تسجيل الدخول

مشاهدة النسخة كاملة : ها .. اخدت القرار و لا لسة !!

** MR.SmilE **
23-04-2009, 03:36 PM
اهلا بكل من دخل موضوعي

ازيكم .. عاملين ايه

ندخل في الموضوع

طبعا احنا في شهر ابريل

و الحاجة الوحيدة المشتركة في القنوات في شهر مارس و ابريل

هي اعلانات الضرايب

خد القرار و قدم الاقرار
اعرف مصلحتك
و غيره الكتير و الكتير من الشعارات الطويلة العريضة اللي احتلت التليفزيون

و كله كوم بقي و الشعار الاخير -- لو مادفعتش هيبقي في سجن و كتاكيت --
معلش نفسي اعرف ايه اللي دخل الكتاكيت في الموضوع .. او انا سمعت غلط :d

ببساطة تهديد ع الهوا :040vk0:

كويس اوي

طيب هو الموضوع ده هيفيد ؟؟

يعني اللي هيتفرج ع الاعلان قلبه هيحن مثلا و يقدم اقراره ؟؟

طيب ناخد مثال : امريكا

الضرايب هناك ضعف مصر -- بين 35 لغاية 80 في المية من الدخل

طبعا لو حاجة زي كدة في مصر هيحصل انقلاب تاني يوم

بس تلاقي ان الواحد فيهم بيدفع علي طول

من غير اعلانات و لا يافطة في الشارع و لا غيره

ببساطة السبب انه عارف انها هترجعله في المجتمع اللي حواليه ( مش هتاكلها القطة زي حالاتنا )

عمره ما هيسأل هي الفلوس راحت فين ؟؟

و لا مين اللي خدها ؟؟

طيب خدوا كام ؟؟ و فاضل كام ؟؟

و يبقي الوضع كما هو عليه

و يبقي اعلانات الضرايب .. و لا في حد بيسأل .. واللي يدفع يدفع و اللي مايدفع ما يدفعش :(

و سؤال الحلقة .. اقصد سؤال الموضوع :)

تفتكر الاعلانات دي و بالشكل ده
هتخدم بأي شكل في توعية المصريين ؟؟


تحياتي
khas123
23-04-2009, 04:34 PM
انت بتتكلم في ايه.........طبعا المصريين مش زي اي حد
واكيد هينفع معاهم اي حاجة
براءة
23-04-2009, 05:21 PM
هم اساسا عاملين الاعلانات دى علشان نضحك شوية
ناس حنينة والله
JASSY
23-04-2009, 06:06 PM
والله كل حاجة جايز واحتمال ان الاعلانات تساهم باى شكل....
وزي انت ما قولت ان فيها تهديد علني وللاسف بقى فيه ناس ما بتجيش غير بالتهديد ........
اما بقى على الناس اللي في امريكا وبيدفعوا ضرايبهم من غير اعلانات ولا حاجة.....اعتقد لان هما شايفين فايدة الفلوس اللي بيدفعوها ديه في حياتهم عكس عندنا خاااااااالص الناس تفضل تدفع في الضرايب وحالها ما بيتغيرش نفس المشاكل والتعقيدات من مدارس بقى وعلاج ........الخ دي وجهة نظري.....
وميرسي ليك على طرحك للموضوع
fictional.girl
23-04-2009, 07:57 PM
شكرااا علي موضوعك
بص ياسيدي سواء عملوا اعلانات اولا فكده كده الي بيدفع بيدفع
قصدي يعني الي عنده ضمير معروف
لكن بقي طبعا بعض طبقات المجتمع الي هي المفروض اصلا تدفع عشان تصلح اقتصاد الدوله هي المشكله
وااله أعلم
** MR.SmilE **
23-04-2009, 11:14 PM
انت بتتكلم في ايه.........طبعا المصريين مش زي اي حد
واكيد هينفع معاهم اي حاجة

تحيا مصر يا جدع :d
شكرا لمرورك



هم اساسا عاملين الاعلانات دى علشان نضحك شوية
ناس حنينة والله

و الله هيطلعوا خايفين علينا و احنا مش واخدين بالنا :d

منورة يا رحمة


والله كل حاجة جايز واحتمال ان الاعلانات تساهم باى شكل....
وزي انت ما قولت ان فيها تهديد علني وللاسف بقى فيه ناس ما بتجيش غير بالتهديد ........
اما بقى على الناس اللي في امريكا وبيدفعوا ضرايبهم من غير اعلانات ولا حاجة.....اعتقد لان هما شايفين فايدة الفلوس اللي بيدفعوها ديه في حياتهم عكس عندنا خاااااااالص الناس تفضل تدفع في الضرايب وحالها ما بيتغيرش نفس المشاكل والتعقيدات من مدارس بقى وعلاج ........الخ دي وجهة نظري.....
وميرسي ليك على طرحك للموضوع


تماام

شكرا لمرورك


شكرااا علي موضوعك
بص ياسيدي سواء عملوا اعلانات اولا فكده كده الي بيدفع بيدفع
قصدي يعني الي عنده ضمير معروف
لكن بقي طبعا بعض طبقات المجتمع الي هي المفروض اصلا تدفع عشان تصلح اقتصاد الدوله هي المشكله
وااله أعلم


هو ده اللي انا باقوله

شكرا لردك :redface: