مشاهدة النسخة كاملة : لسة جاية تكتشف ؟؟ !!!
MoHaMeD ELsHeRbEnY 27-04-2009, 03:01 AM السلام عليكم ورحمة الله وبركاتة
ازى حضراتكم جميعا
واحد واحد وواحدة واحدة
يارب تكونو بخير
واسعد الله مسائكم على غرار سيد ابو حفيظة ;)
مواضيعى غالبا بجيبها من الواقع
كل ما اشوف حاجة غريبة باجى احكيها هنا
ندخل فى الموضوع
اكيد الموضوع واضح من عنوانة صح ؟؟
لا غلط محدش فاهم حاجة لان انا اصلا لسة مش فاهم حاجة
المهم متهيسوش ركزو معايا
بسم الله نبدا
انا بنت عم واحد صاحبى كانت مخطوبة
وكان فرحها تقريبا والله اعلم الشهر الجاى دة
المهم كانت بتحب خطيبها وهوة بيحبها
وكانو عايشين قصة حب جميلة ( روميو وجوليت ) :bosyht9:
المهم هما مخطوبين بقالهم تقريبا والله اعلم سنة او سنة ونص
وخطيبها مسافر السعودية بيشتغل هناك
وجية الاسبوع الى فات علشان الفرح بقى وكدة
بعد 3 ايام من وصولة اهل العروسة بعتو لة حاجتة :)
طبعا كان موقف صعب جدا جدا لا تتخيلوة علية
نازل علشان يتجوز خلاص
يفاجئ برد الفعل دة :(
المهم صاحبى قعد مع البنت دى بيسالها اية الى حصل
سبب انك تتخلى عنة وتسيبية وخصوصا انة كان خلاص
الفرح الشهر الجاى
قالت لة اولا هوة مش من مستوايا المادى مش هيقدر يعيشنى زى منا عايشة
الـ يعنى البت بنت وزير :angry2:
ثانيا مش من مستوايا التعليمى انا فى كلية تجارة وهوة دبلوم صنايع
امال او كانت فى طب كانت عملت اية
المهم قال لها سؤال واحد
انتى لسة جاية تكتشفى الحاجات دى بعد سنة ؟؟
قالت لة اهوة الى حصل وطبعا كالعادة موصلناش لحل مقنع
عاوز بقى كل واحد يقولى راية
والى انا عاوز افهمة بقى
هيا لسة جاية تكتشف الحاجات دى دلوقتى
ثانيا هيا الحاجات الى بتقول عليها دى ممكن تخلى البنت ترفض عريس بسببها ؟؟
منتظر رايكم ان شاء الله
فى رعاية الله
KHALOOOD 27-04-2009, 03:52 AM مساء الخيرررررررررررررر
تشد معايا حجرين http://www.shabablink.com/forums/images/smilies/eLeBDa3_186.gif
(بهزر يا بومبو)
المهم يا عم محمد طبعا واضح ان كل الكلام دا حجج فارغه وتافهه وواضحه
لان لو جايه بقى تتكلم عن الماديات دلوقتى كانت اتكلمت عنها قبل ما يسافر اكيد كان حاله ما يعلم بيه الاربنا مش بعد لما بقى معاه فلوس تقوله المستوى وبتاع
وانا بعلن ومن هنا من المكان دا عن راى الشخصى فى هذا الموضوع
وهو
ان البنت دى شافت صيده تانيه اكبر فقالت احسن من اللى قبله
ونصيحه منى لابن عم صحبك اللى انا معرفهوش يبعد عن البنت دى بعد الكلام دا
لان لو هى بتدور ع المستوى والكلام دا يبقى هى مش تمام
لان الحاجات دى كلها منتهيه يعنى ممكن الفلوس تخلص
وساعتها بقى تقوله طلقنى يا خليل وتبقى مشكله
اه انا معاك ان لازم يكون فى فلوس وشقه وكلام من دا كله طبعا
بس لو بتحبه هترضى بالقليل وتعيش معاه فى اى مكان صحرا ان كان او بستان
**تسابيح** 27-04-2009, 08:24 AM ELL0RD;1192802]
السلام عليكم ورحمة الله وبركاتة
وعليكم السلام ورحمة الله وبركاته
ازى حضراتكم جميعا
كويسين عشان بنشوف مواضيعك:078111rg3:
واحد واحد وواحدة واحدة
يارب تكونو بخير
آآآآآآآآآآآآمين
واسعد الله مسائكم على غرار سيد ابو حفيظة ;)
بقي سيد ابو حفيظة بيقول اسعد الله مسائكم برده:p:p
مواضيعى غالبا بجيبها من الواقع
عشان كدا كلنا بنحب نرد عليها
كل ما اشوف حاجة غريبة باجى احكيها هنا
ندخل فى الموضوع
اكيد الموضوع واضح من عنوانة صح ؟؟
لا غلط محدش فاهم حاجة لان انا اصلا لسة مش فاهم حاجة
المهم متهيسوش ركزو معايا
بسم الله نبدا
وكانو عايشين قصة حب جميلة ( روميو وجوليت ) :bosyht9:
المهم هما مخطوبين بقالهم تقريبا والله اعلم سنة او سنة ونص
وخطيبها مسافر السعودية بيشتغل هناك
وجية الاسبوع الى فات علشان الفرح بقى وكدة
بعد 3 ايام من وصولة اهل العروسة بعتو لة حاجتة :)
عادي يابني الحاجات دي كلها قسمه ونصيب
انا اعرف واحده كانت مكتوب كتبها وعارف يعني ايه؟؟
يعني مراته ومع ذلك اطلقت قبل ما يعمله الفرح وكدا
واهلها بقي يقولها ويعدلها
المهم العريس اتجوز واحدة ثانية وبعد 3 سنين مات _الله يرحمه_
اما العروسه اتجوز وبتحب اللي اتجوزته وكمان عايشين بره مش في مصر
الحكاية دي من عشيرين سنة;)
المهم صاحبى قعد مع البنت دى بيسالها اية الى حصل
سبب انك تتخلى عنة وتسيبية وخصوصا انة كان خلاص
الفرح الشهر الجاى
قالت لة اولا هوة مش من مستوايا المادى مش هيقدر يعيشنى زى منا عايشة
ههههههههههههههه
الأرزاق بتاعه ربنا
وبعدين ممكن تتجوز غني ويبهدلها ولما فلوسه تضيعه
وممكن الفقير دا وهي معاه تبقي غنيه
الـ يعنى البت بنت وزير :angry2:
خلاص انت زعلان كدا ليه ميكنش انت العريس:p:p
ثانيا مش من مستوايا التعليمى انا فى كلية تجارة وهوة دبلوم صنايع
امال او كانت فى طب كانت عملت اية
بص بخصوص المستوي التعليمي
ممكن واحد بتاع دبلوم صناعة يبقي مثقف واحسن من دكتور في الجامعة
وممكن دكتور في الجامعة يكون سطحي ومش بيعرف يفكر اصلا
فدي بترجع لشخصية كل انسان
بس فيه حاجة كمان هو علي فكره يفكر ان الحكاية خلصت لحد كدا
محدش عارف لو كانت اتجوزته وجابت مثلا منه اولاد هتقعد تقوله
انت مش مستويه ادام الاولاد وبعدين يتعقدوا ويبقي فيه مبينهم مشاكل
عسي ان تكرهوا شيئا وهو خيرا لكم وعسي ان تحبوا شيئا وهو شرا لكم
لو هو فعلا انسان كويس ربنا هيرزقه بالزوجه الصالحة اللي تحافظ ع بيته واولاده في
غيابه
والى انا عاوز افهمة بقى
هيا لسة جاية تكتشف الحاجات دى دلوقتى
ساعات ناس بيجلها حاله نفسية كدا وبتكره جوزها واليوم اللي عرفته
تفتكر لو كانت قالت كدا كان هيبقي حاجة مقنعه ؟؟؟
ع فكرة اسمع عن واحدة اطلقت في الفرح فجأة كدا بدون مقدمات طلبت الطلاق قول لي بقي ايه المقنع في كدا ؟؟
لما يكون فيه ناس جايه وبعدين العروسة والعريس ينفصلوا
ع ما اظن يعني حاجات نفسيه ونصيب برده ولا ايه؟؟
ثانيا هيا الحاجات الى بتقول عليها دى ممكن تخلى البنت ترفض عريس بسببها ؟؟
امممممممممممممممممممم
من ناحية الفلوس بتتوقف ع شخصية البنت
وبرده من ناحية التعليم ع شخصية البنت برده
منتظر رايكم ان شاء الله
فى رعاية الله
[/quote]
شكرا ع الموضوع الجامد دا:022yb4::022yb4:
koka 330 27-04-2009, 08:35 AM والله أكيد شفتلها شوفه تانيه وهى لو بتحبه بجد مكنتش أتخلت عنه يعنى
فى حل تانى خليه يكلم اسامه منير هيقوله بقى نصحتين حلوين بعد كدا يشغله أغنية أنا لو أذيته لمحمد حماقى :bosyht9:
وأنا من رأيى ينساها ويسيبه منها دى واحده معندهاش أصل مبتقدرش كويس أنه أكتشفها من دلوقتى قبل ما الفاس تقع فى الراس وتبدأمشاكل بعد الجواز ويطلقوا والعيال والنفقه والمحاكم وحجات كتير ساعتها يقول ياريت اللى جرا مكان:blush:
دمتم بخير فى رعاية الله
igita 27-04-2009, 08:50 AM ده يحمد ربنا ان اللي حصل ده حصل دلوقتي مش بعد كده ةاللي زي ديه محدش يعرف يآمن علي روحه معاها ولا علي اي حاجة وبعدين ده اسمه جواز مش لعب وقت ما يبقي علي مزاجها معاه ووقت اللي ما يكونش علي مزاجها مع حد تاني واكيد هي من البداية مكانتش باقية علي عشرة ولا خطوبة من الاول هي كانت مقضياها وخلاص نظام هوه اللي جه لقضاه واكيد ربنا سبحانه وتعالي مش هيعمل شئ يضر بيه عباده اكيد لو فكر شوية هيلاقي ان ديه حكمة من ربنا وجايز يكون هي من الاول كانت بتعمل حاجات هوه مش واخد باله منها وخلاص ينسي بقي اللي خلقها خلق احسن منها علي الاقل احسن في مبادئ الحياة وان شاء الله يختار اللي احسن منها مليون مرة
شكرا علي الموضوع طبعا
ومتحرمناش من مواضيعك الطبيعية ديه
بس خليها في تطور دايما زي فيروز يعني :d:p
قالوا الوداع قولت قشطة 27-04-2009, 11:56 AM الله اعلم بنظره البنت ممكن تكون فعلا شايفه ان فيه حاجه غلطت
او يمكن تكون شايفه واحد احسن وظرفها كلمتين
قالتلو عيش اللحظه معايا ؟
prof.ahmed4d 27-04-2009, 12:21 PM وساوس الشيطان بقى
اكيد فاهمنى
وكمان ممكن تكون لقت واحد ظروفه احسن وفي كليه هندسة ولا حاجة راحت وافقت عليه
ومن رايي انه بعد ما سمع الكلمتين دول يسيبها خالص وميفكرشي فيها تانى
في رعاية الله
الاستاذ محمد سرور 27-04-2009, 12:56 PM لما بعد سنة ونص خطوبة والاسباب اللى تتقال كانت معروفة مسبقا
افهمها انت بقى يا نجم :blush:
فى عريس تانى :022yb4:
قول لقريبك ربنا نجاك
اللى زى دى فى اول ظرف صعب بعد الجواز حتبيعه:angry2:
قوله يحمد ربنا
..Just Stop 27-04-2009, 02:11 PM سلام عليكم
ازيك ياعمالاخصائى الاجتماعى
بص يا سيدى مش هنقدر نقول غير قدر الله وما شاء فعل
لو هنتكلم عن البنت دى هنقول انها مش عايزاه من الاول بدليل انها فى الاخر اديته استمارة ستة
فمن الممكن انها تكون شافت حد تانى مستواه اعلى
وطالما هيا بتدور على البرستج والوضع الاجتماعى والكلام الفاضى ده
فهى كدا خسرانة
اولا محدش لاقى عرسان اليومين دول :d
ثانيا الطيور على اشكالها تقع
وطبعا الطير ده مكنش على هواها فطيرته
الحاجات دى بتحصل كتير اليومين دول
وعادية جدا ربنا بس موفقش
ان شاء الله يلاقى افضل منها
وهيا تلاقى افضل منهم
ويا بخت من وفق راسين فى الحلال ( شكلى هشتغل خاطبة )
بس الكلام دا كله اهلها لهم دخل فيه من باب الذن على الودان
عموما ربنا يهديهم
دمتم فى رعاية الله
Amethyst 27-04-2009, 02:33 PM :blush:
.. احنا كويسين واحد واحد ..
.. و واحدة واحدة ..
.. قلتلك أنا الجملة دي هتضيعكـ ..
ثانيا الطيور على اشكالها تقع
وطبعا الطير ده مكنش على هواها فطيرته
.. المثل الصحيح ..
.. "الطيور على أشكالها تطير" ..
:)
.. بس المثل تعرض للتحريف ..
:bosyht9:
.. مش بحب أنا أعلق على كلمة كلمة في مواضيع متعدلة ..
:d
.. شكراً على الموضوع مستر لورد ..
:)
.. في أمان الله ..
:)
lover rose 27-04-2009, 04:21 PM ايه البت العجيبه دى
اكتشفت فجأه انه دبلوم يعنى ؟؟! ولا بعد ما سافر ظروفه الماديه بقت وحشه
بالمناسبه أنا لسه شايفه فيلم(أنا لا أكذب لكنى أتجمل)
وابراهيم (احمد ذكى)صعب عليا أوى فى الاخر بس البنت التانيه كانت مش عارفه حاجه عنه
بس دى أكيييييييييييد مش كانت بتحبه
دا يحمد ربنا انه متجوزهاش
ميرسى اوى على الموضوع
the black rose 27-04-2009, 05:38 PM هيا لسة جاية تكتشف الحاجات دى دلوقتى
لاء طبعا هى اكيد زهقت منه او حد لعب فى دماغها
فقالت اى حجة و خلاص
بس طبعا دى انسانة مش مظبوطة خالص و انانية :040vk0:
و مش بتفكر غير فى نفسها
دى لو بتفكر اصلا
اولا هوة مش من مستوايا المادى مش هيقدر يعيشنى زى منا عايشة
بختلف بين تفكير كل بنت و بنت
بس بالنسبالى لو بحبه يبقى مش هيفرق المستوى المادى
و بعدين احنا هنعرف نبنى حياتنا مع بعض
اما بقى للتعليم برده بيختلف على حسب البنت
بس انا شايفة ان بيبقى فى فرق فى التفكير
فى معظم الاحيان مبينجحش الجواز ده
بس برده لو بيحبوا بعض ممكن يقدروا يعشوا مع بعض
بس بالنسبة للبنت دى المفروض تبقى عارفة الكلام ده من ساعت ما اتقدملها
ربنا يشفى :romarioxp6:
هانى الشرقاوى 27-04-2009, 06:14 PM فعلا يا محمد الموضوع صعب
بس ده حق من حقها وماحدش يقدر ينكره عليها
وكويس ان الكلام ده حصل فبل الجواز
ومتنساش النصيب
هما من الاول مش لبعض
بس اللى انا مستغرب منه
اكيد ظروفه اتحسنت بعد السفر
ازاى دلوقتى بتقول انه مش من مستواها مع انها وافقت فى الاول عليه وهو ظروفه أقل
غريبة مش كده ؟؟
يمكن يكون فيه حد جديد الله اعلم
ربنا يوفقهم هما الاتنين فى حياتهم الجديدة
وشكرا يا محمد على الموضوع
لمى 2016 27-04-2009, 08:08 PM السلام عليكم
ازيك يا محمد عامل ايه
انا الحمد لله كويسة الى حد ما (انت اللى سالت احنا عاملين ايه)
بالنوسبة للموكوع بقى (على راى لولو)
فانا مع البنت قلبا و قالبا
ليه؟
بصى يا محمد انا عن نفسى متعودة انى اعيش فى level معين
مش بعرف اعيش فى اقل من المستوى ده
و الحكاية مش حكاية غنى و فقر
الموضوع كله ان الاهل ممكن يقتروا على نفسهم
عشان اهلهم يعيشوا فى مستوى معين
و من حقها لما تتجى ربنا يكرمها و تتجوز
انها تعيش فى نفس المستوى
(و انا عن نفسى احب انه يكون مستوى احسن كمان)
ده مستوى للطموح يختلف عن طموحك فى حياتك
تحسين المستوى المادى كمان يعتبر طموح
موضوع بقى المستوى التعليمى زى ما انت قولت
هو اسمه مستوى ثقافى و فكرى
بص بردو انا معاها
لانها واحدة بكالريوس ايا كان بقى
طب او حتى معهد صرف صحى
فيه فرق فى التفكير بردو
هى اهتمامتها توفيق الحكيم و هو شعبان عبد الرحيم
ينفع يعنى
طبعا لاء
يبقى فيه فرق و فرق كبير كمان
ليا عودة ان شاء الله
Atmen 27-04-2009, 08:31 PM السلام عليكم ورحمة الله وبركاته
انا شايفه ان هو يحمد ربنا ان الموقف ده حصل قبل الجواز
علشان يعرفها على حقيقتها
وربنا يوفقه مع واحده تانيه ان شاء الله تقدّره زى ما هو كده
وهى ربنا يهديلها نفسها
ويا ريت تتقبل مرورى:)
Dr.love ferdos paradise 27-04-2009, 08:40 PM موضوع غريب والله
بص هي اكيد لو شافت شوفه تانيه
مش هتشوف حاجه من السابت خطيبها عشانها
والله تاكد
وكيس اوي انها بانت على حقيقتها
وربنا رحمه منها
اكيد عمرها ما هتقف معاه في اي حاجه
بص بردو انا معاها
لانها واحدة بكالريوس ايا كان بقى
طب او حتى معهد صرف صحى
فيه فرق فى التفكير بردو
هى اهتمامتها توفيق الحكيم و هو شعبان عبد الرحيم
ينفع يعنى
طبعا لاء
يبقى فيه فرق و فرق كبير كمان
ليا عودة ان شاء الله
بس بردوه وفقت ليه من الاول
لسه جايه تكتشف
ياريت تقبلي تعليقي
في رعاية الله
هنا الفقي 27-04-2009, 10:54 PM مممممممممم
السلام عليكم
مممممم....... أيون
هو والله أعلم بردو يا محمد الكلام اللي هي قالته ..نقدر نسميه :على خلفية
يعني سابته على خلفية مستوى مادي ومستوى علمي ;)
لكن والله أعلم هو كان مسافر ماشي
يعني ممكن هي عوضت سفره ده بحد تاني
الله اعلم
تعرف
هي ..أو عموما اي واحده غيرها ..عموما يعني
ممكن تكون محتاجة حد تعيش معاه قصة حب وخلاص
لمجرد انها تعيش قصة حد
حقيقية بقى مزيفة ..اهي تسهر تتكلم ف التليفون بالليل وبس
او واحده عاوزة تتخطب ...ولقت واحد عنده استعداد يخطبها ويعيشها الفيلم ده
فوافقت وصدقت انها كده حبت :wub:
لكن لما سابها ممكن تكون شافت حد ..او فكرت مع نفسها ..وطلعت ظالماه معاها:unsure:
طبعا الخطأ منها انا مش مختلفة على دي
كان المفروض تفكر مع نفسها كده الاول
وتشيل الغبار من على عقلها وتحاول تستخدمه ..بدل ما يبوظ
....وطبعا ده مجرد رأيي:rolleyes:....
...حلو موضوعك يا محمد زي ما عودتنا...
^_^
رأفت وليم 28-04-2009, 12:11 AM الله اعلم بنظره البنت ممكن تكون فعلا شايفه ان فيه حاجه غلطت
او يمكن تكون شايفه واحد احسن وظرفها كلمتين
قالتلو عيش اللحظه معايا ؟
السلامعليكم ورحمة الله
يعنى ده معقول بعد سنة ونصف جاى تشوف فيه حاجة غلط طب لية مشفتهاش بعد شهر او شهرين مثلا
هى اكيد شافت واحد تانى ...على العموم ربنا نجاه منها
رأفت وليم 28-04-2009, 12:19 AM [quote=د/عاشقة جنة الفردوس;1193828]موضوع غريب والله
بص هي اكيد لو شافت شوفه تانيه
مش هتشوف حاجه من السابت خطيبها عشانها
والله تاكد
وكيس اوي انها بانت على حقيقتها
وربنا رحمه منها
اكيد عمرها ما هتقف معاه في اي حاجه
وايه اللى يأكد انها سابت خطيبها علشان الحجج الواهية اللى قالت عليها
هى مكنتش عارف ده من الاول
gana kholife 28-04-2009, 02:06 AM [انا رايى ان البنت عبيطه والمفروض هوه ميفكرش فيها اصلاوفى مقوله بتقول
((اذا احببت شىء فاتركه فان عاد لك فهو لك الى الابد وان لم يعد فهو لم يكن لك))
nothing 29-04-2009, 08:23 PM والله يا محمد البنت دى مش عندها دم وفيه بنات كده بتبقى جاحده
مش بتقدر النعمه اللى ربنا بينعم عليها بيها
وكل واحد بيبص للاحسن علطول حتى لو على حساب الناس التانيه ومشاعرهم
محدش بقا بيحب حد بجد خلاص احنا فى زمن لا يعلم بيه الا ربنا
لمى 2016 30-04-2009, 01:44 PM يا نهار ابيض
انا الوحيدة اللى موافقة البنت
حرام عليكم و الله
انا عارفة ان الشباب بيتكلموا بمبدا القهر اللى هما عايشين فيه
طيب و البنات مالهم يعنى
المهم يا جماعة
فكرة ان حد يرتبط بحد بيشوفه فى السنة مرة
دى حاجة
يعنى هى مش بتشوفه مش تعرفه من اصله
تانى حاجة ان فيما بعد هى ممكن تعايره او كده
انا اعرف حد معاه ماستر و 2 دكتوراه
متجوز واحدة معاها ماستر و دكتوراه واحدة
بيقول انها مش من نفس المستوى الفكرى
و موضوع المستوى المادى
هى حرة فيه
يعنى واحدة اتعودت على حاجة
ايه يجبرها انها تقل
الناس بتريد ايه يخليها هى تقل
قد يبدو انى مادية شوية
لكن الموضوع كله وجهات نظر
nothing 30-04-2009, 09:18 PM :excl:يا نهار ابيض
انا الوحيدة اللى موافقة البنت
حرام عليكم و الله
انا عارفة ان الشباب بيتكلموا بمبدا القهر اللى هما عايشين فيه
طيب و البنات مالهم يعنى
المهم يا جماعة
فكرة ان حد يرتبط بحد بيشوفه فى السنة مرة
دى حاجة
يعنى هى مش بتشوفه مش تعرفه من اصله
تانى حاجة ان فيما بعد هى ممكن تعايره او كده
انا اعرف حد معاه ماستر و2 دكتوراه
متجوز واحدة معاها ماستر ودكتوراه واحده
بالمناسبه عجبتنى الحته دى اوى:d;)
بيقول انها مش من نفس المستوى الفكرى
و موضوع المستوى المادى
هى حرة فيه
يعنى واحدة اتعودت على حاجة
ايه يجبرها انها تقل
الناس بتريد ايه يخليها هى تقل
قد يبدو انى مادية شوية
لكن الموضوع كله وجهات نظر
بصى انتى صح ان لازم المستويين يبقوا متكافئين بس هيا مش لاحظت مثلا انه على مش على نفس المستوى اللى هيا عليه الا بعد ما خلاص هايتجوزوا
وبعدين اصلها مش حجه كمان لانها قعدت سنه ونصف كاملين
بصراحه دى اسمها جحود من البنت دى ولسه ثابته عندى رايي
وصدقينى مش لازم علشان يسعدها يبقا فى نفس مستوى تعليمها اصل السعاده مش هاتيجى انهم الاتنين يقعدوا ويقروا كتاب مثلا ولا يتناقشوا فى مسأله حيويه
دى حياه ما بين اتنين بغض النظر عن مؤهلاتهم وانا بقول ان العامل التعليمى ليه دور فى الموضوع بس لما يكون الفرق مش كبير يبقا نتغاضى شويه مادام الانسان اللى معانا ممكن يسعدنا
bosy .. mostafa 01-05-2009, 04:54 AM حكاية مستوايا المادي دي مش بقتنع بيها
لان ممكن ربنا يفتح عليه ادام و يبقى غني
و الشهاده دي مش فارقه هي يعني هتقوم تعلمه الف به ته ثه ولا ايه
و هي يعني بتشتغل ايه عشان تتكبر عليه كده و تسيبه
دي كانت مخطوبه له شكلها عشان تعيش فتره حلوه و خلاص
بجد ناس دماغها ....... !!
ما علينا بلاش اغلط بقى !!
شكراً للموضوع
MoHaMeD ELsHeRbEnY 02-05-2009, 09:08 AM بصراحة والله نفسى ارد على كل الناس الى ردو
بس والله ما لاحق خالص
ان شاء الله هرد على الجميع اول ما ارجع من الجامعة
منورين الموضوع والله
فى رعاية الله
Not Allowed 02-05-2009, 01:45 PM السلام عليكم
ازيك يا محمد باشا ان شاء الله تكون بخير
انا هرد على الموضوع دة اصل انا بيجيلى حالة كسل ومبحبش ارد على اى موضوع مش عارف لية
المهم ياباشا هقولك انا المشكلة منين
اولآ المشكلة ممكن تكون من صاحبك دة يعنى هوا خاطبها بقالوا سنة ونص ولسة مش عارف شخصيتها ؟؟؟ ;)
بس طالما انت بتقول انه سافر السعودية علشان يشتغل يبقى لية عذر يمكن مقعدش معاها وقت كفاية علشان يدرس شخصيتها بس فية ناس الصراحة الحب بيعميها يعنى ميهمهاش هيتجوز مين المهم يتجوز وخلاص
المهم خلصنا من صاحبك نيجى على خطيبتة :040vk0:
والله الصراحة البنت الى زى دى تبقى اهلها معرفوش يربوها وازاى سمحولها انها تعمل كدة بس واضح ان اهلها ناس مادية الصراحة
البنت دى يأما زى مأنتم بتقولوا شافت شوفة تانية يعنى شافت بغل سعرة غالى
والله انتى لو الحاج دة مش عاجبك من الاول تقولى مش تقعدى تحبى فية سنة ونص والاخر تقوله الكلام دة
يأما بقى وانا مش عايز أسىء الظن الصراحة ملهاش فى الجواز يعنى اصل غريبة انها تقول الكلام دة بعد ميجى علشان يتجوزها يعنى حاجة غريبة الصراحة
يعنى هيا مقلتش الكلام دة قبل ميجى من السعودية لية هيا شحططة على الفاضى ياعينى الواد اتبهدل علشانها وهيا تقولوا كدة فى الاخر :mad:
والله انا لو منة مزعلش اساسآ واحمد ربنا انها فوقتنى قبل مأقع :022yb4:
وبعد كدة يعمل حسابة المرة الجاية وميعملش خطوبة يخليها كتب كتاب على طول :p (بهزر طبعآ)
فى الاخر تقبل مرورى الرزل دة يا برنس :friendsxs3:
السلام عليكم
|