مشاهدة النسخة كاملة : استخدام الآلة الحديثة فى الإحصاء
abdelRhman772007 24-04-2009, 05:43 PM بسم الله الرحمن الرحيم
و الصلاة و السلام على أشرف المرسلين
سيدنا محمد النبى الأمى الأمين
و أما بعد ؛
فى الموضوع ده هقول إن شاء الله طريقة استخدام الآلات الحاسبة
fx 500 و عموماً يشبهها إلى حد كبير fx 82 & fx 570
عموماً نبدأ بالفصلين الآخرنيين
أول حاجة لازم ندخل نظام stat
MODE_ _ _ _ _ _ _> STAT
هنلاقى حجات كتيرة هنختار منها (A+BX) و ده بالضغط على 2
~~~~~~~~~~~~~~~~~~~~~~~~~~~
هنلاقى جدول من خانتين (X & Y) اللى هما خانتين السين و الصاد فى الجدول
هننقل الجدول اللى عايزين نجيبله معامل الارتباط الخطى أو معادلة خط الانحدار
و (لاحظ ليس هناك معامل ارتباط سبيرمان فى الآلة الحاسبة)
المهم هننقل الجدول و بعد ماننقله ندخل للخطوة اللى بعدها
~~~~~~~~~~~~~~~~~~~~~~~~~~~
دلوقت بعد ما نقلنا الجدول عايزين نشوف هنعمل ايه بقى بالآلة
احنا هندخل نعمل حسابات STAT و ده ندخلها كالتالى
SHIFT _ _ _ _ _ _ _> 1
هنلاقى TYPE , DATA , EDIT .....etc
~~~~~~~~~~~~~~~~~~~~~~~~~~~
اللى يهمنا فى دول ايه
يهمنا VAR و ندخلها بالضغط على 5
اللى يهمنا
إكس شرطة و معناها المتوسط الحسابى ل سين
واى شرطة و معناها المتوسط الحسابى ل واى
إن و معناها عدد عناصر سين أو ص اللى هى ن
و عشان نطلع منها نضغط AC
~~~~~~~~~~~~~~~~~~~~~~~~~~~
ندخل تانى بنفس الطريقة شيفت واحد
يهمنا كمان SUM و ندخلها بالضغط على 4
سميشن إكس تربيع (سيجما إكس تربيع) هى مجـ س تربيع
سميشن إكس هى مجـ س
سميشن واى تربيع هى مجـ ص تربيع
سميشن واى هى مجـ ص
سميشن إكس واى هى مجـ س ص
و الباقى ميلزمناش
نطلع ب AC
~~~~~~~~~~~~~~~~~~~~~~~~~~~
ندخل تانى بنفس الطريقة شيفت واحد
يهمنا أكتر حاجة REG و ندخلها بالضغط على 7
r هو معامل الارتباط لبيرسون
فاكرين النظام اللى كنا داخلينه من STAT
أفكركم A+BX
يعنى أيه هو الحد الحر فى معادلة انحدار ص على س
و بى هو معامل س
يبقى كالآتى
A هو الحد الحر
B هو معامل س و الاتنين فى معادلة انحدار ص على سين
طيب هو ايه إكس اللى عليها تمانية و و واى اللى عليها تمانية أقولكم
قدر قيمة س عندما ص تساوى كذا و قدر ص لما س بكذا
يبقى إكس اللى عليها علامة تمانية هى قيمة سين المقدرة بمعلومية ص
و واى اللى عليها تمانية هى قيمة ص المقدرة بمعلومية س
~~~~~~~~~~~~~~~~~~~~~~~~~~~
و عشان الناس محدش يمل
كفاية كده المرة ده بعد ما عرفنا إمكانيات الآلة و المرة الجاية نقول طريقة الاستخدام إن شاء الله
و على فكرة الكلام ده كله هدفه الأساسى التأكد و إكتشاف الأخطاء بسهولة و سرعة أثناء الامتحان
أرجو يكون حد استفاد من الموضوع
~~~~~~~~~~~~~~~~~~~~~~~~~~~
~~~~~~~
~~~
~
"إن مع العسر يسراً إن مع العسر يسراً فإذا فرغت فانصب و إلى ربك فارغب"
ahmed_eldaly 24-04-2009, 11:46 PM مشكورررررررررررررررررررررررررررررررررررررررررررررر رررررررررر
Mr. Medhat Salah 26-04-2009, 12:57 AM مشكووووووووووووووووووووووووووووووووووووووور
er311070 28-04-2009, 07:46 PM Very good thanks
TheDeco 01-05-2009, 05:43 PM مشكوووور في انتظار الطريقة مع مثال للتوضيح ان امكن
تحياتي
عماد
abdelRhman772007 01-05-2009, 11:19 PM نستكمـــــــل
طريقة استخدام الآلة فى الباب الرابع و الخامس
ملحوظة قبل ما نبدأ مفيش حاجة على الآلة تحسب معامل الارتباط الرتبى لسبيرمان لأنه ما بيتعاملش مع أرقام
نبدأ مشاركتنا التانية فى الموضوع ده بسم الله الرحمن الرحيم
أولاً جيب الآلة عشان كل شغلنا تقريباً عملى
و زى ما اتفقنا 82 و 500 و 570 و 991 هم طرازات كاسيو اللى بنشتغل عليهم الكلام ده
افتح أى جدول من جداول الارتباط الخطى لبيرسون
ونعمل عليه اللى جاى
# افتح الآلة على نظام الإحصاء بالآتى
MODE))))))) (STAT) ))))))) (A+BX) ok
#هنلاقى جدول من خانتين x & y إكس هى س و واى هى ص
ننقل بيانات الجدول اللى فتحناه فى الأول و بعد ما نخلص معطياتنا الباقى على الله ثم عليك ثم على الآلة
# لايجاد معامل الارتباط الخطى (ر)
shift )))))))press 1 ))))))) Reg))))))) r))))))) = ok
حيث آر هى ر معامل الارتباط
# فى حالة عدم تساوى الناتج مع الناتج الذى حسبته نحاول كشف الخطأ بالآتى
نبحث أجزاء الجدول كل على حدة و الحسابات نجدها فى خانة sum و لكى نصل إليها
shift )))))))press 1 )))))))Sum
و ستظهر لك حسابات الجدول و معانيها سبق ذكرها فى المشاركة الأولى
ويمكنك بهذا تقفى الخطأ أ, ألأأخطاء التى حدثت معك
ملحوظة : قد يفضل بعض الناس معرفة الحسابات و معامل الارتباط حتى قبل كتابة الجدول و كتابتها فى الهامش
حتى إذا حدث خطأ يصححه دون إضاعة وقت فى التكملة حيث مابنى على خطأ فهو خطأ
و طبقاً لمبدأ الخطأ قلابد أن تكون ممكن من استخدامك للآلة و تراعى نقل الجدول بطريقة صحيحة تماماً و احذر فقد تقلب الجدول
=============================================
الباب الخامس
ينقل الجدول كما فعلنا فى خانتى س و ص
و تذكر أننا فى نظام A+BX
و كما نلاحظ هذه هى معادلة الانحدار ل ص على س
حيث أيه هو الحد الحر و بى هو معامل س أى معامل انحدار ص على س
و لكى نصل إليهم
shift )))))))press 1 ))))))) Reg
A ثم يساوى فنحصل على الحد المطلق
B ثم يساوى فنحصل على معامل س
لاحظ جيداً بعد حساب أى شىء مما سبق فلحساب شىء آخر من نفس الجد أحذف الأول ب DEL
# و الآن لإيجاد القيمة المقدرة بمعرفة الآخر
لايجاد قيمة ص المقدرة
نكتب قيمة س المعطاة ثم
shift )))))))1 )))))))Reg))))))) (x^) = ok
و لايجاد قيمة س المقدرة
نكتب قيمة ص ثم
shift )))))))1 )))))))Reg))))))) (y^) = ok
قد يلحظ البعض عدم كتابة كيفية ايجاد معادلة س على ص
و السبب لأن طريقته كالآتى
ننقل الجدول هذه المرة مبدلاً بحيث نضع قيم س فى y و قيم ص فى x
ثم نفعل كما فعلنا مسبقاً فيكون
shift )))))))press 1 ))))))) Reg
A ثم يساوى فنحصل على الحد المطلق
B ثم يساوى فنحصل على معامل ص أى معامل انحدار س على ص
و افتكروا بس أنكم تشيلو من الجدول أى حاجة حسبناها عشان متأثرش على الجدول
================================================== =
آسف على سوء التنسيق و على فكرة الكلام ده كتبه من زمان و حاطه فى النوتس
و كنت عيان شوية و عندى حبة مشاكل
ربنا يستر عموماً يا ديكو شوف كده و جرب على المسائل اللى معاك لو حاجة وقفت هحاول أرد فى أقرب وقت
و إذا الأمور مشيت تمام حاول تحط من عندك مثال توضيحى لباقى الزملاء إذا تكرمت
و عموماً المشاركة الجاية وشيكة إن شاء الله هتكون ازاى نجيب المتوسط الحسابى و التباين و الانحراف المعيارى
ربنا يوفقكم جميعاً
=================================
البارحة تاريخ و المستقبل غموض ، أما اليوم فموجود و لهذا يسمى الحاضر
abdelRhman772007 02-05-2009, 11:49 PM عشان منفوتش ركن أساسى فى الامتحان جدول سبيرمان نتأكد منه كالتالى
نسمى بسم الله كده و نرتب الجدول على مرتين مره من جدول الامتحان عادى
و التانية بأننا نشوف المتشابه و نشيل رتبته و نعوض بمتوسطهم الحسابى
و نكمل الجدول و نجس نبضه
لازم مجـ ف تساوى صفر
مجـ ف تربيع بتساوى عدد صحيح أو عدد صحيح زائد نصف أو صفر
و عارف أن التنسيق وحش بس عموماً لو أى مشرف من المنتدى
يشيل الموضوع ده و ينسقه بطريقته يبقى أحلى
وعموماً زى ما قولت المرة الجاية هنعرف نجيب من الآلة ميو و سيجما و سيجما تربيع
مع أصدق الأمنيات
Eng_lfc 03-05-2009, 10:38 AM مشكورررررررررررررررررررررررررررررررررررررررررررررر ررررر
Dr.esso lovely 15-05-2009, 09:18 PM thanks alot
moustafaatchy 22-05-2009, 11:16 PM لو سمحت اذا كانت المسألة من غير جدول
يعني جايب مج س - مج ص - الخ
اقدر اجيب معامل الارتباط
ومعادلة الانحدار ازاي ؟
موضوعك كويس جداا جداا بجد .. شكرا ليك
و على فكرة الكلام ده كله هدفه الأساسى التأكد و إكتشاف الأخطاء بسهولة و سرعة أثناء الامتحان
أرجو يكون حد استفاد من الموضوع
انا ناوية باذن الله احل الاول وبعدين اتأكد بالطريقة دى
لان غالبا لازم تكوين الجدول يبقى كامل
يعنى ماينفعش احط المجموع بس واشتغل عالاساس ده
عموما مش متأكدة من كلامى ده
بس عشان نتجنب اى حاجة ممكن تنقصنا
# و الآن لإيجاد القيمة المقدرة بمعرفة الآخر
لايجاد قيمة ص المقدرة
نكتب قيمة س المعطاة ثم
shift )))))))1 )))))))Reg))))))) (x^) = ok
و لايجاد قيمة س المقدرة
نكتب قيمة ص ثم
shift )))))))1 )))))))Reg))))))) (y^) = ok
هنا انت اتلغبطت ف حاجة
عشان نجيب قيمة ص
هانكتب قيمة س المعطاة
وبعدين
shift --> 1 --> Reg --> (y^) = ok
لاننا عايزين قيمة الـ ص اللى هى الـ y
---
وعشان نجيب قيمة س
هانكتب قيمة ص المعطاة
وبعدين
shift --> 1 --> Reg --> (x^) = ok
لاننا عايزين قيمة الـ س اللى هى الـ x
جربتها على مسألة دلوقتى ومتأكدة
و افتكروا بس أنكم تشيلو من الجدول أى حاجة حسبناها عشان متأثرش على الجدول
مش فاهمة قصدك ؟
و إذا الأمور مشيت تمام حاول تحط من عندك مثال توضيحى لباقى الزملاء
باحضر دلوقتى مثال
هانزله اول ماخلص
وهاحاول على قد ماقدر يكون شكله كويس وواضح
:d
و عموماً المشاركة الجاية وشيكة إن شاء الله هتكون ازاى نجيب المتوسط الحسابى و التباين و الانحراف المعيارى
متابعة
شكرا مرة تانية بجد
ربنا يكرمك
حطيت الشرح بتاعك على مسألة من النماذج
شرح الارتباط الخطى :
http://www8.0zz0.com/2009/05/23/03/980076325.jpg
لو الصورة ماظهرتش
تقدروا تنزلوها من المرفقات
وباقى الحل ف المشاركة الجاية
خط انحدار ص على س :
http://www8.0zz0.com/2009/05/23/03/110700784.jpg
لو الصورة ماظهرتش
تقدروا تنزلوها من المرفقات
يا رب اى حد يستفيد
:)
abdelRhman772007 23-05-2009, 03:02 PM انا ناوية باذن الله احل الاول وبعدين اتأكد بالطريقة دى
لان غالبا لازم تكوين الجدول يبقى كامل
يعنى ماينفعش احط المجموع بس واشتغل عالاساس ده
عموما مش متأكدة من كلامى ده
بس عشان نتجنب اى حاجة ممكن تنقصنااذن الله احل الاول وبعدين اتأكد بالطريقة دى
لان غالبا لازم تكوين الجدول يبقى كامل
يعنى ماينفعش احط المجموع بس واشتغل عالاساس ده
عموما مش متأكدة من كلامى ده
بس عشان نتجنب اى حاجة ممكن تنقصنا
كلام جميل و كلام معقول و وجهة نظر معتبرة
هنا انت اتلغبطت ف حاجة
عشان نجيب قيمة ص
هانكتب قيمة س المعطاة
وبعدين
shift --> 1 --> reg --> (y^) = ok
لاننا عايزين قيمة الـ ص اللى هى الـ y
---
وعشان نجيب قيمة س
هانكتب قيمة ص المعطاة
وبعدين
shift --> 1 --> reg --> (x^) = ok
لاننا عايزين قيمة الـ س اللى هى الـ x
جربتها على مسألة دلوقتى ومتأكدة
فعلًا اتلغبط و من غير ما أجرب ازاى أحط قيمة س و أقدر قيمة س
و شكرًا للتنويه و آسف على عدم مراجعة موضوعى
و لكنى عملت كده يقينًا منى بأن الأعضاء هيعدلوا أى هفوة
و افتكروا بس أنكم تشيلو من الجدول أى حاجة حسبناها عشان متأثرش على الجدول
مش فاهمة قصدك ؟
يعنى مثلاً جبت معامل الارتباط فهيضيف خانة على الجدول
عشان كده لازم تشيله هو ممكن تكون ما بتأثرش و لكن توقع ما لا يتوقع
و بعدين شبه متأكد أنك لو سيبته فى الجدول و جيت تعمل مثلاً سميشن إكس
هيطلع غلط
فلازم نشيل أى خانة احنا حاسبنها يعنى مش من الجدول الأصلى
=====================================
المتوسط الحسابى و التباين فى السكة
abdelRhman772007 23-05-2009, 03:40 PM بسم الله الرحمن الرحيم
أقبل ما نشتغل على الدرس ده أحب نعرفكم على عنصرين هامين لازم نعرفهم
أولاً هندخل نظام الإحصاء
mode -stat-"1-VAR" ok
هتلاقى جدول من خانة واحدة X
نتعرف بقى على العنصر التانى FREQ هنجيبه كالتالى
shift-mode-(down)-stat
داون يعنى اضغط سهم تحت المهم هيظهر الآتى
Frequency? 1-ON 2-OFF
'هنختار "ON" و زى ما احنا عارفين فريكوانسى تعنى التردد اللى عدد مرات ظهور س على عدد فضاء ف
سيبكوا من تعريفها ميلزمناش أوى
طريقة الحل
هات الجدول المطلوب
الخانة الأولى س هتتحط فى X
الخانة التانية د(س)فنعدل فيها تعديل مشترط "هنوحد المقامات لكل الاحتمالات" و بعدين "ننقل البسط و نحطه فى الجدول قصاد كل قيمة س مناظرة"
بس كده تسجيل الجدول خلص معلش يمكن رخم سنة بس هتتعودوا عليه
طريقة الحسابات:
shift-"1"-"VAR" ok
إكس بار تمثل المتوسط الحسابى
إكس سيجما إن تمثل الانحراف المعيارى
الرابعة سيبك منها و الأولى عدد العناصر سيبك منه
علشان نجيب المتوسط الحسابى هنفتح حسابات الإحصاء و نختار VAR و نختار إكس بار و يساوى
علشان نحسب التباين هنفتح حسابات الإحصاء و نختار VAR
و نختار إكس سيجما إن و بعدين "تربيع" من زراير الآلة و يساوى
عشان نحسب الانحراف المعيارى زى التباين من غير تربيع
عشان نحسب معامل الاختلاف احسبه يدوى أفضل أو بطريقة مركبة
نفتح قوس نجيب الانحراف "رمزه بس" ÷ نجيب المتوسط "رمزه بس" نقفل القوس × 100 و يساوى
===============================
بيتهيألى فيه غلطات لأنى كنت مستعجل شوية
الموضوع موضوعك يا "عديها" كناية عن موصوف ^_^
و لو تحب تعمل موضوعك المنسق فى موضوع تانى يبقى أفضل
و أى استفسار فى الخدمة
و المرة الجاية أقول طريقة فى الاحتمالات تجيب أى حاجة من غير رسم ربنا يسهل أعملها بسرعة
==================================
ملحوظات عامة على استخدام الإحصاء
# دايمًا أى جدول خانتين لو لقيت الفريكونسى زيادة ممكن تشيله من السيت أب و أختار إستات ثم أقفله
# الجداول تنقل كما هى تمامًا إلا فى حالتين
ايجاد معادلة انحدار سين على ص نعكس الخانات المنقوله
، حسابات المتوسط و التباين بنحط بدل د(س) بسط الاحتمالات بعد توحيد مقاماتهم
#إذا هتحسب أكتر من حاجة من جدول واحد بعد كل حسابة احذف اللى حسبته من الجدول
#لا تحسب الآلة معامل ارتباط الرتب لأن الآلات رقمية
و كذلك فى حاجة إعطاء المجاميع الجدول جاهزة لا يمكنه حسابها و لكن يتم الحساب يدوى
#الكلام ده للتأكد و إذا حسيت أنه هيلخبطك ميلزمكش
# بكده الآلة بتحسب حسابات الفصل الرابع و الخامس ونص التانى
#أمممممم مش فاكر حاجة كمان بس عمومًا لو حد معاه آلة 570 أو 991 إذا كان مدرس فمستعد أقوله
ازاى نحسب الاحتمال المتصل و المنحنى الطبيعى و لكن هذه الاستخدمات تضر الطلبة أكثر ما تفيد و
تفيد المدرسين الذين يصنعون المذكرات لأنها تخرج الناتج مباشرة، لو كان طالب و عايز يعرفها أشترط
أنه يكون مستوى رفيع رياضة و معاه 570 أو 991
==================================
الموضوع لسة مخلصش لسة فيه طريقة عشان نعرف نحسب الاحتمالات الملخبطة
زى أ شرطة - ب الكل شرطة
على فكره اللى فوق قولتها بالحظ محدش يعلق عليها ده مثال
==================================
مستنين تنسيقك يا بطل و لو أى مساعدة أقدمهالك أو استفسار قول و خليها على الله
و آسف على سوء التنسيق الشديد لموضوعى و شكرًا على تنسيقك المنظم
lovelyheart 24-05-2009, 07:11 AM جد تحفه و رنا يجزيكوا كل خير :] بس ممكين توضح ازاي نجيب سجما سكوير و كدا عشان نتاكد و ياريت لو بانجليزي :] :]
lovelyheart 24-05-2009, 07:14 AM الخانة الأولى س هتتحط فى x
الخانة التانية د(س)فنعدل فيها تعديل مشترط "هنوحد المقامات لكل الاحتمالات" و بعدين "ننقل البسط و نحطه فى الجدول قصاد كل قيمة س مناظرة"
ممكن توضح النقطه دي
lovelyheart 24-05-2009, 07:21 AM شكرا جدا و انا اسفه و خلاص انا فهمتها بجد جزاك الله كل خير انا كنت اعرف بعضهم ولاكن الباقي بصراحه جديد
ربنا يوفقك يارب و شكرا جزيلا
karimo2020 25-05-2009, 06:43 AM مجهود راااااااااااااااااااااائع
وموضوع أروع يحتاجه الكثير
جزاك الله خيرا
harrrpo 25-05-2009, 12:48 PM يا ريت باقي الاستخدامات
انا بقى رياضة 2 و رياضة مستوى
و مش مشكلةو الواحد برده محتاج يتاكد من كل حاجة في الامتحان
abdelRhman772007 25-05-2009, 06:18 PM يا ريت باقي الاستخدامات
انا بقى رياضة 2 و رياضة مستوى
و مش مشكلةو الواحد برده محتاج يتاكد من كل حاجة في الامتحان
حقيقى زى ما قولت مش مفيدة يعنى المنحنى الطبيعى كل اللى بيعمله أنه بيطلع قيمة الاحتمال بدل ما تبص فى الجدول
و المتصل بنستخدم فيه التكامل المحدد اللى فى الآلة عشان يحسب المساحة اللى بتمثل الاحتمال
ماهماش مهمين فمتشغلش بالك بيهم
abdelRhman772007 25-05-2009, 07:08 PM بسم الله الرحمن الرحيم
عشان الوقت ما يضيقش علينا هاحط مشاركتى فى كيفية تبسيط صور الاحتمالات فى الباب الأول
عايز اتفق معكم على كام حاجة الأول تقدر تبسط بيها تقريبًا أى احتمال يقابلك و من غير رسم
و أكيد ممكن تتأكد بالرسم معاه عشان تتأكد مرتين
#إذا كان هناك فرق من الممكن إبداله إى تقاطع مع عكس مابعده(إذا كان خليه مكمل ألف و العكس بالعكس)
#إذا كان هناك تقاطع من الممكن إبدالها بالفرق مع عكس ما بعدها
#التقاطع و الاتحاد يخضع للإبدال
#يمكن عكس القوس مع عكس كل ما داخل القوس
مثلاً زى قانونا دى مورجان
=========================
نطبق بقى و هكتب انجليزى عشان الكتابة تبقى سهلة
فى المرفقات
أى استفسار فى أى نقطة قولوا بس و خلوها على الله
يعنى مثلاً جبت معامل الارتباط فهيضيف خانة على الجدول
عشان كده لازم تشيله هو ممكن تكون ما بتأثرش و لكن توقع ما لا يتوقع
و بعدين شبه متأكد أنك لو سيبته فى الجدول و جيت تعمل مثلاً سميشن إكس
هيطلع غلط
فلازم نشيل أى خانة احنا حاسبنها يعنى مش من الجدول الأصلى
فهمت قصدك
انت لو جيبت الارتباط وانت فاتح الجدول لسة
هاتتضاف خانة جديدة فيه
وفعلا الناتج هايطلع غلط بعد كدة
حتى جرب تانى تجيب الارتباط من غير ما تشيل الخانة دى
هاتلاقيه مختلف خالص
بس انا باقفل الجدول بـ( ac ) قبل ماجيب الارتباط او اى حاجة
وبالتالى مفيش حاجة بتتضاف فيه
عشان كدة ماكنتش فاهمة قصدك
شكرا للتوضيح
---
هاطبق الحاجات اللى ضفتها دلوقتى واحطها ف مثال ان شاء الله
شكرا ليك مرة تانية
abdelRhman772007 29-05-2009, 03:21 AM الشكر لله
و متنساش إذا ناوى تعمل المثال مجيش على وقتك
الضرائب مصلحتك أولاً
Aya Muhammad 08-06-2009, 07:56 PM ألف شكر .. كنت والله بدور على الموضوع دة من زمان
ربنا يكرمك فى الامتحانات .. عندى استفسار صغير بس ..
ازاى نجيب معادلة انحدار س على ص
كل الكلام على معادلة انحدار ص على س بس
mido mshakel 08-06-2009, 10:16 PM ألف شكر .. كنت والله بدور على الموضوع دة من زمان
ربنا يكرمك فى الامتحانات .. عندى استفسار صغير بس ..
ازاى نجيب معادلة انحدار س على ص
كل الكلام على معادلة انحدار ص على س بس
هاتعكسى الجدولين
تحطى قيم سين ف جدول الـ y وقيم ص ف جدول الـ x
اهى يا آية
قد يلحظ البعض عدم كتابة كيفية ايجاد معادلة س على ص
و السبب لأن طريقته كالآتى
ننقل الجدول هذه المرة مبدلاً بحيث نضع قيم س فى y و قيم ص فى x
ثم نفعل كما فعلنا مسبقاً فيكون
shift )))))))press 1 ))))))) Reg
A ثم يساوى فنحصل على الحد المطلق
B ثم يساوى فنحصل على معامل ص أى معامل انحدار س على ص
و افتكروا بس أنكم تشيلو من الجدول أى حاجة حسبناها عشان متأثرش على الجدول
عبد الرحمن قالها بس منى ماحطتهاش ف الشرح
ريناد2025 28-06-2009, 04:07 PM ارجو من الاساتذةكيفية استخدام الالة الحاسبة فى الاحصاء بطريقة سهلة لان احد الطلاب ذكر طريقة ولانعرف هل هى صحيحة ام لاوشكرا
أنين المذنبين 28-06-2009, 11:20 PM استخدام الالة الحاسبة فى الاحصاء</strong>
أيام وسنين 29-06-2009, 12:30 AM طب متذاكروا وخلاص
هو لازم التوهان دة
بارقة امل 29-06-2009, 12:56 AM ممكن حد من المشرفين يثبت الموضوع ده
abdelRhman772007 11-05-2010, 04:53 PM تنشيط للناس الجداد
عسى حد يستفيد
!!!
the best of the world 20-05-2010, 08:32 PM bgd really ...............mshkooooooooooor 2wy kol da 7lw bs ana 5ayf mn elw2t...fe elmt7an
abdelRhman772007 22-05-2010, 06:21 PM المفروض الحاجات ده تزود سرعتك
لو قللتها يبقى بلاشها أحسن
فى رأيى
the best of the world 27-05-2010, 12:19 AM استفسار : لو سمحت هوا في الاحصاء تنصحنا نستخدمها في ايه بالظبط يعني الرابع والخامس بس ولا باقي الفصول
+
انا كنت عايز اعرف ازاي اعمل المحددات في الجبر عالالة fx 991 وبجد شكرا على تعبك معانا و شكرا بجد انت كدا هتوفر علينا وقت وجهد شكرااااااا بجد
abdelRhman772007 30-05-2010, 03:11 AM استفسار : لو سمحت هوا في الاحصاء تنصحنا نستخدمها في ايه بالظبط يعني الرابع والخامس بس ولا باقي الفصول
+
انا كنت عايز اعرف ازاي اعمل المحددات في الجبر عالالة fx 991 وبجد شكرا على تعبك معانا و شكرا بجد انت كدا هتوفر علينا وقت وجهد شكرااااااا بجد
اللى تعرف تشتغل بيه كويس ليه ما تشتغلش بيه
عن نفسى استفدت فعلاً بالكلام ده
غلطت غلطات غريبة فى جدول الانحراف المعيارى و طبعًا بالآلة فى ثوانى
طلعت الغلطات و صلحتها
زائد الموضوع تقريبًا مغطى المنهج بالكامل يعنى فيه قوانين احتمالات
حاططها بجد بجد اللى يفهمها و يشتغل بيها هيحس بفايدتها الكبيرة
و للعلم صعب تلاقى الكلام ده فى أى حتة لأنى دوخت على ما وصلت للكلام ده
====================================
بالنسبة للمحددات
تدخل matrix mode
هتلاقى مسموح لك تلات مصفوفات بالإضافة إلى mat-ans
و فى نظام متركس هتلاقى العمليات فى shift 4
المهم الأول تملى المصفوفة و ليكن mat-a
و بعدين تطلع مثلا ب ac
تدخل العمليات تختار det
--- ده اختصار كلمة محدد بالانجليزى---
وبعدين تدخل العمليات تانى تختار mat-a
و لما تيجى تعدل على المصفوفة بتدخل العمليات ثم data
و الطريقة ده هتحط ايدك على أربع نواتج للمحددات اللى تطلع معاك --- حسب طريقة كرامر ---
و بكده هتتأكد من قيمة كل محدد عى حدة
أرجو يكون كلامى أفادك
و آسف على بطء الرد
لأنى مش بمر على القسم ده كتير
و عمومًا الشكر لله
بالتوفيق
#######
the best of the world 01-06-2010, 12:33 AM thank youuuuuuuuuuuuuuuuuuuuuu ana grrbtha w zabtit m3aya
shkran ya basha.....
بدر1973 16-06-2010, 11:16 PM أيه الشرح الجميل ده
منتوو 24-06-2010, 04:33 PM حلوة الطريقة ،
وبالذات للناس الي بتفتهم حجات هايفة تخرّب المسألة كلها ~> :excl: !
المهم بس عندي سؤال ،
الآلة تمام الحمد لله ، بس في الشرح لما طلع الإرتباط 0.67 المفروض يبقى قوي لأنه > 0.6 ...
ولا ايه ؟؟؟
أرجوكم تردّوا بسرررررعة عشان الامتحان يوم الأحد ...
وربنا يوفقنا ويسهّل علينا .. يا رب ..
شكراً مرة تانية
,
abdelRhman772007 25-06-2010, 02:07 AM على ما افتكر
نوع الارتباط طردى أو عكسى كانت مقررة
أما درجة الارتباط قوى متوسط و هكذا كانت ملغاة على دفعتى
بس أظن كلام حضرتك صح
حضرتك متقلقش من الامتحان بيبقى حلو دايمًا -باستثناءات بسيطة -
و لكل مجتهد نصيب
asmaa11 26-06-2010, 08:58 AM لما يكون
9/8/7 قوى
6/5/4 متوط
3/2 ضعيف
1 تام
محمد فوزي السنبسي 26-06-2010, 03:20 PM عفوا
هذا هو نوع الارتباط
0 = انعدام الارتباط
.1 ، .2 ، .3 ضعيف
.4 ، .5 ، .6 متوسط
.7 ، .8 .9 قوي
( وكل هذه كسور عشرية يعني واحد من عشرة واتنين من عشرة وهكذا )
1 تام
وإذا كان موجب يبقي طردي
وإذا كان سالب يبقي عكسي
منتوو 28-06-2010, 10:30 AM عملتوا ايه في الامتحان امبارح ...
الامتحان كان يتحل بس محتاج وقت والله !!
abdelRhman772007 07-11-2010, 11:15 PM تنشيط
للإفادة
Mohamed Omran 09-02-2011, 09:10 AM عفوا
هذا هو نوع الارتباط
0 = انعدام الارتباط
.1 ، .2 ، .3 ضعيف
.4 ، .5 ، .6 متوسط
.7 ، .8 .9 قوي
( وكل هذه كسور عشرية يعني واحد من عشرة واتنين من عشرة وهكذا )
1 تام
وإذا كان موجب يبقي طردي
وإذا كان سالب يبقي عكسي
يا جماعة قوى وضعيف ومتوسط
مش موجودة فى كتاب المدرسة نهائى
هو طردى أو عكسى بس
jhonman 18-02-2011, 11:03 PM طب متذاكروا وخلاص
هو لازم التوهان دة
بصراحة اول ما قرأت هذا التعليق ... مت على روحي من الضحك :039uw8:
msh835 19-03-2011, 01:17 AM مشكوووووووووووووووووووووور
fefemath 19-03-2011, 01:38 AM مشكووووووووووووووووووووووور
ابو بشير 20-03-2011, 07:13 PM شكرا على الشرح ده
Dr. Hoda Ahmed 23-03-2011, 09:51 PM جزاكم الله خيرا استاذ عبد الرحمن انا والله كنت بفكر اطلب من حضرتك تنزل الطرق دى
بجد بارك الله فيكم انا تعبت فى البحث عنها
abdelRhman772007 25-03-2011, 01:00 AM جزاكم الله خيرا استاذ عبد الرحمن انا والله كنت بفكر اطلب من حضرتك تنزل الطرق دى
بجد بارك الله فيكم انا تعبت فى البحث عنها
جزانا و إياكم
و عمومًا حضرتك تطلبى أى حاجة فى أى وقت مفيش مشاكل
و الموضوع ده مجهود ذاتى مجمعه من الكتالوج و بعض الأشياء جبتها بالتجربة و الخطأ والكتب
و ربى يوفقك ،،،،،،،
Dr. Hoda Ahmed 08-04-2011, 11:42 PM لو سمحت ازاى ادخل الارقام الجدول اصلا ؟؟
saber zaki 09-04-2011, 05:03 PM اللهم ارفع عنا البلاء والوباء والغلاءكما رفعت عنا ابو علاء
ahmedlay 11-04-2011, 06:34 PM فاكرين النظام اللى كنا داخلينه من stat
أفكركم a+bx
يعنى أيه هو الحد الحر فى معادلة انحدار ص على س
و بى هو معامل س
يبقى كالآتى
a هو الحد الحر
b هو معامل س و الاتنين فى معادلة انحدار ص على سين
طيب هو ايه إكس اللى عليها تمانية و و واى اللى عليها تمانية أقولكم
قدر قيمة س عندما ص تساوى كذا و قدر ص لما س بكذا
يبقى إكس اللى عليها علامة تمانية هى قيمة سين المقدرة بمعلومية ص
و واى اللى عليها تمانية هى قيمة ص المقدرة بمعلومية س
~~~~~~~~~~~~~~~~~~~~~~~~~~~
abdelRhman772007 11-04-2011, 07:44 PM الجزئية ده بتتكلم عن الباب الخامس
بالنسبة لشرح الجزئية أنا مش فاكر أوى فهتكلم على المبدأ ممكن تكون فيه حاجة غلط أنت ممكن تصححها ده لو غلطت
معادلة انحدار ص على س فى المنهج ايه ؟
ص=أس+ب
طيب أنا هدخل STAT
و منها هلاقى أنظمة هاخد نفس النظام اللى كنا دخلناه فى الباب الرابع
A+BX
لو قارنتها بالمعادلة ص = أس + ب
هتلاقى A =ب
B= أ
هتملى الجدول بالقيم اللى معاك من المسألة يا جميل
و بعدين تدخل قائمة العمليات الخاصة بالإحصاء
على ما أتذكر شيفت و رقم ( مش فاكر كام ) هتلاقى فوقيه STAT
هتلاقى A
B
x^
y^
و دول معناهم مكتوب معاك
=====
ملاحظات كل ما تجيب قيمة تمسحها عشان الجدول خاص بقيم س ، ص فقط
،،،،،،،،
لو عايز خط انحدار س على ص نفس الكلام كل شىء الفرق فقط
حط قيم س فى خانة ص فى الجدول
و قيم ص فى خانة س فى الجدول
،،،،،،،،
أرجو منك تقرا الموضوع من الأول ثم التالى ثم التالى
لأن التسلسل ده هيفيدك فى الفهم
و مش هتحتاج تسألنى فى أى معلومة
بالإضافة إن فيه مثال محلول كملف فى المرفقات
مينفعش يشوفه غير الأعضاء فى المنتدى
أنت دلوقت عضو فأعتقد أنت دلوقت شايفة
بالتوفيق ،،،،،،،
احمد ابن خالدون 01-07-2011, 03:52 PM so good
1000000000000000/100
opop2005ahmed 01-07-2011, 05:47 PM عـــــــــــــــــــــظـــــــــــــــــــــيـــــ ــــــــــــــــــــمـ
محمد السيد صابر السيد 01-07-2011, 08:22 PM هو الموضوع ده مش متثبت ليه يعنى مش معقول نعرفه قبل الامتحان بساعات
abdelRhman772007 20-11-2011, 04:02 PM تنشيط الموضوع للشباب الجداد
لعله يفيد حد
بالتوفيق ،،،،،،،
mtarief 07-12-2011, 01:10 AM مفيش حاجة بالنجليزي؟
abdelRhman772007 08-12-2011, 03:13 AM specify what you want exactly . and I will help ISA
abdelRhman772007 15-02-2013, 04:27 AM تنشيط
عسى و لعل يفيد حد من الشباب الجددد
sirnon 27-05-2013, 12:22 AM شكرا جدا على هذه المعلومااااااات
~Pearl-Knight~ 29-06-2013, 12:10 AM جزاك الله خيرا
ابوالمحمدان 19-01-2016, 08:33 PM مشكوووووووووووووووووووور
لكن ملاقيش كتاب كامل على 82es
|