتصرف
بعدها هى كلمت المدرسة وقالتلها انه بقى بيحضر فى جروب تانى وكده وبعد كده اتاكدت من والدته

فتقريبا حاجة زى كده المفروض انها تتبلغ عشان يبقوا عارفين يعنى بس باسلوب كويس مش مرة واحدة عشان ميحصلش مشاكل وكده
فى رعاية الله

Rien

22-04-2009, 01:23 AM

ههههههههههههههه

شكلك عاوزة تودينى فى داهية

هههههههههههههه

اه
جرب بس على ضمانتى
وابقى احكيلنا عالحياة من غير الجامعة
;)

بالنسبة للاحترام هيا تحترمة متحترموش

هما احرار

بس انا عملت كدة بحكم انها جارتى ولها حق عليا

فاهمانى حضرتك ؟؟

وبردة عملت كدة لان الرسول صلى الله علية وسلم قال

من راى منكم منكرا فليغيرة بيدة ، فان لم يستطع فبلسانة ، فان لم يستطع فبقلبة ، وذلك اضعف الايمان

والله دة الى جية فى دماغى وقتها

كلام جميل
ونيتك كانت كويسة مفيش كلام
بس ..
اممم مش عارفة اقول ايه
لكن احتمال لو كنت كلمت الولد اللى كان معاها كان هايبقى افضل
بس هى ..
عملت لنفسك مشاكل عالفاضى وخلاص
ما علينا اللى حصل حصل
:d

لو كانت قالتها اقسم بالله مكنت عرفت امسك نفسى عنها

يلا ربنا ستر الحمد لله

كنت هاتعمل ايه يعنى
الحل بتاعى
:p
؟!

والله بعد كدة دا الى هيحصل

لا مش الجاز والكبريت

هقعد انا معاهم

ههههههههههههههه

:d

ههههههههههههه

بصى اكيد هيبقى الرد وانتى مالك

وربنا معاكم بقى

ههههههههههههه

لان هيا مش صغيرة

واكيد لو عارفة ان الى بتعملة غلط او ممكن يكون عندها استعداد تسمع كلمة زى دى

مش هتعملها اصلا من الاول

فاهمة قصدى حضرتك ؟

فاهمة
طب هاقولك حاجة
ما هى ممكن تكون حد كويس
وفعلا مش راضية باللى بتعمله بس بتتحجج لنفسها بحجج هبلة
ف لما حد يقولها كدة غلط ويحاول ينصحها بهدوء واسلوب كويس
ممكن ده يخليها تتضايق من نفسها وتبطل الشئ الغلط اللى بتعمله ( أياً كان )
النصيحة ممكن تفرق مع الانسان الكويس

طيب والحاديث دة الرسول صلى الله علية وسلم قال

من راى منكم منكرا فليغيرة بيدة ، فان لم يستطع فبلسانة ، فان لم يستطع فبقلبة ، وذلك اضعف الايمان

ما هو لو هى اصلا اخلاقها مش كويسة
يبقى مش هايفرق معاها كلامى
ولا كلام مليون زىى
يبقى ماحطش نفسى ف مشكلة معاها !!

بالنسبة لرايك فى الولاد

بصراحة دة الى انا هعملة بس مش بنصة

ومحدش يفهمنى صح

ههههههههههه

بهزر والله

احم
انا مافهمتش اصلا
لا صح ولا غلط
:d

بالنسبة للموضوع بقى

انا الى بقيت بشك فى نفسى

معرفش مواضيعى كلها بتطير لية

ههههههههههههه

عاادى عاادى بتحصل ف احسن الموضوعات
:bosyht9:

شكرا جزيلا لحضرتك على الرد والمرور

جزاك الله خيرا

كنت سعيد بمناقشة حضرتك

ملحوظة : انا اتعودت اى موضوع بنزلة باليل متاخر اول رد بيبقى فية حضرتك مش عارف لية

يلا اهوة الموضوع بنور والله

فى رعاية الله

العفو اى خدمة
:p
واياكم ان شاء الله
ملحوظة : انا الشيفت بتاعى بيبدأ من بعد 11 لحد الفجر او الصبح
زى ما تيجى ..
بس مش يوميا
ف بتيجى صدفة انى قاعدة واول ما بالاقى الموضوع نزل بادخل اطلع رخامتى فيه
بس كدة
:d

ومكانتش تقدر تقول وانت مالك
علشان هي اللي غلطانة
واكيد هي عارفة الكلام ده كويس جدا

عاادى فيه ناس عندها بجاحة كتير ..
:bosyht9:

ايه ده بقى
انت اولا بصيت ليه؟
بجد و الله بجد
يعنى انا اعرف انكم كده يعنى
مش بتبصوا على حد
عييييييب يا محمد عيب
مش تبص بعد كده
بس انت خلاصى بصيت و اللى كان كان

وده بقى على اساس انهم قاعدين ف البيت وهو بيبص عليهم من ورا الشباك ولا ايه بالظبط
:d
عندى تعليق صغير هنا
اى حد معدى المنظر كان هايلفت انتباهه
خصوصا لو حد يعرفه
وبعدين هو مابصش وكان عاجبه اللى حاصل بالعكس ده انتقده !!
يعنى قبل ما نحاسب اللى بيبص من غير قصد
نحاسب اللى مش محترمين المكان اللى هما فيه
والناس اللى معاهم
:bosyht9:

:d
.. لأن ده ميعاد دخولها أصلاً ..
.. بتضرب أخوها بليل باين ..
.. و بعدين تقعد بقى ..
.. ربنا يكون في عونه ..

انتى بتشردينى عالمنتدى
:stickjo4:

khas123

22-04-2009, 01:28 PM

دي قلة ادب والله.....والمصيبة انها كمان مصرة

ymymym

25-04-2009, 12:34 AM

ههههههههههههههههههههههههههههههههه

مهما تقولوا وتعيدوا وتزيدوا الناس هتفضل هي كده

يا بني علي راي مرموره جايز هي مش عاجبها ابن عمها تغيييير خليك فريش

ايه مواضيعك ديه تحفه الصراحه ان لو شفت واد بيعمل كده مع بنت انا اعفرها بنت الجيران هشده من شعره وعلي بيت مامته عدل ههههههههههههههههههههههه

معش يا محمد اصلي مش عارفه اقول ايه بجد موضوع مضحك اصلا بنات اخر زمن والله يسامحها بقي مطرح ماهي موجوده بقي

بس المفروض لو انت جدع تقول لخطيبها وهو خلاص علي راحته المهم انك بلغت وخلاصده رايي الشخصي

ymymym

25-04-2009, 12:38 AM

اقتباس:
المشاركة الأصلية كتبت بواسطة ell0rd http://www.thanwya.com/vb/life/buttons/viewpost.gif (http://www.thanwya.com/vb/showthread.php?p=1180938#post1180938)
والله بعد كدة دا الى هيحصل

لا مش الجاز والكبريت

هقعد انا معاهم

ههههههههههههههه

هههههههههههههههههههه ايون احسن حاجه بلا وجع دماغ يا عم

أحمد2025

25-04-2009, 04:45 AM

ف البلد اللى احنا عيشنها دى
كبر دمااااااااغك ع الأخر
وجو الكليه ده قشطة مسخرة ع حق
بس هدف الموضوع تحفة
وليه بقية كبيرة ف الموضوع ده
راجع تانى

Amethyst

25-04-2009, 01:46 PM

:bosyht9:
.. محدش يجيب سيرة شارع تل أبيب بتاع هندسة ..
.. و صينية هندسة برضه ..
.. و شارع اللاف بتاع آداب ..
.. عيب كده ..

.. يا إما تعرفوا كل واحدة للناس ..
:d

MoHaMeD ELsHeRbEnY

25-04-2009, 03:19 PM

.. بخير كلنا واحد واحد .. و واحدة واحدة ..
.. ايه حكاية الجملة دي معاك ..
.. على فكرة هي دي اللي بتطير المواضيع بتاعتك ..

بقيت احس كدة والله

خلاص نغيرها ان شاء الله

اما نشوف هيتحذف ولا لا

.. هههه ..
.. يمكن مش عاجبها ابن عمها ..
.. مالكوا انتو ..

لو حتى فعلا مش عاجبها ابن عمها

امال وافقت علية لية فى الاول ؟؟

.. احم ..
.. أنا حاسة إن المعزوفة دي اتعدلت ..
.. أنا فاكرة مكانش فيها تناحة ..
.. تقريبا الكلمة الأولانية ((قبل التعديل)) على ما أعتقد حرام ..

هههههههههههه

لا مكنش فيها تبليم وانتى الصادقة

بقيت بخاف اعدل رد والله منك

واقفة ليا على الواحدة :blush:

.. عادي ..
.. ما هي جايباه استبن (( بديل يعني)) ..
.. و هو كمان جايبها استبن ..
.. يعني هو كمان ممكن يكون خاطب واحدة ..
.. و بيتسلى ..

والله ما عارف اقول اية

المفروض انها مخطوبة تحافظ على حب خطيبها ليها

وتحافظ على نفسها

لان دى المفروض انها امانة دلوقتى

ربنا يهديهم ويهدينا يارب

.. في البلد ..
.. محسسني إن المنصورة دي قرية صغيرة ..

مين قالك اصلا انى من المنصورة نفسها ؟؟

شوفى كدة الاقامة عندى فين

هتلاقى دكرنس / المنصورة :d

البلد بقى هيا دكرنس :)

مع العلم ان دكرنس اكبر مركز فى الدقهلية

بس الحمد لله مفيش واحد فيها معرفوش :)

.. احم .. احم ..

.. لو جارتك صاحبة الكلمتين دول شافت الكلام ده ..
.. يبقى تقرأوا الفاتحة يا جماعة ..
:d

ههههههههه

على فكرة هيا عندها نت فى البيت والله

بس نحن نختلف عن الاخر

احنا مبنتهددش :stickjo4:

.. هاروح أدور عليها و أقولها ..

عاوزة عنوانها ؟ :o

.. أنا مرة روحت الجامعة ..
.. أنا طبعاً مش في الجامعة ..
.. كنت رايحة مع أختي ..

.. اتلقيت كل الأحبة اتنين اتنين ..
:d
.. و فيه تلاتات ..
.. و فيه شوفت ولد قاعد مع تلاتة ..

لا من دة كتييييييييييييييييييير

كان فية دكتور عندنا قال ان الجامعة لية اسمهاجامعة ؟؟

عشان جامعة كل حاجة

الحلو والوحش

والاحبة والمانتمين و و و

.. المهم ..
.. قعدنا تحت شجرة ..
.. فا كان فيه ولد و بنت قاعدين ..
.. بيقولها لما أتخرج هجوزك و هاجيبلك أحلى شقة ..
.. و هاشتغل ..
.. و هاقبض أكيد 5 ألاف في الشهر أول ما ابتدي ..

هههههههههههههههه

والله البت دى هبلة

والواد دة اهبل منها

والاتنين بيسرحو ببعض

لحد لما هيسرحو بعربية فجل :bosyht9:

.. و نجيب ولد و بنت كفاية ..
.. و هي أعتقد إنها مصدقاه ..
.. و قاعد يخرف أكتر و أكتر ..
.. و احنا قاعدين نضحك ..
.. كل ده مش كانوا يعرفوا إن احنا سامعين ..
.. لحد ما قمنا روحنا ..
.. و هما لسة قاعدين ..
.. روحنا مكان تاني بقى ..
.. برضه اتنين اتنين ..
.. بس مكانش فيه غير اتنين بس ..
:d

والله لما بشوف الحاجات دى اوقات بقعد اضحك جامد لدرجة ان ممكن يجرالى حاجة

واوقات بكبر دماغى وامشى

مهيس انا صح

.. و شوفت منظر مقرف هناك ..
:angry2:
.. من يومها و أنا بطلت أروح مع أختي و صحباتها ..

:d
.. لأن ده ميعاد دخولها أصلاً ..
.. بتضرب أخوها بليل باين ..
.. و بعدين تقعد بقى ..
.. ربنا يكون في عونه ..

هههههههههههه

ربنا معاها ومعانا يارب

.. لأ مش قشطة ..
.. مربى ايزيس ..
:d
.. أنا غيرت لون الكتابة بتاعي بسببك ..
:angry2:

انا بكتب بالون دة من زماااااااااااااااااان

يبقى مين الاصل :blush:

.. يللا قولت أفكـ الخنقة شوية و أرد هنا ..
.. أصل عندي مصدر احساس بيقوللي انك مخنوق مني ! ..
:d

بردة ؟؟

والله والله ما زعلان منك ولا من اى حد

هزعل لية طيب

بلاش تحطى فى دماغك التفكير دة

.. يللا ..
.. طابت أوقاتكمــ بـ كل الخير ..
.. في أمان الله ..

شكرا جزيلا يا دكتورة على الرد والمرور

جزاكى الله خيرا

كنت سعيد بالمناقشة معاكى والله

فى رعاية الله

Dr.love ferdos paradise

27-04-2009, 09:54 PM

انا شايقه ياللورد ان المفروض في الموقف ده
لازم هيه تتواجه
ولازم بردوا هو يعرف
بص
هو اكيد خطبها عشان حبها ووثق فيها
وهي مش عارفه والله ليه عملت كده
هي اكيد عرفه ان ال بتعمله ده غلط
فا انت لما تروح تقوله اكيد مش هتكون بتوقع ده الصح

بس
ياريت تقبل مروري
في رعاية الله

الشفق الباكي

29-04-2009, 10:33 AM