[b][size=6] الاول احب ابعت تحيه ل95% من الاعضاء اللى هنا واللى انا بجد استمتعت بانى اكون معاهم الكام يوم اللى انا دخلت فيهم دول

بس انا ندمت ان انا دخلت المنتدى دا لكذا سبب منهم ان معظم ردودى بتتشال من المواضيع وربنا يشهد عليا ان الردود دى مفيهاش اى لفظ مش كويس بس هى كانت ردود صريحه ومن الاخر على العموم انا كنت منفض للحوار دا بس الظاهر ان فى المنتدى دا فى ناس مش مقتنعه بان الكلمه الطيبه حسنه ومنهم السيد المحترم بورسعيدى اللى انا قلتله انى احترمته بس للاسف هوا رد عليا بانه لسه و كمان السيد المحترم صاحب الموقع اللى الظاهر انه متعود يغلط فى الاعضاء زى يورى و نيو وبعديهم انا وما ادرانى باللى قبليهم ومع انى كنت عايز ابقى واحد منكم بس الظاهر ان القدام اللى فى المنتدى بيتحيزوا لبعض حتى لو كانوا غلطانين

على العموم انا عارف ان الموضوع دا هيتشال اول مينزل بس تحياتى للاعضاء المحترمين اللى هنا

يا اخى ربما لم يكن هذا قصد منهم وانها جات بالصدفة من غير قصدهم حاول انك تفهم الموضوع وانت عضو عزيز على المنتدى وهو يمكن مش يقصد اى حاجة

معلش يا بلاك سونيك
بكره تبقي قديم زيهم
المهم انت متزعلش نفسك وتسيب المنتدي عشان شوية عياااااااااااال
خليك واللي مش عاجبك هو اللي يمشي او يخبط دمااااااااااااااااااااااااااااغه في اقرب حيطة

حبيبي اولا

هقولك كلمة بورسعيدي يعني منتدى الثانوية واي حد بيحترمه هنا وبيحبه قوي وعلى فكرة الاستاذ مجدي (بورسعيدي) افضل شخصيات المنتدى ومن المؤسسين ليه


العبقري ( ابو آدم) ليه مشغوليات وانا اكتر واحد هنا كنت بهاجم عبقرينو بس لما كلمته عرفت قد ايه هو بيحب المنتدى


اما بالنسبة لحذف ردود مشاركات دي استحالة بتكون بمزاج المشرف يا اما ردك فيه حاجا غلط يا الموضوع كله كله غلط او متكرر

بص يا اخي عاوز تمشي امشي عاوز تستنى تنورنا والله

لكن انك تزعل او تضايق طيب يا حبي انا اتشمت هنا بس معملتش كل دا اهدا شوية

وان شاء الله خير سلام

مش اقرب حيطة بس لأ اقرب واتخن
وعلى فكرة انت لو تبص في مشاركاتي هتلاقيها فوق المية
والمواضيع اللي قاعدالي تحت العشرة
وشكل لغي المواضيع دلوقتي موضة
والله على ما أقول شهيد

بلاك سونيك انت اخ عزيز على كل المنتدى
وانت لسه جديد وطبيعى تتخبط شويه
فمش تزعل من الحاجات الصغيره دى
ونتمنى انك تفكر تانى
وبليز يا جماعه بلاش تقليب فى القديم لو فى قديم
سلام عليكم

يا جماعه والنبي اللي مش عاجبه المنتدي يمشي من سكات ميشغلناش بمشاكله معاه والكلام ده لاي حد سواء قديم او جديد

واللي عندي مشكله شخصيه مع حد هنا يروح يكلمه علي الخاص ويخلصوا مشاكلهم في بعض

مش كل يومين ندخل نلاقي واحد بيقول انا هسيب المنتدي ونرجع تتناقش وده يقول انت غلطان وده يقول غيرك غلطان ونتقسم نص مع ده ونص مع ده ونتشاكل ويبقي المنتدي مشاكل في مشاكل

يا اما تقفلوا المنتدي ده بقي وتريحونا

اسمع يا بلاك

انا لا احب المهاترات دى

وليس ضعف منى عدم الرد على اسلوبك

ولكن كما قولت لك انها مهاترات

يا جماعه الخير هذا ماحدث بينى وبينة

http://www.thanwya.com/forums/index.php?showtopic=14327

وهو لم يحذف له اى مشاركة او موضوع كما يدعى

وانما هى محاولة منه للفت النظر

ولا ادرى لماذا هذا الاسلوب

شكرا لك يا محمد يابرى على ردك

وشكرا لكم جميعا

لما واحد جديد يدخل دلوقتي مش فاهم اي حاجه ويلاقي نص مواضيع المنتدي انا غلطان وهسيب المنتدي وانا اتهنت والمنتدي مش كويس والناس هنا غلطانه يقول ايه ومنظرنا يبقي ايه

والنبي يا جماعه بكرررها اللي عنده مشكله شخصيه يحلها بعيد عن صفحات المنتدي ولو عايز حد معاه يشهد في اللي حصل يبعتلي بس المهم يكون بعيد عن المنتدي مش ناقصين مشاكل

البلد بيحصل فيها ايه والناس بتموت ازاي واحنا هنا بنقول فلان غلطان وانا ماشي

اللي عايز يمشي يمشي من سكات ( قديم أو جديد)

اهدا شوية يا ميدو على الراجل ..هههههه.

شوف يا سونك..انا حبيتك اول ما دخلت ..عشان كدة رحبت بيك

لكن موتى وسمى المواضيع اللى شبه دى:--ــــــــ..

اناهسيب المنتدى..ودمعى فوق خدى..

الوداع..لا مكان لى بينكم..

الادارة وحشة..الناس وحشة..الدنيا سودة فى عنية..

كان بودى اعد معاكم بكن...للاسف..فى عضو ..كذا وكذا وكذا..

انا عارف ان الموضوع ده هيتحذف..

القدام بيتآمروا على الجداد ...

تعالو نقلب فى القديم..شفتو اللى حصل فى العضو الفلانى؟؟ التاريخ بيعيد نفسه معايا...

----------------------------

يييييييييييييييييه...حاجة تقرف..

منتهى الحساسية على الفاضى...منتهى الزهق للباقيين..ومش مهم..يولعوا بقى..

منتهى التفاهة للموضوع..

كل ده بسبب كلمة خانك التعبير فيها...

"انا بدأت احترمك"

عارف لو كنت قلت انا احترمتك..انا انا بحترمك..مكنش هيبقى فيه موضوع من اصله..

لكن حط نفسك مكان استاذ بورسعيدى..

اقرا الكلمة كويس..."انا بدأت"ــــ

يعنى ايه؟؟ يعنى انا قبل كدة كنت مش بحترمك..ودلوقتى بدأت...فى الطريق...

التفسير التانى..اللى انت كنت تقصده..مكانش موجود غير جوة ضميرك...

وللاسف كان فى فرصة انك تصلح كل حاجة ..

لكن حضرتك وجعتك اوى الكلمة لما استاذ بورسعيدى قاللك :

خانك التعبير....وكانها شتيمة بالام او سب دين...

قمت مولعها..و الموضوع كبر..وعملت موضوع تقول فيه:

انا هسيب المنتدى...عشان الحوار ده..

والمطلوب بقى نمسك فى كل عضو يعمل كدة..

متمشيش.

مش هنقدر نعيش من غيرك..

احنا منسواش حاجة بدونك..

-------------------------

حاجة تقرف...كل ده عشان كلمة من 4 حروف غلطت وكتبتها..وكبرك خلاك متعترفش بغلطك..

فكر فى الموضوع كويس...لو سمحت..

-----------------------------

اوف ...الحمد لله طلعت اللى فقلبى..

-------------------------------------

لو كلامك اللى فى الموضوع ده صح..وردودك اللى اتحذفت كانت صريحة..يبقى اقبل الصراحة..
-----------

حرام عليكم بقى...

بارك الله فيك يا ميدو

وسلمت يداك يا احمد

وانا اسف ياسيدى

وانا الى غلطان

اظن مافيش كلام تانى

وياريت نكبر شوية

خلاص يا استاذ مجدي بص يا استاذي الفاضل اللي عاوز يمشي هو حر موش هيضر يستنا ينورنا احنا لا هنخسر ولا هنستفيد

ووالله المنتدى دا بجد هيعود زي الاول ان شاء الله واحسن ننتظر رد الاخ اهو الاستاذ بورسعيدي اعتذر مع انه مغلطش سلام

No Comment

أنا كنت حقول نفس اللي ناس قالوه

يسلم لسانكو

تمام اللي قولتو يا أحمديشن


رجاء من كل الشباب أبو 16 و17 و 18 سنة

كبروا عقلكوا شوية



ياااااااادي النيلة

كلوا حيتأمص ويمسك في كلمة كبروا عقلكوا

فأنا بالتالي لازم أوضح وأقول .. يا جماعة مش قصدي .. يا جماعة بهزر


طب خلوا صدركوا رحب .. أظن الكلمة دي حلوة بقة

يا ريت نلتمس الأعذار .. نلتمس حسن النية

يا حبايبي وصحابي .. يا طلبة الثانوية

انا مش فاهمة حاجة و مش عاوزة افهم كمان

طيب