مشاهدة النسخة كاملة : لكل طلاب علمي رياضة الي واخدين علم نفس ؟؟
master666666 28-04-2009, 10:13 AM بسم الله الرحمن الرحيم
انا علمي رياضة وواخد علم نفس وطبعا شفت الجدول والظلم الي فيه بس لازم نعمل اي حاجة علشان كده حرام والله
لازن نبعت شكاوي كتيرة جدا انا عامل انهم مش هيعملو حاجة بس علي الاقل نعمل داوشة وشوشرة علله سعملو حاجة
وده ايميل برنامج العاشة مساءا
al3ashera@dreams.tv
وده ايميل برنامج القاهرة اليوم
alkaheraalyoum@orbit.net
وه ايميل برنامج 90 دقيقة
90min@elmehwar.tv
برنامج اليوم السابع
7day@mbc.ae
وده موقع هموم للشاكاوي
http://www.humum.net/
ولو مكسل تكتب كل ايميل انسخ الايميلات دي وابعت الرساله مرة واحده
al3ashera@dreams.tv,alkaheraalyoum@orbit.net,a_rag ab@akhbarelyom.org,7day@mbc.ae,mostafabak@hotmail. com,90min@elmehwar.tv,info@tra.gov.eg
لازم نعمل حاجة حراااااااااام كده
Eng . ABoOoOoD 28-04-2009, 11:14 AM الله ينور عليك انا زيك بردوا
bedo17 28-04-2009, 12:08 PM وانا معاكو.............
prof.ahmed4d 28-04-2009, 12:28 PM ربنا معاكوا ويوفقكم
بس معتقدشى ان الكلام ده ايجيب نتيجة فعالة
Basma2 28-04-2009, 01:17 PM ولا هيحصل حاجة احنا فى مصر
خلاص بقى ضايعين ان شاء الله
semsim 28-04-2009, 04:03 PM اوك انا معاكو بس والله ماهيتغير اى حاجه
وزى ما Basma2 قالت ضايعين ضايعيييييييييييين انشاء الله
وانا معاكو واحنا لازم نعمل حاجة احنا مش هنسكت
طالبة متفائلة 28-04-2009, 06:37 PM وانا كمان علمي رياضه و واخده علم نفس
و انا معاكم و يارب يجيب نتيجه
nourin 28-04-2009, 06:54 PM وانا كمان معاكو اللى بيعملوه فينا ده ظللللللم
المرجان 29-04-2009, 01:13 AM وانا كمان علمي رياضه و واخده علم نفس
و انا معاكم و يارب يجيب نتيجه
Dr.M0hamed 29-04-2009, 01:41 AM بصوا يا جماعه
الشكوي مش هتفيد فالاحسن تزكروا علم النفس جامد جدا وخلاص
عادي يعني ما انا عندي قبل الاحياء يومين !
mon3em012 29-04-2009, 01:49 AM ابقي قابلني خلاص الجدول اتحط ومفيش تعديل ده الامتحانات بتخلص يوم 6/7 حيعدل ويزود ايام امتي وازاي
abdallaelkotbi 29-04-2009, 03:38 AM يا شباب لازم يكون عندنا امل و ثقه كبيره فى ربنا احنا لازم نحاول و نحاول
مهو كده كده الجدول نزل بس احنا لما نحاول الله اعلم ايه اللى ممكن يحصل ممكن الجول يتعدل
يلا كلنا نبعت لكل البرامج دى ومش مره ولا 2 لكن كتيييييييييييييييييييير على اد ما نقدر ماشى
abdallaelkotbi 29-04-2009, 04:02 AM بصوا يا شباب انا بعته 4 مرات ولسه
نهادمحمد 29-04-2009, 04:50 AM ياجماعة ماتعلقوش نفسكم بامل كاذب نسبة نجاحه قليلة
الحل المضمون ان مادة علم النفس مادة مش صعبة اوى
ليه تسيبوها لاخر وقت
حاولوا تخلصوها وتستوعبوها كويس اليومين دول
وبعد كده مش هتبقوا محتاجين الا لمراجعتها وان شاء الله تفتكروها فى اقل وقت
واستعينوا بربنا وادعوا بادعية قبل وبعد المزاكرة علشان مش تنسوها
ولكل مجتهد نصيب وربنا هيوفقكم ان شاء الله
ولاء البحيرى 29-04-2009, 08:20 AM انا كمان زيكم علمى رياضة وواخدة علم نفس
بس مش فى حد هيستمع لينا وبعدين هى المشكلة فى علم النفس؟؟؟؟؟؟؟؟؟
ولا فى الميكانيكا؟؟؟؟؟؟؟؟؟ والله انا مش فاهمكام خالص
علم النفس ب50 بس سهل الميكانيكا ب20 بس محتاجة تركيز
وانا عن نفسى بعترض على الاتنين
Its My Life 29-04-2009, 09:29 AM يا سلام يعني الجدول هيتغير علشان خاطر عيون الي اخدين رايضه ومستوى رفيع على نفس
اكيد طبعا مش هيحصل لو الطلبه كلهم بعتوا شكاوي ولا هيحصل حاجه هيقولوا طلبه بتدلع وبس ده لو أصلا في حاجه وصلت للوزير
على فكره انا زبكوا رياضه وعلم نفس بس سيباها على ربنا
abdallaelkotbi 29-04-2009, 11:50 AM انتوا سلبيييييييييييييييييييييين اوى
يا جمهعه فى امل ولو 1%
salvazero 29-04-2009, 05:19 PM ههههههههههههههههه والله مش مصدق الهبل ده بقى الجبر وعلم النفس والميكانيكا وحط تحت الميكانيكا الف خط فى 3 ايام ههههههههههههههههه والله مش مصدق الهبل ده تعرف يا جماعة احنا غلطنين ان احنا دخلنا علمى من الاول كده الواحد صعب يعلى انا كنت جايب 88 يارب يقوينى واحافظ عليها
master666666 29-04-2009, 08:28 PM اجدعنو يا شباب ابعتو اكتر من 100 مرات اوكي
shhab_eng 29-04-2009, 11:32 PM تمام كدة
و كمان الاستاذ محمود سعد
saad.mashakl@gmail.com
MEKAWY 2010 30-04-2009, 10:33 AM يا جماعة انا مع master666666 بس احنا فعلا فى مصر وزى ما قالت( نهاد) ان احنا نشد فى علم النفس وكويس ان هو مادة صغيرة لان حتى لو عملنا شوشرة البرامج هتكلم وتنعكش فى الخبر وفى الاخر ولا هايحصل حاجة وخلاص الجدول نزل.
who cares 30-04-2009, 06:50 PM aywa really 7aram wallahy
f3lan gdwlna whsh 2awy
ezaaaaaaaaaaaaaaay gbr w 3lm nfs w mecanica wra ba3d
e7na n3ml a fi el youmeen doool
ana za3lanaaa :(
Lollaalex 30-04-2009, 06:53 PM خلي بالكوا يا جماعه الامتحانات هتيجي سهلة السنة دي والتنسيق هينزل جامد
كل دة سياسه في سياسه
يجيبوا الامتحانات سهلة بس الجدول زفت
عشان ماحدش يقدر يشتكي
انا زيكوا بردو علمي رياضة بس انا الاحسن بدل مااعد افكر في الجدول اذاكر واعمل اللي عليا
وربنا بيدي كل انسان على قد عمله عشان عمر ماهيتساوى اللي كان بيذاكر مع اللي كان بيلعب
وان شاء الله الامتحانات تجيلنا سهلة واللجان تجيلنا اسهل
shhab_eng 01-05-2009, 02:13 AM بصراحة انا بحب المشاركات المتفائله اووووووي دي
بس الامتحانات مش هتبقي سهله للدرجة دي علي فكرة
بس ربنا يسهل
و اكيد المفروض نذاكر و نعمل اللي علينا
طالبة على ما تفرج 01-05-2009, 07:52 PM ولا هيحصل حاجة احنا فى مصر
خلاص بقى ضايعين ان شاء الله
مصر يعني أحمد زويل وفاروق الباز ومصطفى السيد
احسبيها كده يا دكتورة
ميلاد2006 01-05-2009, 09:25 PM يا شباب انا معاكم ولازم ناخد حقنا زينا زي غيرنا يعني بتوع علمي علوم مرتحين واحن الي اقل منهم تعبنين
لامار 02-05-2009, 12:46 AM انا شايفة اننا المفروض منعتمدش على ليالى الامتحان فقط علشان مفيش اى طالب يقدر يحصل اى معلومة جديدة فى ليلة الامتحان ولو انت مش بتذاكر طول السنة وخاصة فى شهر 5 عمرك ماحتقدر تحصل حاجة فى ليالى الامتحان حتى لوعندك 10 ايام قبله 0 ركز دلوقتى افضل لك من الشكاوى (على فكرة اناعلمى رياضة وواخدة علم نفس)
abdelRhman772007 02-05-2009, 01:19 AM لو كان بالإمكان أكثر مما كان
!!!!!!!
ذاكروا من دلوقت كويس جداً و حاولوا تبقوا تبصوا فيها بعد كل امتحان مباشرة عشان ما تنسوهاش و بعدها
ذاكروا المادة المطلوبة و على فكرة محدش جاب سيرة الانجليزى ليه؟ ما علمى علوم تقريباً ضعف وقتنا
عموماً يمكن رأىّ مش تمام فعذراً لأنى معرفش أحفظ أى حاجة خالص و لا أعرف مادة علم النفس لأنى إحصاء
عموماً اعتمدوا على الله و حاولوا تستغلوا الإمكانيات اللى معاكم أقصى استخدام
و كما يقولون لعله خير
وبالمناسبة لو عايزين تعترضوا صح حددوا وقت معين من كل يوم و تبعتوا مع بعضكم مثلاً لمدة نصف ساعة كده هتعملوا دوشة جامدة
لأن أيد لوحدها متسقفش و لو تقدروا تعملوا كده هيبقى أفضل
ربنا يوفقكم مهما كانت الظروف و العقبات
amour_amour88 02-05-2009, 06:32 AM كنت اتمني دا يحصل بس انت عارف مش حيحصل ليه (ودن من طين وودن من عجين ) انت متخيل ان يسري الجمل حيتنازل ويتواضع ويشوف الشكاوي بتاعتنا اللي المفروض انه يكون اصلا متعين وزير علشان يشوف مطالبنا انما هو قاعد ليل ونها مع الجماعه الي بيحطه الامتحانات علشان يجيبوا 1% اسئله اللي تتحل والباقي طبعا عمرها ما حتتحل لانها عاوزه نيوتن واحنا مش نيوتن ولا امكانيتنا تسمح بكده او مش حيكون متوفر حدانا الامكانيات علشان نبدع امال طبعا امال هو حيقلل الكثافه السكانيه ازاي يجيب الاسئله صعبه علشان يجيب لاولياء الامور السكر والضغط والقلب................. حسبنا الله ونعم الوكيل وكل واحد بياخد نصيبه ف الحياه مهما حاولت تعمل او تغير no way
silverman 02-05-2009, 01:06 PM يا جماعة ممكن أقول رأيي
أنا عارف ان كله موش هيعجبه رأيي لكن اسمعوني وموش هتخسروا حاجة، أنا صراحة شايف ان الجدول ما فيهوش حاجة تخوف وخصوصا إن الجبر والميكانيكا موش كبار قوي وكل اللي هيحتاجوه حوالي 6 ساعات بس أما عن التدريب فده ممكن يحصل قبل الامتحانات في الوقت ده اللي انتوا عايزين تضيعوه في الشكاوي واللي محدش هيسمعها حتى..
وكمان عارف ان الجدول مضغوط جامد لكن انتوا والله لو شديتوا حيلكم دلوقتي والله ما هتحتاجوا وقت قبل الامتحان وكمان امتحان علم النفس كلنا حافظين المنهج فكل اللي هنحتاجة 3 ساعات نقرا المنهج بتركيز وساعتين نراجع الأسئلة كلها، وساعة للأسئلة المهمة .
ونصيحة للكل محدش يسهر جامد في ال3 أيام دول والا هتضيع فيهم كلهم
وشكرا،،، والله الموفق،،،
baskoooota 02-05-2009, 04:49 PM يمكن أنا الوحيده فى المدرسه بتاعتى اللى علمى رياضه وواخه فلسفه
الحمد لله جدول الفلسفه حلو
ربنا معاكو يارب نعرف نعمل حاجه ونغيره
وأن معاكو لأنكو بجد صعبانين عليا
الشيماء ثانوى 02-05-2009, 05:20 PM ياريت بس حتى لو مرضوش يغيروا الجدول يجيبوه سهل
بس برضه الميكانيكا ميينفعش تتراجع فى نص يوم لاننا حتى ابلها هنكون بنراجع علم نفس
وهنكون سهرانين بليل وعايزين ننام لما نرجع ساعتين على الاقل
بس المهم ان احنا ندرب نفسنا على مراجعه اكبر قدر ممكن فى وقت قصير
@hanoun@ 02-05-2009, 06:35 PM انا طالب علمي رياضة وكل دة بس احنا عندنا السنة كله نذاكر فيها مايهمش الفترة القصيرة دي وعادي لكن بردة ماننكرش ان الجدول ظالم مش مشكلة اهي سنة وتعدي
eng.dody 03-05-2009, 06:17 AM انا رايى ان الجدول وحش اه معاكوا فيها
بس خلاص ده الامر الواقع
وعملنا شكاوى وهانعمل ............... ماشى
بس مش اكيد ان فى حاجه هاتتغير
بس الجبر اعتقد انه كويس قدامه يوم ونص بعد الفيزيا
علم النفس ممكن يتذاكر مع الفيزيا حتى ولو ساعه
ماهو مش معقول كلو فيزيا فى فيزيا
وحتى ولو ساعه برده ميكانيكا
اعتقد انها ممكن كده تتلم شويه
ده راى ............... وربنا معانا ونعدى على خير ان شاء الله
Tiestoooo_9 03-05-2009, 03:41 PM أنا نفسي الجدول يتغيرا ........ بس مش عارف أعمل إيه ..... و الله نفسي يتغير ......
ياجماعة اللي بيده حاجة يعملها ......
astun3:16 03-05-2009, 06:25 PM اوك انا معاكم بس هلى ينفع الامل
maiay 04-05-2009, 06:14 AM بصراحة يا جماعة اللي ذاكر بجد من اول السنة مش هيستني يومين قبل الامتحان
يعني مش فارقة
غادة الكاميليا 07-06-2009, 01:15 AM هو فعلا افترا جامد
و الى بيحطوا الجداول دول عاوزين يتعالجوا فى مصحة نفسية الاول
بس نقول ايه
الحمد لله على كل شىء
حسبنا الله ونعم الوكيل
هنا إبراهيم 07-06-2009, 01:19 AM يا جماااااااااااااااااااااااااااعة
جدول علمى رياضة كده كل سنة
علشان الفروع كتيرة مش اكتر
وبعدين ربنا ان شاء الله معاكم
وباذن الله امتحانتكم تيجى سهلة
على فكرة انا علمى علوم مش رياضة
miro love 07-06-2009, 03:49 AM انا هذاكر وخلاص
هعمل اللي عليا والباقي على الله
وماذا حدث ؟؟؟
مهما عملتوا ولو أعترضتوا وعملتوا إعتصام الجدول هو هو
طالب علمي رياضة واخد علم نفس !!!!!
Dr_toka 07-06-2009, 12:41 PM يا جماعه ده مفيش منه لازمه وبعدين جدول رياضه لازم يكون كده وخلاص الجدول مش هيتغير ومش وقت كلام دلوقتى انتم اللى لازم تعملوا حاجه مش هما انا عموما مش رياضه انا علوم بس الرياضه مجرد فهم قوانين وحل بس هتتذاكر كتير يعنى علشان ده كله واتمنى ليكم امتحاناتكم دى تبقى سهله ومحدش يزعل منى
حموكشة عبده 07-06-2009, 12:48 PM علووووووووووووووووووووووووم بس جدولى برضوا زى الزفت لأنى واخد فلسفة معايا يعنى عندى السبت أحياء والأحد فلسفة والاتنين مستوى(ولسه مفتحتوش)
ربنا يستررررررررررررررررررررررررررررر
غادة الكاميليا 07-06-2009, 10:57 PM ربنا يستر علينا كلنا
اهى سنة كبيسة وهتعدى ان شاء الله
تفائلوا خيرا تجدوه:):)
|