السلام عليكم ورحمة الله وبركاته

انا عايزة اقدم خدمة للى داخلين كلية علوم القاهرة إن شاء الله لانى فيها حالياً :D

اى مشاكل تقابلهم فى التقديم او فى التعرف على الكلية انا مستعدة اساعد إن شاء الله :rolleyes:

وانا بقترح اللى فى الكليات التانية يعملوا موضوعات برضه لو الموضوع ده افاد فى حاجة

الله الموفق إن شاء الله
سلام :rolleyes:

ويا ترى ده مقلب
هههههههههههه
على العموم انا طب اسنان المنيا ومش عارف اخلي نفسي فيها وانا معنديش اهل فيها
ولا أحول صيدلة اسيوط واقعد مع اخواتي
وانهي احسن صيدلة ولا طب أسنان

فكرتك كويسه يا علمي علوم

وجزاكي الله خيرا

واي طلاب جدد طب القاهره او طب علاج طبيعي القاهره عندهم اي استفسار يتفضلوا وانا هجاوبهم ان شاء الله.........

انا ان شاء الله هحول من صديلة منصور لاسنان الاسماعلية ما تيجي يا جمبو معانا هناك :D

لو كان ينفع ما كنتش اتأخرت
بس المجموع ما يجبش

يابني الاتنين قد بعض والله دي 398 والتانيه برضو انتا موش مركز :angry:

ونبي ما تزعل نفسك انا مقدرش على زعلك وانا جايب 398.5
بس المشكلة اني لازم اكون مع اخواتي 2 في هندسة اسيوط
عشان كده انا بسأل انهي احسن طب اسنان ولا صيدلة اسيوط

:D اها يا عم قول كدا

طبعا يا بني الاسنان احسن لانه بيشتغل مستشفى ويفتح عيادة ام الصيدلة بتفتح صيدلية وتستني الفرج من ربنا وزبون يتحكم فيك وياخد ويرجع ويغير كل شويا


ثانيا الفرص للسفر برة كتير للاسنان

وشوف كمان هقولك

1400 دفعة الاسنان كل سنة

الصيدلة 5000


فرق كبير


صلي استخارة زيي واتكل على الله بس بجد الاسنان احلى لو انتا بتحب الفهم وسيبك من الصيدلة لانها كلها حفظ بجد

عيب الاسنان تكاليف العيادة بس اما الباقي بجد جميل

بس لما تبقى دكتور اسنان هيبقى في عيوب
1.افرض واحد جالك مش غاسل سنانه هتف في وشه
2.اخرك دكتور اسنان و بس
3.الصيدلي ممكن يفتح صيدلية وده اضعف الإيمان
4.الصيدلي ممكن يبقى super visior
5.ممكن يشتغل في مصنع
6.ممكن يشتغل باحث
7.ممكن يخترع ادوية (زي اللي اخترع دواء علاج الأيدز من حبة واحدة(عفانا الله واياكم منه))
ويا ريت تغير رأيك وتيجي معايا صيدلة اسيوط (مكيفة)

ومعنى اللي انت بتقوله ان صيدلة اكتر من اسنا وكده احلى

حبيبي مصر موش فيها المقومات دي ودي وجهات نظر بس هقولك كفايا انك في الاسنان هتظمن شغلك بمستشفى محترمة

اما الصيدلة هتبأى زي البقال

حكاية غاسل سنانة هو انتا هتشم بوئة ولا ايه يا عمي معاك برفن معطر ولخص سلام

ريحة العفن هتفوح
بس بلاد بره فيها المقومات ولما تاخد ماجستير ودكتوراه وclinical course
هتبقى متزبط على الأخر

بص يا عمي هيه وجهات نظر بجد


شوف الجرنال شوف مين بيتطلب برة اكتر دكاترة الاسنان ولا الصيادلة اللي شغلهم بره معظمه خاص وأسألني ليا قريبي قالي متدخلش صيدلة :D

<div class='quotetop'>إقتباس</div>اما الصيدلة هتبأى زي البقال[/b]

الكلمة دى بتاعتى يا برى :D

بصوا يا جماعة ما اييييييه
رأيكم تخشوا تربية
عشان تطلعوا مربيين اجيال

الطلبة محتاجة ناس للدروس كده مش نافع


وشكرا يا علمى علوم على الفكرة
وان شاء الله السنة الجاية
ابقى استشيركم
بس ربنا يستر :(

شكرا على الردود

لا ده مش مقلب يا jumpo المقالب دى كانت زمان :D

وبالنسبة لصيدلة واسنان انا شايفة ان الاتنين ممتازين بس انا اعرف صيدلة كويس علشان اختى فيها وهى كلية جميلة جدا اما اسنان فاعدادى بتاعتها اغلبها بتتاخد عندنا فى علوم :rolleyes:
بس واضح انك يا محمد وjumpo عملين بحث جامد على الكليتين دول :D ............ ربنا يوفقكم يا رب

وشكرا على تشجيعك يا فلور
وربنا معاك يا خالد الجن

انا العيلة كلها مأيدة صيدلة عشان ابقى مع اخواتي وعشان ليها مستقبل واسع
واصحابي مأيديين طب اسنان لأن الشغل فيها بيبتدي من 3 صيدلة على عكس الأسنان
وانا محتار قعد في صيدلة واخواتي واضحي بأسنان
ولا اقعد مع اسنان ونفسي واضحي بأخواتي

انصحك بصلاة الإستخارة وربنا يكتبلك اللى فى الخير

خيار صعب فعلا...

ها ياجماعة محدش دخل علوم القاهرة ولا ايه؟؟؟ :huh: :D

بين حتفقل

عفوا استاذى يبدو انه حدث خطأ فى تحرير مشاركتك

بس على العموم شكرا جزيلا على المشاركة