ليث مصر
26-04-2009, 05:58 PM
قرار عودة الوكلاء والنظار للتدريس قرار ملزم بموجب قانون 155 لسنة 2007
ومن يرفض العودة للتدريس ودخول الفصول لا يحق له قبض أموال الكادر
وذلك بحكم القانون والشرع ...
فقانونا أى وكيل أو ناظر بيقبض الكادر دون أن يدخل الفصول للتدريس
من حق الجهاز المركزى للمحاسبات خصم الأموال التى تقضاها وهو لا يعمل بالحصص
وشرعا .................
ادخل على موقع دار الإفتاء المصرية ...
http://www.dar-alifta.org/ (http://www.dar-alifta.org/)
ثم اضغط على خانة الاستعلام عن فتوى واكتب رقم هذ ه الفتوى 48133
واقرأ لتعرف حكم الشرع فيمن يقبض أموال الكادر من النظار والوكلاء دون أن يدخلوا الحصص
وعلى الله قصد السبيل
صفوت داود
13-08-2009, 05:04 PM
اية اللى دخل دار الفتوى ياجماعة الشرع مالوش دعوة بالقانون 155 لان دى تنظيمات ادارية
mr_moh55555
13-08-2009, 05:30 PM
اية اللى دخل دار الفتوى ياجماعة الشرع مالوش دعوة بالقانون 155 لان دى تنظيمات ادارية
اجعل الشرع منطلق حياتك يا استاذ
و اجعل افعالك و اقوالك من الشرع فالحياه ممر للاخره بكل مافيها
جمال سراج
14-08-2009, 01:36 AM
قرار عودة الوكلاء والنظار للتدريس قرار ملزم بموجب قانون 155 لسنة 2007
ومن يرفض العودة للتدريس ودخول الفصول لا يحق له قبض أموال الكادر
وذلك بحكم القانون والشرع ...
فقانونا أى وكيل أو ناظر بيقبض الكادر دون أن يدخل الفصول للتدريس
من حق الجهاز المركزى للمحاسبات خصم الأموال التى تقضاها وهو لا يعمل بالحصص
وشرعا .................
ادخل على موقع دار الإفتاء المصرية ...
http://www.dar-alifta.org/ (http://www.dar-alifta.org/)
ثم اضغط على خانة الاستعلام عن فتوى واكتب رقم هذ ه الفتوى 48133
واقرأ لتعرف حكم الشرع فيمن يقبض أموال الكادر من النظار والوكلاء دون أن يدخلوا الحصص
وعلى الله قصد السبيل
اذا كان مبداك هو تحكيم الشرع فعلا فاهلا وسهلا
ولكن سيدى الا ترى ان هناك من الوكلاء والنظار من بلغ من العمر عتيا وقد حان وقت الراحة شوية
يعنى اعتقد لو المدرس مسك التباشيرة كدا على طول هيمل وهيزهق ومش هيقدر فى وقت من الاوقات
ولكن اللى مش عدل من وجهة نظرى ان هناك بمحافظات وكلاء مثلا صغار بالسن كثيرا
كما ان هناك مثلا بعض تخصصات الانشطة ورياض الاطفال يترقون بسرعة عن باقى التخصصات
يعنى مثلا اخر دفعة ترقت مدرس اول اعدادى بالغربية قبل الكادر دفعة 87 يعنى دفعة 88 مثلا لم ترقى فيما فوق
يعنى ليهم اكتر من 20 سنة وهو زى ما هو
دا متاسف لو ساعى بمصلحة كان زمانه باش سعاه قد الدنيا
معلش بلاش نقول حاجة تانية خلينا على قدنا !!!!!!!!!!!!!
اشمعنا يعنى المدرس يفضل مدرس لحد ما يموت او يطلع معاش
طب ما الادارة فن وعلم ونقل خبرات بردوا
وبعدين اعتقد ان المبدا هو عدم تعيين جديد الا بالحدود القصوى فى اضيق الحدود واطحن فى اللى شغال
اخيرا عاوز اقولك انى مدرس مش وكيل ولا ناظر ولا احب اكون مدير ولا ناظر
لكن اكيد هييجى وقت وازهق واتمنى انى اغير لموجه مثلا - طبعا اذا قدر لى الله وامد فى عمرى
عاوز بس اقول ياريت لا نحقد على احد باى حال
انا مش بقول انك بتحقد
لكن انا شايف ان هناك من يحقد
وهناك من هو فرحان وكانه بيسن سكينة عشان دبيحة
يا سيدى الحياة سجال
يوم لك ويوم عليك
احسن الله خاتمتنا جميعا
وجعل اعمالنا خالصة لوجهه الكريم
تحياتى
mr_moh55555
14-08-2009, 06:11 PM
ليس النظار و الوكلاء ملائكه رحمه و عصافير جنه فغالبيتهم يعتقدون انهم قراقوش كلامهم مسموع و حكمهم صائب و توجيهم نافذ
مش كلهم بيرفرفر دا هم اللي خلونا نفرفر من الاوامر و القوانين
و مادام هناك قانون فليلتزم به الجميع
ليث مصر
14-08-2009, 06:36 PM
أخى العزيز مستر جمال :
القانون سيطبق على المدرسين والوكلاء والنظار والمديرين
ولكن مينفعشى انى آخد من القانون الشىء اللى فيه مصلحتى وبس
واترك الباقى ...
على العموم نحن لسنا ضد احد على الاطلاق
فكلنا فى مركب واحدة
وما سيطبق اليوم على البعض سيطبق غدا على الجميع
يعنى كلنا فى الهوى سوا
وبعدين :
القانون قانون
hamada_fg2003
14-08-2009, 11:40 PM
كلام جميل بس الاهم الضمير ان كان المعلم معلم ام وكيل
mr_moh55555
18-08-2009, 12:46 AM
كلام جميل بس الاهم الضمير ان كان المعلم معلم ام وكيل
الضمير؟؟ هذا هو الحاضر الغائب في هذا الزمن