saraosama
02-08-2006, 09:33 PM
سؤال و رد غطاة يا تري اية مستوى صعوبة رياضة 2 بالنسبة لرياضة 1
|
مشاهدة النسخة كاملة : لكل من بياخد رياضة 2 saraosama 02-08-2006, 09:33 PM سؤال و رد غطاة يا تري اية مستوى صعوبة رياضة 2 بالنسبة لرياضة 1 The_Relativistic200 02-08-2006, 09:48 PM والله لو اعرف كنت قلتلك بس انا داخلها ان شاء الله Assmaa 02-08-2006, 09:54 PM والله انا لسة داخلة اولي ثانوي يعني لا اعرف رياضة واحد ولا اتنين بس اخويا كان بياخدها السنة دي جاب ف رياضة واحد 49,5 وجاب ف رياضة 2 : 43 ماعرفش بقي ده لان الامتحانات السنة دي كانت سودة ... بس أمانة هو كان بيحب الرياضة وبيذاكرها وبيجيب ف امتحانات الدروس الدرجات النهائية وع العموم اكيد هتلاقي حد يوضحلك باضبط هند ابراهيم 02-08-2006, 10:04 PM بصراحة الرياضه مش صعبة خالص وانا عن نفسى بعشق الرياضه ورياضه2 سهله والله بس عاوزة كتر حل وانا كنت رياضة2 الينه دى والامتحانات مكنتش صعبة والله واللى بيقول ان الامتحانات كانت صعبة السنة دى فى رياضه 2 اما مالوش فى الرياضه اصلا ومعرفش داخلها ليه او ليه فيها بس مكانش بيحل كتير والله اعلم انا الحمد لله جبت 49 فى رياضه2 وكنت جايبه نفس الدرجة فى رياضه1 لكن للاسف اللى نزلنى هو المواد النظرى لانى بكرهها جدا :( وللاسف نزلت مرحله تانيه وملحقتش هندسه وشكلى مش هدخل حاسبات كمان :( :( يلا ما علينا بلا ارف عاوزة اعرف يا thestar90 انت داخل 3 ثانوى ؟ لو انت يعنى محتار تدخل رياضه 2 ولالا وخايف منها اقولك لو بتحب الرياضه اوى اوى ادخل رياضه 2 وجمد قلبك وحل كتير :) ومتخافش من اى كلام عن رياضه2 لانها فعلا مش صعبة اسال مجرب :) saraosama 02-08-2006, 10:23 PM على فكرة انا بنت و مر سى جدا علي المشاركة The Lord Of The Rings 02-08-2006, 10:51 PM احب اشكر هند ابراهيم لإنه صح ميه الميه و أنا بينطبق علي كلامها و داخل رياضة 2 ان شاء الله لأنها بالنسبة لي - زي كريازي - حبي و اعتزازي و انا جبت 50 الحمد لله في رياضة 1 و ناوي ان شاء الله اعملها في رياضة 2 مع صعوبتها و لكل واحد هاوي رياضة اتوكل على الله و خش رياضة 2 ومش حتحس بأي صعوبة بإذن الله يا رب وفق كل طالب ثانوية عامة و حقق له حلمه قولوا <div align="center">آمـــــــيـــــــــــــــــــــــــــــــــــن</div> Miss_CaR!zma 02-08-2006, 11:46 PM والله ستار سؤال فى ميعاده وانا السنه دى رياضه 2 باذن الله وانا متفائله خير وبحب الرياضه جدا جدا وبتمنى ليكم كلكم التوفيق:) =ivan= 03-08-2006, 12:09 AM رياضة 2 سهلة ..وفعلا عايزة حل كتيير..ولازم تعرفى كل افكار المسائل...لان النظام اللى ماشى هو الحفظ للاسف... بس بجد الفرق بينها وبين رياضة 1 ..فرق السما والارض محمد البري 03-08-2006, 12:15 AM انا الحمد لله كنت احياء مع اني بعشق الرياضا بس الرياضا بتعوز حل كتير قوي ومع الفيزيا يعني عاوزة واحد يضبط من مواعيد وعدد ساعات مذاكرته بس انا اعرف ان الرياضا بجد مادة كلها شيقة وانا بحبها قوي الا رياضا اتنين ويا اخت لو بتحبي الفهم ادخلي رياضا اتنين بتحبي الحفظ خدي احياء مع اني بكره الحفظ موت دخلت احياء برضو :huh: شجرة الدر 03-08-2006, 02:18 AM انا بحب الرياضة وبموووووووووووووووووووووووووووووووووووووت فيها واانا ممتازة جدا فى الرياضة وفى تانية جايبة فيها درجة جامدة جدا لإن الرياضة دى زى ما بيقولوا غذاء الروح والله لو قلتلكم انى بحبها اكتر من اى حاجة فى الدنيا وكنت ناوية ادخل رياضة 2 بس مجموعى 87% فى تانية وهو مجموع مش حلو علشان كدة حولت ادبى و انا مش بحب الحفظ خالص بس امرى لله أحمد خليل 04-08-2006, 03:03 AM <div align="center">السلام عليكم ورحمة الله وبركاته</div></span> انا أحمد كنت في رياضة 2 السنة دي والحمد الله جبت مجموع 404.5 يعني 98.6 ودخلت بترول ( أدعولي ) اما عن راي في رياضة 2 فهو كالأتي : رياضة 2 جمييييييلة جداً..جداً..جداً..جداً..جداً.. :D والله مبكدبش وهي مش عايزة حفظ اكتر من اللي حفظته في سنة تانية والفرق بينها وبين رياضة 1 مش فرق السمة والأرض يا ahmedation_4ever بالذات في التفاضل وحساب المثلثات هو هو نفس الكتاب في ثالثة بس سموه ( تفاضل وتكامل) يمكن تقولي التكامل جديد بس انا بقولك لا لأن التكامل هو نفسه الإشتقاق بس بالشقلوب (أنتي فكراه :D ) وكمان كتاب الجبر والهندسة الفراغيه : 1-الفراغيه سهلة ولذيذة وهتشوفي بنفسك انتي في الأول هتستثقليها بس لما تدخلي فيها أكتر هتحبيها وصدقيني ممكن تضحكي وانتي بتحلي المسألة لأن تسعين في المية من الحل معتمد على دراستك السابقة للهندسة المستوية بتاعت تالتة اعدادي (ايام زمان) بس اطمنك هتحبيها يعني هتحبيها 2- الجبر عشان ماأكدبش عليكي هو بالنسبة لى وفي رأي نص نص يعني في حتت تحسي انها صعبة وحتت لا جينا للي بيقولوا عليها بعبع رياضة 2 أكيد عرفاها هي........................ إجابة صحيحة يا ستار إنها الميكانيكا هي قسمين استاتيكا و ديناميكا ونصحتي ليكي انك تهتمي بالكتاب ده من أول السنة ومتهمليهوش أبداً حتى لو موجه المادة نفسه قالك كده- يعني مش المدرس بس- بس والله كلامي ده مش تخويف لا بس المادة جامدة ومحتاجة حل بالذات كتاب المدرسة - ده جه من السنة دي 90% من الإمتحان- ( صح يا هند إبراهيم؟؟؟؟؟) على فكرة كلاهما سهل بس فيهم شوية غلاسة ممكن تخف شوية مع كتر الحل (بليف مي) :D <span style="color:#660000"> وفي النهاية ممكن نوصل لعدة نقاط: 1- الرياضة سهلة للي بيحبها لو كنتي بتحبيها توكلي على الله عز وجل وخشي وربنا يوفقك طول ما انتي حريصة 2-العيب الوحيد لرياضة2 او لكل الرياضيات انك لو سبتي يوم من غير متحلي فيه شوية ممكن مستواكي يقل يعني متظلميش الرياضة على حساب اي مادة تانية -بالبلدي كده متكونش الفيزياء- 3- زي مكانوا بيقولوا وهيفضلو يقولوا كتاب المدرسة ...ثم كتاب المدرسة...ثم كتاب المدرسة...ثم الدليل حتى لو كانت التمارين في كتاب المدرسة سهلة - وهي ديماً كدة - متهمليهاش 4- الأعتماد في الأول والأخر عليكي انتي في الدرجة اللي هتجيبيها إن شاء الله يعني كتر الحل ينولك مرادك ماتروحيش الدرس كل يوم وتقولي انك بتذاكر رياضة لا كده مش مذاكرة وزي ماكانت والدتي دايماً بتقول (الحل بأيدك بالورقة والقلم ينولك المراد بإذن الله) <div align="center"> وأخيرا اتمنا ان اكون ساعدك في معرفة الجو العام لرياضة 2 وساعدك على انك تقرري وياريت لو اي حد شايف رأي تاني أو تعليق يقوله </div> saraosama 04-08-2006, 03:09 AM انا مش عارة اقولك اية يا احمد انا فعلا استفدت مرسى اوى أحمد خليل 04-08-2006, 02:28 PM <div align="center">السلام عليكم ورحمة الله وبركاته</div> لاشكر على واجب فده واجبي واجب غيري انهم يحاولوا يوضحوا للي بعديهم كل حاجة واتمنى ان اكون ساعدك على انك تقرري وياريت تبشرينا saraosama 04-08-2006, 07:30 PM انا يا جماعة مش عارفة اقول اية لكل اللى شاركونى فى الموضوع بس للاسف انا لقيت انى منفعش فى رياضة 2 و حجزت مع مدرس احياء وربنا يستر و ياريت نفضل كلنا اصحاب فى المنتدى:) هند ابراهيم 05-08-2006, 03:41 PM ربنا معاكى يارب وان شاء الله تجيبى مجموع اعلى السنه دى بس انتى شدى حيلك وربنا يوفقك ان شاء الله ان الله لا يضيع اجر من احين عملا سلام saraosama 05-08-2006, 05:22 PM مرسى جدا يا هند:) أحمد خليل 05-08-2006, 07:36 PM <div class='quotetop'>إقتباس(thestar90 @ Aug 4 2006, 08:30 PM) 180194</div> انا يا جماعة مش عارفة اقول اية لكل اللى شاركونى فى الموضوع بس للاسف انا لقيت انى منفعش فى رياضة 2 و حجزت مع مدرس احياء وربنا يستر و ياريت نفضل كلنا اصحاب فى المنتدى:) [/b] للأسف انا ممكن اكون زعلت شوية لأني كان نفسي انك تكوني في ركب الرياضة بس يلا مش مهم وياريت كلامي ميكونشي هو السبب يعني ميكونشي خوفك ده قرارك انتي مش احنا وربنا يوفقك في اللي قررتيه ونشوفك دكتورة بتعالجنا أو صيدلانية تدييني العلاج بس انا عندي طلب منك ياريت تحاولي تصلى صلاة استخارة لو لسه متردده saraosama 05-08-2006, 10:48 PM مرسى جدا جدا جدا جدا يا احمد و بجد انا مبسوطة اوى بالاهتمام اللى انا لقيتة من الاعضاء و اوعدك انى هاصلى استخارة و الحقيقة انا خفت من رياضة2 علشان فروعها كتير وكمان الميكانيكا شكلها صعب أحمد خليل 07-08-2006, 02:06 AM <div align="center">السلام عليكم ورحمة الله وبركاته</div> ربنا يوفقك يا ستار وتوصلى للخير ليكي بعد صلاة الأستخارة وبعدين انا برده كنت خايف من رياضة 2 في الأول وأي واحد دخلها هيقول كده حتى اسألى وشوفي الرد وكمان انا مقلتش ان الميكانيكا جامده عشان أخوفك لأ بس عشان توعيلها كويس وتصحيلها لأن مسألها بتعتمد كلياً على الرسم بتاع المسألة اللي هو بيجبلك الحل وانت ممكن تسألي مرس رياضة تكوني متأكده من كفائته وكمان زي ما بيقولوا اللي تحبه تخاف منه ....صح ولا أيه :D وانت ليه متسأليش حتى في منتدي الرياضة في المنتديات التعليمية هما ممكن يسعدوكي اكتر saraosama 07-08-2006, 02:23 AM و عليكم السلام و رحمة الله و بركاتة انا اصلى يا احمد حجزت مع مدرس احياء خلاص 000و عايزاك تدعيلى ان ربنا يوفقنى ان شاء الله أحمد خليل 07-08-2006, 02:28 AM السلام عليكم ورحمة الله وبركاته ماعنديش حاجة اقولها غير ربنا يوفقك وينولك مرادك ونسمع عنك كل خير ونجاح ياااااااااااااااااارب Maramero 07-08-2006, 02:30 AM رياضة 2 على فكرة مش صعبة زى مانتى متخيلة يا سارة وبجد التفاضل والجبر والهندسة حلوين جدااااااااا والميكانيكا مش هقوللك سهلة موت يعنى لا هى عايزة حلللللللللللللللللللللل كتيييييييييييييييييييييييييييييييييييييييييييييييي يييييييييير وبس اهم حاجة تعرفى كل الافكار وربنا يوفقك ان شاء الله وتدخلى اللى نفسك فيه Miss_CaR!zma 07-08-2006, 02:40 AM جزاك الله خيرا اخى بجد استفدت كتير انا رياضه 2 السنه دى باذن الله وربنا يوفقنا جميعا saraosama 07-08-2006, 02:48 AM مرسى يا مراميرو يا عسل و مرسى ليكى كتيير يا تويتى جيرل أحمد خليل 07-08-2006, 02:54 AM ربنا يوفقكم جميعاً انتي يا تويتي جارل وانتي كمان يا ستار فرحه الربيع 18-08-2006, 01:51 AM مرسى اوى اوى يا احمد انا ان شاء الله راحة رياضة 2 و استفدت من كلامك رفعت فوزى 18-08-2006, 01:56 AM صعوبه الماده تتمثل فى الكم وليس الكيف بمعنى الكل بيشتكى ان الماده كبيره ولكن مش صعبه لان الامتحانات كلها شبه مكرره يعنى لو حليتى امتحانات كتير هتدخلى الامتحان مرتاحه جدا ومحتاجه كمان انسانه بتحب الرياضيات وده على المادتين واحد واتنين وان كان فى 1 مضمون 50 فى 2 مضمون 55 بالسؤال الاختيارى كمان محمد صفوت 24-08-2006, 12:12 PM السلام عليكم و رحمة الله و بركاته انا كنت رياضة 2 والحمد لله السنة دى اللى كانوا بيقولوا ان امتحاناتها صعبة انا جبت 50 أهم حاجة فى الرياضة بالذات انك تحل أمثلة و تمارين كتاب الوزارة كلها متسيبش ولا مسألة حتى الأكمل و الاختيارى حله برضه لان امتحان السنة دى كان جاى من كتاب المدرسة بالنص كمان فى حاجة مهمة حل كل مسائل دليل التقويم وخصوصا فى التفاضل و الميكانيكا واهم حاجة فى التفاضل المعدلات الزمنية و العظمى و الصغرى والميكانيكا كلها مهمة يعنى فيها افكار كتييييييييييير بس لو حليت دليل التقويم و الكتاب ان شاء الله مش هيخرج عنهم الامتحان عايزك كمان تحل كتاب اسمه لامى و كتاب 100% كويس جدا و فيه حل بعض مسائل الدليل فى ناس بتستهين بفرع الهندسة الفراغية اول لما تبدأ ان شاء الله ابدأبيها وطول السنة حل عليها مسائل هتلاقيك حفظتها و اوعى او عى اوعى لما تدخل فى فرع جديد تسيب اللى انت خدته لازم تراجع باستمرار وعلى فكرة رياضة 2 هتسهلك حاجت كتيير فى الفيزيا و العكس حجة كمان ان رياضة 2 مش زى رياضه 1 يعنى رياضة 2 عايزة شغل باستمرار وربنا يوفقك واى حاجة تانية انا موجود محمد صفوت محمد احمد على محمود 01-09-2006, 11:22 AM انا فى رأئى رياضة 1 اسهل بكتير جدا من رياضة 2 باى حال من الاحوال لكن انا والحمد لله من غير ار ولا نأ جبت ( 50 ) فى رياضة 1 ورياضة 2 (50) برضه عشان حليت كتير فر رياضة 2 بالذات وركزت اكتر على كتاب الوزارة والحمد لله الامتحان مخرجش عنهم وربنا ستر ودخلت بترول وتعدين |