مشاهدة النسخة كاملة : خطة لاحياء الشعر والادب فى منتدانا


نغم البحر
05-08-2006, 09:03 AM
السلام عليكم

احبتى الكرام .. ها انا اليوم اطرح افكارى لاحياء الشعر والادب فى منتدانة على شكل خطة اتمنى ان تنفذ من قبل الادارة

والخطة كالاتى ..


... ننشىء رابطة اقسام متصلة يطلق عليها اسم ( المنتديات الادبية ) وتنسق الرابطة كالاتى ..


1_ منتدى الشعر .. يكون عنوانا تندرج تحته ثلاثة اقسام ..


( قسم الشعر ) .. يعين عليه مشرفان يجيدان اللغة العربية الفصحة اجادة تامة ..


على ان تكون جميع الكتابات الشعرية فى هذا القسم باللغة العربية الفصحى وتكون من ابداع وتاليف كاتبيها وغير منقولة .


( قسم العاميات ) يعين عليه مشرف واحد

ويكون مخصصا للاشعار العامية والشعر الغنائى (lyric poettry).

( قسم الشعر المنقول ) يعين عليه مشرف واحد

ويخصص هذا القسم لكتابة الاعمال المنقولة عن كبار الشعراء وسيرهم الذاتية ..


2 _ منتدى النثر.. ويندرج تحته قسمان

( قسم الخواطر ) .. يعين عليه مشرف واحد

ويخصص لكتابة الخواطر باللغة العربية

( قسم الروايات والقصص القصيرة ) يعين عليه مشرفان

ويخصص لكتابة الروايات والقصص القصيرة ولا يشترط ان تكون من تاليف كاتبيها فيجوز النقل والاقتباسفيمكننا طرح القصص

ايضا لادباء او كتاب او صحفيين .. الخ

3 _ منتدى الادب الشعبى

يندرج تحته قسم واحد ويعين عليه مشرف واحد ويخصص القسم لكتابة الاتى ( الرباعيات الفكاهية , الادب الشعبى المنقول

لصلاح جاهين واحمد فؤاد نجم وغيرهم ) وتكون جميع الكتابات فيه باللهجة العامية


_ ملاحظة هامة _

...... يتحتم على جميع الاعضاء فى المنتديات الادبية طرح عمل ادبى واحد كل يومين حتى يتمكن الاعضاء من قراءته

والتعليق عليه بشكل جيد ويتمكن هو ايضا من متابعة اعمال غيره

وعلى كل مشرف يتعين فى اقسام المنتديات الادبية اولا ان يكون محبا للادب والشعر او هاويا له

ويكون من المشاركين فين ويقوم بوضع القوانين المثبتة التى تناسب كل قسم


واذا تم انشاء هذه الاقسام بعناية سنتولى جميعا وانا اولكم تزويدها بالموضوعات اللازمة حتى نبنيها ونحسن البناء


والله الموفق..

اليكم جميعا خالص تحياتى والسلام عليكم .

مهرة
05-08-2006, 11:48 AM
السلام عليكم

ما شاااء الله عليك احلام

بس عندى استفسار كل الاقسام ده هتكون داخل قسم الأدب الشعر بيت مسكون

عموما ربنا يوفقكم

................

نغم البحر
05-08-2006, 12:04 PM
لا طبعا يا مهرة انا بقول رابطة اقسام تحت اسم المنتديات الادبية

زى ما عملين فى رابطة عصر السرعة

عدة اقسام يعملوا دول كمان كده

صدقينى باذن الله لو اتنفذت هيكون سبق مش اى منتدى تانى

خصوصا احنا الحمد لله عندنا خامات كويسة متمثلة فى اعضاء متميزين

وشكرا ليكى يا مهرة

رفعت فوزى
05-08-2006, 01:25 PM
والله الموضوع والفكره جميله
بس فيه ملاحظات بسيطه
ان كانت الصفحه بدون تقسيم
وعدد زوارها قليلين جدا وعدد الردود ايضا ضعيف
فليس كل من يقرا يرد
وحتى ان اعجبه الشعر
فماذا ان تم تقسيمها
وهناك نقص ايضا فى الشعر العامى والغنائى كما لاحظت
واتمنى ان اشرف بقراتك لاعمالى
وان تنقديها بصدق
ولى 3 اعمال متواضعه
واعدك
ساعود

msamido
05-08-2006, 01:31 PM
الاول شكرا جزيلا يا احلام علي الاهتمام

ثانيا عايز اقول فعلا زي عاشق الجمال ما وضح ان احنا عددنا صغير هنا ككتاب للشعر وقراء له ومهتمين بيه فمسألة التقسيم دي هتجعل بعض الاقسام لا يحظي بالاهتمام المماثل

انا بقول كله يبقي تحت صفحة الأدب والشعر بيت مسكون فقط كل كاتب يحدد ماهية كتاباته

وان شاء الله في افكار تانيه هطرحها قريبا

شكرا للاهتمام وده طبعا مجرد رأي شخصي

نغم البحر
06-08-2006, 10:31 AM
انا معاك يا ميدو انت وشاعر الجمال

لكن بجد اعمالنا مظلومة هنا اختلاط الشعر بالمادة الادبية

واختلاط اللغة الفصحى بالعامية طبعا شىء مؤسف

لو انتو كلكم شايفين كده يبقى الحل الوحيد اننا نقسم لقسمين

قسم للشعر كلو

وقسم للنثر قصص قصيرة وروايات وخواطر

عشان كده بجد الوضع مؤسف

ReceptiveGuy
06-08-2006, 11:10 AM
أنا موافق على التقسيم الأخير
وبإذن الله نقسم نفس التقسيمة اللي شرحتيها
لما عددنا يكبر شوية أوي يعني
شكراً ليكي يا نغم
إلى الأمام

نغم البحر
06-08-2006, 12:09 PM
ميرسى يا صلاح ع الدعم ده وربنا يسهل

رفعت فوزى
06-08-2006, 03:09 PM
انا من راى صلاح
على تقسيمك الاخير
ويا رب يتنفذ
علشان ميحصلش لبس واختلاط بالمواضيع
بس انا عندى سؤال
انتى ليه معلقتيش على اعمالى
هى للدرجه دى سيئه
اتمنى اشوف نقدك على اعمالى التلاته المتواضعه
واعدك ساعود بالجديد
قريبا جدا

msamido
06-08-2006, 03:37 PM
وانا كمان موافق علي التقسيم الجديد يا نغم

وكمان عايزك تسجلي وجودك معانا في الموضوع اللي هتلاقي اللينك بتاعه في توقيعي او توقيع محمد البري

نغم البحر
06-08-2006, 08:56 PM
يا شاعر الجمال

انا حقيقى مشفتش اعمالك واكيد انت ملاحظ انى معلقتش على اعمال كتير

قسم الشععر بالذات مش بدخله غير وانا رايقة والايام دى فى مشاكل بس ان شاء الله هشوفها

ميرسى لمرورك ودعمك


وميرسى يا ميدو باشا ربنا ميحرمناش منك ابدا وان شاء الله انضم لكم

عبد اللطيف
06-08-2006, 09:02 PM
معتقدش اننا محتاجين كل التقسيم ده
أعتقد كل اللى محتاجينه
أن يكون يه صفحه خاصة للقصة بأنواعها وأقترحلها عنوان حكواتى
واللى إحنا محتاجينه فعلا
أننا نشجع بعض بالنقد أو الإشادة

محمد البري
06-08-2006, 09:20 PM
احلالالالالالالالالالام معاكي بجد فكرة رائعة ودا كان هدفي بجد في القسم دا


ويارب المشرفين الجداد ينفذوا كل دا

بورسعيدى
06-08-2006, 11:57 PM
الله عليكى يا نغم

حقيقى مافيش احلا من النظام

لكن انتى بالشكل ده عايزة تعملى شكرة ويخرج منها فروع

ويخرج من الفروع اوراق

واظن ان هذا سوف يكون صعب على القراء والاعضاء

انا موافق بس نقلل شوية عدد الاقسام المتفرعة من الاصل

وشكرا لك

msamido
07-08-2006, 12:02 AM
استاذي واخوتي

اتفقنا في النهايه علي ان يكون التقسيم فقط لقسمين

احدهما للشعر والأخر للروائيات والقصص والخواطر

عبقرينومان
07-08-2006, 12:07 AM
السلام عليكم جميعا
شكرا احلام على طرحك للخطة التي وعدني بها من قبل
واستقروا على التقسيم الاخير ومعكم بفضل الله في التعديل

M.Neo
07-08-2006, 12:13 AM
برافو يا احلام علي التنظيم

وان شاء الله وياريت يحصل التقسيم ده

رفعت فوزى
07-08-2006, 01:15 AM
اعتقد اننا بجانب التقسيم هنكون لسه محتاجين شويه حاجات
زى الدعايه مثلا
ايوه الدعايه
هى اساس نجاح اى حمله اصلاح
فرجاء من جميع محبى هذا المنتدى والحريصين على نهضته
كل منهم عندما يشارك او يتصفح موضوع اخر فى منتدى اخر لاى عضو عليه دعوته لزياره هذا المنتدى ولو حتى كدعوه لزياره اعماله الشخصيه

والتى من الممكن ان يعجب بها الشخص فيتصفح غيرها وبذلك نكون قد جلبنا بعض الغير محبين للشعر والاب الى المنتدى
ومن ثم يمكن ان يصبح هو الاخر عنصر فعال من خلال نقضه للاعمال


ارجو المساعده
وهذا رجاء لكل من يحب الادب
وارجو ان يكلل مجهود الكل وعلى راسهم بالطبع صاحبه الفضل بعد الله
العصفوره المغرده احلام
والى الامام دائما ونحن معك

msamido
07-08-2006, 01:19 AM
فكره بردوه يا عاشق الجمال وجاري العمل بها

رفعت فوزى
07-08-2006, 01:23 AM
ميدو انا هسيب احلام هى اللى تشكرك على ده لانه موضوعها
وانا بس بقول فكره

رفعت فوزى
08-08-2006, 03:49 AM
نغم انتى بتكونى موجوده امتى

نغم البحر
08-08-2006, 09:19 AM
شكرا للاستاذ اشرف على الحضور والدعم ده

وشكرا ليكم جميعا وليك بالخصوص يا ميدو

انا بكون موجودة الصبح 9 ونص كده

وبكون موجودة الساعة 6 مساء

وممكن تلاقينى اى وقت تانى